If you want to remain credible, remain consistent

مرحبا Guest
اخر زيارك لك: 03-19-2024, 11:40 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف للعام 2016-2017م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
02-02-2017, 05:55 AM

محمد البشرى الخضر
<aمحمد البشرى الخضر
تاريخ التسجيل: 11-14-2006
مجموع المشاركات: 28869

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
If you want to remain credible, remain consistent

    04:55 AM February, 02 2017

    سودانيز اون لاين
    محمد البشرى الخضر-العين-الإمارات
    مكتبتى
    رابط مختصر

    و العبارة من عنوان بوست قديم لملاسي, تذكّرتها أمس في بوست - للأسف مطبول - لود اب سن
    المهم...
    بدون تفاصيل و بتاع, العبارة في العنوان تكفي
    يا الله مافي (تعالى عن ذلك علوا كبيرا) و الوحي مختلق من النبي محمد صلى الله عليه وسلّم (استغفر الله) يا كمان الله في و أوحى للنبي الوحي.
    دي الكونسيستانتي البنعرفها, قناعاتك ثابتة في مختلف السياقات
    لكن لكل حالة لبوسها ولكل سياق قناعاته حسب الظروف و الحالة المزاجية حينها, دا محض حراق روح ومسك زمن بالناس ساي.

    يمكن البوست يتقفل أو يرحل للمكتبة, لكن على الأقل قلت رايي, حرية تعبير وكدا :)
                  

02-02-2017, 06:18 AM

جمال ود القوز
<aجمال ود القوز
تاريخ التسجيل: 01-25-2013
مجموع المشاركات: 5925

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: If you want to remain credible, remain consistent (Re: محمد البشرى الخضر)


    عارف أغلب من يتعاطى الافكار الالحادية ويسب الأديان والمعتقدات..
    وتجده دائم التمرد على القيم المجتمعية وغير متصالح معها ..
    أصلا ما بيمرق من اتنين ..
    يا عنده مشكلة طبقية في مجتمعه وبيعاني من عقدة اضهاد إثني ..
    يا بيكون عايز يلفت الانظار ورافض إنه يكون بعيد ..
    عن اهتمام الآخرين ومحط أنظارهم ..
    والاثنين ما بعيدات من حتة الاتساق دي .. وبرضو بينهم ارتباط ..



                  

02-02-2017, 06:27 AM

أيمن محمود
<aأيمن محمود
تاريخ التسجيل: 01-14-2013
مجموع المشاركات: 4940

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: If you want to remain credible, remain consistent (Re: محمد البشرى الخضر)

    يا الله مافي (تعالى عن ذلك علوا كبيرا) و الوحي مختلق من النبي محمد صلى الله عليه وسلّم (استغفر الله) يا كمان الله في و أوحى للنبي الوحي. دي الكونسيستانتي البنعرفها, قناعاتك ثابتة في مختلف السياقات

    يا حليل الرمادية

    من ليس معنا فهو ضدنا
                  

02-02-2017, 06:43 AM

محمد البشرى الخضر
<aمحمد البشرى الخضر
تاريخ التسجيل: 11-14-2006
مجموع المشاركات: 28869

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: If you want to remain credible, remain consistent (Re: أيمن محمود)

    اهلا ود القوز و أبويمن
    مع اني لا أحبّذ التعميم يا ود القوز في التناول لكن إلى حد ما اتفق مع الفرضية الثانية في مسالة لفت النظر و اضف عليها نيل الرضا كما وردت على قلم زميل
    كونها حاضرة عند كثيرين ممّن قابلتهم سواء في البورد هنا أو في غيره وواضح تأثيرها على مواقفهم.

    أيمن أوف بوينت كالعادة, يبني أقرأ ثم اعد القراءة مرّة و اتنين, ما ضروري تكتب اي حاجة و السلام :)
                  

02-02-2017, 06:53 AM

علي دفع الله
<aعلي دفع الله
تاريخ التسجيل: 08-31-2012
مجموع المشاركات: 4740

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: If you want to remain credible, remain consistent (Re: محمد البشرى الخضر)

    الكريدابيلتي ما بناباها بس الفيك اتعرفت 😃😃😃
    ابو حتوت ازيك يا اخي

                  

02-02-2017, 07:18 AM

محمد البشرى الخضر
<aمحمد البشرى الخضر
تاريخ التسجيل: 11-14-2006
مجموع المشاركات: 28869

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: If you want to remain credible, remain consistent (Re: علي دفع الله)

    هلا ابوعلوة الحمد لله نحن بخير انتو كيف و الزراعة كيف ان شا الله الأمور طيبة
    الكريديبيلتي تاباها كيف!! وهل يسوى الرجل شيئا بدونها

    ___________________

    هسّي يخلّو اي شي ويمسكوا في الرجل دي يقول ليك ذكوري و بتاع هههههههه
                  

02-02-2017, 07:44 AM

علي عبدالوهاب عثمان
<aعلي عبدالوهاب عثمان
تاريخ التسجيل: 01-17-2013
مجموع المشاركات: 12463

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: If you want to remain credible, remain consistent (Re: محمد البشرى الخضر)

    ود البشرى .. مودتي ..
    زمان عندنا هناك في ضواحي الدنيا كان ( سب الدين ) الجريمة الكبرى .. ثم التبول واقفاً .. كنا نقول عديل الزول ده كافر .. رغم عدم إنتظام الناس في ذلك الزمان في أمور دينهم وخاصة الصلاة .. وشرب الخمر كان عادي ( عرقي ، دكاي ، نبيذ ) ولكن مع كل ذلك ( سب الدين وكمان البنقو) كان خط أحمر .. ليس فقط شرعاً ولكن حتى إجتماعياً .. أذكر ذلك الشاب في القرية المجاورة كان يعمل في اللواري السفرية زمن الفورد أبو اربعة .. آخر تسريحة ابراهيم عوض وسن دهب .. ولكن إشتهر بين الناس وطبقت شهرته آفاق في كل القرى ووسط ترابلة ( صعلوق ويسب الدين ) وكنا نحن في مقتبل العمر نتجمع حوله عندما يصل اللوري من أمدرمان ربما كان يعرف قصدنا وبدون أي مقدمات نجده يشهر بسب الدين لمساعدين اللوري .. مما كان يجعلنا نغرق في الدهشة والاستغراب وبعدها كان ينزل من اللوري ويمشي الخيلاء وكان يشار إليه في أي مكان .. حتى من يأتينا من خارج القرية كنا نطلعه على هذا الشاب ( أهو ده الزول الكافر) فصار أشهر من وردي من جكسا .. ربما هي نظرية ( خالف تذكر) .. لأن الشهرة سهلة جداً من خلال التدين المتشدد .. أو من خلال الخروج عن الدين .. كلا الحالتين تجلب نوع من التميز للشخص ..
    قبل أسابيع كنت في إجازة في قريتنا وجدت منافسة شديدة جداً بين شباب الدعوة والسفليين أن تصبح شيخ يشار إليك بالبنان ويفسح لك المنبر يوم الجمعة وتكون مميز إجتماعياً وفي مقدمة المدعوين ما في داعي تكون دكتور أو مهندس وتتعب لسنوات .. فقط أذهب إلى ضواحي الدنيا هناك وقبل صلاة الظهر أقرأ قليلا في سيرة أحد الصحابة مثال ( مصعب بن عمير رضي الله عنه ) وبعض الاحاديث التي فيها الوعيد للكافرين .. ( كلها نصف ساعة فقط ) ولكن فقط يكون صوتك جهوري وشكلك الخارجي مناسب ومن خطبة واحدة تكون سيد الموقف في القرية حتى ظهور منافس آخر وهذا جلب نوع من الخلاف بين الشباب ..
    وهنا نستحضر قصة الكاتب المصري مصطفى محمود الذي صار في مصاف أكبر الكتاب العرب
    وأشتهر أكثر منهم في فترة قياسية بمجرد إعلانه للالحاد وقد رجع بعد ذلك ( رحلتي من الشك إلى اليقين ) وغيرهم ..
    ود البشرى حبيبنا .. هل هنا أشهر من أقربائي عثمان وهشام ؟ بوست واحد فقط جعلهم من أشهر الناس ..
    صدقني إذا حضرا إلى جمعيات أهلنا في جدة فقط السلام والمقابلة تكون بالتذاكر ..
    واحد من الشباب قال لي ( ديل معاهم حق .. مش جدنا الكبير قال – دخل من هنا وسوف يخرج من هنا ) بالنوبة ( أنقون تورو إنقون ها فلي ) ..
    ود البشري مودتي خلينا مع الموضوع خارج نطاق الامور التشريعية المعقدة يعني كده من ناحية إجتماعية .. نتناول الموضوع على سبيل الونسة والاخوانيات ربما يأتي بنتيجة ..

    على طريقة محمد جلال الاخيرة

    نحن خلاص بقينا في الزمن الضائع ما في فرصة ونسأل الله حسن الخاتمة .

    آسف للاخطاء الاملائية ..
    شكراً للبوست وآسف كمان للاطالة
                  

02-02-2017, 08:16 AM

أيمن محمود
<aأيمن محمود
تاريخ التسجيل: 01-14-2013
مجموع المشاركات: 4940

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: If you want to remain credible, remain consistent (Re: علي عبدالوهاب عثمان)

    مسألة الاتساق المرتبطة بتصنيف مؤمن او غير مؤمن دي ياها ذاتا مسألة من ليس معنا فهو ضدنا!
    قصة انو مواقف شخص ما في امور مختلفة والتي "تبدو" للبعض انها غير متسقة مع "التصنيف" مؤمن وغير مؤمن - فهي قصة مكررة وبايخة
    العايز ياخد المسألة lump-sum هو حر تماما والعايز يقيف عند كل صغيرة وكبيرة ويشكك ومن ثم يؤمن او ما يؤمن فهو حر كذلك
    لكن نعمل شنو مع ناس من ليس معنا فهو ضدنا وناس ده معانا وده ضدنا وده رمادي

    -
    . طبعا طبعا الواحد لازم يقرأ مرة ومرتين وتلاتة لكل كلام عميق متشعب متبحر متقعر شائك المعاني والمرامي
    . بعدين الحدة في الرد انا شايفها كانها مبنية على "اصطفاف" وغير متسقة الحال الريلاكس
                  

02-02-2017, 08:53 AM

محمد البشرى الخضر
<aمحمد البشرى الخضر
تاريخ التسجيل: 11-14-2006
مجموع المشاركات: 28869

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: If you want to remain credible, remain consistent (Re: أيمن محمود)

    سلامات يا عمّك علي عبد الوهاب, أمس لاقتني تغريدة كاتبها واحد سعودي عن أحد الشيخ في الفرق بين المتشدد و غير المتشدد
    قال المسلم المتشدد يهتم بإيمانك بينما العادي يهتم بإيمانه هو , المتشدد يجتهد ليثبت أنك سوف تدخل النار بينما العادي يجتهد ليدخل هو الجنة!
    يلّا اقرا نفس الكلام دا بس شيل من المتشدد وخت بدلها الملحد - طبعا الملحد بتاع التحشيش ونيل الرضا - ح تلقى نفس الحكاية منطبقة بشكل غريب
    فعلا المتشدد و الملحد المحشش وجهين لعملة واحدة!

    يا ابويمن حدة شنو الله يهديك! قولة "يبني" والعلامة دي ":)" ما كفاية؟ يعني لازم الوجه الضاحك سيد الإسم حتى تقتنع, طيب ما مشكلة هاك:

    أيمن أوف بوينت كالعادة, يبني أقرأ ثم اعد القراءة مرّة و اتنين, ما ضروري تكتب اي حاجة و السلام :)

    أها! قصّرت معاك.. الأصفر دا عزيز وغالي وما بجيبه إلاّ للحبايب :)

                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de