Quote: معاوية المدير سلام ، دائماً ما بتسمع الكلام ، قلنا ليك خش وفد المرافئ ، كان ممكن تكون وزير الإعلام ، أو رئيس جهاز المغتربين ، أو والي ولاية نهر النيل ، ييَا بُنَيَّ ارْكَب مَّعَنَا وَلَا تَكُن مَّعَ ، الْمعارضة الهزيلة العرجاء ، كل الأشواق ، ود المدير ، *** عزالدين عباس الفحل ابوظبي
Quote: النصيحة بتخلع ما بتكتل يا ود الفحل خدر الله ضراعك ولعل ود المدير يرعوي ويستجيب نحن محتاجين لامكاناتو دي في نهر النيل الولاية الحبيبة والأ يهدرها في مجاملة معارضي الفنادق السيدح .
05-01-2017, 07:46 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
حبيبنا المدير .. أنا احتج بعنف وشدة .. عايزنك في الولاية الشمالية .. عشان الجو أقرب لكندا ( البرد عندنا أشد من ولاية النيل ) غير القصر المطل على النيل في دنقلا .. وناس هادين وعددهم قليل جداً كل الولاية (800 الف ) كمان ناس غنا وفن (هههه ) أهلنا الشوايقة ونحن هناك ناس وردي والخليل بعدين ولاية النيل هي ولاية الرئيس ما محتاجين كفاءات زي ودالمدير .. مع أن ولايتنا الشمالية منهم بكري ، وعبدالرحيم ، وعلي عثمان ، وعوض الجاك ، ومصطفى ، ووزير الدفاع ، والناس البنوك ، لكن ولاية النيل ما شاء الله سحبت مننا الاستثمارات (ههه ) عايزين ود المدير .. على الشرط يكون زي رئيس كندا الشاب الجميل داك .. يكون إجتماعي ووسط الغلابى والترابلة .. سير ... سير ... ودالمدير .. ونحن وراك للتغيير .. بشرط أن أنا النائب .. خلاص زهجنا من الغربة والكفيل ..
05-01-2017, 08:02 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
احية طيّبة للشعب السوداني الطيّب، طبعاً بما إنكم كووولكم في خلفية الفيديو وطراجي تخاطبكم، ما تقولوا لي نحن مافي الخلفية أنا شايفكم، وإنتو براكم شايفين التقشُف الظاهر علي التحدثة طراجي والتي إنفعلت يوم إنفعلت عشانكم إنتو .
بعد الخرتوم ...
05-01-2017, 08:07 AM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
Quote: معارضي فنادق يعني شنو انا عايتو خشبت فندق في شهر العسل عشرة يوم وقعدت فيهو يومين
الناس ديّل قاصدين مؤيدي فنادق، إنت كمان ما تحُكها شديّد كدي، علماً بأنّ المُحتفى بها في هذا البوست ما زالت متجدعة في الفنادق . حذِّر فذِّر علي حساب مين ؟...
05-01-2017, 08:20 AM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
ابن عمنا ولاية نهر النيل فنادق ما فيها دواوين بس ونوم في الحيشان اها يا سعادة الوالي القادم الجلاليب والعمم والشالات علينا في الرياض بس رسل مقاسك وما تشيل هم العصاية محوله لاخونا دينق
اللحمر ختري، ختري عديييييييييييل كدا ؤ مناسب مع الشعب السوداني الطيّب . غايتو جهرني ؤ عمل لي زغللة في العيون وإحتمال يكون مُو أحمر . يا علي عبد الوهاب شايفك اليومين ديّل بقيت بتاع ألوان (ما حسين خوجلي) ألوان الجلبطة، عليك الله أفتينا ...
05-01-2017, 08:31 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: ابن عمنا ولاية نهر النيل فنادق ما فيها دواوين بس ونوم في الحيشان اها يا سعادة الوالي القادم الجلاليب والعمم والشالات علينا في الرياض بس رسل مقاسك وما تشيل هم العصاية محوله لاخونا دينق
ما بتقصر يأبن عمي، بس عليكم الله ركزوا لي علي البيلبسوهن كمال ترباس ؤ جمال الوالي ما تمشوا تجيبوا لي شلآتيتاً عفنانات . العصا الأبنوسية دينق بيجاسفا لينا .
يا حليل نهر النيل، متين همشوها !...
05-01-2017, 08:51 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: آآ النفس الحار سببو الحرص علي الوطن، النفس الحار سببو الحِرص علي موارد الدولة، بنفتكر لما نكون مستضافين ، آآ في في مِن قِبلُن والله بالعكس يعني انا حسِي الأهل زاتو ما بكون عندي زمن ليهُم، بفتكر أنا زمني كُلو لهذه الدولة اللِي في وكِت مُحدد مُتحملة مسئولية إقامتنا وكِدا.
يا سلآم اللبيض الفيهو الشخيّت البُني دا مناسب جداً مع طابع المُحتفى بها الشخسي وإنفعالها بقضايا الجماهير
بتاع الصلآة دا ختري، لا لا، بصراحة ختري شديد . يا ربي أسمو شِنِو ؟، غايتو مناسب مع الصلآة وفي رواية مع جميع المناسك . شقشقة الزرازير جاية ظط مع الثوب، سجمك يا الشعب السوداني الطيّب أكلوك وإنت وآقف علي طولك، تحياتي، طراجي مصطفى من الخرتوم ...
05-01-2017, 09:14 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
بعدينك يا فارات نهر النيل ما تعملوا فيها غمرانين، كتروا الجبجبة والسكسكة، أنا شايل اعباءكم المردمة ليها قريب 30 سنة دي ؤ ما أرفه يعني !. يآآآآآآآآآآآآ حليلك ايُها الشعب السوداني الطيّب، دا انت فعلاً طيّب ...
05-01-2017, 09:32 AM
جمال ود القوز جمال ود القوز
تاريخ التسجيل: 01-25-2013
مجموع المشاركات: 5925
Quote: تستاهل يا ود المدير يأخ .. الولاية ما كتيرة عليكـ .. وفضلة خيرك .. هههههههههه .. انت مطموس يشهد الله .. المهم وبما اني حريف في السواقة .. فمنصب السواق بتاعك محجوز من هسه ..
يستاهلك الخير يا ود القوز . يا زول ما عندك مانع من هسّع حرّم ما يسوق لي العربية زول غيرك . بعدينك عاين لي جاي، والي ولآية نهر النيل دي تعيين في الولآية بالإسم ساكت، لا بنقعد فيها لا حاجة، يا زول دي قالوا فنادق ما فيها، نحن نتعين في الولآية ؤ نكون لآفين في الخرتوم محل الفنادق والعضة النضيفة والليالي المخملية . معقولة نخلي الخرتوم للفارات ديّل ؤ نحن نمشي نضهّب بالخلاء ؟، وحات الشعب الطيّب دي ما بنسويها ...
05-01-2017, 11:12 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
هووووووووي يا طراجي هوووووووووي، أرعي بقيدك ؤ ما تتنفخي ساكت الناس ديّل بيمرقوكِ من الجنة ونعيما، وإنت هسّع يا قول حبوبتي، حالك أريتو حال البِنيات لحدهِن، دحين لا تشيلي أصبعك ؤ تطظي عينك . الجماعة ديّل اكان قبلوا عليكي بيرجعوك هميلتون ؤ عجاج المصناع بخزقلك عِويناتك، والولفير أكان قعدت تباصري فيهو 10 سنين ما بيشتريلك طرحة خليك من التيبان الباهظة الثمن دي . بعدينك الجماعة ديّل من قالوا، مرا متخلفة بيتو النيّة لكن انا متكيّف مِنّك لأنك لآمن عصروكي جريتي وآطي طوالي . خليك جارا وآطي طوالي بعدين كان جيتي كندا إتنفخي زي ماك دآيرة إن شاء الله تبقى تامبيرا في بلد الديمقراطية دي .
أيها الشعب السوداني الطيّب . طيّب ؤ كلو طيّبة ...
05-01-2017, 11:24 AM
اسامه العريفي اسامه العريفي
تاريخ التسجيل: 02-28-2014
مجموع المشاركات: 754
والله ود المدير دا تدوهو يا كيزان والي ولاية نهر النيل أنا بدخل الغابة ع طول الزول دا بيتشرط عليكم يا كيزان جلايب والخ انا بجيكم ببنطلون الجينز وقدر البيقدرني عليهو الله ببيعو واحولو في حسابي هييييع كع
05-02-2017, 01:45 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
أخخخخخخخخخ، من العِنبي أنا . أهلاً وسهلاً الشعب السوداني الطيّب وسعيدة الليلة أنا بخاطبكم من سوق سعد قِشرة وملجة الخدار بسوق بحري والفواكه كمان وعلي رأسها العِنب وآرد مزرعة فخامة الرئيس، وسألوا العنبة الرآمية فوق بيتنا .
Quote: معاوية خلي زمزغة والحق المركب لو عندك خبرة ستنال وظيفة مدير إدارة السدود السودان .
تنط يا السيدح !، إنت ما قلت محتاجين لإمكانياتي في نهر النيل . يا زول مافِ مشكلة إنتو بس كتروا لي الجلآليب والعِمم وأنا بقعد أنبح في وادي والشعب الطيّب دا في وادي، أها دي ما دايرالآ خبرات إنتو بس جيهوا لي الفندق وانا بجي أأذن للشعب الطيّب دا في مالطا ...
05-02-2017, 10:53 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: والله ود المدير دا تدوهو يا كيزان والي ولاية نهر النيل أنا بدخل الغابة ع طول الزول دا بيتشرط عليكم يا كيزان جلايب والخ انا بجيكم ببنطلون الجينز وقدر البيقدرني عليهو الله ببيعو واحولو في حسابي هييييع كع
الزول دا حرامي أعملوا حسابكم مِنّو، أصلها بتبدأ كِدا ببنطلون جينز أو فُستان ؤ بعد دآك بتفتح جلآليب ؤ تيبان من عرق الشعب الغلبان . والله صحي ...
05-02-2017, 10:58 AM
مني عمسيب مني عمسيب
تاريخ التسجيل: 08-22-2012
مجموع المشاركات: 15691
يستاهلك الخير يا ود القوز . يا زول ما عندك مانع من هسّع حرّم ما يسوق لي العربية زول غيرك . ــــــــــــــــــــــــــــــــــــــــــــــــــــــــــــــــــــــــــــــــــــــــــــ
ياود المدير،دا كلام ود القوز
************ تستاهل يا ود المدير يأخ .. الولاية ما كتيرة عليكـ .. وفضلة خيرك .. هههههههههه .. انت مطموس يشهد الله .. المهم وبما اني حريف في السواقة .. فمنصب السواق بتاعك محجوز من هسه .. ***********
هسّ هو قال سواق عربية ،وللا دار تاكلنا حنك ساي؟
05-04-2017, 01:34 PM
Arif Nashed Arif Nashed
تاريخ التسجيل: 05-12-2014
مجموع المشاركات: 12693
Quote: هسّ هو قال سواق عربية ،وللا دار تاكلنا حنك ساي؟
يا عليش يأخ يعني أنا حأقبل يدوني رقشة وأنا والي لهذه الولآية العظيمة ؟ نهديك التوب دا إسمو دموع التجار، أو حمار الوحش مع التحية للشعب السوداني الطيّب ...
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
معاوية المدير
علي عبدالوهاب عثمان
عبدالحفيظ ابوسن
علي الكرار هاشم
جمال ود القوز
اسامه العريفي
عبد اللطيف السيدح
عادل الباهي عبدالرازق
مني عمسيب
علي محمد الفكي
فرح الطاهر ابو روضة
ادريس خليفة علم الهدي
عليش الريدة
Arif Nashed
MOHAMMED ELSHEIKH
محمد حيدر المشرف
جلالدونا
فيس بوك
تويتر
انستقرام
يوتيوب
بنتيريست