نادي الفلسفة السوداني ينظم المؤتمر السنوي الثاني بعنوان الدين والحداثة
ياسر عرمان:نحو ميلاد ثانٍ لرؤية السودان الجديد قضايا التحرر الوطنى فى عالمم اليوم
مالك عقارا:اطلاق عملية تجديد و اعادة بناء الحركة الشعبية و الجيش الشعبي لتحرير السودان
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 10-22-2017, 07:09 PM الصفحة الرئيسية

مدخل أرشيف للعام 2016-2017م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

صاحبتي الكديسة عرست

02-27-2017, 08:40 AM

عبدالله ود البوش
<aعبدالله ود البوش
تاريخ التسجيل: 08-12-2009
مجموع المشاركات: 6621

للتواصل معنا

FaceBook
تويتر Twitter
YouTube


صاحبتي الكديسة عرست

    08:40 AM February, 27 2017

    سودانيز اون لاين
    عبدالله ود البوش-
    مكتبتى
    رابط مختصر

    ساكنات جنبنا كديستين واحدة بيضا والتانية زرقا
    البيضا من تشوفني تجري مني .... ما عرفت السبب وما ركزت معاها كتير خليتها في حالها تجري كلما اطلع
    والتانية الزرقاء لو طلعت من البيت ولو جيت راجع للبيت تجيني جري تحت كرعي
    حبيتنا وحبتني وتوطدت علاقتنا وبقينا اصحاب
    وبما اني اصبحت في مرحلة من العمر بحب الكلام الكتير وعندي تجارب كتيرة عبر اكثر من نصف قرن من الزمان
    عايز افرغ المعلومات الضخمة دي في اي اضان حتى لو كانت اضان كديسة بقيت اتكلم مع صاحبتي الكديسة دي طوالي
    كلما التقينا واحكي ليها المشوار الكنت فيهو واحس بها تفهم كلامي
    توطدت علاقتنا لدرجة اني اتلفت يمين يسار عندما اطلع ولم اجدها بجواري وغالبا لحظات وتظهر وتجي جارية تتمغا وكمان الايام
    دي اتلمت ليها حركات عجيبة بعد تتمغا ترفس رفسات متتالية بكل رجل من رجولها
    البارح بالليل مشيت احلق وانا طالع جات جارية قلت ليها انا ماش احلق سمح ؟
    قالت لي خلاص سمح لكن تعال سريع مشتاقة ليك هكذا فهمتها
    وفي اثناء الحلاقة كنت بفكر فيها كيف ستستقلبني وانا حالق كري
    هل ستقول لي نعيما ول كيف يكون شعورها
    حلقت ولبست طاقيتي واديتها برمتين تلاتة وعاين في المراية وقلت سنة يا الكديسة
    هذه المرة كنت اكثر شوقا اليها
    نزلت من العربية وكنت اتوقع حضورهت شوقا واشتياقا
    اتلفت يمين يسار ما شفتها
    انزعجت وبدت تنتابني احاسيس غريبة ومزعجة
    اين كديستي الحبيبة
    خشيت ان اصابها مكروه
    مرت اكثر من خمس دقائق ولم تظهر كالمعتاد
    سترك يا رب
    اين كديستي الحبيبة
    وبدأت رحلة البحث عنها
    .
    .
    نتابع
                   |Articles |News |مقالات |بيانات

02-27-2017, 08:50 AM

عبدالله ود البوش
<aعبدالله ود البوش
تاريخ التسجيل: 08-12-2009
مجموع المشاركات: 6621

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: عبدالله ود البوش)

    الحكاية دي لا قصة ولا رواية ولا ملاح لوبا
    حقيقية زي ماهي
    نتابع
                   |Articles |News |مقالات |بيانات

02-27-2017, 08:52 AM

عبدالله ود البوش
<aعبدالله ود البوش
تاريخ التسجيل: 08-12-2009
مجموع المشاركات: 6621

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: عبدالله ود البوش)

    الحيوانات دي عالم عجيب وخاصة الكدايس
    واي واحد من اصدقائي لو زارني في البيت ح اوريهو صاحبتي الكديسة دي
    ويعرف حركاتها العجيبة دي
    وايضا كذلك الكديسة التانية الما صاحبتي وكيف تهرب مني ؟
                   |Articles |News |مقالات |بيانات

02-27-2017, 08:55 AM

عبدالله ود البوش
<aعبدالله ود البوش
تاريخ التسجيل: 08-12-2009
مجموع المشاركات: 6621

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: عبدالله ود البوش)

    نتابع
    بحثت عنها في كل اركان القبو ولم اجد لها اثرا
    اين انتي يا كديستي
    فقدت الامل وصعدت لمنزلي حزينا رغم حلاقتي الجميلة التي لم تهنأ بها صديقتي
                   |Articles |News |مقالات |بيانات

02-28-2017, 07:03 AM

Khalid Elsayed
<aKhalid Elsayed
تاريخ التسجيل: 01-25-2017
مجموع المشاركات: 385

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: عبدالله ود البوش)
                   |Articles |News |مقالات |بيانات

02-27-2017, 08:54 AM

اسامه العريفي
<aاسامه العريفي
تاريخ التسجيل: 02-28-2014
مجموع المشاركات: 592

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: عبدالله ود البوش)

    دي مرحلة متقدمة يا عمك
    واصل
                   |Articles |News |مقالات |بيانات

02-27-2017, 09:00 AM

عبدالله ود البوش
<aعبدالله ود البوش
تاريخ التسجيل: 08-12-2009
مجموع المشاركات: 6621

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: اسامه العريفي)

    دي مرحلة متقدمة يا عمك
    ---------------------------------
    كان مكضبني في زيارتكم القادمة بوريك ليها
    وامكن الكديسة البيضا تعشقك
    .
    .
    عاين لي جاي
    عمرنا دا اكتشفت فيهو متعة عجيبة جدا وهي الارتباط اكثر بالحيوانات
    لانها بتسمع الكلام
    .
    .
    موش لاحظت ات ذاتك كلامك بقى كتير ومافي زول بهببو ليك ؟
    .
    اسامة العريفي مرحبا بك في هذا العالم الجميل
    محاسن ونسيني
                   |Articles |News |مقالات |بيانات

02-27-2017, 09:03 AM

عبدالله ود البوش
<aعبدالله ود البوش
تاريخ التسجيل: 08-12-2009
مجموع المشاركات: 6621

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: عبدالله ود البوش)

    دخلت البيت ولافي زول واحد قال لي نعيما
    قلت في سري لو كانت كديستي كانت هنأتني بهذه الحلاقة الجميلة
    والان سوف اخرج ابحث عنها اينما كانت ... هكذا كنت اكلم نفسي
                   |Articles |News |مقالات |بيانات

02-27-2017, 09:01 AM

درديري كباشي
<aدرديري كباشي
تاريخ التسجيل: 01-08-2013
مجموع المشاركات: 3181

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: اسامه العريفي)

    الحياة صعبت علينا

    وبأثر فقدك شعرنا


    هههههههههههههه

    الله يجمع يا عمدة

    نااااااااااااااااااااااااااااااااو نوت تمومورو
                   |Articles |News |مقالات |بيانات

02-27-2017, 09:10 AM

اسامه العريفي
<aاسامه العريفي
تاريخ التسجيل: 02-28-2014
مجموع المشاركات: 592

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: درديري كباشي)

    كدايسك دي ذكرتني بنتي رزان لمن كانت صغيرة
    عندنا جارنا دكتور بحب اتونس معاها قام سالها
    انتي بتعرفي كم لغة قامت قالت ليه انا بعرف سبعة
    لغات اللغة العربية واللغة الانجليزيه واللغة الفرنسيه
    .... ولغة الكدايس قام قال ليها لغة الكدايس شنو كمان
    كويس " نجاو" معناها شنو قامت ردت ليه معناها
    تعال جاي ....
    الخليك مع كدايسك
                   |Articles |News |مقالات |بيانات

02-27-2017, 09:15 AM

عبدالله ود البوش
<aعبدالله ود البوش
تاريخ التسجيل: 08-12-2009
مجموع المشاركات: 6621

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: درديري كباشي)

    ابو الدر يا جميل
    الحكاية دي ليس نسجا من خيال كما يبدو للبعض
    ولكنه واقع معاش وفيهو تشابك روحي غريب حاولت ان اكتشف غموضه ولكنه يبدو غامضا اكثر
    .
    .
    عشت وسط السعية وعرفت عنها الكثير لانها اكثر وضوحا
    والصدمة البحتة جعلت هذه الكديسة امامي واصلا ما خسران حاجة بحاول استكشف منها حاجة
    .
    .
    خليك متابع
                   |Articles |News |مقالات |بيانات

02-27-2017, 09:02 AM

Haytham Ghaly

تاريخ التسجيل: 01-20-2013
مجموع المشاركات: 3108

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: اسامه العريفي)


    هههههههههههه

    سلام يشغاك يا ود البوش

    غايتو مفاهمتك انت وكديستك دي ذكرتني نكتة الولد الرسلو ابوهو يقرا لغة الحيوانات في بلاد برة

    طبعاً ما بتمها عشان ود اب سن ما يجي يقولي قديمة

    وانت زاتك اكيد عارفا

    هههههههههههه

    متابعين
                   |Articles |News |مقالات |بيانات

02-27-2017, 09:22 AM

عبدالله ود البوش
<aعبدالله ود البوش
تاريخ التسجيل: 08-12-2009
مجموع المشاركات: 6621

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: Haytham Ghaly)

    طبعاً ما بتمها عشان ود اب سن ما يجي يقولي قديمة
    -----------------------------------------------
    هيثم غالي يا جميل
    حكايتي دي لا قصة ولا نكتة ولا نسجا من الخيال
    بل حكاية عشق حقيقية ولكني اخشى ان تنتهي نهاية مأساوية لحدي بكرة بتظهر المشاعر الحقيقية
    .
    .
    لكن نكتتك سمعت بيها وكان لايمنع ان تحكيها علها تضع بسمة في وجه مغترب بائس
                   |Articles |News |مقالات |بيانات

02-27-2017, 09:11 AM

عبدالمطلب محمد عبدالرسول

تاريخ التسجيل: 08-26-2012
مجموع المشاركات: 55

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: عبدالله ود البوش)


    سلام وأشواق يا ود البوش ، وكمان لي كديستك الجميلة
    واصل متابعين
                   |Articles |News |مقالات |بيانات

02-27-2017, 09:19 AM

عماد قريش
<aعماد قريش
تاريخ التسجيل: 03-10-2013
مجموع المشاركات: 317

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: عبدالمطلب محمد عبدالرسول)

    ود البوش يالذيذ يارايق
    طلعت عندك كديسه؟
    غايتو نحن كديستنا موجوده بس مالامين فيها
                   |Articles |News |مقالات |بيانات

02-27-2017, 09:38 AM

عبدالله ود البوش
<aعبدالله ود البوش
تاريخ التسجيل: 08-12-2009
مجموع المشاركات: 6621

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: عماد قريش)

    عماد قريش يا صديقي يا عمدة
    عاين لي جاي
    دي ليست بالكديسة الضمنية التي تركب الراس خيالا
    دي كديسة صحي صحي ولكن خوفي من حكايات الكدايس الزرق
    وحتى الان الامر غامض
    تابع عشان تعرف نهاية الحكاية شنو ؟
                   |Articles |News |مقالات |بيانات

02-27-2017, 09:32 AM

عبدالله ود البوش
<aعبدالله ود البوش
تاريخ التسجيل: 08-12-2009
مجموع المشاركات: 6621

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: عبدالمطلب محمد عبدالرسول)

    عبدالمطلب محمد عبدالرسول
    يا زوووووووووووول ياخي مبالغة
    بركة الجابتك الكديسة دي بقت اخير مني
    ياخي شوق اكتر منك بكتير وبحثت عنك وتلفونك باباح
    تحياتي لك ولناس حلة زحل الجميلة
                   |Articles |News |مقالات |بيانات

02-27-2017, 09:41 AM

عبدالله ود البوش
<aعبدالله ود البوش
تاريخ التسجيل: 08-12-2009
مجموع المشاركات: 6621

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: عبدالله ود البوش)

    فاصل غنائي

                   |Articles |News |مقالات |بيانات

02-27-2017, 10:20 AM

عبدالحفيظ ابوسن
<aعبدالحفيظ ابوسن
تاريخ التسجيل: 06-24-2013
مجموع المشاركات: 15349

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: عبدالله ود البوش)

    هيثم يا غالي
    عمك دة انا كنت شاكي فيهو
    لكن اتأكد لي عندو كديسة
    يا ودالبوش ما بتعرف اللغة العالمية
    الاكل الاكل الجومة
    ما شفتك اديتها لبينايا ولا سمكايا
    محبة كت كت بلا لبن
                   |Articles |News |مقالات |بيانات

02-27-2017, 10:45 AM

عماد قريش
<aعماد قريش
تاريخ التسجيل: 03-10-2013
مجموع المشاركات: 317

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: عبدالحفيظ ابوسن)

    Quote: هيثم يا غالي عمك دة انا كنت شاكي فيهو لكن اتأكد لي عندو كديسة يا ودالبوش ما بتعرف اللغة العالمية الاكل الاكل الجومة ما شفتك اديتها لبينايا ولا سمكايا محبة كت كت بلا لبن

    ليس بلخبز وحده يحيا الحيوان
    كديستو دى كديسه حب ومشاعر
                   |Articles |News |مقالات |بيانات

02-27-2017, 11:15 AM

عبدالله ود البوش
<aعبدالله ود البوش
تاريخ التسجيل: 08-12-2009
مجموع المشاركات: 6621

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: عماد قريش)

    كديستو دى كديسه حب ومشاعر
    -----------------------------------
    بالزبط كدا يا عمدة
    وكلم عمك ود اب سن دا بالحكاية دي
    انه ليس بعميق ولا يقرأ ما بين السطور جيدا
    .
    .
    هذه الحكاية يا ود اب سن حكاية غرام عديل كدا فتابع معي الاثارة والعشق والهيام
    قصة حب بين انسان وكديسة
    تحياتي لكما عماد وعمك ود اب سن
    وخليكم متابعين جيدا فالحكاية طويلة وذات شجون
                   |Articles |News |مقالات |بيانات

02-27-2017, 11:14 AM

محمد مجيدو
<aمحمد مجيدو
تاريخ التسجيل: 07-06-2013
مجموع المشاركات: 1921

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: عبدالله ود البوش)




    ود البوش ... كديستك شردت منك.. لقت; زول ونسات ساااي
    قامت جكست ليها كديس منقط ديامي .. وخلطت معااو ..

    وخليك انت في الحلاقة ..

    عااالم بطاالــــــــــــــــــــة
                   |Articles |News |مقالات |بيانات

02-27-2017, 11:20 AM

عبدالله ود البوش
<aعبدالله ود البوش
تاريخ التسجيل: 08-12-2009
مجموع المشاركات: 6621

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: محمد مجيدو)

    مجيدو النصيح حديدو انها حكاية وليس كما الحكايات الخيالية
    انها واقع معاش
    عشقتها وعشقتني وصارت بيننا قصة حب سرمدية لا اعرف لها نهاية
    ولكنها بالامس عرست
    بالجد عرست
    فتابع يا حبيب
    ويبدو انك كدسنجي من النوع ابو كديس
    .
    .
    من عاشر قوما صار زي الزفت وبطال جدا
    تحياتي
                   |Articles |News |مقالات |بيانات

02-27-2017, 11:31 AM

جلالدونا
<aجلالدونا
تاريخ التسجيل: 04-26-2014
مجموع المشاركات: 5016

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: عبدالله ود البوش)

    Quote: قصة حب بين انسان وكديسة

    اها.. و انتهت بالزواج؟
                   |Articles |News |مقالات |بيانات

02-27-2017, 11:44 AM

عباس الدسيس
<aعباس الدسيس
تاريخ التسجيل: 10-11-2012
مجموع المشاركات: 3342

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: جلالدونا)

    لا لا لا وصلت مرحلة الكدايس
    بعد دا حقو ترجع
    وتقابل الموصلي
    قبل ما تبقي لينا السر قدور جديد
    مشتاقين يا حبيب
                   |Articles |News |مقالات |بيانات

02-27-2017, 12:13 PM

عبدالله ود البوش
<aعبدالله ود البوش
تاريخ التسجيل: 08-12-2009
مجموع المشاركات: 6621

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: عباس الدسيس)

    لا لا لا وصلت مرحلة الكدايس بعد دا حقو ترجع وتقابل الموصلي
    -----------------------------------------------------------------
    عباس الدسيس يا حلو
    خلاص اصلي ماش ومن اسع عارف نفسي بعمل شنو
    في ضل البيت عنقريب قصير وجنبي كوم حجار وضقلة
    جديع للبعيد ولفخ للقريب هههههههههههه
    نحن السابقون وانتم اللاحقون
    انا لله وانا اليه راجعون
    اييييه يا دنيا لايبقى الا وجه ربك الكريم
                   |Articles |News |مقالات |بيانات

02-27-2017, 11:51 AM

عبدالله ود البوش
<aعبدالله ود البوش
تاريخ التسجيل: 08-12-2009
مجموع المشاركات: 6621

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: جلالدونا)

    اها.. و انتهت بالزواج؟
    ------------------------
    شفقة الكلبة الجابت جناها اعمى
    اصبر
    .
    .
    سلام الله دا نسيتو ؟
    سلام وشوق حتكمان ... أها
                   |Articles |News |مقالات |بيانات

02-27-2017, 11:55 AM

ادريس خليفة علم الهدي
<aادريس خليفة علم الهدي
تاريخ التسجيل: 10-11-2005
مجموع المشاركات: 5355

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: عبدالله ود البوش)

    جابتلها كدايس !!!

    عمي عبدالله حرم مشتاقين ..
                   |Articles |News |مقالات |بيانات

02-27-2017, 12:16 PM

عبدالله ود البوش
<aعبدالله ود البوش
تاريخ التسجيل: 08-12-2009
مجموع المشاركات: 6621

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: ادريس خليفة علم الهدي)

    عمي عبدالله حرم مشتاقين ..
    --------------------------------
    شوقك دا تجدعو جدعة ؟ ما توصلو بالباب وتشوف عمك وكديستو
    حرم تجي كان اوريك ليها عينك عينك
    .
    .
    هذا بعد التحية والسلام وكثير الشوق
                   |Articles |News |مقالات |بيانات

02-27-2017, 12:27 PM

عبدالله ود البوش
<aعبدالله ود البوش
تاريخ التسجيل: 08-12-2009
مجموع المشاركات: 6621

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: عبدالله ود البوش)

    نزلت ابحث عنها في كل الاركان والجخانين ولم اراها وكدت ان افقد الامل
    خطوت خطوات متثاقلة للرجوع بفقدان الامل
    وفجأة سمعت صوت خافت
    داوود ...... داوود
    وبدأ الصوت يترتفع قليلا قليلا
    داوووووود
    داوووووووود
    داوووووووووووووود
    فعرفت انه صوتها واعلم انه صوت العشق والهيام عندما تكون الهرة جاهزة للمعاشرة
    وداوود معروف لدينا بانه القط المحظوظ لتلبية النداء
    وقفت قليلا دون حراك حتى لا افسد عليها ليلتها
    اسمع صوتها ولا اراها
    وبدأ الصوت يرتفع داووووووووووود داووووووووووووود
    ويبدو انه لا داود قريبا منها ليسمع صوتها
    ويا صوتها لمن دنا بدأ ينخفض داوود داود فعلمت انه اقترب
                   |Articles |News |مقالات |بيانات

02-27-2017, 12:39 PM

عبدالله ود البوش
<aعبدالله ود البوش
تاريخ التسجيل: 08-12-2009
مجموع المشاركات: 6621

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: عبدالله ود البوش)

    فاصل غنائي ونواصل
                   |Articles |News |مقالات |بيانات

02-27-2017, 12:51 PM

عبدالله ود البوش
<aعبدالله ود البوش
تاريخ التسجيل: 08-12-2009
مجموع المشاركات: 6621

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: عبدالله ود البوش)

    الغريب في الامر عندما اقترب الكديس العريس بدأت الكديسة العروسة شرسة جدا
                   |Articles |News |مقالات |بيانات

02-27-2017, 12:59 PM

عبدالله ود البوش
<aعبدالله ود البوش
تاريخ التسجيل: 08-12-2009
مجموع المشاركات: 6621

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: عبدالله ود البوش)

    والاغرب من ذلك عندما قضى وطره منها غصب حسنة وجات نازلة بطرف السلم تمشي الهوينة
    فنظرت الي وقامت جارية واختفت
    فخرجت الصباح للعمل ولم اراها
    والان سوف اعود للبيت واشوف اخرتها شنو
    فهل بتجيني جارية زي زمان ول بتجري زي الكديسة التانية
    بشوف وربما صورتها وارسلت صورتها لكم سيادتي أنساتي سادتي
    وذلك لو ربنا هون القواسي ودعى الامر لذلك فربما تنتهي الحكاية هنا وربما لها بقية
    وفتكم بعافية
    .
    .
    هذه الحكاية حقيقية كما وردت بكل تفاصيلها
    ولكم التحية والمحبة ايها المتابعون والمتابعات
    والسلام
                   |Articles |News |مقالات |بيانات

02-27-2017, 01:52 PM

مني عمسيب
<aمني عمسيب
تاريخ التسجيل: 08-22-2012
مجموع المشاركات: 14128

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: عبدالله ود البوش)



    النشمي سلام منعنع . وللاحبة الحضور السمح .

    ههههههههههههههههههههه

    صاحبتي الكديسة عرست
    طبعآ يا ود البوش هنا الكدايس عندنا بقدر النسمة السكانية
    وعندها الوضع الخاااااااااص من قبل الراعي نديك نموذج .

    غايتو كدايس السعودية ماني خباراها وضعاها الاجتماعي في
    السعودية كيف ؟ علا عارفة كديسة السودان ولندن . ههههههه

    كديسة لندن . وجميع كدايس اوربا . شوفوا الفرق آآآآآآآآآآناس !

                   |Articles |News |مقالات |بيانات

02-27-2017, 03:13 PM

عمر التاج
<aعمر التاج
تاريخ التسجيل: 02-08-2008
مجموع المشاركات: 5284

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: مني عمسيب)


    فنظرت الي وقامت جارية واختفت
    الفقرة دي يا صديق لخصت لي حياة عالم الحيوان كله ، أحاسيس ومعاني موسعة ودسمة .. وعالم الكدايس خاصة زاخر بالحيوات الغريبة والعجيبة ،
    قصة الكديسة الزرقاء دي رغم انها مشوقة ومربكة ، الا اني متشوق بعد نهاية القصة دي ، لي قصة الكديسة التاني (البيضاء) البتجري منك ديك ، مالها يا ربي؟
    مع خالص الود وأدومه .
                   |Articles |News |مقالات |بيانات

02-28-2017, 05:44 AM

عبدالله ود البوش
<aعبدالله ود البوش
تاريخ التسجيل: 08-12-2009
مجموع المشاركات: 6621

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: عمر التاج)

    عمر التاج يا حبيب
    .
    .
    اول حاجة عجبتني جمع الحياة بحيوات ... يا سلام
    وثانيا عجبني تركيزك في الحكاية واندماجك الواضح حتى تطلعت اكثر في معرفة حكاية الكديسة المعاكسة
    ثم انه شاكرا جدا لمرورك العليل والجميل
    خالص الود مرفق طيه مع الاشواق يا تاج يا جميل
    ياخ في ناس تخليك تبدع عشانم وانت واحد منهم وفي ناس تكرهك اليوم الكتبت فيهو بوست والمثال لاحقا
                   |Articles |News |مقالات |بيانات

02-28-2017, 05:37 AM

عبدالله ود البوش
<aعبدالله ود البوش
تاريخ التسجيل: 08-12-2009
مجموع المشاركات: 6621

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: مني عمسيب)

    الجميلة منى عمسيب
    سلام جميل يشبهك ويشبه كلامك الجميل
    عاد شن جاب كديستكم لكديستنا ههههههههههه
    كل مخلوق حسب البيئة العايش فيها
    .
    .
    تحياتي واشتياقي
                   |Articles |News |مقالات |بيانات

02-27-2017, 01:54 PM

يحي قباني
<aيحي قباني
تاريخ التسجيل: 08-20-2012
مجموع المشاركات: 10987

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: عبدالله ود البوش)

    Quote: Re: صاحبتي الكديسة عرست x Author: عبدالله ود البوش والاغرب من ذلك عندما قضى وطره منها غصب حسنة وجات نازلة بطرف السلم تمشي الهوينة

    ود البوش !
    قضي وطره و كديستك جات تمشي الهوينا ؟

    لا سكتو لا قالت شي؟

    حليل زمن كدايسنا البكسرو العناقريب ...🙄
                   |Articles |News |مقالات |بيانات

02-27-2017, 02:04 PM

عبدالحفيظ ابوسن
<aعبدالحفيظ ابوسن
تاريخ التسجيل: 06-24-2013
مجموع المشاركات: 15349

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: يحي قباني)

    لو ما فضيتني في الرد كان حكيت ليك قصة الفارة العذبت الزول
    لكن مقبولة منك آخر عمرك يا المسنوح بقيت تباري الكدايس لا تقرا الكدايس برندوك شعبي
    لكن وقت ملحتها في المحبة لامن تنفس اديها حق اللبن
                   |Articles |News |مقالات |بيانات

02-27-2017, 02:10 PM

جلالدونا
<aجلالدونا
تاريخ التسجيل: 04-26-2014
مجموع المشاركات: 5016

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: عبدالحفيظ ابوسن)

    سلام يا بوشنا و شوق شديد
    بعنى شوكشتك
    يمين الله النسانى السلام قهيتى فى القصة
    ____
    با قبانى تمشى الهوينا دى يعنى ماشة فترانة من بعد سكّتو
    بس ود البوش خانو التعبير .. اعذرو ياخ
                   |Articles |News |مقالات |بيانات

02-28-2017, 05:59 AM

عبدالله ود البوش
<aعبدالله ود البوش
تاريخ التسجيل: 08-12-2009
مجموع المشاركات: 6621

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: جلالدونا)

    جلالدونا يا حبيب ما يحتاج حليفة ياخ فالقلوب شواهد ولكن السلام سمح حبيت اذكرك
    .
    .
    بعنى شوكشتك
    -----------------
    العلاقة اسمى واوسع من كدا بكثير
    جنكم حتات ضيقة
    مع تحياتي لود المدير هههههههههه
                   |Articles |News |مقالات |بيانات

02-28-2017, 05:54 AM

عبدالله ود البوش
<aعبدالله ود البوش
تاريخ التسجيل: 08-12-2009
مجموع المشاركات: 6621

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: عبدالحفيظ ابوسن)

    عبدالحفيظ ود اب سن يا صديقي الجميل
    لا عاش من يفطك ولكن رديت عليك مع هيثم غالي لان المداخلتين في سياق واحد
    ورغم ذلك بعتذر يا زول يا سمح
    .
    .
    احكي ياخ فالبوست عبارة عن حكايات وونسة
    تحياتي وودي الذي تعلم
                   |Articles |News |مقالات |بيانات

02-28-2017, 05:49 AM

عبدالله ود البوش
<aعبدالله ود البوش
تاريخ التسجيل: 08-12-2009
مجموع المشاركات: 6621

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: يحي قباني)

    وجودك بس يا الحبيب قباني في اي بوست يزيده القا وجمالا وحراكا خليك من اي حاجة تاني
    شاكر جدا لوجودك هنا بغض النظر عن كدايسكم كسارة العناقريب
    .
    .
    جزيلا الشكر والتقدير
                   |Articles |News |مقالات |بيانات

02-27-2017, 02:06 PM

محمد مجيدو
<aمحمد مجيدو
تاريخ التسجيل: 07-06-2013
مجموع المشاركات: 1921

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: عبدالله ود البوش)

    Quote: غايتو كدايس السعودية ماني خباراها وضعاها الاجتماعي في
    السعودية كيف ؟ علا عارفة كديسة السودان ولندن . ههههههه



    منى ... سلام ومشتاقين ياااخ

    اها شوفي كدايس السعودية السجمانين ...

    عاالم بطاالة


                   |Articles |News |مقالات |بيانات

02-27-2017, 02:19 PM

مني عمسيب
<aمني عمسيب
تاريخ التسجيل: 08-22-2012
مجموع المشاركات: 14128

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: محمد مجيدو)


    مجيدو .. لك الاشوق وعاطر التحايا .


    قلت لي سجمانين .. طيب تعال شوف دا ! ههههههههههههه

    عرفنا داك سعودي يا ربي دا جنسه شنو ؟ هههههههههه

                   |Articles |News |مقالات |بيانات

02-27-2017, 02:41 PM

حيدر حسن ميرغني

تاريخ التسجيل: 04-19-2005
مجموع المشاركات: 19591

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: مني عمسيب)

    ود البوش يالذيذ
    صاحبنا جارتهم سعودية اهدتهم قطة انثى من النوع الضخم داك
    فرحوا بيها شديد وعملوا
    يوم لقت الشباك فاتح كوركت لكديس ضكر كان يرتع في مقلب قمامة خلف البيت
    قومي الدي وخلفي جنيات شينين يشبهو كديس الكوشة
    الجماعة شالتهم هاشمية وطردوا الكديسة اللي اعتبروها واحدة من بناتهم
                   |Articles |News |مقالات |بيانات

02-27-2017, 03:32 PM

عمر التاج
<aعمر التاج
تاريخ التسجيل: 02-08-2008
مجموع المشاركات: 5284

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: حيدر حسن ميرغني)

    عرفنا داك سعودي يا ربي دا جنسه شنو
    سلامات يا مني والشوق بحر ..
    كلامك عن تعبير حالة الكديسة لمجتمعها في محله تماما ..
    قبل فترة زرت واحد صاحبي في مؤسسة ذات كرش ومال ..
    ثم كررت الزيارة بعد فترة وعلقت قائلا ( مؤسستكم دي مازي زمان!)
    قال لي : صحيح والله .. عرفتها كيف؟
    قلت ليهو الكديسة الجنب السلم دي السنة الفاتت كانت مدغلبة وصوتها حنين
    صاحبنا وزملاءه ضحكو لامن المدير سمع ، ولما عرف القصة عملهم انذار جماعي.


                   |Articles |News |مقالات |بيانات

02-27-2017, 03:51 PM

ahmedona
<aahmedona
تاريخ التسجيل: 01-08-2013
مجموع المشاركات: 6120

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: عمر التاج)

    بوست ظريف يا ود البوش..

    sudansudan1.jpg Hosting at Sudaneseonline.com

    (عدل بواسطة ahmedona on 02-27-2017, 05:35 PM)

                   |Articles |News |مقالات |بيانات

02-27-2017, 05:15 PM

د.محمد حسن
<aد.محمد حسن
تاريخ التسجيل: 09-05-2006
مجموع المشاركات: 14975

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: ahmedona)

    ود البوش سعاي السعية
    اها نديك نضم الدكاترة البعرفو لغة الحيوانات
    ود اب سن ما تضحك

    اولا كل السعية بتشم ريحة حبيبها

    ودي حقيقة
    وبتعرف الزول البحبها من الزول البخاف منها
    والحيوانت قادرة على شم هرمون الادرينالين البخلي القلب يضرب
    اها يا ود البوش الكديسة البتجري منك مكجناك لانك قايلة شيطان
    والكديسة بتاعتك بتحبها لانك قايلة جنية وبتدور تغنى وتغنم
    ههههههههههههههههههههه

    اها اتوطدت العلاقة بينكم
    وحسب معرفتي بيك انا اجزم انو الكديسة دي انت ما فكرت فيها جنسيا حتى ولو كانت جنية
    لكن لانو الكديسة دي بكرية وانت اول حب ليها
    وكانت بتمارس معاك الاغواء بالتمغي والرفسي وذلك لقرب بدء دورة الشبق لديها ( الدورة العادية دي )
    ولما لقت ما منك فايدة كانت في حالة التبويض
    وانت عايز تتسحسح وتحلق شعرك
    ماك نجيض زي اخوك امحمد القعد يكورك لي اختو فاطنه تجيب ليه العروس بسراع ودي قصتها براها
    اها لمن قنعت من خيرا فيك
    قعدت تكورك لي داوووود
    ولن هناك بعض الخصائص الفسيولوجية والتشريحية بتخلي جماع الكدايس فيه شي من الشراسة
    التي نراها
    المهم مبروك لي كديستك
    رغم انك خذلتنا يا الكلس
                   |Articles |News |مقالات |بيانات

02-27-2017, 05:59 PM

محمد جبره
<aمحمد جبره
تاريخ التسجيل: 01-12-2013
مجموع المشاركات: 653

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: د.محمد حسن)

    الله يكفينا شر الكدايس و المكدسين ...

    ........
    يشبكونا الغربة حارة و من ما يبقوا على الرجعة يا ها دي الحالة ....انا لله
                   |Articles |News |مقالات |بيانات

02-28-2017, 03:26 AM

عبدالحفيظ ابوسن
<aعبدالحفيظ ابوسن
تاريخ التسجيل: 06-24-2013
مجموع المشاركات: 15349

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: محمد جبره)

    كلامك صاح يا محمد حسن
    الحيوانات استعاضت عن العقل بصفات اخري دوننا
    الوالد عليه رحمة الله كان مربي بقرتين للبن في البيت . برجع من السوق العصر
    بنعرف جيتو قبل تقريبا كم دقيقة
    من ما البقر يرفعن راسن ويجوعرن بنعرف قريب للبيت
    قلت لي ودالبوش خذلك ههههه
    زولك طلع بتاع حبكانات ساي
                   |Articles |News |مقالات |بيانات

02-28-2017, 06:34 AM

عبدالله ود البوش
<aعبدالله ود البوش
تاريخ التسجيل: 08-12-2009
مجموع المشاركات: 6621

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: عبدالحفيظ ابوسن)

    كلامك صاح يا محمد حسن
    ----------------------------
    كلامو صاح وعلمي ويمشي كويييس لكن في الاخر بسرج ليك الكورة في تمانياتك رغم انو زميلك
    .
    .
    يا حفيظ نحن عشنا في بيئة خلتنا كلنا اصدقاء انسان على حيوان
    ولذلك فان حب الحيوان عندنا بالفطرة
    .
    .
    تحية وشوق
                   |Articles |News |مقالات |بيانات

02-28-2017, 06:27 AM

عبدالله ود البوش
<aعبدالله ود البوش
تاريخ التسجيل: 08-12-2009
مجموع المشاركات: 6621

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: محمد جبره)

    محمد جبره يا صديق
    لك التحية والسلام رغم انك حرمتني منها ولكنها من حقك وانت صديق جميل
    ولكن كلامك بالجد حيرني
    قدر ما وديتو عدلة قلبة يمين يسار فوق تحت غلبني لان هذا ليس ما تعودته منك
    وبما ان البوست كله مزحة وهزار فمن حقك علي ان احمله على هذا المحمل
    واتمنى ان يكون ظني كماهو هو
    وان كان لك توضيحا ارجو ان تزيل اللبس
    تحياتي
                   |Articles |News |مقالات |بيانات

02-28-2017, 06:20 AM

عبدالله ود البوش
<aعبدالله ود البوش
تاريخ التسجيل: 08-12-2009
مجموع المشاركات: 6621

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: د.محمد حسن)

    الكلام العلمي ماعندنا فوقو كلام يا دكتور لكن لفضك عاجز
    .
    .
    كنت اتوقع منك كلام علمي باسلوب رصين لكن لقيتك بتلفخ ساهي
    .
    .
    شكرا يا دكتور محمد حسن على الاضافة العلمية لكن الفيك عرفتها طااااااااب
                   |Articles |News |مقالات |بيانات

02-28-2017, 06:10 AM

عبدالله ود البوش
<aعبدالله ود البوش
تاريخ التسجيل: 08-12-2009
مجموع المشاركات: 6621

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: ahmedona)

    شكرا جزيلا مولانا احمدونا
    تحية وشوق
                   |Articles |News |مقالات |بيانات

02-28-2017, 06:08 AM

عبدالله ود البوش
<aعبدالله ود البوش
تاريخ التسجيل: 08-12-2009
مجموع المشاركات: 6621

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: حيدر حسن ميرغني)

    حيدر حسن ميرغني يا اجمل صديق في نواحي شرق الارض
    الله يحفظ غربتك ياخ ويجمعنا كلنا في وطن معافى واتمنى لقاك بالجد والله
    فانت من الناس الواحد يتمنى ليمن
    .
    .
    الجماعة شالتهم هاشمية وطردوا الكديسة اللي اعتبروها واحدة من بناتهم
    ------------------------------
    عرفتهم ناسك ديل هههههههههه هيييييييييييييع
    .
    .
    تحياتي
                   |Articles |News |مقالات |بيانات

02-28-2017, 06:02 AM

عبدالله ود البوش
<aعبدالله ود البوش
تاريخ التسجيل: 08-12-2009
مجموع المشاركات: 6621

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: محمد مجيدو)

    دي يا مجيدو اسمها كديسة ام زين جات تشيل الفار ... الفار شالا
    كدايس اخر زمن
    .
    .
    كدايس بطالة
                   |Articles |News |مقالات |بيانات

02-28-2017, 06:11 AM

عبد العزيز محمد عمر

تاريخ التسجيل: 02-16-2013
مجموع المشاركات: 2655

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: عبدالله ود البوش)

    .

    كديستك دي لمن تخلص الهوني مووون ... بالله خرم لينا على كدايس المستشفى ....

    السمان وغلااااااد....
                   |Articles |News |مقالات |بيانات

02-28-2017, 06:40 AM

ياسر السر
<aياسر السر
تاريخ التسجيل: 08-06-2010
مجموع المشاركات: 2656

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: عبد العزيز محمد عمر)

    الكلس ود البوش في الحالة دي طوالي تغني ليهم جلسن شوف يا حلاتن الناعسات كاحلاتن هههههههههههههههه
    ياخي والله مشتاااقين لكن كديستك عجيبة والله ....
    حبينا نسلم يا حبيب وتحياتي ليك ولكديستك ...


    تحياتي : ياسر العيلفون .....
                   |Articles |News |مقالات |بيانات

02-28-2017, 08:29 AM

عبدالله ود البوش
<aعبدالله ود البوش
تاريخ التسجيل: 08-12-2009
مجموع المشاركات: 6621

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: ياسر السر)

    ياسر السر يا فنان يا مرهف السنس والسنسبلتي
    للحيوانات ارواح مثلنا وبالتاكيد تحس بما حولها وتتفاعل
    .
    .
    في الحالة دي طوالي تغني ليهم جلسن شوف يا حلاتن الناعسات كاحلاتن
    -------------------------------------------------------------------------
    يا سلام على الابداع
    .
    .
    شكرا يا حبيب على مرورك الهادي الجميل
    تحياتي
                   |Articles |News |مقالات |بيانات

02-28-2017, 07:28 AM

عبدالله ود البوش
<aعبدالله ود البوش
تاريخ التسجيل: 08-12-2009
مجموع المشاركات: 6621

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: عبد العزيز محمد عمر)

    عبدالعزيز الشغيل يا حبيب
    .
    .
    الهوني مون خلاص خلص وانتهى الله يعيني على الولادة هههههههه
    نحن اسع في اخر شهر اتني معناها اخر شهر خمسة ولادة
    .
    .
    كدايس المستشفى ديل ما حقتانا ... نحن ناس كدايس خلا ساكت
    تحياتي يا حبيب
                   |Articles |News |مقالات |بيانات

02-28-2017, 06:33 AM

أيمن الطيب
<aأيمن الطيب
تاريخ التسجيل: 09-19-2003
مجموع المشاركات: 5831

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: عبدالله ود البوش)

    سلامات يا ود البوش,,,
    دا إسمو حكي مؤسس والله,,
    Quote: " نجاو" معناها شنو قامت ردت ليه معناها
    تعال جاي ....
    زمان كان عندى صاحب وجار جانى يوم داير يطير قال لقى ليهو بنت من بنات الحور وهو خلاص نجض تببب
    ويشيل ويحكى بالبنية الجاية بلاد الفرنجة ويوصف في الشعر والعيون والخدود وهلم جرا,,

    بعد كم يوم لاقيتو وسالتو أها الخواجاية كيف يا مصطفى سعيد!!!
    صر وشو قال لي بت الكلب جاتنى ابيت افتح ليها الباب زاتو!!!
    يا زول مالك ليه خير في شنو!!!

    قال لي جات سايقة ليها ضكر كديس قدر المرفعين أنعل ابو يوما

    وصاحبنا دا نوع الناس البخاف من الكدايس تقول جدو فار بس!!
    رعب عديييييل كدا وزي ما بقول الشيطان ولا الكديس,,

    قلت ليهو الناس ديل ظراف كان تقول ليها عندى حساسية من
    الكدايس بدل ما تلبد وما تفتح الباب!!! قال لي ام ضكر كديس
    قدر المرفعين دى إن بقت أخر بت في الدنيا ما داير اشوفا تاني,,

    تحياتى
                   |Articles |News |مقالات |بيانات

02-28-2017, 07:06 AM

ادريس خليفة علم الهدي
<aادريس خليفة علم الهدي
تاريخ التسجيل: 10-11-2005
مجموع المشاركات: 5355

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: أيمن الطيب)
                   |Articles |News |مقالات |بيانات

02-28-2017, 08:50 AM

عبدالله ود البوش
<aعبدالله ود البوش
تاريخ التسجيل: 08-12-2009
مجموع المشاركات: 6621

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: ادريس خليفة علم الهدي)

    زيادة الخير خيرين يا ادريس
    اضافة حلوة
    تحياتي
                   |Articles |News |مقالات |بيانات

02-28-2017, 08:46 AM

عبدالله ود البوش
<aعبدالله ود البوش
تاريخ التسجيل: 08-12-2009
مجموع المشاركات: 6621

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: أيمن الطيب)

    دا إسمو حكي مؤسس والله
    -------------------------------
    الله يجبر بخاطرك الجميل ايمن الطيب
    .
    .
    حكي عفو الخاطر وقد يكون صائبا وقد يخيب وقد يعجب البعض ولا يستسيغه البعض
    وفي كل الاحوال محاولة التعبير عم يجيش بالنفس وللناس في هواها مذاهب
    .
    .
    ودعني ان انقل لك هذه القطعة التي احسب انها ممتعة في الارتباط بالحيوان
    وقد كتبتها هنا من قبل واعيدها لك ... ارجو ان تتمعنها وتستمتع بها ايها الحبيب ابن استاذي الراحل المقيم
    في قلوب كل حنتوبي جميل له الرحمة والمغفرة وعالي الجنان
    .
    .
    جابنو كـلبـة عمي علي ود بله ولدت سبعة من ضكر لنتاية وكل يحمل اسمه
    ومعاهم الكـلـب الكبير الضكر واسمه جاموس
    جابنو وجاموس عشرة عمر مع فريق عمي علي ود بله وحبوبتي حرم مدينة
    جابنو بتعرف ناس الفريق كلهم نفر نفر وناس الفريق يبادلوها المعرفة والاحترام
    نسلم عليها زيك يا جابنو وترد السلام وتكاد تسمع تحياتها وتشوف الابتسامة في وشها
    وويل لكل من يمر بالفريق وهو غريب تشم ريحتو من بعيد وتلبد ليهو في فرقة وتلحسو المرقة
    وقولة هووووو غريبك ينط وقلبو اطير فر وتكاوشو جابنو تحت كرعيه وعلالتو تقيف تُكل
    علا احلو عمي علي ود بله ولا حبوبتي حرم مدينة بعبارات معروفة لديها ...
    جابنو البلا اللياخدك قطعتي قلب الضيف
    وهنا تَتَبْتِب ضنبها معتذرة للضيف الكريم مع تَعْوِيصَة الترحيب والاحترام
    جابنو كان يومنا معها اسودا حين قتلها البوليس بالبندق دلللللل
    حتى هذه اللحظة كاني اسمع صوت البندق دلللللل في قلب جابنو واتكرفست في صمت للابد
    اصلو البوليس دخل الحلة في نهارٍ يدخل القمرية في الراكوبة نصت نهار سَكًتْ عِمَي
    مشى لشيخ الحلة طوالي في بيتو عشان يدلو علي الكلاب الضالة والسعرانة ليعدمها بالرصاص
    شيخ الحلة جبد عراقيهو المشرور في الحر وطنطن كتال الكلاب جانا قبل رشاش الزفت الله إكفينا شرو
    واسترني معاهو ومع ناس الحلة
    رحب بيهو شيخ الحلة وجاب ليهو موص بارد قبل ما يعوسو كسرة الغدا يغديهو ويمسكو درب الله واخليهو
    وفي هذا الاثناء تجمع ناس الحلة كبار وصغار وبنات ونسوان كلهم يهمهمون ويطنطنون
    وكل منهم خوفا على ضنب كـلبـو واخبروا شيخ الحلة بان لاكـلـب سعران او ضال بيننا ليقتل رميا بالرصاص
    وائ رصاصة في قلب واحد من كـلابـنا هي رصاصة في حشانا كـلابـنا عاشت بيننا ولها كبد رطبة مثلنا
    وكادت ان تقوم مظاهرة عارمة امام ديوان شيخ الحلة والبوليس كلامهم فايتو اضانو
    بعد اخذ ورد توصل شيخ الحلة معهم لاتفاق بان يمشوا لـ علي ود بله كلابو كتار اكتلو منهم واحد ول اتنين
    عشان يرضو البوليس قال اصلو ما بمش فاضي بدون قتل كـلب او اثنين من كل حلة
    والشيخ يرى انه من العيب ان يسمع من المعسولين بان شيخ الحلة غير متعاون في حملة قتل الكلاب الضالة
    والسعرانة رغم اقتناعه بان لايوجد في حلته كـلب سعران او ضال فهو في حرج من امره بين مطرقة
    الحيكومة وسندان ناس الحلة وبقى ليهو زي دق الوتد في الدلجا
    إتفق شيخ الحلة مع جمهور الناس المتجمهرة بان يتغدى البوليس ويمشوا الحلة القدامية
    لعلي ود بله باقي كـلابو كتار بالحيل اكان الله اهديهو وادينا واحد ولا اتنين نكتلن ونرتاح
    من لخمة البوليس دي العملت لينا سافوتا
    وانطلق بعض الصبية امامهم لبيت عمي علي ود بله واخبروهو الخبر الصاعق فتبسمل وتعوذ
    وتشهق وتمطق ونادى حبوبتي حرم مدينة ... شفتي يا فالحة ناس حلتك الورا حسادتن
    انا عندي كـلاب ؟ شن عندي انا غير جابنو واولادا السبعة والكـلب الضكر ؟!!
    ودمه يفور في عروقو وقبل ان يجف ريقو وقف امامه شيخ الحلة والبوليس بندقو في كتفو
    وشفع الفريق ورجالو ونسوانو عجاجتن رابطة بعر حمير وغنم
    وقف عمي علي ود بله واو احمر ووقفت حبوبتي حرم مدينة نون نسوة نجيضة وفالحة
    ووقفنا نحن الشفع معاهم نكتح التراب اكان يعمي عين البوليس من جابنو
    سمعنا الشيخ قال نكتل جابنو العجوز عشان نرضي الحيكومة
    الحيكومة طايرة في السماء وات ماسك في كرعيها يا شيخ الحلة والبوليس ماسك في كرعيك
    جابنو علا اموت انا معاها
    هكذا ردد عمي علي ود بله

    الحيكومة طايرة في السماء وات ماسك في كرعيها يا شيخ الحلة والبوليس ماسك في كرعيك
    جابنو علا اموت انا معاها
    وقتلت جابنو بقوة السلاح امام اعين كل احبابها
    وراحت في صمت للابد وتركت حسرة في نفوس محبيها
    !!!!!!!!!!!!!!!!!!!!!!!!!!!!!!!!!!!!!!!!!!!
                   |Articles |News |مقالات |بيانات

02-28-2017, 07:11 AM

Khalid Elsayed
<aKhalid Elsayed
تاريخ التسجيل: 01-25-2017
مجموع المشاركات: 385

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: عبدالله ود البوش)

    بوست ممتع جدا
    هناك بحوث كثيرة على مر العقود الخمس الاخير يقوم فيها علماء النفس والمجتمع بدراسة وتحليل علاقة الإنسان بالحيوانات الأليفة

    أثبتت الفحوصات الشعاعيّة المتطوّرة، أن دماغ الإنسان يمتلك خلايا عصبيّة متخصّصة بمراقبة حياة الحيوان. وهذه الخلايا موجودة، بحسب فريق مجلّة العلوم الأميركية «Mind»، في منطقة اللّوزة الدماغية «Amygdala»، الخاصة بالمشاعر، وهي منطقة تستجيب بسرعة لصورة الحيوان. إلى ذلك، تمّ العثور على قاعدة عصبيّة مهمّتها تسجيل الانفعالات العاطفية التي تولّدها رؤية الحيوانات الأليفة. والجدير ذكره أن هذه الانفعالات، بحسب الأبحاث، تشبه إلى حد بعيد تلك التي تولّدها رؤية الأطفال. ولا بد من الإشارة هنا إلى أن ملامح الحيوان الأليف تحاكي للوهلة الأولى ملامح الطفل، وخصوصًا لناحية براءة النظرة، واتساع العينين بالنسبة لبقيّة تقاسيم الوجه، هذا بالإضافة إلى ردّات الفعل العفوية التي تصدر عنه. وهذا يدل على أن اهتمام البعض بالحيوان إلى حدود الوله، يعتبر توجهًا فطريًا، الهدف منه التركيز على دورة الحياة وتطوّرها. - See more at: https://www.lebarmy.gov.lb/ar/content/%D8%A7%D9%84%D8%A7%D9%86%D8%B3%D8%A7%D9%86-%D9%88%D8%A7%D9%84%D8%AD%D9%8A%D9%88%D8%A7%D9%86%D8%A7%D8%A...sthash.AUKwJdLc.dpuf
    ،
                   |Articles |News |مقالات |بيانات

02-28-2017, 08:57 AM

عبدالله ود البوش
<aعبدالله ود البوش
تاريخ التسجيل: 08-12-2009
مجموع المشاركات: 6621

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: Khalid Elsayed)

    خالد السيد يا رائع اشكرك للاضافة العلمية القيمة والثرة
    والله يا خالد وماك طالبني حليفة وصدقانا لكلامك دا انا امس بعد مشيت من هنا على البيت
    نزلتي من العربية اقسم بالله الكديسة دي جات جارية جري لمن حسيت بشوقها وولها وحبها في عيونا
    وكنت عايز اصورها فيديو ولكن عمك حركتو بقت تقيلة لمن طلعت التلفون وفتحتو لقيتا طارت راحت
    لاحظ بس استقبلتني وجرت بدون اي انتظار لاي منفعة
    ياخ الكديسة دي فيها سر وكنت ناوي اتابع حكايتها معكم حتى ولداتها ولكن لاتحظت بعض التفلتات غير المستحبة
    ففضلت ان اختم البوست نا واحتفظ بباقي الحلقات لنفسي
    والسلام
                   |Articles |News |مقالات |بيانات

02-28-2017, 09:21 AM

رانيه محمد الشيخ

تاريخ التسجيل: 10-18-2010
مجموع المشاركات: 3680

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: عبدالله ود البوش)

    صباحك روعه بسيرة الكدايس دى
    خصوصا انى مجنونة كدايس
    تعلقت فى حياتى باثنين وبعد وفاتهم بقى محظور عليه اقرب من اى كديسه
    عشان المرض البمرضه من زعل على وفاتهم
    تعلق بالجد كان هوس
    لكن لصراحه مافى امتع من صحبة الكديسه
    كانت بتنام معاى فى سرير وتصحينى بنخرتها البااااااااااااااااااااااااااااارد
    وتلعب معاى وحتى تحزن معاى
    قلبى حسى ما بيتحمل اربى تانى كديسه
    لانى خوفى افقدها اكبر من حبى لامتلاكها
    :(
                   |Articles |News |مقالات |بيانات

02-28-2017, 09:41 AM

رانيه محمد الشيخ

تاريخ التسجيل: 10-18-2010
مجموع المشاركات: 3680

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: رانيه محمد الشيخ)





    دى تانيه لمن كانت صغيره
                   |Articles |News |مقالات |بيانات

02-28-2017, 09:50 AM

عبدالله ود البوش
<aعبدالله ود البوش
تاريخ التسجيل: 08-12-2009
مجموع المشاركات: 6621

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: رانيه محمد الشيخ)

    يا سلاااااااااااام ياخ البوست دا جاب ناس غيبة طويلة منهم
    رانية بت اخوي حبابك وبركة الجابتك الكديسة هههههههههه
    .
    .
    .
    عايني لي جاي
    عندنا واحد من عروبنا بحب واحدة من بنات بندركم وداير يصرح لها بالحب وغالبو
    لقاها شايلة كديسة قاليها دي كديستك ؟ قالت اي
    قاليها حقو الزول يعرسك ههههههههههههههه
    .
    .
    اتمناك تكون بخير وسعيدة ومبسوطة
    تحياتي
                   |Articles |News |مقالات |بيانات

02-28-2017, 09:30 AM

سامر دوشه
<aسامر دوشه
تاريخ التسجيل: 01-18-2017
مجموع المشاركات: 162

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: عبدالله ود البوش)

    ود البوش و ضيوفه
    سلامات ،،

    طبعاً سرد عجيب و الأغرب إنها مستوحية من الواقع ،
    لكن عندي سؤال ،
    طالما إنت راجل بتاع كدايس و كدا ،
    الرابط العجيب شنو بين الكدايس و المقولات المربوطة بيها ،
    زي مثلا : ود البوش بتاع كدايس ، و كديستو قامت ،
    أو ،
    ود البوش كاتب موضوع أبو كديس ،
    كدي حاول معاي و حلل السبب شنو في ربط الكدايس للمعاني دي ،
    و أكيد الإجابة عندك .


    تسجيل حضور و متابعة للبوست الشيق ،
    تحياتي.
                   |Articles |News |مقالات |بيانات

02-28-2017, 09:47 AM

أحمد محمد عمر

تاريخ التسجيل: 03-03-2010
مجموع المشاركات: 2079

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: سامر دوشه)

    Quote: ذكرتني نكتة الولد الرسلو ابوهو يقرا لغة الحيوانات في بلاد برة
    Quote: لكن نكتتك سمعت بيها وكان لايمنع ان تحكيها علها تضع بسمة في وجه مغترب بائس
    ويهون عليك البوست ؟


    صددددددددددقني ما ياها السمعتها
                   |Articles |News |مقالات |بيانات

02-28-2017, 09:58 AM

عبدالله ود البوش
<aعبدالله ود البوش
تاريخ التسجيل: 08-12-2009
مجموع المشاركات: 6621

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: أحمد محمد عمر)

    صددددددددددقني ما ياها السمعته
    -------------------------------------
    صدقني اياها ذاتا ههههههههههههههه
    ومافي داعي لحاو وهش والدحيشة عنفضت
    البوست صار ناعما ولا يحتمل هههههههههه
                   |Articles |News |مقالات |بيانات

02-28-2017, 10:38 AM

أحمد محمد عمر

تاريخ التسجيل: 03-03-2010
مجموع المشاركات: 2079

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: عبدالله ود البوش)

    Quote: صدقني اياها ذاتا ههههههههههههههه ومافي داعي لحاو وهش والدحيشة عنفضت البوست صار ناعما ولا يحتمل هههههههههه
    لا لا لا لقيتك صعب والله
                   |Articles |News |مقالات |بيانات

02-28-2017, 11:11 AM

عبدالله ود البوش
<aعبدالله ود البوش
تاريخ التسجيل: 08-12-2009
مجموع المشاركات: 6621

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: أحمد محمد عمر)

    لا لا لا لقيتك صعب والله
    ------------------------------
    ومتكل بالشعب حت كمان
    ابوك يا عبدالجبار هيييييييييييع حليل معتوق هيغ
    سلم على الشغيل الكبير ايها الشغيلاب قايلين روحكم صعبين براكم ؟
    لو قايل روحك وقعت من السماء سبعة مرات دفرتك انا يا ابو قميص فراشات
    .
    .
    قت ليك البوست دخل في اجواء ناعمة تاني ترجعنا لمريسة قوز الرهيد وملاح اللحم ؟
                   |Articles |News |مقالات |بيانات

02-28-2017, 10:08 AM

عبدالله ود البوش
<aعبدالله ود البوش
تاريخ التسجيل: 08-12-2009
مجموع المشاركات: 6621

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: سامر دوشه)

    سامر دوشه يا حبيب
    شكرا يا معجب على الاعجاب
    .
    .
    الرابط العجيب شنو بين الكدايس و المقولات المربوطة بيها ،
    -----------------------------------------------------------------
    يقوليك الزول دا كديستو قامت عليهو ..... مقولة معروفة ولكن ما خسرانين حاجة من التكرار
    الكديسة بتكون هادية ومستكينة لكن اقل حركة جنبها بتخليها تقوم مذعورة واحيانا بدون سبب
    براها بتعمل الحركة دي
    وكذلك بعض الناس تلقاهو في امان الله وفجأة يتغير وبدون سبب
    .
    .
    فلان مكدس دا معناها مجنون رسمي .... بمعنى حركة الكديسة اعلاها ملازماهو على طول
    .
    .
    النوع ابو كديس دي بترجع لحجارة افيري علامة ابوكديس كانت من اجود انوع حجار البطارية في القرن السابق
    .
    .
    تحية واحتراما اخي دوشه
                   |Articles |News |مقالات |بيانات

02-28-2017, 10:39 AM

Nasereddin Mohamed
<aNasereddin Mohamed
تاريخ التسجيل: 02-07-2017
مجموع المشاركات: 33

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: عبدالله ود البوش)

    سلامي يا ود البوش
    أهل علم النفس الاجتماعي قالو عن مراحل المهاجر السوداني1- المرحلة الحمامية 2- المرحلة الكديسية 3 - المرحلة الديك ية 4- المرحلة القردية ثم5- المرحلة (الثور) ية وهي من تور حتي لا تنبري العصي والاسلحة باتهامنا بالثورة، ،،،اي اخر مرحلة تطور زهج المهاجرالتي لا شفاء منها الأ بالخروج النهائي..... جمبل انك في أسعد مرحلة وهي المرحلة الكديسية، والتي من خصائص صاحبها :أنه أليف ، يحب الاستقرار،يمتاز ببصيرة وبصر متقدين ، لذا يلجأ الي الحوار (من الداخل) والحل السلمي ( خاصة مع سلطة المنزل)... و كثيرا ما يستدعي الطفولة والأيام الحلوة ....لي قطة صغيرة سميتها سميرة________________بقية الخصائص يمكنك فرد بوست خاص بها وهي سهل التعرف علي خصائصها.... سعدت ب مقابلتك مع عبد المطلب أو طلب كما تختصر الأسرة واصدقاؤه الاسم -في منزله في الرياض ،،، كان يضحك وهو بحكي عن فكرتك (تدنقد ) البوست -لغة المزارعين في الوسط -استئجار ، اي بوست للايجار من طرفك تذكر؟________ شاكرا لك هذه المساهمة ومساهمات أخري منك ،تعكس عمق التقدير والحب المتبادل بينك والزملاء والتحية للأخوة الذين مروا ... ومن سيمر لاحقا...
                   |Articles |News |مقالات |بيانات

02-28-2017, 10:58 AM

عبدالله ود البوش
<aعبدالله ود البوش
تاريخ التسجيل: 08-12-2009
مجموع المشاركات: 6621

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: Nasereddin Mohamed)

    يا سلااااااااااام ياخ ناس زحل الحلوين ........ نصرالدين محمد يا حبيب
    كيف ياخ اذكرتك وهل ينسى ذلك الالق والجمال وطيبة ناس زحل والضحك من جوة القلب والمشاعر المترعة بالحنان
    بينكم الفة لا يخطيها ذو بصيرة بقيادة عبدالمطلب ذلك الانسان الجميل المرهف
    يا حليلكم ياخ .... واتمنى ان نلتقي
    .
    .
    حمامية
    كديسية
    ديكية
    قردية
    تورية
    مافي نعجية ؟ ههههههههههههههه
    تصنيف جميل وعليه اندقد ليك انقايتين في الحواشة دي تجرب ابداعك بالندقندي في المنبر دا
    وبعداك تسوي حواشة كاملة براك ونجي نحش معاك
    اها شد حيلك في فقاع الشمش دا قبل ما تجيك ام رويق
    .
    .
    اجمل التحايا مرفق طيها مع الترحيب بيك في هذا البحر الغريق ( سودانيزاولاين )
    جزيل الشكر والتقدير وقد سعدت جدا بانضمامك وبهذه المداخلة القيمة والمفيدة
                   |Articles |News |مقالات |بيانات

02-28-2017, 05:38 PM

د.محمد حسن
<aد.محمد حسن
تاريخ التسجيل: 09-05-2006
مجموع المشاركات: 14975

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: عبدالله ود البوش)

    (النوع ابو كديس دي بترجع لحجارة افيري علامة ابوكديس كانت من اجود انوع حجار البطارية في القرن السابق)


    افيريدي بس؟

    التراكتر نسيتو ؟
                   |Articles |News |مقالات |بيانات

02-28-2017, 10:36 AM

Nasser Amin

تاريخ التسجيل: 02-07-2017
مجموع المشاركات: 511

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: سامر دوشه)


    سلام ود البوش و الضيوف الاعزاء

    واصل سردك الممتع ...متابعين
                   |Articles |News |مقالات |بيانات

02-28-2017, 11:18 AM

عبدالله ود البوش
<aعبدالله ود البوش
تاريخ التسجيل: 08-12-2009
مجموع المشاركات: 6621

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: Nasser Amin)

    ناصر امين حبابك وحباب اليوم الجابك
    مرحبا بك عضوا مشاركا فعالا واتمنى ليك طيب الاقامة
    .
    .
    واصل سردك الممتع ...متابعين
    --------------------------------
    اتمنى ان تتابع في بوستات قادمة فقد اوشك هذا على الختام ان لم يجد به جديد
    وشكرا يا معجب
    تحياتي واحترامي
                   |Articles |News |مقالات |بيانات

02-28-2017, 02:44 PM

أحمد الشايقي
<aأحمد الشايقي
تاريخ التسجيل: 08-08-2004
مجموع المشاركات: 13683

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: عبدالله ود البوش)


    سلام ود البوش

    بوست مظبوط ومقنن وله نكهة كعادة كتاباتك الصادقة وعميقة

    حكاية الكديسة دي تستاهل تتم رواية وتنطبع كمان ونعمل ليها مناقشات وجلسات ندخل بيها في زمرة المثقفاتية

    د محمد حسن دا خليهو ساكت ما تسمع كلامه

    جنب بيتي في المصيف واحد دكتور بيطري فاتح عيادة رسمية للكدايس والسيارات سادرة وواردة من جنس الرولز رويس والمازيراتي تحمل كدايس (ما لها عدد)

    دا دكتور عامل قروش لا سمع بيها اخونا محمد حسن ولا شافها من الشغلانية دي .. اخرتها عنده للكدسة عيادة نفسانية

    على أي حال صباحية مباركة لصاحبتك الكديسة وال جاتك في كديستك .. سامحتك ...

    قد تكون في النفس شيء من .. حتى ... والمهم احجز لي جريوة كديس من الولدة البكرية

    تنفس بالسلامة الحبيبة الزريقا

    أحمد الشايقي
                   |Articles |News |مقالات |بيانات

03-01-2017, 04:47 AM

عبيد الطيب
<aعبيد الطيب
تاريخ التسجيل: 08-31-2012
مجموع المشاركات: 1528

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: أحمد الشايقي)

    تحياتي ومعزتي الترايمو الروح الأخ ودالبوش
    أول تبادي.. أهلنا في البادية نامن الزول يكون بالو رايق للونسة بقولوا: فلان دي الليلة كدايسو قايمة،وأخونا المبدع حنفي عندما يكتب بوست رائع بقول:(الليلة الكديسة رايقة)
    أها إنت ياعبدالله أخوي الليلة كدايسك مصنقرة تب
    وتاني التبادي
    إنت عارف يارفيق الكديسة لامن تكون (مِوبلة) بتَصْدُق فيها دعوة الكلب وبتنسي كل شي....
    أها أهلنا في الريف قالوا: الكديسة شافت الكلب
    (قارن في كلبة) قامت فضحتو وكووووركت في الحيوانات ..
    تعالوا تعالوا شوفو جرقاس...
    أها هو دعا عليها ..قال: الله يفضحك كيف مافضحتيني..!
    أها من يومو الدعا عليها ..لي يوم كديستك دي..
    الكديسة لامن (تووبِل) بتكون مسعورة بالشبق... خشمها مابسكت من دااااااو
    ولامن تعاشر ايضا عياطها بزيد يجيب الطاااافر

    معزتي
                   |Articles |News |مقالات |بيانات

03-01-2017, 05:55 AM

عماد قريش
<aعماد قريش
تاريخ التسجيل: 03-10-2013
مجموع المشاركات: 317

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: عبيد الطيب)

    https://www.youtube.com/watch؟v=acKEtgjmNXMhttps://www.youtube.com/watch؟v=acKEtgjmNXM
    بالله واحد يتكرم ينزل لينا الفيديو ده
                   |Articles |News |مقالات |بيانات

03-01-2017, 06:02 AM

ادريس خليفة علم الهدي
<aادريس خليفة علم الهدي
تاريخ التسجيل: 10-11-2005
مجموع المشاركات: 5355

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: عماد قريش)

                   |Articles |News |مقالات |بيانات

03-01-2017, 08:48 AM

أيمن الطيب
<aأيمن الطيب
تاريخ التسجيل: 09-19-2003
مجموع المشاركات: 5831

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: ادريس خليفة علم الهدي)




    هسة في داعي لى جنس دا!!!!!!!!!!!!

    معقولة بس!!!!!!!!!!
                   |Articles |News |مقالات |بيانات

03-01-2017, 09:51 AM

عبدالله ود البوش
<aعبدالله ود البوش
تاريخ التسجيل: 08-12-2009
مجموع المشاركات: 6621

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: أيمن الطيب)

    كان ممكن يكون كلامك علمي وبطريقة مهذبة يا دكتور
    ولكنك اخترت اسلوب فاحش لا يليق
    !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
                   |Articles |News |مقالات |بيانات

03-01-2017, 10:38 AM

مني عمسيب
<aمني عمسيب
تاريخ التسجيل: 08-22-2012
مجموع المشاركات: 14128

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: عبدالله ود البوش)


    التحية للجمييييييع .. واختص النشمي .

    حقيقة حاجة محيرة ومؤسفة جدآ !!!
    ( كان ممكن يكون كلامه علمي وبطريقة مهذبة ))
    المستنير يا ود البوش دي طريقته في البوستات البتخصه
    لدرجة نحن كنساء قاطعناها اي بتكلم عن نفسي ! لانه ومن
    الملاحظ كل بوست لو فيه اي ثغرة حتي لو برئية بحرفها
    علي طريقته البعرفه هو ! عمومآ انا بوستاته ما بتخصني
    وكل العملته قاطعتها . لكن كونه يجي عشان يسمم لينا بوستات
    نحن جينا كنساء نشارك فيها دا ما بنقبله ! لانه بنشوفها طريدة
    واضحة لينا اي كنساء . فبنرجو من ابوبكر عباس اوغيره من
    المتعودين علي الكلام الزي دا وشايفنه مألوف وما عندهم معه
    مشكلة ان يراعوا وجودنا معاهم . لانه نحن كلام زي داما بنقبل به !!
    ويعرفوا جيدآ ما عشان هظرنا وضحكنا معاهم ورفعنا الكلفة
    (( الاحترام انعدم بيناتنا)) وبالمناسبة انا شخصيآ بشوف الكلام المبتذل
    زي دا لايليق بوعي ولا حضارة لانه في قمة التخلف والسخف .
    اكرر لو دايرننا نشارك معاكم تحترمواو جودنا والا لاعلاقة لنا بيننا وبينكم .


    ولكم وافر الاحترام الاحترام الاحترام .
                   |Articles |News |مقالات |بيانات

03-01-2017, 11:04 AM

عبدالحفيظ ابوسن
<aعبدالحفيظ ابوسن
تاريخ التسجيل: 06-24-2013
مجموع المشاركات: 15349

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: مني عمسيب)

    ودالبوش وضيوفه ليس دفاعا عن بكرى صدقني هو رسم توضيحي يمكن ان تجده في كتاب رصين جدا ولا صورة رسم توضيحي انا شخصيا استفدت من الشرح واضاف لي الرسم رسوخا في المعني كنت مستغرب جدا وبالجد داير اسألو من الكلاب ف يا صديقي طول بالك انا ضد الاسفاف والتهتك اللغوي بس مداخلتو ما شايف فيها حاجة ولو بقيت متزمت ودوغماتيك اقول ليك الكلام اظرط من الرسمة
                   |Articles |News |مقالات |بيانات

03-01-2017, 11:13 AM

عبدالله ود البوش
<aعبدالله ود البوش
تاريخ التسجيل: 08-12-2009
مجموع المشاركات: 6621

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: عبدالحفيظ ابوسن)

    يا عبدالحفيظ الرسمة مافيها حاجة وعادية
    المشكلة في الكلام الفاحش
    ياخ بالغت
    أقرا كلام حاتم الهواري ووصل نفس الكلام ولكن باسلوب راقي ومهذب
    اياهو دا كلام الهواري في بوست طلب الاستيكة له الشكر والتقدير
    ---------------------------------------------------------------
    مساء الخير اكيد المداخلة كانت مشاترة وما عندها علاقة دايركت مع موضوع البوست. تخفيفا لصدمة المداخلة ممكن نجعلها مفيدة باضافة بعض المعلومات البايولوجية مسالة الاشواك دي طبعا ليس الغرض منها سادية الممارسة بواسطة ذكر القطط ولكن الغرض منها "تحفيز" التبويض للانثى وهى ضرورية لضمان نجاح الحبل ومعلومة أخرى ليس القطط وحدها حتى الشمبانزي لديه تلك الاشواك لذات الغرض...وبالمناسبة حتى جينات هذه الاشواك موجودة ايضا في الجنك دي ان ايه الخاص بنوع الانسان ولكن لحسن الحظ فقدها بعد سلسلة طويلة من المراحل التطورية :)
    المصدر : http://sudaneseonline.com/board/490/msg/%d8%a7%d9%84%d9%85%d9%87%d9%86%d8%af%d8%b3-%d8%a8%d9%83%d8%b1%d9%8a-%d8%a7%d8%a8%d9%88%d8%a8%d9%83%d...8%a9-1488360478.html
                   |Articles |News |مقالات |بيانات

03-01-2017, 11:32 AM

أبوبكر عباس

تاريخ التسجيل: 03-04-2014
مجموع المشاركات: 6574

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: عبدالله ود البوش)

    يا ود البوش، ليس في مداخلتي أي إسفاف وهي قراءة لسلوك الكديسة من منظور تاني، وكنت ناوي أكملها بموضوع التبييض، وأضف عليها أن الكديسة لو حصل ليها حمل، سوف تتجنب الناس أيضا في الأيام القادمة.
    عموما إدارة البوست لك وأتقبل سحب المداخلة
                   |Articles |News |مقالات |بيانات

03-01-2017, 11:40 AM

عبدالله ود البوش
<aعبدالله ود البوش
تاريخ التسجيل: 08-12-2009
مجموع المشاركات: 6621

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: أبوبكر عباس)

    يا بكور يا حبيب والله كلامك لو كان فيهو شوية من الحرفنة وبعيدا من المباشرة مثلما ذكرت
    كان يكون كلام عز الطلب بل ومرغوب
    لكن يا ود الحلال تقوم ترشو زي رشك دا فأبدا ما مقبول ولا يليق بك انت ايضا
    وكلنا قاعدين نفلت وانا اكتر زول بفلت لكن بتحرفن شوية وبحاول مايكون الكلام خادش بطريقة فاضحة
    والان يمكنك ان تكمل كلامك بطريقة خالية من قلة الحياء ههههههههه
    وما بيننا الا الود
    تحياتي

                   |Articles |News |مقالات |بيانات

03-01-2017, 11:37 AM

مني عمسيب
<aمني عمسيب
تاريخ التسجيل: 08-22-2012
مجموع المشاركات: 14128

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: عبدالله ود البوش)


    الكلس ابو سن لك التحايا يا خيي ومرفق الشوق .

    بس مداخلتو ما شايف فيها حاجة
    مداخلتو لو مافيها حاجة دي ثغرة جاهزة للمنفلتين
    الحا يجوا يحرفوا البوست زي ما حرف بوست ابكر
    الفتحه وكنت بتمني اشارك فيه لغاية اخر لحظة لانه
    كان عندي كلام كتيييير ومفيد لكن لقيته فجآة انحرف
    وبقي بوست غير لائق للقرأة ناهيك المشاركة !!!


    يا ابو سن بعيدآ عن الكديسة وصاحبها . ما شفت لي بوست
    ود المنسي حق النفاج لول سمحت ممكن ترفعو لي لو بتقدر ؟


    ولكم الشكر احبتي الكلوس .
                   |Articles |News |مقالات |بيانات

03-01-2017, 11:43 AM

جلالدونا
<aجلالدونا
تاريخ التسجيل: 04-26-2014
مجموع المشاركات: 5016

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: مني عمسيب)

    المداخلة سحبها الزميل صبرى على سبيل التأكد من وجود ثغرة
    تتيح لغير صاحب البوست استكة المداخلات
    نطالب بالايقاف الفورى للاستيكة
                   |Articles |News |مقالات |بيانات

03-01-2017, 11:45 AM

عبدالله ود البوش
<aعبدالله ود البوش
تاريخ التسجيل: 08-12-2009
مجموع المشاركات: 6621

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: مني عمسيب)

    وأضف عليها أن الكديسة لو حصل ليها حمل، سوف تتجنب الناس أيضا في الأيام القادمة.
    -------------------------------------------------------------------------------------------
    بكور يا فقر عليك دينك تعال راجع وكمل
    ياخي ريحتني راحة بالجد كنت محتار من يوم الدخلة داك تاني ما شفتها
    بالله ؟ سبحان الله
    ياخي اشتقت ليها كديستي
    يعني خجلانة ؟
                   |Articles |News |مقالات |بيانات

03-01-2017, 01:03 PM

معاوية الزبير
<aمعاوية الزبير
تاريخ التسجيل: 02-07-2003
مجموع المشاركات: 6578

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: عبدالله ود البوش)

    سلام للأحبة ود البوش وبت نفيسة ومن لف زي لفهم
    شايف هنا مناخ تفاهم وتفهم بدأ يسود
    فاا شنو
    الحصة علوم حُب أو دعونا نعلمن بوست الحب دا يا ود البوش

    كل المودة
                   |Articles |News |مقالات |بيانات

03-01-2017, 01:30 PM

عبدالله ود البوش
<aعبدالله ود البوش
تاريخ التسجيل: 08-12-2009
مجموع المشاركات: 6621

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: عماد قريش)

    شكرا يا عمدة على الفيديو الساخر
    والشكر موصول لادريس للمساعدة الفنية
    تحياتي لكما
                   |Articles |News |مقالات |بيانات

03-01-2017, 01:27 PM

عبدالله ود البوش
<aعبدالله ود البوش
تاريخ التسجيل: 08-12-2009
مجموع المشاركات: 6621

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: عبيد الطيب)

    في حضرة المبدع شيخي عبيد ود الشيخ الطيب
    العالم المتمكن بعلوم البادية في السودان
    لايسعني الا أن اربع يدي واستمع واستمتع بعبق الحديث وشجونه
    وجودك دائما في بوستاتي شرافة وقيافة ولطافة وثقافة
    متعك الله بالصحة والعافية ايها الحبيب الغالي المبدع ما طلعت شمس وما غربت
                   |Articles |News |مقالات |بيانات

03-01-2017, 01:20 PM

عبدالله ود البوش
<aعبدالله ود البوش
تاريخ التسجيل: 08-12-2009
مجموع المشاركات: 6621

للتواصل معنا

FaceBook
تويتر Twitter
YouTube


Re: صاحبتي الكديسة عرست (Re: أحمد الشايقي)

    مولانا أحمد الشايقي يا جميل
    وجودك في بوستاتي يتم الكيف يعلم الله وبتقيرف لشوفتك يا الحبيب
    .
    .
    لوري البوست دخل في مناطق وعرة ولكني تجاوزتها بحمد الله وسوف نواصل في الرملة الدقاقة
    فتمتع بالرحلة مع الكديسة الزرقا
    تحياتي ومودتي التي تعلم
                   |Articles |News |مقالات |بيانات

[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de