|
دعواتكم لزميلنا المفكر د.الباقر العفيف بالشفاء العاجل
|
|
 Re: اعتصام 19 ديسمبر، تصرف سلمي وحضاري (Re: الشفيع وراق عبد الرحمن)
|
الشفيع وراق عبد الرحمن،
من يمتدح جلاده عليه مراجعة الطبيب النفساني لمعرفة أسباب هذا السلوك الغريب . هذا إذا كنت حقا من ضحايا الجلاد
اي من ضحايا الانقاذ. ولارتيابي في روايتك اطالبك باقامة الدليل على مطابقتها للواقع.فإذا كنت من ضحايا التشريد والفصل لما عرف بالصالح العام فابرز خطاب الفصل. واذا كنت من ضحايا بيوت الاشباح فاخبرنا متى وكيف تم اعتقالك وإلى اقتادوك،
وهل كنت معتقلا بمفردك ام كنت في جماعة، من هم؟.
| |
  
|
|
|
|
|
|
|
|
Re: اعتصام 19 ديسمبر، تصرف سلمي وحضاري (Re: الشفيع وراق عبد الرحمن)
|
الرجوع لى شنو يا اخوى
عشان الواحد يتوه فيهو و يجى راجع بعد سنة
كلام اخونا عثمان واضح و يا ريت نلقى عندك اجابة محددة بدل التهويم البتعمل فيهو ده
___
طلب خاص لى اخونا بكرى
يا ريت ناس العصابة ديل مداخلاتهم تكون غير محدودة و فى نفس الوقت
تجمّد خاصية الاستيكة لفترة مؤقتة عشان نستمتع بما يكتبون و الرد عليهم
____
قال ارشيف قال
| |
|
|
|
|
|
|
|
|
|
Re: اعتصام 19 ديسمبر، تصرف سلمي وحضاري (Re: الشفيع وراق عبد الرحمن)
|
باعتبار انو المحرضين علي الاضراب غالبيتهم مغتربين
--------------------------------
ناس الخارج معظمهم
تاتيهم الاخبار من مصادر كاذبة فيصدقون
وتنتشر الاشاعات فيصدقون
والغريب ان كثير منهم يعتبر ان امر العصيان يقوده شارع غير مسيس
وينسون ما يمكر به الشيوعيون وجماعة الحركة الشعبية
| |
|
|
|
|
|
|
|
|
|
Re: اعتصام 19 ديسمبر، تصرف سلمي وحضاري (Re: علي الكرار هاشم)
|
يا علي الكرار
كنت اظنك فينا مرجوا
لسة انتو في ضلالكم القديم بتاع شيوعيين وحركة شعبية
ياخ انتو الشيوعي اخترقته دمرتو وبرضو تجي تتهم بي الناس
وبعدين لو الشيوعيو بطالة ما كل يوم انتو مجتمعين مع الشيوعي الصيني
الفرق شنو كلو ماركسي
مالكم كيف تجكمون
عشان احترمك اعترف معاي بتضاعف الفساد والعفن في الانقاذ
باعتراف كيزان الداخل العصيان هو بداية الزلزال واخراج الاثقال
نصيحة اخ
انج سعد فقد هلك سعيد
| |
|
|
|
|
|
|
|
|
|
Re: اعتصام 19 ديسمبر، تصرف سلمي وحضاري (Re: جلالدونا)
|
صـبــاح الـخــيـــــر والــثــــــــــــــورة
05:57 AM December, 10 2016
سودانيز اون لاين
د.محمد حسن-
مكتبتى
رابط مختصر
هتافاتا كما زغرودة الفجر
صباحاتك بشارات الامل والفال
يا بلد العديل والصح
جنياتك
عشا البايتات
كتوفا ليك متراصة
ايادي ليك متشابكة
عشان تحلق تجز
دقن الفساد وضلال
خلاص نجضت
وما بنديها لي طيرا بعد
لبن حشاها هدير
صباحاتك
سنى الفجر المخرف يوت
سحاباتا ملانة الخير
غماما ليك اتراكم
تقيل ومطير
خلاص
وقفت صفوف اولادك الصابرين
علي ضيم الاضاعو الدين
وخلو بلدنا غرقان دين
يا عثمان
يا فتحي
ويا زهرة
ونجم الدين
ياحاج الفضل ما تخاف
ويا باشكاتب الدولة
اعصى ووكل ربك الشواف
كمان يا ظابط التمنة
الفي الحلة ديل اعمامك
الشالوك زمن جهلك
وديل خالاتك اليوم فرحتك
كانت زغاريدهم تشق الكون
يا الدياشي خليك واعي ديل ناسك
صحاب الشلة والفرقان
اوع تخون
يا فتحية ما تمشي
تخافي كمان من الرفدية
نحن خلاص وقفنا ترس
بلدنا نشيلها زندية
صباحاتك صباحات فال
عشان كرامة غالية ما بتنداس
نثور بي صمت
نعلم كل شعوب الدنيا اننا ناس
من زمن تهراقا ما هينين
تاريخا كما فلق الصباح باين
ونيلا بحكي عن روعة بطولاتنا
وشعبا للعروض صاين
والثورة انطلقت
كل الاناشيد ليك يا اجمل وطن
كل الكلام ثورة
وكل الشعور ثورة
وانتهى العهد الفساد
والضياع كان التمن
صباح الخير والثورة
صباح الفال
خلاص ولى
.زمن تلك الدقون وضلال
وبس
| |
|
|
|
|
|
|
|
|
|
Re: اعتصام 19 ديسمبر، تصرف سلمي وحضاري (Re: الشفيع وراق عبد الرحمن)
|
Quote: ناس الخارج معظمهم
تاتيهم الاخبار من مصادر كاذبة فيصدقون
وتنتشر الاشاعات فيصدقون
والغريب ان كثير منهم يعتبر ان امر العصيان يقوده شارع غير مسيس
وينسون ما يمكر به الشيوعيون وجماعة الحركة الشعبية |
يازول ما تخاف الله
جيب دليلك على مكر الحركة و الشيوعيون فى هذا الحراك
الحاصل ده لازم تقراهو فى الاطار ده
حركة شبابية مستنيرة .. مش زى بتاعت مستنير الابل داك ...
التفّت حولها جموع الشعب و منصورة بإذن الله
التغبيش البتمارس فيهو ده ما بخلكم
و ماب تجيب ليكم مريسة تام زينو
اها قشيركم ده ح يقعد فى اثيوبيا كم يوم؟
| |
|
|
|
|
|
|
|
|
|
Re: اعتصام 19 ديسمبر، تصرف سلمي وحضاري (Re: جلالدونا)
|
!!!!!!!!!!!!!!!!!!
ناس الخارج معظمهم تاتيهم الاخبار من مصادر
كاذبة فيصدقون وتنتشر الاشاعات فيصدقون والغريب
ان كثير منهم يعتبر ان امر العصيان يقوده شارع غير
مسيس وينسون ما يمكر به الشيوعيون وجماعة الحركة الشعبية
| |
|
|
|
|
|
|
|
|
|
Re: اعتصام 19 ديسمبر، تصرف سلمي وحضاري (Re: الشفيع وراق عبد الرحمن)
|
يا الشفيع
Quote: اعتصام 19 ديسمبر، تصرف سلمي وحضاري
ولكنه سيفشل، وده شي بديهي
90% من المواطنين عايشين علي حق اليوم باليوم |
بالعكس العصيان الفات نجح بنسبة كبيرة للسبب دا وهو أنه أغلبية من يخرجون للشارع والأسواق والمصالح هم إما عطالى أو أرباب مهن خاصة. الأقلية هم العمال والموظفون لدى الدولة.
ومنظمو العصيان معظمهم في الداخل وليسوا في الخارج. بل إن على رأس المحمسين كانت امرأة اسمها أم كبس وامرأة أخرى إسمها بخيتة وصحفي إسمه أحمد الضي بشارة . من قاموا بتسجيل الشرائح الشهيرة هم ناشطون في الداخل، ومن قاموا بالتصوير كذلك في الداخل، إلى أن وصلت المادة في عصر الأنترنيت الخارق إلى الخارج إلى يوتيوب. استمع إلى كلام أم كبس محمد الأمين، وهو لمن يتدبر بمثابة صرخة من امرأة سودانية عبرت عما حاق بها من ظلم.
فعرف جهاز الأمن منزلها وقام باعتقالها من هناك في مشهد سجله المتابعون ووضعوه في اليوتيوب، وهي تزغرد داخل بوكس جهاز الأمن. أين ناشطو الخارج هنا؟؟
أم كبس لم تكن ناشطة من الخارج وقد كانت تعرف ما يمكن أن يجري عليها ولكنها أرادت استنهاض همم السودانيين فيهبوا لمقاومة الظلم والفساد والإفساد.
السؤال الموجه لكل سوداني: ما هو واجبك حيال ما حدث لأم كبس محمد الأمين؟؟ وهل إذا وجدت حركة منظمة تتخذ أسلوب المقاومة السلمية والعصيان المدني لمناصرة أم كبس ومن ورائها الشعب السوداني كله، ستساندها وتؤيدها أم لا؟
قولك:
Quote: ما هي مساهمتكم في انجاح العصيان؟
هل الطقطقة وراء الكيبورد كافية؟ |
ــــ
سأخبرك عن مساهمتي في إنجاح العصيان.. أولا التوجه والدعاء لهؤلاء المظلومين.. "أمَّن يجيب المضطر إذا دعاه ويكشف السوء"
ثانيا أنشر وأروج قصص الظلم والمعاناة والشرائح والصور لاستنهاض الهمم.. فالقاعدة الذهبية التي تعلمتها من الأستاذ محمود، رائد المقاومة السلمية والعصيان المدني هي:
فمن رأى مظلوما لا ينتصف من ظالمه ، ومن رأى ذليلا لاينتصر على مذلّه ، فلم تتحرك فيه نخوة الاسلام ، وشهامة الاسلام الى النصرة ، والمدافعة ، فليس له من الايمان ولاقلامة ظفر .
وقوله :
((إنت في موقف الثورة، إن كنت بتخضع للقانون الفاشل الظالم، إنت ما بتغيّر. الثورة إنتقاض على كل ظلم، مهما كان الظلم مسلح ومحمي.))
قولك:
Quote: اما بالنسبة لموظفي الدولة فهم يعلمون ان كل من يتغيب عن العمل سيتم تطبيق اللائحة عليه
خصم وانذار ثم فصل من الخدمة |
"لا يكلف الله نفسا إلا وسعها، لها ما كسبت وعليها ما اكتسبت".. فمن لا يستطيع تحمل نتيجة العصيان المدني من الموظفين بالتأكيد يجد العذر من السودانيين الثائرين، ومكانه محفوظ..
أتمنى مخلصا يا الشفيع تورينا ليه إنت بتأيد نظام يقوم باعتقال شخص مثل الصحفي أحمد الضي بشارة الذي دعا إلى العصيان المدني وهو بحسب إقرارك "تصرف سلمي وحضاري".. أحمد الضي قام بنشر هذا المقطع وهو ليس من ناشطي خارج السودان كما تعلم.
| |
|
|
|
|
|
|
|
|
|
Re: اعتصام 19 ديسمبر، تصرف سلمي وحضاري (Re: Yasir Elsharif)
|
الشفيع عبدالرحمن انتا كنت غاتس وين خلال الفترة الطويلة منذ كارثة سبتمبر 2013 وجاى ظاهر اليوم بس اكيد ناس الامن صحوك ..
وعلى العموم انتا ما سمعت ود الامين وهو يشدو : { الثورة انطلقت شعارات ترددها القلوب }
انتا جاى فى الوقت الخطأ ,, الشعب سيقوم برمى البشير والكيزان ومن شايعهم باذن الله فى مزبلة التاريخ .. وماصبرك الا بالله ..
| |
|
|
|
|
|
|
|
|
|
Re: اعتصام 19 ديسمبر، تصرف سلمي وحضاري (Re: Hatim Alhwary)
|
رغم العطلة الرسمية 12-09-2016 07:36 PM صلاح التوم كسلا في اطار الترتيبات لضمان حشد جماهيري كبير لاستقبال رئيس الجمهمورية للولاية ، قرر والى ولاية كسلا يوم السبت الذي يعد عطلة رسمية والاحد الذي يصادف عطلة المولد النبوي الشريف يومي عمل رسمي بكل الوحدات الحكومية ،،،
ما بالنسبة لموظفي الدولة فهم يعلمون ان كل من يتغيب عن العمل سيتم تطبيق اللائحة عليه خصم وانذار ثم فصل من الخدمة
ده ما سبب وجيه يخلي الناس يعتصمو؟الموظفين اتحولو لملك حر بالتمكين
يا يستقبلو البشير غصب,يا ينفصلو
اكان قعد في البيت مفصول وكان جا الشغل مدردر,,ده فقه الطابور الاتحدث عنو حسن مكي
جد جد وبيان بالعمل
| |
|
|
|
|
|
|
|
|
|
Re: اعتصام 19 ديسمبر، تصرف سلمي وحضاري (Re: Hatim Alhwary)
|
"ولكنه سيفشل، وده شي بديهي
90% من المواطنين عايشين علي حق اليوم باليوم"
هل هذا هو ما سعت إليه إنقاذ شؤمكم في 27 عاماً؟؟
أن يلهث 90% من الشعب المغلوب على أمره وراء رزقه يوماً بيوم؟
دعك من العصيان ومقاومة الحاكم الفاسد ...
كيف يتعبدون باطمئنان؟
كيف يقومون الليل؟؟؟
أو ليس هذا مقصد مشروعكم الحضاري؟؟
أف لكم ولما تعدوننا ...
| |
|
|
|
|
|
|
|
|
|
Re: اعتصام 19 ديسمبر، تصرف سلمي وحضاري (Re: منتصر صلاح)
|
غدا ستضحك بيوت الخرطوم وستغرد نساء بلادي لانتضار شعبنا علي سفهاء الاسلام السياسي واذنابهم ورقيقهم السياسي ...وغدا تضحك سماء الخرطوم ومدنني ورفاعه وعطبرة وسترقص الدمازين وكوستي وستبتهج كل العواصم السودانية والمنافي وستصفر وجوه من طقطق اصابع الجلاد وسيقول الحجر خلفي كوز تعال يا محمد واقبضه .....
قال لي احد الاصدقاء كان الاخوان المسلمين يحصون الثوار من شعبنا يرصودون حركاتهم واليوم انقلب الساحر والذي كنا نبشر به طويلا بان الانتصار لابد ان يكون ..فقد صار الشعب اليوم يحصي بيوت الاخوان والامنجية والمرتزقه الجنجويدين ....فاين المفر .....
يا للحسرة الشفيع يفتتح بوسته بعبارات مفتوحه طابعها المدح وكلن باطن البوست يحوي تثبيطا للهم في حنين واضح لعودة الاستبداد ...وهاهو الشفيع يكتب وكانه يسدد دينا لجهاز الامن ..حينما يبشرنا بالفشل ليس لان الشعب يحب سادته الكيزان ولكن لان اله القمع فعاله
فهذا ديدن الكيزان الذين يرجحون فعالية جهاز القمع الذي ارهبهم اولا ثم يريدون تعميم القمع في محاولة واضحة لايجاد ضحية مثلهم وقديما قيل ان الاستبداد يولد بعضه البعض ........
يراهن الشفيع علي قمع جهاز الدولة الذي سيفصل وينذر ويعتقل ويخصم من المرتب وبالتالي فان الاعتصام سيفشل لن يفشل لان سادته قد احتلو قلوب الشعب ولكن لان سادته يمتلكون سيطا طويله وقاسية .....يا له من يؤس سياسي يكتنف لسان الاخوان المسلمين .ثم جاء احد الذين فقد صوابه حينما جاء يبشرنا بالشيوعين والبعثين وكان هؤلاء خارج نطاق المعارضة ...وكان هؤلاء خارج نطاق المواطنه ما العيبن ان كيون الشيوعين والبعثين والاتحادين وغيرهم ضمن قطار التغير ايها الكوز ؟ هؤلاء ضمن التغير ولكن من يمنع التغير من نفير حميتي هم في الغالب ليسو بسودانين وانما مواطنين مالين ونيجرين وتشادين مخلوطنين بسودانين..........
اعتقد جفت الاقلام ورفعت الصحف ..واخشي ما اخشى ان تلحسو كوعكم بمعني الكلمة .....
ــــــــــــــــــــــــــــ
الشفيع وراق ي
| |
|
|
|
|
|
|
|
|
|
Re: اعتصام 19 ديسمبر، تصرف سلمي وحضاري (Re: محمد أحمد الريح)
|
منذ إختفاء الشاب شهاب كرار إختفى الأخ الشفيع وراق ولم يظهر إلاّ اليوم!!!!!!!!
----------------------------------------------------------------------
منو الفتح بوست اختفاء الصديق العزيز شهاب يا جنابو؟
برضو نرجعك للارشيف يا سعادتك
| |
|
|
|
|
|
|
|
|
|
Re: اعتصام 19 ديسمبر، تصرف سلمي وحضاري (Re: الشفيع وراق عبد الرحمن)
|
لم اجد ما يستحق الرد
مافي ثورة بتنجح بالمجان
ادعموا ناس الداخل
100 دولار من كل مغترب
طقطقة الكيبورد عمرها ما سقطت حكومة
كل واحد فيكم عايش منغنغ ومبسوط
وحالته مستقرة
وخاتي اولادو في حضنه وضاربين الكندشة
ويحرض الغلابا والمساكين
بعد ما يخلص دوامه
يجي البيت ياخد ليهو نومة
يفتح اللابتوب او الموبايل ويكتب ليهو كلمتين
وبعد داك يجر البطانية وينوم مطمئن انو عمل العليهو
| |
|
|
|
|
|
|
|
|
|
Re: اعتصام 19 ديسمبر، تصرف سلمي وحضاري (Re: Shawgi Sulaiman)
|
مافي ثورة بتنجح بالمجان
ادعموا ناس الداخل
100 دولار من كل مغترب
طقطقة الكيبورد عمرها ما سقطت حكومة
كل واحد فيكم عايش منغنغ ومبسوط
وحالته مستقرة
وخاتي اولادو في حضنه وضاربين الكندشة
ويحرض الغلابا والمساكين
بعد ما يخلص دوامه
يجي البيت ياخد ليهو نومة
يفتح اللابتوب او الموبايل ويكتب ليهو كلمتين
وبعد داك يجر البطانية وينوم مطمئن انو عمل العليهو
________________________________________________________________________________________
ياللتهافت! يالتهافت! لو كان الامر كذلك و الناس مرتاحة زي ما بتوصف، ليش فالقة دماغها بالكتابة و مقارعة ناس عديمي ضمير زيك؟ ما كان نكون في عالمنا المخملي و ضاربين العسل و ساكتين..
بعدين الناس المشاركين في البورد ديل و قايمين على امر العصيان كلهم رجلهم على الجمر في السودان و أنت تعرفهم مثل جوع بطنك لكنه طبعك اللئيم! طقطقة الكيبورد و التلفونات الذكية هي التي جهجهت خططكم اللئيمة التي كانت مبنية على البطش و التنكيل فاسقط في يدكم يا لئام و بالطبع جبناء.
بعدين والله لو تعرف كيف تعيش الناس في الغربة بالذات في المجتمعات الغربية و كيف تدمي ايديها و قلوبها لتحصل على لقمة العيش لما تهافت مثل هذا التهافت. النساء تترك صغارها لتعمل في أعمال يدوية قاسية في المصانع في النوبات الليلية و الرجال و ما ادراك ما الرجال يصارعون الاقدار لتوفير لقمة كريمة لاسرهم و لعلمك يقتسمون لقمهم هذه مع أهلهم في السودان و لولاهم لتشردت أسرهم فكف عن المزايدة و التهافت! و لكن هل يرجى خير منك؟
| |
|
|
|
|
|
|
|
|
|
Re: اعتصام 19 ديسمبر، تصرف سلمي وحضاري (Re: Omer Abdalla Omer)
|
كتب الشفيع :
"مافي ثورة بتنجح بالمجان
ادعموا ناس الداخل
100 دولار من كل مغترب
طقطقة الكيبورد عمرها ما سقطت حكومة
كل واحد فيكم عايش منغنغ ومبسوط
وحالته مستقرة
وخاتي اولادو في حضنه وضاربين الكندشة
ويحرض الغلابا والمساكين
بعد ما يخلص دوامه
يجي البيت ياخد ليهو نومة
يفتح اللابتوب او الموبايل ويكتب ليهو كلمتين
وبعد داك يجر البطانية وينوم مطمئن انو عمل العليهو"
إنت سوداني؟؟؟؟؟؟؟؟؟؟؟؟؟؟؟؟؟؟؟؟؟؟؟؟
هو منو الشايل أغلب أهلنا الفي السودان من شجع وتسلط طغمة يونيو غير الناس البرة
ليس مناً وليسوا "مشحودين" على أهلهم .....
ليس من مغترب إلا وهو يعول أسرتين أو ثلاث من أقاربه ....
ومؤكد أن كل كل كيزان السجم والرماد يعلعمون ذلك جيداً
بل ويراهنون على أن هذا أحد أهم أسباب بقاءهم ......
يكفي أن المغترب يظل ببلاد الغربة سنين بعد أصابع يديه ،
بل ورجليه كذلك عند البعض ...
ولا يمتلك مترا مربعا في السودان
بينما أصحاب الحظوة منكم لا يمضى على تسلقه عام أو اثنين
إلا ويستطيل في البنيان واللسان ....
ونعرفهم جيداً بالاسم ....
لا نقول إلا :
حسبنا الله ونعم الوكيل
حسبنا الله ونعم الوكيل
حسبنا الله ونعم الوكيل
حسبنا الله ونعم الوكيل
الله يفصل بيننا يوم التناد ....
| |
|
|
|
|
|
|
|
|
|
Re: اعتصام 19 ديسمبر، تصرف سلمي وحضاري (Re: عبد الباقي الجيلي)
|
Quote: سلام ياشوقي
حقيقة استغرب جدا مداخلاتك فيما يخص الشان السوداني عموما , اراك دائما ساخرا من المعارضين متهكما علي المظلومين بتبخيس نضالاتهم وابتذال مساهماتهم في رفع
الظلم ومحاربتة . |
اهلا وسهلا بهاء الدين
المستغرب ليهو شنو كلام الشفيع دا منطقي جدا وكلام واااااضح ادعموا الناس هناك بعدين قولوا عصيان ولا غيره . بعدين شايفك عامل فيها كانك ما بتعرفنا.
| |
|
|
|
|
|
|
|
|
|
Re: اعتصام 19 ديسمبر، تصرف سلمي وحضاري (Re: الشفيع وراق عبد الرحمن)
|
١٠٠ دولار يا الشفيع ؟
يعني حوالي ٥٠٠ مليون دولار ! تعويض للوديعة مثلا ؟
هل هذا ما تحتاجه حكومتكم حتى لا تنهار او تتنازل للشعب عن بعض حقوقه ؟
او يمكن علشأن تدفع للمرتزقة لقتل الشعب اذا خرج للشوارع
انت تعلم ان اي دولار يدخل بالسوق الأسود او بالصرافات يصل للحكومة في النهاية .
اذا قلبك على الشعب كما تدعي ، كلم الحكومة لتعيد بعض او كل ما نهبته من ثروات البلد .
اما المغتربين فاهلهم ادرى بحمايتهم او قل واجباتهم التي لا يقصرون فيها أبدا .
| |
|
|
|
|
|
|
|
|
|
Re: اعتصام 19 ديسمبر، تصرف سلمي وحضاري (Re: نعمات عماد)
|
أن يلهث 90% من الشعب المغلوب على أمره وراء رزقه يوماً بيوم؟
----------------------------------------------------------------------
اخونا عبد الباقي
هناك حديث مروي يقول تسعة اعشار الرزق في التجارة
وهو المقصود والمعني بكلامي
الموظف لابد يمشي شغله والا تم فصله
التاجر لابد يمارس عمله والا افلس
عامل اليومية كذلك
ماذا اعددتم لهم من بدائل؟
اخونا ناصر جامع رفع ليكم البيرق وتنبأ بفشل الاعتصام
وهو صادق
بلعوهو كلامو وطلعوهو كوز معفن
جاء في الاخبار
تم القبض علي مجموعة تقوم بتصوير الشوارع والدوائر الحكومية والاسواق والموقف صباح الجمعة
ليتم بثها في بعض الفضائيات
كده، بكون الاعتصام ناجح 100%
مبروك
| |
|
|
|
|
|
|
|
|
|
Re: اعتصام 19 ديسمبر، تصرف سلمي وحضاري (Re: الشفيع وراق عبد الرحمن)
|
يراهن الشفيع علي قمع جهاز الدولة
كيفك يا ابراهومة
ما شاء الله
لسه صامد كالجبال
ربنا يقويك يا اخوي
والله مشوارك طوييييل
كنت اتوقع منك تفهم عنوان البوست
او في الحقيقة، تكملته
اعتصام 19 ديسمبر، تصرف سلمي وحضاري
وسترد عليه الحكومة سلمياً وحضارياً
فقط ستطبق اللائحة علي كل من يخالفها (اللائحة طبعاً)
خصم، انذار ثم فصل
والبروفة كانت في الاعتصام السابق
واقول ليك باختصار
لو نجح الاعتصام وحقق نسبة جدا مرتفعة
تأكد انو الدولاب لن يتوقف
توجد كتيبة استراتيجية في كل مرفق هام
وانت تعلم ذلك يقيناً
| |
|
|
|
|
|
|
|
|
|
Re: اعتصام 19 ديسمبر، تصرف سلمي وحضاري (Re: doma)
|
والنكرة الشفيع بتكلم عن الابتزاز !!
اما بالنسبة لموظفي الدولة فهم يعلمون
ان كل من يتغيب عن العمل سيتم تطبيق اللائحة
عليه خصم وانذار ثم فصل من الخدمة.
عشان تعرفوا الكيزان و ك لا ب الحراسة اغبياء
لياتو درجة ؟ يعني اسه فاتح البوست عشان تهدد
الشعب بالفصل يا مرتزق يا رخص ؟ طيب حا يضربو
نص الشعب وحا يتحقق المراد ويالمناسبة هي سلسلة
من الاضرابات حا يخلوكم بيها تطلعوا من جحوركم زي
الجرابيع زي ما طلعت اسه وجيت !!! بس حرب نفسية
كدا لما تعرفوا حاجات . يا هوان .
| |
|
|
|
|
|
|
|
|
|
Re: اعتصام 19 ديسمبر، تصرف سلمي وحضاري (Re: مني عمسيب)
|
شكرا لاعترافك انو سلمي و حضاري
ليت قومك القتلة الفجرة يتعلمون
شهداء رمضان
علي فضل
جرجس
ضحايا بيوت الاشباح
ضحايا الصالح العام
شهداء سبتمبر
بقية الشهداء من لدن التاية المن نور الجليل الاكان فيها جدي احمد ود عبد القادر ود العجمي
الى غسان بتاع مكتب الوالي
كدي عاين لي جاي
انت الناس ديل ماسكين عليك ذلة و لا شنو
هههههههههه
| |
|
|
|
|
|
|
|
|
|
Re: اعتصام 19 ديسمبر، تصرف سلمي وحضاري (Re: مني عمسيب)
|
Quote:
مافي ثورة بتنجح بالمجان
ادعموا ناس الداخل
100 دولار من كل مغترب
طقطقة الكيبورد عمرها ما سقطت حكومة
كل واحد فيكم عايش منغنغ ومبسوط
وحالته مستقرة
وخاتي اولادو في حضنه وضاربين الكندشة
ويحرض الغلابا والمساكين
بعد ما يخلص دوامه
يجي البيت ياخد ليهو نومة
يفتح اللابتوب او الموبايل ويكتب ليهو كلمتين
وبعد داك يجر البطانية وينوم مطمئن انو عمل العليهو
|
سلام يا الشفيع يا هندسة
وتالله انك لا زلت في ضلالك القديم ..
دعوة العصيان انطلقت من الداخل ولا علاقة للمغتربين بها من قريب أو بعيد
ما يكتبونه يعبر عن اشواقهم وآمالهم فقط ... ودعما منهم لهذا الحراك الشعبي
ما عايز اطول عليك ولكن يا الشفيع!
عندما تتساوي الخيارات عندك اذا كنت في كل الاحوال ستموت
عندها فقط يموت الخوف وتولد الشجاعة ... وستقابل الموت منشرح الصدر
ام كبس ومحمد الضئ بشارة وغيرهم ديل مغتربين وين يا الشفيع؟
| |
|
|
|
|
|
|
|
|
 Re: اعتصام 19 ديسمبر، تصرف سلمي وحضاري (Re: الامين موسى البشاري)
|
حتى صار معظم أهل السودان لا خبز ولا حرية.. عجبت لهم كيف لا يخرجون على عمر البشير وعصابة السراق شاهرين سيوفهم
حتى صار معظم أهل السودان لا خبز ولا حرية.. عجبت لهم كيف لا يخرجون على عمر البشير وعصابة السراق شاهرين سيوفهم
حتى صار معظم أهل السودان لا خبز ولا حرية.. عجبت لهم كيف لا يخرجون على عمر البشير وعصابة السراق شاهرين سيوفهم
*********
العصيان هو أقل رد فعل تجاه النظام المتعهر... وأقصى رد فعل هو القتال في الشوارع ضده حتى سقوط الطغيان.. وإن قتلنا لشهادة في سبيل الله.
من قتل دون ماله فهو شهيد، ومن قتل دون أهله فهو شهيد، ومن قتل دون دينه فهو شهيد، ومن قتل دون دمه فهو شهيد.
| |
|
|
|
|
|
|
|
|
|
Re: اعتصام 19 ديسمبر، تصرف سلمي وحضاري (Re: الشفيع وراق عبد الرحمن)
|
كتب الأخ الشفيع :
اخونا عبد الباقي
هناك حديث مروي يقول تسعة اعشار الرزق في التجارة
وهو المقصود والمعني بكلامي
الموظف لابد يمشي شغله والا تم فصله
التاجر لابد يمارس عمله والا افلس
عامل اليومية كذلك
حدث هذا في أكتوبر وكان اإلإسلامويون على رأس المشاركين
ولم يقل أحد مثل قولك ....
بس الفرق إنو جماعة عبود كانوا وطنيين وقلبهم على البلد والناس
فتنازلوا عن الحكم طواعية في مظاهرات أقل من مظاهرات شعبان وسبتمبر
وفي أبريل حدث مثل هذا .. وكان الإسلامويون أيضاً على رأس المشاركين
ولم يقل أحد مثل قول ..
بس الفرق إنو جماعة نميري وسوار الذهب كانوا أكثر وطنية وقلبهم على البلد والناس
فتنازلوا عن الحكم طواعية عقب انتفاضة أقل من مظاهرات سبتمبر ...
وفي كل مقاومات السودانيين ضد الأنظمة العسكرية لم يمت عُشر من مات في عهدكم المشؤؤم ....
أنا عارف إنو كلامي ما ح يجيب فيك
لكن أتمنى بس إنك يكون عندك ما تحاج به ربك عن كل قطرة دم سالت ... وكل طفل تيتم
وعن كل أسرة فقدت عائلها موتاً أو فصلاً عن عمله .... وأنت تدافع بهذه الشراسة عمن تسببوا في ذلك ..
| |
|
|
|
|
|
|
|
|
|
Re: اعتصام 19 ديسمبر، تصرف سلمي وحضاري (Re: عبد الباقي الجيلي)
|
مرحب بيك الشفيع وراق :
انا مازلت عند موقفي طالما هناك ظالم لا بد ان تكون هناك مقاومة حتي لو اخترت الوقوف بكنبة الفريجه ...وطالما هناك قاتل لابد ان يكون هناك مقتول ولا يمكن ان يموت القتيل دون مقاومة لذلك انا هنا صامد ....ثانيا تطبيق الائحه ؟ اي لائحة تقصد ؟ هل هناك لائحة ضد الدتستور والقانون الذين لا يجرمان الاعتصام؟
وجود كتايب لتقوم بافشال الاضراب ....انا لا اعلمها لكن السؤال من اين تاخذ رواتبها هذه الكتايب ؟ منك نتعلم .....وانت تكشف عن مليشيات تتغذي من رحم البلاد دون ان يكشف عنها ؟؟؟؟؟؟؟ انا اعلم عن وجود مرتزقه جنجويد تدافع عن النظام دون ان تنتظم في جيش الدولة ولكن لا علم لي عن كتايب او قوى بديله المدنية ثم غرض الاعتصام ليس الاطاحة بالسلطة حالا ولكن هو برهان دولي الي ان النظام بلا غطاء مجتمعي وبلا سند شعبي ومن ثم عزلته داخليا وخارجيا ...هذا من ناحية ومن ناحية اخري هو تمرين لاعاده الثقة لاهل السودان وتكوين وحدتهم للانقضاض علي النظام في وقت يحدد الميدان ....
انتقادك للمناضلين من الخارج لماذا لا ينسحب علي المؤيدين من الخارج ؟ او المجاهدين من الخارج ؟؟؟وهل تري اقف دون مساندة شعبي لاني اعيش خارج البلاد؟ وما الذي يضيرني ان تحولت الي مغترب عادي يستمتع بخدمات الدولة المضيفة دون ان اساند شعبي ؟ لكن ان اختار الوقوف بجانب الشعب وضد جلادي وحلادي شعبي هذا خيار يمليه الضمير الانساني واحلامي بان اعيش في وظن ديمقراطي ..\
ثم ثانيا انا شخصيا لا اعتبر ان السودانين في المهاجر مغتربين وجامعي مصاري (فلوس ) بل هم لاجئين لا دولة تسندهم وتحميهم ولي بالطبع مايبرر حديثي ولو لكل مقام مقال ..
بالطبع انا لا ادعوك للتعقل فطبيعة الطغاة لن تعرف العقل الا ساعة الحساب .
| |
|
|
|
|
|
|
|
|
|
Re: اعتصام 19 ديسمبر، تصرف سلمي وحضاري (Re: الامين موسى البشاري)
|
كان الإسلامويون أيضاً على رأس المشاركين
الاسلاميون كانو علي خطأ
وفي كل مقاومات السودانيين ضد الأنظمة العسكرية لم يمت عُشر من مات في عهدكم المشؤؤم ....
ده الكلام النحنا بنقول فيهو ونحذر من يقول انو التغيير كان ساااهل في اكتوبر وابريل
الخريطة اتغيرت وجرت مياه تحت الجسر
| |
|
|
|
|
|
|
|
|
|
Re: اعتصام 19 ديسمبر، تصرف سلمي وحضاري (Re: الامين موسى البشاري)
|
الدتستور والقانون الذين لا يجرمان الاعتصام؟
جيب لي مادة من الدستور لا تجرم الاعتصام والتغيب من العمل
طيب ما اي زول يقعد في البيت مزاج كده ويقول انا معتصم
انا لا اعلمها لكن السؤال من اين تاخذ رواتبها هذه الكتايب ؟
ديل موظفي دولة عاديين وبياخدوا مرتبات عادية زيهم وزي باقي الموظفين
لكن قلبهم ع الوطن ومستعدين يشتغلوا عشرات الساعات الاضافية لسد الثغرات
انت تعلمهم والجميع يعلمهم
الانقاذ صمدت في وجه المؤامرات الداخلية والخارجية لانو فيها رجال مخلصين مستعدين يموتوا في سبيل الوطن وليس فقط مجرد عمل وجهد اضافي
ثم غرض الاعتصام ليس الاطاحة بالسلطة حالا
ههههههههههههههه
والله ضحكتني
طيب كدي ورينا الغرض شنو؟
احولك لي بوست اخونا الشاطر ناصر جامع
موظف يعتصم ويغيب من العمل يومين تلاتة
ويرجع تااااني يواجه مديره الكوز المعفن الحاقد
بالله في ذمتك دي، ده برنامج محترم لي معارضة محترمة؟؟؟؟
عشان كده انا قلت ليك انو الاعتصام وراهو مغتربين زيكم كده
يرمو ناس الداخل في النار ويقعدو يتفرجو
مافي زول بناضل بالنيابة عن زول
افهموها
دايرين تسقطوا الكيزان، لمو عدتكم وعيالكم وانزلوا الميدان
بس
انتقادك للمناضلين من الخارج لماذا لا ينسحب علي المؤيدين من الخارج ؟
بتفرق يا حبيب
انا اثق في حكومتي ولا ارغب في تغييرها
انا شخصيا لا اعتبر ان السودانين في المهاجر مغتربين وجامعي مصاري (فلوس ) بل هم لاجئين
انا وانت نعلم انو ده غير صحيح
| |
|
|
|
|
|
|
|
|
|
Re: اعتصام 19 ديسمبر، تصرف سلمي وحضاري (Re: الشفيع وراق عبد الرحمن)
|
الشفيع وراق عبد الرحمن،
الاعتصام هو إبداع ثوري في مقارعة سلطة الفساد والاستبداد. ابتكره ناس الداخل وتقتصر مهمة المقيمين خارج السودان على تقديم الدعم بكافة الوسائل المتاحة لنصرة السودانيين المسجونين في الوطن الكبير الذي تتناهبه عصابة من المستبدين والنهاية والقتلة.
لو لم يكن الاعتصام الأول إثر في زعزعة النظام لما ظهرت انت بعد غياب. ففي حضورك شاهد قوي الدلالة على مايمكن ان تفعله المقاومة السلمية بسلطة غاشمة كالانقاذ آن اوان الإطاحة بها وهو ماسيقع وان ابته نفسك المتعلقة بسلطة الفساد والاستبداد.
| |
|
|
|
|
|
|
|
|
|
Re: اعتصام 19 ديسمبر، تصرف سلمي وحضاري (Re: Osman M Salih)
|
كتبنا :
كان الإسلامويون أيضاً على رأس المشاركين "في ثورات أكتوبر وأبريل"
وكتب الشفيع :
الاسلاميون كانو علي خطأ
من أين جاء هذا الخطأ؟؟؟
وهل لم يكونوا على خطـأ وهم يسطون على سلطة ديمقراطية جاءت بها الشورى والانتخابات وارتضوها وشاركوا فييها؟
كتبنا :
وفي كل مقاومات السودانيين ضد الأنظمة العسكرية لم يمت عُشر من مات في عهدكم المشؤؤم ....
وكتب الشفيع :
ده الكلام النحنا بنقول فيهو ونحذر من يقول انو التغيير كان ساااهل في اكتوبر وابريل
الخريطة اتغيرت وجرت مياه تحت الجسر
من شرب من دماء الأبرياء سيظمأ أبد الدهر يا شفيع ....
| |
|
|
|
|
|
|
|
|
|
Re: اعتصام 19 ديسمبر، تصرف سلمي وحضاري (Re: الشفيع وراق عبد الرحمن)
|
انا بديكم حقائق مجردة
_______________________
الحقائق ما ابيناها
لكين لما لا تقل الحقائق المجرده لحكومتك الظالمه التي تتباهى بها وبقتلها الابرياء وترويعهم وقطع ارازاقهم وهم يحتجون باساليب سلميه علي سياسه حكومتك الفاسده الفاشله . ياخي كونوا قوامين للميزان بالقسط .
المصيبه حقتكم دي اصبحت عاريه من اي فضيله . وما رائيك في خطاب رئيسك الكارثه في كسلا .؟؟؟؟؟!!!!
| |
|
|
|
|
|
|
|
|
|
Re: اعتصام 19 ديسمبر، تصرف سلمي وحضاري (Re: حامد بدري)
|
دوما وحامد
انا كلامي واضح جداً
والبوست عنوانه واضح جدا
اعتصام 19 ديسمبر، تصرف سلمي وحضاري
طالما التصرف استمر هكذا، لن يتأذى أحد
تصرف سلمي وحضاري من المعارضة
وسيقابله تصرف سلمي وحضاري من الحكومة
لم يقل اي فرد في الحكومة خلاف ذلك
التحذير من الفوضى والتخريب
أي شخص يحاول يخلق فوضى وتخريب سيتم ردعه وبقوة
وهنا بنقول ليهو الضرب في النخرة والدم للركب
| |
|
|
|
|
|
|
|
|
|
Re: اعتصام 19 ديسمبر، تصرف سلمي وحضاري (Re: الشفيع وراق عبد الرحمن)
|
التحذير من الفوضى والتخريب
أي شخص يحاول يخلق فوضى وتخريب سيتم ردعه وبقوة
وهنا بنقول ليهو الضرب في النخرة والدم للركب
ـــــــــــــــــــــــــــــــــــــــــــــــــــــــــــــ
الغريبة أنا زمني دا كلو ،كنت قايل الفوضى والتخريب هي ثورة الإنقاذ،والمستغربليها إنو النخرين والركب سليمات..
قعد تضربوا وين إنتو؟
| |
|
|
|
|
|
|
| |
الشفيع وراق عبد الرحمن
Osman M Salih
جلالدونا
علي الكرار هاشم
د.محمد حسن
مني عمسيب
doma
Yasir Elsharif
علاء سيداحمد
Hatim Alhwary
Saifaldin Fadlala
عبد الباقي الجيلي
ibrahim alnimma
Omer Abdalla Omer
Shawgi Sulaiman
بهاء بكري
نعمات عماد
امجد الجميعابى
الامين موسى البشاري
سيف الدين بابكر
الصادق اسماعيل
حامد بدري
عليش الريدة
فيس بوك
تويتر
انستقرام
يوتيوب
بنتيريست