العنوان الجديد للمنبر العام
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 10-19-2017, 12:26 PM الصفحة الرئيسية

مدخل أرشيف للعام 2016-2017م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

تنبزو في المصريين وما بتلحقوهم! .. بقلم حرم شداد

05-05-2017, 12:00 PM

زهير عثمان حمد
<aزهير عثمان حمد
تاريخ التسجيل: 08-07-2006
مجموع المشاركات: 16167

للتواصل معنا

FaceBook
تويتر Twitter
YouTube


تنبزو في المصريين وما بتلحقوهم! .. بقلم حرم شداد

    01:00 PM May, 05 2017

    سودانيز اون لاين
    زهير عثمان حمد-السودان الخرطوم
    مكتبتى
    رابط مختصر


    انا دايره اقول لي حاجه عن مصر والمصريين ولو ممكن ماتجيبو لي سيره حلايب… حلايب دي أسألو منها الحكومه الحاليه اتنازلو عنها سنه 96 لي😎😎 انا لا كوزه ولا وزيره انا مواطنه من درجة البدون في السودان😢😢…
    مصر دي احنا كشعب لابد أن نحافظ على علاقتنا الوديه معاهم لأننا دمنا كشعبين مختلط بي بعض منو الماعندو حبوبه جذورها مصريه ولا جد من المواليد…. وبرضو هم عليهم جمايل كتيره علينا ياريت ما ننساها لما كانت الجامعات في السودان بسيطه لعدم الإمكانيات ومابتستوعب الا البيتحصلو على نسب كبيره جدا فتحو لينا جامعة القاهره فرع الخرطوم القروا فيها أغلبية السودانين في الكليات المختلفه القانون والتجارة والآداب ووفرو الكتب و المراجع والأساتذة ومساعدين التدريس بالمجان وتخرج منها فطاحلة المحامين اليوم والاقتصاديين..
    مصر كانت مصدر إلهام وثقافة لكثير من السودانين الوجدو في المكتبات المصريه العامره مايشبع عقولهم ويوسع افكارهم ومداركهم وينور بصيرتهم في كتب السياسيه والاقتصاد والقانون والأدب والشعر والقصص المصريه ..وانا شخصيا لا أجد السلوي والانس الا في كتب الدكتوره والأديبه والطبيبه المصريه الشجاعه نوال السعداوي.. مصر الرسميه والشعبيه فتحت أبوابها للاتشردوا من السودان تحت القهر والزل والاعتقالات وفقدان الحريات ووللاكتو بي نيران الحروب من الجنوبين وأهل دارفور وجبال النوبة… ومن زمن بعيد فتحت جامعاتها ومعاهدها للسودانين حتى جدودنا من المشايخ وعلماء الفقه والشريعة كانو بيفتخرو انهم اتخرجوا من الأزهر الشريف… ….
    أما أنا كمواطنه سودانيه فبثق في الصناعة المصريه اكتر من الصناعه الصينيه الرخيصة المضروبه الملت البلد السنين العجاف الاخيره دي من غير فايده… زمااان حبوباتنا كانو بيجيبو الحلل المصريه الألمنيوم من مصر وقاعده في بيوتنا من عشرات السنين على أحسن حال للان لأنها مصنوعة بي جوده عاليه وخامه ممتازه وحتى اليوم مافي صناعه بتنافسها وكان بيشترو لينا ملابس القطن من مصر لانو من أجود الخامات القطنيه.. أما المفارش كانت الأجمل والأجود بتجينا من مصر منو فينا ما اتغطي بالكوبرته المصريه.. و وأرقى الملايات الفي البيوت السودانيه هي الكانون الأمريكي ومافي ليها منافس غير الكانون المصري الجيد البنجيبو من سوق وسط القاهره…. واحسن الأحذية واللبس المتين والفاشون كانت من لندن والقاهرة حصريا…وبتجينا التلاجات والغسالات والخلاطات المصريه مصنوعه في مصر. .. وبنستوردالعفش المصري الدمياطي كاجود انواع الدواليب والسراير واتفشخرنا في بيوتنا بأطقم الصوالين المدهبه الفخمة والستاير المصريه…
    و من المصريين أتعلمنا أطعم الأكلات البنعملها لحدي الان في بيوتنا أتعلمنا منهم المحشي والملوخيه وألرز وعمل الفراخ بي أنواعه والمسقعه والباميه والمكرونة بالفرن واتعلمنا الحلويات والباسطه والبسبوسه وأم على والخبايز والكيك والتورتات…وأشتغلو لينا كعمال مهره ومخلصين أجمل أشكال الجبص في تزيين الحيطان والاسقف القاشرين بيها نحنا في بيوتنا الايام دي.. المصرين اقدر وامهر مننا في الأعمال اليدوية في البنيان والنقاشه والنجاره والسباكه والمكننه بأنواعها….
    المصرين شعب منتج استصلحو الصحراء وزرعو فيهآ الخضار والفواكه مكتفين منو ومصدين كمان…. احنا غايتو كسودانين انطبق علينا المثل البيقول سيد اللسان فقري وفلسان😈😈 تنبزو في المصرين الماكلين وشاربين واحنا جعانين بالرغم من ضخامة مواردنا وتنوعها المطره دي ما بنستفيد منها غير تملا الميادين وتتملي باعوض وضفادع و كل سنه النيل يفيض غير يلقى البيوت في طريقو واشيلها يمشي بيها لا بلقى زراعة ولا زراع… ف عليكم الله المابتلحقو ما تجدعو عشان ماتوجعو يدينكم ساي… وعقدة النقص دي فكوها في الحبش الملو البلد وماجيبين لينا الا المرض وجع القلب وسواقة الركشات
                   |Articles |News |مقالات |بيانات

05-05-2017, 12:35 PM

Salah Zubeir
<aSalah Zubeir
تاريخ التسجيل: 08-17-2015
مجموع المشاركات: 1437

للتواصل معنا

FaceBook
تويتر Twitter
YouTube


Re: تنبزو في المصريين وما بتلحقوهم! .. بقلم حرم (Re: زهير عثمان حمد)

    Quote: لأننا دمنا كشعبين مختلط بي بعض منو الماعندو حبوبه جذورها مصريه ولا جد من المواليد

    ههههههههههههه لا لا ما قاصدين اتي ... قاصدين العبيد الما عندهم
    حبوبات وجدود مصريين ... الهم الغالبية العظمي من الشعب
    السوداني.
    ههههه واللهي قالت دم مختلط بي بعض.
    تحياتي زهير
                   |Articles |News |مقالات |بيانات

05-05-2017, 01:02 PM

Hassan Farah
<aHassan Farah
تاريخ التسجيل: 08-29-2016
مجموع المشاركات: 1332

للتواصل معنا

FaceBook
تويتر Twitter
YouTube


Re: تنبزو في المصريين وما بتلحقوهم! .. بقلم حرم (Re: زهير عثمان حمد)

    انا دايره اقول لي حاجه عن مصر والمصريين ولو ممكن ماتجيبو لي سيره حلايب… حلايب دي أسألو منها الحكومه الحاليه اتنازلو عنها سنه 96 لي😎😎 انا لا كوزه ولا وزيره انا مواطنه من درجة البدون في السودان😢😢… مصر دي احنا كشعب لابد أن نحافظ على علاقتنا الوديه معاهم لأننا دمنا كشعبين مختلط بي بعض منو الماعندو حبوبه جذورها مصريه ولا جد من المواليد…. وبرضو هم عليهم جمايل كتيره علينا ياريت ما ننساها
    المصدر : http://sudaneseonline.com/board/490/msg/%d8%aa%d9%86%d8%a8%d8%b2%d9%88-%d9%81%d9%8a-%d8%a7%d9%84%d9%85%d8%b5%d8%b1%d9%8a%d9%8a%d9%86-%d9%88%...8%af-1493985627.html
    --------------------------------------------------
    قضيتك واضحة وموقفك واضح يا حرم شداد
    اولا انتى موقفك من قضية حلايب اسوأ من موقف الحكومة التى على الأقل تتحدث عن حلايب ولكن لا تفعل شيئا اما انت كمواطنة رفعتى ايدك من حلايب وسلمتيها عن رضى لاهلك المصريين
    ثانيا واضح ان ولائك لمصر اصل حبوبتك او جدك وبجرة قلم تقولين ان كل السودانيين لهم اصول مصرية وهذا كذب صراح
    ثالثا تتحدثين عن الجميل الذى قدمه المصريون للسودان وتنسين ما فعلوه بنا من تقتيل فى التركية السابقة و تعمدتى ان تتناسى تجارة الرقيق التى مارسوها والاساليب الوحشية فى جمع الضرائب اسألى جدك من الكدايس التى كانت تحشر فى سراويل من لم يسدد الطلبة....
    على هذا فأنتى شخص يعيش بيننا لكن كل ولاؤه لمصر فلا حق لك اذن ان تتحدثى بإسم السودان ويا ليتك لو ترحلى الى ام الدنيا وتريحينا
                   |Articles |News |مقالات |بيانات

05-05-2017, 01:17 PM

خالد حاكم
<aخالد حاكم
تاريخ التسجيل: 08-25-2007
مجموع المشاركات: 3258

للتواصل معنا

FaceBook
تويتر Twitter
YouTube


Re: تنبزو في المصريين وما بتلحقوهم! .. بقلم حرم (Re: Hassan Farah)

    والله دى فاتت صلاح غريبة بهناك
    مافى زول حبوبته مصرية غيرك انت وصلاح غريبة يا حرم شداد وبعدين عنصريتك ظهرت فى اخر السطر
    1/ حرم شداد
    2/ صلاح غريبة
    ومعهم اخرين لا يتجاوزون عدد اصابع اليد
    بالمناسبة الحبش البتتعنصرى عليهم ديل , اهل حبوبتك ما بيفرزوا بينا وبينهم ( كلنا عبيد عندهم )
    انا شخصيا بفتخر بعدم الفرز ده وبدعو لتكامل واتفاقيات حريات اربعة معهم
                   |Articles |News |مقالات |بيانات

05-05-2017, 01:35 PM

جمال ود القوز
<aجمال ود القوز
تاريخ التسجيل: 01-25-2013
مجموع المشاركات: 3429

للتواصل معنا

FaceBook
تويتر Twitter
YouTube


Re: تنبزو في المصريين وما بتلحقوهم! .. بقلم حرم (Re: Hassan Farah)

    كما قال المثل ..
    عدو عاقل خير من صديق جاهل ..
    فما تفضلت به حرم شداد فيه تجييش للشارع السوداني ضد مصر ..
    وليس العكس ..

    المصيبة هي في إدارة الجانب المصري الفاشل للأزمة ..
    بدأها بضراوة وبلا أي دراسة للعواقب ومدى احتماله للخسائر (المادية) ..
    وحين رأوا نتائج حملتهم ومن انها تجلب خسائر وبالملايين ..
    أوقفوها بداوعي ميثاق الشرف ..
    نفس السيناريوهات القديمة المصريين يبدوا يهاجموا وبعد كده ينفزروا ..
    ويحاولوا يبحثوا عن مخرج عبر أقلام من الداخل تكتب مؤيدة لمصر ..
    ومادحة لها وقادحة في السودان وثقافته وشعبه وحضارته ..
    لكن لابد من معيار وحد معين والا تزيد بحيث تنقلب للضد ..
    وما الحرم شداد ومقالها إلا مثال سيء وغبي وعبيط لاختيارهم ..
    كان اخير ما كتبت والله ..

    المشكلة إنه الحملة الاعلامية دي بتكلف مصر الملايين ..
    لكن فليسألوا أنفسهم كم تكلف السودان ؟!!! ..
    وبدون ميثاق شرف المفروض الجانب المصري يعرف ..
    كيف يجعل من إعلامه أداة ربح وليس معول خسارة ...
    كما هو حاصل ..
    بت أشفق على المصريين من طول نفس السودانيين والاعلام السوداني ..
    كنت عارف إن المصريين سيتوقفوا عن الردحي أو حيهدوه ..
    لكن الجانب السوداني الأشد ايلاما لن يتوقف ومن سيتضرر أكثر هي مصر ..
    الأصلا صورتها لا تحتاج لمزيد من التشويه والاشانة .. فما فيها مكفيها ..
    لكن تقول شنو ..
    لكل داء دواء يستطاب به إلا الحماقة أعيت من يداويها ..
    وننصح المصرين يخلوا الناس البيشتموا مصر ..
    وينتبهوا لكتابات هي على شاكلة ماتفضلت به السيدة حرم شداد ..
    لان ضررها أكثر فهي تصب مزيد من الوقود على النار ..
    وستزيد أوار الهجمة أكثر وبالذات حين يكون الاستفزاز من الداخل ..
    فاستفزاز الخارج مهما عظُم فلن يوازي استفزاز مقال فج وسيء وعبيط مثل هذا ..







                   |Articles |News |مقالات |بيانات

05-05-2017, 01:52 PM

أيمن الفاضل
<aأيمن الفاضل
تاريخ التسجيل: 01-12-2013
مجموع المشاركات: 867

للتواصل معنا

FaceBook
تويتر Twitter
YouTube


Re: تنبزو في المصريين وما بتلحقوهم! .. بقلم حرم (Re: جمال ود القوز)

    Quote:
    وعقدة النقص دي فكوها في الحبش الملو البلد وماجيبين لينا الا المرض وجع القلب وسواقة الركشات



    غايتو دي أسوأ دعاية لمصر

    صلاح غريبة يعتبر زول كويس والله ههههههه
                   |Articles |News |مقالات |بيانات

05-05-2017, 02:34 PM

جمال ود القوز
<aجمال ود القوز
تاريخ التسجيل: 01-25-2013
مجموع المشاركات: 3429

للتواصل معنا

FaceBook
تويتر Twitter
YouTube


Re: تنبزو في المصريين وما بتلحقوهم! .. بقلم حرم (Re: أيمن الفاضل)

    Quote:
    وعقدة النقص دي فكوها في الحبش الملو البلد وماجيبين لينا الا المرض وجع القلب وسواقة الركشات ... هههههههههههههه ..


    غايتو النقطة الأخيرة دي تحديدا تعتبر(كعب أخيل) المقال المنهار أصلا ده ..
    جابت عاليه سافله ولم تترك له بعض ما يواري سوآته وثقوبه ..
    التي لا تحصى ولا تعد ..
    ومن هنا نحن السودانيين الما عندنا حبوبات مصريات ..
    ننادي بتطبيق الحريات الأربع مع الجانب الأثيوبي ..
    وفورا من جانب واحد هو جانبنا السوداني ..
    وأعتقد ده اتساق سياسي واقتصادي مع من يحترمنا من دول الجوار ..

    (عدل بواسطة جمال ود القوز on 05-05-2017, 02:38 PM)

                   |Articles |News |مقالات |بيانات

05-05-2017, 02:57 PM

عبدالعظيم عثمان
<aعبدالعظيم عثمان
تاريخ التسجيل: 06-29-2006
مجموع المشاركات: 4173

للتواصل معنا

FaceBook
تويتر Twitter
YouTube


Re: تنبزو في المصريين وما بتلحقوهم! .. بقلم حرم (Re: جمال ود القوز)

    Quote: وعقدة النقص دي فكوها في الحبش الملو البلد وماجيبين لينا الا المرض وجع القلب وسواقة الركشات



    دي أسوء نقطة في المقال المهبب دا
    حبوبة مصرية أو تشاديه أو أثيوبيه (دا ما مبرر أصلا للإنبطاح)
    طبيعي أن يكون للسودانيين إمتدادات مع دول الجوار .. زي فهمك هو تعبيير واضح
    عن الإحساس بالدونيه والخضوع لمصر (وحاولتي تتباهي بحبوتك المصريه) وطالبتي
    السودانين بفك عقدتهم علي الحبش المالين البلد ...
    منو العندو عقدة نقص هسي
    إنتي ولا باقي السودانين ؟

    والحبش ذبنهم شنو حاشراهم في الموضوع دا .. دا ما ياهو نفس سلوك المصرين
    كلما يكونوا زهجانين من قطر ينبذوا ويسيئوا في السودان وقايلنه الحيطه القصيره
    إنتي عملتي نفس الشيء وحشرتي الحبش في الموضوع دا لا إيدهم لا كراعهم ...

    شوفي أي زوول عنصري مستعلاوتي حيلقي الأكبــر منه ويعفصوا ويدي بالجزمة القديمة
    في نص راسه .. ودا تحديدا الحصل معاك يا حرم شداد .. خلي حبوبتك المصريه تنفعك وقت يوصوفوك
    بالخادم وبت البواب ..
                   |Articles |News |مقالات |بيانات

05-05-2017, 03:23 PM

كمال عباس

تاريخ التسجيل: 03-06-2009
مجموع المشاركات: 12660

للتواصل معنا

FaceBook
تويتر Twitter
YouTube


Re: تنبزو في المصريين وما بتلحقوهم! .. بقلم حرم (Re: عبدالعظيم عثمان)

    هذه السيدة إستعدت الكل
    إستعدت حتي من يقفون مع إقامة علاقة سودانية - مصرية تقوم علي أسس من الندية
    والمصالح المشتركة !
    ومن يرفضون العقلية الخديوية و النظر الدونية لبعض أطياف النخب المصرية !
    المقال يكرس للتبعية لمصر الرسمية !
    * نعم نحن ضد الصراع مع مصر لأجل أجندة الغير أو لأجل عيون محور(قطر -تركيا والإخوان )
    ولكننا نقف في وجه مصر الرسمية من أجل ترابنا وسيادتنا الوطنية ومصالح شعبنا
    ..نصارع بالأصالة وبالإرادة الوطنية لا بالوكالة وتنفيذ أجندة الغير كما تفعل الإنقاذ وتوابعها
    ممن صمتوا (والبشير يمنح الالاف الزراعية لمصر وكذلك الوف من الأبقار وعشرات السيارات
    لمنتخب مصر الكروي و ومعها الالاف الدولارات للعيببة مصر )
    .......
                   |Articles |News |مقالات |بيانات

05-05-2017, 05:46 PM

ghariba
<aghariba
تاريخ التسجيل: 03-09-2002
مجموع المشاركات: 12675

للتواصل معنا

FaceBook
تويتر Twitter
YouTube


Re: تنبزو في المصريين وما بتلحقوهم! .. بقلم حرم (Re: زهير عثمان حمد)

    برفوووو حرم لنرفع القبعات عالية لحرم شداد لانها عبرت بعقلانية عن الواقع المعاش اغلب الطبقة الصامتة في السودان في نفس حديث حرم اما المهللاتية وشوية اعلاميين وناس المصلحة الزعلانيين في ذهاب مرسى هم وراء التضخيم برافووووو حرم ,,,,

    (عدل بواسطة ghariba on 05-05-2017, 07:18 PM)

                   |Articles |News |مقالات |بيانات

05-05-2017, 06:26 PM

Hassan Farah
<aHassan Farah
تاريخ التسجيل: 08-29-2016
مجموع المشاركات: 1332

للتواصل معنا

FaceBook
تويتر Twitter
YouTube


Re: تنبزو في المصريين وما بتلحقوهم! .. بقلم حرم (Re: ghariba)

    وناس المصلحة في ذهاب مرسى هم وراء التضخيم
    ................................................................................
    دا شنو يا بجم؟؟ اصحاب المصلحة فى ذهاب مرسى ديل يكونوا مين؟؟
                   |Articles |News |مقالات |بيانات

05-05-2017, 06:40 PM

عبدالعظيم عثمان
<aعبدالعظيم عثمان
تاريخ التسجيل: 06-29-2006
مجموع المشاركات: 4173

للتواصل معنا

FaceBook
تويتر Twitter
YouTube


Re: تنبزو في المصريين وما بتلحقوهم! .. بقلم حرم (Re: Hassan Farah)


    تعرفي يا حرم شداد المصرين المبنلحقهم علي قولك ديل

    هم أصحاب أكثــر بيت شعر تملقا ونفاقا في التاريــخ :-

    ضرب مصر زلزال أيام حكم المماليك لمصر (الذين حكموا مصر أكثر من 200 عام أيام الخلافه العباسيه)

    قام أحد الشعراء المصريين وقال :-
    مازلزلت مصر من كيد أريد بها
    ولكنها رقصت من عدلكم طربا

    بعدين جاية تزلينا بالحاجات القدمتها مصر للسودان

    ياخي كفاية أن السودان ببلاهة قدم حضارته وغمر اكثر 27 قرية تحت الماء
    ودفن معبد بوهين تحت بحيرة النوبه علشان خاطر مصر تنور وتنعم بالكهرباء
    السودان فقد اكثر من 250ألف فدان صالحة للزراعه وأكثر من 2 مليون نخله
    وطمر حضارة عمرها اكثر من 8 آلف سنه عشان السد العالي
    وكان ما فاهمة أمشي أقري أعرفي مقدار التضحيات اللي قدمها السودان لمصر
    من غير مقابل .... عشان كدا ما عندهم أي يد عليا علي السودانيين ... علي مر التاريخ
    العلاقة بين مصر والسودان لصالح مصر وهم المستفيدين من هذه العلاقة أكثر من السودان
    وهم سبب عدم تطور ونهوض السودان ... والسودان الله أبتلاه بأنصاف متعلمين زيك
    وبدون وعي ببلاهه شديده بتزايدي علي السوادانين وتصفيهم بأصحاب العقد والدونيه ...


    يا حرم شداد إنتي مفروض تخجلي من مقالك دا , ومفروض تعرفي قدر شنو شعب السودان
    شعب عنده كرامة وشعب صاحب حضارة ضاربة في الجذور ... ومافي مقارنة أصلا بينه وبين
    الشعوب الأخري , هو مخزن للقيم ومقدام وكتبت عنه بريطانيا تتحدث عن شجاعة وبساله
    الفزي وزي " مقاتلين البجا الأشاوس" شعب كريم الخصال ...

                   |Articles |News |مقالات |بيانات

05-05-2017, 06:43 PM

سيف اليزل سعد عمر
<aسيف اليزل سعد عمر
تاريخ التسجيل: 01-11-2013
مجموع المشاركات: 8319

للتواصل معنا

FaceBook
تويتر Twitter
YouTube


Re: تنبزو في المصريين وما بتلحقوهم! .. بقلم حرم (Re: Hassan Farah)

    للأسف تفكير ضحل جدا ومستوى ركيك جدا...
    زهير عليك الله تانى من تنقل لينا حاجة من زي دي ياخ!!!
                   |Articles |News |مقالات |بيانات

05-05-2017, 07:21 PM

جمال ود القوز
<aجمال ود القوز
تاريخ التسجيل: 01-25-2013
مجموع المشاركات: 3429

للتواصل معنا

FaceBook
تويتر Twitter
YouTube


Re: تنبزو في المصريين وما بتلحقوهم! .. بقلم حرم (Re: سيف اليزل سعد عمر)

    خخخخخخ ..
    يجيبوا ليك من وين ياسيف ؟ ..
    دي البضاعة العندهم ..
    زول فارش برتكان مصري ضارب ..
    تقول ليهم بيع لينا منقة قلب التور ..

    غريبة جا جاري مارضى يقولوا عليهو أفضل من حرم شداد ...
    خاف تجيهو تهمة بموالاة السودان ..
    فقال يجي يبريء ساحته من الوقوف ضد مصر .. هههههه ..




                   |Articles |News |مقالات |بيانات

05-05-2017, 06:54 PM

Hassan Farah
<aHassan Farah
تاريخ التسجيل: 08-29-2016
مجموع المشاركات: 1332

للتواصل معنا

FaceBook
تويتر Twitter
YouTube


Re: تنبزو في المصريين وما بتلحقوهم! .. بقلم حرم (Re: زهير عثمان حمد)

    انصحكم يا شباب بالبحث عن هذا الكتاب: تراث العبيد فى حكم مصر المعاصرة لمؤلفه ع.ع....... يقول الكاتب:: هذا الكتاب هو الجزء الأول من ثلاثة أجزاء لكتاب واحد موضوعه محاولة علمية لتقصى أسباب سلوكيات مرضية تسود المجتمع المصرى حكاماً ومحكومين، تمثلت فى تراث سيئ تراكم خلال أكثر من ألف وثلاثمائة عام من القهر والإذلال وليس البحث فى هذا بهدف جلد النفس أو إسداء النصح، فلا نحن مرضى حتى نفعل الأولى ولا نحن لدينا الأمل الذى يجعلنا نرجى النصح. تراث العبيد فى حكم مصر المعاصرة لمؤلفه ع.ع.
    http://download-human-development-pdf-ebooks.com/22679-free-book
                   |Articles |News |مقالات |بيانات

05-05-2017, 07:41 PM

خالد حاكم
<aخالد حاكم
تاريخ التسجيل: 08-25-2007
مجموع المشاركات: 3258

للتواصل معنا

FaceBook
تويتر Twitter
YouTube


Re: تنبزو في المصريين وما بتلحقوهم! .. بقلم حرم (Re: Hassan Farah)

    ( لأجل أجندة الغير أو لأجل عيون محور(قطر -تركيا والإخوان ) ولكننا نقف في وجه مصر الرسمية من أجل ترابنا وسيادتنا الوطنية ومصالح شعبنا ..نصارع بالأصالة وبالإرادة الوطنية لا بالوكالة وتنفيذ أجندة الغير كما تفعل الإنقاذ وتوابعها )


    بالضبط ده الحاصل يا كمال .. عشان كده متى تحسنت العلاقة بين البلدين .. الوضع حيرجع لسابق عهده واصلا الكيزان كان بيقولوا انو حلايب دى ما منها فائدة عشان هم يخسروا علاقتهم مع مصر وانو حلايب دى ممكن تكون منطقة تكامل بين مصر والسودان وهم الذين استجدوا المصريين بالتوسع جنوبا والاستيطان فى شمال السودان بحجة شمال السودان خالية من السكان
                   |Articles |News |مقالات |بيانات

05-05-2017, 08:10 PM

حمد إبراهيم محمد
<aحمد إبراهيم محمد
تاريخ التسجيل: 08-20-2009
مجموع المشاركات: 4610

للتواصل معنا

FaceBook
تويتر Twitter
YouTube


Re: تنبزو في المصريين وما بتلحقوهم! .. بقلم حرم (Re: خالد حاكم)

    آل ايه ... آل ايه .. آل ايه .... نحن والعبيد اخوات ....؟!!!!
    مسسسسسسخرة ..! - هاتو حلايب وشلاتين .. خوة اوانطة...



                   |Articles |News |مقالات |بيانات

05-05-2017, 08:15 PM

حمد إبراهيم محمد
<aحمد إبراهيم محمد
تاريخ التسجيل: 08-20-2009
مجموع المشاركات: 4610

للتواصل معنا

FaceBook
تويتر Twitter
YouTube


Re: تنبزو في المصريين وما بتلحقوهم! .. بقلم حرم (Re: حمد إبراهيم محمد)

    ارفعوا القبعات لهذا الرجل - السفير السوداني عبد المحمود عبد الحليم - القاهرة :



                   |Articles |News |مقالات |بيانات

05-05-2017, 08:19 PM

زهير عثمان حمد
<aزهير عثمان حمد
تاريخ التسجيل: 08-07-2006
مجموع المشاركات: 16167

للتواصل معنا

FaceBook
تويتر Twitter
YouTube


Re: تنبزو في المصريين وما بتلحقوهم! .. بقلم حرم (Re: حمد إبراهيم محمد)

    تحياتي للجميع
    والله وانا صادق بقول هذا الكلام كم السباب الذي سمعته من كاتبة المقال رهيب بالرغم المسالة لاتعدو غير عرض مقالها هنا
    الشيء التاني ناقل الكفر ليس بكافر
    المهم ما عرفت أقول شنو غير ربنا أكرم من الكل
    لكم ودي وتقديري
                   |Articles |News |مقالات |بيانات

05-05-2017, 08:38 PM

محمد حيدر المشرف
<aمحمد حيدر المشرف
تاريخ التسجيل: 06-20-2007
مجموع المشاركات: 17511

للتواصل معنا

FaceBook
تويتر Twitter
YouTube


Re: تنبزو في المصريين وما بتلحقوهم! .. بقلم حرم (Re: زهير عثمان حمد)



    حرم بالغت والله ..

    السد العالي هبة السودان لمصر .. ولو كان ما وراء السد صحراء بلقع .. لما استطاعت مصر ايفاء هذا الدين للسودان ولو ببناء 10 جامعات او 20 جامعة ..ما بالك يا حرم ان ما وراء السد تأريخ يمتد لآلاف السنوات .. ىتأريخ تم طمسه والآن هو مادة سخرية للمصريين ..

    لا توجد عندنا مشكلة مع نوال السعداوي ولا فرج فودة ولا احسان ولا القمني ولا خليل ولا الاسواني ولا حتى سامي منو داك بتاع المغامرين الخمسة .. توجد عندنا كرامة واعتزاز بالذات السودانية التي ترفض الاساءة والاحتقار .. كما نرفض احتلال مصر لجزء من بلادنا كما نرفض اي احتلال آخر .. نتمسك بحقنا في شراء ما نريد من سلع .. ونطالب الدولة القيام بدورها في حماية المستهلك كما نطالبها باسترداد حلايب التي فرطت فيها .. هذه حقوق ومطالب بالاصالة عن انفسنا كما اشار كمال عباس هنا ..

    الدور التأريخي لمصر في بلادنا دور قذر جدا .. ولكنا ومن بعد ذلك لا نسعى الا لعلاقات صحيحة ومعافاة مع مصر كدولة جارة لا اقول انها جارة صغيرة ولكنها فطعا ليست جارة كبرى غندما يتعلق الحديث بوطن في حجم السودان..
                   |Articles |News |مقالات |بيانات

05-05-2017, 08:46 PM

محمد حيدر المشرف
<aمحمد حيدر المشرف
تاريخ التسجيل: 06-20-2007
مجموع المشاركات: 17511

للتواصل معنا

FaceBook
تويتر Twitter
YouTube


Re: تنبزو في المصريين وما بتلحقوهم! .. بقلم حرم (Re: زهير عثمان حمد)



    بعدين بئس الطموح الوطني لو كنا نتطلع للنموذج المصري .. لنا من المقومات ما ليس لمصر .. ولنا ومن حقنا أن نحلم بوطن شامخ وطن عاتي كما غنى وردي .. يعني يا حرم عاوزة السودانيين يصوموا يصوموا بالانقاذ ويجوا يقطرو على فحل بصل كما يفطر الآن المصريين وأمامهم كل الدروب موصدة تجاه المستقبل ؟!!

    من يعتقد ان عقدة الدونية تجاه مصر ستحل بممارسة استعلاء على الاحباش ده زول كعب شديييييد يا حرم .. الاحرار لا يحسون بالدونية على الاطلاق .. ولا يمارسون الاستعلاء كذلك في حدود تجربتي الشخصية على الاقل
                   |Articles |News |مقالات |بيانات

05-05-2017, 09:00 PM

زهير عثمان حمد
<aزهير عثمان حمد
تاريخ التسجيل: 08-07-2006
مجموع المشاركات: 16167

للتواصل معنا

FaceBook
تويتر Twitter
YouTube


Re: تنبزو في المصريين وما بتلحقوهم! .. بقلم حرم (Re: محمد حيدر المشرف)

    محمد حامد جمعه نوار
    19 mins ·
    زرت اديس ابابا نحو مئة مرة ، وعدة مرات ارسل للفندق مبالغ ثمن اقامتي للسيد (زنابو) او والدته (الماظ) بعد عودتي للخرطوم ، وكذا يفعل عشرات اعرفهم يمددون ايام اقامتهم ، ثقة فينا وتقديرا للسودانيين ، وزرت القاهرة مرة واحدة نشلت (مرتين) لا ازال الح علي نفسي في بحث كيفية حدث هذا !
    #حرم شداد اللهم امتنا حبش واحشرنا في زمرة الحبش
                   |Articles |News |مقالات |بيانات

05-05-2017, 09:28 PM

عبدالعظيم عثمان
<aعبدالعظيم عثمان
تاريخ التسجيل: 06-29-2006
مجموع المشاركات: 4173

للتواصل معنا

FaceBook
تويتر Twitter
YouTube


Re: تنبزو في المصريين وما بتلحقوهم! .. بقلم حرم (Re: زهير عثمان حمد)

    شكرا يا زهير علي جلب هذا الموضوع في المنبــر

    انا صراحة ما بعرف حرم شداد دي الا بعد هذا المقال مشيت بحثت شوية لقيتها
    دكتورة , وعندها مقالات عن الرجل السوداني ووصفته بأنه غريزي بلا مشاعر
    وبض الكتابات اللي أطلعت عليها علي عجاله ...

    الموضوع دا يا حرم شداد أكبــر من أن يتم تسطيحه بحلل الألمونيوم أو بالملايات
    الموضوع دا موضوع صراع حول الموارد بين الدولتين , يعني صراع حقيقي
    له أسباب حقيقيه , هكذا ينظر اليه كثير من المثقفين والمفكرين السودانين
    وما عنده علاقة بالموقف السياسي من الحكومة , نحنا ما صدقنا أن الحكومة
    تأخذ مثل هذا الموقف من مصر مش عشان حاكمها السيسي أو عشان سقطوا مرسي
    دا موضوع مصري ولا شأن لنا به ... يعني يأكلوا نارهم براهم .... الموضوع يا سيدة حرم
    عن خطورة مصر التوسعية وإحتلال مصر لحلايب وشلاتين , مستقبل العلاقة بين مصر
    والسودان دا موضوع إستراتيجي ما بنفع معاه نوع التسطيح البتعملي فيه دا .. مصر الجاية
    تشكريها دي أفسدت الحياة السياسيه السودانية بحشر أنفها في الشأن السوداني بعد الإستقلال
    مصر دي رفضت أي نهضة في السودان وستعمل علي إعاقة أي تطور لبلدنا ( وجاية تقولي حبوتي وحبوتك)
    اي كلام عاطفي أو تحليل ساذج لن يفيد السودان في مواجهة مصر التوسعيه التي تحاول أن تحكم قبضتها علي الشأن
    السوداني , المثقفين السودانين وقادة الرأي يجب أن يكون لهم موقف موحد بشأن مصالح السودان الإستراتيجية
    وأن أي مهدد لهذه المصالح يعتبر عدوا للسودان ويجب أن يتوحد هذا الموقف بعيدا عن تيرموميتر السياسه
    يعني الكيزان ديل في أي لحظة ممكن يغيروا موقفهم حسب مصالحهم الشخصيه , عشان كدا توحيد الموقف
    الإستراتيجي المبني علي مصالح السودان دا موقف مبديء , ما عندهم أي علاقة بالحبوبات وما عنده علاقة بحلل
    الألمونيوم أو الملايات المصريه ..

    غايتوا أحسن حاجة للمخارجة من المقال المهبب دا أن تنكره حطب
    وأن تدعي بأنه مقال مدسوس ولا علاقة لها به ...
                   |Articles |News |مقالات |بيانات

05-05-2017, 09:52 PM

امجد الجميعابى
<aامجد الجميعابى
تاريخ التسجيل: 01-08-2013
مجموع المشاركات: 2464

للتواصل معنا

FaceBook
تويتر Twitter
YouTube


Re: تنبزو في المصريين وما بتلحقوهم! .. بقلم حرم (Re: عبدالعظيم عثمان)

    مقال حرم بجيهو بمهلة لتصحيح الاخطاء الاملائية ابتداء
    و المفاهيمية ثانيا
    و الاعجب ان علمونا نعمل المحشي رغم ان المحشي مو شغل مصريين اساسا
    و حلل الالمنيوم القاعدة في في بيتهم لا هسه
    و الكتال دا كلو شان حبوبتها مصرية و كمان بتسأل قالت في زول حبوبتو مي مصرية
    يا بت انت مشيت الانقسنا و ادليتي من الدمازين بسدر اقدي و مسكتي الشارع لا بوط و ود ابوك و البونج
    يا بت انت مشيتي البطانة من صلب كسلا لا عند المفازة يا بت انت شقيتي الجزيرة
    يا بت انت مشيت سمسم و العزازة صقورا و العزازة ود داموس لا عند ام كراع
    يا بت انت مشيتي دندر و دا اب جن و شفت المكولا في السوكي
    يا بت انت مشيت بادية كردفان و جيتي فوق حمر مرقتي فوق ناس ود التوم
    يا بت انت بتعرفي عظمة سلاطين دارفور
    بتعرفي ناس ود ناصر مكوك امدرمان و الخرطوم
    بتعرفي سرور ود رملي
    بتعرفي ود البيه
    بتعرفي ود اب حجل
    بتعرفي المجاديب
    بتعرفي غبش بربر احفاد عبد الله الاغبش البديري الدهمشي
    بتعرفي ناس ود اونسة بتعرفي الشبارقة و البقاصة
    بتعرفي ود اب روف
    بتعرفي يوسف اب شرا و جدودو العدول الاربعة ابوات العركيين
    بتعرفي دقلل ناظر البني عامر
    بتعرفي محمد الامين ترك ناظر الهدندوة ها بت هه بتعرفي الحمران فوق نواحي ود الحليو
    بتعرفي ود زايد شحم البل
    بتعرفي الخليفة جلاد
    بتعرفي شنو
    كدي وريني
    حدك في البلد وين
    و لي عودة
                   |Articles |News |مقالات |بيانات

05-05-2017, 10:38 PM

nour tawir
<anour tawir
تاريخ التسجيل: 08-16-2004
مجموع المشاركات: 14735

للتواصل معنا

FaceBook
تويتر Twitter
YouTube


Re: تنبزو في المصريين وما بتلحقوهم! .. بقلم حرم (Re: امجد الجميعابى)




    والله دى فاتت صلاح غريبة بهناك
                   |Articles |News |مقالات |بيانات

05-05-2017, 10:59 PM

خالد حاكم
<aخالد حاكم
تاريخ التسجيل: 08-25-2007
مجموع المشاركات: 3258

للتواصل معنا

FaceBook
تويتر Twitter
YouTube


Re: تنبزو في المصريين وما بتلحقوهم! .. بقلم حرم (Re: nour tawir)

    ارفعوا القبعات لهذا الرجل - السفير السوداني عبد المحمود عبد الحليم - القاهرة :


    يا حمد
    الناس هنا قالت من قبل بان هذا التسجيل الصوتى لا علاقة له بسفيركم عبدالمحمود واتو بالتسجيل بالصوت والصورة والاسم لصاحب التسجيل الحقيقى
    انت ليه مصر تنسبو لعبدالمحمود والا ما قاعد تتابع ما يكتب وينشر فى هذا المنبر ؟

                   |Articles |News |مقالات |بيانات

05-05-2017, 11:02 PM

جمال ود القوز
<aجمال ود القوز
تاريخ التسجيل: 01-25-2013
مجموع المشاركات: 3429

للتواصل معنا

FaceBook
تويتر Twitter
YouTube


Re: تنبزو في المصريين وما بتلحقوهم! .. بقلم حرم (Re: nour tawir)


    Quote:
    والله وانا صادق بقول هذا الكلام كم السباب الذي سمعته من كاتبة المقال رهيب
    بالرغم المسالة لاتعدو غير عرض مقالها هنا



    عاد تسوي ليك شنو كان قنطرتها لي ناس سودانيز .. هههههه ..
    ديل يقع في يدهم العدو ..
    أي شغل (هونطليس ) زي ده بنجضو سيدو طوالي ..
    كامل تضامني معك يا زهير يأخ ..
    قالوا التسوي بي ايدك يغلّب أجاويدك ..
    ( جوز ما خسار ) ..



                   |Articles |News |مقالات |بيانات

05-06-2017, 05:24 AM

جمال ود القوز
<aجمال ود القوز
تاريخ التسجيل: 01-25-2013
مجموع المشاركات: 3429

للتواصل معنا

FaceBook
تويتر Twitter
YouTube


Re: تنبزو في المصريين وما بتلحقوهم! .. بقلم حرم (Re: جمال ود القوز)

    Quote:
    Quote: وناس المصلحة في ذهاب مرسى هم وراء التضخيم

    دا شنو يا بجم؟؟ اصحاب المصلحة فى ذهاب مرسى ديل يكونوا مين؟؟



    نحن مصرّين وحاتك وعايزنك تورينا أصحاب المصلحة في ذهاب مرسي ديل منو ؟ ...
    ده حار .. وده حار .. وداااااااك ما بنكوي بيهو ..
    هههههههه ..كامل تضامني معك يشهد الله يا غريبة ..
    فدي محنة زي المحنة ..مع تمنياتي بان تتحسن العلاقات بين البلدين مخصوص عشانك والله ..ههههههههه .. YOU MADE MY DAY ..

    (عدل بواسطة جمال ود القوز on 05-06-2017, 05:29 AM)

                   |Articles |News |مقالات |بيانات

05-06-2017, 06:28 AM

زهير عثمان حمد
<aزهير عثمان حمد
تاريخ التسجيل: 08-07-2006
مجموع المشاركات: 16167

للتواصل معنا

FaceBook
تويتر Twitter
YouTube


Re: تنبزو في المصريين وما بتلحقوهم! .. بقلم حرم (Re: جمال ود القوز)

    ‎منير مصطفي عقارب‎ is feeling amazed.


    الأخت حرم شداد نسب بجامعه النيلين القاهره الفرع سابقا قالت كسودانيين انطبق علينا المثل سيد اللسان فقري وفلسان تنبزوا فى المصريين ومابتلحقوهم عقده النقص دي فكوها فى الحبش ما جابوا لينا غير المرض والتعليق منى انت نكره لا أحد سمع بك من قبل ولا وطنيه لك هذا أن كنت سودانيه حقا أما وابا وتراث وتراب هذا البلد يجري في دماؤك التى يبدو إصابتها بكل أمراض منتجات الصرف الصحي المصريه التى طلبت منك وهى مخدمتك وولى نعمتك أن تكونى صوت نشاذ يغرد خارج سرب الوحده الوطنية السودانيه ضد الأمراض المصريه وكنت رهن الاشاره مثل صاحبنا الصحفى الشهير نحن لسنا فقراء ولا فلسانين انت الفقر العقلى والنفسى والاجتماعى وانت المفلسه فكريا ووطنيا سبحى بحمد أولياء نعمتك وأسأل الله أن يحشرك مع من تحبين وان تكونى اول ضحايا لسانك الطويل يبدوا أن لديك جينات وراثية منهم ابحثى عنها جيدا واخضعى نفسك لفحص نفسى كامل نسأل الله تعالى لك الشفاء ولك أن تلزمى حدك صمتا أحيانا الصمت أفضل من الكلام ولك تحيات كل سوداني بنت فوزيه بالانتساب حرم شداد
                   |Articles |News |مقالات |بيانات

05-06-2017, 06:45 AM

درديري كباشي
<aدرديري كباشي
تاريخ التسجيل: 01-08-2013
مجموع المشاركات: 3180

للتواصل معنا

FaceBook
تويتر Twitter
YouTube


Re: تنبزو في المصريين وما بتلحقوهم! .. بقلم حرم (Re: زهير عثمان حمد)

    نحن مصرّين وحاتك وعايزنك تورينا أصحاب المصلحة في ذهاب مرسي ديل منو ؟ ... ده حار .. وده حار .. وداااااااك ما بنكوي بيهو .. هههههههه ..كامل تضامني معك يشهد الله يا غريبة .. فدي محنة زي المحنة ..مع تمنياتي بان تتحسن العلاقات بين البلدين مخصوص عشانك والله ..ههههههههه .. YOU MADE MY DAY ..
    -----------------------------------------------------------------------------------

    هههههههههههههههههههههه فعلا يا جمال القوز أطرف ما في البوست هو جلطة غريبة دي كبشرتها صاح

    خرجتو من اللعب خالص

    غريبة بقى ما عندك حل غير تمسك ورقك فوق وترجى الراجيك
                   |Articles |News |مقالات |بيانات

05-06-2017, 07:42 AM

عماد الدين الطيب عمر
<aعماد الدين الطيب عمر
تاريخ التسجيل: 09-22-2015
مجموع المشاركات: 755

للتواصل معنا

FaceBook
تويتر Twitter
YouTube


Re: تنبزو في المصريين وما بتلحقوهم! .. بقلم حرم (Re: زهير عثمان حمد)

                   |Articles |News |مقالات |بيانات

05-06-2017, 09:24 AM

جمال ود القوز
<aجمال ود القوز
تاريخ التسجيل: 01-25-2013
مجموع المشاركات: 3429

للتواصل معنا

FaceBook
تويتر Twitter
YouTube


Re: تنبزو في المصريين وما بتلحقوهم! .. بقلم حرم (Re: عماد الدين الطيب عمر)

    تسلم يا درديري كباشي .. تسلم كتير يأخ ..



    ــــــــــــــــــــــــــــــــــــــــــــــــــــــــــــــ

    بالنسبة للفيديو يا عمدة ..
    صاحبنا عمرو أديب جبن ان يقولها صراحة جاب الكلام مغتغت .. ههههه ..
    قال ضربة استباقية قال .. خخخخخخخخخخخخ ..
    ألمي حار ولا لعب قعونج ..
    اليجرب الضربة الاستباقية بتاعتو دي بعد داك يحكم ..






                   |Articles |News |مقالات |بيانات

05-06-2017, 02:29 PM

محجوب البيلي
<aمحجوب البيلي
تاريخ التسجيل: 04-19-2005
مجموع المشاركات: 1859

للتواصل معنا

FaceBook
تويتر Twitter
YouTube


Re: تنبزو في المصريين وما بتلحقوهم! .. بقلم حرم (Re: جمال ود القوز)

    Quote: لا توجد عندنا مشكلة مع نوال السعداوي ولا فرج فودة ولا احسان ولا القمني ولا خليل ولا الاسواني ولا حتى سامي منو داك بتاع المغامرين الخمسة .. توجد عندنا كرامة واعتزاز بالذات السودانية التي ترفض الاساءة والاحتقار .. كما نرفض احتلال مصر لجزء من بلادنا كما نرفض اي احتلال آخر .. نتمسك بحقنا في شراء ما نريد من سلع .. ونطالب الدولة القيام بدورها في حماية المستهلك كما نطالبها باسترداد حلايب التي فرطت فيها .. هذه حقوق ومطالب بالاصالة عن انفسنا كما اشار كمال عباس هنا ..
    الدور التأريخي لمصر في بلادنا دور قذر جدا .. ولكنا ومن بعد ذلك لا نسعى الا لعلاقات صحيحة ومعافاة مع مصر كدولة جارة لا اقول انها جارة صغيرة ولكنها فطعا ليست جارة كبرى غندما يتعلق الحديث بوطن في حجم السودان..

    شكراً حبيبنا ود المشرف...
                   |Articles |News |مقالات |بيانات

05-06-2017, 02:36 PM

يحي قباني
<aيحي قباني
تاريخ التسجيل: 08-20-2012
مجموع المشاركات: 10983

للتواصل معنا

FaceBook
تويتر Twitter
YouTube


Re: تنبزو في المصريين وما بتلحقوهم! .. بقلم حرم (Re: محجوب البيلي)

    Quote: الدور التأريخي لمصر في بلادنا دور قذر جدا .. ولكنا ومن بعد ذلك لا نسعى الا لعلاقات صحيحة ومعافاة مع مصر كدولة جارة لا اقول انها جارة صغيرة ولكنها فطعا ليست جارة كبرى غندما يتعلق الحديث بوطن في حجم السودان..

    حتى انت يا مشرف؟

    هنيئاً للكيزان في خلق جبهة للهجوم على مصر ... لم تكن في احلامهم التي تشبه أحلام العصافير ...

                   |Articles |News |مقالات |بيانات

05-06-2017, 03:27 PM

Hassan Farah
<aHassan Farah
تاريخ التسجيل: 08-29-2016
مجموع المشاركات: 1332

للتواصل معنا

FaceBook
تويتر Twitter
YouTube


Re: تنبزو في المصريين وما بتلحقوهم! .. بقلم حرم (Re: يحي قباني)

    هنيئاً للكيزان في خلق جبهة للهجوم على مصر ... لم تكن في احلامهم التي تشبه أحلام العصافير
    ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
    الهجوم بدأته مصر واعلامها يا يحى قبانى وكان موجها بالأساس للشعب السودانى..... ورد فعل الشعب السودانى اتى ليس دفاعا عن الكيزان وانما دفاعا عن كرامته وارضه وتاريخه واصالته وردا على تطاول الاعلام المصرى وسخريته من اهل السودان
    وانت يا يحى قبانى كسودانى من اصول مصرية كان جديرا بك ان تكون فى مقدمة من بتصدى لخطل الاعلام المصرى وتطاوله لكنك للاسف لم تفعل ذلك بل فشلت حتى ان تبقى محايدا
                   |Articles |News |مقالات |بيانات

05-06-2017, 04:40 PM

بشير أحمد
<aبشير أحمد
تاريخ التسجيل: 03-21-2008
مجموع المشاركات: 10341

للتواصل معنا

FaceBook
تويتر Twitter
YouTube


Re: تنبزو في المصريين وما بتلحقوهم! .. بقلم حرم (Re: Hassan Farah)

    يحى قباني جاء فايت وما قال بغم لحرم شداد ...ومسك في كلام الدكتور محمد !

    عجيب ياسودانيين ...

    يحى قباني بقى في سرج واحد مع صلاح وحرم ...
                   |Articles |News |مقالات |بيانات

05-06-2017, 08:15 PM

ABDALLAH ABDALLAH
<aABDALLAH ABDALLAH
تاريخ التسجيل: 08-25-2007
مجموع المشاركات: 6068

للتواصل معنا

FaceBook
تويتر Twitter
YouTube


Re: تنبزو في المصريين وما بتلحقوهم! .. بقلم حرم (Re: بشير أحمد)

                   |Articles |News |مقالات |بيانات

[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de