بنات سنار..يا قبانى ومحمد المرتضى حامد..!!

مرحبا Guest
اخر زيارك لك: 03-29-2024, 04:44 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف للعام 2016-2017م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
02-25-2017, 12:06 PM

Kabar
<aKabar
تاريخ التسجيل: 11-26-2002
مجموع المشاركات: 18537

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
بنات سنار..يا قبانى ومحمد المرتضى حامد..!!
                  

02-25-2017, 12:08 PM

Kabar
<aKabar
تاريخ التسجيل: 11-26-2002
مجموع المشاركات: 18537

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بنات سنار..يا قبانى ومحمد المرتضى حامد..!! (Re: Kabar)


    هي مجرد وسنة ساكت ياااااااااااخ ..!
    واهلنا قالوا التاجر لمن يفلس بيقوم يفتش دفاتروا القديمة وشنو كده ما عارف..
    ليهن التحية والمحبة أينما كانن وكيفما ما كانن..!!
    ثم..
                  

02-25-2017, 12:10 PM

Kabar
<aKabar
تاريخ التسجيل: 11-26-2002
مجموع المشاركات: 18537

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بنات سنار..يا قبانى ومحمد المرتضى حامد..!! (Re: Kabar)


    عارف يا يحي ، محمد مرات بتذكر حي العرب في امدرمان ، وانا لمن سمعت الذري (ابراهيم عوض) مشيت فتشت حي العرب ، حددتو كجغرافيا ،
    لكن لمن سمعت اشغال عبد الرحمن الريح ، عرفت اني مابعرف حي العرب اللهم الإ كن سلبطة ساكت..!!


    اما البنات ، بنات سنار.. ااااااااااااااخ ياخ..!!
                  

02-25-2017, 12:18 PM

Osman Musa
<aOsman Musa
تاريخ التسجيل: 11-28-2006
مجموع المشاركات: 23082

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بنات سنار..يا قبانى ومحمد المرتضى حامد..!! (Re: Kabar)

    سلام اخ كبر
    وعبرك التحايا لكنداكات مملكة سنار و مملكة النرويج . سنار في القلب ياخ .
                  

02-25-2017, 12:19 PM

Kabar
<aKabar
تاريخ التسجيل: 11-26-2002
مجموع المشاركات: 18537

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بنات سنار..يا قبانى ومحمد المرتضى حامد..!! (Re: Kabar)




    الغنية دي ، اقدم فيرشن ليها بيؤديه الليجند بادي محمد الطيب (التحية لصديقنا وا ستاذنا دكتور احمد القرشي ، وهو عضو في المنبر ، وبتذكر كنت بحضر اركان نقاش احمد القرشي في سنتر جامعة الخرطوم ، ومنه نعلمنا السخرية وحاجات كتيرة يااااااااخ..!!)
    ولمن اعاين لبادي ، بدون ما اشعر بقوم افتش ، صور لبادي ، صور قديمة ، قبال ما يعمل ابونا بادي خصل الراستا، الخصل التي ساقتنا لبحث معانيها لغاية الراستا فاراري في جمايكا..!
    في الفيرشن ده من الغنية ، هناك لمحة بتشكل كسر من الثانية ، فيها يا احمد القرشي ، ابونا بادي بيستغرق للطيش وبيصرخ ( الله) ، وشكرا للتكنولوجيا انها حفظت الحتة دي..!!

    وين البنات ، بنات سنار هنا؟..

    يا مدلل سيب دلالك ده..وهاك شنو كده ما عارف..!!

    بادي بيغني ، ومعاهو عامر الجوهري ، وعامر وكتها ما كان عندو نضارات ..صديقنا تمبس (علاء منصور ) هو من علمنا عامر الجوهري ،
    ثم بعد سنوات ونحن نذكر عامر الجوهري (غنية التاج مكي: شاقي روحك ليها) خرجت علينا استاذتنا الجميلة سلمى الشيخ سلامة عشان تقول لينا عامر اب راسين كان فردة وكده..!!
    وتمبس علمنا السماع لريماز ميرغني ، عافية حسن ، بت الضقالة (حرم النور) ثم انصاف فتحي..وسيـأتي ذكرها لاحقا..!!
                  

02-25-2017, 12:35 PM

Kabar
<aKabar
تاريخ التسجيل: 11-26-2002
مجموع المشاركات: 18537

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بنات سنار..يا قبانى ومحمد المرتضى حامد..!! (Re: Kabar)


    عثمان موسى..الواحد ده..!!

    خلعتني يا صديقي ، وفي نفس الوكت طمنتني ، وذكرتني باني زول..!!

    هل تصدق بقدر ما بحب مملكة سنار وناسها ، بحترم مملكة النرويج ، نرويج حكمة الدرودز..
    Druids
    وانا ما بفسر ، وانت ما تقصر..!

    كتر خيرك على المرور الأنيق/الحكمة..!
    وعبرك التحية ليهن ، بنات سنار.. ولو ربنا كان بعث رسولة.. صدقني ح تكون من بنات سنار..!!

    ومافي داعي لإنبشاك اكتر من كده..!

    شكرا يا صاحب..
    كبر


                  

02-25-2017, 12:51 PM

Kabar
<aKabar
تاريخ التسجيل: 11-26-2002
مجموع المشاركات: 18537

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بنات سنار..يا قبانى ومحمد المرتضى حامد..!! (Re: Kabar)




    عارف يا يحي ، لمن اتخرجنا ومن الجامعة ، لحظات قليلة قبل التخرج ، قام صديقي الأمدرماني الجميل عبد الباقي الجزولي (دكتور عبد الباقي) ، عمل دفتر ، نظام ميموري جورنال ،
    وكتب فيهو خواطر عن ناس كتار (بنات واولاد) ، في الحقيقة كانت رسم بالكلمات لوجوه الناس ديل..!
    في صفحة ، يا يحي ، كلام عن المنجوه كبر ، وهو كلام جميل وطيب ، لكن بتذكر منو فقرة فيها حقيقة اكتشفها عبد الباقي ، وانا نفسي ماكنت عارفها عني او منتبه ليها ،
    فقال عبد الباقي عن كبر انو مغرم ببنات سنار..وسماهن عبد الباقي ، يا ريتو يكون محتفظ بتلك القصاصات الجميلة ، عشان اشتريها منو واهديها لبناتي..!!

    كبر
                  

02-25-2017, 01:09 PM

أحمد محمد عمر

تاريخ التسجيل: 03-03-2010
مجموع المشاركات: 6272

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بنات سنار..يا قبانى ومحمد المرتضى حامد..!! (Re: Kabar)


    هل أتاك نبأ الخريريشة يا كبر !
    قرية صغيرة وادعة على رمال البطانة
    مررنا بها عابرين قبل عشرين عاماً ولا يزال المشهد محفوراً بأعيننا
    ترجلنا من العربة لنتمشى قليلاً ونتفرج على القرية لكن خارت قوانا من أول زقاق وقد مرت بنا امرأتان جعلت أشقانا يرفع بصره للسماء متسائلاً (وينو القد النزلن بيه الحوريات ديل؟ ) ، عبرنا الزقاق الثاني فإذا بمجموعة من طالبات الثانوي لم نستطيع تمييز أحلاهن بل لم نستطيع أن نرجع البصر كرتين
    قال أحدنا مجيباً على السؤال السابق (بل نحن من طلعنا السماء .. يكون حصل لينا حادث ومتنا شهداء ؟!!)
    توقفنا مشدوهين والبعض جلس أرضاً بعد أن فقد الإحساس برجليه ورجعنا دون أي اتفاق إلى العربة منتهرين السائق أن امض بنا بعيداً فقد أوقفت قلوبنا الصغيرة المسكينة يا رعاك الله
    كنا شباب حدث وكان السائق من أهل البطانة فخاطب أكثرنا تأثراً (يا زول إن درت لك واحدة هسة بنمشي نخطبها ونعرسها ليك نحن ناس البطانة ديل ما بنتوقف في الحلال) فقال له هائماً (عرس شنو يا ود الناس ! هو دي أنا بقدر اعاين فيها ساي ! خلي المسها .. عليك الله أرح خلينا في العلينا )

    لا زلت أذكرهن إلى الآن ولا أخفيك سراً أننا فكرنا في تكرار الزيارة عدة مرات لكن في كل مرة كنا نجزم بأن جمالهن لا قبل لنا به .. وبعد مرور السنين بدأت في التفكير بأن ذلك الاحساس من فعل هرمونات الطاشرات أو هو عدوى جماعية تعميك عن التقييم منفرداً أو ربما لأننا لم نكن نعرف النساء وقتها، إلى أن قابلني أحد الشباب قبل فترة بالخرطوم .. طويل القامة أبيض اللون لولا خشونة شعره لما صدقنا أنه سوداني، بجلباب أنيق وطاقية .. باسم الثغر أفلج الأسنان سألناه عن مكان فأصر على توصيلنا بدلاً من الوصف .. التفت إلى فرأيت حدقة عينه بلون بني فاتح مميز فسألته مباشرة بدون أي اتيكيت (إنت من وين؟) فأجابني (من حتة اسمها الخريريشة ما أظنكم تعرفوها) أجبته في سري (تعرف السرقة ونط الحيط آ يابا .. الله ياذاك كان رجعتنا 20 سنة لا وراء)



    ______________
    ملحوظة
    في حال حدوث أي غارة جوية يجب التنبه إلى أن المشاركات داخل البوست على مسئولية صاحبه وهو من قال بنفسه سجن سجن غرامة غرامة .. لا أنا
                  

02-25-2017, 01:22 PM

Osman Musa
<aOsman Musa
تاريخ التسجيل: 11-28-2006
مجموع المشاركات: 23082

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بنات سنار..يا قبانى ومحمد المرتضى حامد..!! (Re: Kabar)

    يا استاذ كبر عليك الله شوف طريقة الليجند مايسترو بادي في تحكير الالحان في دي
    الورشة العجيبة .
                  

02-25-2017, 01:37 PM

Kabar
<aKabar
تاريخ التسجيل: 11-26-2002
مجموع المشاركات: 18537

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بنات سنار..يا قبانى ومحمد المرتضى حامد..!! (Re: Osman Musa)


    اٍنا لله.. يااحمد يااااخ..!
    الواحد قايل براهو شايف وممكون..اتاري المكتولين كتار..!!
    ما تجوا نسوي حلف الضحايا يااااااخ..!!
    كتر خيرك على المرور يا صاحب..!!
    بطريقتك دي لو شقيت فرقان دار حامد ، بتغمر لينا في السكة ، ونمحن معاك يا قريبي..متذكر كلام الناصر قريب الله الغناهو الكابلي..؟..
    سلام لأهلنا في البطانة ، وخصوصا ناس خريريشة..!
    ياخي امسودان دي فيها خلايق ، اجمل ما فيها انها مدسوسة هناك بعيد..!!
                  

02-25-2017, 01:39 PM

Kabar
<aKabar
تاريخ التسجيل: 11-26-2002
مجموع المشاركات: 18537

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بنات سنار..يا قبانى ومحمد المرتضى حامد..!! (Re: Kabar)



    حبيبنا عثمان..
    ككيف ياخ نتكلم عن المايسترو الليجند بادي واستاذنا دكتور احمد القرشي عضو في المنبر؟..
    نحن ناس سارق وهجمات مرتدة ساكت .. يعني مرات تصدق ومرات تخيب..!!
    كبر
                  

02-25-2017, 01:55 PM

Kabar
<aKabar
تاريخ التسجيل: 11-26-2002
مجموع المشاركات: 18537

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بنات سنار..يا قبانى ومحمد المرتضى حامد..!! (Re: Kabar)


    اضافة سارة النور ، يا يحي ، مقصودة لأنها اساس المقاربات والمفارقات..وليها صلة بوجوه بنات سنار (ناسنا نحن وكده)...

    المفارقة الشغل التالي ، لثنائي نادر اسمو ثنائي كردفان (امبلينا السنوسي وفاطمة عيسى) ، والعمل وثقت ليهو مكتبة الأغنية السودانية ، وهو موقع على الإنترنت باشراف صديقنا يحي قباني..
    الغريب في الغنية دي انها من كلمات والحان: محمد احمد هرون..!!



    وللناس البتعرف سيرة امبلينا السنوسي والجهة الجاية منها (زينا كده يا يحي / وما تخافوا ماح نجيب سيرة قبيلة امبلينا لأنها ايقونة سودانية والناس بتحب تعرفها هكذا)
    الناس البتعرف امبلينا ، ممكن تتساءل ببراءة: والي شمال كردفان الحالي (مجرم الحرب كما يحلو لينا بالتريقة عليهو) اخونا احمد هرون ، اسمو احمد محمد احمد هارون..!!! حدي فاهم حاجة..!!!!

    في انقلاب حسن حسين عثمان (5 سبتمبر 1975) نميري اعدم ضباط كتار ، منهم الملازم الشاب قاسم هرون (شقيق احمد هرون القدامنا ده) والملازم عبد الإله خوجلي (شقيق الأستاذ حسين خوجلي القدامنا ده)..!!

    ويا بنات سنار: ارحموني يا ناس وحنوا علي ، انا في جواركم يا ناس الثريا..!!!



    شكرا يا صاحب..
    كبر
                  

02-25-2017, 02:16 PM

Kabar
<aKabar
تاريخ التسجيل: 11-26-2002
مجموع المشاركات: 18537

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بنات سنار..يا قبانى ومحمد المرتضى حامد..!! (Re: Kabar)


    الغنية دي ثنائي النغم (زينب احمد خليفة وخديجة عمر)..



    الغرض منها انو الناس تسمع صوت ثنائي النغم زمان ، وهو صوت لا يختلف مطلقا عن لا يختلف عن كثيرا تسجيلات ثنائئ النغم في الألفية الثالثة ..
    مفارقة جانبية..ياترى هل هناك تقارب بين لحن غنية ثنائي النغم (مالك يا حب) وغنية الفنان صلاح بشير ( بروان) الموسومة (انحنا كده)؟؟؟؟
    كبر
                  

02-25-2017, 02:31 PM

Kabar
<aKabar
تاريخ التسجيل: 11-26-2002
مجموع المشاركات: 18537

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بنات سنار..يا قبانى ومحمد المرتضى حامد..!! (Re: Kabar)


    هنا ثنائي النغم (اول حبيب)..



    والإضافة مقصودة ، وذات صلة بالنقة ، بعد شوية ح نكتشف معانيها..


    بالطبع الحكي عن بنات سنار..


    الفيرشن ده الناس بتشوف ثنائي النغم ، الطويلة شوية هي خديجة عمر ، في حديث ليها بتقول انها من عد الفرسان في دارفور ، وهي منطقة بالقرب من مدينة الضعين ،
    اسمها الأصلي (عد الغنم) لكن دولة الباب العالي عمر البشير في بداياتها كان عندها عقدت التأصيل فقامت اتقعدت من حكاية (عد الغنم) زي ما اتعقدت من حاجات كتيرة في امسودان..!
    القصيرة (ثنائي النغم) هي زينب خليفة ، وزينب من ناس الأبيض ، لكنها قالت شهادة جميلة وطريفة ، وقالت هي اصلا من المسبعات..
    وكلنا قرينا في تاريخ امسودان عن سلطنة المسبعات ، وكانت عاصمتها هي مدينة الأبيض الحالية ، لكن نادر نشوف وجه من اهل المسبعات..!!
    لكن داير اقول شنو من اضافة غنية ثنائي النغم (اول حبيب)؟..
    متذكرين سارة النور ( يا مدلل سيب دلالك)؟
    كبر
                  

02-25-2017, 02:44 PM

Kabar
<aKabar
تاريخ التسجيل: 11-26-2002
مجموع المشاركات: 18537

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بنات سنار..يا قبانى ومحمد المرتضى حامد..!! (Re: Kabar)


    نفس غنية ثنائي النغم (اول حبيب)
    غنتها الباشمهندس انصاف فتحي (نقول شنو يا يحي ، انتو ناس هندسة طوالي خارطين الناس)..



    وكلم اسمع انصاف ، طوالي بقول لنفسي : يا ريتها تلحق تغني مع ثنائي النغم ، حتى لو واحدة منها..!!
    وكتير بتمنى انصاف تلحق تسجل شغل مشترك مع امبلينا السنوسي ، حتى تعيد لينا الزمن الما عشناهو.. زمن ثنائي كردفان..!!

    كبر
                  

02-25-2017, 02:52 PM

Kabar
<aKabar
تاريخ التسجيل: 11-26-2002
مجموع المشاركات: 18537

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بنات سنار..يا قبانى ومحمد المرتضى حامد..!! (Re: Kabar)


    في لحظة سودانية جميلة وشاردة ، غنت زينب خليفة (فردة ثنائي النغم) غنية سودانية جميلة ، فيها نفس كردفان الحنون ، غنت (يمه الله من الريد) يا بنات سنار..!!

    والتسجيل بصوت زينب معدوم ، وبصوت ثنائي النغم برضك معدوم ..!!

    وقامت انصاف فتحي غنتها..وغنت معاها الأشجار والصيد والموية (يا انصاف فتحي)..!!



    وبرضو متذكرين سارة النور..؟!!
    انصاف فتحي وسارة النور قريبات بعض ، يعني صلة دم وكده..!!
    وعندي يقين ، هن برضك قريبات بنات سنار..!!

    كلوة..!
    مسكين قليب الريد ، طول ليلا ما قال شح..!!
    كبر
                  

02-25-2017, 03:05 PM

Kabar
<aKabar
تاريخ التسجيل: 11-26-2002
مجموع المشاركات: 18537

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بنات سنار..يا قبانى ومحمد المرتضى حامد..!! (Re: Kabar)


    وبنات سنار..
    التلاتة بنات..
    الأولى طالعة للنهار ،
    التانية لفاها الخدار ،
    والتالتة من لون السمار ، دي من عزة لفاها الوقار..




    غايتو..
    حلوات رموشن يجرحن ،
    سمحات رموشن يجرحن ،
    في قلبي امسن واصبحن..!!

    هذا والسلام عليكم..
    كبر
                  

02-25-2017, 03:36 PM

علي دفع الله
<aعلي دفع الله
تاريخ التسجيل: 08-31-2012
مجموع المشاركات: 4740

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بنات سنار..يا قبانى ومحمد المرتضى حامد..!! (Re: Kabar)

    بعاين بعاين بعاااااين بي عيوني ..
    برجع ليك وبحكي ليك عن صاحبي الجمري حامد و بنات سنار ..
    ازيك يا صديقي واحبك لمن تكون رايق
                  

02-25-2017, 03:39 PM

Haytham Ghaly

تاريخ التسجيل: 01-20-2013
مجموع المشاركات: 4763

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بنات سنار..يا قبانى ومحمد المرتضى حامد..!! (Re: Kabar)

    انا لله يا كبر ياخي

    انت قايل الجماعة الركبو الفيات ما قالو الروب
    وحاتك قالو الروب ولي يوم الليلة يتغنو بالسايق الفيات الفنانين من اللحو وانت ماشي
    فسلام على ركاب الفيات وسلام على ربوع هندة وساكنيها

    في واحد من بوستات ابكر الطويل كان علقنا على اغنية يوم طلعت القمرا
    وقلت انها تذكرني بارياف السودان وجمال تلك الارياف وبرضو بتذكرني
    يا كبر ولا ادري اين المقاربة هنا ولكن بمجرد سماع هذه الاغنية اتذكر
    رواية لكاتب روسي نسيت اسمه الان قرأتها في زمان لن يعود مثله علينا مرةً اخرى
    اسم الرواية : في العشية الاباء والبنون- ولا ادري لماذا اربطها مع هذه الاغنية

    ارياف السودان يا كبر مليئة بالجمال وبالطيبة والاصالة المستمدة من الطبيعة
    طبيعة البشر والاماكن وقد عبر عن هذا الجمال شاعرنا الجميل ود بادي حينما قال

    وين بنوت الحلة البكر
    عصراً بدري يسون في شاهيهن

    الى ان يصل

    طرفاً زابل وين بلقاهو
    ومقنع سابل وين بلقاهو
    وعين بتدنقر من واليهن

    كسرة

    عندي صاحبي يا كبر بقول اجمل فتيات افريقيا هن الاثيوبيات
    وبحبهم موت وبقول انو جمال الاحباش نابع من جواهم
    اها يوم قاعدين نتونس ومعانا واحد من الاصدقاء القدااام تجول كثيراً
    في بلاد الدنيا قال ليهو فعلاً هم جميلين جداً وكتار شديد تعدادهم
    حوالي 80 مليون نسمة
    اها هنا صاحبي اتلفت عاين لي وقال لي:
    والله تلقى هناك في جنس شي😂😂


    تحياتي يا كبر
    رغم انك الليلة اشعلت نار شوق قديم كنت اظنها خمدت
                  

02-25-2017, 07:42 PM

sadig mirghani

تاريخ التسجيل: 03-03-2014
مجموع المشاركات: 2555

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بنات سنار..يا قبانى ومحمد المرتضى حامد..!! (Re: Kabar)

    جنس بكى هو لكن.
    امسكو الجبارة
                  

02-25-2017, 10:50 PM

محمد المرتضى حامد
<aمحمد المرتضى حامد
تاريخ التسجيل: 08-14-2006
مجموع المشاركات: 10832

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بنات سنار..يا قبانى ومحمد المرتضى حامد..!! (Re: sadig mirghani)

    ياخي امسودان دي فيها خلايق ، اجمل ما فيها انها مدسوسة هناك بعيد..!!


    سبحان الله!

    سبحان الله،

    في وقتها بالضبط..

    سبحان الله !

    يا كبر ، عثمان موسى الملاك الضليل دا ما جاب سيرة النرويج ساي،

    بعدين احمد القرشي هسه في الطائره متجها من الخرطوم لمسقط لكن وانا جايبو من المطار بوريهو الحاصل،

    ياخ قدر ما نتوب تقيفوا لينا بباب المسجد كما تغنى ناظم الغزالي،

    لكن صحي (كلنا قد تاب يوما ثم ألفى نفسه قد تاب عما تاب)
                  

02-26-2017, 02:52 AM

munswor almophtah
<amunswor almophtah
تاريخ التسجيل: 12-02-2004
مجموع المشاركات: 19368

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بنات سنار..يا قبانى ومحمد المرتضى حامد..!! (Re: محمد المرتضى حامد)



    هاك الحدى والوزين دا يا كبر
                  

02-26-2017, 02:57 AM

munswor almophtah
<amunswor almophtah
تاريخ التسجيل: 12-02-2004
مجموع المشاركات: 19368

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بنات سنار..يا قبانى ومحمد المرتضى حامد..!! (Re: munswor almophtah)

                  

03-05-2017, 02:12 AM

Kabar
<aKabar
تاريخ التسجيل: 11-26-2002
مجموع المشاركات: 18537

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بنات سنار..يا قبانى ومحمد المرتضى حامد..!! (Re: Kabar)

    up
                  

03-05-2017, 02:29 AM

Kabar
<aKabar
تاريخ التسجيل: 11-26-2002
مجموع المشاركات: 18537

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بنات سنار..يا قبانى ومحمد المرتضى حامد..!! (Re: Kabar)


    صديقي علي دفع الله..حبابك
    كتر خيرك على المرور..
    ياخي الروقة مرات مكلفة شديد..!!!!!
    يا ريت ترجع وتحكي ، لأن الحكاوي دي بعد شوية بتبقى تاريخ لناس جاية بعدنا ومنقطع ليها دنيا واخرى..!
    وكت داك يا صاحب..حتى الونسة مع الجكس بتكون بمزاج عالي شديد..والبحث عن النوادر والحاجات الغريبة المدهشة..
    كنا مرة بنتوس..وسألت صديقتي: فنانك المفضل..!
    وبدون تردد قالت لي: مكي شقي..!!
    طبعا النقة بدأت بانك تبهر ليك زولة ، واشيل واحسب في فناني سنار..وهي اكتشفت انو صاحبنا في حاجات كتيرة فايتة عليهو..اها جات حكاية مكي شقي..!


    اهديك هذا الفيرشن..فاذا كان الناس هناك بتسمع امثال مكي ، فنحن يا صاحب قاعدين ميطي ساكت..!!



    شوف ناس امسودان لمن يغنوا لبت ام روحهم قبال ما يغنوا للجمهور..
    التحية لأستاذنا صلاح بن البادية..!

    طبعا شايف في واحد تاني اسمو مكي سنار..بيشتغل للجابري..برضك يحير الناس..!

    وتظل سنار ذاكرة كبيرة يا صاحب..من عهد (الليلة يستقبلني اهلي)..مرورا برابطة سنار الأدبية ، والفنانين الجوا من سنار ، وكتنا كان بيمشوا الأبيض حتى يعرجوا على الخرتوم..!

    نسمع منك..

    كبر
                  

03-05-2017, 02:33 AM

Kabar
<aKabar
تاريخ التسجيل: 11-26-2002
مجموع المشاركات: 18537

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بنات سنار..يا قبانى ومحمد المرتضى حامد..!! (Re: Kabar)


    صديقي هيثم غالي..حبابك
    كتر خيرك على المرور..
    عارف يا صديقي ، طلوع القمرة في الفرقان والقرى..عيد ..والناس هناك ، اجمل ما فيها انها عندها قدرة على الإحتفال بالحياة وبصورة يومية..!
    حتى اللحظة ، شغال بمواقيت سنار ، وعلمتني ليها زولة صديقة من هناك.. قبال المس كول والتكتست والموبايل ، كان الصلة هي الجوابات ، ومصلحة بريد امسودان ، اهلب يطراها بالخير، كانت تتآمر مع الشوق ، فتقوم تمشي براحة (الجواب يصل بعد تلاتة شهور) فكانت حيلة التواصل هي (القمرة) ، لمن يكتمل القمر ، بتقوم انتو الإتنين: واحد في امطرقا عراض والتاني في الواق واق..وبتعاينوا للقمر في نفس اللحظة..يعني مرات بتشوف الوجوه (الكلام ده لا شطحة ولا كرامة من الكرامات)..!!
    المدينة التي قمنا فيها يا هيثم (مدينة الدلنج) كان عندها علاقة خاصة مع القمرة ، بتسمع حنين الطبول (نوبة القادرية ، نقارة الكرنك ، نقارة البقارة) والأنغام المتماسكة القوية (ترانيم الكنائس ، مدايح البرهانية ، اهازيج المردوم) ، الأصوات مداخلة وانيقة ، وكلما تتأمل وش القمرة المكتملة وترخي اضانك..بتقدر تفرز الأنغام وريتم الطبول ، وبتلاحظ انها حاجة منسقة بصورة عجيبة ومدهشة..!!
    حتى اللحظة انتظر اكتمال القمر.. لأصلي صلوات الروح الخاصة..!
    التحية لود بادي ، وكل الجميلين والجميلات الذاكرة..!
    اما اهلنا الأحباش..!
    غايتو لو ناس كندا فتحوا فيك بتشيل نعلاتك جاري..!
    الناس البنشوفهم من الحبش ، معظمهم الآن في الميديا..ديل ناس مجيهين (يعني شغل سوق وكده) ، اما الحقيقة ..اسكت ساكت ..!
    صحيح الأحباش طيبين ووودودين..لكن ناس امسودان اجمل واكثر ودا..وانا بتكلم عن ناس الريف والخلاء والمدائن الصغيرة..!
    كتر خيرك كتير على المرور يا صديقي
    كبر
                  

03-05-2017, 02:34 AM

Kabar
<aKabar
تاريخ التسجيل: 11-26-2002
مجموع المشاركات: 18537

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بنات سنار..يا قبانى ومحمد المرتضى حامد..!! (Re: Kabar)


    صادق..حبابك يا صديقي
    هههههه..
    ياخي البكي غسيل للروح يا عم..!
    الجبارة لو شافت هي ذاتها كان انكسرت من زمان..!
    كتر خيرك على المرور..
    كبر
                  

03-05-2017, 02:36 AM

Kabar
<aKabar
تاريخ التسجيل: 11-26-2002
مجموع المشاركات: 18537

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بنات سنار..يا قبانى ومحمد المرتضى حامد..!! (Re: Kabar)


    استاذنا محمد المرتضى..حبابك يا صديقي
    كتر خيرك على المرور ،
    التحية لصديقنا احمد القرشي ،
    نزار قال:
    الصمت في حرم الجمال جمال
    هناك اشياء يا صديقي ، رغم تقدم التكنولوجيا وحكاية البني ادم شاف أي حاجة او كل حاجة ، الإ مثل تلك الأشياء لازالت مدسوسة ، وجميلة..!

    التحية لصديقنا عثمان موسى..

    وننتظر حكاية (النرويج)..

    فشنو ، برضك نحن ناس:
    ليت لي ازميل فدياس ، وروح عبقرية..!!




    كتر خيرك على المرور..

    كبر
                  

03-05-2017, 02:40 AM

Kabar
<aKabar
تاريخ التسجيل: 11-26-2002
مجموع المشاركات: 18537

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بنات سنار..يا قبانى ومحمد المرتضى حامد..!! (Re: Kabar)


    منصور..حبابك يا صديقي
    كتر خيرك على المرور..
    وكتر خيرك على الإضافة ، واول مرة اشوف فنان (جننونا بالخدار) الفنان قسم اسماعيل..
    ياخي البصات دي كانت حاجة عجيبة ومدهشة ، وعندها تاريخ مفروض الناس تعرف عنو الكتير الكتير..وكذا اللواري ، خصوصا الكانت بتصل افريقيا الوسطى والكاميرون..عجايب يا صديقي..عجايب..!

    غايتو حكاية ناس امسودان مع الألوان محتاجة نقة طويلة (الأزرق والأخدر)..

    شوف بلاغة حكامة دارفور:
    زولي اللخدر كن شفتا بخدر..!!

    كتر خيرك
    كبر
                  

03-05-2017, 03:23 AM

يحي قباني
<aيحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بنات سنار..يا قبانى ومحمد المرتضى حامد..!! (Re: Kabar)

    صديقي كبر يا معنى الجمال ...

    تعرف صاحبي ود المامور وصف سنار وصف الحبيب البتغزل في حبيبته ...

    و كان ما بنات سنار .. بنات سنار :) ... ما كان كتب جنس ده ...

    ما هَويِتْ زي ما هَويِتَّكْ

    وما أشْتَهِيتْ زي ما إشْتَهِيَّتكْ

    احْضِنِينِي ومِدِّي إيدك

    أعْصِرِينَّي علي نهيدك

    اللَشُمْ ريحة ترابك

    ياني يا (سنار ) وليدك

    أصْلِي ماداسيه ريدك

    وإنتي مُلْهِمْتِي وبَجِيدِكْ

    لما أَطْرَبْ فيك وأغَنِّي

    و للقليب أعْصِرْ و أزيدك

    بس لاني حته منك

    ودمِّي داير في وريدك

    لو قَدَلْتِي عليّْ شويه

    هِزِّي فيني وأَتْنِي جِيدِكْ

    أصْبُغِي الشَعَرْ الحراير

    و حَنِنِّي رجليك وإيِدك

    أَكْشِفِي ديسك و أَرُقْصِي

    ما بلوموك يوم جديدك
                  

03-05-2017, 03:48 AM

يحي قباني
<aيحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بنات سنار..يا قبانى ومحمد المرتضى حامد..!! (Re: يحي قباني)

    شوف الكلام ده يا كبر ...


    يابا جيتك قاصد الامـان ..

    انا زول خاني الزمــان ..

    الغـرام ورانــي الهـــون ..

    يابا شـوف الغالي هـــان ..

    يابا شيخـي يا ودتكتوك ...

    تلحقني انا انا

    تنجدني انا انا

    تفزعني انا انا

    ابوي فــــرح ود تكتـــوك

                  

03-05-2017, 06:21 AM

Kabar
<aKabar
تاريخ التسجيل: 11-26-2002
مجموع المشاركات: 18537

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بنات سنار..يا قبانى ومحمد المرتضى حامد..!! (Re: Kabar)


    صديقي يحي..
    غايتو انا حردان مع استاذنا ود المأمور ، فالملحمة كانت من بين الحاجات الخاطي عيني عليها (نصا ولحنا وغناءا) ، ولمن راجعت النص في مواجهة شغل استاذنا ابوبكر سيد احمد وانصاف واريج ، قمت زعلت..زعلت زعلة ، متأكد انو ود المأمور بيكون زعلها لمن سمع الشغل..لكن هو كتمها في بت ام روحو وقال: المال تلتو ولا كتلتو..!!
    فشنو ، جني وجن الفط يااااااااااااااااااااااخ..!!
    الأداء الموسيقي ، حتى لو بقيادة قامة مثل ابوبكر سيد احمد ، قام فط حاجة ، حاجة عادية للغاية..اللهم الإ كن الناس بقت راكبة ليها موجة تأصيل في السهلة (مع انو الكيزان زاغوا من التأصيل ، والدليل انو قنوات التلفزيون السودانية كانت بتملانا فقر وتنشر علينا لقاء فيهو الناس بتتغالط منو شاعر راجل المرأ حلو حلا..!!..يعني بقت على عبارة ود المأمور الجميلة العاملة مسمار نص للشغل كلو..؟؟؟!!!!)..
    كتر خيرك يا يحي، وشغل سارة النور (كما هي عادة الناشئة في امسودان ، بتبدى بالمغني أو المغنية وبتنسى الروح الكبرى..!!)..شغل كنت خاتيهو مساكة..!!
    بيعجبني استاذنا ، عثمان النو..وهو صاحب اللحن..!!
    اول مرة شفت الشغل ده ، استاذنا عثمان كان بيشتغل جيتار اكوسيتك..!!
    هل تصدق يا يحي ، لمن كنا في كلية القانون ، كنا دايرين نعمل كورال الكلية.. وعشان نحن ناس قانون وكده ، قلنا نجيه الشغل..فجبنا اساتذة المزيكا (استاذنا دكتور الفاتح حسين ، استاذنا عثمان النو ، استاذنا احمد باص..) وقمنا جبنا الناس (بنات واولاد ، بس بنات سنار زاغن..!!)..والشغلانة عجبتني وقلت..ادخل مع الناس..!!
    بتذكر الفاتح حسين قال لي: غني مقطع من أي غنية عارفها..!
    قلت ليهو: غزال البر..!
    قال: غني..!
    بديت اغني ، في قاعة الشهيد بابكر عبد الحفيظ بكلية القانون جامعة الخرتوم...!
    كنت مرتبك للغاية ، قام عثمان النو قال لي حاجة عجيبة وغريبة..قال لي: فك زراير القميص الأولى والتانية ، وقبل وشك على السبورة (نظام ادي ضهرك للجمهور)..!
    فكيت زراير القميص ، اديت وشي السبورة ، وضهري للحضور..!!
    قايل شنو يا يحي..؟!!
    اجازوا صوتي ، وهي ذكرى اعيش عليها حتى اللحظة..ياخي ما فضل لي الإ اركب الشارع زي خلق الله ..وليتني فعلتها..هسع كان اكون امتلك صالة تجوا تسوا فيها مؤتمر ناس سودانيز اونلاين ..ضواحي نورث امريكا..لكن ما بتدي حريف يا قريبي..!!
    ابوي فرح ود تكتوك..!!!
    يخرب مطنك ، صديقنا وحبيبنا الأمدرماني مكي المغربي..!!
    فهل رأيت يا يحي: ككيف مكي ، فحط بانبل عبارة قالها ابوي فرح ود تكتوك؟..
    ثم..
    وين بنات سنار..؟!!
    قول لود المأمور ، يا يحي ، بنات سنار ، واحدة منهن كانت عاملة لينا منخوليا..!!
    واحد من ناس هندسة ميكانيكا..كان خاتي عينو عليها..ياخي جنس مصايب (لو شافها صادق ميرغني ، كان قال لينا ياخي انتو ما قاعدين تبكوا ولا حاجة..!!)..
    لم ارى في حياتي رجل يدمع من اجل زولة مثلما رأيت في زولنا بتاع هندسة..!!
    وصاحبتنا كان معيارها عجيب..عجيب وغريب.. بتقول ليك: ليه ما بقدر الآقي في الأولاد من امسودان ناس زي مدثر وكبر..؟
    مدثر ، من كوستي (كيتا في عبد الحفيظ اب سن)..وكبر ، كما تعرف..!!!
    فهل هذا وضوح اكتر من اللازم..؟..
    زي التحية ، التي حكيت ليك عنها يا صاحب ذات تجلي ما ، حكاية التوب البيقع بالصدفة ويكشف الخصل الفوق..!!!
    وباقي الحكاية ، قبال المس كول والتكست مسيج والموبايل..!!
    ما عندك غير العين تشوف العين ، والحزن يلاقي الحزن..والخوف يلاقي الخوف.. والتردد يلاقي التردد..!!
    وتقول كده ، تقوم تعرف حاجاتها:صاحبتها ، اختها الصغيرة (امينة سر الغرام) ، اخوانها ، حيها..شوارع حيها..!!
    ياخي قربت ابقى بعثي يا يحي..وانا القمت في البعث وصديقات واصدقاء..!!
    لكنها اللحظة (المسمار) يا صاحب..اللحظة المسمار يا ود المأمور لو بتقرا هذا الخيط..!!!
    وعلي بالحلال يا يحي.. ما ح ابقى بعثي ، رغم (كرامات ناس البعث القابلتني في سكتي الحياة...!!!)
    هي مجرد ونسة ساكت ياااااااخ..!
    السر فيها يايحي ، كان ده مفروض يكون اخر بوست في سودانيز اونلاين..لكنو مرق بحاجتين: اسرار عثمان موسى ، وحكاوي احمد محمد عمر..!!
    احمد محمد عمر..كنت مفارق المنبر..لكن حكاويك..خلتني اخط خط رجعة..!!
    عبرك يا احمد..ناس كتيرة بتقرا حاجاتنا..بترفق بينا ، تنبهر بينا ، تقوم تفحط باكتشافاتنا وتنسى حتى تديك حق اللحظة الإكتشاف..!!
    هي امسودان هكذا..فهل لنا القدرة على خلق اللحظة الإكتشاف؟..
    بالطبع يا صديقي يا احمد ، والدليل بشكتك هنا..وليتها تكون طريق لكشوفات اخرى..!!
    ولو تابعت يا احمد..ح نضيف اكتشاف جديد..وسينسى الناس بعد يوم يومين..فهل هذا مهم؟..
    بالطبع لأ.. سنكتشف..ونكتشف..ومش مهم ناخد اعتبار..!!
    تابع ، احمد ، اللحظة القادمة..!!
    شكرا يا يحي ، بنات سنار ، بنات سنار كانن تلاتة ، زي بنات بص الروصيرص ، بعد سنوات الدراسة..ناغمتني اتنين منهن ، والتالتة زاغت..وانا عارف ليه زاغت..!!
    يعني الإ اجيب ليك تومات عبد اهلت محمد خير (صاحب يا اجمل الحلوين)..!!
    شكرا يا يحي..اهلك البقارة بيقولوا (الصراع بالفينات)..والصراع هو رياضة الصراع الواحدة دي..وهي رياضة مشهورة في مجتمعات النوبة والحوازمة (ناس بريمة)..!!
    وبنات سنار..!!
    ياخي الشوق/الشوف بالفينات..والكاين يكون..!!

    كبر



    .






                  

03-05-2017, 06:42 AM

علي دفع الله
<aعلي دفع الله
تاريخ التسجيل: 08-31-2012
مجموع المشاركات: 4740

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بنات سنار..يا قبانى ومحمد المرتضى حامد..!! (Re: Kabar)

    كبر يا رايق وجميل
    مكي شقي يا كبر زول ملان ابداع بس الدنيا بت غلفاء .مكي بغني عشان الغناء واول حاجة بعملها بشبع هو لي روحو ولمن يتسلطن مع ايقاع الدرمز مع الدشن بياخد ليه صولة بملا بيها المسرح جمال .في بداية التسعينات كان في حفلة نهارية وطبعا مكي شقي دايما بكون حاضر وكت الحوجة الفرقة ظبطت الحاجات الساوند وكلو تمام .مفروض يغني زمراوي بس شكلو لموا في اولاد الحرام وتقلو ليه العيار وما لقيناه اهاااا بقينا نفتش لي مكي شقي ايهاب ود الرز قال شاف مكي داخل على استاد الكورة .الاستاد كانو بنجلو فيه وكان مرطب وملان موية لحقنا مكي لقيناه ضارب البغو ونايم في النجيلة صحيناه يا استاذ نحن محتاجين ليك زمراوي مقلبنا . اصلا ما اتردد وقام معانا علي الحلف يا كبر الزول دا غنى غنى من لا يخشى النشاز وباقي النجيلة في قميصو اتذكر غنى اغنية عقد الجلاد بتاعةجلبنا ليهم سمسم السمسم ما كفاهم جلبنا ليهم سعية كلمات القدال ..وبطلع صولة في حتة جهادية الحلبونا جهدية الاورطية وبابا طيارة اشتغل على الباص يا اخي طرب من امو ..
    سنار يا كبر كانت ايام الصادق المعزل ونادي الشعلة ومصطفى سيد احمد وعمنا نبيل غالي ومكتبة الآداب وسنار الثانوية يااااه من زمن سنار وبنات سنار وانسان سنار ..اليومين ديل يا كبر فالقننا الكيزان بي سنار عاصمة الثقافة الاسلامية لا قادرين يجمعوا مواد ولا دايرين يعرفوا يعني شنو ثقافة اسلامية عملا لي الله حا اتبرع ليهم بفلم وثاءيقي عملتو براي وكتبت ليه السيناريو ومنتجتو حا اوري ليكم عن الخلافة عند اليعقبوباب ومراسمها ..
    يا اخي اقصونا حتى بروف يوسف فضل دجنوه ..مكجنينا التقول اتدعادوا منك في حبك للحزب الشيوعي 😃
    برجع ليك تاني وحا احكي ليك عن الجمري حامد والدنيا الادتو شلوط..
                  

03-05-2017, 08:31 AM

Kabar
<aKabar
تاريخ التسجيل: 11-26-2002
مجموع المشاركات: 18537

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بنات سنار..يا قبانى ومحمد المرتضى حامد..!! (Re: علي دفع الله)


    ههههه..يا عليوة..!!
    مدد يا ستي اماني الجندرية..!!
    بتعرفها يا علي دفع الله؟
    كتر خيرك يا صاحب..وامسودان عجيبة يا علي..والله بالجد عجيبة وغريبة يااااااااااااخ..
    متذكر التشكيلي العالمي عبد الرحمن بليا؟

    اجمل فيلم وثائقي مسجل عن الزول ده ، واشار الي عبد الرحمن بليا ، فيلم من انتاج شركة روان ، ومش مهم..!!
    المهم..
    الرواي في الفيلم العجيب ده مذيع سوداني جميل ، عندو صوت رخيم.. صوت اسكت ساكت خليهو..!!!

    المذيع اسمو عبد الكريم..والباقي الناس بتعرفوا..!!

    هنا الرواي ، المذيع السوداني الجميل ، ابونا وصديقنا عبد الكريم..!!



    فشنو يا صاحب بنات سنار ، كانن ذاكرة شاردة..ذاكرة كل ما تقول انك غلبتها ، تلقاها هزمتك بالمعاني..!!
    عشان كده نحن بنجازف المعني تلو المعني!!
    يحي حاقر بي يا علي دفع الله ، ولو عندك خاطر عندو..قول ليهو يجيب نشرة الساعة تلاتة بصوت ابونا الجميل عبد الكريم..!!
    باقي النقة والخواطر بصوت عبد الكريم ، بنعرف كيف نجيبها..!!
    وبرضو سلام لبلال موسى ، عصام محمد نور ، سليمان محمود..وهو الصوت الح اضيفو هنا زي ما اضفتو في سنة 2014 ، والغربية بنداء موجه لمحمد المرتضى حامد..!!
    شكرا يا علي..ولغاية اللحظة بتزن في اضاني (مع تحيات استديو فيصل بسنار)!!
    ومن استديو فيصل بسنار ، كنا نسمع، ليس فقط ناس الخرتوم ، وانما ناس نيالا برضك..والله صحي..!!
    كل الحب لبنات سنار.. مكي شقي عرفناهو..فهل بتعرفن قرشي رابح..قرشي نيالا ، يا بنات سنار؟
    الله يقطع طاري الحب العذري ياااااااااااااااااااااخ..!!!
    كبر













                  

03-05-2017, 08:46 AM

Kabar
<aKabar
تاريخ التسجيل: 11-26-2002
مجموع المشاركات: 18537

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بنات سنار..يا قبانى ومحمد المرتضى حامد..!! (Re: Kabar)




    سنة 2014، وفي هذا المنبر ، منبر سودانيز اونلاين، كتبت في بوست صديقنا هرون دياب:
    Quote:
    و بعدين يا هرون..!!! نحن شعوبا اتشكل وجدانها بصعوبة خلاس..!!! قمنا يا هرون.. على صوت استاذنا نجم الدين الفاضل,..!! اي و الله ، نحن ناس .زقالوا قطعة سكر ، قلنا احلا و انضر...!!! ولكن..!!! نجم الدين الفاضل..غنى... ليالي الأنس...و هنا .. معه العريبي قريبي استاذنا مجذوب اونسة... و مجذوب هذا.. ان شاء ام رضى.. افضل ما تغني به هو كلمات الشاعر العظيم حسين اونسة,... ثم شاعر اخر خبر كتبو في جواب..!!! فيما يخص هذا المنبر ، فلقد سمعت ليالي الأنس ..ولكن اصدق من كتب عنها تعريفا هو صديقنا الجميل عزت الماهري... و الذي يكتب في هذا المنبر ..باسم ابنوس...!!!! نعم يا هرون..هذي الكائنات الجميلة..نجم الدين الفاضل.. مجذوب اونسة... ليالي الأنس..و يا لها من ليالي,,,!!
    وقبال نلحق منى الخير.. التجاني مختار.. عبد الحميد يوسف.. اماني مراد...اخير نتخارج يا هرون يا قريبي...!!! لكم صباحاتكم ياناس..و لينا صباحاتنا....!! اخونا بدر الدين الأمير..صباحات يا عم..يا قريبي...!!


    وقتها ، اتساقا مع الكوت ، اضفنا غنية بصوت الفنان نجم الدبن الفاضل ، ومس مهم...!
    في نفس البوست اضفنا غنيات عبد الله محمد (الأيام سجية ، بصوت سميرة دنيا) واغنية (سنار) بصوت سليمان محمود..وطلبنا وقتاها من سليمان غناء اغنية اداها من قبل ـ غينة لسيد خليفة ـ واليوم ، في ذكرى بنات سنار..بنطلب من لسيملن اداء نفس الغنية...!!
    كبر

    ا







                  

03-07-2017, 05:23 AM

ابراهيم ناصر
<aابراهيم ناصر
تاريخ التسجيل: 05-17-2013
مجموع المشاركات: 209

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بنات سنار..يا قبانى ومحمد المرتضى حامد..!! (Re: Kabar)

    يا كبر دايرك تحتَّل في البوست دا لما يقوم عجاجو

    جمال ام سودان
                  

03-07-2017, 06:14 AM

درديري كباشي

تاريخ التسجيل: 01-08-2013
مجموع المشاركات: 3211

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بنات سنار..يا قبانى ومحمد المرتضى حامد..!! (Re: ابراهيم ناصر)

    والله يا كبر أنت مدهش ومبدع ومحير

    أنا غايتو قاعد مربع لا عارف أقرأ ولا عارف أسمع

    قاتل الله السياسة ياخ
                  

03-07-2017, 09:52 AM

محمد المرتضى حامد
<aمحمد المرتضى حامد
تاريخ التسجيل: 08-14-2006
مجموع المشاركات: 10832

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بنات سنار..يا قبانى ومحمد المرتضى حامد..!! (Re: درديري كباشي)

    (قاتل الله السياسة ياخ)


    .
    كبر ما براهو هنا يا درديري ،
    كان لنا زميل في الثانوية موهوب في كرة السلة ولايقل في تابلوهاته السحرية عن ناس NBA ،
    ولو قيض له صقل تلك الموهبة الباكرة للحق ناس جوردان لكنه انغمس في فريق (تِحِت) حتى
    لم يعد باستطاعته اللعب في زقلونا بُلز ولو في خانة متفرج.
    حاشاه ول أبا كبر من حالة زولنا ، ولا أظن أن المثقف يمكنه النأي بنفسه عن الفعل السياسي لأن
    التفاعل مع مايجري يأتي عفويا ، لكن يجب ألا يكون على حساب الموهبة التي لاتقدر بثمن ،
    وعلى أية حال إذا كان ذلك يريحه فلا تثريب عليه ، وزي ما غنى الدومه عبدالله:
    جني الحوري كان انت مِرَوِّق أنا ما ضروري
                  

03-11-2017, 07:03 AM

Kabar
<aKabar
تاريخ التسجيل: 11-26-2002
مجموع المشاركات: 18537

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بنات سنار..يا قبانى ومحمد المرتضى حامد..!! (Re: محمد المرتضى حامد)


    ول ابا ابراهيم ناس..حبابك يا صديقي
    كتر خيرك يا صاحب..
    العجاجا ، قال ليك يا قريبي ، عجاجا كـُتُكري..

    ترابو شال وجي..
    عجاجا كــُتُكري

    وانا خفتا من الزمن داك..




    كبر
                  

03-11-2017, 07:14 AM

Kabar
<aKabar
تاريخ التسجيل: 11-26-2002
مجموع المشاركات: 18537

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بنات سنار..يا قبانى ومحمد المرتضى حامد..!! (Re: Kabar)


    ول ابا درديري..حبابك يا صديقي
    كتر خيرك على المرور..
    هي محطات صغيرة يا صاحب ،
    ووسعيد بانها ادهشتك..
    السياسة يا صديقي ، زي الرباطي ، محل ما تمشي بتلقاها قدامك..
    وربنا يهدي النفوس..





    كبر
                  

03-11-2017, 07:21 AM

Kabar
<aKabar
تاريخ التسجيل: 11-26-2002
مجموع المشاركات: 18537

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بنات سنار..يا قبانى ومحمد المرتضى حامد..!! (Re: Kabar)


    ول ابا محمد المرتضى..حبابك يا صديقي
    كتر خيرك على الطرفة ،
    وربنا يقدرنا نقدم ما يفيد الناس دووما ، وصدقني من زقلونا بتاعتنا دي ناس القنوات والغيرهم يشيلوا ويغرفوا ساكت ، علف تقيل..

    فعلا يا صديقي ، مرات لمن تلقى روحك براك ، والحاجات واقعة فوق راسك ، بتلقى نفسك بتحاول تحصل كل شي..سياسة ، تراث ، جمال..الخ..

    كنا نتمنى ان اكثر واكثر ولكن العين بصيرة والليد قصيرة..!

    كتر خيرك يا صاحب..
    كبر


                  

03-11-2017, 07:25 AM

Kabar
<aKabar
تاريخ التسجيل: 11-26-2002
مجموع المشاركات: 18537

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بنات سنار..يا قبانى ومحمد المرتضى حامد..!! (Re: Kabar)


    وطالما سنار في قلب امسودان ،

    فشنو..

    اعز مكان ،

    وطني السودان ،





    ونشوفكم

    كبر
                  

03-11-2017, 08:05 AM

أحمد محمد عمر

تاريخ التسجيل: 03-03-2010
مجموع المشاركات: 6272

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بنات سنار..يا قبانى ومحمد المرتضى حامد..!! (Re: Kabar)

    كبر يا صديق
    لمن تكتب وانت رايق نحن بنجيب بنجيب دفاترنا واقلامنا ونتابع معاك في الكنبة الأولى عشان ما تفوتنا حاجة
    هسة قاعد في الـ to do list بتاعتي مسلسل حوش النور اللي اوصيت بيه في رمضان ولو ما كلامك ما عرفته
    لما يضيق عليك المنبر بما رحب اعمل ساين اوت اسبوع وتعال راجع
    الكوت بتاعك ذكرني الفنان مجذوب اونسة .. صاحب الصوت الحنين واللحن المتميز .. جيل ناس مجذوب اونسة دة أي واحد فيهم مدرسة قايمة بذاتو .. مافي زول بقلد التاني زي هسة .. كل الفنانين الشباب تلقى عندهم نفس الهرمنة ونفس الرتن
    أغنيتي المفضلة لمجذوب .. دة ما سلامك
    ياخي الأغنية دي فيها لحن غريب .. هاك اسمعها بي صوت طه سليمان
    عارف ناس كتار ما بتدوره .. أنا ذاتي ما بدوره لما يغني غناه الخاص ولا الهابط .. لكن هذا الشاب عندو خامة وإمكانيات صوتيه تضعه في صدارة جيله
    هاك انسى الدنيا وعيش الشجن دة



                  

03-12-2017, 04:06 AM

Kabar
<aKabar
تاريخ التسجيل: 11-26-2002
مجموع المشاركات: 18537

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بنات سنار..يا قبانى ومحمد المرتضى حامد..!! (Re: أحمد محمد عمر)


    احمد محمد عمر..حبابك يا صديقي
    كتر خيرك على المرور والمطايبة..

    سعيد بان يكون مسلسل حوش النور جزء من مفكرة متابعاتك وهي مسألة جيدة ..والمسلسل جميل ، عندي فكرة اكتب عنو ..وسأكتب..

    المنبر يا صاحب عندو ليهو مراقات كتيرة ، لكن مرات بتحتاج تركب وش صغنوني كده..

    كتر خيرك على غنية (دا ما سلامك) ، والتحية للشاب طه سليمان ، وانا عكس من قلتهم ، اسمع طه كثيرا ، وهو محطة ،عندي ، بعد محطة محمود عبد العزيز ، فطه زول كويس شديد وصوتو سمح..!
    اما سيد الغنية الأصلي استاذنا مجذوب اونسه ، فهو صوت حنين ، وكذا صوت الأستاذ محمد سلام (قام اتعزز الليمون) ، وبتذكر ايام الشباب ، كانت المنيتور بتاعتي صديقة وجارة في الحلة ،
    ووكت داك مجذوب اونسه كان في بداياتو.. فكانت بتسمعو طوالي ، ياخي عندها شريطين ، كل واحد ينتهي تركب التاني ، لغاية الصباح يصبح..التحية ليها..
    منها تعلمنا فكرة الثنائي النادر للغاية الشاعر حسين اونسه والفنان مجذوب اونسه..وعندهم اعمال مشتركة عديدة..!
    اما الغنية فهي برضك عندها علاقة بي ناس سنار ..!!
    فالكلمات هي لأستاذنا الشاعر عزمي احمد خليل ، واحد الصديقات كانت واقفة في محطة واحدة فقط ، هي محطة استاذنا هاشم ميرغني ، وكما تعلم هاشم عندو اعمال مشتركة كتيرة مع عزمي..!
    لمن كنت سكرتير ثقافي في جمعية طالبات وطلاب القانون ، وقع في الدورة بتاعتي اسبوع القانون الثقافي ، فقمت استغليت سلطتي الخاصة ، وعملت برنامج ، نظام جلسة استماع لأستاذنا هاشم ميرغني ،
    وكانت في قاعة الشارقة ، طبعا الزولة كانت متكيفة جنس كيف..لأنو اول مرة تشوف هاشم ميرغني ودايرة تسلم عليهو.. فكانت كبكبة شديدة خلاس..!
    يوم الجلسة ، بعد ما اتأكدت كل الأمور تمام ، قمت اتخارجت ، بعد ساعة من بداية الحفلة ، صديقتي حصلتني في كلية القانون ، وكانت زعلانة بي شكل..!
    قلت ليها: ياخي انا كسرت الحاجات واستغليت سلطتي وجبت الفنان ده عشانك ، نص الحفلة ما تكمليهو؟..
    شكرتني على الجهد (الخارق) ، وقالت لي: ما عجبني..!
    استفسرت اكتر ، وقلت ليها الصوت والألحان والكلمات مافي زول بيقدر يقول فيها شي يبقى الما عاجبك شنو؟..
    قالت لي: الشكل..!!
    قلت ليها: يا سلام ، وانتي دايرة تعرسيهو؟
    ضحكت وقالت لي: عليك الله الراجل ده يساهر بينا ويجفف دموعنا ويخلينا نبكي بالسنين ونحن بنسمع ليهو ، اجي في النهاية القاهو سمين والبغيظ فيهو يتبسم ويتضاحك..!

    طبعا الشباب في تلك الأيام كان مؤمن وصديق.. يعني تغني غني الشواكيش مفروض تكون مبشتن وتعبان وحزين من جوه وبره..!!

    ايام يا صديقي..ايام..

    التحية لأستاذنا هاشم ، واستاذنا عزمي ، وناسنا من سنار البتحب غنا هاشم ميرغني..
    وتلك اجيال الغناء الذاكرة/الوجدان..!!



    كتر خيرك..

    كبر




                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de