|
|
|
 Re: السوداني لا يصلُح بائعا ! (Re: صبري طه)
|
صبري إزيك
المشكلة إنو العبارات والجمل المذكورة آنفاً تقال من سنة دو دون أن يتغير الفكر نفسه ، يعنى قصة إنو البايع يعدد مزايا السلعة دى لو مُتا من بتلقاها عند السوداني .
--
نعرف مرة مشيت إشترى جنز البياع مصري (إبن نيل يعني) لمن قلت ليه غالى قال لى (ده تركي مش حتلائي زيو إبدن، وده يمكن آخر واحد فى السؤ (السوق) ) سألتو (ليه) قال لى (لأن المصنع بتاعو وئع فى الزلزال بتاع الشهر اللفات) وقتها فعلا كان فى زلزلال فى تركيا .
الرد طبعا مضحك ، لكن على أية حال أسلوب جديد ومحاولة جيدة للبيع ههههه
| |
 
|
|
|
|
|
|
|
|
Re: السوداني لا يصلُح بائعا ! (Re: على ابراهيم رفاى حمد)
|
عزيزي الفاضل وليد طه..
وانا كمان بايدك فعلا السوداني لا يصلح بائعا او تاجرا....ولكن السبب
ليس هو السبب الذي كتبته انت هنا ..ولكن السبب هو الطيبة الزائدة للسودانيين
فالسوداني فيه شهامة ومروءة وحسن اخلاق توزن بلد...
والله يا وليد اذا انت انكلمت كويس مع السوداني البائع ده بكلام طيب كان قال ليك.." خلاص
يا ود العم ولا تزعل نفسك اعتبر العطر ده هدية مني ليك ..وفلوسك حترجع بيك كاملا....وكفاية
عرفت لي صديق جديد...."
اها شن قولك في الكلام ده....
وانا في عطبرة الايام دي..وفي هذا الزمن الصعب بشوف حاجات تحير...وبشوف الكرم السوداني
الاصيل..ومن مين؟؟ من بعض التجار والمفروض يكونوا جشعين ويحاولوا يكسبو من الزبون بالباطل
تلقاهم بيدوا السلعة مجانا لغير المستطيع والفقير والمسكين....وواحدة امريكية صديقتي زارت معاي
الكاملين في الجزيرة ..وامنت بان السودان بلد فريد وشعب السودان اجمل شعب في الدنيا....
وانا كمان بزيد وبقول ليك فعلا السوداني ما بينفع بائع ولا تاجر لان السوداني بطبيعته وفطرته لا يسرق
ولا ينهب ولا يغش ولا يطفف في الكيل..وطبعا ما عدا القلة من مسؤولي الحكومة ..والذين للاسف يسرقون
من المال العام..وهذا الاتهام اكده شاهد منهم ومن زعمائهم..وان شا الله تكون قريت كلامه....
وكل سنة وانت طيب..
ودمت بالف خير وصحة وعافية..
بس عندي سؤال في الهامش...مستغربة كيف دكان الكترونيات يبيعوا فيه عطور....ولا انا فهمت غلط..(وجه باسم)
| |
|
|
|
|
|
|
|
|
|
Re: السوداني لا يصلُح بائعا ! (Re: Basamat Alsheikh)
|
وليد
لك التحية
على ما أعتقد إنت قبل كده كتبت عن المطاعم السودانية
والحالة كلها واحدة ، لا فرق بين المتاجر الإليكترونية وسوق البهايم ما دام البائع سوداني
أنا كنت افضل البائعين الهنود في أسواق البطحاء بالرياض ، أفضلهم على السودانيين
وأثق بهم ، وأجد تعاملهم أيسر ..
السوداني لا يجيد تسويق نفسه ، ناهيك عن إجادته تسويق منتجات أخرى
| |
|
|
|
|
|
|
|
|
Re: السوداني لا يصلُح بائعا ! (Re: ودقاسم)
|
ابصم بالعشرة
مش الدكاكين بس يا الوليد كل المكاتب الامامية اياك ان تاتي بسوداني لو كان لديك سلطة تعيين
في المنطقة التي اعيش فيها في الخليج يوجد عدد قليل جدا من البايعين سودانيين و هم من اسوا الباعة و اضيقهم خاقا
و اسؤاهم منظرا و بصراحة بائع سوداني دا مشروع افلاس جاهز ان كان في الخارج او في السودان
خليك من عدم الابتسامة
تكشيرة و تجهم و جفاف و اجابات مقتضبة لهذا صرت اتجنب المحلات القليلة التي تشغل ابناء جلدتنا
| |
|
|
|
|
|
|
|
|
|
Re: السوداني لا يصلُح بائعا ! (Re: ودقاسم)
|
سلام يا ولي
صدقت في حكاية أن السودانيين ضعيفين في المبيعات
وأتطرق لناحية تانية .
قبل عدة سنوات كنت شغال في شركة لها معرض مختص بكماليات الرحلات والصيد وغيرها .
البائعين سودانيين .
خرجت من المكتب للمعرض صدفة وجدت معهم زبون وداخلين في ونسة ليس لها أي علاق بالمعرض ..
يشرحوا له عن الفرق بين شمال وجنوب السودان وسبب الحرب ولماذا انفصل الجنوب .
هو مستمتع يسأل وهم يتباروا في الاستعراض .. وبعدها عرجوا على كورتنا والهلال والمريخ .
وبعد شوية شكرهم الزبون وخرج دون حتى أن يسأل عن أي سلعة .
قلت أعطيهم محاضرة قصيرة .
عارفين الزول دا ما أشترى ولا سأل من أي سلعة ليه ؟.
هزوا رأسيهم بالنفي .
قلت لأنه حصل له إشباع نفسي ..
كيف يعني ؟
قلت هذا محل سلع كمالية يعني لا هو صيدلية أدوية ولا محل مأكولات ولا ملابس .. ديك سلع عندها دوافع خاصة بها لا تتغير يعني لو أنت محتاج لها حا تشتريها تحت كل الظروف حتى لو ما عندك رغبة .
لكن الكماليات دي الشخص بيشتريها عشان يستمتع نفسيا فقط ..أنتو بدل البضاعة عوضتوه بحديثكم الشيق ..أهو حصل له الاشباع النفسي وشعر أ؟نه ما محتاج يشتري شكركم وخرج .. والشركة خسرت زبون وخسرت زمنكم بسبب ثرثرتكم ..
سكتوا فقط لم يستطيعوا أن يدافعوا .
لكن هي ملاحظة
روح سوق غبيرة المجمع الأشهر للتجار السودانيين في السعودية .
تلاقي الونسة الدايرة في المحل بأصوات عالية ليس لها اي علاقة بالمعروضات .
| |
|
|
|
|
|
|
|
|
|
Re: السوداني لا يصلُح بائعا ! (Re: عبدالعزيز الفاضلابى)
|
غير قلة الذوق ..
فالجشع صفة متأصلة في السودانيين ( إلا من رحم الله) لكن الغالب هي صفة الجشع ـ الكائن السوداني كائن جشع بطبعو
زي قصتك دي يا صاحب البوست مرة واحد وكيل الخطوط السودانية في مكة " ما عارفو قاعد ولا فات " ياخي ده ما قليل ذوق وبس
ده فايت قلة الزول بيغادي واظنو عندو كمية من العقد والمشاكل النفسية المستعصية
| |
|
|
|
|
|
|
|
|
|
Re: السوداني لا يصلُح بائعا ! (Re: عبدالعزيز الفاضلابى)
|
عزيزي الفاضل ود الفاضلاب
التحايا النواضر كل سنة وانتو طيبين ولعل الاسرة بخير..
والله خوتنا نحن بت السيد وامتثال وابتهال وسلافة هي خوة
اولاد وبنات القبائل في اتبره وضواحيها...وضواحيها دي شاملة
الفاضلاب....
وانا علقت في الخبر الفوق ده ووصفت التجار المتل الانت اشرت
ليهم في كلامك...ومثل ديل ما بيخسروا عشان كده كونوا ثرواتهم
بشهامتهم ونخوتهم السودانية ولم تكن ضربة حظ..ابدا...
اما كلام الاعضاء المعلقين هنا عن التجار السودانيين في اسوق
السعودية فانهم ربما عرفوا فقط الجانب المظلم من الشخصية
السودانية وربما هؤلاء البائعين مروا بظروف سيئة اجبرتهم لهذا
الجانب السلبي...لكن الاغلبية جوانبهم ايجابية ومضيئة...
حتى ولو ما كانوا تجار وبائعين...
..وياخي انت وين يا ود البوش ..وتحياتنا له..وكنا نتمنى نلاقي
بيه الامريكية التي اندهشت من الكرم الحاتمي لناس الكاملين
..وكل سنة وانتو طيبين ولامين وتامين
| |
|
|
|
|
|
|
|
|
|
Re: السوداني لا يصلُح بائعا ! (Re: Basamat Alsheikh)
|
عزيزنا الفاضلابي والعزيزة بسمات
كل عام وانتو بخير
أنتو هنا خالطين بين البائع والتاجر
البائع مقصود بها موظفين يوجدوا في المعارض الكبرى مهمتهم اقناع الزبائن بجودة السلع والترويج لها وإغرائهم بشراء أكبر كمية ممكنة .وأغلب الممتهنين لها هم خريجون مجالات مختلفة لم يجدوا فرص في تخصصاتهم بالتالي هي تعتمد على المقدرات الشخصية فقط .
والتجار والرأسمالية الكبار ومن ذكرتم شي مختلف وعباقرة وما فيهم أي كلام ولو يسع المجال لآوردنا مواقفهم وكيف تتدفق عليهم الأرزاق بسهولة وكيف ينفقونها ويقفوا مواقف شهمة .
| |
|
|
|
|
|
|
|
|
|
Re: السوداني لا يصلُح بائعا ! (Re: درديري كباشي)
|
هلا بالحبيب الدرديرى ,, مشتاغووون ياخ
ودايرين بوست يقبض الطير كله.
| Quote: أنتو هنا خالطين بين البائع والتاج |
والتاجر ده مو بائع ؟ ولا بجى يفتح الدكان ويقعد صامِّى خشمو
والناس تشترى وتخت القروش وتمشى
نعم انا معاك ان مهنة (الـ Sale Person)
بقت عِلِم وموهبة لكن اخونا وليد عنوانه فضفاض ويمكن كثير من السودانيين اللى بقصدهم وليد
ناس اختاروا المهنة دى على سبيل مُجبر أخاك لابطل
قابلت سودانيين من شطارتم فى البيع الواحد لايوق لدرجة انه يقنعك تشترى جزمة كل فردة من بلد.
بسمات واخواتها...
شوقنا ليكن قدر سعف التمر.
| |
|
|
|
|
|
|
|
|
|
Re: السوداني لا يصلُح بائعا ! (Re: عبدالعزيز الفاضلابى)
|
عبد العزيز كيفك
| Quote: يعنى الشيخ مصطفى الامين وود طلب وولاد البرير وناس عثمان صالح وولاد حجوج ,,,,, ديل كانت ضربة حظ؟ |
تعرف الناس ديل لو كان جو فى الزمن ده يمكن ما كان عملوا قروشهم دى ، الدنيا إتغيرت وأصبح البيع عملية معقدة مع تزايد المنافسين وتغير شكل السلع .ومال إنت قايل يا عبد العزيز الرواتب والعمولات المتلتلة البتدفع للبياعين اللبنانيين والسوريين والمصريين جات من فراغ ، ولا الإعلانات البتكلف مبلغ وقدرو دى وتدريب البياعين على مهارات البيع كده ساي .!!
لو صاحب المصنع قادر يبيع براهو ما كان شتت قروشو كده.
شكرا للمرور
| |
|
|
|
|
|
|
|
|
|
Re: السوداني لا يصلُح بائعا ! (Re: Basamat Alsheikh)
|
| Quote: وانا كمان بايدك فعلا السوداني لا يصلح بائعا او تاجرا....ولكن السبب ليس هو السبب الذي كتبته انت هنا ..ولكن السبب هو الطيبة الزائدة للسودانيين فالسوداني فيه شهامة ومروءة وحسن اخلاق توزن بلد... والله يا وليد اذا انت انكلمت كويس مع السوداني البائع ده بكلام طيب كان قال ليك.." خلاص يا ود العم ولا تزعل نفسك اعتبر العطر ده هدية مني ليك ..وفلوسك حترجع بيك كاملا....وكفاية عرفت لي صديق جديد...." |
والله يا بسمات ما عارف أقول ليك شنو ، كل البقدر أقولو إنى والله كنت معاهو فى قمة التذهيب والأدب وما طلعت من الحدود دى أبدن :)
لاحظى إن الزول ده أنا أصلو ما لاقيتو قبل كده فى حياتي !!
| |
|
|
|
|
|
|
|
|
|
Re: السوداني لا يصلُح بائعا ! (Re: walid taha)
|
تحياتي استاذ walid taha
اعرف انّك تتحدث عن البيع في سوق الله اكبر دا ، و لكن البيع لا يتوقّف علي السوق فقط ، جرّب ديّن ليك سوداني قروش و شوف البيع علي اصولو ، يبيعك لغاية يحسسك بعقدة نقص .
و للامانة النساء السودانيات اكثر وفاءً في سداد الدين كما انّهن الاكثر ترددًا عندما يتعلّق الامر بالسعي للدين و في الغالب لا تلجأ الواحدة فيهنّ للدين الّا أن يكون لها مصدر مضمون لسداد هذا الدين ، اما الكثير من الرجال السودانيين عندما تواجه احدهم مشكلة مالية ككل خلق الله علي ارضه الواسعة - فاول ما يفكّر فيه هو الدين و كأنّ مشكلته المالية مشكلة متفرّدة لا تخصه هو بل تخص الآخرين فلذا وجب عليهم حلّها فورًا و دون اي محاولة للهرب او تقديم ايّ اعتذار ، و آخر ما يفكّر فيه هو سداد ذلك الدين و كأنّ كل مشاكله الحياتية ستنتهي باستلام مبلغ ذلك القرض المطلوب و لا يضع اعتبارًا حتي لحوجة أخري قد يفاجئه بها مقبل الايام . فبكل بساطة يستلم القرض و يحظرك بالتلفون او يغيّر رقمه و لا يرسل لك الرقم الجديد . أي و الله و بهذه البساطة في الوصف و لا يهمه مركزه الاجتماعي او ما يقوله بالندوات و يكتبه بالمنابر و يعرضه للناس من هندام و وقار، او ما يكرره بصورة مستمرة لاطفاله في المنزل عن حسن الخلق السوداني المتوارث من الأجداد .
طبعًا لا يمكن تعميم الحديث كما لا يصح اتخاذ مجموعة قليلة لتكن انموذجًا يقاس عليه سلوك الآخرين و طالما أنّ السلوك امر فردي فيكون كل شخص لا يمثل سوي نفسه و ما جاء في مداخلتي بصيغة التعميم لا اعني به سوي المبالغة لأنّ الامر يتكرر بصورة تدعو للدهشة و كأن الدنيا ليس فيها سوي المال و سيرة المال .
شكرًا يا اخي علي البوست الرائع و اعتذر عن التخريمة الصغيرة فارجو أن تقبلها منّي فشارع الثورة مغلق و لا مجال امامي سوي التخريم .
| |
|
|
|
|
|
|
|
|
|
Re: السوداني لا يصلُح بائعا ولا مشتريا ! (Re: محمد احمد القاضي)
|
تحياتي وليد
كلامك تمام بنسبة كبيرة.
سوداني في محل بيع عطور ببطحاء الرياض
دخل إلى محله عدة نساء سودانيات ومعهن رجال ، يبدو أنهم يشترون حاجات شيلة عريس.
بعد تجربة عدة أنواع من الروائح ، أحبطوا البائع السوداني بجملة قالتها إحداهن وهي تلوي بوزها وتحث مرافقيها بالخروج لمحل آخر: الريحة دي ما ياها
فقال الزول وقد تأبط غضبا : نخرينكم ال ما ياها
| |
|
|
|
|
|
|
|
|
|
Re: السوداني لا يصلُح بائعا ! (Re: walid taha)
|
موظف حجز سوداني فى خطوط طيران عاملنى بغلظة شديدة رغم إنى مشيت ليهو بتوصية !
- أيوه عايز الحجز متين ؟
- يوم 10
- لا مافى - طيب يوم 15
- كم نفر ؟ادينى الأسامي
- دقيقة مافى خيارات ؟
- إنت كدى أو حاجة أدينى الأسامي بعدين بشوف ليك
- طيب معليش آخر موعد لقطع التذاكر متين ؟
- لسه فى وقت
- آآآ
- نعم قلتا شنو ؟
- لا أنا قصدي ..
- أكتب رقم الحجز عندك
فيما بعد طبعا عرفت إنو الراجل طبعو كده فى التعامل وما بقصد شئ !!!! :)
| |
|
|
|
|
|
|
|
|
|
Re: السوداني لا يصلُح بائعا ! (Re: walid taha)
|
صديق مغترب بالخليج لسنوات زار السودان وفي منطقة ابوحمامة وقف امام اشهر البقالات على الاطلاق وانتظر البائع وهو داخل العربية ، حذرته من انه سيسمع من صاحب الدكان ما لا يعجبه ... قال لي ياخي السودان دة تطور كثيرا واصبح في تسويق وفهم لاهمية الزبون وهو على هذه الحالة خرج صاحب المحل وفاجاة بكلمات حارقة ... يا زول ما تنزل انت قايل نفسك سايق طيارة وزادها وهو راجع الى دكانه ... الواحد زي المر..... النفساء ما قادر ينزل.. عالم وهم.
| |
|
|
|
|
|
|
|
|
|
Re: السوداني لا يصلُح بائعا ! (Re: د.عبد المطلب صديق)
|
| Quote: وفي مصر يا ود حمد طلبت من البائع زجاجة بيبسي ، فاجأني وهو يفتح زجاجة الميرندا .... والله الميرندا أحلى ... ومن غير فلوس ... والنتيجة طبعا استبدلت البيبسي بالميرندا وبنفس راضية. |
الأخ د.عبد المطلب
السلام عليكم..بالذات المصريين أنجح جنسية في التسويق و البيع في كل الوطن العربي بل لقيت ليك المصريين ديل في تركيا و ماليزيا ناجحين في المبيعات..و طبعا انت عايشتهم عن قرب لفترة في مصر..
| |
|
|
|
|
|
|
|
|
|
Re: السوداني لا يصلُح بائعا ! (Re: walid taha)
|
الاعزاء الحاج حمد ووليد
طبعا المصريين بيعتقدوا انه قروش السوداني دي حقتهم والمسالة مسالة وقت فقط بالغش بالاحتيال بالتسويق...
حدث ان زرت معرض الخرطوم الدولي والى جانبي مدير التسويق ..... قلت له طريقتكم في العرض بائسة والعارضين لا غير متخصصين ... لم يعجبه كلامي .... حتى اثبت له كلامي سالت احد المسؤولين عن الصالات .. ياخي عايز نصيحتك الاسعار ارخص عندكم ولا في السوق ... قال لي والله السوق احسن ليك مية مرة ما تشوف البهرجة دي بضاعة كلها من الصين وسوريا وتلقاها في سوق ليبيا بنص سعرها لا حرة لا الله قال...... المسكين لم يكن يعلم من بجانبي واعتقد انه الان كان قريب في الحركات المسلحة.
| |
|
|
|
|
|
|
|
|
|
Re: السوداني لا يصلُح بائعا ! (Re: د.عبد المطلب صديق)
|
| Quote: قال لي والله السوق احسن ليك مية مرة ما تشوف البهرجة دي بضاعة كلها من الصين وسوريا وتلقاها في سوق ليبيا بنص سعرها لا حرة لا الله قال...... المسكين لم يكن يعلم من بجانبي واعتقد انه الان كان قريب في الحركات المسلحة. |
يو ميد ماى داي يا دكتور :))))))))))))))
| |
|
|
|
|
|
|
|
|
|
Re: السوداني لا يصلُح بائعا ! (Re: د.عبد المطلب صديق)
|
كتب د. عبد المطلب
(قال لي والله السوق احسن ليك مية مرة ما تشوف البهرجة دي بضاعة كلها من الصين وسوريا وتلقاها في سوق ليبيا بنص سعرها لا حرة لا الله قال......)
المصري بقول ليك (انا خدام اكل عيشي )
السوداني بقول( انا مالي حقت ابوي )
اظن ده الفرق . .
| |
|
|
|
|
|
|
|
|
|
Re: السوداني لا يصلُح بائعا ! (Re: د.عبد المطلب صديق)
|
ازيك يا وليد وضيوفك
يخيل لي جزء كبير من القصة دي مسألة أنَفة سودانية
عزة النفس السودانية تمنع الزول من.. من شنو ما عارف
لذلك من يتنازل عنها هو في الغالب غريب عن المدينة
وبمجرد ما يصبح جزء من المجتمع الجديد تتلبسه حالة عزة النفس غصبا عنو
السودني يصعب عليهو يلاحقك عشان يبيع ليك حاجة (يلاحقك دي من معانيها يقوم ليكمن الكرسي أو العنقريب عشان يبيع ليك)
يعني السلوك دا فيهو جزء كبير إيجابي بمعنى ما
والله أعلم
| |
|
|
|
|
|
|
|
|
|
Re: السوداني لا يصلُح بائعا ! (Re: معاوية الزبير)
|
هلا معاوية
عندما يكون الحديث عن ترويج وتسويق يصبح الكلام عن عزة النفس لا معنى ولا قيمة له، عند الانجليز كان شائعا ان الايرلندي تجده حريص على اثبات عزة النفس والمكانة والحرص على عدم تقديم التنازلات ، حتى في لبسه تجد الانجليزي يكتفي بلبسة تي شيرت ابيض وبانت بيج والسلام ، اخونا الاسكوتشي او الايرلندي هاك يا بدل وكرافتات واحذية لامعة، الحرص على الكرامة بعضه ناتج عن عقدة نفس اكثر من كونه عظمة ومكانة.
وزي ما قيل في النهاية العارف عزو مستريح
| |
|
|
|
|
|
|
|
|
|
Re: السوداني لا يصلُح بائعا ! (Re: walid taha)
|
Quote: والتاجر ده مو بائع ؟ ولا بجى يفتح الدكان ويقعد صامِّى خشمو
والناس تشترى وتخت القروش وتمشى
نعم انا معاك ان مهنة (الـ Sale Person)
بقت عِلِم وموهبة لكن اخونا وليد عنوانه فضفاض |
اود أن أُشير الى أن البائع المذكور فى البوست هو الشخص الموكل إليه بيع وتسويق سلعة ما وفى الغالب هو (مندوب مبيعات ) هنا يجب ان نفرق بين التااجر (صاحب رأس المال) والبائع (المكلف بالبيع لصالح التاجر)
| |
|
|
|
|
|
|
|
|
|
Re: السوداني لا يصلُح بائعا ! (Re: walid taha)
|
الاخ احمد ياسين ( رجاء ما تزعل مني)
طبعا تسويق الماشية دة تخصص سوداني اصيل لا احد ينافسنا فيه وخبراتنا فيه عالية جدا
بس البائع لم يبع لك لانك كشفت عن شخصيتك
البيطلب خروف ماكن دليل على انه ما بيعرف في الخرفان وغالبا من ابناء شارع 3 - 7 - 15 العمارات ... الخروف الماكن يعني لحمه قوي وسنو كبير وكله عظام وعجوز ما بتتاكل .
البائع عرفك ماسورة وما حتدفع ما دام دة طلبك.
بالمناسبة ناس البهائم جنهم وجن الحناكيش.
| |
|
|
|
|
|
|
|
|
|
Re: السوداني لا يصلُح بائعا ! (Re: د.عبد المطلب صديق)
|
د. عبده ود صديق
هههههههههههههههههه
كلامك صاح خاصة انو انا من الحناكيش دي
ياخوي اذا كان انت ماشوفتني وعرفتني ماسورة . هو ما يعرف ؟
Quote:
الاخ احمد ياسين ( رجاء ما تزعل مني)
طبعا تسويق الماشية دة تخصص سوداني اصيل لا احد ينافسنا فيه وخبراتنا فيه عالية جدا
بس البائع لم يبع لك لانك كشفت عن شخصيتك
البيطلب خروف ماكن دليل على انه ما بيعرف في الخرفان وغالبا من ابناء شارع 3 - 7 - 15 العمارات ... الخروف الماكن يعني لحمه قوي وسنو كبير وكله عظام وعجوز ما بتتاكل .
البائع عرفك ماسورة وما حتدفع ما دام دة طلبك.
بالمناسبة ناس البهائم جنهم وجن الحناكيش. |
| |
|
|
|
|
|
|
|
|
|
Re: السوداني لا يصلُح بائعا ! (Re: Ahmed Yassin)
|
الأخ وليد وضيوفه
تحياتي ,,,
عنوان البوست كان ممكن يكون اجمل من كدة ويتناول ما علي السوداني البائع ان يفعله كي يكون ناجحاً
هسه كمان ما فات شي .. هات قائمة بالمطلوب من البائع السوداني
---------------
واحد من أصحابنا بيحكي لينا كيف أنه فى عيد الأضحي, ساق زوجته ومشي سوق الماشية عشان يجيبوا الخروف
قال بعد إلقاء نظرة فاحصة على الخروف .. قلت للبائع أن هذا الخروف عجوز .. البائع سأله .. عجوز كيف ؟
قال رديت عليه بأن خروفك ما فيه الأسنان التحت
بيقول لينا أنا فى حياتي ما فتحت خشم خروف وما كنت بعرف أنه ما عندهـ أسنان بالاسفل هههههههههههههه
هسه كدة كويس ؟ طلعنا السوداني لا بيعرف فى البيع ولا بيعرف فى الشراء
| |
|
|
|
|
|
|
| |
walid taha
ودقاسم
عبدالعزيز الفاضلابى
Elhadi
حامد عبدالله
محمد احمد القاضي
ابو جهينة
منتصر عبد الباسط
د.عبد المطلب صديق
عبداللطيف حسن علي
الحاج حمد الحاج
عمر سعيد علي
معاوية الزبير
Ahmed Yassin
الفاتح شلبي
فيس بوك
تويتر
انستقرام
يوتيوب
بنتيريست