ناسف الموقع مغلق للصيانة مؤقتا
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 10-24-2017, 10:02 AM الصفحة الرئيسية

مدخل أرشيف للعام 2016-2017م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

الشاعر كامل عبد الماجد حينما ( جاب آخره ) ... يوجد بيت بكا

01-25-2017, 06:00 AM

يحي قباني
<aيحي قباني
تاريخ التسجيل: 08-20-2012
مجموع المشاركات: 10990

للتواصل معنا

FaceBook
تويتر Twitter
YouTube


الشاعر كامل عبد الماجد حينما ( جاب آخره ) ... يوجد بيت بكا

    06:00 AM January, 25 2017

    سودانيز اون لاين
    يحي قباني-فى الدنيا العجيبة
    مكتبتى
    رابط مختصر

    قراء شعرية

    الشاعر الكبير كامل عبد الماجد


    وأســــــه فيك أنــا شن أســو
    يـا سـلام لـــو جـيـتـي أبــدر وهـل تـفـيــد بـالله لــــــــو
    يــاتــو غيـمـاً جيتى مـنــــو ويـاتـو مخمل ويـاتو جـــو
    والكــــواكـب أيــــه لــزومــها وإنتـي ماليــه الدنيــا ضـو

    عـلـــــمي الغصـن النداوة ومــن طراوتك هـشــشـي
    وعـلـــمي البـــــــان التـثنــي والـتمايــل وادهـشــــــــي
    وعـلـــمي الطــاؤوس يـعـدل فـي اختيـالــو وفـي مشــي
    الـجمــــال ما شلتى كـلـــــــو وللوراك ماسـبتــي شــــي
    وقـلبـي تــاه يومى الرأيتك الإتـــــــــوه مــا تـفـتـشـي

    النسيـــــم لـــــو مـــر جنبـك بـــي أريـجـك عطــــــري
    وخلــــي منك لينا يوصــــل أوع يرجــــــع حــــــذري
    والـــــورد من فيض نداكــي أدي بـرضو اتـذكـــــــري
    عمـــري ليك أنا واهبو كلــو هاتــــي بسمة وأشتـري
    ولو ودر فـي دربك إنتــــــي يعنـي أيـــــــه ما تـودري

    الحريــــــر شافـــــك تحيـــر صــد زعــلان حنســـــي
    إنتــــي أنــعم منــــو ملمـس إلا جــاملــــي والبســــــي
    وطيفــي لو جاك في الأماسي هــدهــديــــو وونســـــــي
    أحكـــــي ليهـو وقولــي ليهـو خلي عنـدك واحبســي
    وسيبـي من أنفــاسك ينهل وبــــي ودادك حســســــي

    الجمـــــــال العهــدو ولـــــى جيتــــــي تـــاني ترجعـي
    والـدلال القــالـــــوا قـــــــــل جيتــي في الكون تترعي
    وقلبــــي من الريـد تخلــــــى جيتــي تـانــي تـلــوعـــي
    البريـــــق الفـــي عيـونـــــك كُفــــي عـنــي وأقـرعــي
    مـابـراي تصلينـي بيـهـــــــو شـتـتـيـهــو و وزعـــــــي
    والحديث الضانــــة بيهـــو ضنـــي بيهــــو وامنعــي
    مــا الكــلام الدايـــر أقولـــــو مــن عيونــي بتسمعــــي

    يــوم تدخلـي علي المحافـــل الحضـــور بتجهجهـــــي
    الـعيـــون تبراك جحافــــــل وكــــل زول بتّوهـــــــي
    القمــــر فـــي ليــــل تمامــو بشبهــك مــابتشبهـــــــي
    والنجــــــوم ماتشــابـي ليهـا خلــــي تنزل ليكــي هـي
    أنضميهـا وزينـــــي بيـهــــا جيــدك النـــــادي البهــي
    الفــــراش لـــو ركٌ فـاكـرك زهـــــــرة أوع تنبهـــــي
    خلــــــي يرشف مــن رحيقك مــــافي زول ما مشتهـي

    الـــــورد لــــو جيتــــي جنبو بقطفك مـــــا بتقطفــــــي
    والعســـل بهجــر دنانو ويرشفك مـــــا بترشفـــي
    قلبــــــي فـــارش ليك أزاهـر خشــــي جــــوا وشرفــي
    إلا بــس شيـشـك عـليهــــــو إجتيـاحـــك خـفـفـــــــــي
    وفــــي الدخـول خليك حنينـه نبضـــــو أوعـى توقفــي

    يـا سـلام لـــو شفتك أبــدر وهـل تـفـيــد بـالله لــــــــو
    يــاتــو غيـمـاً جيتى مـنــــو ويـاتـو مخمل ويـاتو جـــو
    والكــــواكـب أيــــه لــزومــها وإنتـي ماليــه الدنيــا ضـو

                   |Articles |News |مقالات |بيانات

01-25-2017, 06:02 AM

يحي قباني
<aيحي قباني
تاريخ التسجيل: 08-20-2012
مجموع المشاركات: 10990

للتواصل معنا

FaceBook
تويتر Twitter
YouTube


Re: الشاعر كامل عبد الماجد حينما ( جاب آخره ) ... (Re: يحي قباني)

    القصيدة دي ... غايتو قربت تصل مرتبة سيد الإسم ...

    عـلـــــمي الغصـن النداوة ومــن طراوتك هـشــشـي
    وعـلـــمي البـــــــان التـثنــي والـتمايــل وادهـشــــــــي
    وعـلـــمي الطــاؤوس يـعـدل فـي اختيـالــو وفـي مشــي
    الـجمــــال ما شلتى كـلـــــــو وللوراك ماسـبتــي شــــي

    معقول بس ؟
                   |Articles |News |مقالات |بيانات

01-25-2017, 06:30 AM

درديري كباشي
<aدرديري كباشي
تاريخ التسجيل: 01-08-2013
مجموع المشاركات: 3185

للتواصل معنا

FaceBook
تويتر Twitter
YouTube


Re: الشاعر كامل عبد الماجد حينما ( جاب آخره ) ... (Re: يحي قباني)

    تعرف يا قبقب ( خلينا ندلع بعض شوية)
    أنا من أول البوستات الفتحتها في 2013 كان بوست بعنوان سيد الأسم أغنية هذا الرائع والجابري ..
    المدهش في كامل عبد الماجد أنه يتناول المفردة ليست العامية فقط أنما التي عندها خصوصية حتى داخل العامية.
    يعني مثلا سيد الاسم كان يستخدمها البنات في زمن الحياء والحب العذري الواحدة لم تكن تجرؤ على الأفصاح عن اسم حبيبها فتكنى عنه بسيد الاسم (وكان جبت أسمه الهوى/ الهواء بقسمه .

    ولو ودر فـي دربك إنتــــــي يعنـي أيـــــــه ما تـودري

    شوف ودر وتودري دي نكتها من وين
    نغيب ونجي
                   |Articles |News |مقالات |بيانات

01-25-2017, 06:46 AM

ابوحراز
<aابوحراز
تاريخ التسجيل: 06-27-2002
مجموع المشاركات: 5310

للتواصل معنا

FaceBook
تويتر Twitter
YouTube


Re: الشاعر كامل عبد الماجد حينما ( جاب آخره ) ... (Re: درديري كباشي)

    التحية لك ولدرديري كباشي ولكل زوار البوست
    وتحية خاصة للشاعر المرهف كامل عبد الماجد
    وللشاعر محمد عبد القادر ابوشورة { أحلى الكلام لغة العيون }
    الجابري
    وحمد الريح
    وصلاح بن البادية
    ومحمد ميرغني
    والجيلاني الواثق
    اسماء كان ياتي ذكرها يوميا بمكتبنا بادارة العلاقات العامة والاعلام
    بمؤسسة الرهد الزراعية
    حيث تم نقلي من قبيلة الزراعيين
    لأكون النجم الصغير
    والذي لايكاد يرى بالعين المجردة
    وسط مجموعة من الكواكب النيرة والمضيئة .. كامل عبد الماجد ومحمد عبد القادر ابوشورة
    كانت الابتسامة في مؤسسة الرهد الزراعية تبدأ من مكتبنا
    ثم تنتقل الى الحقول !!!!
    وأذكر ان زارنا الفنان الكبير احمد المصطفى
    وقدمه المخضرم كامل عبد الماجد على المسرح
    وحينما صدح بالوسيم تفتحت الأزهار والسنابل في كل المزارع
    وكانت تلك من اسعد ليالينا بمؤسسة الرهد الزراعية



    هجمة مرتدة
    استقبلنا بادارة العلاقات العامة مولانا أبيل ألير
    وكان وقتها نائباً للنميري في ايامه الأخيرة
    اقسم بالله سيارة نائب رئيس الجمهورية { بطلت }
    فدفرناها انا وكامل عبد الماجد وابوشورة ورهط من الموظفين
    فحيانا الأخير وغادر !!!!
    هسي تلقى سواق المعتمد راكب لكزس 2017 !!!!
                   |Articles |News |مقالات |بيانات

01-25-2017, 07:11 AM

بله محمد الفاضل
<aبله محمد الفاضل
تاريخ التسجيل: 11-27-2007
مجموع المشاركات: 8516

للتواصل معنا

FaceBook
تويتر Twitter
YouTube


Re: الشاعر كامل عبد الماجد حينما ( جاب آخره ) ... (Re: ابوحراز)

    وهـل تـفـيــد بـالله لــــــــو



    اتخاذ نقص الشيء واتمامه من المحبوبة كانت السمة الأساسية التي اشتغل عليها الشاعر
    ونجح تماماً في تحويل محبوبته إلى أصل عطاء ليتخذ كل شيء صفته


    وهل تفيد بالله لو


    شكراً لجمالك الأكيد يا قباني
    تحياتي ومحبتي
                   |Articles |News |مقالات |بيانات

01-25-2017, 07:13 AM

بله محمد الفاضل
<aبله محمد الفاضل
تاريخ التسجيل: 11-27-2007
مجموع المشاركات: 8516

للتواصل معنا

FaceBook
تويتر Twitter
YouTube


Re: الشاعر كامل عبد الماجد حينما ( جاب آخره ) ... (Re: بله محمد الفاضل)

    https://soundcloud.com/aallah/ur018kyi7fdfhttps://soundcloud.com/aallah/ur018kyi7fdf

                   |Articles |News |مقالات |بيانات

01-25-2017, 07:16 AM

بله محمد الفاضل
<aبله محمد الفاضل
تاريخ التسجيل: 11-27-2007
مجموع المشاركات: 8516

للتواصل معنا

FaceBook
تويتر Twitter
YouTube


Re: الشاعر كامل عبد الماجد حينما ( جاب آخره ) ... (Re: بله محمد الفاضل)



    https://www.youtube.com/watch؟v=-enQyEMcO84https://www.youtube.com/watch؟v=-enQyEMcO84
                   |Articles |News |مقالات |بيانات

01-25-2017, 07:46 AM

مجدي عبدالرحيم فضل
<aمجدي عبدالرحيم فضل
تاريخ التسجيل: 03-11-2007
مجموع المشاركات: 9094

للتواصل معنا

FaceBook
تويتر Twitter
YouTube


Re: الشاعر كامل عبد الماجد حينما ( جاب آخره ) ... (Re: بله محمد الفاضل)




    ياسلام عليك يا قباني قراءاتك دائما جميلة والمبدعين مثل قامة الشاعر كامل عبدالماجد يمجدون علي التصوير البليغ جدا لوصفهم للمحبوبة

    نص بديع فعلا وانا دائما اترقب بوستاتك في سودانيزاون لاين تأتي بالمجيد والمفيد حقا لك تحياتي استاذنا قباني انت الجبت آخرنا لله درك.

    ،،،،أبوقصي،،،،
                   |Articles |News |مقالات |بيانات

01-25-2017, 07:54 AM

ياسر بيناوي
<aياسر بيناوي
تاريخ التسجيل: 05-18-2009
مجموع المشاركات: 4888

للتواصل معنا

FaceBook
تويتر Twitter
YouTube


Re: الشاعر كامل عبد الماجد حينما ( جاب آخره ) ... (Re: بله محمد الفاضل)

    يحي قباني و زواره الكرام
    تحياتي

    ياخ زولك دا يوم بعوق ليهو زول من ذوي القلوب الرهيفة
    الزينا


    خالص الود
                   |Articles |News |مقالات |بيانات

01-25-2017, 08:53 AM

الحاج حمد الحاج
<aالحاج حمد الحاج
تاريخ التسجيل: 03-29-2008
مجموع المشاركات: 4591

للتواصل معنا

FaceBook
تويتر Twitter
YouTube


Re: الشاعر كامل عبد الماجد حينما ( جاب آخره ) ... (Re: ياسر بيناوي)

    شكرا قباني لاشراكنا هذا الابداع من الشاعر كامل عبد الماجد.
                   |Articles |News |مقالات |بيانات

01-25-2017, 02:44 PM

يحي قباني
<aيحي قباني
تاريخ التسجيل: 08-20-2012
مجموع المشاركات: 10990

للتواصل معنا

FaceBook
تويتر Twitter
YouTube


Re: الشاعر كامل عبد الماجد حينما ( جاب آخره ) ... (Re: درديري كباشي)

    Quote: تعرف يا قبقب ( خلينا ندلع بعض شوية)
    أنا من أول البوستات الفتحتها في 2013 كان بوست بعنوان سيد الأسم أغنية هذا الرائع والجابري ..
    المدهش في كامل عبد الماجد أنه يتناول المفردة ليست العامية فقط أنما التي عندها خصوصية حتى داخل العامية.
    يعني مثلا سيد الاسم كان يستخدمها البنات في زمن الحياء والحب العذري الواحدة لم تكن تجرؤ على الأفصاح عن اسم حبيبها فتكنى عنه بسيد الاسم (وكان جبت أسمه الهوى/ الهواء بقسمه .

    ولو ودر فـي دربك إنتــــــي يعنـي أيـــــــه ما تـودري

    شوف ودر وتودري دي نكتها من وين
    نغيب ونجي

    يا دُرة و انت دُرة يا درديري يا بديع ...

    لما قلنا للناس كان في زمن أجمل ...

    قالوا انتو ناس قدام بس ... و كل زمن بي جمالو ...

    حليل زمن كان جبته اسمو الهوا بقسمو
    و كان جبته حرفو الناس بتعرفو

    انحا الآن في زمن المقابضة يا صديقي ....
                   |Articles |News |مقالات |بيانات

01-25-2017, 02:57 PM

يحي قباني
<aيحي قباني
تاريخ التسجيل: 08-20-2012
مجموع المشاركات: 10990

للتواصل معنا

FaceBook
تويتر Twitter
YouTube


Re: الشاعر كامل عبد الماجد حينما ( جاب آخره ) ... (Re: يحي قباني)

    Quote: اسماء كان ياتي ذكرها يوميا بمكتبنا بادارة العلاقات العامة والاعلام
    بمؤسسة الرهد الزراعية
    حيث تم نقلي من قبيلة الزراعيين
    لأكون النجم الصغير
    والذي لايكاد يرى بالعين المجردة
    وسط مجموعة من الكواكب النيرة والمضيئة .. كامل عبد الماجد ومحمد عبد القادر ابوشورة
    كانت الابتسامة في مؤسسة الرهد الزراعية تبدأ من مكتبنا
    ثم تنتقل الى الحقول !!!!
    وأذكر ان زارنا الفنان الكبير احمد المصطفى
    وقدمه المخضرم كامل عبد الماجد على المسرح
    وحينما صدح بالوسيم تفتحت الأزهار والسنابل في كل المزارع
    وكانت تلك من اسعد ليالينا بمؤسسة الرهد الزراعية



    هجمة مرتدة
    استقبلنا بادارة العلاقات العامة مولانا أبيل ألير
    وكان وقتها نائباً للنميري في ايامه الأخيرة
    اقسم بالله سيارة نائب رئيس الجمهورية { بطلت }
    فدفرناها انا وكامل عبد الماجد وابوشورة ورهط من الموظفين
    فحيانا الأخير وغادر !!!!
    هسي تلقى سواق المعتمد راكب لكزس 2017 !!!!


    و الله انك سعيد عشت في ذلك المحيط الجميل ...

    شعر كما يجب ان يكون الشعر

    و تواضع و كرم اخلاق ...

    صاحبك كامل عبد الماجد قال:

    الزمان الزاهي مرّ
    وعدت ايام المسرة
    وفضلت الذكري الحبيبة
    نارة توقد مرة مرة
    حار خلاص الكون ده اصبح
    وخوفنا بكرة نشوف احرّ
    واسه ما طايقين مرارتو
    كيف مع الجاي الامرّ


    المبدعين في ذلك الزمان كانوا يعيشون بيننا كالبشر ...

    لا تعالي ... لا فواصل ...

    الله يستر بس يا أبو ححراز ...
                   |Articles |News |مقالات |بيانات

01-26-2017, 01:18 AM

يحي قباني
<aيحي قباني
تاريخ التسجيل: 08-20-2012
مجموع المشاركات: 10990

للتواصل معنا

FaceBook
تويتر Twitter
YouTube


Re: الشاعر كامل عبد الماجد حينما ( جاب آخره ) ... (Re: يحي قباني)

    Quote: وهـل تـفـيــد بـالله لــــــــو اتخاذ نقص الشيء واتمامه من المحبوبة كانت السمة الأساسية التي اشتغل عليها الشاعرونجح تماماً في تحويل محبوبته إلى أصل
    عطاء ليتخذ كل شيء صفتهوهل تفيد بالله لوشكراً لجمالك الأكيد يا قباني
    تحياتي ومحبتي

    الوريف في كل الفصول .. استاذنا بله الفاضل ...

    السهل الممتنع ...بساطة في الكلام ... و ريده باينه في كل حرف ..

    .شعر يأسر البروفيسور في جامعته و المزارع في حواشته ... و المهندس في عمارته و العامل في ورشته ...

    يدندن بيهو الراعي و الساعي و الأمير و الوزير ...

    (عدل بواسطة يحي قباني on 01-26-2017, 04:27 AM)

                   |Articles |News |مقالات |بيانات

01-26-2017, 04:31 AM

يحي قباني
<aيحي قباني
تاريخ التسجيل: 08-20-2012
مجموع المشاركات: 10990

للتواصل معنا

FaceBook
تويتر Twitter
YouTube


Re: الشاعر كامل عبد الماجد حينما ( جاب آخره ) ... (Re: يحي قباني)

    Quote: ياسلام عليك يا قباني قراءاتك دائما جميلة والمبدعين مثل قامة الشاعر كامل عبدالماجد يمجدون علي التصوير البليغ جدا لوصفهم للمحبوبة

    نص بديع فعلا وانا دائما اترقب بوستاتك في سودانيزاون لاين تأتي بالمجيد والمفيد حقا لك تحياتي استاذنا قباني انت الجبت آخرنا لله درك.

    ،،،،أبوقصي،،،،

    الجمال جمال دواخلك تبحث كل جميل يا أبو قصي...

    لك اود يا اخي و أتمنى ان تكون دائما معنا و نحن معكم ...

    كامل عبد الماجد ... مدرسة من زمن جميل ...
                   |Articles |News |مقالات |بيانات

01-26-2017, 04:35 AM

يحي قباني
<aيحي قباني
تاريخ التسجيل: 08-20-2012
مجموع المشاركات: 10990

للتواصل معنا

FaceBook
تويتر Twitter
YouTube


Re: الشاعر كامل عبد الماجد حينما ( جاب آخره ) ... (Re: يحي قباني)

    Quote: يحي قباني و زواره الكرام
    تحياتي

    ياخ زولك دا يوم بعوق ليهو زول من ذوي القلوب الرهيفة
    الزينا


    خالص الود

    سلامة قلبك يا بيناوي ...

    كامل عبد الماجد ... كلامه كلام زول انكوى و ضاق عذاب الريد ...

    الله يصبرنا بس ...
                   |Articles |News |مقالات |بيانات

01-26-2017, 04:36 AM

يحي قباني
<aيحي قباني
تاريخ التسجيل: 08-20-2012
مجموع المشاركات: 10990

للتواصل معنا

FaceBook
تويتر Twitter
YouTube


Re: الشاعر كامل عبد الماجد حينما ( جاب آخره ) ... (Re: يحي قباني)

    Quote: شكرا قباني لاشراكنا هذا الابداع من الشاعر كامل عبد الماجد


    تحياتي الحاج حمد ...
                   |Articles |News |مقالات |بيانات

01-25-2017, 03:46 PM

محمد أبوجودة
<aمحمد أبوجودة
تاريخ التسجيل: 08-10-2004
مجموع المشاركات: 5330

للتواصل معنا

FaceBook
تويتر Twitter
YouTube


Re: الشاعر كامل عبد الماجد حينما ( جاب آخره ) ... (Re: يحي قباني)


    Quote: قراء شعرية

    الشاعر الكبير كامل عبد الماجد


    وأســــــه فيك أنــا شن أســو
    يـا سـلام لـــو جـيـتـي أبــدر وهـل تـفـيــد بـالله لــــــــو
    يــاتــو غيـمـاً جيتى مـنــــو ويـاتـو مخمل ويـاتو جـــو
    والكــــواكـب أيــــه لــزومــها وإنتـي ماليــه الدنيــا ضـو




    سلام عزيزنا قبــّاني،

    وتحية ليك ولضيوف البوست،

    ولا أتفق معك في تنويهك الثر بـ هكذا قصيدٍ عادي، بارد الرّوح جميد الفعالية يخلو من أدنى الحِكَم..!

    اتّا آ ود قبّاني، كورتك فـَـكــَّتْ وللا شنــو ..؟
                   |Articles |News |مقالات |بيانات

01-25-2017, 07:27 PM

Hamid Elsawi
<aHamid Elsawi
تاريخ التسجيل: 09-22-2005
مجموع المشاركات: 1939

للتواصل معنا

FaceBook
تويتر Twitter
YouTube


Re: الشاعر كامل عبد الماجد حينما ( جاب آخره ) ... (Re: محمد أبوجودة)

    ده كلام ما عادي يا باشمهندس
    و كل زول بقراه و يفهموا بي احساسوا
    و مرجعياتو الاجتماعية و الثقافيه
    و بيتحمل قرايات مختلفه و كل بيت
    في القصيدة محطة للتأمل شوف معاي البيت ده

    مــا الكــلام الدايـــر أقولـــــو مــن عيونــي بتسمعــــي

    رجني لي أحمد شوقي في جارة الوادي

    وتعطلت لغة الكلام وخاطبت عينيّ في لغة الهوى عيناكِ

    رجعني لي والله وحدو بينا و

    فضحني عيونو و كشفن أسرارو
    و العيون لو رادو ما بعرفو يدارو


    رجعني لي ابوصلاح ال مزج بين
    الدموع و العيون و خلي الكلام ما
    معروف طالع من العيون ولا من الدموع


    الدمع فضاح
    وسر هواي ال بَي
    تعلمبو دون ايضاح


    رجعني للجابري عندما غازلت حنجرته
    كلمات كامل عبد الماجد في محبوبتي وكتين تبتسم

    مرات اقول اديهو كلمة تزعلو
    حبة عذاب وكلام عتاب
    انا عارفو ما بتحملو
    عشان اشوف خده الحرير
    الدمعة جارية تبللو
    لكني قبال ابدا بلحظات
    اقيف اتأملو
    الضحكة واللفتة
    البتاخد من عيوني النوم
    شهور وتجفلو


    ده مقطع واحد بس
    و أي مقطع هو موضوع نقاش بالبلدي (موضوع قَعّدَة)
    شكراً قباني علي هذا البوست
    ال بِرُدْ الروح و يشرح النَفس

    (تبكو بس عين قطرة و عين مس)


                   |Articles |News |مقالات |بيانات

01-27-2017, 04:21 AM

يحي قباني
<aيحي قباني
تاريخ التسجيل: 08-20-2012
مجموع المشاركات: 10990

للتواصل معنا

FaceBook
تويتر Twitter
YouTube


Re: الشاعر كامل عبد الماجد حينما ( جاب آخره ) ... (Re: Hamid Elsawi)

    Quote: ده كلام ما عادي يا باشمهندس
    و كل زول بقراه و يفهموا بي احساسوا
    و مرجعياتو الاجتماعية و الثقافيه
    و بيتحمل قرايات مختلفه و كل بيت
    في القصيدة محطة للتأمل شوف معاي البيت ده

    مــا الكــلام الدايـــر أقولـــــو مــن عيونــي بتسمعــــي

    رجني لي أحمد شوقي في جارة الوادي

    وتعطلت لغة الكلام وخاطبت عينيّ في لغة الهوى عيناكِ

    رجعني لي والله وحدو بينا و

    فضحني عيونو و كشفن أسرارو
    و العيون لو رادو ما بعرفو يدارو


    رجعني لي ابوصلاح ال مزج بين
    الدموع و العيون و خلي الكلام ما
    معروف طالع من العيون ولا من الدموع


    الدمع فضاح
    وسر هواي ال بَي
    تعلمبو دون ايضاح


    رجعني للجابري عندما غازلت حنجرته
    كلمات كامل عبد الماجد في محبوبتي وكتين تبتسم

    مرات اقول اديهو كلمة تزعلو
    حبة عذاب وكلام عتاب
    انا عارفو ما بتحملو
    عشان اشوف خده الحرير
    الدمعة جارية تبللو
    لكني قبال ابدا بلحظات
    اقيف اتأملو
    الضحكة واللفتة
    البتاخد من عيوني النوم
    شهور وتجفلو


    ده مقطع واحد بس
    و أي مقطع هو موضوع نقاش بالبلدي (موضوع قَعّدَة)
    شكراً قباني علي هذا البوست
    ال بِرُدْ الروح و يشرح النَفس

    (تبكو بس عين قطرة و عين مس)


    قصيدة زي كباية الليمون مع الشعير من كشك نادي العمال الساعة اتنين نصة نهار ...

    تنعش الدورة الدموية يا حامد يا صديقي ...
                   |Articles |News |مقالات |بيانات

01-26-2017, 04:42 AM

يحي قباني
<aيحي قباني
تاريخ التسجيل: 08-20-2012
مجموع المشاركات: 10990

للتواصل معنا

FaceBook
تويتر Twitter
YouTube


Re: الشاعر كامل عبد الماجد حينما ( جاب آخره ) ... (Re: محمد أبوجودة)

    Quote: سلام عزيزنا قبــّاني،

    وتحية ليك ولضيوف البوست،

    ولا أتفق معك في تنويهك الثر بـ هكذا قصيدٍ عادي، بارد الرّوح جميد الفعالية يخلو من أدنى الحِكَم..!

    اتّا آ ود قبّاني، كورتك فـَـكــَّتْ وللا شنــو ..؟

    تحياتي أبا جودة ...

    القصيدة ليست عادية بكل المقاييس ...

    بسيطة .. نعم .. و لكنه سهل ممتنع ...

    ونسة دقاقة ... نغمة خفيفة ...

    قصيدة ترسم البسمة على الوجوه ... و تطري القلب العطشان ...

    قصيدة محمد أحمد رجل الشارع ...
                   |Articles |News |مقالات |بيانات

01-26-2017, 05:51 AM

ياسر السر
<aياسر السر
تاريخ التسجيل: 08-06-2010
مجموع المشاركات: 2657

للتواصل معنا

FaceBook
تويتر Twitter
YouTube


Re: الشاعر كامل عبد الماجد حينما ( جاب آخره ) ... (Re: يحي قباني)

    يا استاذ قباني كده انت اديتنا بالجهة الفيها الحديدة والله صحي ،،
    ياخي دي عجوة معطونة في عسل عدييييل كده ،،،، وبعدين ياخي راعي حرماني واخشى عامل السن لانو قليبي رهيف وما قدر على الهباباي في عز البرد ده ولا شنو يا جماعة ,,
    الاستاذ كامل عبد الماجد رجل مترع بالابداع وله صولات وجولات يشهد له بها الجميع ويبدو لي هنا حاول يجمع كل ابداعه وسكبه في هذه القصيده الجميلة التي تنم عن رجل حساس وصاحب مشاعر دفاقه وجياشة ,,, فله التحية والاعزاز في هذا الزمن الذي يصعب فيه الصمود على ما اصاب الناس والمجتمع من تدني في الزوق وفي كل شي كل شي يا استاذ يحيي ,,
    على العموم لك جزيل الشكر على نقل هذا الجمال هنا .... بس خفف شوية علينا لانو نحن خلاااص ما شين بي عجل الحديد في مسالة المشاعر والاحاسيس والجمال والابداع ده .... وشكرا يا مبدع ...

    تحياتي : ياسر العيلفون ....
                   |Articles |News |مقالات |بيانات

01-28-2017, 07:11 AM

يحي قباني
<aيحي قباني
تاريخ التسجيل: 08-20-2012
مجموع المشاركات: 10990

للتواصل معنا

FaceBook
تويتر Twitter
YouTube


Re: الشاعر كامل عبد الماجد حينما ( جاب آخره ) ... (Re: ياسر السر)

    Quote: يا استاذ قباني كده انت اديتنا بالجهة الفيها الحديدة والله صحي ،،
    ياخي دي عجوة معطونة في عسل عدييييل كده ،،،، وبعدين ياخي راعي حرماني واخشى عامل السن لانو قليبي رهيف وما قدر على الهباباي في عز البرد ده ولا شنو يا جماعة ,,
    الاستاذ كامل عبد الماجد رجل مترع بالابداع وله صولات وجولات يشهد له بها الجميع ويبدو لي هنا حاول يجمع كل ابداعه وسكبه في هذه القصيده الجميلة التي تنم عن رجل حساس وصاحب مشاعر دفاقه وجياشة ,,, فله التحية والاعزاز في هذا الزمن الذي يصعب فيه الصمود على ما اصاب الناس والمجتمع من تدني في الزوق وفي كل شي كل شي يا استاذ يحيي ,,
    على العموم لك جزيل الشكر على نقل هذا الجمال هنا .... بس خفف شوية علينا لانو نحن خلاااص ما شين بي عجل الحديد في مسالة المشاعر والاحاسيس والجمال والابداع ده .... وشكرا يا مبدع ...

    تحياتي : ياسر العيلفون ....

    بالحتة الفيها الحديدة كيف يا فنان ...

    قول بي فريع ياسمين ...

    بي عرق نعناع ...

    ياخي كامل عبد الماجد رجل فخم ...

    عمك قال لابو عركي :

    ضانه بيك الدنيا مالا
    واللا اصلو ياهو حال الدنيا حالا
    تبعد الناس الحبايب ويشقو بي تبريح فعالا
                   |Articles |News |مقالات |بيانات

[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de