|
دعواتكم لزميلنا المفكر د.الباقر العفيف بالشفاء العاجل
|
|
 Re: يا ناس الدويم : جبنتكم ( المضفرة ) دي غايتو � (Re: يحي قباني)
|
في رحلاتي المتكررة الى كوستي زمان ...
كان الباص يتوقف قليلا قرب مشرع بنطون الدويم ...
كنت مغرم بالوقوف عند سقالة النزول الخاصة بالبنطون و انا استنشق عبق ذلك المكان ...
كانت تدور في رأسي كل الحكايات التي تحكى عن الدويم و اهل الدويم ... و لم يتحقق حلمي بزيارتها ابداً ...
لم ( اقطع ) بحر ابيض سوى من ربك و انا في وجهتي الى محبوبتي الأولى كوستي ...
| |
  
|
|
|
|
|
|
|
|
Re: يا ناس الدويم : جبنتكم ( المضفرة ) دي غايتو � (Re: يحي قباني)
|
كانت جبنة الدويم تجي الخرطوم في صفايح لتجار الجملة ...
اذكر من ضمن حاجات الشهر ( طبعاً دي جملة انتهت الان )...
حاجات الشهر عبارة عن مقاضي البيت خلال شهر من دقيق و سكر و زيت و سمن و خلافه ...
خاصة للاسر العدد افرادها كبير ... الشراء بيكون من تاجر الجملة مباشرة ...
من ضمن الأشياء كانت صفيحة الجبنة البيضا و الجبنة المضفرة ... و ربع صفيحة طحنية ...
الصفايح مسمكرة ,,, مدهونة لون ظهري فاتح ...
اول ما البضاعة تصل البيت ...
كان فتح صفيحة الجبنة المضفرة هو البرنامج ...
شاكوش ... و سكين عاتي او ساطور ...
و دقدقة بي حرفنة على حواف الصفيحة ...
الشفقة طبعا بمجرد ظهور الجبنة ... و نفاج يدخل راس السكين .. تطعن بيهو الضفيرة و تجرها لي بره ...
أكون عندك رغيف حاااار من الطابونة ... و كباية شاي سادة ... او قزازة بيبسي متلجة ...
يمين اجمل من خروف .... !!!
| |
|
|
|
|
|
|
|
|
|
Re: يا ناس الدويم : جبنتكم ( المضفرة ) دي غايتو � (Re: يحي قباني)
|
في اول الستينات الحاج ابوي الله يرحمه كان مهندس في وزارة الاشغال مدني ...
جاتو مأمورية الدمازين كم يوم كده ... و كانت المدارس مأجزة ...
قام قرر يسوق معاهو اخوي الأكبر مني و ود عمتنا معاهو ...
كان رحمه الله لما يمشي المأموريات دي بشيل معاهوا تموين لزوم قعدتهم هناك و عشان كمان يكرم الجماعة القاعدين بعيد من المدن الكبيرة ..
اليوم داك معاهم ربع صفيحة طحنية و ربع صفيحة جبنة من جبنة الدويم البيضا ...
و صلتهم سنار اخوي وود عمتنا قالو جعانين ... ابوي قال ليهم في رغيف و شنو و شنو ...
قالو لا لا ... دايرين طحنية ؟
قام قال خلاص افتحوا الصفيحة و اكلو منها و غتوها لغاية ما نصل الدمازين ....
السواق سايق الجيب الولِز ... وصل سنجة ... و اخدو سندة ...
ابوي اتلفت على الشباب وراهو ... لقاهم نايمين ...
عاين وراهم يشوف قفلوا صفيحة الطحنية ... لقاها خاوية على عروشها ...
_______________________________________________________
ذكروني الجماعة المسافرين الباتو جوه محل الباسطة ...
جا سيد المحل الصباح لقاهم نايمين ... و صواني الباسطة فاضية ... و بت ابليس ميتة راقدة جنبهم ...
| |
|
|
|
|
|
|
|
|
|
Re: يا ناس الدويم : جبنتكم ( المضفرة ) دي غايتو � (Re: يحي قباني)
|
يا يحى عندك وصف غاية في الروعة لجبنة الدويم المضفرة
والله شهيتنا نضوق الجبنة دي...وخصوصا مع العيش الحار من الطابونة
.ومع الشاي السادة....واذا نوع الجبنة دي موجودة للان في الدويم ترانا الاجازة الجاية
دي وجهتنا للدويم نجيب الجبنة دي...شكرا يحى دائما بوستاتك مشبعة بريحة السودان
في العهد الذهبي..
| |
|
|
|
|
|
|
|
|
|
Re: يا ناس الدويم : جبنتكم ( المضفرة ) دي غايتو � (Re: السر عبدالله)
|
Quote: يا يحى عندك وصف غاية في الروعة لجبنة الدويم المضفرة
والله شهيتنا نضوق الجبنة دي...وخصوصا مع العيش الحار من الطابونة
.ومع الشاي السادة....واذا نوع الجبنة دي موجودة للان في الدويم ترانا الاجازة الجاية
دي وجهتنا للدويم نجيب الجبنة دي...شكرا يحى دائما بوستاتك مشبعة بريحة السودان
في العهد الذهبي.. |
الجبنة قاااعدة يا السر ...
لكن قالو الصفايح تاريخها انتهى زمان ... بقو يعبوها في أكياس الزمن ده ...
اجمل ما فيها ... ضفايرها عشوائية ... جزء سميك و جزء نحيف حسب حرفنة الايادي الشغالة تضفر ...
يا زول امش طوالي و أتذكر اخوك بس ... :)
| |
|
|
|
|
|
|
|
|
|
Re: يا ناس الدويم : جبنتكم ( المضفرة ) دي غايتو � (Re: مازن فيصل هلال)
|
كبرت يا عمك جبنة جبنة مع الدغت دة
من المعلومات التي تغيب عن اكثر الناس
الجبنة المضفرة اصلها في الابيض . جات من الابيض
الجبنة البيضا من الدويم
هسة الجبنة راقدة هبطرش . معمل الجبنة مرفوع في اوستن ولافي مع السعية في الخلا
بقا يعبوها في جرادل بلاستيك يا عمك
خلو الصفايح و بقو يطلعو الفضايح
الايامات دي دي زادت من 30 ج بقت بي 60 ج الكيلو
شكلك بتجب الجبنة المضفرة بالزيتون وش غامز
لك محبة خاصة
واضف خاصة جدا
| |
|
|
|
|
|
|
|
|
|
Re: يا ناس الدويم : جبنتكم ( المضفرة ) دي غايتو � (Re: عبدالحفيظ ابوسن)
|
Quote: كبرت يا عمك جبنة جبنة مع الدغت دة
من المعلومات التي تغيب عن اكثر الناس
الجبنة المضفرة اصلها في الابيض . جات من الابيض
الجبنة البيضا من الدويم
هسة الجبنة راقدة هبطرش . معمل الجبنة مرفوع في اوستن ولافي مع السعية في الخلا
بقا يعبوها في جرادل بلاستيك يا عمك
خلو الصفايح و بقو يطلعو الفضايح
الايامات دي دي زادت من 30 ج بقت بي 60 ج الكيلو
شكلك بتجب الجبنة المضفرة بالزيتون وش غامز
لك محبة خاصة
واضف خاصة جدا |
الدغت ده ما حاجة معنوية يا صديقي ...
تتضارف في باقي الحاجات ... و تدي النفيسة حقها ...
و كلامك صاح حق الأبيض ... و الصفايح كان ليها رونق ياخ ...
بس جات على الجبنة ... ما السودان كله بقى بلاستيك ...
و الله يا حليلها ... مرات تجي فيها حبة رمله ... تاكلها مقرقشة و برضو تستمتع ... :)
مع الزيتون ما بنقول لا ...
لكن و الله الجاتني دي اكلتها حاف ... عشان ما يحصل أي لبس ... هههه
| |
|
|
|
|
|
|
|
|
|
Re: يا ناس الدويم : جبنتكم ( المضفرة ) دي غايتو � (Re: عبدالحفيظ ابوسن)
|
سيد البوست وضيوفه الأكارم .. سلام..
غايتو الجبنة المضفرة ما شفتها في الدويم تخصص كده..
لكن التخصص بامتياز للدوم كان في صناعة الجبنة البيضاء العادية وكانت أهم مصانعا في منطقة أم تكَّال..
وتلقاها في دكان عمك تِرْفِس وعمك حسن حامد صاحب بقالة الجوهرة المشهورة أما مركز التوزيع الرئيسي فعند عمك حسن العاقب وكان له محل ضخم تجد فيه صفايح وجوالين الجبنة تتصدرها العبارة الشهيرة جبنة الدويم الممتازة.
والحالة لو مشيت فوال كَشا وضربت ليك فول بالجبنة .. ياخ مالك ياخ..
زمن.
| |
|
|
|
|
|
|
|
|
 Re: يا ناس الدويم : جبنتكم ( المضفرة ) دي غايتو � (Re: مازن فيصل هلال)
|
الحبيب يحي قباني
سلامات عساك والأسرة بخير حقيقة عبق الأمكنة
تظل تتحفنا بالروائع والدويم وجبنتها في الخاطر
كما كوستي وما ادراك ما سمك كوستي مررت بهما
في يوم الجمعة 24 مارس وأخذت ما فيه النصيب
تذكرت الحبيب شيخ ابسن هذا الرجل السوداني القح
تمنيت أن ازوره لأنه جزء من عبق كوستي الرائعة ولكن
للأسف لا أملك رقم هاتفه ولكني حتما سانيخ راحلتي علي
باب داره يوما ما
اظننا معطونون بحب هذا البلد حتي الثمالة ومعجونون
بطينه وترابه
كن بخير
عامر
| |
|
|
|
|
|
|
|
|
|
Re: يا ناس الدويم : جبنتكم ( المضفرة ) دي غايتو � (Re: يحي قباني)
|
Quote: الحبيب يحي قباني
سلامات عساك والأسرة بخير حقيقة عبق الأمكنة
تظل تتحفنا بالروائع والدويم وجبنتها في الخاطر
كما كوستي وما ادراك ما سمك كوستي مررت بهما
في يوم الجمعة 24 مارس وأخذت ما فيه النصيب
تذكرت الحبيب شيخ ابسن هذا الرجل السوداني القح
تمنيت أن ازوره لأنه جزء من عبق كوستي الرائعة ولكن
للأسف لا أملك رقم هاتفه ولكني حتما سانيخ راحلتي علي
باب داره يوما ما
اظننا معطونون بحب هذا البلد حتي الثمالة ومعجونون
بطينه وترابه
كن بخير
عامر |
ياخ هو داب سمك في كوستي دي ...
و اديك سر ...
عندهم فسيخ ... ما شفت زيو في أي مكان ...
و يمين بعد العمر ده ... كان القدم شالنا هناك ...
امانة ما اكل الفسيخ مع صاحبي ود اب سن و صاحبي ود الزبير في كوستي ...
و الحي الله ... و الكاتل الله ... :)
| |
|
|
|
|
|
|
|
|
|
Re: يا ناس الدويم : جبنتكم ( المضفرة ) دي غايتو � (Re: عبدالحفيظ ابوسن)
|
يا ريت يا عامر ياخ لو خشيت سوق كوستي الكبير القريب للسمك . ولا سألت ناس السمك القدام زي الاستاذ ولا بشري كانوا وصفو ليك ولا ادوك رقمي تشرف والله
تصدق يا حبيب خشيت السوق الكبير ومشيت لحدى حتة السمك معاى الاولاد وشلت لى سمك لكن ان شاء الله المرة الجاية بسجل ليك زيارة خاصة وانا بحب متعة السفر
بالبر
عامر
| |
|
|
|
|
|
|
|
|
|
Re: يا ناس الدويم : جبنتكم ( المضفرة ) دي غايتو � (Re: يحي قباني)
|
تحياتي لك ولضيوفك الكرام قباني
والله صدقت .. ياخ قبل سنة سافرت ووقفت في الرواكيب في شارع الخرطوم كوستي عند التقاطع بتاع الدويم وقت ليو ادينا نضووق وبعد داك نشتري ..
ياخ ادانا قريب ربع كيلو هههههههه كريمين خلاص ههههههه
علي فكرة الجبنه السعودية والبلغارية والمابعرف شنو السودانية احلي منهم بكتييير
| |
|
|
|
|
|
|
|
|
|
Re: يا ناس الدويم : جبنتكم ( المضفرة ) دي غايتو � (Re: الطيب عباس)
|
أخونا يحي
شكرا للدعاية المجانية لجبنة الدويم (الممتازة) سواء كانت من صنع المهلب قطان أو حبيب محمد طه أو حاج صالح الماحي أو أولاد الدويحي
صناعة وطنية فاخرة ما زالت تتضافر هي وفول حوض السليم من أجل اشباع كل الرغبات الأصيلة في أكل البلد ومباهجها
الآن أصبحت ترافق صنوها القديم الفسيخ الدويمي الطازج أو الفسيخ الباودر في رحلة تطوف كل الدنيا في حقائب السفر وكراتين الهدايا بدءا من دول الخليج ولا تتوقف
فتصل إلى دول أوروبا الغربية وبقاع الدنيا
نعم بقيت جبنة الدويم صامدة رغم جفاف الضرع وابتعاد القطعان وتدهور مشاريع الاعاشة وهجرة الشباب إلى الخليج العربي ولا زالت بنفس الطعم المعروف للسودانيين
ونأمل أن تبقى كواحدة من اللوازم الوطنية والتي تحمل هوية الوطن
أحمد الشايقي
| |
|
|
|
|
|
|
|
|
|
Re: يا ناس الدويم : جبنتكم ( المضفرة ) دي غايتو � (Re: الطيب عباس)
|
Quote: تحياتي لك ولضيوفك الكرام قباني
والله صدقت .. ياخ قبل سنة سافرت ووقفت في الرواكيب في شارع الخرطوم كوستي عند التقاطع بتاع الدويم وقت ليو ادينا نضووق وبعد داك نشتري ..
ياخ ادانا قريب ربع كيلو هههههههه كريمين خلاص ههههههه
علي فكرة الجبنه السعودية والبلغارية والمابعرف شنو السودانية احلي منهم بكتييير |
البلغارية مبلوعة يا الطيب ... مراعيهم سمحة ... لكن الظبطة ما حقتنا ...
اما السعودية ... فالمرعى مشكلة ...
ياخ بقرنا ( الضعييييف ) داك و قلبوا مقطوع من الحوامة غرب النيل الأبيض طالع نازل ...
يمين لبنو يدر ... ريحتو تسطل دون كبنقه ...
| |
|
|
|
|
|
|
|
|
|
Re: يا ناس الدويم : جبنتكم ( المضفرة ) دي غايتو � (Re: يحي قباني)
|
Quote: أخونا يحي
شكرا للدعاية المجانية لجبنة الدويم (الممتازة) سواء كانت من صنع المهلب قطان أو حبيب محمد طه أو حاج صالح الماحي أو أولاد الدويحي
صناعة وطنية فاخرة ما زالت تتضافر هي وفول حوض السليم من أجل اشباع كل الرغبات الأصيلة في أكل البلد ومباهجها
الآن أصبحت ترافق صنوها القديم الفسيخ الدويمي الطازج أو الفسيخ الباودر في رحلة تطوف كل الدنيا في حقائب السفر وكراتين الهدايا بدءا من دول الخليج ولا تتوقف
فتصل إلى دول أوروبا الغربية وبقاع الدنيا
نعم بقيت جبنة الدويم صامدة رغم جفاف الضرع وابتعاد القطعان وتدهور مشاريع الاعاشة وهجرة الشباب إلى الخليج العربي ولا زالت بنفس الطعم المعروف للسودانيين
ونأمل أن تبقى كواحدة من اللوازم الوطنية والتي تحمل هوية الوطن
أحمد الشايقي |
مشتاقين يا مولانا ... عساك طيب و الاسرة ...
حقيقة فخر الصناعة السودانية ...
الاجرام في حق الوطن بادي بي حكومة الظلم و الهوان ... و طرف سوطه لاحقنا ...
مش حرام بلد زي ده يتبهدل ... و أولاده يسدو عين الشمس يخدموا في بلاد الغير ...
| |
|
|
|
|
|
|
|
|
|
Re: يا ناس الدويم : جبنتكم ( المضفرة ) دي غايتو � (Re: sadig mirghani)
|
سلام يا ود قباني
جبنتك خلتني أرجع البصر كرات كثيرة
الحكاية أكبر من جبنة طاعمة فيها ريحة الحياة
زمااااااااااااااااان كان تلقى في مربوع كامل تلفزيون واحد عند ناس معينيين .. كل باقي الحلة معتمدين عليه في الكورة والمسلسلات والأخبار المهمة . خاصة أيام الأنقلابات العسكرية وما أدراك.. والناس في غاية السعادة رغم هذا الشح والنقص .
الآن تلاقي في البيت الواحد كل غرفة فيها تلفزيون وملون كمان ويمكن شاشة أل سي دي .
رغما عن كدا الناس يحسوا أنهم زمان كانوا أغنى من الآن .
أنا أعتقد أن الفقر حالة نفسية أكثر من كونها حاجة مادية .
أو كما يفسرها الشيوخ
ربما نزعت البركة من الأرزاق ..
أصبحنا نحس بعطش لا يرويه سائل
وجوع دائم بدون شبع مهما أكلت .
أوأوأوأو
مش عارف والله في شنو بالظبط
| |
|
|
|
|
|
|
| |
يحي قباني
السر عبدالله
عبدالحفيظ ابوسن
محمد قسم الله محمد
Aamer Hussin
الطيب عباس
محمد جبره
عبد المنعم سيد احمد
فيس بوك
تويتر
انستقرام
يوتيوب
بنتيريست