منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 08-19-2017, 01:15 PM الصفحة الرئيسية

المنبر العام
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

مستنكح بدرجة فارس

03-23-2017, 04:01 AM

الصادق عز الدين

تاريخ التسجيل: 01-18-2013
مجموع المشاركات: 932

للتواصل معنا

FaceBook
تويتر Twitter
YouTube


مستنكح بدرجة فارس
                   |Articles |News |مقالات |بيانات

03-23-2017, 04:02 AM

الصادق عز الدين

تاريخ التسجيل: 01-18-2013
مجموع المشاركات: 932

للتواصل معنا

FaceBook
تويتر Twitter
YouTube


Re: مستنكح بدرجة فارس (Re: الصادق عز الدين)

    ضيق ذات اليد والحوجة الماسة للمال لمجابهة ضروريات الحياة ومتطلباتها كانت سببا فى خلق قبيلة المستنكحين الدخيلة على بلادى.. هؤلاء الناس لهم الكثير من النوادر و القصص والحكايات.. واكثرها مضحك.. يتمتعون بذكاء وحنكة.. يعرفون المخارج من اضيق المواقف بأقل اضرار ممكنة..

    اهاااااا مشيت لزيارة فردتى ورفيق صباى متوكل.. وصلت البيت.. دقيت الجرس والباب.. لم يفتح الباب إلا بعد التأكد تمااااما مِن مَن هو الطارق.. فتحت الباب شقيقتة بعد كم سؤال تحقيقى.. وبعد التأكد الجازم من شخصى الشفت.. فتحت الباب سلمت ودخلت الصالون لقيت متوكل فردتى فى حالة توتر وكدر شديد.. سلامات يا حبوب.. مالك معفوس كدا.. قال اسكت يا ابوعويض يوسف اخوى متورط فى شيك بمبلغ كبير.. وعامل ليبتون ليه اسبوعين.. ناس المباحث كرهونا البيت والحلة.. ممممممممممم لا حولاااااااا شيك بكم.. قال 250 مليون.. والموجود من المبلغ 150 مليون..يعنى العجز 100 مليون.. قلت ليه طيب والحل؟.. قال عنده ود عمتو حا يجى بعد شوية وقال عنده فكرة.. قلت ليه يا زول هوى فكرة شنو؟.. ود عمتك ده حنفولى وعنده شرتيت(قروش) بحل الموضوع؟.. الشيكات دى بحلوها بالدفع بس.. الحنك مااااا بقسم فى هكذا امور.. المهم ونحن بنتكلم وصل ولد عمتة.. زول شكلو مفتح ومقرم والدنيا واقعة ليه.. هو عارف الموضوع.. بدأ الكلام بالراحة وثقة.. قال يا جماعة الموضوع بسيط.. انا اتصلت على زول حا يحل الموضوع ده حا نمشى ليه الآن نتفاهم معاه.. تمام.. كيف حا يحل الموضوع ؟.. قال ما عليكم خلونا نتحرك انا مواعد الزول الآن..

    ركبنا العربية وتحركنا على بيت اعظم مستنكح فى العالم.. عمك بدر.. نعم اسمة بدر.. وصلنا البيت.. اتصل ولد عمة متوكل.. فتح الباب عمك بدر شخصياً.. رجل فى بداية الخمسين من العمر.. وجية جدا.. وشكلة صبوح ومقنع.. هادئ ومرتب.. دخلنا البيت.. جابو الشاى.. وسأل عن الموضوع.. حكو ليه القصة من طق طق للسلام عليكم وموضوع الشيك.. قالو يوسف متعود على حركة الشيكات دى.. بشيل بضاعة وبكسر فى السوق وشغال بفهم طاقية ده فى رأس ده.. لكن لو اتخارج من الورطة دى تانى تووووووبة ما بعمل الحركة البيش بتاعة الشيكات..

    عمك بدر قال عندكم كم.. قالو 150 مليون ناقصين 100 مليون من مبلغ الشيك.. قال لا لا اموركم طيبة.. اول حاجة ادونى 5 مليون سريع عشان اجهز ادوات النصب... ادوات النصب دى شنو 😏؟.. ضحك قال جلابية سكروتة وعمة وشال توتل اصلى ومركوب جديد... واجار عربية برادو يومين.. وادونى اسم صاحب الشيك ورقم تلفونة الآن.. وخشمكم عندمكم.. اخد الرقم من متوكل وطوااااالى اتصل.. الووووو السلام عليكم يا ابنى.. معاك خال يوسف بكلمك من بورسودان.. الحقيقة انا بتكلم بخصوص الشيك وعايز احل المشكلة دى وارجع ليك حقك... يوسف ده ولد عاق وتافة ومنحط.. مرضنا ومرض امو.. الله لا يطرح فيه بركة.. غايتو شتم يوسف شتيمة الارازل.. وحدد مواعيد من صاحب الشيك.. قال ليه بعد خمسة ايام يعنى يوم الاثنين الجاى بجيك اشرب معاك شاى المغرب تب فى البيت .... واخد وصف البيت.. مع السلامة يا ابنى وقفل الخط... صراحة انا لقيت نفسى قدام ممثل خطيييير جدا.. ضحكنا كلنا بعد المكالمة..عمك بدر قال سيد الشيك كفاية ندية 140 مليون.. انا بشيل 10 مليون من الجاهزة.. وانتو بعد نخلص تدونى الساهلة هههههههههههه لا حولااااااا بالله فى كدا... وقال كلام خطير جدا.. يوم المواعيد كلنا نجى معاه ومعانا يوسف زااااااتو... تكلمو يوسف أثناء جلسة الاستنكاح دى احتمال ياخد ليه كف صاموتى من عمك بدر ويسمع ليه كم كلمة فارغة... وخشمو عندو... ياااااا عمك الناس ديل عندهم امر قبض يعنى من محلهم داك ممكن يستلمو الزول وعلى الرج عدل... بثقة شديدة قال لا لا لا انا مسؤول زولكم يرجع معاكم تب ويبت فى البيت عاااادى..

    المهم يوم المواعيد انا متشلشل عايز احضر باقى الحنك ده.. الساعة اربعة عصر جانا عمك بدر فى بيت فردتى واستلم الكاش وقرم منه 10 مليون بالجمبة يعنى المبلغ بقى 140 مليون... بسم الله ما شاء الله.. جلابية ذى الجلابية وعمة توتل مشغولة و مكروبة بعناية وشال مشغول بالاسود وعصاية ابنوس.. ومرتب الدقن والشنب.. ومتعطر.. شكل مهيب لرجل رهيب.. ومنجعص فى البرادو.. وفى الجيب علبة سجاير بينسون كبيرة وولاعة ماركة.. انا كنت قايلو نبى الله الخضر بصراحة... لما شفت الرجل لما شعرة جلدى كلبت 🙈.. ركبنا معاه الثلاثاء انا ومتوكل صاحبى ويوسف اخوة صاحب الشيك.. وبقينا مارقين... كل الطريق عمك بدر يحفظ فينا.. ما عايز واحد فيكم يضحك... لو انا بتكلم مافى زول يقاطعنى.. يااااا يوسف تقعد خشمك عندك.. حا انبزك واديك كف خفيف.. عادى.. الشغل ده بفوت ليك 100 مليون اتزكر نضمى ده سمح.. يوسف برد.. حاضر مافى مشكلة.. فجأة عمك طلع التلفون وقال هوووووس.. سكتنا.. اتصل على صاحب الشيك.. مرحب يا ابنى انا قربت.. يمين شمال قدام شوية... ايواااا البيت الجمبو شجرة النيم.. واقفة تحتها كلك... بس وصلنا..
    يالطيف..

    فتح الباب سيد الشيك زااااااتو اول حاجة عاين لى يوسف عين ماااااا ريحتنى.. وسلم علينا سلام كويس لكن سلم على يوسف سلام ما لذيذ 😉.. دخلنا لقينا معاه نفرين وقفو وسلمو علينا سلام اولاد بلد.. قعدنا... اول عشرة دقايق كلام بيش سلامات وبسمات.. وسيد الشيك كلما يعاين ليوسف يقرب ينط ليه فى رقبتو.. اهااااااا هنا عمك بدر بدأ يتكلم وسكت المكان إلا من صوتة الجهور... كان بتكلم بثقة رهيبة... قال لى صاحب الشيك شوف يااااا ابنى موضوع شيكك ده انا ما طرف فيه وعلى بالطلاااااااق كان ما ام الولد اختى وصاحبة مرض انا ده كنت دخلتو السجن قبلك.. بس انا ما هانت على اختى المرأة الكبيرة صاحبة المرض والصراحة الولد ده هو السبب فى عياها(طبعا المقصود بالولد هنا يوسف)..ده ولد عاق عديم اخلاق خالى مروه.. ما ملتزم.. لا خلقة لا اخلاق... دايما مورطنا ومصغرنا.. ونحن ناس سمعتنا ذى الدهب.. وعلى كل حال يا ابنى انا جيت من بورسودان مخصوص للموضوع ده.. خليت اشغالى وعيالى فى قفاى.. والنصيحة المبلغ كبير.. فجأة سكت عمك بدر.... كان برتب فى كيفية الولوج فى الحنك الاساسى ....والمكان تممممممم ولا حركة... وعاين لى يوسف... ونهرو نهرة اهتز لها المكان وقال ليه... عاجبك الموقف الختيتنى فيه ده ياااا كلب.. وقام علية...طاااخ.. صرف ليه قلم اصلى.. لما الجماعة بما فيهم صاحب الشيك زااااتو وقفو على حيلهم مسكو عمك.. وعمك مصر يديه كف تانى.. والجماعة لا ياج.. خلاص اهدأ اهدأ... والحاج يناهد... قعدوه بعد تعب.. بعد قعد مساااااافة... قال احححححح استغفر الله..

    طيب يا جماعة نواصل نضمنا...الصراحة الولد ده ما عندو التكتح... واهله ناس عدمانين.. انا جيتكم وجبت الولد ده معا... وجبت قدرتى القدرت عليها ... وهنا تحسس الكيس ..وغيرها ما عندى حررررررم.. وانتو اصحاب حق القال حقى غلب.. وانتو العايزنو سوه زول بلومكم مافى.. لكن كان دخل السجن زوووووول بسأل منه مافى.. وقالو المال تلتة ولااااا كتلتو دحين انا عندى.. وسكت تانى وسحب الكيس وقعد يعد... وهنا صاحب الشيك والشباب المعاه ركزوا مع عمك شديد.. لما وصل 140 مليون... قال والله بسيطة لكن دى قدرتنا... والرأى عندكم... ورجع فى الكرسى للخلف وقال انا نضمى كمل... صاحب الشيك قال بسيطة ياحاج لكن دقيقة... دخل جوه بعد خمسة دقائق رجع وسوس الجماعة المعاه دخلو الثلاثة جوه البيت تانى... غابوا عشرة دقائق... انا قلت ايواااااا بكونو ضربو لجماعة البوليس والموضوع مستحمى.. وحات الحلف رجعو ومعاهم الشيك وأمر القبض سلموهم لعمك بدر.. واتفقو بكره يتقابلو فى القسم الاوسط عند وكيل النيابة ينهو الموضوع... والحمدلله الحمدلله الحمدلله بارك الله فيكم... مشكورين... والله انتو رجال اولاد قبايل... ده طبعا حنك عمك بدر... اها عندكم رقم التلفون لو عندكم اى حاجة فى بورسودان امركم مقضى تب... يلا السلام عليكم... ادونا خاطركم .. اقعد يا حاج... ما بقدر ما شين لى أم الحيوان ده فى مستشفى الزيتونة... هههههههههههههه هو صاحبى اساسا والدتة توفت قبل خمسطاشر سنة عليها رحمة الله...
    ركبنا العربية كاضمين كلنا... بعد شارعين كلنا فى وقت واحد فقعنا الضحكة... عمك طلع علبة البينسون جدعها لينا فى الطبلون قال أنا زااااااتى ما بدخن... وطلع الحقة ذى علبت الاورنيش دنكل سفة ذى السفة وقال هوى انا بنزلكم السوق العربى اركبو ليكم امجاد... انا عندى شغلة تانية بباقى الليل ده... ويااااااااا يوسف بالله الكف كيف؟ ههههه ههههههه..
                   |Articles |News |مقالات |بيانات

03-23-2017, 05:54 AM

الصادق عز الدين

تاريخ التسجيل: 01-18-2013
مجموع المشاركات: 932

للتواصل معنا

FaceBook
تويتر Twitter
YouTube


Re: مستنكح بدرجة فارس (Re: الصادق عز الدين)

    الكسر كان سبب دخول عدد كبير السجن
                   |Articles |News |مقالات |بيانات

03-23-2017, 06:11 AM

درديري كباشي
<aدرديري كباشي
تاريخ التسجيل: 01-08-2013
مجموع المشاركات: 3056

للتواصل معنا

FaceBook
تويتر Twitter
YouTube


Re: مستنكح بدرجة فارس (Re: الصادق عز الدين)

    هههههههههههههههههه

    والله حكاية ممتعة جد

    الممثلين ذاتهم ما عندهم قدرة لهذا التجسيد الرهيب
                   |Articles |News |مقالات |بيانات

03-23-2017, 07:27 AM

ياسر السر
<aياسر السر
تاريخ التسجيل: 08-06-2010
مجموع المشاركات: 2612

للتواصل معنا

FaceBook
تويتر Twitter
YouTube


Re: مستنكح بدرجة فارس (Re: درديري كباشي)

    ياخي والله انا زاتي اتكيفت من عمك بدر ده كيف هههههههههههههههههههههههه .. مبالغة طبعا لكن هذا وضع بلد اصبح الناس فيها يمسون ويصبحون على هذا المنوال ... وعشنا ويامه ح نشوف ..
    شكرا اخي الصادق فقد ضحكنا ملئ فمنا ...

    تحياتي : ياسر العيلفون ......
                   |Articles |News |مقالات |بيانات

03-26-2017, 07:37 AM

الصادق عز الدين

تاريخ التسجيل: 01-18-2013
مجموع المشاركات: 932

للتواصل معنا

FaceBook
تويتر Twitter
YouTube


Re: مستنكح بدرجة فارس (Re: ياسر السر)

    القصة دي تقريبا أصبحت واقع معاش في السودان وليست خيال فقط
                   |Articles |News |مقالات |بيانات

03-26-2017, 09:30 AM

على عبدالله بشير
<aعلى عبدالله بشير
تاريخ التسجيل: 01-10-2013
مجموع المشاركات: 831

للتواصل معنا

FaceBook
تويتر Twitter
YouTube


Re: مستنكح بدرجة فارس (Re: الصادق عز الدين)

    الحقيقة ما عارف إسم الكاتب وصلني على الواتس وإتكيفت منه شديد ونقلته هنا الحق محفوظ للكاتب المصدر

    الكاتب هو الصديق / عوض حمزة
    نشره على صفحه فى الفيس بوك
                   |Articles |News |مقالات |بيانات

03-26-2017, 09:39 AM

ابوحراز
<aابوحراز
تاريخ التسجيل: 06-27-2002
مجموع المشاركات: 5302

للتواصل معنا

FaceBook
تويتر Twitter
YouTube


Re: مستنكح بدرجة فارس (Re: على عبدالله بشير)

    الثقة الزائدة والعفوية والبساطة
    وانخداع الناس بالمظاهر
    هو سبب كل هذه البلاوي
                   |Articles |News |مقالات |بيانات

[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia
فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de