|
دعواتكم لزميلنا المفكر د.الباقر العفيف بالشفاء العاجل
|
|
 Re: خبير بطيخ دولي (Re: درديري كباشي)
|
هههههههه دي من الحاجات المعقداني لي هسة
بقول ليه علي السكين يا عمك وبطلع لي مثلث أحماااااار اشيلها وأمشي
سبحان الله أول ما افتحها في البيت تطلع بيضاء ومسيخة ومافي حمار إلا في الحتة القطعها التقول حاقنها بحقنة عصير كركدي 
مرة زميلتي بت مزارعية وصفت لي طريقة لكن برضو غلبتني
قالت لي تعاين لي .... هي اسمها شنو البتاعة البتربط بين البطيخة والشجرة دي ؟ المهم تعاين لمحل قطعوها من الشجرة لو ناشفة معناها نجيضة وطاعمة ولو لينة معناها لسة ما نجضت
| |
 
|
|
|
|
|
|
|
|
Re: خبير بطيخ دولي (Re: أحمد محمد عمر)
|
هههههههه دي من الحاجات المعقداني لي هسة بقول ليه علي السكين يا عمك وبطلع لي مثلث أحماااااار اشيلها وأمشي سبحان الله أول ما افتحها في البيت تطلع بيضاء ومسيخة ومافي حمار إلا في الحتة القطعها التقول حاقنها بحقنة عصير كركدي مرة زميلتي بت مزارعية وصفت لي طريقة لكن برضو غلبتني قالت لي تعاين لي .... هي اسمها شنو البتاعة البتربط بين البطيخة والشجرة دي ؟ المهم تعاين لمحل قطعوها من الشجرة لو ناشفة معناها نجيضة وطاعمة ولو لينة معناها لسة ما نجضت
------------------------
ما عتندك مشكلة ممكن نشيل منك المعلومة دي ونديك بدلها واحدة جديدة هههههههههه
| |
|
|
|
|
|
|
|
|
|
Re: خبير بطيخ دولي (Re: درديري كباشي)
|
بعد إلحاح على عم ادم بائع البطيخ لكشف سرهم الباتع في اختيار بطيخات مميزة يختصوا بها زبائن معينين كان والدنا كباشي الامين عليه الرحمة احد هؤلاء الصفوة كما يقول المريخاب ..
لكن انا جبتها كبيرة هذه المرة وألحيت عليه في معرفة السر نفسه
قال عم ادم مستسلما انت
تشوف الناس يضربوا بيدهم على البطيخة بحكم العادة فقط لكن لا يعرفون سر هذه الضربة .
وهنا يكمن السر..
اولا لتختار بطيخة لازم تضربها هي مقارنة بضرب اأربعة او ثلاثة أخريات لهن نفس الحجم
البطيخة التي تصدر صوت مطرطر او مطخطخ مثل جردل البلاستيك الملي بالماء تبعد من المقارنة لأنه معناها بطيخة (لاقة او مشمشة)
بعد ذلك من الثلاثة الباقيات تختار الأحد صوتا
يعني لو مثلا واحدة صوتها
دق دق
والثانية تك تك
تختار الثانية
قلت اشمعنى الصوتها حاد تكون أحلى
قال لانه الكتمة تجي بسبب السكر التقيل
وصلتني الفكرة تماما رغم ان عمنا هذا لاسمع بكيميا ولا فيزيا
لكن بالمنطق البطيخة السكرها اكثر معناها كثافتها أعلى اذن صوتها اكتم
ومن يومها انا صرت أحد خبراء البطيخ في الكرة الأرضية
كمان بقيت اتفنن بعد ما اختار البطيخة ادور عن الأكتم منها بمعنى الأحلى منها
خيار من خيار..
كل الأصحاب كانوا يعتقدون بأني محظوظ في البطيخ
يعني لو حظي البطيخي هذا انتشر في باقي حياتي لنافست صلاح ادريس وجمال الوالي ...
كنت اكتم السر واستسلم لإتهامي الجائر بالحظ
الجمعة ومن الطرائف مرة بعد صلاة
كان هناك بائع بطيخ خارج المسجد وقفت اشتري منه وهوكالمعتاد و مثل ما يفعل مع الزبائن اختار لي واحدة ( خذ هذه يا زول)
طلبت منه بجدية ونهرة انه يعيدها مكانها ..
وبركت قرب كوم البطيخ ومارست طقوس الإختيار
اعزف على اربعة بطيخات
حتى اخترت منهن الاكتم
كثير من الزبائن كانوا يراقبونني بإندهاش
حتى اثبت لهب انه لست دجالا طلبت منه ان يفتحها بالسكين
كانت حمراء اقرب حتى للكبدي
اثارت إعجابهم ودهشتهم حتى بائع البطيخ نفسه تعجب
اطرف حاجة احد الزبائن كان يحمل بطيخة من اختيار البايع أعادها وطلب مني ان اختار له...
وفعلا مارست الطقوس مرة اخرى واخترت له
.اكثر شي يثير غرور الانسان عندما يجد نفسه موضع ثقة عند الاخرين وصاحب استشارة .
وانا حتى لا يتهموني بالدجل والشعوذة كما جرت العادة في الحالات المشابهة
قلت لهم نحن اصلا مزارعين من مناطق زراعية في السودان ،،،،،،،
نرجو من باعة البطيخ يسامحونا
يبدو انه لن يشتري احد بطيخة بيضاء بعد اليوم
وبالهنا والشفاء
درديدي كباشي
خبير بطيخ دولي
| |
|
|
|
|
|
|
|
|
|
Re: خبير بطيخ دولي (Re: درديري كباشي)
|
تحياتي ياخبير البطيخ ولضيوفك الكرام
والله حتى { عمك قوقل } يكون ماناقش المعلومة دي
وانت عارف المغتربين عقلهم الباطني مبرمج بان البائعين في السودان يغشوهم
فكثيرا ما يتردد المغترب في شراء اي شيء
ولايشتريه الا بعد الحاح شديد
وعشرات المرات يقول لي ابنائي ابوي ماتمشي السوق بغشوك
وعلى الرغم من انني اترك السيارة بعيدا
واعمل فيها سوداني اغبش
لكن حتى الجزارين اولاد لذينة
مما يشوف الجضوم كباااار وممسحات يعرفك مغترب !!!!
ولكن الراس كما تعرف قوي جدا فلا اهتم بما يقوله الأبناء
رغم انهم كانوا يضحكون علي عاماً ونيف { نيف دي كم شهر يعني } ؟؟
يضحكون بسبب انني لبست سروال طويل وعراقي
وذهبت الى سوق الكريبة لشراء خروف الأضحى
وعزلت واحد ماكن املح اغبر
وحينما انزلنا سعادة الخروف من الأتوس نتفاجأ بانه { نعجة } !!!
المهم هوساوي في الحصاحيصا فارش بطيخ جوار الجوازات
عزلت واحدة بعد ان دقاقها الدقات المعهودة دي
وقال لي ياعمك دي كويسة
قلت ليهو بي كم ؟؟؟
فقال { 40 جنيه }
قلت ليهو نشيلها بي { 20 }
الهوساوي زعل وقال .. { بي اربأين ذاتو يفته اللا} !!!
الترجمة بي الأربعين يفتح الله !!!
| |
|
|
|
|
|
|
|
|
Re: خبير بطيخ دولي (Re: ابوحراز)
|
تحياتي ياخبير البطيخ ولضيوفك الكرام والله حتى { عمك قوقل } يكون ماناقش المعلومة دي وانت عارف المغتربين عقلهم الباطني مبرمج بان البائعين في السودان يغشوهم فكثيرا ما يتردد المغترب في شراء اي شيء ولايشتريه الا بعد الحاح شديد وعشرات المرات يقول لي ابنائي ابوي ماتمشي السوق بغشوك وعلى الرغم من انني اترك السيارة بعيدا واعمل فيها سوداني اغبش لكن حتى الجزارين اولاد لذينة مما يشوف الجضوم كباااار وممسحات يعرفك مغترب !!!! ولكن الراس كما تعرف قوي جدا فلا اهتم بما يقوله الأبناء رغم انهم كانوا يضحكون علي عاماً ونيف { نيف دي كم شهر يعني } ؟؟ يضحكون بسبب انني لبست سروال طويل وعراقي وذهبت الى سوق الكريبة لشراء خروف الأضحى وعزلت واحد ماكن املح اغبر وحينما انزلنا سعادة الخروف من الأتوس نتفاجأ بانه { نعجة } !!! المهم هوساوي في الحصاحيصا فارش بطيخ جوار الجوازات عزلت واحدة بعد ان دقاقها الدقات المعهودة دي وقال لي ياعمك دي كويسة قلت ليهو بي كم ؟؟؟ فقال { 40 جنيه } قلت ليهو نشيلها بي { 20 } الهوساوي زعل وقال .. { بي اربأين ذاتو يفته اللا} !!! الترجمة بي الأربعين يفتح الله !!!
ا--------------------------------
هههههههههههههههه
قلت لي عمك زعل
أها دي مشكلة قائمو بذاتها لأهلنا في التجارة نفسنا قصير جدا وتضيعنا الحماقة
هنا اليمنية الواحد يقول لك لو ما معك فلوس خدها مجانا ما مشكلة
| |
|
|
|
|
|
|
|
|
|
Re: خبير بطيخ دولي (Re: sadig mirghani)
|
أبو الدرادر.... صباحك بطيخ ياااخ
خلاص الموسم فتح ... ورمضان كبس .. وبقيتو تتشهوا ...
المهم... ما غايظني إلا إدخال السعوديين والشوام للبطيخ تهكماً في حياتهم ..
الواحد يجي يقول ليك ( بلا بتاع بلا بطيخ )...
| |
|
|
|
|
|
|
|
|
|
Re: خبير بطيخ دولي (Re: درديري كباشي)
|
درديري يا فنان
أقوليك تكنيك تاني بخليك تعرف البطيخة نجيضه أو نيه
تمسك البطيخة وتقرشا بضفرك , اذا القشرة مشت معاك بسهوله دي بطيخة مستوية
وبتكون حمراء وطاعمة ..
واذا عصلجت معاك بتكون لسه ما أستوت وغالبا بيكون فيها بياض ..
بالله دي ما أحسن من الخبت ودق البطيخ (في النهاية يدك بتحمر والبطيخ بيضاء)
خبير بطيخ إقليمي
| |
|
|
|
|
|
|
|
|
|
Re: خبير بطيخ دولي (Re: عبدالعظيم عثمان)
|
درديري يا فنان أقوليك تكنيك تاني بخليك تعرف البطيخة نجيضه أو نيه تمسك البطيخة وتقرشا بضفرك , اذا القشرة مشت معاك بسهوله دي بطيخة مستوية وبتكون حمراء وطاعمة .. واذا عصلجت معاك بتكون لسه ما أستوت وغالبا بيكون فيها بياض .. بالله دي ما أحسن من الخبت ودق البطيخ (في النهاية يدك بتحمر والبطيخ بيضاء) خبير بطيخ إقليمي
--------------------------------------------------------------
نعتبرها منك إجابة ونشوف من غيرك يا عبد العظيم على قول محمد موسى
خلينا نجمع تراكم الخبرات
الزمن دا زمن التخصصات الدقيقة
هههههههههه
| |
|
|
|
|
|
|
|
|
|
Re: خبير بطيخ دولي (Re: sadig mirghani)
|
البطيخابي الكبير ود كباشي
تحياتي ليك ولضيوفك الكرام ...
طريقة خبط البطيخة وضرورة أن تكون ذات رنة قوية وغير متختخة وكذلك لا تكون ذات صوت معدني
وطريقة الخرشة وضرورة أن تكون خرشة سلسة ويظهر معها لون أخضر ...
كلاهما علمني لهما قريب لي .. يعمل مهندسا زراعيا ... وخبير بطيخ بالجد ...
لكن والله يا أبو الدرادر ... مرات ما قاعدة تلفق معاي ...
عندنا واحد صديق وزميل دراسة من أبناء كوستي ....
وكوستي معروفة كذلك بوفرة إنتاجها من البطيخ ...
يقول أنه في مرة وهو يقود سيارته ... وقف عند صاحب بطيخ ...
وأشار من مقعده في السيارة لبطيخة معينة وقال لصاحب البطيخ ارفعها ...
صاحب البطيخ جاب سكينو وقال ليهو نفتحها ليك ...
صاحبنا اتنفخ وانتفش وقال ليهو : تفتحها؟؟؟ ... أفو ... أنا ود البطيخ .. ارفع البطيخة دي!!!!
المهم صاحبنا لما وصل البيت وفتحها ... لقاها ليك .. بيضاااااااااااااااء تسر الناظرين ..
ولا أثر لطعم السكر فيها.....
ومن يومها ونحن نسميه ود البطيخ ....
| |
|
|
|
|
|
|
|
|
|
Re: خبير بطيخ دولي (Re: عبد الباقي الجيلي)
|
تحياتي يادرديري
إنت عارف يادرديري هشع ماشاء الله البطيخ بقي سمح وطاعم وأكثره بتشابه
لكن زمان ياخ كان (العلج) كتير خلاااااس
تشتري ليك كم بطيخة وتمرق من السوق ونامن تصل البيت (يفقعوهن) وتلقاهِن كووووولهن (عَلَج)
زي نعجة الوريف أستاذنا أبوحراز
| |
|
|
|
|
|
|
|
|
|
Re: خبير بطيخ دولي (Re: عبيد الطيب)
|
درديري وضيوفك الكرام ... تحياتي،
| Quote: كمان بقيت اتفنن بعد ما اختار البطيخة ادور عن الأكتم منها بمعنى الأحلى منها خيار من خيار.. |
يا خبير .. سر الحبوب السوداء شنو؟
| |
|
|
|
|
|
|
|
|
|
Re: خبير بطيخ دولي (Re: عبيد الطيب)
|
تحياتي يادرديري إنت عارف يادرديري هشع ماشاء الله البطيخ بقي سمح وطاعم وأكثره بتشابه لكن زمان ياخ كان (العلج) كتير خلاااااس تشتري ليك كم بطيخة وتمرق من السوق ونامن تصل البيت (يفقعوهن) وتلقاهِن كووووولهن (عَلَج) زي نعجة الوريف أستاذنا أبوحراز
-------------------------------------
كيف يعني يا ود العمدة البطيخ كله بقى سمح وطاعم بقى يستعمل كريمات هو كمان ولا شنو ههههههههههههه
حلوة مصطلحاتك البدوية دي عاج دي أول مرة تلاقيني
| |
|
|
|
|
|
|
|
|
|
Re: خبير بطيخ دولي (Re: عبد الباقي الجيلي)
|
البطيخابي الكبير ود كباشي تحياتي ليك ولضيوفك الكرام ... طريقة خبط البطيخة وضرورة أن تكون ذات رنة قوية وغير متختخة وكذلك لا تكون ذات صوت معدني وطريقة الخرشة وضرورة أن تكون خرشة سلسة ويظهر معها لون أخضر ... كلاهما علمني لهما قريب لي .. يعمل مهندسا زراعيا ... وخبير بطيخ بالجد ... لكن والله يا أبو الدرادر ... مرات ما قاعدة تلفق معاي ... عندنا واحد صديق وزميل دراسة من أبناء كوستي .... وكوستي معروفة كذلك بوفرة إنتاجها من البطيخ ... يقول أنه في مرة وهو يقود سيارته ... وقف عند صاحب بطيخ ... وأشار من مقعده في السيارة لبطيخة معينة وقال لصاحب البطيخ ارفعها ... صاحب البطيخ جاب سكينو وقال ليهو نفتحها ليك ... صاحبنا اتنفخ وانتفش وقال ليهو : تفتحها؟؟؟ ... أفو ... أنا ود البطيخ .. ارفع البطيخة دي!!!! المهم صاحبنا لما وصل البيت وفتحها ... لقاها ليك .. بيضاااااااااااااااء تسر الناظرين .. ولا أثر لطعم السكر فيها..... ومن يومها ونحن نسميه ود البطيخ ....
----------------------------------
هههههههههههههه يا عبد الباقي تحياتنا لود البطيخ ياخ
خليه يمر هنا ياخد الكورس المجاني دا عشان تاني ما يتورط
| |
|
|
|
|
|
|
|
|
|
Re: خبير بطيخ دولي (Re: sadig mirghani)
|
ود كباشي قصدك في بورداب لاقّين انا متأكد من ناصر الباقين الا كان تجسهم
---------------------------------------
لا والله ما عندي أي قصد بأي شخص ولا هو اسلوبي
نحن لمن نتكلم عن العام نتكلم بصورة عامة
بس قلنا نستعرض خبراتنا الدنيا ما معروفة
| |
|
|
|
|
|
|
|
|
|
Re: خبير بطيخ دولي (Re: درديري كباشي)
|
درديري سلام الله عليك
تعرف عنوانك ده جهجهني جهجهة شديدة
قايلك شمرتا ليك على زول هنا
وجيت شايل عكازي.
لكن جات سلامه والحمدلله
بوست عجيب.
| |
|
|
|
|
|
|
|
|
|
Re: خبير بطيخ دولي (Re: عوض جاه الرسول)
|
ههههههه
درديري وضيوفه الكرام
ياخي اقول ليك ابوي الله يرحمو كان بيحب البطيخ حب خرافي
مرة جاء عمرة واخوي كان شغال في المدينة المنورة
لمن ابوي خلاص خلص العمرة وجاء يجاور في المدينة كم يوم كدة
قمت اخدت العيال ومشيت ليهم في المدينة
دخلتها بعد صلاة الصبح وكان اخوي وأبوي منتظرني في الموقف
بعد السلام والتحيات
مشينا البيت اول ما دخلت الشقة
عيانت المدخل لقيتو مردوم بطيخ للسقف
ضحكت لمن اتكفيت
قلت لي أبوي انت جاي تجاور النبي ولا تجاور البتيخ
ههههه
ياخي ابوي دا كان عندو منجل خاص بقطع بيه البطيخ
رحمة الله تغشاه
| |
|
|
|
|
|
|
|
|
|
Re: خبير بطيخ دولي (Re: Asim Ali)
|
كيفك يا درديري
الدق كيف ؟ باليد كلها - بأصبع واحد - بأصبع واحد محني بالمفصل من وراء
يعني لازم الوصفة كلها - وتر العود أو الجيتار لوضغطتو قريب منك صوتو بختلف في أقصاه
وصفة عبد العظيم ممتازة برضو بس القشرة تكون بضغط متوسط
| |
|
|
|
|
|
|
|
|
|
Re: خبير بطيخ دولي (Re: حمد عبد الغفار عمر)
|
الأخ خبير البطيخ الدولي درديري كباشي
تحياتي و شكرا ليك علي المعلومة الخطيرة دي يا (صفوة)..المهم أنا اكتر واحد ح استفيد منها لانو كل اجازة و بي صورة شبه يومي لازم امر علي سوق بحري و امشي علي اعمامك الجالسين في الركن الجنوبي الغربي لسوق الخضار و اشتري لي بطيخة و يويما ناس البيت يضحكوا لانو عارفين غااالبا تطلع ما (حمار و حلا) و الضحك علي اصراري اليومي علي الشراء !!! الشهر الماضي رغم اني مشيت في اجازة طارئة و لمدة تلاتة ايام فقط لكن مريت علي سوق بحري و قلت دي اجازة قصيرة و لازم بطيخة كبيرة و فعلا دفعت فيها 40 جنيه و لكن لم تكن (حمار و حلا).
شكرا ليك و ح نتأكد من خبراتك عمليا قريبا جدا و ح اركز علي البتصدر صوت تك تك و أبعد من دق دق
| |
|
|
|
|
|
|
|
|
|
Re: خبير بطيخ دولي (Re: عبدالعزيز الفاضلابى)
|
ابو الدر ياخ انا عازمك صلاة جمعة في المسد الجنبنا !!!! ياخي في واحد بتاع بطيخ بعد الصلاة بمر علي كل مرة واشتري بطيخه وللاسف القاها برررررررضو لا حلا لا حمار .. فيا اخي طالما انت خبير دولي عليك الله الجمعة الجاية تعال صليها في المسجد الجنبنا وخلينا نستفيد من خبراتك دي ياخ ... وتوجد مواصلات بعد العرض عفوا قصدي الأخد هههههههههههههه . غايتو مبدئيا كده بخلي ام العيال تجهز غداء إمكن مسالة الاختيار تطول هههههه ..
شكرا يا حبيب بس قلنا نمر ونسلم ...
تحياتي : ياسر العيلفون ....
| |
|
|
|
|
|
|
|
|
|
Re: خبير بطيخ دولي (Re: ياسر السر)
|
ابو الدر ياخ انا عازمك صلاة جمعة في المسد الجنبنا !!!! ياخي في واحد بتاع بطيخ بعد الصلاة بمر علي كل مرة واشتري بطيخه وللاسف القاها برررررررضو لا حلا لا حمار .. فيا اخي طالما انت خبير دولي عليك الله الجمعة الجاية تعال صليها في المسجد الجنبنا وخلينا نستفيد من خبراتك دي ياخ ... وتوجد مواصلات بعد العرض عفوا قصدي الأخد هههههههههههههه . غايتو مبدئيا كده بخلي ام العيال تجهز غداء إمكن مسالة الاختيار تطول هههههه ..
شكرا يا حبيب بس قلنا نمر ونسلم ...
تحياتي : ياسر العيلفون ....
-----------------
والله يا ياسر عزومتك دي أخير منها عزومة المراكبية
وهم على الأقل بيعزموا الناس الفي القيفة على اكلهم الفي المركب وهو متحرك يعني كان لم فيهم كيجاب بيقطعها ليهم في راسهم
لكن عزومتك دي حتى الغدا فيها ما مضمون
هههههههههههههههههههههه
| |
|
|
|
|
|
|
|
|
|
Re: خبير بطيخ دولي (Re: عبدالعزيز الفاضلابى)
|
نويت تتقاعد يادفعة؟
--------------------------------
شوفوا معافرة المحامين والبحث عن الثقرات يعني لوري البطيخ دا كله ما لقيت فيه غير دي ههههههههههههههههههههههههههه
| |
|
|
|
|
|
|
|
|
|
Re: خبير بطيخ دولي (Re: الحاج حمد الحاج)
|
لأخ خبير البطيخ الدولي درديري كباشي تحياتي و شكرا ليك علي المعلومة الخطيرة دي يا (صفوة)..المهم أنا اكتر واحد ح استفيد منها لانو كل اجازة و بي صورة شبه يومي لازم امر علي سوق بحري و امشي علي اعمامك الجالسين في الركن الجنوبي الغربي لسوق الخضار و اشتري لي بطيخة و يويما ناس البيت يضحكوا لانو عارفين غااالبا تطلع ما (حمار و حلا) و الضحك علي اصراري اليومي علي الشراء !!! الشهر الماضي رغم اني مشيت في اجازة طارئة و لمدة تلاتة ايام فقط لكن مريت علي سوق بحري و قلت دي اجازة قصيرة و لازم بطيخة كبيرة و فعلا دفعت فيها 40 جنيه و لكن لم تكن (حمار و حلا). شكرا ليك و ح نتأكد من خبراتك عمليا قريبا جدا و ح اركز علي البتصدر صوت تك تك و أبعد من دق دق
-------------------------------------------------------
طبق النظرية يا حمد وما حا تندم
بعدين ما حا تخسر حاجة أنت أصلا بطيخك أبيض كان ظبطت أدعلينا وكان بيضاء اعتبرها ابتلاء كما يقول الأخوان هههههههههههههه
| |
|
|
|
|
|
|
|
|
|
Re: خبير بطيخ دولي (Re: حمد عبد الغفار عمر)
|
كيفك يا درديري
الدق كيف ؟ باليد كلها - بأصبع واحد - بأصبع واحد محني بالمفصل من وراء
يعني لازم الوصفة كلها - وتر العود أو الجيتار لوضغطتو قريب منك صوتو بختلف في أقصاه
وصفة عبد العظيم ممتازة برضو بس القشرة تكون بضغط متوسط
---------------------------------------
حمد يا فنان أهم شئ توحد الضربة بعداك انشاء الله بالكوع
يعني ما تضرب واحدة بالأصبع والتانية ببطن اليد
| |
|
|
|
|
|
|
|
|
|
Re: خبير بطيخ دولي (Re: Asim Ali)
|
صادفت فى دارفور بطيخ نوعو اصلا ابيض .
ما اكلت منو
لو فى زول يدينا فكره عن النوع دا ؟ .
---------------------------
شكرا يا عاصم للاضافة
نحن كمان في أنتظار فكرة عن بطيخ دارفور الأبيض دا
عرفنا الصينيين طلعوا كركدي أبيض لكن بطيخ دي جديدة هههههههههه
| |
|
|
|
|
|
|
|
|
|
Re: خبير بطيخ دولي (Re: جمال عبد الناصر محمد)
|
ههههههه درديري وضيوفه الكرام ياخي اقول ليك ابوي الله يرحمو كان بيحب البطيخ حب خرافي مرة جاء عمرة واخوي كان شغال في المدينة المنورة لمن ابوي خلاص خلص العمرة وجاء يجاور في المدينة كم يوم كدة قمت اخدت العيال ومشيت ليهم في المدينة دخلتها بعد صلاة الصبح وكان اخوي وأبوي منتظرني في الموقف بعد السلام والتحيات مشينا البيت اول ما دخلت الشقة عيانت المدخل لقيتو مردوم بطيخ للسقف ضحكت لمن اتكفيت قلت لي أبوي انت جاي تجاور النبي ولا تجاور البتيخ ههههه ياخي ابوي دا كان عندو منجل خاص بقطع بيه البطيخ رحمة الله تغشاه
------------------------
ههههههههههههههههههههه والله يا جمال معلوم جديدة أول مرة أعرف أن المدينة مشهورة بالبطيخ كمان نحن نعرف البلح والعجوة
الله يقبل زيارة الوالد ويأجره عليها ولا يكون حبه للبطيخ خصما على حب النبي سمت أهل السودان جميعا
| |
|
|
|
|
|
|
|
|
|
Re: خبير بطيخ دولي (Re: عوض جاه الرسول)
|
قايلك شمرتا ليك على زول هنا وجيت شايل عكازي. لكن جات سلامه والحمدلله بوست عجيب.
-------------------------------
لا نحن لمن السياسة تحمض يا عوض نقلب بطيخ عديييييييل
| |
|
|
|
|
|
|
|
|
|
Re: خبير بطيخ دولي (Re: عماد الدين الطيب عمر)
|
=
للزمن قيمته أيها الخبير الدولي
وكما تعلم فنحن في عصر الفيمتو ثانية
وأمامنا يا كباشي عرض بطيخي يسيل له اللعاب وفرصة لتوقيع اتفاقية شراكة استثمارية
نقوم فيها بتقطيع مكعبات البطيخ مثل حبات الشيكولاتة، ونبيعها بأغلى من علب الكافيار.
على أن ينحصر دورك أيها الخبير درديري في سرعة النقْر والإنتقاء والإختيار بمتوسط ثلاث بطيخات في الدقيقة،
وبشرط أن تكون كل واحدة منها حلوة غراء فرعاء وممتلئة وحمراء تسر الناظرين
وسوف نستعين بهذا الخبير الدولي ليقوم بعملية التقشير والتقطيع بمعدل ثلاث بطيخات كل 63 ثانية، وبمتوسط 21 ثانية للبطيخة الواحدة.
وأن يكون شعارنا الاستثماري:
(نأكل مما نقطع، ونلهط حتى نشبع)
تحياتي لك والضيوف
والبوست اللذيذ ولبطيخنا الألذ
...
..
.
| |
|
|
|
|
|
|
|
|
|
Re: خبير بطيخ دولي (Re: الصادق عبدالله الحسن)
|
والله يا الصادق جلبت لنا متع أخريات على عادتك
لو قريت ليوسف السباعي
عنده مسرحية أسمها
أم رتيبة
بطلها عبد الصبور على ما أذكر أو غير الأسم
أخته تتباهى به أمام النساء
أنه هو خبير طرشي
والطرشي في لغة المصريين وهو المخلل
والمصريين من لوزام موائدهم هو المخلل
المهم المفارقات الطريفة في هذه المسرحية الساخرة عن نوع هذه الخبرة النادرة ..
وعبد الصبور وظيفته منحصرة في الذواقه فقط
يتذوق براميل الطرشي ويشير للعمال فيما ينقص كل برميل
ونحن في زمن التخصصات الدقيقة
خلينا نكون في شركتكم عزال بطيخ
ما بطالة
مع الوظائف النادرة دي
ههههههههههه
| |
|
|
|
|
|
|
|
|
|
Re: خبير بطيخ دولي (Re: عماد الدين الطيب عمر)
|
درديري
تحياتي
اسمع و الشمام كيف ؟
برضو 4 لبعات ؟
و لا في DISCOUNT ؟؟
غايتو بي سرّك القلتو دا
تجار البطيخ لازم يعيدوا حساباتهم ؟
------------------------------
والله الشمام ما أدونا ليه
لكن الشمام عادة مواسيره ما كتيره يا عماد
| |
|
|
|
|
|
|
|
|
|
Re: خبير بطيخ دولي (Re: أحمد محمد عمر)
|
غايتو يا درديرى طلعت كيشة بتيخ
بصفتى تربال .. الشغلة ابسط مما تتصور
نظرة بس
زى ما عينك بتفرز البت السمحة من بين مجموعة بنات
كذلك البطيخة
مش لو البنات جايات عليك و فرزت السمحة
و لما يتجاوزوك بتلف رقبتك و تعاين لى قفاها
برضو كذلك البتيخة
اقلبا و شوف قفاها
هناك سر البتيخة
يا كيشة
| |
|
|
|
|
|
|
|
|
|
Re: خبير بطيخ دولي (Re: جلالدونا)
|
غايتو يا درديرى طلعت كيشة بتيخ بصفتى تربال .. الشغلة ابسط مما تتصور نظرة بس زى ما عينك بتفرز البت السمحة من بين مجموعة بنات كذلك البطيخة مش لو البنات جايات عليك و فرزت السمحة و لما يتجاوزوك بتلف رقبتك و تعاين لى قفاها برضو كذلك البتيخة اقلبا و شوف قفاها هناك سر البتيخة يا كيشة
-----------------------------------
لا يا جلة لا
شو هاد
مش ممكون
متابع بي ان سبورت ؟؟؟؟
هههههههههههههههههه
البطيخ بالنظر دي أحلى حاجة
| |
|
|
|
|
|
|
| |
ابوحراز
عبدالعظيم عثمان
عبد الباقي الجيلي
عبيد الطيب
نصر الدين عثمان
جمال عبد الناصر محمد
Asim Ali
حمد عبد الغفار عمر
الحاج حمد الحاج
عبدالعزيز الفاضلابى
ياسر السر
الصادق عبدالله الحسن
جلالدونا
فيس بوك
تويتر
انستقرام
يوتيوب
بنتيريست