دعواتكم لزميلنا المفكر د.الباقر العفيف بالشفاء العاجل
|
|
 بورداب الرياض يحتفون بالزميلة د. داليا الكباشي
|
بسم الله الرحمن الرحيم
بالأمس و في إجتماع مطول تم فيه مناقشة عدة مواضيع هامة ، من ضمنها فقد تقرر أن يكون يوم الخميس الموافق 3 فبراير موعداً للإحتفاء بالزميلة د. داليا الكباشي عضوة فاعلة ضمن كوكبة بوردابيات الرياض.
سيتم تحديد المكان مساء اليوم.
سيكون التنسيق كالعادة من خلال أعضاء اللجنة الموقرة في كل ما يخص الإحتفالية مع بقية البورداب.
|
|
 
|
|
|
|
|
|
|
|
Re: بورداب الرياض يحتفون بالزميلة د. داليا الكباشي (Re: ابو جهينة)
|
| Quote: سيكون التنسيق كالعادة من خلال أعضاء اللجنة الموقرة في كل ما يخص الإحتفالية مع بقية البورداب |
مرحيا داليا الكباشي في سوح بورداب الرياض وان قست الظروف علينا فلم نستطع الفرح مبكرا في ظل غيمة الحزن التي اطلت علينا .
ابوجهينة
سلام
ارقام تلفونات اللجنة لوسمحت عشان التواصل مع الاعضاء والتنسيق .
| |
|
|
|
|
|
|
|
|
|
Re: بورداب الرياض يحتفون بالزميلة د. داليا الكباشي (Re: tmbis)
|
Quote: إدريس خليفة 0503469510
اسماعيل عباس 0505816590
د محمد الحسن 0565122959
يوسف السماني 0502129715
خالد سعيد 0504174755
علاء منصور 0500791374
ود الباوقة 0504132372
معتصم دفع الله0507909071
حميدة 0500130433
احمد العمار0504274134
ابو جهينة0551196211 |
ديل كلهم للتنسيق بس!!! عيني باردة...
لكن احتفالكم دا باقي ليكم ما بكمل سلام ساكت...
ازاي الحال الله يبارك فيك الله يسلمك....الله يبارك فيك الله يسلمك
ازاي الحال الله يبارك فيك الله يسلمك ...الله يبارك فيك الله يسلمك
والله مشتاقين...ويا زول وين الحي بيك...
والله قاعد كان سألت اي محل في غبيره بوريك انا وين
وينتهي الاحتفال بانتهاء مراسم المطايبة...
لو افترضنا اي منسق من الفوق ديل جاب معاه 5
ديل ستة وستين ازاي الحال مضروبة في تلاتة دقائق
ديل براهن تلاتة ساعات وتلت...واذا اخذنا في الاعتبار
هامش تأخير حضور كل زول منسقين معاه بي خمسة دقائق
ديل خمسة ساعات اضافية...يعني تجيكم الساعة واحدة بالليل
زي الرمشة. دا باعتبار زمن حضوركم 6 مساءا ودا مستحيل
مع جوامعكم الكتيرة دي.
| |
|
|
|
|
|
|
|
|
 Re: بورداب الرياض يحتفون بالزميلة د. داليا الكباشي (Re: محمد إبراهيم علي)
|
| Quote: ملاحظة : تمبس ده لو معزوم ما تنسو العشاء بتاعو (مرتديلا وبعض القش الاخضر لزوم الود عامل حمية كااااااااااك) |
..
يا زول انا ما عايز اي حاجة في اليوم داك .. جايب عدتي معاي بتنسيق كامل مع ود الصايم
بالشفتو امس في الاجتماع دا .. عادي جدا يهمشوني اليوم داك
عشان كدا الواحد يعمل حسابو من بدري .. يا يفرد ليهو واحد من ناس اللجنة ديل ..
والله يا باشمهندس اريتك تكون في .. علي الاقل الواحد كان استفاد من الترامس حقاتك البتجي بالكرباوي ديك
| |
|
|
|
|
|
|
|
|
|
Re: بورداب الرياض يحتفون بالزميلة د. داليا الكباشي (Re: Khalid Saeed)
|
Quote: ود الصايم ما تنسى العريس بكون قاعد مسكيييييييييييييييييين ضب ضب كده
وخجلان وعامل فيها تقيل
غايتو فرصة,,
يعنى بالميت كده حا يتكلم شهر حداشر الزول ده،،، |
.. Quote: عافي منهم والله!
وأطالب باستمرار اللجنة دي تلاتة وتلتين سنة لقدام! |
.. | Quote: تعرف تامبا .. اليوم داك لاعريس ولا حاجة .. بورادبي عديل كده ( تصدق الشرينق زاطوووووو .. قلعته منو بصفتي وزير مالية البورداب) |
..
عليكم الله عاينو للشفافية دي .. نقولو لي أفتح خشمك ..؟
غايتو البركة في اسماعيل عباس كل مرة والتانية كان بقول ليهم يا جماعة ادو الزول دا فرصة .. ادو زميلكم دا فرصة
| |
|
|
|
|
|
|
|
|
|
Re: بورداب الرياض يحتفون بالزميلة د. داليا الكباشي (Re: وليد عبد اللطيف)
|
[B]تسم ياريس......
Quote: عليكم الله عاينو للشفافية دي .. نقولو لي أفتح خشمك ..؟
غايتو البركة في اسماعيل عباس كل مرة والتانية كان بقول ليهم يا جماعة ادو الزول دا فرصة .. ادو زميلكم دا فرصة |
يا جميل إنت ما ود ام درمان والجنس للجنس رحمة...يا سيدى بشرنا يوسف السمانى بأن ألأستراحة DONE ينابيع مخرج 18 حاننزل الوصف لاحقأ
تمبس ما شاء الله كراعك وللا كراع داليا ماعارف لينة مشيتو جدة طمبجتوها الله يستر على الرياض..
داليا تستاهل كل خير زولة نضيفة...وإنت يازميل الله يديك العافية ما بنقدر نقول غير كده...
إحترامات شديدة...وتقديرات قدر الليلة وبكره..
| |
|
|
|
|
|
|
|
|
|
Re: بورداب الرياض يحتفون بالزميلة د. داليا الكباشي (Re: وليد عبد اللطيف)
|
مرحباً بالدكتورة داليا بالرياض وأشرقت الأنوار ،،، يا جماعة معتصم وزير العريس وين ما تنسوه ،،،
حضور بإذن الله ،، بس الله يكفينا شر العوارض ،،،
الاخ وليد عبد اللطيف ياخ لازم تجي وعندنا مواصلات قبل وبعد العرض ،، أها قصرنا معاك ،، ( ناس لكل الناس NAS AIR )وبحجز ليك من هسسة لوووووووول
تحياتي : ياسر العيلفون
| |
|
|
|
|
|
|
|
|
|
Re: بورداب الرياض يحتفون بالزميلة د. داليا الكباشي (Re: ايهاب نميري)
|
عافي منهم والله!
وأطالب باستمرار اللجنة دي تلاتة وتلتين سنة لقدام!
بالل شوفوا غتاتة ود الصايم .. عشان بعدين الناس تطلع مظاهرات و تقوم تأتي على الأخضر و اليابس ( وجه لابس قناع ضد الغاز المسيل للدموع )
***
الإستراحة يا جماعة إسمها ( ينابيع ) بمخرج 18 بالقرب من إستراحة نوفا
الحضور بدري يا أهلنا كلكم
نرحب بالضيوف الكرام
| |
|
|
|
|
|
|
|
|
بالمناسبة دى ياريس أنا معاى ضيوف..صديق البورداب أخونا أبوعيسى وعائلته....
نهب للضيف ديك الحزة....مافينا رخوة ولا فزرة....
| |
|
|
|
|
|
|
|
|
 Re: بورداب الرياض يحتفون بالزميلة د. داليا الكباشي (Re: ابو جهينة)
|
الريس أبو جهينه ورواد البوست الكرام .. بورداب الريـاض الاعزاء ,,
بالجد خجلوتني , والواحد بقى زاتوو من كترت الشكر ما عارف يشكر منو ولا منو ,,
شكرا ليكم كتير .. شكرا لكل من اشتقبلني .. شكرا للناس الزاروني واللي زرتهم .. شكرا لكل من اتصل او ارسل او حتى اعتذر لظرف ما ..
اتمنى ان اكون قدر المحبه دي كووولها ,
وانشالله يوم شكركم ما يجي .. شكرا اخوتي واخواتي واحبتي .. شكرا جميلا ..
بالمنـاسبه :
أطالب بي تغييرات جذريه في اللجنه أهمها : أستبعاد زميل البورض (^_^)
ساااااي .. حقاره كـدا
| |
|
|
|
|
|
|
|
|
|
Re: بورداب الرياض يحتفون بالزميلة د. داليا الكباشي (Re: tmbis)
|
Quote: الإستراحة يا جماعة إسمها ( ينابيع ) بمخرج 18 بالقرب من إستراحة نوفا
|
كده ياريس غريبة معاكم كنت متوقع تعملوها في مخرج 9 عشان صاحب باليين .......
الزملاء ببورداب الرياض شباب وشيب وشابات + زميلة رائعة في كل شئ ربنا يجمعكم دائما علي الخير ونتمني لكم ليلة وفاء ووفاق .
تياتي يا خال جلال الدين .
،،،،أبوقصي،،،،
| |
|
|
|
|
|
|
|
|
|
Re: بورداب الرياض يحتفون بالزميلة د. داليا الكباشي (Re: أيمن دياب)
|
Quote: العزيز وليد ..
اهلا بسيرة جدة .. وبالاخوان في الرياض .. وجودكم معانا ليهو طعم خاص جدا .. |
زولك دا شغال كمان يرحب بالناس ... والله كااااااك
طيب انتو د.داليا خلت اهلها وجات هنا ولا شنو؟
طيب منو البرحب بينا عند حليوة؟؟؟؟؟
غايتو لو بس الحكاية دي اتأخرت اسبوع كدى نجي خافسين عليكم على الأقل اديها واحد صقريةمع ود عمي عمر وقيلة نتجلدكمان.
تخريمة "موج"
يمنع اصطحاب الأحفاد.
واخيرا سلام كتير من عسير لأهل نجد وما جاورها
مخلصكم :ود الشيخ
| |
|
|
|
|
|
|
|
|
 Re: بورداب الرياض يحتفون بالزميلة د. داليا الكباشي (Re: داليا الكباشى)
|
Quote: بالمنـاسبه :
أطالب بي تغييرات جذريه في اللجنه أهمها : أستبعاد زميل البورض (^_^)
ساااااي .. حقاره كـدا |
زمان كان عندنا ود جيران كدا مزعج جدا .. موقف الحلة على رجـل واحده .. مرات بدون رجل زاتووو .. نصت نهار تلقاهو بيكورك .. لمبات الشارع الفي .. مكسره .. الكلـــــب الفي .. كابي ليهو صبغة في اللحمة يا مكسر ليهو قزاز .. موديهو بيهو في ستين داهيـة .. العربية الفي .. داقي ليهو مسامير في خشبة وخاتيها تحت اللساتك ..
يومين الحلة هادية وما فيها اي غلاغــل ... لمن ناس الحلة استغربو ..
مشيت البيت اتفقدو لانو بالجد وحشني .. واكتر زول كنت متكيف منو انا لانو بيعبر عن شعورو بشكل جيد .. مرات عديل كدا بصرفو وبديهو قروش عديل كدا والظرف الاقتصادي كان كويس والواحد نقاطتو راشة
مشيت اتفقدو .. لقيتو ليك نايم نوم الأرصفـة
قدرما هزيتو .. ما صحى .. قررصتو ما صحى .. كبيت فوقو موية بدا يتململ ..
جات امو جارية .. قالت لي النبي فيك كان تصحيهو .. دا نجضني نجاض الارصفه .. قلت ليها الود دا مالو قالت لي:
( دقيت لي تلاتة حبات إيلات باليوم .. ودرنتهن وعملتهن ليهو مع البيض في السندوشتي ..)
قلت ليها اهـا ..
قالت لي ياكل في الساندوتشي ومالي جيبو حجار ومارق الشارع .. ياكل ويقولي الساندوشتي طعمو مر .. كملو بي جاي ولقيتو نايم جمب خشم الباب وكرعينو ممددات في الشارع .. كريتو جبتو .. تاني ما عندي ليهو غير الباليوم دا .. ..
المهم ..
لو استمريتي في خطابك الموجه لي اللجنة الموقرة .. احتمال كبير ما اسوقك معاي الحفلة دي ..
أو اسوط ليك حبتين (انتستين) في اقرب علبة بيبسي
| |
|
|
|
|
|
|
|
|
|
Re: بورداب الرياض يحتفون بالزميلة د. داليا الكباشي (Re: طارق ميرغني)
|
Quote: لكني برطعت يا تمبس مع عوضيه سمك
اصبر
بجيك وبجيب الصور |
..
غايتو .. بس خليها سااي
ياخ ماف اي تقنية جديدة تتعلق بي تجميد .. أو عبوات تصدير بتاعت (قراقير) بأحجام كبيرة .. ؟
لمتين تستفزو فينا كدا ياخ ..؟
..
يا باشمهندس ..
امانة .. تدرعه لي عوضية في رقبتـه ..
قوليها في واحد هنا (مكوفـر) عديل عاش طفولتو المعذبة في نفس مكان دكانك دا .. تتصرفي ليهو في أربعة خمسة قطع بتاعت قراقير دميرة من اللونه اصفر وتوصليها ليهو الرياض والحساب لا ولد ولا تريس هارد .. توصليها إن شاء الله تعملي ليك نهـر عظيم من الموردة لي حي المــعذر ..
إنتو يا جماعة الواحد إلا يقوليكم الروووب عديل كدا ..؟
.
.
والله يا باشمهندس .. من شدة الكوفاره او الكافيار أو سمها ما تشاء ، مشيت بنده قبل كم يوم أنا وزميلة البورد اعلاهـا .. جبت لي كمية من روسين اسماك البحـر .. هامور .. وشعـور .. خاتيها في التلاجة اطلع فيها واعاين فيها واضحك .. اضحك وامشي واجيها راجع .. راجع ..
..
عليك الله يا عوضية .. انا آكل هامور .. وناجل وسلطان إبراهيم أو أي كان اسمو وبعض المحـار ..؟
يرضيك هذا الفعل ..؟
| |
|
|
|
|
|
|
|
|
 Re: بورداب الرياض يحتفون بالزميلة د. داليا الكباشي (Re: طارق ميرغني)
|
Quote: اخيرا يا تمبس بقيت بتاع باسم سمك ؟؟؟
شي عجيب |
.. لا يا باشمهندس .. انا بحب اقرا ذاكـرة السمك من خلال الراس مباشرة .. .. | Quote: والدكتوره تراها بتاعة نيفة سمك |
.. للاسف يا هندسة .. NoOoOo .. قاده علوم بحـار عديل كدا .. لما كنا في السودان .. مشينا انا وهي عوضية قالت لي عايزه سمك من عوضية .. قعدنا راس .. فشلتني ليك ، بقيت انقي ليها في السمك من الشوك وادي فيها .. اثناء ما أنا باكل خفت يدخل علي واحد سمكونجي .. يقوم ينهي لي تاريخي .. يقول الزول دا عرس ليهو زولة تعتر ليها الشوكـة في نص البلطية .. من ناحية أخرى زولتك دي بتاعت قراريص حريفه جدا
Quote: والله يا تمبس ما تعرف كمية السعاده وانا اقابل عوضيه للمرة الاولي
لكن سمك ابو لستك قمة الطعم والله
حاشوف لو عندها كانكيج بجيب ليك ...!!! |
.. ياخ عوضية دي ربنا يزيده ويزيده ..
مرة كنت واقف قدام الفترينه ومستعجل وجعان جوعـه شديدة جدا منتظر الطلب حقي .. وفي باقي سمك على الفترينه بيغطي لي الطلبية حقتي .. تخيل فجأة وقفو شفع صغار قدام الفترينه عابرين سبيل .. وشكلهم بيوحي أنو ما عندهم حق قطعة واحده ..
تخيل يا طارق الزول دا باصاني ليك عادي جدا .. وشال كمية السمك الباقية دي .. ولفاها للاولاد ديل وخت ليهم كمية بتاعت عيش وجيهه ليهم جوه الكيس .. وابتسم لي بطريقة سمحه خلاص .. ياخ انا ارتحت راحة كدا من جوووووه جوعتي ذاته فكت مني .. قلته ليهو في سري .. ربنا يفتحه عليكم دنيا وآخـره ..
..
ياخ كنكيج دي بالغته فيها عديل كدا ..
| |
|
|
|
|
|
|
|
|
|
Re: بورداب الرياض يحتفون بالزميلة د. داليا الكباشي (Re: الصادق خليفة)
|
بالله يا تمبس اسال زميلة البورد عن معني كلمة كنكيج؟
الف تحيه لمن سال عني من السيك مرورا بالاسماك
ومن هنا اتمني من الاخ ابوجهينه ان يضمن الاسماك في احتفال داليا كباشي
الشايقي احسن من يعمل صينية سمك رغم ادعاءات المحرب عنه
ادريس علم الهدي احسن من يعمل الفسيخ
داليا كباشي احسن من يعمل شوربة ريسين سمك
تمبس احسن من يعمل مزة كابوريا او استاكوزا
ولكم خالص ودي
| |
|
|
|
|
|
|
|
|
|
Re: بورداب الرياض يحتفون بالزميلة د. داليا الكباشي (Re: ادريس خليفة علم الهدي)
|
Quote: Quote: شينة من بورداب الرياض يخططوا و ينفذوا في 24 ساعة!
كان تخلوها اسبوع عشان نتشرف بالتعرف على بعض شفوت الرياض
يا عمك أقرأ تاريخ المقتبس تجده بتاريخ يوم السبت الماضي 29/1 |
ألأخ/الصادق السلام عليكم ومرحب بيك..والعشم نحن برضو نشوفك.....وعلى ما أعتقد أن ألأخ/ إدريس أجابك..ونحن نخطط قبل فترة كافية حتى يكون عدد كبير من ألأخوان حضور..واللجنة تبزل مجهود كبير لمثل هذه ألأحتفالات...
أمنياتنا ان نراك قريبآ....
| |
|
|
|
|
|
|
|
ابو جهينة
محمد عبد الماجد الصايم
يوسف السماني يوسف
صديق الموج
أيمن مبارك أبو الحسن
نادر النور آدم
tmbis
صلاح غريبة
الخير محمد عوض
Khalid Saeed
nazar hussien
أبو الحسين
محمد إبراهيم علي
وليد عبد اللطيف
ismeil abbas
ياسر السر
ايهاب نميري
زول ساكت
إدريس محمد إبراهيم
معاذ حسن
عبدالفتاح أبوشيمة
الامين موسى البشاري
nassar elhaj
داليا الكباشى
مجدي عبدالرحيم فضل
MOHAMMED ELSHEIKH
د.محمد حسن
أحمد الصديق
الوليد الرشيد وراق
محمد علي شقدي
جمال السنوسي
abdulhalim altilib
طارق جبريل
الصادق خليفة
خالد عبد الله محمود
ادريس خليفة علم الهدي
Zomrawi Alweli
الصادق يحيى عبدالله
ABUHUSSEIN
فيس بوك
تويتر
انستقرام
يوتيوب
بنتيريست