|
دعواتكم لزميلنا المفكر د.الباقر العفيف بالشفاء العاجل
|
|
 Re: انا في سجن القناطر دون زنب اطالب المنظمات (Re: محمد احمد القاضي)
|
إستغر الله .. وأتوب إليه ..
يا إبننا يا أخي أنا بتعاطف معاك في كل شيء تكتبه
أما في هذا الموضوع فلابد من توجيه نداء للوصول إليك ..
يا أخي خليك برغماتي شوية .. أتصل في ناس السفارة للمساعدة
بعد ما تطلع من السجن بعد داك أديهم بالحديدة ..
الاخوان :
ملهم كردفان
صلاح غريبة
النفير النفير المروة
شوفوا ولدنا ده .. الزول مسكين وقلبوا طيب
طيب إنت في السجن كيف سمحوا ليك بالنت والمداخلة
سجن خمسة نجوم ..
يا رب أطلق سراحو ..
| |
 
|
|
|
|
|
|
|
|
Re: انا في سجن القناطر دون زنب اطالب المنظمات (Re: علي عبدالوهاب عثمان)
|
الأخ محمد احمد قاضي
الزميل محمد علي طه بيقول ليك الناس من سوريا ومجاهل افريقيا
وصلوا اوروبا وامريكا.. انت المقعدك في البلد ديك شنو!!
ونصيحتنا اليك امشي لمكتب الأمم المتحدة في القاهرة وسجل اسمك
ومعلوماتك ووسيلة الاتصال بك .. وفجأة حتلقى واحد من المكتب
اتصل بيك ويقول ليك تعال المكتب وخذ اوراقك وتذكرتك وتوجه لامريكا
او كندا او المانيا...
وانا بعرف أسر سودانية وصلت امريكا عن طريق هذا المكتب.
ودمت بالف خير وصحة وعافية
| |
|
|
|
|
|
|
|
|
|
Re: انا في سجن القناطر دون زنب اطالب المنظمات (Re: سليمان القرشي)
|
استفسار : أليس سجن القناطر مخصصاً للسيدات فقط حسبما نسمع ونرى في المسلسلات والدراما المصرية ؟
أو أنه يوجد قسم أو سجن آخر للرجال في القناطر ؟
... يا محاميي البورد ... همتكم ... اعرفو لينا حقيقة الحاصل على محمد أحمد القاضي !
... ربنا يكون في عونه ... ما عارف الموضوع شنو بالضبط ... لكن في كل الأحوال له الحق في محاكمة عادلة وتوفير دفاع ....
| |
|
|
|
|
|
|
|
|
|
Re: انا في سجن القناطر دون زنب اطالب المنظمات (Re: MOHAMMED ELSHEIKH)
|
اول شيء كامل التضامن مع محنتك
واظن مافي اسواء من السجون والمعتقلات..دا اولا
ثانيا بما انك في السجن وقدرت تكتب هذا البوست بلييز تاني اكتب السبب الشنو الوداك السجن عشان الناس تقيف معاك وتدعم موقفك وتمرقك من السجن انت في بلد بتخاف من المنظمات الحقوقية اكتر من الله ...
يلا مد واحكي ...
| |
|
|
|
|
|
|
|
|
|
Re: انا في سجن القناطر دون زنب اطالب المنظمات (Re: علي دفع الله)
|
الله يفك أسرك وكامل تضامننا معك بس معليش ياأستاذ بإمكانك تتخارج لأى بلد مادام القعدة فى مصر ماجايبة همها وظروفك المادية متيسرة وكان غلبك أرجع السودان وناكف الحكومة من قريب ولا حد يسجنك ولا يشتغلوا بيك عارف ليه ؟ لأنهم مافاضيين لينا ود القاضى والله ماوقت هظار ولا خفة دم منى لكن قعادك فى مصر والإنشغال بأخبار السفارة والسفير يذكرنى بقصة ( ديك العدة) مرة تانية تضامنى معك ولك تحياتى
| |
|
|
|
|
|
|
|
|
|
Re: انا في سجن القناطر دون زنب اطالب المنظمات (Re: الصادق عز الدين)
|
نسأل الله العلي القدير أن يفك أسرك يامحمد القاضي .... ونتعاطف معك
لأبعد الحدود .... كما أشار الإخوان لماذا تبقى في مصر وقد واجهت
العديد من المشاكل والضغوط بسبب النشاط السياسي الذي تقوم به ....
إتصل بكتب الأمم المتحدة كما أشارت بذلك الأخت بسمات ....
مع التحيات ....
| |
|
|
|
|
|
|
|
|
|
Re: انا في سجن القناطر دون زنب اطالب المنظمات (Re: ملهم كردفان)
|
مكتب الامم المتحدة في مصر أصبح لايقبل طلبات لجوء للسودانيين - (احداث ميدان مصطفى محمود لازالت حاضرة في الاذهان) رغم انها حدثت في عز ازمة دارفور
سبق ان عملت لفترة بسيطة مع مفوضية شؤون اللاجئين في بلد اسيوي والتقيت بسوداني قادم من القاهرة لم يقبلوا طلبه (قالوا ليهو وضع حقوق الانسان في بلدك تحسن )
-
يتطلب على ود القاضي ان يفكر بشكل جادي مغادرة مصر طالما لايشعر فيها بالامان (ده إذا صدق في كل ماظل يردده في المنبر من مضايقات )
| |
|
|
|
|
|
|
|
|
Re: انا في سجن القناطر دون زنب اطالب المنظمات (Re: ahmedona)
|
افااااااا
نحنا قبيل شن قلنا
ما قلنا الطير بياكلنا
قاينتووود
بح صوتنا ونحن ننصحك بان تلزم الضُل
كل يوم شابكنا أنا بشتكي لوزير الداخلية المصري ،، أنا بشتكي للسيسي
أها خُم وصُر
واللهم لا شماتة
حبيبنا زعيم جمهورية شمال السودان مُقنطر
ألحقو زعيمنا ،،، زعيمنا الهُمام قادينتوود
الله يفك أسرو
ويلزمو الضُل
على عثمان ،،،، وبعدين مع الولد دا ؟؟؟
| |
|
|
|
|
|
|
|
|
|
Re: انا في سجن القناطر دون زنب اطالب المنظمات (Re: سيف الدين محجوب)
|
فك الله اسرك يا ود القاضي
ما اعرفه أنّ سجن القناطر للرجال يعتاده في الغالب مروجي المخدرات والمحكومين في جرائم قتل والفساد في المال العام
فلا أدري كيف نقلت لهذا السجن الذي يعد محطة قضاء عقوبة وليس مكان حجز تحفظي
نسأل الله أن يحفظك في بيئة السجن من المجرمين والبلطجية
Quote: جدد المحتجزون على خلفية قضايا معارضة السلطات داخل سجن القناطر المصري للرجال شكواهم من ظروف الاحتجاز الصعبة وغير الآدمية التي يعانون منها، وذكرت أسرة أحد المعتقلين أن ذويهم محتجزون في زنازين ضيقة للغاية ورديئة التهوية، وأنهم ممنوعون من التريض ولا يتعرضون لأشعة الشمس، بالإضافة إلى انتشار الحشرات والكائنات الضارة حتى وصل الأمر لوجود فتحات في الزنازين تحوي ثعابين، كما أن الإدارة لا تقوم بتقديم وجبات السجن بانتظام وتعرض المحتجزين للتجويع وترفض إدخال أطعمة الزيارات لهم.
وأضافت الأسرة أن إدارة السجن تقوم بالتضييق عليهم أثناء الزيارات بدءاً بالتفتيش المهين على البوابات، ومنعهم من إدخال ملابس شتوية وأغطية، بالإضافة إلى منعهم من إدخال أطعمة أو عصائر أو حتى مياه للشرب. |
| |
|
|
|
|
|
|
|
|
|
Re: انا في سجن القناطر دون زنب اطالب المنظمات (Re: Mohammed Abuzaid)
|
عزيزي الفاضل يوسف طه
بالنسبة لعمل مكتب الأمم المتحدة في القاهرة انا ما عندي معلومات كافية وما عاوزة اديك معلومات مغلوطة
وغير صحيحة( عندنا حساسية مع المعلومات غير الصحيحة وبنخاف ن فحيح الأفاعي)( وجه باسم)..
لكن بقول ليك انا قابلت قبل سنتين ثلاث اسر سودانية وكلهم قالوا انهم طلعوا من السودان ووصلوا القاهرة
وسجلوا اسماؤهم في مكتب الأمم المتحدة في القاهرة كطالبي لجوء وبعد فترة من الزمن اتصل بهم المكتب وارسلوهم
الى الولايات المتحدة الأمريكية.
وحكت لي ابنة واحدو من هذه الأ سر الثلاثة انهم عندما وصلوا إلى مطار نيويورك استقبلهم شخص ورحب بهم
وصحبهم إلى كونتيكات حيث وجدوا شقة جاهزة مفروشة وبها ثلاثة غرف وقال ان هذه شقتكم مؤقتا اما الأسرتين
فصحبهما شخص آخر إلى ولاية بنسلفانيا...( وعرفت من هذه الأاسرة ان هناك برنامج للأمم المتحدة لايواء المهاجرين
من الدول التي تمر بازمات وحروب ...
ولكن يا يوسف أقرأ تعليق حيدر حسن مرغني والذي يقول ان مكتب الأمم المتحدة في القاهرة اصبح لا يقبل طلبات اللجوء
من السودانيين تحت مبرر ان وضع حقوق الانسان قد تحسن في السودان...
( وطبعا انا اتعجب من هذا المبرر لان الدنيا كلها تعرف ان وضع حقوق الانسان في السودان لم يتحسن... ولكن يبدو ان الحاصل
هو ما نقرأه ونراه في كاركاتيرات الفنان عمر دفع الله بان السودان اصبح من حلفاء امريكا ويبدو ان امريكا رضت عن السودان
لان الامم المتحدة تنفذ فقط اوامر امريكا وأملت عليها الاعلان ان حقوق الانسان في السودان قد تحسن...
ولكن يبدو ايضا ان هذا الأمر كان في عهد الرئيس اوباما.. أما وقد جاء الرئيس المنتخب المستر دونالد ترامب فإنه اساسا منع السودانيين
من دخول امريكا.... وعشان كده نصيحتي لمحمد احمد لم تكن في محلها.. لأن امريكا سوف لن تقبله.. ولكن ما زالت هناك دول اخرى
ترجب باللاجئين مثل المانيا واستراليا وكندا، حيث أعلن رئيس الوزراء الكندي ان بلاده ترحب بجميع اللاجئين،
والمعروف انه ومنذ قرارات ترامب التنفيذية، وعلى الرغم من ان المحكمة قد عطلت هذه القرارات، إلا ان عدد كبير من مواطني
الدول السبعة قد عبروا الحدود إلى كندا.وهناك قرارات جديدة ستعلن في نهاية هذا الأسبوع على حسب ما سمعنا امس من القنوات التلفزيونية
الامريكية
ودمت بالف خير وصحة وعافية
| |
|
|
|
|
|
|
|
|
|
Re: انا في سجن القناطر دون زنب اطالب المنظمات (Re: سيف الدين محجوب)
|
مكاتب مفوضيات شؤون اللاجئين التابعة للام المتحدة عادة ترفع طلب اللجوء للمفوضية ومن ثم يدرسوا الحالة وحالة وضع حقوق الانسان في بلد مقدم الطلب
معايير تحسن وضع حقوق الانسان بالنسبة للمفوضية تختلف من معايرنا
حاليا لدي اتنين من المعارف قدموا طلب لجوء لما كانوا في نيبال قبل فترة
تماطل المكتب في قبول طلبهم خاصة وان هناك عدد كبير من الصوماليين والعراقيين ينتظرون اعادة توطينهم منذ اكثر من ١٠ سنوات
معارفي ديل ذهبوا لماليزيا قبل عام وقدمو طلب لجوء لمكتب المفوضية واجهتهم نفس المشكلة ( تحسن وضع حقوق الانسان في السودان)
في حالات بسيطة جدا يتم استيعاب الطلب اذا كانت حياة مقدمه معرضة فعلا للخطر اذا رجع السودلن( وليد الحسن- الراكوبة )
معظم اعضاء المنبر الذبن استفادوا من برنامج اعادة التوطين منذ بداية ومنتصف التسعينات كان عن طريق مكتب المفوضية في القاهرة .. دعمتهم منظمات حقوق انسان دولية وحتى المنظمة السودانية لحقوق الانسان والاحزاب السياسية ( كل حزب يدعم ناسو والمقربين منه بشهادة تشهد علة خطورة وضعه )
باختصار طلب اللجوء لازم يكون مليان ومدعوم بأكثر من شهادة تؤكد صحة ادعاءات مقدم الطلب
حالة اخونا ود القاضي ضعيفة حسب حججه التي يرفد بها المنبر بين الحين والاخر
| |
|
|
|
|
|
|
|
|
|
Re: انا في سجن القناطر دون زنب اطالب المنظمات (Re: حيدر حسن ميرغني)
|
هليل يا قادينتود يا على يا ود عبد الوهاب يا ناس الجمعية يا شعب جمهورية الشمال
الدبارة كيف في زعيمنا دا كفاهو قنطرة وأكيد قال الروب لسه
ما لقيتو ليهو طريقة للمُخارجة ؟ قلوبنا مع يا قادينتود والله
==================
حبيبنا سيف الدين .. مودتي ..
أشعر بالكثير من التعاطف مع قاضنتود ..
قال لي مرة .. أنا من دنقلا .. حاولت أعرف
من أي مكان في دنقلا .. لأن هنا في السعودية كل قرية عندها جمعية
وكنت أريد أن أقوم بحملة في جمعيات أهلنا ..
ولكن رفض أن يرد علي .. ورفض أن يعطيني إسم القرية ..
لأن المكان مهم .. ( عشان حكاية ذوي القربى ) .. وكمان المصداقية ..
ولا يرد في الخاص ولا في العام .. إحتمال هو مخطط لدول أخرى ..
وأخيراً طلبني بعدم التدخل .. وكمان قال لي انت زول أمن ( المهم )
رغم ذلك لم أتوقف أنا عرف أنه زول طيب وعلى نياتو .. يرفع الضغط مليون
أتمنى من الله أن يحفظه من كل سوء ..
هو زول سمح .. وطيب
عشان كده ... يا سيف .. أنا لا يمكن أزعل منو ..
دعواتنا له بالتوفيق ..
شكراً حبيبنا سيف
| |
|
|
|
|
|
|
|
|
|
Re: انا في سجن القناطر دون زنب اطالب المنظمات (Re: محمد احمد القاضي)
|
| Quote: ما اعرفه أنّ سجن القناطر للرجال يعتاده في الغالب مروجي المخدرات والمحكومين في جرائم قتل والفساد في المال العام |
الأخ كمال, ياخي ما عصرت على الراجل شديد خلاص وأديتو خيارات صعبة خلاص, هسي يختار شنو؟ مخدرات ولا قتل ولا فساد في المال العام؟
قصة فساد في المال العام في مصر ما أظن يلاقي فيهو فرصة, قصة قتل ده كما هو زولن طيب ومسيكين وجبان ما أظن يقتل,,, كده شوفوا لينا باقي الخيارات.
| |
|
|
|
|
|
|
|
|
|
Re: انا في سجن القناطر دون زنب اطالب المنظمات (Re: aosman)
|
عزيزي على عبد الوهاب
فعلاً والله الزول دا على نياتو
وقدُر ما شاكلناه وإنتقدناه ما حصل يوم أساء لواحد فينا
غير قولوتو المأثورة ( إنت بتاع أمن ) ودي بقولا لأي واحد ينتقدو
عشان كده والله كلنا متعاطفين معاه
وللاسف ما في إيدنا شي غير الدعاء بأن يفك الله أسره من أولاد فوزية
ويعيده لأهله سالماً
ومنعول أبو السياسة البتدخل الناس في حتت ضيقة ذي دي
قواسيب من المودة
| |
|
|
|
|
|
|
|
|
|
Re: انا في سجن القناطر دون زنب اطالب المنظمات (Re: سيف الدين محجوب)
|
يا سيف الدين
والله كلنا متعاطفين مع محمد لانه فعلا لم يسئ لاحد في مداخلاته
واحتمال اتهاماته للبعض بانهم من ناس الامن تاتي من واقع ان نص
السودان بقوا بتاعين امن وعشان كده هو متخوف ان كل الناس بقوا
بتاعين امن...والمصيبة انه مقيم في مصر ..من الدول السيئة في مجال حقوق
الانسان..
ونتمنى ان الله يساعده ويفك اسره ويطلعه من مصر الى اي دولة تانية...
ودمت
| |
|
|
|
|
|
|
|
|
|
Re: انا في سجن القناطر دون زنب اطالب المنظمات (Re: Hani Arabi Mohamed)
|
بسم الله والصلاة والسلام علي رسول الله
والله قضية الأخ محمد قضية مؤثرة شديد وتدعو الي الشفقة
والرأفة بحاله . نسأل الله أن يفك أسره ويوصلو الي أهلو بالسلامة.
لي ابن خالة مر بنفس الموقف قبل شهرين تقريبا وسجن بنفس السجن
بالقناطر لمدة شهرين بون سبب سوي أنه حاول الخروج عن طريق
البحر بالاسكندرية الي أي دولة أوربية ، مثله مثل آلاف الشباب
وعن طريق وكيل استلم منهم الفي النصيب من القاهرة 3 ألف دولار
من كل واحد ، ومن القاهرة ومعه مجموعة من الشباب والشابات
السودانيين تم نقلهم بحافلة من القاهرة الي الاسكندرية . هناك انتظروا
حتي ساعات الفجر الأولي ، ثم تم نقلهم من الشاطيء عن طريق بوت
أو مركب صغير الي الباخرة الكبيرة في عرض البحر .. للاسف في
النقلة الأولي بالبوت أو المركب الصغيرة كان العدد قد اكتمل فقال لهم
الوسيط الباقين ينتظروا الي أن يعود البوت مرة أخري لنقل بقية العدد
وفي هذه اللحظات وصلت قوات حرس السواحل المصرية ففرت
المجموعة في وسط الملاحات لأن المنطقة كانت مليئة بالملاحات
والكهوف الصغيرة ، وبعد مطاردة دامت 3 ساعات تم القبض عليهم
وبعد تحقيق وسين وجيم ونهزرة وقلة أدب ، فتحت لهم بلاغات هجرة
غير شرعية واقتيدوا الي سجن القناطر ... وكانت الإتصالات دائمة
مع السفارة السودانية التي لم ترد بالسرعة المطلوبة تم تسفيرهم الي
السودان بعد فترة شهرين تقريبا .. وقد كنت مع اتصال مباشر معه ، في الأول
كان بيدفع مبالغا طائلة لأحد أفراد الحراسة لكي يستعمل تليفونه الخاص
الي أن اشتري شريحة مصرية بمساعدة أحد حراس السجن ، وكان يسمح
لهم في الأمسيات بالمكالمات الخاصة حيث أثناء النهار تجمع منهم التليفونات
المهم ... علي مايبدو أن نفس الظروف قد مرت وتمر بأخونا صاحب البوست
وطبعا كانت كل المحاولات جارية أن لا يتم إرجاعهم للسودان حتي يتمكنوا
من تكرار المحاولة مرة أخري ويوفروا الكثير من المال والوقت ولكن
قدر الله وماشاء فعل .. تلك هي احدي المآسي التي يعيشها شبابنا هذه الأيام
بالداخل ، وكل من وجد فرصة للمخارجة ولو بأمل بسيط اغتنمها رغم
المخاطر ورغم نسبة النجاح الضئيلة ...
| |
|
|
|
|
|
|
|
|
|
Re: انا في سجن القناطر دون زنب اطالب المنظمات (Re: ghariba)
|
ما قصرت يا صلاح غريبة وربنا يجزيك خير على جهودك ..
فبلدياتنا محمد القاضي موقفه ووضعه يقطع نياط القلب ..
وحق الزمالة والمواطنة يقتضي انه الناس تساعد في اخراجه من السجن ..
فبارك الله فيك وواصل حتى ينال حريته ويمرق من السجن ..
| |
|
|
|
|
|
|
|
|
|
Re: انا في سجن القناطر دون زنب اطالب المنظمات (Re: محمد احمد القاضي)
|
قام السفير عبدالمحمود عبد الحليم سفير السودان لدى مصر والمندوب الدائم لدى جامعة الدول العربية على رأس وفد من السفارة بزيارة للسجناء السودانيين بسجن القناطر (رجال – نساء) لتفقد أحوال المحبوسين، حيث كان في استقبال السفير والوفد المرافق له اللواء مساعد الوزير للإدارة العامة لسجون المنطقة المركزية.
والتقى السفير بالمحبوسيين مؤكداً اهتمام السفارة بتفقد أحوال مواطنيها، كما استمع منهم إلى ملاحظاتهم.
وتقدم في ختام الجولة التى تعد أول زيارة لسفير السودان بمصر للسجناء بالشكر لإدارة سجن القناطر للتسهيلات التى قدمتها لإنجاح تلك الزيارة التفقدية.
رافق السفير في هذه الزيارة كل من: الوزير المفوض دكتور عبد الحميد بشرى إبراهيم القنصل العام، والمستشار عبد المنعم محمد على المستشار الفني، والعميد شرطة نصر الدين عبد الوهاب محمد مدير قسم الجوازات بالسفارة، والمقدم شرطة عبد الحليم سعد عبدالحليم مساعد مدير قسم الجوازات، وأبو العلا قسم الله أحمد مسئول شئون الرعايا والمواطنيين السودانيين بالسفارة، حسبما افاد بيان للملحقية الإعلامية السودانية في القاهرة اليوم.
إن شاء الله يكون إلتقى بمحمد ونظر في أمره
| |
|
|
|
|
|
|
|
|
|
Re: انا في سجن القناطر دون زنب اطالب المنظمات (Re: aosman)
|
الأخ عثمان
صباح الخير
أبدا والله متابع جدا حكايات محمد القاضي
من القاهرة
ولا ارى فيها سببا للتهكم عليه
الان واضح جدا انه صادق
وانه في السجن
وان في حاجة للمساعدة
صديقنا ملهم انا متاكد انه متابع
ولن يهدأ له بال حتى ياتينا بالخبر اليقين
لا خير يرجى من غريبة
عليه ما زلت ارى ان الرجل في البئر
لماذا نرمي عليه الفيل
ونسد عليه براحات الهواء
والحريّة
| |
|
|
|
|
|
|
|
|
|
Re: انا في سجن القناطر دون زنب اطالب المنظمات (Re: Hani Arabi Mohamed)
|
شكراً حبيبنا هاني .. وبارك الله فيك .. رفعت البوست
إخواننا وابناءنا في مصر .. آخر الاخبار عن إبننا محمد قاضي ..
السجون المصرية مشكلتها مشكلة .. ربنا يأخذ بيده ..
حاجة مؤلمة ..
هل يمكن التواصل مع السفارة السودانية هناك ..
حتى صلاح غريبة رغم كل حاجة كان ممكن يساعد شوية على الأقل الاخبار
ربنا يواليه بالعافية كمان ..
مودتي
| |
|
|
|
|
|
|
| |
محمد احمد القاضي
علي عبدالوهاب عثمان
محمد على طه الملك
ملهم كردفان
Hassan Farah
aosman
جمال ود القوز
احمد حمودى
سليمان القرشي
Hani Arabi Mohamed
MOHAMMED ELSHEIKH
علي دفع الله
حسن محمد عمر
سامر دوشه
بابكر قدور
Nasser Amin
Yousuf Taha
حيدر حسن ميرغني
ahmedona
مزمل خيرى
Frankly
Mohammed Abuzaid
عباس الدسيس
عثمان احمد شرف الدين
عثمان حسن المتعارض
ghariba
عبدالمنعم الطيب حسن
Ahmed Alim
هاشم عبدالله بشير
قسم الفضيل مضوي محمد
فيس بوك
تويتر
انستقرام
يوتيوب
بنتيريست