|
دعواتكم لزميلنا المفكر د.الباقر العفيف بالشفاء العاجل
|
|
 Re: الفلبيني ! (Re: ولياب)
|
سلام يا وليد
الفلبينيين قايمين بالثقافة الأمريكية بالإضافة لإرث الحضارات الآسيوية القديمة و يظهر ذلك في النظام و النظافة و الاهتمام بالتفاصيل و التطبيق الصحيح و قواعد السلامة و الذوق
حاليا في الإمارات بدأ احلالهم تدريجيا محل الهنود و العرب في كثير من المهن خاصة المبيعات و التمريض و كثير من المهن الفنية
رغم أنهم أغلى تكلفة و زي ما قلت يعرفون حقوقهم لكن من ناحية تانية بشكلوا اضافة ايجابية وبرفعوا من المستوى و كجالية محترمين وقليلي أو نادري المشاكل, الجريمة الوحيدة العرفتها عنهم الزوغان بالسلفية ههههه
| |
  
|
|
|
|
|
|
|
|
Re: الفلبيني ! (Re: ولياب)
|
حبيبنا وليد .. مودتي ..
سبحان الله توارد خواطر .. اليوم الصباح أنا كنت أتحدث مع زميلي في المكتب
عن هذا الشعب الرائع ..
لاحظ الممرضة الفلبينية تعمل بإخلاص ووفاء وليس كأجيرة أو براتب
لا تتقزز من المريض مهما كان ..
صدقني يا وليد ديل ربنا خلقهم رحمة للعباد ..
حتى التكوين الجسماني والاطراف ( اصابع اليد ) كأنها مخلوقة لممارسة لمهنة التمريض
لمساتها ( حقن ، حرارة ، مناظير .. الخ ) فيها رقة ورحمة ..
وكأن المتنبي شاهد ممرضة فلبينية عندما قال ( آسي يجس عليلا ) ..
حسب إعتقادي .. بأن الكنسية الكاثوليكية فيها نوع من الوفاء ونكران الذات ..
مودتي وليد .. بوست جميل
| |
|
|
|
|
|
|
|
|
|
Re: الفلبيني ! (Re: walid taha)
|
التحية لكم ولياب ، ود البشرى ، علي
"سعد الدين تمانو" فلبيني من قلب مانيلا قبل عدة سنوات كان يعمل ويسكن معنا فى سكن الشركة، فيوم إتعطلت الغسالة فقلنا نعمل شيرنق نصلحها فمشينا ليهو وكلمناهو فقال بصريح العبارة (يا جماعة أنا متعاقد مع الشركة ومن ضمن بنود العقد إنها توفر لي أشياء أساسية تخص سكني ومن ضمنها (غسالة تعمل) فكيف انا أصين غسالة ؟!! مفروض تصينها الشركة الأنا قاعد أقدم ليها خدمات من خلال عملى معاهم !
لكن ، طالما نحن زملاء هنا وإنتو شفتو كده أنا معاكم ، وفعلا دفع وصنا الغسالة .
فشوفو بالله ،،
| |
|
|
|
|
|
|
|
|
|
Re: الفلبيني ! (Re: walid taha)
|
سلام وليد طه
وجود قوى عاملة فلبينية فى مكان ما اصبح دليل جودة وشهادة كفاءة اما الاستعاضة عنهم بالجنسيات الاخرى فهو دليل استرخاص كما يجدث الان فى وزارة الصحة السعودية حيث يتم الان الاعتماد فى التمريض على الجنسية الهندية الارخص تكلفة وبالتاكيد الاقل جودة , الفلبينى شخص رائع بجيد حرفته تماما ومنضبط لابعد الحدود ينام ساعات كافية لذلك يصحو مبكرا نشيطا بيهتم جدا بصحته وخصوصا الاكل الصحى لذلك تجد بنيتهم الجسمانيه جيدة مهما تقدم بهم العمر واجمل حاجة فيهم تقديرهم للاسرة واهتمامهم الكبير برعاية افراد اسرهم
| |
|
|
|
|
|
|
|
|
|
Re: الفلبيني ! (Re: احمد التجانى احمد)
|
لفلبينى شخص رائع بجيد حرفته تماما ومنضبط لابعد الحدود ينام ساعات كافية لذلك يصحو مبكرا نشيطا بيهتم جدا بصحته وخصوصا الاكل الصحى لذلك تجد بنيتهم الجسمانيه جيدة مهما تقدم بهم العمر واجمل حاجة فيهم تقديرهم للاسرة واهتمامهم الكبير برعاية افراد اسرهم
-- صدقت احمد التجاني
شاكر لمرورك
تحياتي ،،
| |
|
|
|
|
|
|
|
|
|
Re: الفلبيني ! (Re: walid taha)
|
سافرت مانيلا قبل سنة تقريبا لاختيار عمالة للشركة التي اعمل بها
وانا راجع زمن اقلاعي للرياض اقترب وكادت ان تفوتني الرحلة
وفي بوابة المطار لاحظ احد العساكر انزعاجي واقترب مني وسالني
فاخبرته ان طائرتي على وشك الاقلاع
فدخل معي الصالة مسرعا واخد الاذن بكل لطف من الواقفين واخذني على الكاونتر مباشرة
وبصراحة افتكرو يتوقع مقابل مادي لخدمته
فادخلت يدي في جيبي عشان اديهو الساهلة
فشعر بذلك وابتعد مني قليل وقال
Thank you sir i just do my duty
.
.
تحياتي وليد وانه بوست مفيد لنتعلم من الشعوب اكثر
| |
|
|
|
|
|
|
|
|
|
Re: الفلبيني ! (Re: احمد حمودى)
|
**- إلتزام بالعمل لأبعد الحدود
- لا يحتاج الى رقيب لإنجاز عمله
-دقيق لأبعد الحدود فى شغلو
-ما بشتغل غير شغلتو
-عندو إحساس عالى جدا بقيمتو كبنى آدم بالتالى ينعكس ذلك فى تعاملو مع الآخرين
-أكثر ما يكره التهاون فى الحقوق
-لا يقبل التدخل فى عمله
-جنو وجن تأخر مرتبو
-ما بهدي ليك إلا حاجة غالية :) **
سلام وليد واضح انو بوست للغزل والمدح
ولكن لا باس من القدح قليلا
# الفلبيني اناني نوعا ما
# شرسين جدا في التكتلات ولي تجربة مريرة معهم ولم يكونوا فيها على حق
هذا لا يمنع ان اتفق معك في كثير مما ذهبت اليه
| |
|
|
|
|
|
|
|
|
|
Re: الفلبيني ! (Re: جمال الباقر)
|
يا أخي وليد ده بوست دسم ::
بحكم عملنا في المملكة فقد احتكينا بكثير من الشعوب وكل له سلبياته وإيجابياته حتى نحن كشعب سوداني ...
عملت في مستشفى عدة سنوات وكان احتكاكي بطاقم التمريض والفنيين ومعظمهم من الجنسية الفلبينية ..
لاحظت أن الفلبيني :
1. نظيف في جسمه لا تكاد تشتم له رائحة زناخه كبعض الشعوب .
2. لا يبخل ولا يقتر على نفسه إطلاقاً حيث يشتري أي شيء يريده مهما كان غالي الثمن فيمكن أن يكون راتبه ألفا ريال ويشتري ساعة بـ 1500 ريال .
3. يهتم بسيارته من ناحية الصيانة الدورية والكشب وتجميلها ونظافتها .. حتى أن البعض يوصي من يشتري سيارة مستخدمة أن يشتري سيارة فلبيني .
4. الفلبيني صادق في تعامله ويعمل بجد ونزاهة وكما أشرت أنت تعامله راقي لا يسيء ولا يرفع صوته .
5. يحبون بعضهم بعضاً فقد عشنا وسطهم لم أر يوماً أنهم تعاركوا أو تدابروا أو تشاحنوا .
6. الفلبيني يعيش من أجل يومه فقط ولا يفكر بالغد والمستقبل إلا نادرا ودائماً ما يحرص على الاحتفال بعيد ميلاده والمناسبات الخاصة بهم .
تحياتي ،،،،
| |
|
|
|
|
|
|
|
|
|
Re: الفلبيني ! (Re: الهادي الشغيل)
|
الأخ ولبد والإخوة المتداخلين / بوست جميل وأتفق معكم فى كل ماذهبتم إليه بخصوص مهارة الفلبينى فى العمل وبالذات فى مجال التمريض بدليل أن معظم المستشفيات والمراكز الطبية تعتمد على هؤلاء البشر هنا فى السعودية / ياريت تحدثونا شوية عن ( محمد أحمد) السودانى عشان نعمل مقارنة بسيطة بينا وبينهم . ياربى بكترتهم دى عندهم جهاز مغتربين زينا كدة ؟ ولا قنصلية هنا يدفعوا ليها فى الفارغة والمليانة .
| |
|
|
|
|
|
|
|
|
|
Re: الفلبيني ! (Re: walid taha)
|
بوست جميل وخفيف الدم.
حقيقة الإخوة المتداخلين ماخلو شي بس حابي أضيف إنّو من مزايا الفلبينيين القناعة والتعامل مع الحياة ببساطة وايجابية، يعني شفنا كتير منهم يعملون برواتب متدنية وفِي ظروف صعبة بس طوالي مبتسمين ومستمتعين بالحياة من أحلى مايكون بدل الانتقاد والشكوى زي معظم العرب والأفارقة. بالجد حاجة مهم نتعلمها كسودانيين.
تحياتي،،،،
| |
|
|
|
|
|
|
|
|
|
Re: الفلبيني ! (Re: walid taha)
|
إقتباس : وبصراحة افتكرو يتوقع مقابل مادي لخدمته
ود البوش إزاى الحال
الفلبينى مثله مثل باقى البشر يحب البقشيش لكن ذلك يعتمد بشكل أساسي على المكان الذى يعمل فيه بمعنى المكان الذى يجيز ثقافة البقشيش مثلا تجدهم فى بعض المطاعم (بيتزا هت مثالا) يتفانون فى خدمتك بشكل يجعل الواحد يشعر بخجل كبير إذا لم يترك لها الباقي بمعى (بستاااااااهل)
| |
|
|
|
|
|
|
|
|
|
Re: الفلبيني ! (Re: walid taha)
|
الأخ وليد طه
لك الود والتحايا الطيبات
كما علمت من بعض الزملاء الفلبينيين أنه عند التعاقد معهم
للعمل خارج بلادهم فإنهم يخضعون لكورسات تدريبية مكثفة
من قبل الجهات المشرفة على عقود عملهم من أهمها كورس
في اللغة الإنجليزية وكورس في الإتيكيت (فن التعامل) ولذلك
تجدهم متمسكون بذلك فضلاً عن الصفات الأصيلة الحميدة فيهم
مع التحيات ....
| |
|
|
|
|
|
|
|
|
|
Re: الفلبيني ! (Re: بابكر قدور)
|
كما علمت من بعض الزملاء الفلبينيين أنه عند التعاقد معهم للعمل خارج بلادهم فإنهم يخضعون لكورسات تدريبية مكثفة
بابكر إزاى الحال
على سيرة العقود ..الناس ديل طبعا وفى الحتة دى بالذات أدق من الدقة حكى لى واحد قال لى جبنا قبل كده عدد من الفنيين الفلبينيين للعمل فى شركة فى الرياض ، فلمن وصلوا وبعد ما إرتحاو قالو ليهم (يلا إستعدوا نمشى بعد ده) فكان ردهم (نمشي بعد ده ؟!! بسم الله نمشى وين ؟ نحن جايين متعاقدين هنا فى الرياض ، فقالوا ليهم أيوه صاح الإدارة فى الرياض لكن الشغل فى المصنع فى القصيم (منطقة تبعد حوالى 400 كليومن الرياض) فوقفوا ألف أحمر وقالو ما متحركين من هنا شبر وفشلت كل المحاولات من تهديد وتحنيس فى إقناعهم لكن تمسكوا بالشي المكتوب فى العقد . على ما أذكر قالوا يا الرياض يا ترجعونا هسه ، وقالو ليهم طيب تدفعوا لينا غرامة ! طوالى على السفارة والسفارة ما كضبت سفرتهم طوالى وبدون غرامة . لمن سمعت القصة قلت بقلبي هسه ديل لو نحن كان أهلك الهنا قالوا ليك (ياخى ما خلاص جيت تعمل شنو يعنى ، مشي حالك ياخ ) :) فالخلاصة التمسك بالحقوق بحرك ساكن وهم كده رغم أن بلدهم برضو تعبانة نوعا ما وبلد مصدر للعمالة .
فتأمل
| |
|
|
|
|
|
|
|
|
|
Re: الفلبيني ! (Re: هيثم درار)
|
quoteلقراصة خليتا لى منو يا شقي ؟
شايفك بقيت من ناس البيتزا quote
أووو هيثم درار
والله يا أبودرار حتى القراصة أخشى لوجربناها من يد الفلبيني تانى ما ناكلها من يد أهلنا :)
خاصة لو بملوحة ههههههه
إير سي ياهى ؟
| |
|
|
|
|
|
|
|
|
|
Re: الفلبيني ! (Re: walid taha)
|
Roberto فلبيني ماسك الأوبريشن فى المجمع الشغالين فيهو جادي جدا ولم أراه فى حياتي يضحك ،مرة مشيت ليهو عايز ترولي فرفض يدينى ليهو وقال لى : (أنا اديتو لواحد قبلك كسرو وجا ختاهو لي ) وبعد تحانيس قلت ليهو (أنا مختلف عن الزول الكسرو ليك فياخى جرب وأدينى ليهو) فقال لى وهو نص مبتسم ( إنت ما مختلف، ولو صحى مختلف كان مفروض يكون عندك واحد) فأفحمنى ردو ، وأعجبني وأضحكنى كل ذلك فى آن واحد :))))
| |
|
|
|
|
|
|
|
|
|
Re: الفلبيني ! (Re: walid taha)
|
مسا الخير عليك بوست فرفوشي
حاجة محيراني عندي صديق عزيز فوقو كل المواصفات دي وزيادة كمان ششهريا لازم من الراتب يشتري شغلة ماركة
بس المجنني في السكن تلاتة في غرفة واحدة كلو زول بي تلفزيونو وسماعاتو :)
| |
|
|
|
|
|
|
|
|
|
Re: الفلبيني ! (Re: حامد بدري)
|
بس المجنني في السكن تلاتة في غرفة واحدة كلو زول بي تلفزيونو وسماعاتو :)
دى الـ Privacy يا حامد أضف عندك هههههه
صباح الخير
| |
|
|
|
|
|
|
|
|
|
Re: الفلبيني ! (Re: walid taha)
|
صدقت يا وليد وأحسنت
وأؤكد بأمثلة في مسألة الاتقان والتخصص الدقيق
قبل عدة سنوات كنت أعمل في شركة بها ورشة لصيانة المعدات .
جيت ماري بالورشة توقفت عند فلبيني يلحم بالكهرباء .. في الحقيقة ادهشتني طريقته في استخدام كاوية اللحام .كأنه يرسم بقلم أو ريشه .. وفي بالي عندنا في السودان كان عندنا ورشة حدادة لصناعة الأثاثات المكتبية وشايف جماعتنا يلحموا كيف . يقددوا الحديد ويخلقوا كتل من اللحام ثم ينظفوها بحجر النار والباقي على قولهم ( البوهية تجيبو هههههههههه) ..
الفلبيني جاوبني عمليا وقف الشغل واستخرج محفظته وطلع منها بطاقة مكتوب فيها الرخصة الدولية للحام (أول مرة أعرف أنه اللحام عنده رخصة كمان ) وقال عندهم معهد في بلدهم تدرس سنتين لحام وتمتحن لتحصل على هذه الرخصة ..
وموقف ثاني .. سيارتي كان فيها رترتة وقطعات كدا .أنا ظنيتها مشكلة كهرباء .. رحت للورشة التي اتعامل معها فيها فنيين فلبينيين .. وجدت واحد يلبس أبرول أزرق .. على شلاقتي سألته ( وين الكهربائي ) قال لي عايزو لشنو ؟ ..قلت له سيارتي فيها مشكلة كهرباء .. قال لي خرج مشوار يجي بعد ساعة . قلت له وأنت تخصصك شنو .. قال لي ميكانيكي .. قلت له ما خلاص شوفها يمكن شغل ميكانيكا .. لا أنت جيت عشان الكهربائي وهو غير موجود حاليا .. قلت له ياخ ما تشوفها يمكن ما شغل كهرباء .. قال له .. يشوفها الكهربائي أولا ..أذا ميكانيكا هو يحولها لي ..
يعني حرص زي كدا ودقة نحن ما نشوفها حتى في مستشفياتنا خلي في الورش ..أضطريت أنتظر الكهربائي ..
| |
|
|
|
|
|
|
|
|
|
Re: الفلبيني ! (Re: درديري كباشي)
|
الأخ وليد تحياتي إنت و المتداخلين و المتابعين
بوست خفيف الظل من ناحية. و من ناحية عميق
لأنه بيتضمن ملاحظات( عابرة للجنسيات-على وزن عابرة للقوميات)
و هو ما نحتاجه.
بعدين فيه ملاحظات ذكية عكس ما نقوم به نحن السودانيين
من إنطباعات و تحليل خاطيء في معظم الأحيان لكثير من الجنسيات.
لو تسمح عندي وجهة نظر:
التميّز ليس لكونه فليبيني لأنه مثله مثل كل البشر.
و لكن الفرق في النظام –السيستم الذي أفرزه و هو الذي دربه و رباه و أخرجه للعال.
مجرد وجهة نظر
مع خالص احترامي
| |
|
|
|
|
|
|
|
|
|
Re: الفلبيني ! (Re: محمد عبد الله الحسين)
|
تحياتي وليد و الاخوة ...
رغم كل الأشياء الإيجابية و هي في مجملها صحيحة ...
لكن كمان فيهم نسبة عالية حرامية و فيهم نسبة اعلى مثليين ...
عشان كمان نكون قلنا كلمة الحق ...
يعني ما في زول كامل ... :)
| |
|
|
|
|
|
|
|
|
|
Re: الفلبيني ! (Re: محمد عبد الله الحسين)
|
لديهم افضل السفارات والقنصليات من باب الاهتمام بالمواطن الفلبيني
لديهم قنصليه في جده بها قسم ضخم جدا مكتمل العدد من الموظفين مهمته (تلقي شكاوي الرعايا الفلبينين) وهؤلاء الموظفين يستقبلون رعاياهم يوميا لتلقي الشكاوى منهم ضد مؤسساتهم التي يعملون بها وتقوم القنصليه بمخاطبه المؤسسه المعنية ومكاتب العمل والجهات ذات الاختصاص لاتفه الاسباب
حتى تحل مشكله مواطنيهم وهذا مانفتقده في ممثلياتنا.
| |
|
|
|
|
|
|
|
|
|
Re: الفلبيني ! (Re: walid taha)
|
على فكرة ....البوست ليس لمدح الفلبينيين بقدر ما هو محاولة على إلقاء الضو على ثقافة فريدة تؤمن بتجويد العمل والتفاني فى إخراجه فى أروع صورة مع القناعة التامة بأن هذا واجب نظير ما يُدفع من أجر ، بالتالى هو نموذج لسلوك حضارى يستوجب الوقوف عنده .
مادون ذلك يخضع لنظرية (فى كل أمة هنالك الصالح والطالح)
| |
|
|
|
|
|
|
|
|
|
Re: الفلبيني ! (Re: walid taha)
|
قبيل لاقيت Roberto فى الأصانسير بصلق فى ورقة مكتوب عليها (Under Maintenance)
قلت ليهو (ياخى هسه الللفت ده ما شغال تمام) فقال لى بحدة (إنتا العرفك شنو؟!) :)))) ففجاة إتذكرت البوست ده فكان لابد من ذكر الموقف،،
أهممممم شي السيفتي
| |
|
|
|
|
|
|
|
|
|
Re: الفلبيني ! (Re: أحمد الشايقي)
|
سلام صاحب البوست
كان عندنا فلبينى خاتى تحت زجاج تربيزته الآتى بخط واضح جدا :
More talk more mistake
Less talk less mistake
No talk no mistake
| |
|
|
|
|
|
|
|
|
|
Re: الفلبيني ! (Re: أحمد الشايقي)
|
سلامات وليد و الاخوان
و احرف ناس في السكن زي (الاثيوبيين) بسكنوا جمب خط المترو أرخص وسيلة نقل في دبي
و ممكن يسكن عدد خيالي في شقة و تلقاهم متفقين مافي مشاكل....
تخصص في المهن البتتطلب سرعة و دقة - كاشيرات المولات - توصيل طلبات - خدمات عملاء بشكل عام
منفتحين علي الجنسيات الاخري اكتر من الهنود و باقي الاسيويين.
زي ما قال باشمهندس يحي فيهم عدد كبير من المثليين.
| |
|
|
|
|
|
|
|
|
|
Re: الفلبيني ! (Re: aosman)
|
الحبيب وليد طه وضيوفه الكرام
لقد صدقت اخي الحبيب في كل ما ذكرته عن العمالة الفلبينية
عندي تجربة عملية عندما كلفني احد اصدقائي في الخليج باختيار كابتن ومهندس لليخت الذي يملكه .
مكثت في مانيلا حوالي اسبوع او عشرة أيام لإجراء المعاينات . هناك كل معاملات اختيار العمالة تتم عن طريق وزارة العمل
التي تدقق في اختيار الشخص المناسب للوظيفة المعروضة . يتم عمل سمنار لمدة يوم كامل للمسارفين للعمل بالخارج وتقدم لهم
النصح والارشادات اللازمة . حاليا في اليابان تحتل العمالة الفلبينية سوق العمل في السفارات الأجنبية ، وتفكر الحكومة اليابانية بالاستعانة
بالممرضات من الفلبين بعد تعليمهن اللغة اليابانية وذلك لسد النقص الواصح في مجال التمريض .
تحياتي ووافر احترامي
| |
|
|
|
|
|
|
|
|
|
Re: الفلبيني ! (Re: Gaafar Ismail)
|
اخونا وليد
أشاطرك الرأي في كل ما ذكرته هذا الشعب
فعلاً شعب راقي
في كل المجالات
تعجبني دقتهم وترتيبهم في كل شئ خاصة المجال الصحي والتقني
وإحترامهم لذاتهم وخصوصية الآخرين
أُحييك أستاذ وليد
| |
|
|
|
|
|
|
| |
walid taha
ولياب
محمد البشرى الخضر
علي عبدالوهاب عثمان
عبدالعزيز الفاضلابى
احمد التجانى احمد
عبدالله ود البوش
احمد حمودى
جمال الباقر
حسن محمد عمر
بابكر قدور
هيثم درار
حامد بدري
محمد عبد الله الحسين
يحي قباني
محمد الهادى عبد الرحيم
Nasser Amin
aosman
Gaafar Ismail
فيس بوك
تويتر
انستقرام
يوتيوب
بنتيريست