|
|
|
 Re: يا عمر دفع الله .. ياخي ضرستنا .. ما في تعبير (Re: يحي قباني)
|
بصراحة يا قبانى
فى الف و الف صورة اخرى للتعبير عن هذا الموقف
بس اليومين دى .. تقول اى حاحة فى شغل معارض الله قال بى قولك
شخصيا اطالب بكرى ابوبكر بحذف العمل و الاعتذار لكل الشعب السودانى عنه
فى نفس المساحة و لمدّة تلاتة ايام
هسى ذنبنا شنو نشوف لينا عانة زول و نحنا كارهين وشّو
| |
 
|
|
|
|
|
|
|
|
Re: يا عمر دفع الله .. ياخي ضرستنا .. ما في تعبير (Re: يحي قباني)
|
فعلا يا عمر دفع الله لن تخلو قريحتك العبقرية من رسم آخر يعبر عن فكرتك
ما عايزين ندّي الكيزان وجدادهم الالكتروني فرصة للتشويش على بوستات الاعتصام
أرجو سحب الكاريكاتير تقديرا لنداءات الزملاء ولمسيرة المنبر في هذه الأيام
الكيزان والجداد ما عندهم لسان يتكلموا بيهو الأيام دي .. لا تمنحهم هذه الفرصة
كلنا قاعدين نغلط في غمرة اندفاعنا في التعبير عن غضبنا أو تضامننا مع اعتصام الشباب
ولا ضير ولا غضاضة في التراجع
شكرا يا قباني للتنبيه المبكر قبل أن يصحو الدجاج
| |
|
|
|
|
|
|
|
|
|
Re: يا عمر دفع الله .. ياخي ضرستنا .. ما في تعبير (Re: معاوية الزبير)
|
انا ايضا من المعجبين برسومات عمر دفع الله الكاركاتيرية
هذا الكاريكاتير غير موفق
بعدين الطهور أساسا حاجة كويسة باعتبار المرجعية الثقافي والمرجعية الدينية
ولكن تصويره وكأنه عقوبة ليس صحيحا، خاصة تصويره كشيء مؤلم والبشير يصرخ، يعني بدون بنج
في ذاكرة السودانيين حادثة اخضاع النمساوي سلاطين باشا لعملية ختان باعتبار انه ارغم على الدخول في الاسلام
ياسر
| |
|
|
|
|
|
|
|
|
Re: يا عمر دفع الله .. ياخي ضرستنا .. ما في تعبير (Re: Yasir Elsharif)
|
الناس غير السودانيين بتابعو التغيير عبر هذا الموقع والثورات في العالم لها ثقافة وفكر
وهذا الكاركتير قبيح جدا جدا
ومن الافضل اذالته
ومجاملة الشيوعيين دي واحدة من اكبر اسباب معاناة السودان والسودانيين
من الاول ما كان ينشر هذا الكاركتير
وسودانيز اون لاين من اكبر المواقع السودانية متابعة
وما تضيع لينا السودان على حساب فرد او علاقات شخصية يا بكري ابوبكر
والثورة فكر وثقافة
والله عايزين ترددو ليينا هتافات اكتوبر دييييك-الموثقة
| |
|
|
|
|
|
|
|
|
|
Re: يا عمر دفع الله .. ياخي ضرستنا .. ما في تعبير (Re: adil amin)
|
حكاية سلاطين لم أقم بتوضيحها كما ينبغي في مداخلتي بعاليه
أولا لا ينبغي اليوم إجبار أحد على الدخول في الإسلام "من شاء فليؤمن ومن شاء فليكفر"
دع عنك إجبار من يسلم على الخضوع لعملية الختان، من أراد الختان علي كيفو، ومن لم يرد برضو علي كيفو
هذه العقلية هي عقلية عمر البشير الذي يفتخر في المايكرفون بـ "ضبح غردون" وقطع رأسه.. يعني بمقاييس اليوم هو عبارة عن "زرقاوي" أو "أبو بكر البغدادي"
| |
|
|
|
|
|
|
|
|
|
Re: يا عمر دفع الله .. ياخي ضرستنا .. ما في تعبير (Re: Abdullah Idrees)
|
اولا من المعجبين بل والمتابعين لابداع الاستاذ عمر دفع الله
في صدر المنبر
والبوست المخصص للكاركتير
وبدون مجاملة او مبالغة افضل من عبر عن سؤات الاتقاذ ومخازي المشروع الحضاري وفساد اخوان نسيبة
لكن
للاسف اري انه لو يوفق في هذا
خاصة في هذه المرحلة الحرجة
عليه اتمنى صادقا ان يرد علينا باخر اكثر تعبير وتجسيدا لهذه المرحلة
التحية للاستاذ عمر دفع الله
-------------------------------------------------------------------
بالله ما في أي كوز او اي semi كوز يجي يأمن على كلامي ده ...
ده برا و ده برا ...
| |
|
|
|
|
|
|
|
|
|
Re: يا عمر دفع الله .. ياخي ضرستنا .. ما في تعبير (Re: علاء الدين صلاح محمد)
|
تحياتي يا هندسة
عايز الفت الأنظار لزاوية تانية في قراءة العمل
إذا كان كل الرافضين للعمل و المتقززين منه اعلاه من معارضي الإنقاذ وكارهي المؤتمر الوطني و رمزه البشير و فعل فيهم هذا الكاريكاتير ما فعل من اشمئزاز وإثارة
تخيّلوا طيب ماذا فعل هذا التعبير الصادم في نفوس مؤيدي البشير و الإنقاذ بل و البشير نفسه لو شافه
لجوء الشعب للعصيان بمثابة اعلان حرب على الكيزان, طيب الكراكاتير دا هو مساهمة عمر دفع الله في الحرب دي وهدفه الكيزان لا غير و من ردود افعال غيرهم فا بالتأكيد حيكون اصاب هدفه واحدث التأثير المطلوب عند الموجه لهم
هو عود قذافي آخر
| |
|
|
|
|
|
|
|
|
|
Re: يا عمر دفع الله .. ياخي ضرستنا .. ما في تعبير (Re: علي دفع الله)
|
تحياتي ود البشري
الزاوية مختلفة يا صاحبي
اضرب ليك مثل دون ذكاءك الذي اعرفه
ممكن اكون عندي حق عند زول ويتعرض لشتيمة بذيئة جدا من آخر . فهل ذلك يعيد لي حقي .. وبرضو انا اكره البذاءة فهل إذا قلت للشاتم تلك بذاءة اكون انتقصت من حقي
في ظني الذي قد يكون خطأ ان الفن اداة للتوعية ومراكمة الغضب وكشف الفساد
البوست صرفني عن كل تلك الاهداف وان كسب غضب كل اولياء السلطة
| |
|
|
|
|
|
|
|
|
|
Re: يا عمر دفع الله .. ياخي ضرستنا .. ما في تعبير (Re: دورنقاس)
|
الطهور يا ياسر، ارتبط عند الأطفال المسلمين بود ام بعلو
هذه العادة مورست عبر زمن طويل بجراحة بدائية مؤلمة ومخيفة للأطفال.
الأستاذ قباني صاحب البوست، ممكن يكون حضر زمن طهور القصبة المؤلم.
الخليفة والمهدية مارست هذه العادة بتخويف للمسيحيين الذين اجبرتهم على دخول الاسلام..
يقول كثيرين أن سبب نعمة الوعي الذي أحدثه دخول الانجليز للسودان، سببه طهورة سلاطين البي القصبة.
الكركتير من ناحية ثقافة اسلامية معبر خالص
| |
|
|
|
|
|
|
|
|
|
Re: يا عمر دفع الله .. ياخي ضرستنا .. ما في تعبير (Re: Hasheem Karouri)
|
تسلم يا عمر دفع الله؛
تسلم البطن الجابتك؛
تسلم ريشتك وابداعك وفنك؛
ناس المثاليات دي وين؟
لمن تم اغتصاب الحرائر ؛ وضربهن؛ وفضحهن؛ وتهديدهن...
نحن في معركة مفتوحة مع همج ومتخلفين؛ وساديين..
دي مثاليات تجاوزها الصراع؛
ضرس من ضرس؟
بس ادخل البهجة في نفوسنا نحن الشعب؛
عمر لانك فنان تحس بنبض الشعب وتعبر عنه باحترافية عالية؛
الي الامام؛
ولا جاء يوم شكرك؛
وللحساسين هاكم الضريسة دي!!!!
| |
|
|
|
|
|
|
|
|
|
Re: يا عمر دفع الله .. ياخي ضرستنا .. ما في تعبير (Re: عبدالمنعم الطيب حسن)
|
ما حساسية يا منعم يا صاحبي
ولكنه ادب الشعب السوداني
هذا الشعب شعب مؤدب رغم صفاقة وبذاءة التصريحات الرسمية
احكي ليك
حامد الرشيد همباتي .. رأيته في دكان والدي وانا طفل صغير .. زبونا ثم مسامرا في دكان ابي
همباتي
وسمعت من والدي لاحقا ان ود الرشيد ينيخ جمله قبل دخوله اي قرية ولا حلة ثم يقوده من رسنه وهو راجل
ليه !!
حتي لا يطلع علي عورات النساء
نحن شعب مؤدب وغير بذئ
نقطع الجمار خارج الحي حتي ينقطع الشوف ولا تدخل نساءنا المراحيض الحديثة الآن علي مرأي من الرجال
وو
و
نحن علمنا الشعب
مهذب امامك يطيب الجلوس
مع اكيد المودة
| |
|
|
|
|
|
|
|
|
|
Re: يا عمر دفع الله .. ياخي ضرستنا .. ما في تعبير (Re: عبدالحفيظ ابوسن)
|
Quote: ولكنه ادب الشعب السوداني
هذا الشعب شعب مؤدب رغم صفاقة وبذاءة التصريحات الرسمية
احكي ليك
حامد الرشيد همباتي .. رأيته في دكان والدي وانا طفل صغير .. زبونا ثم مسامرا في دكان ابي
همباتي
وسمعت من والدي لاحقا ان ود الرشيد ينيخ جمله قبل دخوله اي قرية ولا حلة ثم يقوده من رسنه وهو راجل
ليه !!
حتي لا يطلع علي عورات النساء
نحن شعب مؤدب وغير بذئ
نقطع الجمار خارج الحي حتي ينقطع الشوف ولا تدخل نساءنا المراحيض الحديثة الآن علي مرأي من الرجال
وو
و
نحن علمنا الشعب
مهذب امامك يطيب الجلوس
مع اكيد المودة |
عبدالحفيظ سلام وتحية؛
نعم نحن كذلك ادبنا الشعب واحسن تاديبنا؛
مرة وانا بعد يافع؛ كنت ابحث عن شيئ ما في غرفتي؛
وما وجدته... وقد طال البحث؛
وعندما اعياني البحث اذ بالمفقود ؛
وقد لاح في اخر لحظة قبيل الاحباط بهنيهة جزعة؛
وكنت وحيدا بالغرفة؛ وقد قلت لما ابحث عنه كلمة نابية جدا؛
وما ان انتهيت من اخر حرف فيها الا؛
وقد وجدت امامي ابوي بقامته الفارعة؛ ووجه السمح؛
وكدت ادخل في اضافري...
طيب ابي خاطري قائلا:
ياخ معليش انت ما كنت متخيل اجي في اللحظة دي؛ ولا متوقع...
بس الكلمات الزفرة لا تعود لسانك عليها؛
تصدق هذه العبارة ربما قبل اكتر من ربع قرن؛
طوال هذه السنوات لم اتفوه باي كلمة او عبارة مباشرة وزفرة ومخلة بالاداب العامة؛ ابدا...
نحن الشعب محترم ورصين ومهذب...
ولكن البجم ديل اكتر خلق الله قلة ادب وزفارة؛ كلاما وممارسة...
عشان كدة حا نديهم بالحتة الفيها الموسى المصدية!!!
تبا لهم جميعا!!!!
| |
|
|
|
|
|
|
|
|
|
Re: يا عمر دفع الله .. ياخي ضرستنا .. ما في تعبير (Re: عبدالمنعم الطيب حسن)
|
نقطة تانية برضو اسمحوا لي باثارتها يا شباب
خاصو لأصحاب الحديث عن ان هذا الكاريكاتير مضر بالعصيان!!
كيف الكلام دا, هل العصيان دا أمر ضعيف كدا يكفي كاريكاتير او لفظ نابي أو قصيدة بذيئة في الحاق الضرر به!!
ثم هل سودانيز اونلاين او الراكوبة او اينما انتشر هذا الكاريكاتير يملكون ذلك التأثير اساسا لدرجة ان من نوى العصيان يغير رأيه و المتردد يحسم أمره بعدم المشاركة
يا خوانا وراء هذا العصيان جهود كبيرة وكبيرة جدا تجري على الأرض حقيقة لا في الاسافير فقط, أجزم ان نسبة كبيرة من المشاركين عرفوا عنه واقتنعوا نتيجة التواصل المباشر من الشباب و الزملاء و الكلمة تنتقل من فم لأذن مباشرة
لا تستهينوا بهذا الجهد ولا تضخّموا الأسافير
| |
|
|
|
|
|
|
| |
يحي قباني
جلالدونا
elsawi
معاوية المدير
elhilayla
معاوية الزبير
Yasir Elsharif
adil amin
عبدالحفيظ ابوسن
Abdullah Idrees
علاء الدين صلاح محمد
محمد البشرى الخضر
علي دفع الله
عثمان حسن عثمان
دورنقاس
عبدالعظيم عثمان
Haydar Badawi Sadig
Hasheem Karouri
doma
عبدالمنعم الطيب حسن
فيس بوك
تويتر
انستقرام
يوتيوب
بنتيريست