العنوان الجديد للمنبر العام
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 10-19-2017, 05:53 PM الصفحة الرئيسية

مدخل أرشيف للعام 2016-2017م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

وصف لي

05-14-2017, 07:46 AM

درديري كباشي
<aدرديري كباشي
تاريخ التسجيل: 01-08-2013
مجموع المشاركات: 3181

للتواصل معنا

FaceBook
تويتر Twitter
YouTube


وصف لي

    08:46 AM May, 14 2017

    سودانيز اون لاين
    درديري كباشي-
    مكتبتى
    رابط مختصر

    وصف لي
    أجمل موقع سوداني جديد على الفيسبوك
    أو على الأقل جديد علي أنا
    هو موقع وصف لي
    غير أنه مفيد كذلك لأن المواضيع فيه تطرح بطريقة طريفة والردود أطرف ..
    لكن فائدته الأجمل هي في تعليم السودانيين أنفسهم ما هو بالمقصود بعبارة وصف لي ..
    عندنا عادة عجيبة لو طلبت من أحد يوصف لك مكان معين .. في أرض الواقع
    يضيف حاجات كثيرة للوصف ما عندها علاقة بالمكان ..
    يعني مثلا مثلا مثلا :
    تسأل من بيت شخصية عامة أو جهة ما .. مأذون أو عجلاتي أو بنشر .
    وقفت واحد في الشارع .
    أول بعد ما يضع يده في جبهته ويردد الشئ الذي سألت منه عدة مرات .
    ( بنشر .... بنشر .. بنشر .. ) أيوا اتذكرت ..
    شفت عايين قدامك هناك المسجد داااااااااااااااااااااك ..
    قبله بشارعين في دكان في الناصية فيه طاحونة ,,
    و الطاحونة ما بتشتغل بالليل يعني احتمال ما تلقاها فاتحة .. ويضيف وهو في زول يدقق عيش بالليل ؟؟؟؟. وهاهاهاها ( يديها ضحكة ) يلاقيك ما ضحكت معاه منتظر باقي الوصف .. يواصل . أها تخلي الطاحونة على يمينك وتمشي طوالي في مدرسة بنات ابتدائية .. يسكت شوية والله ما متأكد منها هي مدرسة بنات ولا مدرسة أولاد ؟.. يستعين بصديق يرفع صوته مخاطبا شخص يجلس في ظل النيمة .(أنت يا طارق المدرسة بلفة الطاحونة ديك مدرسة بنات ولا مدرسة أولاد ؟؟)
    يستدرك
    اااااااا اتذكرت اتذكرت هي مدرسة أولاد ... ياخ اخواني الصغار بيقروا فيها بالله شوف القلب بقى مشغول كيف ..
    ( ياخ أنا مالي ومال أم المدرسة كفر العربية ينفس عاوز أحصل بنشر سريع قبل ما ينبرش)
    **********
    أتذكر أنا في إجازتي قبل سنتين بالسودان رايح مناسبة في جبرة قرب ديوان الزكاة وأنا سايق عربية ..مشيت بجهة السوق الشعبي ورأسي لف طشيت ما عرفت أروح من وين .. أخيرا اضطريت وقفت العربية ودخلت أحد محلات الأثاث بالسوق الشعبي . سألت شاب في المحل .لو سمحت يا أخينا أنت ديوان الزكاة بجبرة أروح له بوين .
    بعد سكت ووضع يده في رأسه (الحركة المألوفة )
    رفع رأسه
    أول سؤال سألني له .
    ( أنت العربية السايقها نوعها شنو ؟؟)
    ليوم الليلة أنا محتار في السؤال دا وما عرفت نوع السيارة علاقته شنو بديوان الزكاة بجبرة .
    أخيرا به ومع غيره وبنفس الطريقة وصلت
    على كل حال أنا أحيي وأهنيء القائمين على هذه الصفحة وعلى الفكرة الرائعة .
                   |Articles |News |مقالات |بيانات

05-14-2017, 07:47 AM

درديري كباشي
<aدرديري كباشي
تاريخ التسجيل: 01-08-2013
مجموع المشاركات: 3181

للتواصل معنا

FaceBook
تويتر Twitter
YouTube


Re: وصف لي (Re: درديري كباشي)

    وصف لي
    2
    أنا اعتقد أن اكثر اناس يحسنون وصف المكان في السودان وبصورة عامة هم العرب الرحل ( الرعاة ). في الشرق البجا والرشايده وفي الغرب الكبابيش والحمر والبقارة وغيرهم . هذا من طبيعة حياتهم البدوية الفطرية.. والفراسة الموروثة بصورة عامة .. لهم قدرة هائلة وخارقة في حفظ المعالم البارزة اثناء سيرهم ..
    دقة الوصف بالنسبة لهم ليست تسلية أو ثقافة مثل ما هي عند أهل المدن الكبيرة بل بالنسبة لهم جزء من غريزة البقاء نفسها والمحافظة على الحياة ..
    تخيل واحد سائق قطيع في الخلاء ومتجه نحو بحيرة أو بركة ماء لا بد ان يكون عارف وصف طريقها تماما ربما يستعين بالجبال والأشجار وحتى بالنجم ( وبالنجم هم يهتدون ) ..إذا اخطأ في المكان حتما هلك هو وبهائمه عطشا .
    يحكي صديق
    قال كان متجها بسيارة خاصة من كسلا الى مدينة حلفا الجديدة بالطريق القديم . طريق الساسريب قبل ما يتم ربطها بشارع الأسفلت .. قال هو فقد الاتجاه ومشى دون أن يشعر حتى غابت الشمس .. عندما طالت المسافة عرف أنه ضل .. بل دخل الحدود الارترتية .. وقف السيارة وأنتظر .. حتى مرت به قافلة رعاة أبل من الرشايدة . سألهم قال لهم أنه يريد الاتجاه الى مدينة حلفا .
    وقلوا له أن هذا الطريق الذي يسلكه سيدخله الى أرتيريا .. وأشاروا له ناحية السماء الى نجمة معينة . وقال له .أنظر الى تلك النجمة وأنت تقود لا تفقدها أبدا .
    قال عكس أتجاهه تماما واتبع تعلمياتهم ينظر .. ناحية النجمة وهو يسوق .. بعد فترة لاحت له أنوار مدينة حلفا الجديدة ..كما وصفوا تماما..
    عندما حصل الجفاف والتصحر في الثمانينات وهجر معظم البدو البراري والخلاء استطونوا حول المدن أنتقلوا بنفس هذه الخاصية .
    تجد الواحد يمشي أي مكان جديد داخل العاصمة أو أي مدينة كبيرة يستحيل يضله في المرة التالية ..
    لأنهم بنفس بداوتهم بدأوا يحفظون المعالم .. تلاحظهم في البصات الكبيرة ينظرون بالشبابيك يحفظوا المباني الكبيرة على الطريق ومن يعرف يقرأ منهم يحفظ اللوحات .
    لذلك لا تستهينوا بهم فاسألوهم إذا تهتم بالعاصمة والمدن الكبرى..
                   |Articles |News |مقالات |بيانات

05-14-2017, 01:30 PM

درديري كباشي
<aدرديري كباشي
تاريخ التسجيل: 01-08-2013
مجموع المشاركات: 3181

للتواصل معنا

FaceBook
تويتر Twitter
YouTube


Re: وصف لي (Re: درديري كباشي)

    حقارة الدافوري
    ⚽⚽⚽⚽⚽⚽
    زماااااااااااااااااااان أو خلوها أمبارح القريبة دي على قول أخونا فيصل خليل
    لمن نمشي العصرية نلعب تمرين الدافوري
    عادة يكون في نفرين حريفين جدا هما العزالين .
    يترص اللاعبين في صف طويل في وسط الملعب وعددهم كبير يمكن يقارب العشرين أو يزيد . وخاصة في ميدان صغير يتوسط عدة أحياء مثل ميدان الدباغة بحي الثورة عندنا في كسلا .
    ويبدأ العزل أي الاختيار
    والاختيار عادة يتدرج من الأحرف ثم هبوطا
    واحد يقول صلاح التاني يقول خالد
    طارق ويرد الثاني عصام
    عادل _______ عثمان
    سيد _______ عبد العزيز
    خضر _______ رمضان
    زكريا _______ أحمد
    عماد _______ حاتم
    الى ان يكمل كل كابتن فريقه ..
    الغريبة بعدما يكتمل كل فريق كان يبقى عدة زملاء في وسط الملعب لم يتم اختيارهم من أي كابتن .. وفي ذات الوقت يتركوا في منتصف الملعب لا أحد يعتذر لهم ولا يطلب منهم المغادرة . يتلفتوا ناحية بعض بحسرة ثم ينصرفون ناحية الظل .. والذي توفره في ميدان الدباغة مبنى المدبغة نفسه العالي .. يجلسون في حسرة يتفرجون وتتبدد الحسرة بالتدريج في حماس التشجيع .. ربما حانت فرصة لأحدهم إذا انسحب أحد اللاعبين بجمل معهودة من نوع ( عماد أمك قالت ليك تعال سريع أمشي الطاحونة دقق العيش ) ..
    غايتو تشكيل الحكومة هذا هيج ذكريات كثيرة في رأسي ..
    ولا زالت التداعيات مستمرة
                   |Articles |News |مقالات |بيانات

05-14-2017, 02:01 PM

وضاحة
<aوضاحة
تاريخ التسجيل: 01-16-2005
مجموع المشاركات: 8497

للتواصل معنا

FaceBook
تويتر Twitter
YouTube


Re: وصف لي (Re: درديري كباشي)

    ]درديري يا كباشي
    الدافوري دى معناها ايه ؟
                   |Articles |News |مقالات |بيانات

05-14-2017, 02:10 PM

يحي قباني
<aيحي قباني
تاريخ التسجيل: 08-20-2012
مجموع المشاركات: 10983

للتواصل معنا

FaceBook
تويتر Twitter
YouTube


Re: وصف لي (Re: وضاحة)

    Quote: ]درديري يا كباشي الدافوري دى معناها ايه ؟

    ما قلت ليكم بجينا يوم ما حنلقى ناس نتنونس معاهم ؟

    وضاحة ... كيفك...

    درديري و الله حركة عزيل اللعيبة دي مهينة و سغيلة بي شكل ...🙃

    لكنها حاصلة لي يومنا هذا و في اَي مكان في الدنيا...
                   |Articles |News |مقالات |بيانات

05-14-2017, 02:21 PM

عبدالعظيم عثمان
<aعبدالعظيم عثمان
تاريخ التسجيل: 06-29-2006
مجموع المشاركات: 4173

للتواصل معنا

FaceBook
تويتر Twitter
YouTube


Re: وصف لي (Re: يحي قباني)



    درديري يا فنان


    ياخي حكيك طاعم طعامة شديده خلاص

    قصة الدافوري والعزل في الدافوري عن طريق الكباتن
    وبعد الدافوري شراب الموية الباردة تحت ل شحرة واحد من الشباب
    ومهمه يكون عندهم تلاجة ... لغاية ما المغرب يفوت وتدخل البيت

    وأثر العرق مع التراب والغبار عامل خطوط عشوائية في رجولك


    يا وضاحة الدافوري = لعب كرة القدم في الحواري بدون منافسات رسمية
    كل حي فيه مجموعة بيلعبوا كرة القدم بصورة دوريه ( يعني ممكن يكون في زول عمره 50 سنة مع شباب في ال20)
    بدون ضوابط أو قوانين المنافسات الرسمية لكرة القدم
                   |Articles |News |مقالات |بيانات

05-14-2017, 02:21 PM

وضاحة
<aوضاحة
تاريخ التسجيل: 01-16-2005
مجموع المشاركات: 8497

للتواصل معنا

FaceBook
تويتر Twitter
YouTube


Re: وصف لي (Re: يحي قباني)

    يحي يا شوق
    انا كويسة انت كيفك عساك عافية
    شايفة البيوت عندكم فى كندا ولعت بعنا بيت بي ملاين اشترينا بي اولوف
    الحكاية شنو !!؟
                   |Articles |News |مقالات |بيانات

05-14-2017, 02:27 PM

وضاحة
<aوضاحة
تاريخ التسجيل: 01-16-2005
مجموع المشاركات: 8497

للتواصل معنا

FaceBook
تويتر Twitter
YouTube


Re: وصف لي (Re: وضاحة)

    يا وضاحة الدافوري = لعب كرة القدم في الحواري بدون منافسات رسمية
    كل حي فيه مجموعة بيلعبوا كرة القدم بصورة دوريه ( يعني ممكن يكون في زول عمره 50 سنة مع شباب في ال20) بدون ضوابط أو قوانين المنافسات الرسمية لكرة القدم
    -----------------------------
    شكرا يا عظمة للتوضيح والشرح

                   |Articles |News |مقالات |بيانات

05-14-2017, 02:23 PM

درديري كباشي
<aدرديري كباشي
تاريخ التسجيل: 01-08-2013
مجموع المشاركات: 3181

للتواصل معنا

FaceBook
تويتر Twitter
YouTube


Re: وصف لي (Re: وضاحة)

    درديري يا كباشي الدافوري دى معناها ايه ؟
    ---------------
    وضاحة عشان عمك قباني يوم يلقاك يعرف يتونس معاك .

    الدافوري هو كرة القدم نفسها
    لكن بطريقة شعبية وعشوائية .
    تلقى اللابس جلابية واللابس سروال طويل وعراقي وشدة في أقدامه والشدة هي عبارة عن صندل مصنوع من البلاستيك يغطي القدم وبه فتحات تهوية

    مافي عدد معين من اللاعبين المهم قدر حجم الملعب
    لو ملعب كبير ممكن خمستاشر ضد خمستاشر مافي مشكلة
    أو سصغير ممكن بين سبعة وتسعة

    مافي التزام بالخانات عدا حارس المرمى
    يعني كورة شاملة هههههههههه

                   |Articles |News |مقالات |بيانات

05-14-2017, 02:29 PM

درديري كباشي
<aدرديري كباشي
تاريخ التسجيل: 01-08-2013
مجموع المشاركات: 3181

للتواصل معنا

FaceBook
تويتر Twitter
YouTube


Re: وصف لي (Re: درديري كباشي)

    ما قلت ليكم بجينا يوم ما حنلقى ناس نتنونس معاهم ؟ وضاحة ... كيفك... درديري و الله حركة عزيل اللعيبة دي مهينة و سغيلة بي شكل ...🙃 لكنها حاصلة لي يومنا هذا و في اَي مكان في الدنيا...
    ----------------------------------------------------

    تعرف يا قبقب فيصل خليل في الفيس عندو تعليق على الحتة دي في الفيس كل ما اتذكره أضحك براه

    أنسخه ليك . قال ( مع اني كيشة كانوا بيقولوا لينا بعد ما كل واحد يعزّل ناسو الباقين يمشوا للفريق البيعجبهم هههههه تباً لهم )

    ههههههههههههههه

    في واحد تاني أسمه عبد القادر عقب عليه قال :
    يا فيصل انا كنت من الجماعة البيفضلوا ف النص وكنت بختار فريق العب معاهو
    يقومو ناس فريقي بعد شوية يدوني للفريق التاني بدون بدل 😂😂😂😂 شان كده اصلا ما حبيت الكورة لا لعب ولا تشجيع
    لي هسه في الضل ..

    هههههههههههههههههه
                   |Articles |News |مقالات |بيانات

05-14-2017, 02:36 PM

درديري كباشي
<aدرديري كباشي
تاريخ التسجيل: 01-08-2013
مجموع المشاركات: 3181

للتواصل معنا

FaceBook
تويتر Twitter
YouTube


Re: وصف لي (Re: درديري كباشي)

    درديري يا فنان ياخي حكيك طاعم طعامة شديده خلاص قصة الدافوري والعزل في الدافوري عن طريق الكباتن وبعد الدافوري شراب الموية الباردة تحت ل شحرة واحد من الشباب ومهمه يكون عندهم تلاجة ... لغاية ما المغرب يفوت وتدخل البيت وأثر العرق مع التراب والغبار عامل خطوط عشوائية في رجولك
    -----------------------------------------------------

    تشكر يا عبد العظيم

    أضافة رائعة وذكرتنا ونسة الخور بعد التمرين
    حقيقة كان يشبه التحليل الرياض النشوفه اليوم بتاع بي ان سبورت ما بتاع جماعتنا
    وهو يناقشوا كل (الابورتيونتي كوست) الكان ممكن تحصل لو فلان لعب الباص لفلان ما شاتها براه وهكذا
                   |Articles |News |مقالات |بيانات

05-14-2017, 03:15 PM

Ahmed Yassin
<aAhmed Yassin
تاريخ التسجيل: 01-31-2013
مجموع المشاركات: 958

للتواصل معنا

FaceBook
تويتر Twitter
YouTube


Re: وصف لي (Re: درديري كباشي)

    درديري كباشي وشركاه
    انا مرة بسال عن بيت .. واحد قال لي طبعا بعد ما ختا ايدو في صلعتو
    شوفتا البيت داك ؟بابو ظهري كدة تتعداهو وتخلي يمينك وتلف شمال
    واول ما تلف شمال بتلقى ليك زول جلحاتو كوبار قاعد .. غايتو مرات بكون في ومرات مافي

                   |Articles |News |مقالات |بيانات

05-14-2017, 03:46 PM

يحي قباني
<aيحي قباني
تاريخ التسجيل: 08-20-2012
مجموع المشاركات: 10983

للتواصل معنا

FaceBook
تويتر Twitter
YouTube


Re: وصف لي (Re: Ahmed Yassin)

    Quote: تلقى اللابس جلابية واللابس سروال طويل وعراقي وشدة في أقدامه والشدة هي عبارة عن صندل مصنوع من البلاستيك يغطي القدم وبه فتحات تهوية


    صاحبي جلّي يا درديري .. كان حريف كورة مقطعها ... لكن أبو الكسل ...

    كان بلعب بالسفنجة ... وأكان راجل اقلع منه الكفر ...

    الكورة مربوطة بي خيت في سفنجتو زي ميسي الواحد ده ...
    _______________________________________
    حسي صاحبي الهكر لو قرا مربوطة دي ... يقول
    مربوطة لااااا تمانية ...
    الله يطراهم بالخير جميعاً ...
                   |Articles |News |مقالات |بيانات

05-14-2017, 03:52 PM

درديري كباشي
<aدرديري كباشي
تاريخ التسجيل: 01-08-2013
مجموع المشاركات: 3181

للتواصل معنا

FaceBook
تويتر Twitter
YouTube


Re: وصف لي (Re: Ahmed Yassin)

    درديري كباشي وشركاه انا مرة بسال عن بيت .. واحد قال لي طبعا بعد ما ختا ايدو في صلعتو شوفتا البيت داك ؟بابو ظهري كدة تتعداهو وتخلي يمينك وتلف شمال واول ما تلف شمال بتلقى ليك زول جلحاتو كوبار قاعد .. غايتو مرات بكون في ومرات مافي
    -------------------------------------------

    شرفتنا يا فنان
    قدر البوست دا انه بقى مزدوج

    بين طريقتنا في وصف الأمكنة

    وذكرياتنا مع الدافوري

    لكن من أي دخلت نفعت واستنفعت ما في شك ..

    -----------

    واحد كاتب بوست حلف على صدقه واحد من أمريكا كلفورنيا

    وصف بيتهم في عطبرة لزميله نازل السودان
    بأتنين واحد لابس عراقي والتانين تريننق بتاع كورة وقال له لازم تروح قبل العصر تلاقيهم يتغالطوا في الكورة

    قال الراجل وقف قدامهم فعلا وبدأ يضحك بهستريا

    قالوا له يا زول مالك تعاين لينا وتضحك أنت مجنون ؟؟ قال لهم : أقسم بالله أنه فلان وصف لي بيتهم بيكم انتو الاتنين حتى بنفس لبساتكم دي ..

    أتعقدوا ههههههههههههههه بقت ليهم سبب توبة ليوم الليلة
                   |Articles |News |مقالات |بيانات

05-14-2017, 05:16 PM

عمر أبوعاقلة
<aعمر أبوعاقلة
تاريخ التسجيل: 04-11-2016
مجموع المشاركات: 583

للتواصل معنا

FaceBook
تويتر Twitter
YouTube


Re: وصف لي (Re: درديري كباشي)

    ياخ بعد الدافوري بجي العشاء فتة وبوش كااااارب مع حليب مقنن من قهوة أدروب
    ومرات لما يكون الجيب ظابط نشتري الباسطة ونهرسها في الصحن الكبير مع الزبادي
    ويوم الخميس السينما .. إييييييييه

    تصدق مرات بي خرائط الكرعين دي نلف اللفة دي كلها حتى نرجع البيت
    لأنه مرة انجلدت فيها (وش مدردق أخدر)

    أبو الدر .. قشة ما تعتر ليك ياخ
                   |Articles |News |مقالات |بيانات

05-15-2017, 04:54 AM

درديري كباشي
<aدرديري كباشي
تاريخ التسجيل: 01-08-2013
مجموع المشاركات: 3181

للتواصل معنا

FaceBook
تويتر Twitter
YouTube


Re: وصف لي (Re: عمر أبوعاقلة)

    ياخ بعد الدافوري بجي العشاء فتة وبوش كااااارب مع حليب مقنن من قهوة أدروب ومرات لما يكون الجيب ظابط نشتري الباسطة ونهرسها في الصحن الكبير مع الزبادي ويوم الخميس السينما .. إييييييييه تصدق مرات بي خرائط الكرعين دي نلف اللفة دي كلها حتى نرجع البيت لأنه مرة انجلدت فيها (وش مدردق أخدر) أبو الدر .. قشة ما تعتر ليك ياخ
    ------------------------

    مرحبا يا أبو عاقلة وذكريات الدافوري

    كثر العودة وكثر التفاصيل والشمار وزيت السمسم مهم في الفتة
                   |Articles |News |مقالات |بيانات

05-15-2017, 06:22 AM

درديري كباشي
<aدرديري كباشي
تاريخ التسجيل: 01-08-2013
مجموع المشاركات: 3181

للتواصل معنا

FaceBook
تويتر Twitter
YouTube


Re: وصف لي (Re: درديري كباشي)

    من ذكريات جلساء مكتبة كباشي
    كما ذكرت أكثر من مرة أن مكتبة كباشي ليست مجرد مكتبة ( وكذلك ليست كمكتبة جرير ) هي كانت منتدى جمع كثير من المثقفين والادباء من اطباء ومحامين ومهندسين .. كانوا يقضون أوقات استراحتهم في الصالة أمام المكتبة أما قبل موعد عملهم أو وقت الإفطار أو بعد نهاية الدوام لتناول القهوة . ونحن منذ طفولتنا الحمد لله نشأنا في هذا الجو وخدمنا هؤلاء الأفاضل بالمراسيل ناحية القهوة وغيرها أنا وأخوتي والعاملين بالمكتبة بكل اريحية .. وكذلك من الشعراء والأدباء عمنا كجراي عليه رحمة الله وعمنا أبو آمنة حامد حين مروره بكسلا وربما الحلنقي لأنه قضى فترة طويلة خارج السودان لكن حتما مر بها ..
    هذه المقدمة سنعود لتفاصيلها كلما حان الأوان .. كما فكرت أن أفرد لها كتابا أنشاء الله تحت التخطيط بناءا على طلب بعض الأصدقاء .. لأجمع به المواقف والشخصيات التي جمعتنا بها .. ونحن منذ الصغر وكنا تلاميذ بمدرسة كسلا الميرغنية الشرقية الابتدائية .. نغشى السوق نكمل باقي الدوام بالمكتبة حتى الساعة اثنين ظهرا ثم نعود الى البيت مع الوالد رحمه الله. أنا شخصيا كان يمزيني الفضول مع ذاكرة ( عبيطة ) ان جاز الوصف سجلت أدق المواقف والحكاوي من تلك الحقبة الزاهرة والزاخرة .. الموقف الذي تذكرته اليوم . ونسيت أن أذكر أيضا الرتب العظيمة من القوات النظامية والجيش والشرطة كانت لهم جلسات بها وان كانت نادرة .
    وأما ما أنا بصدده الآن كانت أحدى الزيارات النادرة لضباط الجيش أحد الضباط العظام .. في أثناء الونسة طلب منه زملائه ان يحكي موقفه مع ابعاج ( نميري عليه الرحمة ) الكل انصت والابتسامة تعلو وجوههم ...
    قال عندما قام انقلاب هاشم العطا هو كان في خدمة بجنوب السودان في أحدى المدن .. يلعبون الكتشينة في ميز الضباط .. سمعوا البيان في الراديو ..تناقشوا فيما بينهم واتفقوا قائلين طالما أن قائد الانقلاب زميلهم في الجيش من واجبهم الرسمي ان يرسلوا برقية باسم الوحدة العسكرية تهنئه وتؤيده ..
    هو قال في نفسه هاشم العطا دفعته وصديقه الشخصي كيف يهنيه من ضمن المجموعة يجب أن تكون له تهنئة خاصة باسمه هو شخصيا عسى ولعل يكون لها اعتبارا خاصا .... قال استأذن من الجماعة بحجة أنه يشعر بمقص وسيذهب للمستشفى .. ومن هناك عرج على مكتب البريد والبرق وارسل برقيته الخاصة بأسمه .. وعاد اليهم مواصلا في لعب الورق .
    عدت اليومين وهم لازالوا في نفس برنامج الكتشينة .. سمعوا البيان العكسي .. عاد أبعاج .. أما هو فوقف منزعجا متجرسا ( أمانا الليلة ما وقع راجل ) يا زول مالك .. ؟؟ البرقية .. البرقية .. ياخي برقية شنو نحن ما رسلناها باسم الوحدة كلها معقولة حا يفصل وحدة كاملة . وبعدين الجيش كله حا يكون رسل .. ما دي ..أنا مش قلت ليكم رحت المستشفى .ووووووو الخ سرد حكايته ..
    أفاااااااااااااااا كان كدا شوف لك مخارجة من هسع .. قد السلك روح يوغندا ..
    المهم هو صبر وانتظر مصيره لم تعدي يومين الا ويأتيه استدعاء خاص بلغ القيادة العامة فورا ..
    حزم حقائبه ودع زملائه وتوكل على الله حتى وصل العاصمة .
    وصل قيادة الجيش قالوا له أن الرئيس ينتظرك بالمكتب ..
    دخل عند ابعاج .. الغضب يعلو وجهه وعيونه حمراء من السهر والتعب .. نظر له وقال بعبارة واحدة وهو يحمل برقيته دا شنو العملتو دا يا فلان .
    هو ما خاف او ارتجف رد بعفوية : يا ريس ما قلنا يمكن نطلع لينا بحاجة كدا ولا كدا .
    الغريبة دائما هؤلاءالتقاة تدخل فيهم الشجاعة والفراسة فتطفئ نار غضبهم أكثر مما يفعل الجبن .
    رفع الرئيس رأسه وبدا ينظر اليه لفترة طويلة وهو كذلك لم يرخي نظره وقف ثابتا بنفس وقفته العسكرية الصارمة.. تبدد الغضب عند الريس بدأ يبتسم له اتسعت ابتسامته حتى تحولت لضحك . وقال له شوف هنا يا فلان أنا ما حا أعمل ليك اي حاجة لكن يستحيل أخليك معانا في الجيش أمشي وحدتك سلم عهدتك صفي حقوقك واتوكل على الله .
    الله معاك .
                   |Articles |News |مقالات |بيانات

05-15-2017, 08:37 AM

درديري كباشي
<aدرديري كباشي
تاريخ التسجيل: 01-08-2013
مجموع المشاركات: 3181

للتواصل معنا

FaceBook
تويتر Twitter
YouTube


Re: وصف لي (Re: درديري كباشي)

    موقف من جلسات المكتبة
    2
    الشحاذ
    كان لفيف من الحضور الأكارم .. في نهاية العمل .. قرابة الساعة اثنين يتناولون قهوة الظهر أمام المكتبة .
    تدور بينهم بعض المواضيع الساخنة التي تشد الانتباه .. وهناك كل المواضيع متاحة . سياسة رياضة اقتصاد طب ..حكاوي خاصة مواقف ذكريات من أيام الدراسة وهم من مختلف المهن .
    مر على الجلسة في تلك اللحظة و في ذات تركيزهم شحاذ .. رجل طاعن في السن رث الثياب ضخم الجثة أو هو مردم الثياب .🎅. نادى كالمعتاد ..( كرامة لله ..) لم ينتبه له أحد كررها ..أعادها رفع صوته .. كل هذه المحاولات لم تفلح في لفت أنتباههم من الموضوع الذي يدور بينهم .
    أخيرا قرر أن يستفيد من هذا الظل البارد والمكان النظيف وينجز فيه أي مهمة.. جلس قربهم .. وفكر أن يعمل جرد لغلة اليوم .
    وضع الاناء الذي يحمله والإبريق وسبحة اللالوب الطويلة .. شرع في استخراج الأموال من تلافيف ملابسه .. وبدأ يرصها أمامه في البلاط .. ومن ثم شرع في ترتيبها كفئات . الخمسين والمائة والخمسة وعشرين من العملات الورقية . يرتب ويكوم كأنه موظف بنك يجرد في خزنة .. هؤلاء الجلوس طالما هم مشغولون هو كذلك لا يقل عنهم مشغولية .
    أحد الأطباء أنتبه له وركز معه بأندهاش .. أحد زملائه قرر أن يأخذ رأيه في موضوع .فسأله . ( ولا رأيك شنو يا دكتور؟؟ ) الدكتور لم يسمعه بل أصبح مشغولا مع الشحاذ .. هو كذلك أندمج بنفس الدهشة مع الشحاذ وآخر لاحظ لهما وكذلك انضم لهما .🤔🤔🤔 بعد قليل كل الحضور دون أي اتفاق أو دون أن ينبه أحدهم الآخر أصبحوا مركزين مع الشحاذ .. صنف غلته جمعها في فئات .. وبدأ يدخلها في مخابئ سرية بملابسه .. الفئات الكبيرة في جيوب العراقي تحت الجلابية ( الخزنة الرئيسية ) .. في النهاية تبقت العملات المعدنية .. ترك منها قليل على ( الأناء نصف الكرة ) للترويج .. قبل أن يقوم رفع رأسه .
    وجد الجميع ينظرون له بإندهاش 😳😳😳😳😳( معهم حق ..هو تقريبا في هذه اللحظة يفوقهم ثراء .).
    عندما لاحظ أنهم الآن انتبهوا له . أستثمر الفرصة . رفع يده من جديد .
    ( كرامه لله)🤑🤑🤑
    أنفجروا في ضحك هستيري .. لم يكونوا يتوقعون رد فعله سيكون كذلك ..
    😂😂😂😂😂😂😂😂
    دون أن يكترث لهم أو بهم .. قام لملم أغراضه ثم مضى .
    لا يعرف ما الذي أضحكهم .
    لا يهم
    طالما لن يدفعوا
    😡😡😡
                   |Articles |News |مقالات |بيانات

05-15-2017, 04:28 PM

درديري كباشي
<aدرديري كباشي
تاريخ التسجيل: 01-08-2013
مجموع المشاركات: 3181

للتواصل معنا

FaceBook
تويتر Twitter
YouTube


Re: وصف لي (Re: درديري كباشي)

    أولاد أم زقدة
    حقيقة أنا لا أعرف تحديدا ما هي هذه الزقدة في لهجتنا المحلية .. لكن المصطلح بصورة عامة يطلق على المتنطع المدعي عندما يقع في شر أعماله . وعاجبني جدا لأنه هذا النوع من البشر فعلا يستحق مصطلح خاص به .
    قبل عدة سنوات كنت واقف في اشارة في أحد تقطاعات الرياض .. نورت أخضر عبرت بعربيتي عادي .. وأنا لافي ناحية اليسار .
    أتفاجأ بجهة اليمين سيارة هايلوكس تايوتا قديمة مرت مسرعة ضربت سيارتي وطيرت المرايا بعيدا ..
    بعد ما فقت من الصدمة ركنت سيارتي على جمب .
    قائدي السيارة البوكس وقفوا بعيدا على بعد أكثر من مائة متر نزلوا منها أكتشفت أنهم شباب سودانيين .. ثلاثة واثنين منهم يلبسون أبرول أزرق يبدو أنهم مكيكانيكية أو فنيين في مصنع ..
    المهم .
    أول ما شاهدت سحنتهم السودانية من باب الدم يحن تعاطفت معهم ..بيني وبين نفسي قررت أن اسامحهم . لأنه المرايا مهما كان ثمنها لن يتجاوز المائة ريال .. احتمال لو تحول الأ مر لشرطة مرور وخلافه ربما عندهم مشاكل أخرى تتطور وتورطهم في مشكلة أكبر.على الأقل لا تكون بسببي أنا .. تجيهم من غيرنا ,,,
    لكن
    هم أول ما نزلوا من عربيتهم . عملوا فيها (شفوت ).
    جو ما شين الثلاثة في خط متوازي واياديهم مشتحة مثل أبطال الفلم الكاوبوي .. تنقصهم المسدسات بالجنب ..مع تلك المشية ذات الإيقاع معاها نقزة كدا .
    👮💪👷💪👮
    فهمت اللعبة . هم عايزين يجوا يرفعوا صوتهم ويتنهروا ( يا زول أنت ما بتشوف . ومالك سارح وين؟؟ .حركات السودان ديك . يعني يطلعوني أنا غلطان .. وبعدين يعملوا فيها سامحوني بعد ما يحنسوا بعض ) أكيد قالوا الزول أبو كرفته دا ندقسوا ويمكن نطلع منه بحاجة كمان.. . قلتوا كدا ؟؟؟؟.. طيب انا بأدبكم يا أولاد أم زقدة ..
    دخلت يدي في جيبي طلعت الموبايل ( مع العلم أن جوالي ما فيه رصيد ) عملت كأني اتصل بالشرطة ..
    📱📱📱📱
    بالله اشوف لك الكاوبويات نزلوا يديهم ومن نص المسافة جو علي جارين جري .. واحد فيهم خطف التلفون من يدي .
    يلا بدو هم يحنسوا فيني : يا أخونا ما فيها حاجة . والله بسيطة .
    - طيب أنتو ما بتعرفوا تسوقوا ؟؟ بديت أنهرهم .
    - لكن يا عمنا الراجل عصر علينا .
    - عصر عليكم تضربوني أنا ؟؟؟
    - ما قلنا أنت زولنا وكدا ...
    يلا جيبو المرايا ديك وأمشوا .. تاني أعملوا حسابكم .
    مشوا منكسرين نحو عربيتهم .
    أولاد أم زقدة .ديل ولا ما أولاد ام زقدة ؟؟؟؟؟؟
    😂😂😂😂😂😂
                   |Articles |News |مقالات |بيانات

[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de