|
|
 برقية لـ تمبس .. وآخرين!
|
* إن شاء الله تكون شفت الموردة كلها في حلقة أمس من (مساء جديد) .. خصوصا دكان عمكـ السكي!
وأهم حاجة الزول الغنى لي بوب مارلي!
قف تأمل!
|
|
 
|
|
|
|
|
|
|
 Re: برقية لـ تمبس .. وآخرين! (Re: ismeil abbas)
|
Quote: * إن شاء الله تكون شفت الموردة كلها في حلقة أمس من (مساء جديد) .. خصوصا دكان عمكـ السكي!
وأهم حاجة الزول الغنى لي بوب مارلي!
قف تأمل! |
.. والله يا كاروشة عيب عليك ..
مساء جديد لما يجيبوهو المغربية انا بكون راجع من العيادة  يادوبك وبكون عملته فيتنام يا بنجز في الحجر بتاع ما بعد العيادة .. علشان (اهضم) بيهو حق الطريق ..
لما يعيدوهو بالليل .. بكون في قيلولتي الليلية .. والله إلا بالصدفة .. ومرات لما افتحو واللقي رشا مافيشة بقفلو طوااالي ..
عليك النبي رشا تكون مافيشة شـن طعمو التلفزيون ..؟
ياخ مفروض حاجات زي دي لما يجيبوهنا تعمل اشهار .. إنت ما عندك تلفون ..؟ واللا دي مقارز جديدة منك ؟؟
تتخيل في نفس يوم الحلقة بالليل .. كنت بعمل في حاجة كدا وفجأة فتحت النيل الأزرق .. لقيت ليك عمنا كمال ابشر قاعد يتكلم عرفت انو الحاصل دا ليهو علاقة بالموردة .. بعد شوية الفنان ايمن حسين .. وكلام كتير عن الموردة .. طبعا غلبني أقوم اجري على الكمبيوتر علشان اضبط برنامج التسجيل .. وقلت يااارب .. يارب مافي واحد يجيب السيرة دي في البورد لو ما جاب معاها تسجيل .. لانو ضغطي ح يترفع.
باقي الكلام الحصلتو من كلام ايمن .. كنت متمني اجيبو البورد هنا دا .. علشان في ناس كتار قلت ليهم الكلام دا عاملين مجانين .. وعاملين رايحين ..
طبعا الحلقة دي ما في ليها اعادة مش كدا..؟
| |
|
|
|
|
|
|
|
|
|
Re: برقية لـ تمبس .. وآخرين! (Re: tmbis)
|
Copy
Quote: المطرة صابة .. أعمل حسابكـ ما تمشي تكسر عربيتكـ!
أصلا المكسرين (فيكـ) ما شوية!! |
أمبارح عامل فيها الود حريف .. عملت زغبير بعدما قفلت منك السماعة يعني اطناشرات كدا .. قلت الجو جو فسيخ .. والواحد على الاقل .. يمشي ينجز ليهو حجر بالنهار العين بتشوف ..
يللا ركبت الخط .. وقبلما اصل العيادة حقتك .. قام واحد رجمني ليك من الخلف لمن انا اتكيفت ليك منو .. يعني زي ما تقول ختاها لي في الخطرات .. وحيات ابتسامتك الواحد مع مطرة امس دي كان متسامح خلاص .. والله ولا اشتغلته بيهو .. كان اشتغلته بيهو كان ابقى فاره زي عمران عمران رجمو ليك في البطحا .. من الساعة اتنين .. المرور جاهو الساعة خمسة .. يعني المطرة دي كلها فوق راسو ..
أنا وهم ..؟ عليك الله دي مطرة يرجو ليها المرور في الشارع ..؟
لما وصلت البيت .. الحديد كان زي ما الله خلقو .. قلنا ليكم نحن اولاد فقرا وناس البجردو اللالفية الليلة طاري الجية ما عايزين تصدقوني ..
بعدين تعال هنا .. مسالة الفسيخ دي والله بتتعبكم ..
يكون في علمك .. وعلم كل من لف لفك بما فيهم عمران .. اي فسيخ بيجي من الموردة المصدر مباشرة .. بتجي معاهو ورقة صغيرة ملصقة في العلبة .. عبارة عن (كتلوج).. مكتوبة بي خط اليد..
يعني كان قدرت اعزمكم معاي الجردل بتاع الفسيخ دا .. والشال عمران تلات ارباعو دا .. احتمال كبير ما اضمن ليكم سلامتكم .. الواحد فيكم يفط ليهو سطر في الكتالوج تقوم تتعارض ليهو شوكة في حتات حساسة يجي يجيب لينا نحن رقبة ..
فسيخ الموردة دا يا كاروشة إلا تاكلوهو بالكتلوج .. يا يوصفو ليك اكل من هنا وما تاكل من هنـا .. تهااا هااي
المرجع:
تمبس التامبيره .. تابع اساسي خروف المشك هيا إلى العمل ..
بالمناسبة يا كاروشة .. بلاي لو لقيت البوست دا جيبو لي هنا .. اصلي عايز افتح بلاغ وعايز مواد اضافية تعزز .. اتهاماتي ..
حووول
| |
|
|
|
|
|
|
|
|
 Re: برقية لـ تمبس .. وآخرين! (Re: tmbis)
|
عليكـ الله ناس السودان ديل بخلو ليكـ حاجة عشان تحول!
بالمناسبة يا عمكـ
ما تعصر على الناس ديل شديد ياخ!
خليهم يفرحوا
اسمعني
إنت ما عرفت التفسير الجديد لكلمة خطرات؟
| |
|
|
|
|
|
|
|
|
 Re: برقية لـ تمبس .. وآخرين! (Re: محمد عبد الماجد الصايم)
|
ود الصائم يارشاشة ...
ياخي صاحبك ده حيرني في راسي ده ... من يوم جابوه ليهو الشيء ده عامل زغبير  . .والله مشيت ليهو أكثر من مرة ... أتصل عليه يقول والله أنا بره البيت ... بجي متأخر وكده  ، كل يوم أجي شايل معاي العيش ( الرغيف ) بتاع الفرن الالي السمح دااااك أقول أغنج لي كم لقيمة كده بيهو من الفسيخ الما خمج بتاع الحاجة داااااك . زولك طوالي يعمل لي توزيعة .. أها المشكلة عايز أشرك ليهو بس نظام الدوام الواحد ده واقف لي عترة ... لكن بجيبوا ليك .... الله في ...
أرقــد عافيــــة ( ما عافيةالفنانة ) ....
| |
|
|
|
|
|
|
|
|
 Re: برقية لـ تمبس .. وآخرين! (Re: osman righeem)
|
ود الصائم كيفنك ومشتاقين ياخى ,,
والله وجعنى ضنب الكديسه المسكينه دى جنس وجع ,, وبعدين ,,
قامت جاريه بدون ضنب ؟ وأوعى يكون الضنب لافى فى المكنه لهسه
وانت ماجايب خبروا ؟
غايتو تضامنا مع الكديسه دى ياريت لو كان المكنه صلبت , ممكن
تتعمر , بس الضنب ده يعمروا كيف ؟
كتير تحياتى ,, واحد من الآخرين ,,
| |
|
|
|
|
|
|
|
|
|
Re: برقية لـ تمبس .. وآخرين! (Re: كمال سالم)
|
ود الصايم ازيك كده
دايرة عبر هذا البوست أوجه بعض البرقيات ممكن ؟
كويس شكراً انو ممكن سمح ؟
البرقية الأولى للعزيز تمبس
عليك الله ياتمبس ماتغيب من المنبر لأنو غيباتك كترت وماعارفة الموضوع هل ليهو علاقة بجردل فسيخ الحجة الجابو ليك عمران ؟!!
يعني هل موضوع الفسيخ ده معطلك من التواصل وراجيهو يخلص كلو كلو ؟!!
البرقية التانية للصديق الغالي
العريس الشفيف معتصم راجل مودة 
يازول ماكفاك قوم تعال وبعدين الرسول فيك ترسل لي صورة ليك إنت ومودة ومعاكم رقية وبكري في النص سمح ؟
البرقية التالتة للأستاذ الأخ دكين ابدول
إر سي يا دكين أمبس وان هال مندي بالله ؟
وكده يعني
| |
|
|
|
|
|
|
|
|
|
Re: برقية لـ تمبس .. وآخرين! (Re: محمد عبد الماجد الصايم)
|
..
.
كنت متـاكد تامبا دا ما دام لصق ببوستيك فى السعودية دى
حيفوتهو الكتير ولن يرى الا القليل .. سيعود ويجد ابوعنجة سارى مرفأ ابوعنجة
لليخوت والزوارق السريعة ..
تحية للصايم
وتمبس وعمدة ونادية والفاروق
واخرين ..
_____________
اخرين دى عشان اى زول نسيناهو 
| |
|
|
|
|
|
|
| |
محمد عبد الماجد الصايم
Adam Mousa
ismeil abbas
tmbis
معتصم محمد صالح
osman righeem
كمال سالم
فيس بوك
تويتر
انستقرام
يوتيوب
بنتيريست