هذا العضو لا اخلاق له

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 16-12-2018, 04:02 AM الصفحة الرئيسية

مدخل أرشيف للعام 2016-2017م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
02-10-2016, 11:54 PM

جلالدونا
<aجلالدونا
تاريخ التسجيل: 26-04-2014
مجموع المشاركات: 6661

للتواصل معنا

FaceBook
تويتر Twitter
YouTube


هذا العضو لا اخلاق له

    11:54 PM October, 03 2016 سودانيز اون لاين
    جلالدونا-
    مكتبتى
    رابط مختصر
    ان تكون لك مشكلة مع الدين .. فهذا امر بينك و بين خالقك
    شاءت مشيئته امّا شاكرا و امّا كفورا
    لذا .. كعباد له .. لا نملك من امر ربك شيئا
    و هل يصلح العطار ما افسد الدهر

    (عدل بواسطة جلالدونا on 03-10-2016, 00:10 AM)

                   |Articles |News |مقالات |بيانات

03-10-2016, 00:06 AM

اخلاص عبدالرحمن المشرف
<aاخلاص عبدالرحمن المشرف
تاريخ التسجيل: 04-03-2014
مجموع المشاركات: 2124

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: جلالدونا)
                   |Articles |News |مقالات |بيانات

03-10-2016, 00:14 AM

جلالدونا
<aجلالدونا
تاريخ التسجيل: 26-04-2014
مجموع المشاركات: 6661

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: اخلاص عبدالرحمن المشرف)

    مرحب عمتنا اخلاص
    الشى الوحيد الممكن يتصلح هو صحن الفول
    الجايبنو بى جك الفول
    كان جبنة كان بصل كان زيت سمسم
    اما الحماقة قد اعييت من يداويها
    زولنا ده حماقاتو عينة
                   |Articles |News |مقالات |بيانات

03-10-2016, 00:20 AM

جلالدونا
<aجلالدونا
تاريخ التسجيل: 26-04-2014
مجموع المشاركات: 6661

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: جلالدونا)

    href="http://sudaneseonline.com/board/490/msg/%d9%87%d8%b0%d8%a7-%d8%a7%d9%84%d8%b9%d8%b6%d9%88-%d9%84%d8%a7-%d8%a7%d8%ae%d9%84%d8%a7%d9%82-%d9%84%d9%87-1475452467.html" num_posts="10" width="800">
                   |Articles |News |مقالات |بيانات

03-10-2016, 00:27 AM

اخلاص عبدالرحمن المشرف
<aاخلاص عبدالرحمن المشرف
تاريخ التسجيل: 04-03-2014
مجموع المشاركات: 2124

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: جلالدونا)
                   |Articles |News |مقالات |بيانات

03-10-2016, 00:29 AM

أبوبكر عباس
<aأبوبكر عباس
تاريخ التسجيل: 04-03-2014
مجموع المشاركات: 1446

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: جلالدونا)

    اللفة الطويلة داير تكسب بيها تعاطف يا جلال.
    قول الزول دا عمل شنو، وليش أنت واصف هذا الفعل بعدم الأخلاق؟
    وخلي الناس تحاورك حول هذه المعايير الأخلاقية.

    لا أعتقد انو عندك فكرة متكاملة لهذا البوست

    المهم، بنشوف
                   |Articles |News |مقالات |بيانات

03-10-2016, 00:50 AM

جلالدونا
<aجلالدونا
تاريخ التسجيل: 26-04-2014
مجموع المشاركات: 6661

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: أبوبكر عباس)

    حيلك حبلك يا بتاع نشوف و ما نشوف
    و معاها المهم
    هى كلها مداخلة واحدة و لسه ما تميت بقية الحكى
    وينا اللفة الطويلة
    الفى بطنو حرقص براهو برقص
    و ده السبب الجابك لينا
    امّا المعايير الاخلاقية كحق مجتمعى طبيعى ارساه كقيمة اخلاقية
    ما اظن يكون تمردك عليها يمكن ان يوصف باّنه معايير اخلاقية جديدة
    افهم تماما تطوير سلوكيات و اخلاقيات المجتمع
    لكن لا افهم ان تأتى بسلوك ليس فيه و تفرضه كمعيار اخلاقى
    و اخيراً
    اسلوب التهكم لن يجدى فتيلاً
    و حكاية كايس لى تعاطف دى خليتا ليك
    كوس البتعاطف معاك
    صدقنى ما بتهمنى فى شى
    لأنى بعيد تماما من حتّة التعاطف دى
    بتكلّم عن حاجاتى و بس
    و يا ريت تفهم بس
                   |Articles |News |مقالات |بيانات

03-10-2016, 03:25 AM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30883

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: جلالدونا)

    سلامات يا جلّي
    العنوان يخلع من الصباح كدا, دخلت متوقع القاك فسّرت الحصل شنو وذكرت اسم العضو الذي وصفته بعدم الأخلاق
    لكن للأسف لم يحدث بل وجدت طلاسم و دعوة خالية - حتى اللحظة - لمداخلات الفيس بووك وكمان الدكتورة ما قصّرت زادت طين الطلاسم بله :)
    فا شنو .. يا عزيزي عنوان صادم زي دا لا يحتمل التشويق و الإثارة وخلّيه يخمر كما لا يحتمل التلميحات ونظام إيّاك أعني وكدا
    اطعن فيلك و جهّز دفوعاتك وكل الخلّاك تصدر حكم خطير زي دا بناء على كتابات اسفيرية - اللهم إلاّ لو كنت تعرفه معرفة حقيقية

    في انتظارك يا حبيب
                   |Articles |News |مقالات |بيانات

03-10-2016, 04:14 AM

عبداللطيف حسن علي
<aعبداللطيف حسن علي
تاريخ التسجيل: 21-04-2008
مجموع المشاركات: 7381

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: محمد البشرى الخضر)

    Quote: ان تكون لك مشكلة مع الدين .. فهذا امر بينك و بين خالقك
    شاءت مشيئته امّا شاكرا و امّا كفورا
    لذا .. كعباد له .. لا نملك من امر ربك شيئا
    و هل يصلح العطار ما افسد الدهر



    طيب ماتخلي الامر لربك ، اما العطار فلن يصلح منظومة معطوبة من اساسها ، والدهر ذادها

    إعطاب

    Quote: مرحب عمتنا اخلاص
    الشى الوحيد الممكن يتصلح هو صحن الفول
    الجايبنو بى جك الفول
    كان جبنة كان بصل كان زيت سمسم
    اما الحماقة قد اعييت من يداويها
    زولنا ده حماقاتو عينة


    برضو زي بوست عطبرة ، يبدا وينتهي في الفراغ والخلاء

    صحن الفول لايمكن اصلاحه ، لان الاساس سيظل هو الفول

    والحماقة ان تجعل نفسك معيارا لقياس الحماقة

    بالنسبة للفليسبوك لايوجد تعليق يخدم البوست المدغمس ....

    Quote: امّا المعايير الاخلاقية كحق مجتمعى طبيعى ارساه كقيمة اخلاقية
    ما اظن يكون تمردك عليها يمكن ان يوصف باّنه معايير اخلاقية جديدة
    افهم تماما تطوير سلوكيات و اخلاقيات المجتمع
    لكن لا افهم ان تأتى بسلوك ليس فيه و تفرضه كمعيار اخلاقى
    و اخيراً
    اسلوب التهكم لن يجدى فتيلاً


    وهل كان قتل الاشاعرة للمفكرين معايير جديدة في اخلاق القتل والصلب ونبش جثث

    لها زمن طويل وجلدها ، هل هناك حماقة تعادل هذه ؟!!!

    ماتراه من تهكم هو (شر البلية مايضحك)!

    ومع ذلك مع المنتظرين في الصف !!
                   |Articles |News |مقالات |بيانات

03-10-2016, 04:48 AM

جمال ود القوز
<aجمال ود القوز
تاريخ التسجيل: 25-01-2013
مجموع المشاركات: 4560

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: عبداللطيف حسن علي)


    تتحسس البطحه .. ثم تلبس الطاقية ..
    كان بقت مقاسك .. أبقى مارق ..

    أعتقد كلام جلال ده واضح ..
    وما اظن حيحدد ليهو زول بالاسم .. فاطمئنوا ..
    كل منا يتحسس لغاليغو ..
    والعفش داخل البص على مسوولية صاحبه ..

    ــــــــــــــــــــــــــــــــــــــــــــــــــــــــــــ

    كان بديت تحدد ياحبيب ..
    مشواركـ حيكون طويل ..







                   |Articles |News |مقالات |بيانات

03-10-2016, 04:54 AM

عبداللطيف حسن علي
<aعبداللطيف حسن علي
تاريخ التسجيل: 21-04-2008
مجموع المشاركات: 7381

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: جمال ود القوز)

    يحدد ول مايحدد دا ماموضوعنا ، نحن في كيف انت تكون معيار للاخلاق

                   |Articles |News |مقالات |بيانات

03-10-2016, 04:57 AM

عبداللطيف حسن علي
<aعبداللطيف حسن علي
تاريخ التسجيل: 21-04-2008
مجموع المشاركات: 7381

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: عبداللطيف حسن علي)

    البوست دا انا ح ابلعه لسيدو ، بس هو يجي ، صرف النظر عن الاسم المقصود

    لانه لايعني شيئا البتة !
                   |Articles |News |مقالات |بيانات

03-10-2016, 05:16 AM

Haytham Ghaly

تاريخ التسجيل: 20-01-2013
مجموع المشاركات: 3908

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: عبداللطيف حسن علي)


    ما هي الاخلاق؟

    هل هي شيء يكتسب اكتساباً ام شيء اصيل موجود في الانسان؟
                   |Articles |News |مقالات |بيانات

03-10-2016, 06:11 AM

عبداللطيف حسن علي
<aعبداللطيف حسن علي
تاريخ التسجيل: 21-04-2008
مجموع المشاركات: 7381

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: Haytham Ghaly)

    Quote: ما هي الاخلاق؟
    هل هي شيء يكتسب اكتساباً ام شيء اصيل موجود في الانسان؟


    هيثم ياغالي ، قبل كدا في واحد قدانا بقصة الاخلاق دي ، وقال ماعندها حامل مادي

    لغاية ماجبنا ليهو الاسس المادية للاخلاق ، قعد يقول دا فجيخ ضبان وماعارف شنو

    هو ذاتو تاني ماظهر ، الواحد لما يكتب جملة زي دي فاكر انها منزلة من المثل بتاعة افلاطون

    ولايدري انها قاعدة معانا في واطات رب المجرات بتاعتنا دي ......
                   |Articles |News |مقالات |بيانات

03-10-2016, 06:45 AM

حيدر حسن ميرغني

تاريخ التسجيل: 19-04-2005
مجموع المشاركات: 20142

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: عبداللطيف حسن علي)

    جلالدونا سلامات
    اوعى تكون عاوز تقلع زول من المنبر تحت ذريعة انه لا اخلاق له (بقت موضة للطرد واغتيال الشخصية)
    ثم حدد ياخي المعايير بتاعة الاخلاق في المنبر
    هذا مع تأكيدي بأنني لا أعرف من تقصد طالما البوست مفتوح للتخمين
    -
    تيفا وابكرونا بطلوا هرجلة
                   |Articles |News |مقالات |بيانات

03-10-2016, 06:49 AM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30883

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: Haytham Ghaly)

    Quote: ما هي الاخلاق؟

    هل هي شيء يكتسب اكتساباً ام شيء اصيل موجود في الانسان؟
    هلا هيثمنا الغالي
    ولحدّي ما يصحو جلالدونا ويفك طلاسم البوست عندي مزاج للتنظير في الصباحية الرايقة دي
    أولا الأخلاق نسبية من شخص لآخر لأسرة لأخرى لمجتمع لآخر دا بصفة عامة.
    لكن توجد بعض الخصال متعارف عليها بين الجميع انه يجب الإلتزام بها ومن يخالفها يعتبر خالف أو خرق (كود) متفق عليه
    بالعودة لسؤالك
    أنظّر واقول أن (بعض) الأخلاق تولد مع الإنسان و يمتازه بها بالفطرة و بعضها يكتسبه من المجتمع الصغير و الكبير ثم الأكبر لحدّي ما يصل للمجتمع العالمي أو لنقل (قوقل) كرمز للعالمية.
    امثلة لأخلاق الفطرة انه الواحد ياخذ قدر حاجته من الموارد المجانية المتاحة
    يعني إنسان العصر الحجري لمّا تعلّم الصيد لإرضاء حاجته نحو الطعام تعلّم معها أن لا يصيد أو يقتل الصغار مثلا أو لمجرّد شهوة القتل
    فكان هذا نوع من الأخلاق التي ولدت معه في فطرته, لكن بالطبع هناك من يخالفها و يقتل لمجرد شهوة القتل أو الطمع فدا هنا خالف خلق أصيل عند الإنسان.

    مثال للأخلاق المكتسبة برضو برجع للإنسان الأول عندما بدأ العيش في مجتمعات و تكوّنت عوائل وكد تعلّم أن لا يسرق أو ياخذ من فرد قبيلته أوعائلته و تعلّم ان يشارك مع الضعيف و يحميه أها دي أخلاق مكتسبة
    وبرضو يوجد من يخالفها.


                   |Articles |News |مقالات |بيانات

03-10-2016, 06:58 AM

حامد بدري
<aحامد بدري
تاريخ التسجيل: 10-03-2013
مجموع المشاركات: 2587

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: محمد البشرى الخضر)

    صباح الخيرات
    ود البشرى يازول اتا من الاذكيا هنا ماشايف الكفار كلهم اتلمو
    ياكفار المنبر خلوكم زي حمورابي او ناس اليابان اقلاو الهنود الحمور
    دفوعاتكم ضعيفة وبتجرو للصيدلي قبل الدكتور الله يهداكم
                   |Articles |News |مقالات |بيانات

03-10-2016, 07:05 AM

عبدالحفيظ ابوسن
<aعبدالحفيظ ابوسن
تاريخ التسجيل: 24-06-2013
مجموع المشاركات: 20279

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: حامد بدري)

    تحياتي للجميع
    يعني يا ودالبشري يا صحبي منظومة القيم الاخلاقية حاجة غريزية ولا كيف
    قلت كلام كويس ما بقتل الصغار وما بقتل الا لحوجته .. يعني الحوجة حقتو علمتو الاخلاق
    برضو تنظير ساي دة
    شوف اكرام الضيف والاجارة عند ناس الجاهلية الماكان عندهم دين .. نتيجة لطبيعة الصحراء القاسية
    نفس الظروف بتمر عليك بتتمسك بالقيم دي لانو عندك مصلحة فيها
                   |Articles |News |مقالات |بيانات

03-10-2016, 07:13 AM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30883

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: عبدالحفيظ ابوسن)

    هلا ود ابو سن
    كدا وكدا, فيها الغريزي وفيها المكتسب
    مش قصدت أن الحوجة علّمته الأخلاق, الحوجة علّمته يقتل ليعيش لكن غريزته فرضت عليه أن يتقيّد بي كدا لا يقتل ليتسلّى أو ليجرّب مهاراته
    بالنسبة لأخلاق الجاهلية, ما عارف ليه انت ختّيت الدين كأنه المعلّم الوحيد للاخلاق في حين الدين نفسه قال جئت لأتمّم مكارمها
    قبل الدين الناس ديل عايشين في مجتمع و حولهم مجتمعات أخرى أكيد طوروا اخلاق وأكسبوها لبعض و كل جيل بربّي عليها الجيل البعده


    يا حامد بدري كفّار شنو ياخ!! انت بتاكل من الزلابيا دي برضك :)
                   |Articles |News |مقالات |بيانات

03-10-2016, 08:26 AM

Adrob abubakr

تاريخ التسجيل: 10-05-2006
مجموع المشاركات: 3895

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: عبدالحفيظ ابوسن)

    واضح البوست ده شرك. . .
    وراس سوطه لاحق المنططين عينيهم. . . كاد المريب أن يقول خذوني

    عبد اللطيف وهيثم فاكينها في روحهم شديد, ونفروا الناس بتزاكيهم الطفولي
    يا أخي تواضعوا شوية. . . .ما تعملوا فيها خلاص مقددينها, والله شينة !

    كتب ود أبو سن
    قلت كلام كويس ما بقتل الصغار وما بقتل الا لحوجته .. يعني الحوجة حقتو علمتو الاخلاق
    ورد ود البشري
    مش قصدت أن الحوجة علّمته الأخلاق, الحوجة علّمته يقتل ليعيش لكن غريزته فرضت عليه أن يتقيّد بي كدا لا يقتل ليتسلّى أو ليجرّب مهاراته
    لو المصلحة وراء أي شعور أو عمل طيب, ممكن تسمي ده أي حاجة, بس أخلاق لا. . . .
    في بعض المجتمعات خبث أو غرض (الغرض مرض), وفي الأديان نفاق وربا !

    واضح ود البشري ينطلق من فكر حر, و ود أبو سن متحكمة فيه الآيدلوجية !
                   |Articles |News |مقالات |بيانات

03-10-2016, 07:07 AM

علي دفع الله
<aعلي دفع الله
تاريخ التسجيل: 31-08-2012
مجموع المشاركات: 4546

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: حامد بدري)

    قطع الشك جلالدونا قاصد فرانكلي
                   |Articles |News |مقالات |بيانات

03-10-2016, 07:25 AM

Haytham Ghaly

تاريخ التسجيل: 20-01-2013
مجموع المشاركات: 3908

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: علي دفع الله)


    Quote: قبل الدين الناس ديل عايشين في مجتمع و حولهم مجتمعات أخرى أكيد طوروا اخلاق وأكسبوها لبعض و كل جيل بربّي عليها الجيل البعده


    كلامك دا يعني ان مصدر الاخلاق عند الانسان هو التجربة و الفطرة ولا دخل للدين في وجودها انما يحاول اتمامها

    طيب السؤال الحا يجي تلقائياً ما هي الدرجة الكاملة لمكارم الاخلاق ؟

    هل هي الإنسانية ؟

    ام الإلهية؟
                   |Articles |News |مقالات |بيانات

03-10-2016, 07:40 AM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30883

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: Haytham Ghaly)

    قبل ما أمش على سؤالك يا هيثم لازم أقيف في حتة أن الدين لا دخل له بالأخلاق
    ما عارف ليه فهمت من عبارتي لود أب سن هذا الكلام, أنا القلت ما معناه أن الدين ليس المعلّم (الوحيد), الوحيد دي تنفي عنه التفرّد لكن لا تعني أن لادخل له بالأخلاق
    خذ عندك مثال من الجاهلية نفسها الدين أبطل عادة وأد البنات وأدخل خلق جديد هو احترام حق الحياة
    وحتى مسألة إتمام مكارم الأخلاق يعني أن للدين دخل ودخل كبير كمان في موضوع الأخلاق

    بالنسبة للسؤال ما فهمت ما المعني بالدرجة الكاملة لمكارم الأخلاق
    وأعتقد أنّها لا تنطبق على واقعنا, فالحياة و الدنيا غير أنّها كبيرة ومتنوّعة و المجتمعات متباينة و بعض الأخلاق زي ما قلت فوق نسبية فهي أيضا في تطوّر و تغيّر مستمر
    أبسط مثال للتطوّر الذي تصحبه انواع جديدة من الأخلاق هو الإنترنت وقوقل دا ومع سهولة البحث و الإقتباس , ظهر خلق جديد اسمه حفظ الحقوق, كود الإقتباس دا نوع من الأخلاق الجديدة الماكانت معروفة من قبل
    و الخصوصية برضو
    فا من الصعب الحديث عن درجة كاملة لمكارم الخلاق طالما الموضوع نسبي أولا و مفتوح ومتطوّر ثانيا


    أمّا الخيارين الختيتهن على كفة واحد الإنسانية أو الإلهية فأنا من الأساس اعترض على هذه المقارنة
    يمكن المقارنة والإختيار بين نديدين أم غير كدا فلا

                   |Articles |News |مقالات |بيانات

03-10-2016, 08:06 AM

حامد بدري
<aحامد بدري
تاريخ التسجيل: 10-03-2013
مجموع المشاركات: 2587

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: محمد البشرى الخضر)

    أمّا الخيارين الختيتهن على كفة واحد الإنسانية أو الإلهية فأنا من الأساس اعترض على هذه المقارنة
    يمكن المقارنة والإختيار بين نديدين أم غير كدا فلا

    ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
    ود البشرى جاتك الزلابيا في صمة خشمك وبي عسلا كمان اكل وماتدي الجنبك
    الكلام بتاع جلالدونا واضح وللجماعة ديل نقول كلو الا الغلو والتطرف وقدامكم مسلمين اطفال ميانمار بيقتلوا فقط لانهم مسلمين والتطرف لادين ولا اخلاق له

                   |Articles |News |مقالات |بيانات

03-10-2016, 08:14 AM

حيدر حسن ميرغني

تاريخ التسجيل: 19-04-2005
مجموع المشاركات: 20142

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: حامد بدري)

    الدين لا دخل له بالأخلاق
    نهائي
    يسلم يراعك يازعيم
    وإلا ماكان أكثر المنحطين أخلاقيا في عالم اليوم من يدعون التدين
    الدين الحنيف بريئ منهم
    الأخلاق منظومة إنسانية قائمة بذاتها .. ليس بالضرورة أن يكون كل ذو خلق الرفيع متدين
                   |Articles |News |مقالات |بيانات

03-10-2016, 08:18 AM

Haytham Ghaly

تاريخ التسجيل: 20-01-2013
مجموع المشاركات: 3908

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: محمد البشرى الخضر)

    Quote: أمّا الخيارين الختيتهن على كفة واحد الإنسانية أو الإلهية فأنا من الأساس اعترض على هذه المقارنة
    يمكن المقارنة والإختيار بين نديدين أم غير كدا فلا



    ما وضعتهن للمقارنة

    بل للمحصلة النهائية

                   |Articles |News |مقالات |بيانات

03-10-2016, 08:35 AM

عبدالحفيظ ابوسن
<aعبدالحفيظ ابوسن
تاريخ التسجيل: 24-06-2013
مجموع المشاركات: 20279

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: Haytham Ghaly)

    تحياتي ود البشري
    ياهو كلامي رغما عن عدم وجود دين كان عندهم اخلاق
    الاخلاق هي منظومة القيم البخلقها المجتمع لضرورات تخص بقاء المجتمع . وليس رغبات ذاتية او تهويمات
    وبما انو الواقع ومتطور ومتجدد فلابد للاخلاق ان تكون كذلك وبل تختلف بإختلاف ضرورة وحوجة المجتمع
    تختلف لكن تبقي القيم الاساسية ثابتة . زي الايثار والكرم والنخوة والتكافل ومساعدة المحتاج وهكذا كقيم اصيلة دون تفاصيل محددة لوصفها بسلوك محدد
    مثلا هنا في السودان لا تتزوج الفتاة إلا بعد حملها في بعض المناطق . ودة سلوك عادي ولا يُقيم اخلاقيا . بل هو من شروط زواج الفتاة . ذات السلوك الذي يجرم صاحبه في عموم السودان مثلا . ببقي نحن بنستند علي ياتو قيم عشان نحدد الانحراف عنها .
                   |Articles |News |مقالات |بيانات

03-10-2016, 09:15 AM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: عبدالحفيظ ابوسن)

    سلام يا شباب جلالدونا وصحبه
    رغم أني ما فهمت موضوع البوست تماما لكن نشارك من قدر الفهمته .
    أولا الأخلاق هي قواعد لضبط السلوك الانساني حتى يتثنى للبشر التعامل مع بعضهم البعض بحفظ الحقوق والواجبات .
    وهي مزدوجة سلبي وايجابي يعني كل خلق له نقيض ( الصدق ضد الكذب )( الخيانة ضد الأمانة ) وهكذا
    وتنقسم لنوعين رئيسيين نوع ثابت ونوع متغير .
    النوع الثابت هو الذي يتفق عليه جميع البشر و إذا أصبح الساب هو المفضل هذا يعني أن هذا المجتمع يعاني من خلل ما .. يعني أذا وجد جمع من الناس فضلون الكذب على الصدق حتما هم ليس أسوياء .
    و أمثله للنوع الثابت ..
    الصدق الأمانة المروة الشهامة الشجاعة الكرم هذه تظل أخلاق حميدة على مر العصور والأجيال وفي كافة المجتمعات ... وكذلك نقيضها يصبح مذموما .. قد تأخذ هذه النوعية من الأخلاق شكل النسبة إذا حصرت في جمع من البشر يجمعهم قاسم مشترك .. مهنة أو غيره وفي هذه الحالة تعرف بأخلاقيات المهنة Code of Ethics .. مثل المحاميين والاطباء والمهندسيين وغيرهم .أخلاق المهنة تمنعهم من فش أسرار عملائهم للعامة .. لكن تتيح لهم التداول في ذات الأسرار فيما بينهم بغرض الاستشاره و التدارس وخلافه .وهذا لا يعد خيانة وتجاوز لأخلاق المهنة .
    و حتى المجرمون واللصوص لهم ثوابت أخلاقية تعد نوع من أنواع أخلاق المهنة .. يعني مثلا لا يسرقون من بعض لا يخونون بعضهم البعض .. لا يعتدي أحد على منطقه مخصصة لزميله ..
    والنوع المتغير فهو متغير رأسيا وأفقيا .. بمعنى عبر الزمن والأجيال وكذلك عبر المساحات من منطقة لأخرى .
    عبر الزمن كيف يعني مثلا نحن عندما كنا أطفال صغار .. يعد شرب الشاي الأحمر أو القهوة من المحرمات أو عيب لمن هم في سننا .. ثم تطور هذا الأمر ليصبح ممكن لكن يعاب فقط في المقاهي (أوعى أبوك يشوفك في المقهى تشرب شاي .أقرب جار يمكن يصفعك أو يشكوك لأهلك ) ثم أصبح يمنع فقط أمام الضيوف (أمشي لأمك بيغادي تديك شاي )..
    وكذلك نذكر زمان كان يعاب على الزوجة الجلوس في مائدة طعام واحدة مع زوجها أو نسيبها .. كان يعاب حتى ذكر اسم الزوج على لسانها ..أذكر أن زوجة عمي كانت تغير أسم أي واحد من أبناء العائلة يسمى (علي) . واحد تسميه العاقب وآخر تسميه العجب .. وهكذا
    كذلك مثال للتغير عبر المناطق .. تجد في منطقة مثلا في أقصى شرق السودان يمنع على الضيف أن يزور أو يطل على قسم النساء ( حده الديوان فقط .. حتى في بيت عمه ) وعندما تصل العاصمة تجدهم ربما ينامون في حوش واحد .
    الخواجات بيفرزوا بين الثابت والمتغير في الأخلاق بأسمين مختلفين وهم
    Norms and Mores

    , وهما الأخلاق والأعراف ..الأخلاق هي الثابتة مثل ما ذكرنا الأخلاق الثابتة أي المتفق عليها أما الأعراف هي التي يحددها كل مجتمع حسب خصوصيته ومعتقداته وعاداته وتقاليده .

    وهذا دلوي في الموضوع .
    أنشاء الله ما يكون أوف بوينت .

                   |Articles |News |مقالات |بيانات

03-10-2016, 08:43 AM

حمد عبد الغفار عمر
<aحمد عبد الغفار عمر
تاريخ التسجيل: 06-06-2008
مجموع المشاركات: 7541

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: Haytham Ghaly)

    تحايا جلالدونا والجميع

    أنا بظني الأخلاق تعني اختصارا البعد عن الأفعال التي تهين النفس والغير
    والاتيان بالأفعال التي تعلي من شأن الإنسانية

    على سبيل المثال لا الحصر ---------------------

    بوست طاقية جرتق بس
                   |Articles |News |مقالات |بيانات

03-10-2016, 09:11 AM

عبداللطيف حسن علي
<aعبداللطيف حسن علي
تاريخ التسجيل: 21-04-2008
مجموع المشاركات: 7381

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: حمد عبد الغفار عمر)

    ان تكون لك مشكلة مع الدين .. فهذا امر بينك و بين خالقك
    شاءت مشيئته امّا شاكرا و امّا كفورا
    لذا .. كعباد له .. لا نملك من امر ربك شيئا
    و هل يصلح العطار ما افسد الدهر
    ــــــــــــــــــــــــــــــ

    ياحمد تفهم شنو من الكوت اعلاه

    نحن لو اذنا في الشوك والسلم برضو كفار في نظر البعض

    اله الاديان ليس مقياس للايمان والكفر ، واله الاديان كذبة كبيرة ومتناقض كتصور

    (ليس كمثله شئ) كلام جميل! ثم تكمل الاية تجده سميع عليم

    المعتزلة قالوا سميع من دون سمع وعليم من دون علم ، كفروهم
    جاء المرجئة وعطلوا الصفات فقتلوا زعيمهم وصلبوه

    والحل المطروح عند القتلة من الاشاعرة والسنة والجماعة متناقض لانه لايوجد حل

    يقولون من دون كيف او لاتسالوا ولاتتفلسفوا ههههه

    كتب جلالدونا :
    شاءت مشيئته امّا شاكرا و امّا كفورا

    يعني الله شاكر اما كفورا ، دي كيف ؟!

    ام هو الاستعجال لادانة الاخرين !!
                   |Articles |News |مقالات |بيانات

03-10-2016, 09:24 AM

عبداللطيف حسن علي
<aعبداللطيف حسن علي
تاريخ التسجيل: 21-04-2008
مجموع المشاركات: 7381

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: عبداللطيف حسن علي)

    عبد اللطيف وهيثم فاكينها في روحهم شديد, ونفروا الناس بتزاكيهم الطفولي
    يا أخي تواضعوا شوية. .
    ــــــــــــــــــــــــــــ

    ذكرتني بوست الميراث يا ادروب ، اتاريك لابت لي بشيتا كتر!

    (ابوعركي البخيت)
                   |Articles |News |مقالات |بيانات

03-10-2016, 09:37 AM

Haytham Ghaly

تاريخ التسجيل: 20-01-2013
مجموع المشاركات: 3908

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: عبداللطيف حسن علي)


    Quote: عبد اللطيف وهيثم فاكينها في روحهم شديد, ونفروا الناس بتزاكيهم الطفولي
    يا أخي تواضعوا شوية. .


    يا ادروب باين عليك كايس ليك معركة في لا معترك

    انا سألت سؤال والاخوة ما قصرو جاوبوني عليهو

    واكتفيت بهذا القدر

    وين الفكة الانا فاكيها في نفسي


    يعني ما نسأل ولا نستفسر يا جماعة

                   |Articles |News |مقالات |بيانات

03-10-2016, 10:06 AM

Adrob abubakr

تاريخ التسجيل: 10-05-2006
مجموع المشاركات: 3895

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: Haytham Ghaly)

    عبد اللطيف
    ذكرتني بوست الميراث يا ادروب ، اتاريك لابت لي بشيتا كتر!
    والله ما لابد ليه ولا حاجة, بس شايف مداخلاتك ويوستاتك الكلها تقريبا تحدي ومناظرات !

    هيثم
    يعني ما نسأل ولا نستفسر يا جماعة
    سؤالك بل أسئلتك قطعا ما للإستفسار, ما وراء الأكمة ما وراءها, يمكن زي لبدة (أبو العركي البخيت) علي قول عبد اللطيف
    ده طريقة مستفزة, وده القاصده يمكن جلادونا بالعمل اللا أخلاقي !
                   |Articles |News |مقالات |بيانات

03-10-2016, 10:19 AM

عبداللطيف حسن علي
<aعبداللطيف حسن علي
تاريخ التسجيل: 21-04-2008
مجموع المشاركات: 7381

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: Adrob abubakr)

    بس شايف مداخلاتك ويوستاتك الكلها تقريبا تحدي ومناظرات !
    ــــــــــــــــــــــــــــــــــــــــ

    لكل بوست انبثاق خاص به ، فلماذا تقرانا خارج سياقاتنا ، فنبدو لك ، متذاكيين !

    بعدين التحدي بخلي الزول يجيب اخروا ، وبكدا بيتعلم سيد البوست يا ادروب ، نحن كسالي ويحركنا الاستفزاز !!
                   |Articles |News |مقالات |بيانات

03-10-2016, 10:15 AM

جمال ود القوز
<aجمال ود القوز
تاريخ التسجيل: 25-01-2013
مجموع المشاركات: 4560

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: عبداللطيف حسن علي)


    Quote:
    يحدد ول مايحدد دا ماموضوعنا ، نحن في كيف انت تكون معيار للاخلاق




    ما اعتقد إنه في زول بيمثل معيار للأخلاق ..
    لكن كمان ما يجي أي زول ومن طرف ..
    يهد الثوابت وما توافق عليه المجتمع .. أياً كان موقعه ..
    وتكون حجته إنه مافي أي زول بيمثل معيار للاخلاق ..
    عشان كده انا أقول العايزه والمفروض ..
    على الآخرين يقبلوا مرغمين بي وجهة نظري دي .. !! ..
    ماأظن الامر يستقيم بهذه الصورة ..
    بعدين هل انت برضو تمثل مرجعية للأخلاق !! ..
    الكلام ده حجة داحضه وغير مستساعة ...
    بعدين إنت ممكن ببساطة تتخذ مجتمعكـ ..
    كمرجعية راجحة وكقاعدة مقبولة للأخلاق ..
    وباستقراء بسيط اكيد حتقدر تعرف أين موقع رأيكـ ..
    وهل هو متوافق مع ثوابت المجتمع ..
    الذي تعيش بين أفراده او مخالفة له ..
    طبعاً الماعاجبه قيم وأخلاق المجتمع الفلاني أو العلاني ..
    ممكن عادي ومن اليسير أن يغير مكان اقامته ..
    لكن كيف له ان يغير ثوابت مجتمع بي حاله ..
    فقط كون هذا المجتمع لا يوافق وجهة نظر يتبناها ..
    الاسهل أيهما ..
    ثم أنت ليه وضعت نفسكـ إنك المعني !! ..
    ( حتى وإن عنى صاحب البوست ذلكـ .. ) فهو لم يصرّح بأسماء ..
    بعدين مسألة التحديد التي ذكرتها أنا ..
    ليست بتلكـ المحدودية التي ترآءت لكـ ..
    أكيد المسالة اوسع شوية ..

    أوافق على انه منظومة الأخلاق سبقت أي دين ..
    بل أتى الدين ليتممها ..
    ده كلام انا قلته في مكان تاني لو انت متابع ..
    بعدين مسألة التكفير الإنت كل مره بتقولها دي ..
    ده كلام خطأ ..
    ما اظن في زول عاقل يقول لي زول إنت كافر ..
    تاكد لحظتها سيبوء بها القائل ..
    التكفير فتنه يجب تجنبها والحذر من الوقوع فيها ..

    بعدين اتواضع شوية يا عبد اللطيف يأخ ..
    وسيبكـ من حكاية أبلّعوا البوست ..
    والكلام الزي ده لأنه خصماً عليكـ ..
    وكان ما نقص منكـ فلن يزيدكـ ..
    ثم إنت عندك رؤية فلسفية معتبرة ..
    فلا تضيعها بالجدال والملاواه ..
    عشان الناس تقدر تستفيد منكـ ..
    وأنا أحد هؤلاء بلا شكـ ..


                   |Articles |News |مقالات |بيانات

03-10-2016, 10:31 AM

ahmedona
<aahmedona
تاريخ التسجيل: 08-01-2013
مجموع المشاركات: 6240

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: جمال ود القوز)

    الرويبضة إستفن ....

    Quote: ما هي الاسس المادية للاخلاق؟؟؟




                   |Articles |News |مقالات |بيانات

03-10-2016, 10:52 AM

عبدالحفيظ ابوسن
<aعبدالحفيظ ابوسن
تاريخ التسجيل: 24-06-2013
مجموع المشاركات: 20279

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: ahmedona)

    رغم انو الاخلاق سابقة للاديان المرسلة إلا ان الدين ضامن للاخلاق
    ومُحفز عليها
    الانسان المتدين بصدق بالضرورة هو شخص علي خُلق .
                   |Articles |News |مقالات |بيانات

03-10-2016, 11:09 AM

عبداللطيف حسن علي
<aعبداللطيف حسن علي
تاريخ التسجيل: 21-04-2008
مجموع المشاركات: 7381

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: عبدالحفيظ ابوسن)

    يا جمال القوز

    انت مش ربيت حمام وقلت فيهو الكلام المانكتب ؟!

    مجتمع الحمام بيمارس الحب قدامك انت المربي ، في اليونان تجي ماشي في حديقة

    تلقي كل الناس اتنين اتنين ، فرح يتكلم بلغتين !

    وتجي جوبا تلقي المندارة البت ماشة من غير ستيانة ، ونهودها واقفة لمبة تصطدم باخلاقك انت

    الماشفت جنس دا ، تقوم تتعاور ول تحترم قيمهم واخلاقهم ، المعايير تختلف ولكن الاحترام سيد الموقف

    عندما يوجد القانون الذي ينظم كل هذا التعدد دون ان يعتدي احد علي الاخر ، مع وجود الحريات الاساسية للبني ادم

    وفق ماهو مشروع بقانون انساني محترم .....
                   |Articles |News |مقالات |بيانات

03-10-2016, 12:09 PM

علاء سيداحمد
<aعلاء سيداحمد
تاريخ التسجيل: 28-03-2013
مجموع المشاركات: 6852

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: عبداللطيف حسن علي)

    Quote: الدين لا دخل له بالأخلاق


    الهدف من الدين وارسال الرسل لايـراد الدين لذاته انمـــا لترقية وتغيير قيم ومثل واخلاق الناس الى الافضل
    ودونك * الدين المعاملة * = انما بُعثت لاتمم مكارم الاخلاق =

    قال تعالى : {
    Quote: هُوَ الَّذِي بَعَثَ فِي الْأُمِّيِّينَ رَسُولًا مِنْهُمْ يَتْلُو عَلَيْهِمْ آيَاتِهِ وَيُزَكِّيهِمْ وَيُعَلِّمُهُمُ الْكِتَابَ وَالْحِكْمَةَ وَإِنْ كَانُوا مِنْ قَبْلُ لَفِي ضَلَالٍ مُبِينٍ
    } 2 الجمعة
                   |Articles |News |مقالات |بيانات

03-10-2016, 03:36 PM

Haytham Ghaly

تاريخ التسجيل: 20-01-2013
مجموع المشاركات: 3908

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: علاء سيداحمد)


    يا الهندي

    امشي اقرأ البوست داك كويس وتعال نبذ زي ما انت عايز

    وحاول ركز شوية في الاسماء عشان تنسب الاراء لاصحابها


    يا كافي البلا حتى القراية دي ما قادرين تقروها صاح

    الفهم خليناهو اقرا صاح بس يا هندي
                   |Articles |News |مقالات |بيانات

03-10-2016, 03:42 PM

وضاحة
<aوضاحة
تاريخ التسجيل: 16-01-2005
مجموع المشاركات: 8989

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: Haytham Ghaly)

    بالله يا جلال في سودانين ملحدين
    اول مرة اعرف كدة
    وديل اتربوا في اسر ملحدة ولا غيروا بعد كبرو !!!
    نسال الله العفو والسلامة
                   |Articles |News |مقالات |بيانات

03-10-2016, 04:10 PM

حمد عبد الغفار عمر
<aحمد عبد الغفار عمر
تاريخ التسجيل: 06-06-2008
مجموع المشاركات: 7541

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: Haytham Ghaly)

    سلام يا عبد اللطيف ما دام نحن متفيقن على اختلاف مرجعيات الأخلاق يبقى ما عندي رأي في الكوت لأنو بمثل رأي صاحبو وهو منطلق من مرجعيتو وأنا بختلف مع جلالدونا في إنو الدين ليس بمرجع للأخلاق يمثل كافة الناس لاختلاف الناس حول الدين نفسو (أي دين) وأيضا لا يوجد عدم أخلاق مطلق وانما أخلاقية فعل بحددو الفعل نفسو وظروف حدوثو مثال لو في بت متدينة ومنقبة قاعدة في كرسي وعندها سندويتش وبعدها بعشرة أمتار قاعدة بت عارية وعندها سندويتش جاء طفل رث الحال يتضور جوعا مد يده للمنقبة ضربتو ونهرتو بتقزز خلاها مشى للعارية ضمتو عليها بحنان وأدتو السندويتش كلو هنا العقل والغريزة بتفقو على أخلاقية فعل العارية وعدم أخلاقية فعل المنقبة بغض النظر عمن هن طيب لو مشيت بكرة دخلت جمعية مكافحة ال ر زيلة لقيت المنقبة رئيسة الجمعية بعدها مشيت جمعية حرية الجنس لقيت العارية رئيسة الجمعية لكثير من الناس الوضع بختلف وبكون معكوس من حيث تقييم أخلاق أي من البنتين لكن ما بكون في إجماع لأنو قد تدخل قناعات الحرية والتشدد الخ ,وهنا بكون تأثير المرجعية والعقل، غير في الحالة الأولى البكون فيها الاجماع على التصرف بالغريزة الإنسانية وهي دائما سليمة وتلقائية إذن الأخلاق وعدم الأخلاق ما شيئ مطلق متعلق بشخص معين انما مرتبط بالحدث ومعايير تقييمه لحظة وقوعه ودلالات وقوعه

    (عدل بواسطة حمد عبد الغفار عمر on 03-10-2016, 04:14 PM)

                   |Articles |News |مقالات |بيانات

03-10-2016, 04:52 PM

عبداللطيف حسن علي
<aعبداللطيف حسن علي
تاريخ التسجيل: 21-04-2008
مجموع المشاركات: 7381

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: حمد عبد الغفار عمر)

    وديل اتربوا في اسر ملحدة ولا غيروا بعد كبرو !!!

    ـــــــــــــــــــــــــــ

    طبعا بعد كبروا ، دي ماعايزة سؤال

    المشكلة مافي الالحاد بس ، دا مستوي فلسفي عالي جدا

    كدي شوفي لينا فاطنة شاش اولا
                   |Articles |News |مقالات |بيانات

03-10-2016, 05:05 PM

عبداللطيف حسن علي
<aعبداللطيف حسن علي
تاريخ التسجيل: 21-04-2008
مجموع المشاركات: 7381

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: عبداللطيف حسن علي)

    Quote: سلام يا عبد اللطيف ما دام نحن متفيقن على اختلاف مرجعيات الأخلاق يبقى ما عندي رأي في الكوت لأنو بمثل رأي صاحبو وهو منطلق من مرجعيتو وأنا بختلف مع جلالدونا في إنو الدين ليس بمرجع للأخلاق يمثل كافة الناس لاختلاف الناس حول الدين نفسو (أي دين) وأيضا لا يوجد عدم أخلاق مطلق وانما أخلاقية فعل بحددو الفعل نفسو وظروف حدوثو مثال لو في بت متدينة ومنقبة قاعدة في كرسي وعندها سندويتش وبعدها بعشرة أمتار قاعدة بت عارية وعندها سندويتش جاء طفل رث الحال يتضور جوعا مد يده للمنقبة ضربتو ونهرتو بتقزز خلاها مشى للعارية ضمتو عليها بحنان وأدتو السندويتش كلو هنا العقل والغريزة بتفقو على أخلاقية فعل العارية وعدم أخلاقية فعل المنقبة بغض النظر عمن هن طيب لو مشيت بكرة دخلت جمعية مكافحة ال ر زيلة لقيت المنقبة رئيسة الجمعية بعدها مشيت جمعية حرية الجنس لقيت العارية رئيسة الجمعية لكثير من الناس الوضع بختلف وبكون معكوس من حيث تقييم أخلاق أي من البنتين لكن ما بكون في إجماع لأنو قد تدخل قناعات الحرية والتشدد الخ ,وهنا بكون تأثير المرجعية والعقل، غير في الحالة الأولى البكون فيها الاجماع على التصرف بالغريزة الإنسانية وهي دائما سليمة وتلقائية إذن الأخلاق وعدم الأخلاق ما شيئ مطلق متعلق بشخص معين انما مرتبط بالحدث ومعايير تقييمه لحظة وقوعه ودلالات وقوعه


    مية المية ياحمد ريحتني جدا
    1-الاخلاق لها منشا غريزي ودوافع ذاتية

    2- مرتبطة بالحدث ومعايير تقييمه لحظة وقوع الحدث

    يمكن ان نضيف استدعاء مواقف مشابهة في التجربة الانسانية وانماط السلوك لدي وسط اجتماعي محدد

    مداخلة جديرة بالتوقف والتامل عندها ....

    فعلا حمد لبد ههههه
                   |Articles |News |مقالات |بيانات

03-10-2016, 05:58 PM

Haytham Ghaly

تاريخ التسجيل: 20-01-2013
مجموع المشاركات: 3908

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: عبداللطيف حسن علي)

    تاااني بنصحك يا الهندي تمشي تقرا البوست كويس

    غير كدا ما عندي ليك حاجة

    لانو ما اظن لديك ما يستحق عناء الرد
                   |Articles |News |مقالات |بيانات

03-10-2016, 08:54 PM

محمد حيدر المشرف

تاريخ التسجيل: 20-06-2007
مجموع المشاركات: 19298

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: جلالدونا)

    سؤال الدين والاخلاق هو سؤال فلسفي إجتماعي لا يفترض التماهي التام من ناحية ولا التقاطع الصريح من ناحية أخرى .. كثير من الخطايا الانسانية ارتكبت بمعزل عن الدين .. والعكس صحيح,

    اذن لا تماهي هناك ولا قطيعة ولكن, لكل مجتمع معينه الاخلاقي حتما, وبحيث تكون الأخلاق منتج شديد الخصوصية ..لذلك ترى ان للدين في أحد المجتمعات اثرا كبيرا في تشكيل وتكوين المنظومة الاخلاقية .. بينما لا يكون الدين حاضرا بقوة في مجتمعات أخرى ..

    اذن !!
    ماذا عن موقع السادة المثقفين من المنظومات الاخلاقية المتواطأ عليها سلفا في مجتمعاتهم .. وهل تكون المقاطعة والخروج خيارا راشدا ؟! شأؤوا أم أبوا يمثل الدين المعين الاخلاقي لمجتمعاتهم ..

    الحكمة ضالة الملحد كما المؤمن .. هي ضالة الجميع ليضطلعوا بمسؤولياتهم المجتمعية\الوطنية

    (عدل بواسطة محمد حيدر المشرف on 03-10-2016, 08:56 PM)

                   |Articles |News |مقالات |بيانات

03-10-2016, 09:21 PM

عبدالحفيظ ابوسن
<aعبدالحفيظ ابوسن
تاريخ التسجيل: 24-06-2013
مجموع المشاركات: 20279

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: محمد حيدر المشرف)

    مرحبا عبدالعظيم مكي
    وحبابك
    لدي قناعة راسخة ان نجعل من حياة الرسول الكريم منهجا للسلوك الانساني الراقي .. حياته صلي الله عليه وسلم . واحاديثه التي تحض علي كريم الخصال
                   |Articles |News |مقالات |بيانات

03-10-2016, 09:40 PM

أبوبكر عباس
<aأبوبكر عباس
تاريخ التسجيل: 04-03-2014
مجموع المشاركات: 1446

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: عبدالحفيظ ابوسن)

    كدا الموضوع أخد بعد فلسفي؛
    باقي لي بقى صعب شويّة علي ناس "الفي بطنو بطحا"
                   |Articles |News |مقالات |بيانات

04-10-2016, 04:07 AM

Haytham Ghaly

تاريخ التسجيل: 20-01-2013
مجموع المشاركات: 3908

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: أبوبكر عباس)


    Quote: كدا الموضوع أخد بعد فلسفي؛



    هو صاحب الموضوع زااااتو وينو؟؟؟؟


    البوست شكلو إتسبل .. تكية وصاحبا غايب


    بين ثنايا الردود دائماً تبرز الاخلاق الحقيقية عند كل منا

    تمعن فيها وشوف دوافع الرد اكيد حا تعرف من اين اتى سوء الخلق لصاحب الرد

    ثمة تناقضات خرافية تتضح في مثل هذه المواضيع
                   |Articles |News |مقالات |بيانات

04-10-2016, 04:19 AM

عبد الصمد محمد
<aعبد الصمد محمد
تاريخ التسجيل: 12-12-2004
مجموع المشاركات: 375

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: Haytham Ghaly)

    أعتقد أن من الأخلاق ما هو ثابت وما هو نسبي وأن من الصعب التمرد على الأخلاق الراكزة في المجتمع إلا من وراء حجاب لأن العواقب عنيفة ولا أذكر كثيرون إمتلكوا الشجاعة مثلاً لسب الدين في وجود الأب أو في مكان عام لأنه في العرف بتاع المجتمعات المسلمة كبيرة من الكبائر ولكن يسهل فعل ذلك في القعدات الخاصة ومنابر النت المتعددة
    ياخ نحن عندنا أن قبلة منك لمن تحب قبل زواجها تعتبر كبيرة وأتحدى كل من يجاهرون بما هو خارج عن الثوابت الأخلاقية للمجتمع أن يمتلكوا من الشجاعة الثورية وبداية حركة البيان بالعمل
                   |Articles |News |مقالات |بيانات

04-10-2016, 04:36 AM

Haytham Ghaly

تاريخ التسجيل: 20-01-2013
مجموع المشاركات: 3908

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: عبد الصمد محمد)

    Quote: ياخ نحن عندنا أن قبلة منك لمن تحب قبل زواجها تعتبر كبيرة


    هههههههههههه


    قبلة مرة واحدة كدا يا عبدالصمد

    ياخ نحنا الحب زااااتو عندنا كبيرة من الكبائر

    ولا تستطيع المجاهرة به


    تحياتي
                   |Articles |News |مقالات |بيانات

04-10-2016, 05:00 AM

عبدالحفيظ ابوسن
<aعبدالحفيظ ابوسن
تاريخ التسجيل: 24-06-2013
مجموع المشاركات: 20279

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: Haytham Ghaly)

    اظنو في قيم اخلاقية ثابتة كما اسلفت
    والقيم متجددة غصبا عننا بتجدد المجتمع .. ما يراه الناس شاذا اليوم سيعتادون عليه غدا .
    ولكن عموما اظن كل القيم التي ترتقي بإنسانية الشخص تظل ثابته .
    زمان ونحن صغار في كوستي مثلا بنخجل لامن نلبس البنطلون . وما بتلقي ليك بت بعد سن المراهقة ما لابسة توب .. اكل اللبان للذكور خيابة
    في شباب لبسو البنطلون وفي بنات مالبسن التوب .. هل البنات المالبسن التوب زمان ####################ات مثلا ولا كان عندهن نظرة مختلفة واثبتنها بالسلوك الشخصي !؟
    ونجي هسة ياتو قيمة نحن بننظر ليها بشكل مختلف ونقيم الانسان بيها وبعد كم سنة تبقا قيمة مقبولة وسائدة
    ف شنو
    حقو نناقش دون تصنيفات او تشخيص
                   |Articles |News |مقالات |بيانات

04-10-2016, 05:11 AM

Haytham Ghaly

تاريخ التسجيل: 20-01-2013
مجموع المشاركات: 3908

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: عبدالحفيظ ابوسن)

    Quote: زمان ونحن صغار في كوستي مثلا بنخجل لامن نلبس البنطلون . وما بتلقي ليك بت بعد سن المراهقة ما لابسة توب .. اكل اللبان للذكور خيابة



    حفيظ يا حفيظ سلامات وعوافي

    غايتو من الصور القديمة شفنا الشباب في الستينات والسبعينات لابسين البناطلين الشارلستون ومخنفسين الشعر

    والبنات كانوا بلبسو فساتين قصيرة وكط كمان وبسرحو آفرو

    وهذه ليست دلالة على سوء او حسن اخلاق فالمظهر الخارجي لا علاقة له باخلاق الناس

    كثيراً ما نجد شيخاً متجلبب ومتعمعم وملتحي ولكنه بلا اخلاق

    وقد تجد من يرتدي البرمودا والتشيرتات اديني حقنة ولابس حلق وسلسل زاتو لكن تجده صاحب اخلاق سامية ونبيلة

    اذاً المظهر لا يدل ابداً على نوعية اخلاق صاحبه

    تحياتي لك ولكوستي الجميلة
                   |Articles |News |مقالات |بيانات

04-10-2016, 05:35 AM

عبدالحفيظ ابوسن
<aعبدالحفيظ ابوسن
تاريخ التسجيل: 24-06-2013
مجموع المشاركات: 20279

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: Haytham Ghaly)

    وتحية ليك يا هيثم
    ولا امشي اتفرج في صور عرسان زمان .
    ولا رقيص العروس الفي الشارع
                   |Articles |News |مقالات |بيانات

04-10-2016, 05:35 AM

حمد عبد الغفار عمر
<aحمد عبد الغفار عمر
تاريخ التسجيل: 06-06-2008
مجموع المشاركات: 7541

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: Haytham Ghaly)

    صباح الخير
    مثال صريح آخر
    البت اللبست لبس السباحة الإسلامي في الساحل الفرنسي اعتبروا عملها غير أخلاقي والشرطة دخلت معاها في مشاكل لأنها بلبسها دا بتطعن ولو ضمنيا في العرف والتقليد الحاصل في الساحل وهو لبس البكيني ودي ثقافة مجتمع ليها مئات السنين في بلاد المسلمين بحصل العكس
                   |Articles |News |مقالات |بيانات

04-10-2016, 06:00 AM

عبدالحفيظ ابوسن
<aعبدالحفيظ ابوسن
تاريخ التسجيل: 24-06-2013
مجموع المشاركات: 20279

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: حمد عبد الغفار عمر)

    انت يا حمد
    مش ايلياء ابوماضي عندو قصيدة اسمها الطلاسم بقول فيها

    قد يصير الشوك إكليلا لملك أو نبّي
    ويصير الورد في عروة لص أو بغيّ

    ولا ابياتو
    لما سألت عن الحقيقة
    قيل لي الحق ما اجتمع السواد عليه
    فعجبت
    كيف ذبحت ثوري في الضحي
    والهند هناك ساجدة لديه
                   |Articles |News |مقالات |بيانات

04-10-2016, 07:04 AM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30883

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: عبدالحفيظ ابوسن)

    يا جلّي ..
    ياخي بوست زي دا ليس (من الأخلاق) فتحه بالطريقة دي وتركه دون توضيح من المقصود طالما اخترت عنوان يتحدّث عن ويصف (عضو) بمصيبة كبيرة زي دي
    إو على الأقل غيّر العنوان إن كنت حابب تسوقه في الإتجاه دا و ستصل الرسالة!

    دكتورة اخلاص لاحظت سحبك لمداخلاتك, أخشى أن يكون لهذا علاقة بتعليقي أنك اضفتي لطين طلاسم جلّي بلّة
    إن كان كذلك فلك اعتذاري و اسفي و سأحرص في المستقبل إن شاء الله على تجنّب التعليق أو الإشارة لمداخلاتك كان فهمتها أم لم افعل
                   |Articles |News |مقالات |بيانات

04-10-2016, 07:17 AM

Haytham Ghaly

تاريخ التسجيل: 20-01-2013
مجموع المشاركات: 3908

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: محمد البشرى الخضر)


    Quote: يا جلّي ..
    ياخي بوست زي دا ليس (من الأخلاق) فتحه بالطريقة دي وتركه دون توضيح من المقصود طالما اخترت عنوان يتحدّث عن ويصف (عضو) بمصيبة كبيرة زي دي
    إو على الأقل غيّر العنوان إن كنت حابب تسوقه في الإتجاه دا و ستصل الرسالة!

    دكتورة اخلاص لاحظت سحبك لمداخلاتك, أخشى أن يكون لهذا علاقة بتعليقي أنك اضفتي لطين طلاسم جلّي بلّة
    إن كان كذلك فلك اعتذاري و اسفي و سأحرص في المستقبل إن شاء الله على تجنّب التعليق أو الإشارة لمداخلاتك كان فهمتها أم لم افعل



    ود البشرى سلامات

    جلي شكلو كب الزوغة

    بيني وبينك احسن لانو شكلو فتح البوست في حالة انفعال وجاي مكفكف ومفكفك زراريو وزول شكل تب

    لكن الحمد لله لعن شيطانو ونفض للموضوع

    من ناحية دكتورة اخلاص ما تتحسس يا حساس دكتورة اخلاص قارئة حصيفة كما انها كاتبة احصف

    فما اظن تضع كلامك في غير سياقه



    بالجنبة كدا

    صورتك دي قبل تدق علامة الصلاة وللا ما ظاهرة مالا
                   |Articles |News |مقالات |بيانات

04-10-2016, 06:54 AM

Adrob abubakr

تاريخ التسجيل: 10-05-2006
مجموع المشاركات: 3895

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: حمد عبد الغفار عمر)

    ما عارف لكن شاف هنا في خلط كبير بين العادة (كتقليد) والأخلاق كقيمة, يا ريت الناس لو تجتهد في التمييز بيناتهم. . . .

    قلما يختلف الناس حول معايير القيم الأخلاقية وحول مدي أهميتها وضروريتها المجتمعية, ولكن قبولهم أو رفضهم لها ربما بالنظر إلي مثاليتها

    أو بسبب تقييدها لحريتهم الشخصية خاصة إذا كانت مفروضة عليهم. . . . فماذا يفعل في هذه الحالة من يريد أن يمارس حقه في الإختلاف؟

    أفتكر ما في أحسن من التعقل والحكمة أو عدم المجاهرة بمخالفة القيم الثابتة (الشينة منكورة)

    وإن كان لابد من فأقلاها من دون تحدي أو تحقير


                   |Articles |News |مقالات |بيانات

04-10-2016, 07:07 AM

عبدالحفيظ ابوسن
<aعبدالحفيظ ابوسن
تاريخ التسجيل: 24-06-2013
مجموع المشاركات: 20279

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: Adrob abubakr)

    كلام كويس ادروب
    المواجهة محفوفة بالمخاطر جدا
    شوف بنقرأ مرات عن سيرة اناس عظماء ونُعظم من شأن تحديهم للقيم والعادات وثباتهم . وبنقراها
    وتحدي القيم والعادات البالية رغم محاربة المجتمع له وكان سابقا لزمنه
    شوف الكرم كقيمة ثابتة من الازل
    عندنا هنا في السودان
    الكرم انك تُطعم الضيف
    هسة لو جاني ضيف وضبحت ليهو عتود والدم قدام خشم الباب
    ولا مشيت جبت ليهو كبدة ولحمة شية وسنكيت وسمك وجداد وفواكهه وغيرو
    مع الاخذ في الاعتبار تكلفة الاتنين وقيمتهم الغذائية وتنوعهم . بشوف الاكرام وين ؟
    في العتود البياكلو شية ومرارة وام رقيقة وكمونية ولا في الاكل التاني
    قيم الكرم زاتها مختلف فيها رغم ثباتها من حيث السلوك
                   |Articles |News |مقالات |بيانات

04-10-2016, 08:10 AM

ابراهيم تون

تاريخ التسجيل: 15-08-2007
مجموع المشاركات: 260

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: عبدالحفيظ ابوسن)

    موضوع غريب
    اعتقد انو الانسان الملحد عايش في فكر عالي جدا
    ويتخيل اشياء بعيدة لا يتصورها العقل ويفكر حسب
    فهمو ورؤيتو الي الحياة .
    لكن عندما يتقدم به العمر ويصل الي الضعف وتقل قواة
    ينظر الي عطف الاخر ثم يفكر في الكون من اول وجديد
    ويجد انه كان علي ضلال .
                   |Articles |News |مقالات |بيانات

04-10-2016, 07:24 AM

Adrob abubakr

تاريخ التسجيل: 10-05-2006
مجموع المشاركات: 3895

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: Adrob abubakr)

    أبوبكر عباس
    ناس "الفي بطنو بطحا"
    عادة الشرطة تعمل بهذا المثل لتعقب مرتكب الجريمة, بناء علي فرضية أن الفاعل يتردد لموقع الجريمة ليبعد عنه شبهة الإتهام

    أو أنه لا يحضر إطلاقا رغم قربه من الموقع. . . .
    عشان كدة أعتقد فرانكلي برضو, لما بينه وبين جلادونا, برضو داخل في الحتة ده !

    نحن طبعا في السودان لما نقول عن واحد "ده ما عنده أخلاق" غالبا نقصد بيها أنه عصبي لا أكثر

    والحتة ده تعمل مشاكل سوء تفاهم لكثيرين لما يطلعوا بر البلد
                   |Articles |News |مقالات |بيانات

04-10-2016, 07:36 AM

Adrob abubakr

تاريخ التسجيل: 10-05-2006
مجموع المشاركات: 3895

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: Adrob abubakr)

    الاستاذ أبو سن
    قيم الكرم زاتها مختلف فيها رغم ثباتها من حيث السلوك

    بالضبط, عشان كدة ما أظن الناس تختلف حول قيمة المثل الأخلاقية, بقدر ما ممكن تختلف في تفاصيلها ومستوي العمل بيها
                   |Articles |News |مقالات |بيانات

04-10-2016, 08:03 AM

أبوبكر عباس
<aأبوبكر عباس
تاريخ التسجيل: 04-03-2014
مجموع المشاركات: 1446

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: Adrob abubakr)

    يا أدروب، مسرح جريمة شنو؟ " رب المجرات" يرضى عليك!
    لو قلت ليك انو مداخلتي الأولى قصدي منها مساعدة جلال بعدم الاستمرار في البوست، بتصدق؟
    شنو المشكلة لو فتح بوست وصفني بيهو بعدم الأخلاق؟
    ح يزيد شنو؟
    الاسابيع الفاتت كان كل يوم في بوست احتقار باسمي
    "ورب المجرات" حاولت اساعدو
                   |Articles |News |مقالات |بيانات

04-10-2016, 08:20 AM

طلحة عبدالله

تاريخ التسجيل: 14-09-2007
مجموع المشاركات: 15449

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: أبوبكر عباس)

    غايتو لو ما دققت كويس في البوست
    ح تفتكر انو بتاع أخونا جرجير حفظه الله ..
    معقولة ؟؟
    مستلمو على حسابو تنظيرا ومطا وجرجرة
    وخارم بارم .
                   |Articles |News |مقالات |بيانات

04-10-2016, 08:34 AM

معاوية المدير
<aمعاوية المدير
تاريخ التسجيل: 24-03-2009
مجموع المشاركات: 13050

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: طلحة عبدالله)

    Quote: جلي شكلو كب الزوغة

    حباب الغالي ود الغالي.
    البجبر بخاتر الناس ما بيكب الزوغة يا ود الغالي...
                   |Articles |News |مقالات |بيانات

04-10-2016, 08:54 AM

Haytham Ghaly

تاريخ التسجيل: 20-01-2013
مجموع المشاركات: 3908

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: معاوية المدير)


    Quote: حباب الغالي ود الغالي.
    البجبر بخاتر الناس ما بيكب الزوغة يا ود الغالي...



    اوووو حبيبنا ود المدير

    يا زول عامل كيف بعد الحقنة إياها عساك طيب وما تشوف شر

    احسن حاجة البوست دا يبقى للمطايبة طالما اتسبل وسيدو اتبرأ منو

    لكن عليك رب المجرات يا ود المدير اتمعن في بيوت الشعر دي شن قالت


    «والمرءُ بالأخلاقِ يسمو ذكْرهُ . . . . وبها يُفضلُ في الورى ويوقرُ

    وقد ترى كافراً في الناسِ تحسَبُهُ . . . . جهنمياً ولكنْ طَيُّةُ الطهرُ

    وقد ترى عابداً تهتزُّ لحيتُه . . . . وفي الضميرِ به من كفرهِ سَقرُ

    أوغلْ بدنياكَ لا تنسَ الضميرَ ففي . . . . طياتِه السرُ عندَ اللّهِ ينحصرُ»


    والله كلام
                   |Articles |News |مقالات |بيانات

04-10-2016, 08:27 AM

Adrob abubakr

تاريخ التسجيل: 10-05-2006
مجموع المشاركات: 3895

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: أبوبكر عباس)

    قصدي منها مساعدة جلال بعدم الاستمرار في البوست، بتصدق؟

    طبعا مصدقك يا أبوبكر, وأنا ما فهمت من مداخلتك أنك قاصد نفسك, ولا أنا قصدتك إنت طبعا

    إنما إقتبست المثل الذي أوردته أنت, عشان نفكك لغز جلال, ونعرف من يقصدهم


    أنا معاك أن الإستمرار في هذا الطريقة (المطاعنة) ليس جيدا إطلاقا !
                   |Articles |News |مقالات |بيانات

04-10-2016, 08:47 AM

معاوية المدير
<aمعاوية المدير
تاريخ التسجيل: 24-03-2009
مجموع المشاركات: 13050

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: Adrob abubakr)

    Quote: كيف ذبحت ثوري في الضحي
    والهند هناك ساجدة لديه

    مهما كان عدم إيمان الشخص بالشئ فلا يصح الإستهزاء به
    خاصةً أمام الشخص الذي يؤمن به، في هذه الحالة يعتبر
    الإستهزاء قِلة أدب وعدم اخلآق، واللآ مُو كدي يا ابوبكر
    المستنير ؟، السبب شنو الخلآك تشُك في إنّك المعني
    بالبوست ؟.
    مُش إنت الأشرت لله سبحانه وتعالي بقولك، الزول دا ؟،
    مُش إنت القلت عن أُختك التي فارقت الحياة، أُختي الفطيسة ؟،
    إذاً إنت ما عندك اخلآق ولو كنت انا صاحب البوست لعنيتك به ...
                   |Articles |News |مقالات |بيانات

04-10-2016, 11:40 AM

عبدالحفيظ ابوسن
<aعبدالحفيظ ابوسن
تاريخ التسجيل: 24-06-2013
مجموع المشاركات: 20279

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: معاوية المدير)

    فعلا ود المدير
    حتي كعرف سوداني يقولو ليك
    دق الكلب قدام سيدو حقارة
    مع ملاحظة قيمة الكلب ومعناهو في الثقافة السودانية
                   |Articles |News |مقالات |بيانات

04-10-2016, 11:55 AM

عبدالغني محمد الحاج

تاريخ التسجيل: 25-06-2005
مجموع المشاركات: 599

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: عبدالحفيظ ابوسن)


    شهادة لله جلي دا من الناس البقو فاكهة البورد وأتمنى لو كان البوست هدفه مواجهة أن يستمر جلى في الإكتفاء بما كتب ولو كان غير ذلك الإضافة لأنه البوست ماشي في إتجاه ممتاز وخلق نقاش ما كلن من السهل يتخلق في أي مكان فقد جذبنا العنوان لأن البشر يشترك للأسف مع الحشرات في إنجذابه للألوان الساطعة وما عايز أقول للذباب وإنجذابه للفطائس. هسع البوست دا لو كان عنوانه كلمة واحدة هي الأخلاق ما كان دخلوه الناس ديل كلهم رغم أن لجلي قاعدته الجماهيرية وأهم من دا كله إنه البوست فتح نقاشات مفيدة جداً عن قيمة الأخلاق
                   |Articles |News |مقالات |بيانات

04-10-2016, 01:20 PM

جمال ود القوز
<aجمال ود القوز
تاريخ التسجيل: 25-01-2013
مجموع المشاركات: 4560

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: عبدالغني محمد الحاج)


    Quote:
    موضوع غريب
    اعتقد انو الانسان الملحد عايش في فكر عالي جدا
    ويتخيل اشياء بعيدة لا يتصورها العقل ويفكر حسب
    فهمو ورؤيتو الي الحياة .
    لكن عندما يتقدم به العمر ويصل الي الضعف وتقل قواة
    ينظر الي عطف الاخر ثم يفكر في الكون من اول وجديد
    ويجد انه كان علي ضلال .


    اخونا ابراهيم .. منور يأخ ..
    وشاكرين لاطلالتكـ هذه ..
    عارف كلامكـ ده ياهو الحاصل بالظبط ..
    الانسان الملحد بيتوهم إنه خياله هو المكّون الأساسي للواقع الذي يعيشه ..
    فينتج خياله صورة لا تمت للواقع بصله ..
    يتقدم به العمر .. تخبؤ الشهوات .. يقل بصره .. ينحني ظهره ..
    يبدأ يبحث عن من يساعده ..
    من هنا تبدأ رحلة لبحث عن الحقيقة ..
    وتذهب السكرة ثم تاتي الفكرة ..
    ويتوصل في تسلسل عكسي في بحثه عن الحقيقة الغايبة أو التي غيّبها عقله ..
    الذي كان يتخذ قوته وقدرته وشهوته مرتكزا ..
    فحين يزول عنه كل ذلكـ ..
    يطفق عائداً لمربع واحد ..
    ويبدأ من اول وجديد بحثاً عن الحقائق الغائبة عنه ..
    عشان كده اعتقد جازماً إنه الناس سابقنه من الاول ..
    لأنهم علموا الحقيقة التي كانت غائبة عنه ..
    الالحاد مرحلة متأخرة جداً من التخلف الفكري ..
    وإن بدا خلاف ذلك .. لانها جلها تهويمات واصطناع لحقيقة لا وجود لها ..
    في ظل واقع لا يراه ..
    حتى يصطدم به ..
    حينها فقط يبدا تفكيره بالتراتيبية القهقرية ليعمل كنه الحقيقة ..
    أن لهذا الكون إله وأنه وتفكره ذره في هذا المحيط ..
    عجره هو الذي يعلمه ..

    وعن واقع .. زول كان لايؤمن بشيء ..
    لا دين .. لا صلاة .. يؤمن بمنتوج عقله وحسب ..
    يتوهم أن كل هذا الكون يدور في فلك فكره ..
    حينما كبر ووهن منه العظم .. أصبح يفكر في حاله ..
    ويبحث عن من يعينه .. فبان عجزه .. وعلم قلة حيلته ..
    وهوانه .. أدرك حينها الحقيقة نفسها ..
    والتي كان يعلمها الناس من عشرات السنين
    علم انه غير متقدم على الناس فكراً كما كان يتوهم ..
    علم الحقيقة الماثلة امامه والتي يراها هو لا غيره ..
    علم انه متقدم في السن وحسب ..

    الالحاد يا ابراهيم وقود اشتعاله..
    شهوات .. وشباب جامح .. وجنوح عن الجادة ..
    خلا ذلكـ كله أوهام وحقيقة زائفة لا علاقة لها بالواقع ..
    الانسان كائن روحاني ..
    وروحه هي التي تغذي عقله ..
    إن تجرد من الروحانية أصبح جسد بلا روح ..
    فعاد لروحه ليستعيد جسده ..
    فأصبح يؤمن بان لهذا الكون إله ..
    هل تصدق لو قلت ليكـ الزول ده في الآخر بقى أنصار سنة !! ..
    ده الحصل ..
    لشد ما اعجبتني مداخلتكـ هذه اخونا ابراهيم تون ..



    معليش يا جماعة انا مستعجل شويه .. في زول منتظرني ..
    لو في اخطاء أملائية أو ترتيب أمسحوها لي في وشي ده .........
                   |Articles |News |مقالات |بيانات

04-10-2016, 04:00 PM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30883

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: جمال ود القوز)

    هيثمنا يا غالي
    Quote: ود البشرى سلامات

    جلي شكلو كب الزوغة

    بيني وبينك احسن لانو شكلو فتح البوست في حالة انفعال وجاي مكفكف ومفكفك زراريو وزول شكل تب

    لكن الحمد لله لعن شيطانو ونفض للموضوع
    معقول كدا, لا أظن!! لكن إن كان كذلك فا لازال هناك استحقاق (أخلاقي) بإزالة اللبس أو تعديل العنوان على الأقل, حتى لا يظن البعض ان المقصود فلان وعلان بلا أخلاق لهم وكدا
    لكن سمح الغنا في خشم سيدو, لذا ننتظر جلالدونا ونسمع منه قبل أن ننظّر ساي :)

    الصورة أظنّها قبل الغرّة, الغرّة إدقّت في سوق الغرير أيّام بوست علم ويرفرف لوتذّكر لمّا فرمل المعلّم مداخلات جادات و قام عمل فيها حردان وشبكنا منبر المعــــرّصين دا خليتو ليكن وكان بجي عاصر ضنبه وينبح من الفيس بووك , الأيّام ديك طلع بقصّة الغر’ دي في سودانت قبل يحظروه هناك كمان و يضطر يرجع لمنبر الهنايين القال عليهن دا
                   |Articles |News |مقالات |بيانات

04-10-2016, 04:06 PM

أبوبكر عباس
<aأبوبكر عباس
تاريخ التسجيل: 04-03-2014
مجموع المشاركات: 1446

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: محمد البشرى الخضر)

    الغريبة يا بشرى، اتا الشجعتها على المسح والكنس؟!

    "سلام فقط"
                   |Articles |News |مقالات |بيانات

04-10-2016, 04:01 PM

حامد بدري
<aحامد بدري
تاريخ التسجيل: 10-03-2013
مجموع المشاركات: 2587

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: جمال ود القوز)



    موضوع غريب
    اعتقد انو الانسان الملحد عايش في فكر عالي جدا
    ويتخيل اشياء بعيدة لا يتصورها العقل ويفكر حسب
    فهمو ورؤيتو الي الحياة .
    لكن عندما يتقدم به العمر ويصل الي الضعف وتقل قواة
    ينظر الي عطف الاخر ثم يفكر في الكون من اول وجديد
    ويجد انه كان علي ضلال .

    ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
    فطاحلة الالحاد كلهم لحظة الحشرجة وخروج الروح وفراش الموت قالوا نفس كلامك ده بالفعل واحد منهم قال لو اموت وانا مؤمن بوجود الله خير لي حتى اذا لم اجده من ان اموت واتفاجأ بوجوده بعد الممات
    الزلابيا ياودالبشرى ديل ميياكلنها حارة وقدامك وبي عسلا قال عريانة حضنتو ومنقبة طردتو لا خلاس ضربتونا في مقتل
    المتطرف الماركسي ولا الليبرالي مااقل خطورة من الداعشي
                   |Articles |News |مقالات |بيانات

04-10-2016, 04:21 PM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30883

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: حامد بدري)

    يا حامدنا الزلابيا دي تقوم مقام البالوظة و السلطانية عند المصريين وكدا يقال أكلّوه البالوظة أولبّسوه السلطانية وكدا
    الحاد القشرة و التحسيس دا ظاهر ابوي,كلمة السر فيه (إعمال العقل) و ( الكسل الذهني)
    فا شنو ما تنفعل شديد وتحرق رزّك دا الحاد سودانيزاونلاين ساي

    لا يا بكّور ما تاكلني حنك أنا شجّعتها على الكنس فقط لا المسح و في الكنس كنسك إنت تحديدا لأنّها خلّت ليك الموضوع و عملت بوست كامل للرد معناها ما دايرة معاك :)

    Quote: معليش يا جماعة انا مستعجل شويه
    الحالة مستعجل يا ود القوز!!
    معليش كا قدرت افوتها :)

    تنظير...
    يعني لازم تكتب اي كلامو السلام
    قلت ليك اكتفي بالقراية لما ما تلقى حاجة تكتبها, انت قايل بقلعوا منك الباسويرد:)
                   |Articles |News |مقالات |بيانات

04-10-2016, 04:41 PM

Haytham Ghaly

تاريخ التسجيل: 20-01-2013
مجموع المشاركات: 3908

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: محمد البشرى الخضر)

    الحالة مستعجل يا ود القوز!!
    معليش كا قدرت افوتها :)
    😂😂😂😂😂

    معليش يا ود القوز
    قبيل كنت عايز اكتب الكلام دا
    لكن خجلت والله
                   |Articles |News |مقالات |بيانات

04-10-2016, 04:55 PM

حمد عبد الغفار عمر
<aحمد عبد الغفار عمر
تاريخ التسجيل: 06-06-2008
مجموع المشاركات: 7541

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: محمد البشرى الخضر)

    يا حامد بدري
    ديل ميياكلنها حارة وقدامك وبي عسلا قال عريانة حضنتو ومنقبة طردتو لا خلاس ضربتونا في مقتل

    يا حامد يا أخوي انت منو ونحن منو
    أنا منطلقاتي لا الحاد ولا أديان انا بتكلم ليك عن حادثة بتحصل قدامك وتقييمها بغض النظر عن منو القام بيها الكلام عن الأفعال الأخلاقية وغير الإخلاقية للإنسان المجرد
    وأقول ليك انت مضروب في مقتل مضروب في مقتل عندك في عالمك الإسلامي الحرامي والقاتل والزاني والسكران والمختلس والمرتشي والشاتم واللاعن والنمام والعاريات الخ عدم الأخلاق وكلو بتم بأسم الإسلام وما تجي تقول لي ديل أقلية وما بمثلوا الإسلام

    الآن أغلبية
                   |Articles |News |مقالات |بيانات

04-10-2016, 06:36 PM

جمال ود القوز
<aجمال ود القوز
تاريخ التسجيل: 25-01-2013
مجموع المشاركات: 4560

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: حمد عبد الغفار عمر)



    ود البشرى .. هيثم ..
    الاستعجال ما كان في الكتابة ..
    لا ..
    الاستعجال كان في إني ما قدرت اراجع ..
    فاستعجلت لانه في زول كان منتظرني ..
    فاضطريت أعمل ارسال ..

    لو لاحظتو انا قلت لو في خطأ ..........

    ــــــــــــــــــــــــــــــــــــــــــــــــــــــــ

    عموماً .. خذوا راحتكم ..
    الحالة واحدة ..
    بعدين عجبتني الزاوية النظر بيها اخونا ابراهيم تون ..
    فما قدرت افوتها ..
    زيكم هسه ..



                   |Articles |News |مقالات |بيانات

04-10-2016, 07:35 PM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30883

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: جمال ود القوز)

    Quote: الحالة واحدة ..
    أكيد يا حبيب وإلاّ كان فوّتها :)
    وازيدك من الشعر بيت كمان
    انت المتّاري * الوحيد البقراك بالسهم و الاسبيس, الباقين كلهم بالسكرول داون

    ____________________________

    * متّاري: يكتب بالمتر
                   |Articles |News |مقالات |بيانات

04-10-2016, 08:19 PM

معاوية المدير
<aمعاوية المدير
تاريخ التسجيل: 24-03-2009
مجموع المشاركات: 13050

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: محمد البشرى الخضر)

    (* متّاري: يكتب بالمتر).

    ما فضلّك إلآ تبقى ابو القاسم قور...
                   |Articles |News |مقالات |بيانات

05-10-2016, 01:01 AM

اخلاص عبدالرحمن المشرف
<aاخلاص عبدالرحمن المشرف
تاريخ التسجيل: 04-03-2014
مجموع المشاركات: 2124

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: معاوية المدير)

    الاخ محمد البشري الخضر
    تعليقك ما له دخل و رائك دومآ لدي مقدر وهذا بعد متابعة دقيقة لما تكتب ،
    يعني تقدير انت مستحق له ، لن يضيف ما كتبت شئ هذا كل ما في الامر
                   |Articles |News |مقالات |بيانات

05-10-2016, 04:48 AM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30883

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: اخلاص عبدالرحمن المشرف)

    شكرا يا دكتورة على التوضيح الواحد شكلو بقى حسّاس اكتر من اللازم.


    ود المدير: قلت لي ابو القاسم قور ههه, إيه رأيك جا على بالي وانا بقرأ تعليقك دا
    Quote: مهما كان عدم إيمان الشخص بالشئ فلا يصح الإستهزاء به
    خاصةً أمام الشخص الذي يؤمن به، في هذه الحالة يعتبر
    الإستهزاء قِلة أدب وعدم اخلآق
    فتأمّل
                   |Articles |News |مقالات |بيانات

05-10-2016, 05:10 AM

معاوية المدير
<aمعاوية المدير
تاريخ التسجيل: 24-03-2009
مجموع المشاركات: 13050

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: محمد البشرى الخضر)

    Quote:
    ود المدير: قلت لي ابو القاسم قور ههه, إيه رأيك جا على بالي وانا بقرأ تعليقك دا


    حالي دا ما عندي ولا رُبُع Dقرِرِي في الفلفصة،
    تصدق...
                   |Articles |News |مقالات |بيانات

05-10-2016, 05:27 AM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30883

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: معاوية المدير)

    Quote: رُبُع Dقرِرِي في الفلفصة
    ما فهمتها الله يسألني..
    وكن ما اخاف الكضب إت زاتك ما فهمت تعليقي, خلّني اشرحوا ليك:
    انت تقول أن الإستهزاء بإيمان الشخص الآخر - وإن كنت لا تؤمن به - أمامه عدم أخلاق, سمح وكت عارف كدي مالك بتستهزأ إيمان بقور بالبشير بتاع الكرامة الإفريقية!

    إنت وين جلّي؟ معقول يخلّي الحلّة دي تقلب تضرب كدي ولا يجي يدّيها سوطة :)
                   |Articles |News |مقالات |بيانات

05-10-2016, 05:28 AM

Haytham Ghaly

تاريخ التسجيل: 20-01-2013
مجموع المشاركات: 3908

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: معاوية المدير)


    يا أبو الجل

    شنو يا فردة .. شايفك تشرق وتغرب بي جنب بوستيك دا

    تعال يا انسان قولنا من هو هذا العضو خالي الاخلاق

    تعاااال قبل السنين تجري
                   |Articles |News |مقالات |بيانات

05-10-2016, 05:58 AM

معاوية المدير
<aمعاوية المدير
تاريخ التسجيل: 24-03-2009
مجموع المشاركات: 13050

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: Haytham Ghaly)

    Quote: ما فهمتها الله يسألني..
    وكن ما اخاف الكضب إت زاتك ما فهمت تعليقي, خلّني اشرحوا ليك:
    انت تقول أن الإستهزاء بإيمان الشخص الآخر - وإن كنت لا تؤمن به -
    أمامه عدم أخلاق, سمح وكت عارف كدي مالك بتستهزأ إيمان بقور
    بالبشير بتاع الكرامة الإفريقية!

    حصافتك حصلها شنو ؟. أنا قايلك بتقصد إني إتفلسفت اكتير من اللآزم،
    والراجل عندو حاجات كتيرة في الفلسفة، عموماً شكراً لك إذ ذكرتني
    ما نُسيت.
    يا عمّك ديّك كرآمة بتاعت بليلة ساكت.
                   |Articles |News |مقالات |بيانات

05-10-2016, 07:20 AM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30883

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: معاوية المدير)

    العفو ياخ المؤمن مرآة أخيه
    بعدين بليلة و لاّ لوبا المهم هو مؤمن بيها يبقى لا تستهزأ بيها قدّامه - حسب قولك هذا ليس من الأخلاق :)
                   |Articles |News |مقالات |بيانات

05-10-2016, 08:12 AM

ابراهيم تون

تاريخ التسجيل: 15-08-2007
مجموع المشاركات: 260

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: محمد البشرى الخضر)

    مشكور جمال ودالقوز
    لكن هذة هي الحقيقة التي لا يعرفها البعض
    انظر الي اي علماني تجده عايش في فكر عالي جدا جدا
    لكن انا اعتبرها نزوه او فكر زايد عن اللازم هي فترة زمنية محددة
    عندما يصل الي درجة النقصان في كل شئ يبدا في ترتيب افكاره
                   |Articles |News |مقالات |بيانات

05-10-2016, 02:51 PM

عبداللطيف حسن علي
<aعبداللطيف حسن علي
تاريخ التسجيل: 21-04-2008
مجموع المشاركات: 7381

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: ابراهيم تون)

    موضوع غريب
    اعتقد انو الانسان الملحد عايش في فكر عالي جدا
    ويتخيل اشياء بعيدة لا يتصورها العقل ويفكر حسب
    فهمو ورؤيتو الي الحياة .
    لكن عندما يتقدم به العمر ويصل الي الضعف وتقل قواة
    ينظر الي عطف الاخر ثم يفكر في الكون من اول وجديد
    ويجد انه كان علي ضلال .
    ــــــــــــــــــــــــتت
    كلامك صاح يا ابراهيم تون ، لكنه ينطبق علي الاشاعرة (السنة والجماعة) الذين يحاولون

    التوفيق بين سمع الله وبصر الله وعدم بشريته وفي النهاية (قبل) الموت يقولوا

    استغفر الله ، نحن مع السنة ، وكان السنة عندهم حل ، ورجغة فاضية

    طيب المسيحي قبل الموت برجع لشنو ؟ واليهودي برجع لشنو ؟ والذين يعبدون البقر

    الخ ، انتو فاكرين البشر كلهم انصار سنة ، وبالمناسبة انصار السنة قبل الموت برجعوا لشنو ؟

    يعني واحد قال اشهد الا اله الا الله ومحمد رسول الله واحسن اموت كدا ، بدل الجهجهة ، يعني كدا صاح

    ولعب باص صاح في الزمن الضايع ول شنو مثلا ،،،،،،

    التفكير في لحظة الضعف ، يقبله الله ، والتفكير في لحظات النضج والقوة الذهنية لايقبله الله ، انتو الله دا عاملينو زي الشافع

    البتغشا لاي كلام كدا مالكم ، يا للبؤس !!
                   |Articles |News |مقالات |بيانات

06-10-2016, 08:30 AM

ابراهيم تون

تاريخ التسجيل: 15-08-2007
مجموع المشاركات: 260

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: عبداللطيف حسن علي)

    اخي عبد اللطيف
    انا كلامي واضح انا اتكلم عن الملحد والعلماني الذي يعتقد افكار
    لا يتصورها العقل لا اتكلم عن انصار السنة او الجماعه او
    اليهودي او المسيحي هولاء يعتقدون ان هنالك مدبر وخالق
    لهذاء الكون وان الله موجود والجميع مؤمن وموحد بان هنالك
    رب حتي الذين يعبدون البقر او القمر او اي شي انا افضل عندي
    من العلماني او المحلد علي الاقل يعتقد هذه الخزعبلات ربه
    يعني الواحد بعدين بعد ما اجوطةواخربة خراب سوبا والحقه امات طه اجي اقول اشهد ان لا اله الا الله
    محمد رسول الله. كده في فهمك لعب باص صاح ههههههههههه ياخ
    والله الشهادة دي بعين روحك تطلع انت قاليه ساااااااااهله كدة انت ناقصك
    كتير ي عمك ده موضوع طويييييييييييييييييييل .
    لا لالا ان الله لا يقبل التوبة عن الضعف. بعدين ان اقصد بلضعف ليس عند
    الموت بل عند الكبر بعد نزوة الشباب والشهوات وحب الدنيا ويضعف جسمك
    حينها يبدا تفكيرك وتنظر الي الكون بنظرة عاقله وفاحصة نظرة ضعف عندك
    تحس بها انت وحدك .
                   |Articles |News |مقالات |بيانات

06-10-2016, 08:53 AM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30883

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: ابراهيم تون)

    سلامات يا ابراهيم
    تعليقين على حديثك الأخير لو سمحت لي
    بالنسبة لقولك أن الله لا يقبل التوبة عن الضعف و قلت انّك لا تقصد الموت بل الكبر وذهاب الشباب و القوّة
    مسالة قبول توبة العبد ليس لمخلوق أن يفتي فيها أو يتأله على الله, للتوبة نفسها شروط معلومة لكن قبولها من عدمه أمر إلهي خالص ليس لأحد سواه سبحانه
    وقد ورد في الحديث - ما معناه: (إنّ الله يقبلُ توبةَ العبد ما لم يُغرغِر), وفي الآية الكريمة {وَلَيْسَتِ التَّوْبَةُ لِلَّذِينَ يَعْمَلُونَ السَّيِّئَاتِ حَتَّى إِذَا حَضَرَ أَحَدَهُمُ الْمَوْتُ قَالَ إِنِّي تُبْتُ الآنَ} و أيضا { وَجَاوَزْنَا بِبَنِي إِسْرَائِيلَ الْبَحْرَ فَأَتْبَعَهُمْ فِرْعَوْنُ وَجُنُودُهُ بَغْياً وَعَدْواً حَتَّى إِذَا أَدْرَكَهُ الْغَرَقُ قَالَ آمَنتُ أَنَّهُ لا إِلِـهَ إِلاَّ الَّذِي آمَنَتْ بِهِ بَنُو إِسْرَائِيلَ وَأَنَاْ مِنَ الْمُسْلِمِينَ* آلآنَ وَقَدْ عَصَيْتَ قَبْلُ وَكُنتَ مِنَ الْمُفْسِدِينَ}
    هذه النصوص تدل على أن باب التوبة مفتوح حتى الموت لا علاقة للعمر و الضعف و القوة بذلك . و الله اعلم

    الشي التاني يا أخ ابراهيم لاحظت خلط بين مصطلحي العلمانية و الإلحاد
    بطبيعة الحال إي ملحد علماني لكن ليس كل علماني ملحد
    الحصل و الحاصل ف السودان على يد الإنقاذ و الجبهة الإسلامية من فساد وإفساد وظلم وتمزيق و بهدلة لحال البلد وضّح للناس ايجابيات العلمانية و مساوئ ممارسة السلطة بإسم الدين
    العلمانية بتشيل القداسة الدينية من امور الدنيا كالحكم وادارة شؤون الناس ولا علاقة لها بالإلحاد.

                   |Articles |News |مقالات |بيانات

06-10-2016, 09:57 AM

Haytham Ghaly

تاريخ التسجيل: 20-01-2013
مجموع المشاركات: 3908

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: محمد البشرى الخضر)

    Quote: العلمانية بتشيل القداسة الدينية من امور الدنيا كالحكم وادارة شؤون الناس ولا علاقة لها بالإلحاد.


    يسلم كيبوردك يا ود البشرى

    يا ريت لو كل الناس فارزين الكيمان زيك كدا


                   |Articles |News |مقالات |بيانات

09-10-2016, 08:19 AM

ابراهيم تون

تاريخ التسجيل: 15-08-2007
مجموع المشاركات: 260

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: Haytham Ghaly)

    اخي محمد البشري الخضر
    انا لم اقل ان الله لا يقبل التوبة عند الضعف ارجع الي كلامي انا اقصد بلضعف عند
    الانسان بعد ذهاب القوة والشهوة ولهو الدنيا والاحساس بلكبر وان العمر فاني واحساس
    الجسم بلضعف وعدم الرغبة في مجارات الحياة حينها يفكر الملحد او العلماني في التفكير
    هل هو علي ضلال او علي حق ويعيش في صراع نفسئ في البحث عن الحقيقة . ولم اقل ان الله لا يقبل توبتة .
    انا لم افتي في قبول التوبة عند الله سباحنة وتعالي وانت جوابت علي حديثي مالم الانسان يقرغر اي عند فراش
    الموت عندما يكشف الله بصرة كما قال في الايه الكريمة { لَّقَدْ كُنتَ فِي غَفْلَةٍ مِّنْ هذا فَكَشَفْنَا عَنكَ غِطَآءَكَ فَبَصَرُكَ اليوم حَدِيدٌ }
    اي ازلنا عنك بصرك من الموانع المحجوبة عنك فتنظر الي مقعدك في الجنة او النار يعني لا توجد توبة للانسان الذي يقرغر
    ليس لها علاقة بلضعف الذي اقصدة . انت في نهاية حديثك تفتي ان باب التوبة مفتوح حتي الموت انا مافاهم كلامك حتي الموت دي شنو
    وعلاقة فرعون شنو هنا في الموضوع .
    لقد قلت اي ملحد علماني لكن ليس كل علماني ملحد يعني يوجد تشابه بين الملحد والعلماني انا في وجهة نظري لايوجد اختلاف
    بين الملحد والعلماني . العلماني يريد ابعاد الدين عن الدولة حسب كلامك لالنو العلمانية بتشيل القداسة الدينية كلام غلط لانو الدين
    هو اساس الحكم ونجد ان القرات الكريم قد فصل لنا كل شئ الي اساس الحكم وادارة شؤون الناس لماذا يتحمل الدين مساوئ الحكام الاسلاميين
    ان هم اخطاو في تطبيق الدين الاسلامي وحكمو باسم الدين ما ذنب الدين عشان اجي علماني واقول لي العلمانية بتشيل القداسة الدينية . السلطة باسم
    الدين ادت الي الظلم والفساد وتمزيق وبهدلة لحال البلد اتفق معك في هذه النقطة فقط . لكن ما ذنب الدين من هذا .
    اخي هيثم
    العلمانية لا ما بتشيل القداسة الدينية من امور الدنيا ولا كل الناس فارزين الكيمان حسب فهمك وفهم اخي محمد البشري العلمانية التفاف علي
    الدين وعلي حريات الدين . وبرضو العلماني متابع امور الدنيا من شهوات ونزوات وحب للحياة وبعد زوال هذه الاشياء يعيش في صراع نفسئ
    وانا ارجع الي كلام اخي جلادونا
    ان تكون لك مشكلة مع الدين .. فهذا امر بينك و بين خالقك
    شاءت مشيئته امّا شاكرا و امّا كفورا
    لذا .. كعباد له .. لا نملك من امر ربك شيئا
    و هل يصلح العطار ما افسد الدهر .

                   |Articles |News |مقالات |بيانات

09-10-2016, 08:38 AM

Haytham Ghaly

تاريخ التسجيل: 20-01-2013
مجموع المشاركات: 3908

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: ابراهيم تون)


    Quote: وبرضو العلماني متابع امور الدنيا من شهوات ونزوات وحب للحياة وبعد زوال هذه الاشياء يعيش في صراع نفسئ


    اها يا إبراهيم دا الفهم الخاطئ للعلمانية

    هل تقدر تأكد انو في ظل حكم الدين ( أي دين) لا توجد ممارسات لهذه الشهوات والنزوات وينعدم حب الحياة وينتشر حب الاخرة ؟

    هذا خلط يمكن ان نقول عنه مريع بين غرائز البشر الطبيعية التي تم تنظيمها قبل وجود الأديان وبين فكرة العلمانية التي هي براء من كل ذلك

    زي ما قال ليك ود البشرى العلمانية تزيل القداسة عن الحياة العامة التي تخص افراد الشعب وتحكمهم بالتساوي في الحقوق والواجبات

    وتترك لهم خيار العبادة او غيرها ولهم رب يعاقبهم او يعفو عنهم هو اعلم بهم من حكوماتهم

    يا إبراهيم الشعوب لا تحتاج الى حكومات تقودها الى الجنة الشعوب تحتاج الى حكومات تنظم لها الحياة وتحكمها بالعدل وتقسم ثروات البلد

    علي افراد الشعب بالتساوي وهذا يعني وجود الخدمات العامة التي يستفيد منها كل المواطنين

    موضوع الله والجنة والنار دا خلو للناس يوم القيامة مع ربهم وكل شاة معلقة من عرقوبة

    ثم من قال لكم انكم على حق لدرجة ان تكونوا اوصياء على الناس حتى في أمور دينهم
                   |Articles |News |مقالات |بيانات

10-10-2016, 08:11 AM

ابراهيم تون

تاريخ التسجيل: 15-08-2007
مجموع المشاركات: 260

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: Haytham Ghaly)

    اخي هيثم
    انا اتفق معك ان في كل حكم دين توجد ممارسات للشهوات والنزوات والظلم ولا استطيع ان انكر هذا
    لكن هل تقدر تاكد انو في العلمانية لا يوجد ممارسات لهذة النزوات والشهوات والظلم الدين يمنع هذه
    الممارسات لكن العلمانية لا تستطيع منعها لانها قايمة علي اساس الحريات في كل شئ .
    هل العلمانية افضل من الدين في انها تزيل القداسة عن الحياة العامة التي تخص افراد الشعب
    وتحكمهم بالتساوي في الحقوق والواجبات . الدين فصل كل شئ في تنظيم الحياة العامة ويحكمهم
    بالعدل والتساوي اخي هيثم الدين قايم علي اساس المساواة والعدل بين الناس واعطاء كل فرد حقة .
    لكن من الرجل الرشيد الذي يقوم بتطبيق الدين الصحيح .
    (موضوع الله والجنة والنار دا خلو للناس يوم القيامة مع ربهم وكل شاة معلقة من عرقوبة)
    انا لا اكفر احد ولا بنفتي في انو ده الجنة ولا النار لكن الموضوع وقت اصل في انو العلمانية افضل من الدين
    في تنظيم الحياة العامة للبشر دي مشكلة كبيرة جدا .
    يعني يا هيثم انحنا علي باطل ونحنا منو يا خوي عشان نكون علي حق او علي باطل .
                   |Articles |News |مقالات |بيانات

10-10-2016, 03:02 PM

Haytham Ghaly

تاريخ التسجيل: 20-01-2013
مجموع المشاركات: 3908

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: ابراهيم تون)

    الاخ ابراهيم لك التحية والسلام

    اذاً بحسب مداخلتك يا حبيب نحنا متفقين على انه
    لا العلمانية قادرة على وقف الشهوات والنزوات
    ولا الاديان قادرة على ذلك وذلك لانها طبيعة البشر
    ومتطلبات البدن

    توضيح مهم امكن يكون فايت عليك نقولو للضمان
    العلمانية اي نعم قائمة على الحريات ولكن بضوابط
    وقوانين تنظمها بحيث انها لا تؤثر سلباً في حقوق وحياة الغير
    يعني الحكاية ما هوبلي ساااكت زي ما بصوروها
    السادة الشيوخ وأئمة المساجد ثم ان القداسة المقصودة
    هي تقديس الحاكم والايحاء بأن اوامره هي اوامر الله هذه
    هي القداسة التي تبعدها العلمانية عن حياة الناس العامة
    الحياة الخاصة يا ابراهيم تشمل الحرية الفردية في اتخاذ
    القرارات وتحمل عواقبها ومن ضمنها مسألة الدين وهو اختيار شخصي
    للغاية ولا دخل احاكم ولا اي شخص اخر فيه

    وايضاً انت وقعت في تناقض عجيب جداً
    هو انك فضلت الحكم بالدين على الحكم بالعلمانية بحجة ان
    الدين يمنع هذه الاشياء مثل النزوات والشهوات التي اعترفت انها موجودة
    حتى في المجتمعات المتدينة وقلت ان الدين يعدل بين الناس
    ويعطيهم حقوقهم
    التناقض في انه كيف يعطي الدين للناس حقوقهم
    في حين انه يسلبهم اعظم واول الحقوق وهي الحرية
    اذاً لا يمكن ان تسلب حرية الفرد وتحاول ان تقنعه انك تنصفه
    وهذه هي الوصاية التي تقيد حريات الناس تحت مسمى حلال وحرام


    المداخلة باستخدام الهاتف صعبة شديد
    ارجو المعذرة اذا وجدت اخطاء

    تحياتي
                   |Articles |News |مقالات |بيانات

10-10-2016, 08:55 AM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30883

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: ابراهيم تون)

    شكرا ابراهيم على الرد ومعذرة رأيته متأخرا
    تقول عزيزي
    Quote: انا لم اقل ان الله لا يقبل التوبة عند الضعف ارجع الي كلامي انا اقصد بلضعف عند
    الانسان بعد ذهاب القوة والشهوة ولهو الدنيا والاحساس بلكبر وان العمر فاني واحساس
    الجسم بلضعف وعدم الرغبة في مجارات الحياة حينها يفكر الملحد او العلماني في التفكير
    هل هو علي ضلال او علي حق ويعيش في صراع نفسئ في البحث عن الحقيقة . ولم اقل ان الله لا يقبل توبتة .


    إذن فلتعذرني على خطأ قراءتي لمداخلتك التي كتبت فبها

    Quote: لا لالا ان الله لا يقبل التوبة عن الضعف. بعدين ان اقصد بلضعف ليس عند
    الموت بل عند الكبر بعد نزوة الشباب والشهوات وحب الدنيا ويضعف جسمك


    شفت النص الملوّن بالأحمر دا هو الجهجه لي قرايتي وخلّاني أفهم قولك على هذا النحو : الله لا يقبل التوبة عن الضعف و أضفت لها تفسير أن الضعف المعني ليس الموت بل الكبر!
    ودا فحوى حديثي و الآيات التي سقتها و الحديث الذي ذكرت معناه بأن قبول التوبة مفتوح عند الله سبحانه حتى لحظة الغرغرة, يعني الكبر و ذهاب النزوة و الرغبة ليست حائلا دون قبولها - كما فهمت من حديثك الأول
    عموما نحن متفقين - باب التوبة مفتوح حتى لحظة الغرغرة و ومهما كبرت وبلغ بك العمر و ذهبت عنك القوة و الشهوة فالباب مفتوح - و شكرا على تصحيح قراءتي.

    تقول

    Quote: قد قلت اي ملحد علماني لكن ليس كل علماني ملحد يعني يوجد تشابه بين الملحد والعلماني انا في وجهة نظري لايوجد اختلاف
    بين الملحد والعلماني . العلماني يريد ابعاد الدين عن الدولة حسب كلامك لالنو العلمانية بتشيل القداسة الدينية كلام غلط لانو الدين
    هو اساس الحكم ونجد ان القرات الكريم قد فصل لنا كل شئ الي اساس الحكم وادارة شؤون الناس لماذا يتحمل الدين مساوئ الحكام الاسلاميين
    ان هم اخطاو في تطبيق الدين الاسلامي وحكمو باسم الدين ما ذنب الدين عشان اجي علماني واقول لي العلمانية بتشيل القداسة الدينية . السلطة باسم
    الدين ادت الي الظلم والفساد وتمزيق وبهدلة لحال البلد اتفق معك في هذه النقطة فقط . لكن ما ذنب الدين من هذا .


    نعم يوجد تشابه بين الملحد و العلماني كما يوجد تشابه بين المسلم و العلماني و الملحد و المسيحي و غيرهم, تشابه في عموميات لكن لا تستطيع أن تتهم أي علماني بالإلحاد
    كثير من المتدينين و المتمسكّين بعباداتهم يؤمنون بالعلمانية كوسيلة تقود للحكم الراشد و العدالة الإجتماعية و تقي المجتمعات شرور التمييز التي هي الباب الأسهل للحروب و التمزّق
    كثير من المتدينين يرون ان شؤون الدنيا لا تحتمل القداسة الدينية. زي قصة مشورة الحباب بن المنذر على الرسول عليه افضل الصلاة وأتم التسليم وقوله:" أرأيت هذا المنزل ، أمنزلا أنزلكه الله ليس لنا أن نتقدمه ، ولا نتأخر عنه ، أم هو الرأي والحرب والمكيدة ؟ " أها دي علمانية بفهمها البسيط , وكذلك قول الرسول صلى الله عليه وسلم - في ما معناه "أنتم أعلم بما يصلحكم في دنياكم"
    أنا لا أريد أن اخرج من موضوع النقاش للحديث عن العلمانية في رقبتها و صحتها من عدمها لكن اريد أن تفرّق بين العلمانية و الألحاد
    و تعليق أخير على العبارة التالية

    Quote: وبرضو العلماني متابع امور الدنيا من شهوات ونزوات وحب للحياة وبعد زوال هذه الاشياء يعيش في صراع نفسئ

    برضو ما شرط لازم أو قاعدة, ممكن جدا المتديّن يكون ملتزم و زاهد في أمور الدنيا و يكون علماني في نفس الوقت يرى أن امر دينه وعبادته بينه وخالقه فقط وما بينه وبين الناس هو الحقوق و القوانين.
    كما كذلك الذي لا يؤمن بالعلمانية ويسعى لإقامة الدولة الدينية ويرى انه متابعة تديّن الناس و التزامهم و دعوتهم - وربما محاسبتهم - تكليف ديني له ممكن جدا يكون مقبل على الشهوات - حلالها و حرامها - و يحب الحياة و زينتها.

    ________________________


    مشكور يا هيثم على المجاملة اللطيفة.

    (عدل بواسطة محمد البشرى الخضر on 10-10-2016, 09:02 AM)

                   |Articles |News |مقالات |بيانات

10-10-2016, 10:07 AM

عبداللطيف حسن علي
<aعبداللطيف حسن علي
تاريخ التسجيل: 21-04-2008
مجموع المشاركات: 7381

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: محمد البشرى الخضر)

    لقد قلت اي ملحد علماني لكن ليس كل علماني ملحد يعني يوجد تشابه بين الملحد والعلماني انا في وجهة نظري لايوجد اختلاف
    بين الملحد والعلماني . العلماني يريد ابعاد الدين عن الدولة حسب كلامك لالنو العلمانية بتشيل القداسة الدينية كلام غلط لانو الدين
    هو اساس الحكم ونجد ان القرات الكريم قد فصل لنا كل شئ الي اساس الحكم وادارة شؤون الناس لماذا يتحمل الدين مساوئ الحكام الاسلاميين
    ان هم اخطاو في تطبيق الدين الاسلامي وحكمو باسم الدين ما ذنب الدين عشان اجي علماني واقول لي العلمانية بتشيل القداسة الدينية . السلطة باسم
    الدين ادت الي الظلم والفساد وتمزيق وبهدلة لحال البلد اتفق معك في هذه النقطة فقط . لكن ما ذنب الدين من هذا .

    ــــــــــــــــــــــــــــــــــــــــــــــــ

    ابراهيم تون ياخطير ، كلامك صاح ، ماذنب الدين ، الذي لايفهمه احد !!
                   |Articles |News |مقالات |بيانات

10-10-2016, 04:39 PM

أبوبكر عباس
<aأبوبكر عباس
تاريخ التسجيل: 04-03-2014
مجموع المشاركات: 1446

للتواصل معنا

FaceBook
تويتر Twitter
YouTube


Re: هذا العضو لا اخلاق له (Re: عبداللطيف حسن علي)

    علماني ومتدين؟!
    ديل بشكل عام ناس جيدين
    عقلهم ترك الدين، لكن باقي ليهم صعب يخونوا عُشرتو!
                   |Articles |News |مقالات |بيانات


[رد على الموضوع] صفحة 1 „‰ 2:   <<  1 2  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de