منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 08-19-2017, 01:56 AM الصفحة الرئيسية

المنبر العام
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

أفصح وأـبلغ أديب سوداني، يرحمه الله، وحكومة هيبة..

04-26-2017, 03:12 PM

Basamat Alsheikh

تاريخ التسجيل: 08-15-2015
مجموع المشاركات: 1845

للتواصل معنا

FaceBook
تويتر Twitter
YouTube


أفصح وأـبلغ أديب سوداني، يرحمه الله، وحكومة هيبة..

    03:12 PM April, 26 2017 سودانيز اون لاين
    Basamat Alsheikh- نيويورك
    مكتبتى
    رابط مختصرارسلت لي معلمتي التي درستني في المدرسة الثانوية والتي اصبحت صديقتي الآن عن طريق الواتساب خطاب للمرحوم عمر الحاج موسى، الذي كان وزيرا للثقافة والاعلام في
    عهد الرئيس الأسبق جعفر النميري، الذي ألقاه في قبل وفاته بيوم واحد... وقالت لي ان عمر الحاج موسى كان أديبا على الرغم من انه كان عسكريا وكان فصيحا وبليغا يمتلك قدرات واسعة في تطويع اللغة
    ..ووصفت لي ان الذين كانوا يحكمون السودان في عهده أنشأوا حكومة ذات هيبة تتمتع بتأييد واسع من شعب السودان. وسمعت خطاب عمر الحاج موسى ووجدت فعلا انه خطاب بليغ جدا ..
    ولذا فكرت ايضا في نسخ الخطاب وتنزيله هنا.
    .مع واسع الاحترام




    بسم الله الرحمن الرحيم
    السيد الرئيس الاخوه المؤتمرون
    اسعد الله صباحكم
    بعد ان فوض المكتب لجنتنا .. اجتمعت جلس الاخ هلري عضو يمين . وجلس الاخ عبدالله الحسن عضو يسار . وجلست انا وسطا كخير الامور وتحدثنا بعدهالا عن المرشحين وعن
    الاعتراضات وفتحنا باب الترشيح واحتشدت امامنا نعم .
    جاءت نعم الجزيره 546 الف و753نعم وشمال كردفان 209 الف و 903 نعم . جنوب
    كردفان 209و714 نعم الخرطوم 403 الف و881 نعم البحيرات 208 الف و372 نعم
    شرق الاستوائيه 323 الف و962 نعم شمال دارفور 76 الف نعم النيل 118 الف و982
    نعم بحرالغزال 230 الف و667 نعم
    نعم 4 مليون و356 الف و583 نعم
    نعم قالوها دون اكراه ودون اغراء . دون وعد ودون وعيد .
    رددوها لحناً وشدو بها نشيداً قالوها نثرا وشعرا .
    عقدوها اجتماعات وكتبوها وثائق .
    سطروها الواحاً .
    نعم من اربعه مليون و 356 الف و583 سوداني متنوعين اللهجات والسحنات والمعتقدات
    وختلفي المشائخ اجتمعو عليك رضيت بك السنتهم وقلوبهم لانك من شيمهم ومن سجاياهم سجيتك الحسني وشيمتك الرضي وسيرتك المثلي ومذهبك القصد .
    احبوك احبوك لانك من محاسنهم مواصل تزورهم وتفتقد احوالهم زرتهم في الشماليه وفي دويم ود الحاج وجلست تحت رحراح جدائل السعف وحدثوك
    عن مشاكلهم عن القادوس والنويريق وفهمت .

    احبوك لانك ركبت معهم لواري دنقلا ورميت معهم الصاجات في قوز الباجا وابو ضلوع وشربت معهم الشاي في قهوة بت ام الحسن .
    سيدي الرئيس اهلي لا ينسون وهم كالصاغه اعلم الناس بخير الذهب هم كالنسابه اعلم الناس بجيد النسب .
    احبوك لانك زرتهم في الغرب جلست معهم في شنقلي طوباية ورجل النقدول حدثوك عن الانبضايه والمندكولا والكابلو ..
    شربت معهم الماء من السعن والركوه ووعدتهم بماء النيل ووعدك وعد حر انك لمنجزه .
    احبوك لانك زرتهم في الشرق في همش كوريب رفعو لك الشرافه واحاطوك بنون القلم
    فقد اخبروك واحبوك ومعك بعلم اليقين وعين اليقين وعين الحق احبوك سيدي الرئيس
    في الجزيره لانك زرتهم في ابو فروع وسط الجزيره وحدثتهم عن مناقبهم ونوافلهم واوصيتهم عن البيت الكبير اشروه وعلي الجار ان وقع شيلوه
    وعلي الولد اليتيم ربوه وعلي ضيف الهجوع عشوه وعلي السيف السنين اسعوه وعلي فايت الحدود واسوه .
    احبوك لانك زرتهم في مريدي ولبست السكسك ورقصت وعمدوك كجورا .
    احبوك بفضلك سيدي الرئيس قد تواردت خواطر الجنوب والشمال واصبح الجنوب اليوم حمي سالمت فيه البغاث والجوارح وكفت عنه البهم
    الرتاع الذئاب وسيبقي حب اهل الجنوب لك اقوي وامتن واحلي .
    احبك اهل الخرطوم فقد بنيت لهم هذه القاعه الجميله ومسجد النيلين .
    ولعبت معه الكره مساء كل احد ومعهم تنشد قالو الحجيج قطع ومعهم تغني عشان اتعزز الليمون احبوك اهلك سيدي الرئيس لانك كرمت
    القران وامرت مساعديك ومعاونيك ان يكفو عن لعب الورق وشرب العرق واستباحة الجمال .
    احبوك لانك تصلي معهم الاوقات الخمسه اماما لهم في جماعه وتكفي سهوهم وتدخر لنا اجرها .
    احبك اهلك سيدي الرئيس لانك فقير جئت من اب وام من عامة الناس واحتفظت بنقائك وطهرك لادار ولا عقار ولا انعام ز
    احبك اهلك سيدي الرئيس لانك تحب الحق وتكره الظلم وتستجيب لنبض قلوبهم وتعيد النظر في القرارات الحزينه .
    تغنن التأميم وتلغي المصادره وتعيد المريخ والهلال .
    احبوك لانك تتحدث عن الشعوب المقهوره عن شعب فلسطين وعن شعب اريتريا .
    احبك اهلي سيدي الرئيس مثلهم واهلي كلهم اسد كداد وتور عتره وتمساح قيف .
    احبوك يوم الاردن وانت تخوض بين الرصاص والالغام وراتفعت هاماتهم وهامات كلماتهم .
    واحبوك سيدي الرئيس لانك منهم ومثلهم وتكره الشتات واحبوك لانك اصبحت لهم كالظليم الرامح عن قراحة تكنهم من الطائفيه والحزبيه وتحرسهم من القبليه والاقليميه .
    احبوك رفاق سلاحك لانك منهم احبوك اخاً وزميلاً وجهاد وتراث وتاريخ وجعلوك قائداً اعلي واغلي . لهم في الجيش يحزر النمل بعضه بعض عنه لقد كان نشيدهم في
    كل يونيو وفي كل شعبان ... الوحش يقتل ثائراً والارض تنبت الف ثائر يا كبرياء الجرح لو متنا لحاربت المقابر .
    فليسمع من هم بسزاجة ابو الدرداق ومن هو في شده ام قيردون بسم الله الرحمن الرحيم
    وجاء ممثل اهلك . جاؤو من كافة البلد بعد ان هجرو الرجز وطهرو الثياب جئنا اتنين الف مندوب وهنا في هذه القاعه جلسنا قيافه بعافيتنا وسلامتنا .
    جئنا من عاج وحجل وسديري وقفطان وملفحه وعبايه ومنصور خالد .
    سيدي الرئيس .
    جلسنا بعد ان دسنا علي القطيفه الحمراء الناعمه بنعلاتنا مقدوده ومنعلته ومخضبه بكل طين الجروف جلسنا وختينا كراع علي كراع مستبدين جلسنا انا
    وهؤلاء بسملنا وفحصنا التقارير ونقنقنا وسألنا كيف ولماذا واين وكم ؟
    وقررنا ما اعظم مايو وما اعظمك وهتفنا ينصر دينك .
    وجئنا من كافة البلد بونا ملوال وامونه اخت الزلال التايه عبدالله جئنا وجوزفين وامنه حلوف جئنا ابو رنات وابوساق وابو كلابيش وتحدث الامرد الذي
    غازل العشرين وتحدث الشيخ الذي خنق الخمسين علما وتحدث الذي صحبك اكثر من سبعه سنوات والشيل الذي هو من بنات هذا العالم في السياسه ولانك
    انتصرت للمرأه فقد جاءت هي ايضا ةتحدثت قدامنا تحدثت احداهن بالعربيه ورطنت ساميه وخلطت ثالثه العربيه بالرطانه فزادت العربيه حلاوه علي حلاوتها .
    سيدي الرئيس اجتمعو وبحثو وقررو باسمكم كافة اهل السودان جمله جميعا الواقفين والجالسين باسمكم جميعا في المصانع والمزارع والمتاجر والسكنات باسمكم جميعا جنودا ومثقفين ومزارعين واصحاب عمل باسم العاملين في الطرق وباسم العاملين في المصانع وباسم الواقفين اليوم في صيدا وقناة السويس وباسم وحدتكم الوطنيه .
    باسم كبريائكم الوطني باسم عزتكم باسم كرامتكم باسم تقدمكم ورخاؤكم باسم حبابكم وترحابكم اعلن الفائز برئاسة الاتحاد الاشتراكي السوداني اسم اخيكم جعفر .
    جعفر ابن الحاج المرحوم محمد نميري جعفر ابن الحاجه المرحومه ذينب بنت امنه بنت خليل نميري اعلن اسمه فقد فاز بالاجماع والشموخ ماض واشراقه
    حاضر وبشريات مستقبل سيدي الرئيس .
    الامر ليس بيدك والخيار ليس لك فالرأي رأي الشعب السوداني وعاش الشعب الجبار المتكبر
    وشكرا جزيلا .
    عمر الحاج موسي

    (عدل بواسطة Basamat Alsheikh on 04-26-2017, 03:15 PM)

                   |Articles |News |مقالات |بيانات

04-26-2017, 04:10 PM

محمد البشرى الخضر
<aمحمد البشرى الخضر
تاريخ التسجيل: 11-14-2006
مجموع المشاركات: 27493

للتواصل معنا

FaceBook
تويتر Twitter
YouTube


Re: أفصح وأـبلغ أديب سوداني، يرحمه الله، وحكو (Re: Basamat Alsheikh)

    سلام بسمات
    اي أدب وأي بلاغة, هذه احد اسوأ الخطب التي قيلت نفاقا و تمجيدا للطغاة و قلبا للحقائق
    يقول احبوك لأنك تلغي القرارات الحزينة وتعيد الهلال و المريخ!! طيب من أصدر هذه القرارات ومن منع الهلال و المريخ اساسا!!
                   |Articles |News |مقالات |بيانات

04-26-2017, 04:22 PM

Deng
<aDeng
تاريخ التسجيل: 11-28-2002
مجموع المشاركات: 44105

للتواصل معنا

FaceBook
تويتر Twitter
YouTube


Re: أفصح وأـبلغ أديب سوداني، يرحمه الله، وحكو (Re: محمد البشرى الخضر)

    أمس كانت تكتب أمتثال بهذا الأسم، وزكرت لنا أن بسمات الشخ غير موجودة.

    واليوم بتكتب بسمات الشيخ بأسمها!

    فهل يوجد شخص واحد أم هنالك اكثر من شخص يكتب بهذا الأسم؟

    دي لخبطة غريبة جدا!

    هل من الممكن أن يتم فض هذا الأشتباك؟
                   |Articles |News |مقالات |بيانات

04-26-2017, 04:15 PM

علي عبدالوهاب عثمان

تاريخ التسجيل: 01-17-2013
مجموع المشاركات: 5434

للتواصل معنا

FaceBook
تويتر Twitter
YouTube


Re: أفصح وأـبلغ أديب سوداني، يرحمه الله، وحكو (Re: Basamat Alsheikh)

    يا سلام بنتنا الاميرة ..
    رجعنا سنوات طويلة لعهد الشباب .. ليته يعود يوماً .. أشهر خطاب سمعه الشعب السوداني على مختلف مستوياتهم
    كنا هناك في ضواحي الدنيا مكدسين بالقرب من المذياع ..
    وأكثر عبارة شغلت الناس في هذا الخطاب هي :

    (((((((((( جئنا من عاج وحجل وسديري وقفطان وملفحه وعبايه ومنصور خالد ))))))

    ومنصور خالد كان المقصود به الحداثة والموضة والليبرالية .. أيام الخنفسة والشارلستون ..إلخ
    طبعاً ديل كانوا ناس العاصمة ونحن ناس ضواحي الدنيا بنطلون ( أبازين ) بدون حزام .. أكثر ترف هو قميص ( نايلون )
    حتى شرح رمزية منصور خالد جانا من العاصمة ..
    مع أننا كنا معلمين ثانوية عامة ..
    الزمن الجميل .. 30 جنية راتب إسكيل جي .. أقصى مصاريف للعائلة عندنا في شمال شهرياً 10 جنيهات ترف
    أرسلت الوالد رحمه الله للحج ( 400) جنيه ( الجنيه الواحد كان يساوي قريب 17 ريال سعودي )


    شكراً كثير للاستاذة الاميرة والتحية لباقي الاميرات ..
    بوست جميل جميل جداً .. يوزن الضغط وخلانا نستحضر ذلك الزمن الجميل ..


                   |Articles |News |مقالات |بيانات

04-26-2017, 04:23 PM

Basamat Alsheikh

تاريخ التسجيل: 08-15-2015
مجموع المشاركات: 1845

للتواصل معنا

FaceBook
تويتر Twitter
YouTube


Re: أفصح وأـبلغ أديب سوداني، يرحمه الله، وحكو (Re: علي عبدالوهاب عثمان)



    قال الشاعر الشهير اسحق الحلنقي في عمر الحاج موسى

    مهما الزمن طلع قمروغيب قمر
    ما بجيب قمر يشبه عمر
    كان مس بيده التراب يصبح درر
    وكان حدثك ترحل بعيد
    لدنيا ما دنيا البشر ما كان بطل
    في العز قدل كان المحارب في كرن
    وكان المناضل في ليبيا ومعارك كل الزمن
                   |Articles |News |مقالات |بيانات

04-26-2017, 04:30 PM

Basamat Alsheikh

تاريخ التسجيل: 08-15-2015
مجموع المشاركات: 1845

للتواصل معنا

FaceBook
تويتر Twitter
YouTube


Re: أفصح وأـبلغ أديب سوداني، يرحمه الله، وحكو (Re: Basamat Alsheikh)

    يا دينق
    بسمات الشيخ عبد الرحيم سافرت للسودان قبل اكثر من شهر وغادرت المنبر نهائيا وانا اكتب باسمها وبالباسويرد حقها ..
    واذا ده كان ضد القانون ، وبما انك قالوا عضو في مجلس ادارة المنبر العام ، فيمكنك ان تسحب الباسويرد بتاع بسمات عشان ما نكتب تاني.
    واذا هي رجعت من السودان ستسحب عضويتها من سودانيز اون لاين وسوف يهدأ بالك بعد ذلك وتسيب مطاردتك لينا من بوست لاخر...
    . وفي غاية الأا
    سف اذا سببنا ليك ازعاج.
    مع وافر الاحترام

    (عدل بواسطة Basamat Alsheikh on 04-26-2017, 06:30 PM)

                   |Articles |News |مقالات |بيانات

04-26-2017, 04:36 PM

Basamat Alsheikh

تاريخ التسجيل: 08-15-2015
مجموع المشاركات: 1845

للتواصل معنا

FaceBook
تويتر Twitter
YouTube


Re: أفصح وأـبلغ أديب سوداني، يرحمه الله، وحكو (Re: Basamat Alsheikh)

    محمد البشرى الخضر
    كدي يا محمد ومن يوم 1 يناير عام 1956م وحتى يوم 26 يونيو 2017م وريني حكومة
    ما كانت حكومة طغاة حكمت جمهورية السودان. للعلم فقط .
    امتثال..
                   |Articles |News |مقالات |بيانات

04-26-2017, 04:57 PM

Deng
<aDeng
تاريخ التسجيل: 11-28-2002
مجموع المشاركات: 44105

للتواصل معنا

FaceBook
تويتر Twitter
YouTube


Re: أفصح وأـبلغ أديب سوداني، يرحمه الله، وحكو (Re: Basamat Alsheikh)

    Quote: يا دينق بسمات الشيخ عبد الرحيم سافرت للسودان قبل اكثر من شهر وغادرت المنبر نهائيا وانا اكتب باسمها وبالباسويرد حقها .. واذا ده كان ضد القانون ، وبما انك قالوا عضو في مجلس ادارة المنبر العام فيمكنك ان تسحب الباسويرد بتاع بسمات عشان ما نكتب تاني. واذا هي رجعت من السودان ستسحب عضويتها من سودانيز اون لاين وسوف يهدأ بالك بعد ذلك وتسيب مطاردتك لينا من بوست لاخر.... وفي غاية الأاسف اذا سببن لينك ازعاج. مع وافر الاحترام


    ده كلام غريب وعجيب!

    كيف تكون بسمات قررت مغادرة المنبر ولكنها في نفس الوقت أعطتك الباسورد، لكي تكتبين بأسمها؟
    لم اكن أدري أن الكتابة في المنبر فيها توريث للأسم وللباسورد!
    أنت رأيك شنو هل هذا موقف أخلاقي، قبل أن يكون قانوني؟
    وليه أنتي منتظرة زول يجي يمنعك من الكتابة، مش كان من الأفضل أن تسلكي الوسائل الرسمية؟
    ومش كان أفضل لك أن تتقدمي ببطلب نيل العضوية، ويكون لك أسمك الخاص؟
    ومش كان من الأفضل أيضا أن تقوم بسمات الشيخ بتزكيتك لصاحب الموقع، عوضا أن تسمح لك بأن تستخدمي أسمها وحسابها؟

    يبدوا لي أن الاسماء الأتية:

    أميرة السيد
    بسمات الشيخ
    امتثال

    هي تعود الى شخص واحد فقط. لا غير.

                   |Articles |News |مقالات |بيانات

04-26-2017, 05:16 PM

Basamat Alsheikh

تاريخ التسجيل: 08-15-2015
مجموع المشاركات: 1845

للتواصل معنا

FaceBook
تويتر Twitter
YouTube


Re: أفصح وأـبلغ أديب سوداني، يرحمه الله، وحكو (Re: Deng)

    يا استاذ دينق
    اذا انت كنت بتقرا البوست المعنون: التوثيق لعطبرة الذي يكتبه الاستاذ الهادي الشغيل كنت عرفت
    السبب ليه انا بكتب بالباسويرد التابع لبسمات الشيخ .. لانها كتنت بتترجم كتاب لبروفيسور سوداني
    واسم الكتاب عطبرة مدينة الحديد والنار .. وسافرت للسودان وكلفتني بمتابعة الترجمة حتى عودتها
    وهذا هو السبب .. ولكني استأذنتها في ان اتداخل باسمي وليس باسمها في بعض البوستات التي تستهويني
    وسمحت لي بذلك لأنها ذات نفسها كانت بتكتب زمان في بوستات اميرة مصطفى السيد التي كانت
    عضوة بهذا المنبر...ولم يوقفها صاحب الموقع الإلكتروني وسمح لها بذلك..
    واذا انت عضو في مجلس الادارة وشايف ان هذا الامر غير قانوني قانوني فالأمر الآن لك يمكنك ان تسحب الباسويرد
    وكفانا الله شر القتال.
    اما ظنونك الأخرى فليس لدي تعليق عليها ،

    مع وافر الاحترام؟
                   |Articles |News |مقالات |بيانات

04-26-2017, 05:20 PM

Basamat Alsheikh

تاريخ التسجيل: 08-15-2015
مجموع المشاركات: 1845

للتواصل معنا

FaceBook
تويتر Twitter
YouTube


Re: أفصح وأـبلغ أديب سوداني، يرحمه الله، وحكو (Re: Basamat Alsheikh)

    ومنصور خالد كان المقصود به الحداثة والموضة والليبرالية .. أيام الخنفسة والشارلستون ..إلخ طبعاً ديل كانوا ناس العاصمة ونحن ناس ضواحي الدنيا بنطلون ( أبازين ) بدون حزام .
    . أكثر ترف هو قميص ( نايلون ) حتى شرح رمزية منصور خالد جانا من العاصمة ..(Quote)
    >>.....
    ..

    استاذنا علي عبد الوهاب
    شكرا للتوضيح .. اساسا كنت مستغربة إدخال منصور خالد في الكلمة دي عشان شنو!!
    وشكرا لكلماتك الانيقة
    مع وافر التحيات والاحترام.

                   |Articles |News |مقالات |بيانات

04-26-2017, 05:21 PM

Basamat Alsheikh

تاريخ التسجيل: 08-15-2015
مجموع المشاركات: 1845

للتواصل معنا

FaceBook
تويتر Twitter
YouTube


Re: أفصح وأـبلغ أديب سوداني، يرحمه الله، وحكو (Re: Basamat Alsheikh)

    هسع انا جبت سيرة امريكا هنا..
                   |Articles |News |مقالات |بيانات

04-26-2017, 06:10 PM

محمد البشرى الخضر
<aمحمد البشرى الخضر
تاريخ التسجيل: 11-14-2006
مجموع المشاركات: 27493

للتواصل معنا

FaceBook
تويتر Twitter
YouTube


Re: أفصح وأـبلغ أديب سوداني، يرحمه الله، وحكو (Re: Basamat Alsheikh)

    Quote: دي يا محمد ومن يوم 1 يناير عام 1956م وحتى يوم 26 يونيو 2017م وريني حكومة ما كانت حكومة طغاة حكمت جمهورية السودان. للعلم فقط
    طيب :
    - حكومة ما قبل الإستقلال
    - حكومات ما بعد الإستقلال برئاسة الزعيم الأزهري و عبد الله خليل رحمهم الله حتى قيام انقلاب عبود في نوفمبر 58
    - حكومات الديمقراطية الثانية من اكتوبر وحتى قيام انقلاب نميري في مايو 69
    - حكومة سوار الذهب و الجزولي دفع الله لإنتقالية من ابريل 85 وحتى تسليمها السلطة للحكومة المنتخبة في 86
    - وأخيرا حكومات الديمقراطية الثالثة برئاسة السيد الإمام الصادق المهدي وحتى قيام انقلاب الإنقاذ في 89
    دي كلها حكومات ديمقراطية ومهما اختلف الناس حول ادائها فلا احد يستطيع ان يطبق عليها حكومات طغاة النوع الذي يفوز في استفتاءات مضروبة بنسبة 99% و تتخذ قرارات خطيرة وخائية وتجد من يؤيدها ويصفق لها ثم تتراجع عنها لتجد أيضا من يؤيدها و يصفق لقرار التراجع !
                   |Articles |News |مقالات |بيانات

04-26-2017, 06:35 PM

Basamat Alsheikh

تاريخ التسجيل: 08-15-2015
مجموع المشاركات: 1845

للتواصل معنا

FaceBook
تويتر Twitter
YouTube


Re: أفصح وأـبلغ أديب سوداني، يرحمه الله، وحكو (Re: محمد البشرى الخضر)

    محمد البشرى الخضر
    شكرا على التوضيح
    بس ممكن تديني فرصة ارد عليك وعندي كتاب عن تاريخ السودان المعاصر وفيه
    تفاصيل دقيقة عن كل الفترات التي ذكرتها هنا من استقلال السودان وحتى قيام
    حكومة الديمقراطية من عام 1985 وحتى عام 1989م...
    وسوف اعود بعد ان اراجع بعض التفاصيل. هذا اذا لسع بنقدر نكتب.!
    مع وافر الاحترام
                   |Articles |News |مقالات |بيانات

04-26-2017, 07:53 PM

محمد على طه الملك
<aمحمد على طه الملك
تاريخ التسجيل: 03-14-2007
مجموع المشاركات: 8296

للتواصل معنا

FaceBook
تويتر Twitter
YouTube


Re: أفصح وأـبلغ أديب سوداني، يرحمه الله، وحكو (Re: Basamat Alsheikh)

    سلامات الإبنة امتثال ..
    مايو منذ أن خطط لها القوميون العرب برئاسة عبد الناصر ..
    وفصيل الضباط الأحرار في الجيش السوداني بعون من اليسار السوداني..
    كان الهدف منها تدمير كل بنيات الدولة السودانية الاقتصادية والتعليمية والخدمة المدنية ..
    فهي التي بدأت وما الانقاذ إلا تمامتها أي مايو 2..
    عندما لمحت العنوان لم يطرأ على ذهني المرحوم عمر الحاج موسي على الرغم من أعجابي ببلاغته ..
    ولعل أول من أوحي إلي به العنوان ..
    هو الأديب والشاعر والسياسي الفطن المرحوم محمد أحمد المحجوب ..
    صاحب كتاب الديموقراطية في الميزان ..
    ورئيس وزراء السودان في الديموقراطية الثانية ..
    وصاحب فكرة ومنفذ مشروع لاآت الخرطوم بعد النكسة ..
    لقد أنقذ هذا الرجل عبد الناصر وأعاد إليه هيبته وروحه المهزومة بعد النكسة ..
    فهل كان رد إحسانه بإحسان ؟
    أبدا كان الرد هو انقلاب مايو على الديموقراطية لتبدأ مأساة السودان ..
    1969 هو بداية تاريخ تنفيذ المخطط لتدمير وطن اسمه السودان.
                   |Articles |News |مقالات |بيانات

04-26-2017, 08:21 PM

عليش الريدة
<aعليش الريدة
تاريخ التسجيل: 08-17-2015
مجموع المشاركات: 829

للتواصل معنا

FaceBook
تويتر Twitter
YouTube


Re: أفصح وأـبلغ أديب سوداني، يرحمه الله، وحكو (Re: محمد على طه الملك)

    هسع انا جبت سيرة امريكا هنا..
    ـــــــــــــــــــــــــــــــــــــــــــــــ
    الكلام دا ماكلام امتثال ولا أميرة ولا بسمات..
    أكيد المستنير مشاركن برضو
                   |Articles |News |مقالات |بيانات

04-26-2017, 08:35 PM

اميرة السيد

تاريخ التسجيل: 07-09-2010
مجموع المشاركات: 5598

للتواصل معنا

FaceBook
تويتر Twitter
YouTube


Re: أفصح وأـبلغ أديب سوداني، يرحمه الله، وحكو (Re: عليش الريدة)

    عليش الريدة
    اظنك فهمتها وهي طايرة
    مع وافر الاحترام والتقدير
    امتثال
                   |Articles |News |مقالات |بيانات

04-26-2017, 08:39 PM

اميرة السيد

تاريخ التسجيل: 07-09-2010
مجموع المشاركات: 5598

للتواصل معنا

FaceBook
تويتر Twitter
YouTube


Re: أفصح وأـبلغ أديب سوداني، يرحمه الله، وحكو (Re: اميرة السيد)

    عندما لمحت العنوان لم يطرأ على ذهني المرحوم عمر الحاج موسي على الرغم من أعجابي ببلاغته .. ولعل أول من أوحي إلي به العنوان .. هو الأديب والشاعر والسياسي الفطن المرحوم محمد أحمد المحجوب .
    . صاحب كتاب الديموقراطية في الميزان .. ورئيس وزراء السودان في الديموقراطية الثانية .. وصاحب فكرة ومنفذ مشروع لاآت الخرطوم بعد النكسة ..Quote
    ......

    محمد علي طه الملك
    شكرا للتعليق والمشاركة
    وبعد قراءة تعليقك مباشرة اتصلت بصديقة لي في السودان كي تجد لي كتاب محمد احمد محجوب بعنوان: الديمقراطية في الميزان" اذا كان موجود في المكتبات.
    وسوف اقرأ الكتاب ان شاء الله واوافيك برد شافي ووافي.
    مع وافر الاحترام
    امتثال
                   |Articles |News |مقالات |بيانات

04-26-2017, 11:04 PM

حيدر حسن ميرغني
<aحيدر حسن ميرغني
تاريخ التسجيل: 04-19-2005
مجموع المشاركات: 19392

للتواصل معنا

FaceBook
تويتر Twitter
YouTube


Re: أفصح وأـبلغ أديب سوداني، يرحمه الله، وحكو (Re: اميرة السيد)

    في نظري افصح وابلغ اديب سوداني هو الراحل جمال محمد احمد الذي لقبه الاديب الاريب الراحل الطيب صالح بالاستاذ ( جمال كان مفتونا ايضا بالكتابة باللغة الانجليزية )
    الاستاذ منصور خالد يعتبر ايضا صاحب اسلوب رشيق وبليغ لم يضاهيه فيه احد من جيله رغم انه ليس باديب لكنه موسوعي ومثقف من الطراز الاول
                   |Articles |News |مقالات |بيانات

04-26-2017, 11:17 PM

محمد على طه الملك
<aمحمد على طه الملك
تاريخ التسجيل: 03-14-2007
مجموع المشاركات: 8296

للتواصل معنا

FaceBook
تويتر Twitter
YouTube


Re: أفصح وأـبلغ أديب سوداني، يرحمه الله، وحكو (Re: حيدر حسن ميرغني)

    شكرا إمتثال على التعقيب ..إلى ان تعثري على الكتاب وتقرئي عن الرجل تأملي هذه الصورة ..
    sudansudansudansudansudansudansudansudansudansudansudansudansudansudansudan3.jpg Hosting at Sudaneseonline.com

    (عدل بواسطة محمد على طه الملك on 04-26-2017, 11:19 PM)

                   |Articles |News |مقالات |بيانات

04-27-2017, 03:49 AM

عليش الريدة
<aعليش الريدة
تاريخ التسجيل: 08-17-2015
مجموع المشاركات: 829

للتواصل معنا

FaceBook
تويتر Twitter
YouTube


Re: أفصح وأـبلغ أديب سوداني، يرحمه الله، وحكو (Re: محمد على طه الملك)

    في نظري افصح وابلغ اديب سوداني هو الراحل جمال محمد احمد الذي لقبه الاديب الاريب الراحل الطيب صالح بالاستاذ ( جمال كان مفتونا ايضا بالكتابة باللغة الانجليزية ) الاستاذ منصور خالد يعتبر ايضا صاحب اسلوب رشيق وبليغ لم يضاهيه فيه احد من جيله رغم انه ليس باديب لكنه موسوعي ومثقف من الطراز الاول
    ـــــــــــــــــــــــــــــــــــــــــــــــــــــــــــــــــــــــ
    الأدب دا يا حيدرونا قصتو عجيبة جدا،وبعتمد في النهاية ـــزي ما إنت تفضلت ـــ على التذوق،يعني أنا مثلا مش شايف إنو عاطف خيري أفضل أديب سوداني على الإطلاق وبس،
    لكن كمان شايف إنو صعب جدا يجي زول زيو..ودا رغم إنو بكتب بالعامية...

    في نوعين من الكتابة ياحيدرونا..
    إتخيل إنو في عربية معطلة وسيدا راكب فيها وجوهوا ناس للدفرة،
    دايما بكون في نوعين من الناس ديل،
    النوع البدفرليك العربية لحدي ماتدور تب،ويظل بعدا دافر،ويستمر يدفر رغم إنو سامع صوت المكنة بتقسم والسواق قال شكرا..
    والنوع التاني هو البديها لكدة كدا حريفة ويخلي السواق يتمها براهو بحرفنتو..
    أنا مفتون أبدا بناس النوع التاني..وعاطف خيري إمامهم
                   |Articles |News |مقالات |بيانات

04-27-2017, 04:44 AM

يحي قباني
<aيحي قباني
تاريخ التسجيل: 08-20-2012
مجموع المشاركات: 10645

للتواصل معنا

FaceBook
تويتر Twitter
YouTube


Re: أفصح وأـبلغ أديب سوداني، يرحمه الله، وحكو (Re: عليش الريدة)

    أختنا امتثال ..

    أجابك ود البشرى اجابة شافية عن الشق الاول من عنوانك

    انا هنا اسآل عن اَي حكومة هيبة تتحدثين؟

    امتثال ... التاريخ يتم تزويره هكذا ...

    ١- يبعث لك شخص معلومات غير صحيحة
    ٢- تتلقي انت المعلومات و انت ليست على دراية بالتاريخ
    ٣- تنشري الخبر في السوشيال ميديا دون التحري عن مصداقية الشخص و الموضوع
    ٤- ثم تنتظري ان تقرآي معلومة من كتاب حتى تردي

    التاريخ ليس له manual و طريقة تركيب

    التاريخ محفور في ذاكرة من هم اكبر منك و ينتقل من جيل الى جيل

    لن تغيره فيديوهات أو أشخاص قد يكون لهم غرض مول مدرستك هذه

    حاول الكثيرين في الواتساب و غيره تجميل صورة السفّاح المقبور جعفر نميري

    و لكن هيهات ...

    حكومة مايو هي البذرة الفاسدة التي انبتت الإنقاذ
                   |Articles |News |مقالات |بيانات

04-27-2017, 05:06 AM

عبدالعظيم عثمان
<aعبدالعظيم عثمان
تاريخ التسجيل: 06-29-2006
مجموع المشاركات: 3695

للتواصل معنا

FaceBook
تويتر Twitter
YouTube


Re: أفصح وأـبلغ أديب سوداني، يرحمه الله، وحكو (Re: يحي قباني)


    هكذا يصنع الطاغية

    صفقات في كلام فارغ .. معقولة الصفقه دي حقيية؟

    يعني الزوول البتكلم دا يقول شنقلي طوباية الجماعه يصفقوا
    ويقول قهوة ـأم الحسن الجماعه يصفقوا
    وأبعاج بيكون مبسوط آخر قيراط

    يصنعون الطاغية الذي يتجبر عليهم ثم يخرجون عليه ويرمونه بالحجارة ويكيلون له اللعنات
                   |Articles |News |مقالات |بيانات

04-27-2017, 05:20 AM

عبد العزيز محمد عمر

تاريخ التسجيل: 02-16-2013
مجموع المشاركات: 2622

للتواصل معنا

FaceBook
تويتر Twitter
YouTube


Re: أفصح وأـبلغ أديب سوداني، يرحمه الله، وحكو (Re: عبدالعظيم عثمان)



    ما تقصده امتثال هو جمال اللغة العربية ، والبلاغة المرسلة ، والمجاز ، وعلو كعب اللغة ها هنا ...

    بالتأكيد خلط المحتوى مع ماعون التقديم سيفقد بالخطاب بريقه .....


    هذا خطاب جميل جداً

    الهجاء في الشعر العربي هو من أبلغ الشعر ....
                   |Articles |News |مقالات |بيانات

04-27-2017, 05:24 AM

البرنس ود عطبرة
<aالبرنس ود عطبرة
تاريخ التسجيل: 01-09-2017
مجموع المشاركات: 1234

للتواصل معنا

FaceBook
تويتر Twitter
YouTube


Re: أفصح وأـبلغ أديب سوداني، يرحمه الله، وحكو (Re: Basamat Alsheikh)

    أنا محيرني أب راسا مدوقس دا مالوا مع البنات !!!! يا أخ انت غريب وعجيب
    فتلوك ناس البشاري وشكوكو وحامد بدري قبلت على البنات ارجل يا زول وخليك مالي مركزك وسيب المقابضة دي
    تكتب بسمات تكتب امتثال هم عائلة في بعضيها انت الحشرك هنا شنو ؟؟؟
    لو عندك اجراء اعملوا عشان نحن ذاتوا نحتج على وجود اجانب
    يضايقوا في بناتنا السودانيات فهمت يا ديك انت
                   |Articles |News |مقالات |بيانات

04-27-2017, 05:40 AM

درديري كباشي
<aدرديري كباشي
تاريخ التسجيل: 01-08-2013
مجموع المشاركات: 3056

للتواصل معنا

FaceBook
تويتر Twitter
YouTube


Re: أفصح وأـبلغ أديب سوداني، يرحمه الله، وحكو (Re: البرنس ود عطبرة)

    شكرا أمتثال على هذا البوست الذي فتح نافذة مختلفة لحوار من نوع جديد

    على مر التاريخ الاسلامي والعربي كان دائما هنالك أدباء حول الأمراء والزعماء متمكنين من اللغة والبلاغة لكن يوظفوها فقط لأرضاء أولياء نعمتهم .

    لكن هذا لا يقدح في بلاغتها وجمالها من هذه الناحية فقط .

    قال الأمير الشهابي لخادمه يوماً : تميل نفسي إلى أكلة باذنجان .

    فقال الخادم : الباذنجان ! بارك الله في الباذنجان ! هو سيد المأكولات ، شحم بلا لحم ، سمك بلا
    حسك ، يؤكل مقلياً ويؤكل مشويّاً ، يؤكل كذا ويؤكل كذا .

    فقال الأمير : ولكن أكلت منه قبل أيام فنالني كَرْب .

    فقال الخادم : الباذنجان ! لعنة الله على الباذنجان ! فإنه ثقيل غليط نفّاح .

    فقال الأمير : ويحك ! تمدح الشيء وتذمُّه في وقت واحد ؟!

    فقال الخادم : أنا خادم للأمير يا مولاي لا خادم للباذنجان .
    إذا قال الأمير نعم قلت نعم ، وإذا قال لا قلت لا .



                   |Articles |News |مقالات |بيانات

[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia
فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de