|
دعواتكم لزميلنا المفكر د.الباقر العفيف بالشفاء العاجل
|
|
 Re: نجح الاستاذ محمود بلا سلطة و فشل الترابي ر (Re: الهادي الشغيل)
|
| Quote: يا أخي الجمهوريين ديل با بترحموا على ميتهم با أبو بكر ... كيف يكونوا على استقامة وخلق .. والله جد زي ما بقول ليك كده ... هسع قدامك د. الحسين ده .. أنا أتحداهو قدام جميع قراء المنبر أن يترحم على محمود محمد طه |
سلام يا اخي الهادي،
يا حبيبنا ركز معاي فى النقاط الجوهرية. لن يستفيد المجتمع و لن يتضرر شئ ان ترحم الجمهوريين على الاستاذ محمود او لم يترحموا، هذا لا يضر الحياة العامة بشئ. هذه خياراتهم. الجمهوريين كما عرفناهم و عاشرناهم فى المنابر المختلفة و في الحياة الواقعية هم مثل المسلم الحق، بحسب تعريف الرسول نفسه للمسلم. قال: المسلم من سلم المسلمون من لسانه و يده. انما بقية نافخي الكير ممن يسمونهم اسلاميين من تلاميذ الترابي: اجارك الله. قوم مثل الجراد، فتكوا بكل اخضر فى الحياة السودانية.
| |
 
|
|
|
|
|
|
|
|
Re: نجح الاستاذ محمود بلا سلطة و فشل الترابي ر (Re: abubakr salih)
|
| Quote: اصبت والله وارجو ان بصل لهذه التنيجة من لا يزالون يظنون ان الاخوان المسلمين يمثلون الاسلام او اى منظومة اخلاقية |
يا سلام بروف ود الحسين،
ياخي و الله تلاميذ الترابي ديل يحيروا الشيطان. قبل فترة قريت خبر ان المراجع العام من ضمن قصص الفساد الكتيرة التى يشير لها اشار الي فساد في شئ اسمه برنامج حج الدستوريين. طبعا دي حكاية من اصلها فاسدة لانو الحج تكليف فردي و مشروط بالاستطاعة. ما عارف كيف زول يحج بالمال العام و الناس فى السودان جعانيين. اي و الله جعانيين، اطفال فى المدارس فى اطراف الخرطوم بقضوا يومهم بلا طعام و هؤلاء اللصوص الرساليين ياخذوا المال العام عشان يمشوا بيهو الحج! طبعا الاظراط فى الموضوع انو المراجع العام قال في مخالفات انو بعض الكيزان ساقوا معاهم زوجاتهم علي حساب الحكومة، فتمحن!
بيمشوا لي الله فى بيته بمال الفقراء و بزيدو الطين بله بانو الواحد يكلف الحكومة زيادة يسوق معاهم زوجته. شفت ليك وقاحة مع الله مثل وقاحة هؤلاء الاسلاميين؟
| |
|
|
|
|
|
|
|
|
|
Re: نجح الاستاذ محمود بلا سلطة و فشل الترابي ر (Re: abubakr salih)
|
Quote: سلام يا اخي الهادي،
يا حبيبنا ركز معاي فى النقاط الجوهرية. لن يستفيد المجتمع و لن يتضرر شئ ان ترحم الجمهوريين على الاستاذ محمود او لم يترحموا، هذا لا يضر الحياة العامة بشئ. هذه خياراتهم. الجمهوريين كما عرفناهم و عاشرناهم فى المنابر المختلفة و في الحياة الواقعية هم مثل المسلم الحق، بحسب تعريف الرسول نفسه للمسلم. قال: المسلم من سلم المسلمون من لسانه و يده. انما بقية نافخي الكير ممن يسمونهم اسلاميين من تلاميذ الترابي: اجارك الله. قوم مثل الجراد، فتكوا بكل اخضر فى الحياة السودانية. |
وماذا يضيرك أنت من أن نعرف نحن عن هؤلاء القوم الذين تتخذهم أنت أنموجاً يحتذى به ؟ ألا يحق لنا أن نعرف عن هؤلاء القوم كل كبيرة وصغيرة حتى نتأسى بهم فهم القوم الذي لا يشقى بهم جليسهم كما تصورهم أنت ... دعك من الترابي وأهله وخاصته وتلاميذه فو الله لا يعنون لي شيئا ..
أتمنى منك أخي أبابكر أن تطلب من الدكتور المبجل الحسين أو أي من الجمهوريين أن يجيب على سؤالي سالف الذكر .. لماذا تحجر واسعاً دعهم يجيبون ... يجب أن تعرف أنت ونحن عن هؤلاء الأماجد كل خفايا معتقدهم حتى نسير على دربهم ونعتنق مذهبهم .. أليس كذلك ؟
السؤال مشار اليه أعلاه ولاداعي لتكراره
في انتظار الحسين أو من نهج نهجه .
| |
|
|
|
|
|
|
|
|
Re: نجح الاستاذ محمود بلا سلطة و فشل الترابي ر (Re: الهادي الشغيل)
|
| Quote: . دعك من الترابي وأهله وخاصته وتلاميذه فو الله لا يعنون لي شيئا .. |
سلام يا عزيزي الهادي،
ياخي انا بوستي دا عاملوا للمقارنة بين الاستاذ محمود و حسن الترابي لان كل من الرجلين قاد حركة سياسية انطلاقا من الدين الاسلامي. بقارن فى الاثار التي تركها كلا الرجلين. دا غرض البوست و مكتوب فى عنوانه عشان كده ما عندي طريقة ادعك عن حسن الترابي. اما بخصوص موضوع شيل الفاتحة على الميت ياخي ما تشغل بالك بالقضايا الصغار. شيل الفاتحة ليس من اركان الاسلام  . و الرسول لمن عرّف المسلم ما قال المسلم هو البشيل الفاتحة و يترحم على الميت. قال المسلم من سلم المسلمون من لسانه و يده. دي نقطة جوهرية لانو السلام دا المدخل لنهضة الامم. انا هسة عايش لي فى بلد كفار سمحة سماح شديد لانو اهلها منذ زمن سحيق اكتسبوا ثقافة للسلام فيما بينهم. و الله ما بتسمع زول بعلي صوته على التاني دع عنك الاشياء الاخري.
طبعا انا عارفك انت داير تقول محمود دا كافر و ما كافر، لكن و الله لو كان كافر فيا حلاتو من كافر الذي يترك مثل هذه الاثر الطيب فى الحياة!
| |
|
|
|
|
|
|
|
|
|
Re: نجح الاستاذ محمود بلا سلطة و فشل الترابي ر (Re: abubakr salih)
|
أنا داير أجاوب على سؤال الشغيل:
الترحم على الميت ما منو فائدة، لأنو الله ما عندو ملاحق ولا يقبل الوساطات، ولا يجزيك بعمل ما حقك.
دي بديهيات.
أنا شايف لمان زول يموت كونو الناس تختم ليهو القرآن أو تدعو له، دا كلام ساكت.
عملك وبس.
يموت زول؛ الناس تواسي أهله وحبايبو.
بجي راجع لفكرة البوست؛ المقارنة ما عادلة؟؟
| |
|
|
|
|
|
|
|
|
|
Re: نجح الاستاذ محمود بلا سلطة و فشل الترابي ر (Re: أبوبكر عباس)
|
كتب أبوبكر عباس :
Quote: الترحم على الميت ما منو فائدة، لأنو الله ما عندو ملاحق ولا يقبل الوساطات، ولا يجزيك بعمل ما حقك.
دي بديهيات.
أنا شايف لمان زول يموت كونو الناس تختم ليهو القرآن أو تدعو له، دا كلام ساكت. |
الحسين الذي تداخل في بداية البوست ليس لديه الجرأة لإنكار مثل هذا الغثاء ...
وياسر الجمهوري برضو حيعمل رايح ...
أين أنتم من هذا القول الشطط .. أليس فيكم رجل رشيد ؟
هل تؤيدونه ؟
| |
|
|
|
|
|
|
|
|
|
Re: نجح الاستاذ محمود بلا سلطة و فشل الترابي ر (Re: أبوبكر عباس)
|
سلام أبو بكر صالح وأبوبكر عباس
Quote: سؤال كالآتي:
هل الدولة الممكن تقوم على الفكرة الجمهورية ممكن تحقق نجاح أكتر من دولة الكيزان؟ |
أي دولة إنسانية في المرحلة تحقق كرامة الإنسان وحريته ورفاهيته وتجمع بين الديمقراطية والاشتراكية والعدالة الاجتماعية تعتبر من أهداف الفكرة الجمهورية.
عودة إلى موضوع البوست الأساسي..
نعم نجح الأستاذ محمود بلا سلطة في إرساء فكرة عظيمة دعت إلى تطوير التشريع، ولكن تطبيقها تعترضه سلطات الفكر السلفي بكل ألوانه من الإخوان المسلمين إلى السلفيين مرورا بالشيعة. المشكلة التي تواجه هؤلاء الذين يتحدثون عن تطبيق الشريعة الإسلامية يسيرون في طريق ينتهي بمصادمة العالم أجمع ولذلك هو طريق مسدود.
كثير من السلفيين استوثقوا من حقيقة أن الفكر السلفي في فراش الموت. قبل ثلاث سنوات كتب واحد سعودي مقالا بهذا المعنى سأضعه بعد قليل.
ياسر
| |
|
|
|
|
|
|
|
|
|
Re: نجح الاستاذ محمود بلا سلطة و فشل الترابي ر (Re: Yasir Elsharif)
|
السلفية على فراش الموت
الحياة مرتهن استمراريتها باستمرارية الروح. فالإنسان لا يزال حياً ولو مرض جسده ما دامت روحه قائمة. وقد تتكالب أمراض الجسد على الروح فتقتلها، وقد تمرض الروح دون الجسد فتقتله، وقد يمرض الاثنان فيموت الإنسان سريعاً في شبابه. وروح الدولة السعودية هي دعوة الشيخ محمد بن عبد الوهاب، وجسدها الدولة والمؤسسات الحكوميات. فأما الجسد فمشاريع الإصلاح تعمل جاهدة على إصلاح ما أفسده الزمان. وأما الروح وهي دعوة الإمام المجدّد محمد بن عبد الوهاب، ، فقد وصلت إلى مرحلة متأخرة من شدة المرض، فهي أشبه ما تكون في العناية المركزة دون علاج حتى يأتيها أمر ربها. ويا ليت وقف الأمر عند ذلك، بل إنّ الدعوة أيضاً وُضعت في سجن الاتهام، والجماهير المسلمة، فضلاً عن الإعلام الغربي - الذي ينسب حركات التطرّف إليها - تزداد يوماً بعد يوم مطالبة بالمحاكمة والعقوبة.
مدرسة الرأي والدين السياسي ليس لها جذور تقيها من العواصف والانتكاسات، فهي مرتبطة بالأشخاص والحوادث المتغيّرة، فهي كشجرة البرسيم تنمو سريعاً وتزول سريعاً. ولكن السرعة في عُرف الزمن قد يجاوز جيلاُ وهذا كافٍ لإطاحة الدعوة السلفية المتجمّدة. فدعوة إمام التوحيد شجرة أصلها ثابت وفرعها في السماء، ولكن قد ظلمها أبناؤها بعدم رعايتها وتجديدها وصيانتها، حتى تسلّط عليها التآكل في أصلها وفرعها، وبقت أغصاناً مجرّدة من الورق والثمار تنتظر من يأتيها فيدفعها فيسقطها في أودية النسيان، إلاّ أن يسخر الله لها من أبنائها من يعتني بها ويصبر على أذى تنظيف ما لحق بها من أذى وضرر.
لم يحتج الأمريكان إلى سنين أو أجيال، بل إلى أشهر أو أسابيع ليغيّروا ويعدلوا كثيراً من استراتيجياتهم ومناهج مدارسهم السياسية، بعد حادث سبتمبر أو بعد ثورة تونس ومصر. فقد أصبحت متغيّرات الزمان سريعة إلى حدٍّ جعل من الاستراتيجية التي ترى أنّ الزمن هو حلال المشاكل هي استراتيجية لهدم الدول والأنظمة.
ليس والله من الوفاء ولا من النُّبل ولا من الحكمة، الوقوف عاجزين نتفرّج على نهاية دعوة سلفية أحيا الله بها كثيراً من أصول دينه، وجمع الله بها دولة، وأعزّ الله بها ديارنا وأهلنا.
لنواجه الواقع لكي لا تفجأنا الحقيقة المؤلمة. لم تَعُد دعوة الشيخ محمد بن عبد الوهاب اليوم إلا عبئاً على الدولة السعودية، بعد أن كانت مصدراً من مصادر قوّتها وعزّها. فالدعوة قد تخلّفت تخلُّفاً شديداً عن جميع مظاهر التطوُّر الإنساني الهائل الذي حدث في العقود الماضية، بينما واكبت الدولة السعودية الحضارة الحديثة. هذا التناقض بين الروح والجسد أطال من عمر الدولة السعودية، فلم تنته سريعاً كدولة الطالبان الأفغانية التي طبّقت الدعوة النجدية روحاً وجسداً. ولكن إطالة عمر الدولة القائم على تناقض الجسد والروح، قد خلق مشاكل داخلية عويصة في فكر وتركيبة المجتمع الإداري والاقتصادي والسياسي لا تُحل إلاّ بالتخلّي عن الروح، وهي الدعوة النجدية. والتخلّي عن الدعوة النجدية هي مطالب كثير من السعوديين السلفيين فضلاً عن غيرهم، ولكن أنى لجسد أن يعيش طويلاً بعد تخلّيه روحه.
تخلُّف الدعوة السلفية عن مواكبة الدولة السعودية للحياة المعاصرة، هو أحد أسباب تأخُّر القدرة على التفكير في المجتمع السعودي عامة، كنتيجة لتأثير الثقافة الناتجة عن تناقض الروح والجسد. وهو السبب الرئيسي في تأخُّر الأنظمة والقوانين حديثها وقديمها في نصوصها أو تطبيقاتها، عن مواكبة التطوّرات الإنسانية الأخيرة، نظراً لتأخر فكر المدرسة السلفية الجامدة التي هي أساس البنية التحتية للقضاء والمشرّعين. والتناقض بين فكر المُشرّع وفكر المنفّذ يخلق صعوبات لا يفهم الطرفان سببها.
الشباب اليوم في يد شبكات التواصل الاجتماعي. وشبكات التواصل اليوم في فوضى فكرية لا اتجاه لها واضح، والذي سيسيطر على شبكات التواصل هو من سيسيطر على عقولهم. (وكثرة المتابعين اليوم لشخص لا تعني انضمامهم لمدرسته، بل هي من باب ملاحقة المشاهير ولكونه مشهوراً إعلامياً).
الشباب الإسلامي محروم من المشاركة الفكرية السياسية والدينية والإدارية، ولذا فالشباب سيصبح تبعاً لمن يسمح له في المشاركة الفكرية أو لمن يُخيّل له أنه مشارك فكرياً. والتحرير من التبعية الدينية هي جوهر دعوة إمام التوحيد، والذي تطبّقه الدعوة السلفية اليوم هو معكوس جوهر دعوة الشيخ رحمه الله.
لن تنفع جهود تمجيد الماضي ومحاولات الدفاع عن دعوة الشيخ رحمه الله، بينما التطبيقات العملية والفقهية تثبت عكس ذلك. ومحاولات التمجيد دون العمل على إصلاح ما فسد من الدعوة وتجديدها مع متغيّرات معطيات الزمن، هو صورة أخرى من صور تخلُّف الدعوة وشاهد على جمود فكر أبنائها .. فاللهم هل بلّغت.
د. حمزة بن محمد السالم - جريدة الجزيرة السعودية
Thursday 12/09/2013 Issue 14959
ICQ
| |
|
|
|
|
|
|
|
|
|
Re: نجح الاستاذ محمود بلا سلطة و فشل الترابي ر (Re: أبوبكر عباس)
|
| Quote: كسرة : يا أخي الله يحشرك معاهو لأنه حلو من وجهة نظرك |
اللهم امين يا الشغيل، و شكرا على هذه الدعوة الجميلة. انعم بها من رفقة ان تحشر مع الاستاذ محمود. انتو يا الشغيل الوهابية طمست عقولكم و رقدتها خل. عشان كده ما بتقدر تتأمل و تفكر خارج الصندوق الوهابي دا. الوهابية ناس كلام و مواعظ ساكت. فالحين فى الكلام علي طريقة حشاش بي دقنو. لكن الدين ليس الكلام و المواعظ. الدين و الايمان ما وقر فى القلب و صدقه العمل. احرص شديد على صدّقه العمل. هسة كدي شوف كم الوعاظ في المساجد و في الاعلام المرئي و المسموع و المكتوب فى السعودية. شوف كم المال المنفق في هذه البرامج الوعظية. و قارن ذلك باثره فى حيوات الناس! هل تجد له اثر؟ لا شئ يذكر رغم العوة الكتيرة. لو جمعوا الجمهوريين كلم و سكنوهم فى مدنية واحدة و قارنت هذه المدينة باي مدينة في البلاد الاسلامية سوف تجد الاسلام متمثل في مدينة الجمهوريين أكثر من اي مكان غيرها. الكلام هين لكن الفعل قاسي!
| |
|
|
|
|
|
|
|
|
|
Re: نجح الاستاذ محمود بلا سلطة و فشل الترابي ر (Re: الهادي الشغيل)
|
يا شغيل،
الدنيا دار عمل، والآخرة دار حساب
هذه أبجديات الدين
كيف يعني زول مات، يلحقو بعد داك عمل من أهله في شكل رحمة في الآخرة؟
العدل بين العباد واحدة من الصفات المهمة لدى الله
هل يستقيم أن يرحم الله الميت الأهلو بدعوا ليهو، ويترك الما بدعوا ليهو بدون رحمة؟
هذا لا يستقيم يا رجل
| |
|
|
|
|
|
|
|
|
|
Re: نجح الاستاذ محمود بلا سلطة و فشل الترابي ر (Re: أبوبكر عباس)
|
Quote: يا شغيل،
الدنيا دار عمل، والآخرة دار حساب
هذه أبجديات الدين
كيف يعني زول مات، يلحقو بعد داك عمل من أهله في شكل رحمة في الآخرة؟
العدل بين العباد واحدة من الصفات المهمة لدى الله
هل يستقيم أن يرحم الله الميت الأهلو بدعوا ليهو، ويترك الما بدعوا ليهو بدون رحمة؟
هذا لا يستقيم يا رجل |
No comment
Ignore and pay no attention
خلي الجهابذة ياسر أو الحسين يجاوبوك أنا ما عندي علم .
| |
|
|
|
|
|
|
|
|
|
Re: نجح الاستاذ محمود بلا سلطة و فشل الترابي ر (Re: أبوبكر عباس)
|
Quote: إقنور ولّ ما إقنور؟!
إتّا ختيت كلام وأن ختيت قصادو كلام
وزي ما بقولوا المصريين
صاحب العقل يمييز
والإرشيف سوف يحاكمنا |
انت ما بتقرأ ما تكتب .. كلمة شغيل معناها شنو ؟ يعني موجه لي أنا وأنا جاوبت
وبما أن الكلام أعلاه برضو موجه لي برضو بقول ليك
Ignore and pay no attention
| |
|
|
|
|
|
|
|
|
|
Re: نجح الاستاذ محمود بلا سلطة و فشل الترابي ر (Re: أبوبكر عباس)
|
Quote: اذا كان السلفية على فراش الموت فإن الفكر الجمهوري فنيت وبليت وأصبحت خواء منذ إن اعتلى المرتد محمود محمد طه الدرج الأول لمقصلة الإعدام وخارت قواه؛ وعندها ثقلت قدماه وعجزتا عن الارتقاء إلى الدرجات العلا ( يعني بالدارجي كده بلابيطو وقعت ) ، فحمله السجانان من عضديه اليمين والشمال ..
شنق المرتد الهالك محمود ,, نعم بحمد الله شنقه النميري في كوبر وجحظت عيونه وتدلى لسانه وسال لعابه وزبده على ملابسه وبعدها أعلن على الملأ رسمياً فناء هذه الجماعة وزوال فكرتهم إلى الأبد .. |
موش قلت ليك فوق؟ شوف الفرق براااك. شوف كيف دعوة الاستاذ تسمو بالنفس البشرية و تهذبها و ترتقى بها للملاقي العلا و شوف كيف ان الوهابية ترتد بالانسان الي حضيض جلافة الجاهلية؟ قال الرسول ليس المسلم بطعان ولا لعان ولا فاحش و لا بذئ. الاسلام يا حبيبنا ليس ان ترغي و ان تزبد بزعم الدفاع عن الاسلام. دافع عن بان تتمثله ان تظهر للناس انه شئ جيد يستحق الاتباع.
| |
|
|
|
|
|
|
|
|
|
Re: نجح الاستاذ محمود بلا سلطة و فشل الترابي ر (Re: abubakr salih)
|
ابوبكر :
| Quote: موش قلت ليك فوق؟ شوف الفرق براااك. شوف كيف دعوة الاستاذ تسمو بالنفس البشرية و تهذبها و ترتقى بها للملاقي العلا و شوف كيف ان الوهابية ترتد بالانسان الي حضيض جلافة الجاهلية؟ قال الرسول ليس المسلم بطعان ولا لعان ولا فاحش و لا بذئ. الاسلام يا حبيبنا ليس ان ترغي و ان تزبد بزعم الدفاع عن الاسلام. دافع عن بان تتمثله ان تظهر للناس انه شئ جيد يستحق الاتباع. |
ده كلام مرقع بخشب أنت عاوز تناقش بعلم ولا عاوز تلاوي ساكت ...
تعال نضع نقاط وأجندة نتفق عليها لمناقشتها وما تعوم الكلام ساي ..
عندك جرأة تناقش أفكار الفكر الجمهوري بعلم وموضوعية ولا ما عندك ؟
أجب بلا أو نعم
| |
|
|
|
|
|
|
|
|
|
Re: نجح الاستاذ محمود بلا سلطة و فشل الترابي ر (Re: abubakr salih)
|
Quote: سؤال كالآتي:
هل الدولة الممكن تقوم على الفكرة الجمهورية ممكن تحقق نجاح أكتر من دولة الكيزان؟ |
يا بكور انا فى انتظار بقية شورتك. و حتي ذلك الحين داير اقول ليك انو السودانيين لو كانوا اتبعوا و انتشرت بينهم دعوة الاستاذ محمود كانت ممكن تكون عندها اثار ايجابية كثيرة. ياخي كانت ح ترفع ذكرنا ساكت وسط العالمين. لانو نحنا السودانيين رغم ارتباطنا بالعالم العربي الا ان تاثيرنا عليه ضعيف و نقع فى هامشه الثقافي. اها دعوة الاستاذ دي كانت ممكن قدحنا العظيم الذى نساهم به فى ضراء الثقافة العربية و الاسلامية و يقدمنا لقدام في صفوف كبار المساهمين. لكن ضيعنا الفرصة حتي الان. اتمني ان نعتني كلنا بتصحيح اخطاء الماضي و المحاولة للتعريف المستمر بفكر الاستاذ محمود محمد طه لمن حولنا. ما احوج العالم للفكرة الجمهورية وسط الحروب و كرة الشر و الكراهية التى تنشرها الوهابية المدعومة باموال البترول.
| |
|
|
|
|
|
|
|
|
|
Re: نجح الاستاذ محمود بلا سلطة و فشل الترابي ر (Re: abubakr salih)
|
| Quote: يا بكور انا فى انتظار بقية شورتك. و حتي ذلك الحين داير اقول ليك انو السودانيين لو كانوا اتبعوا و انتشرت بينهم دعوة الاستاذ محمود كانت ممكن تكون عندها اثار ايجابية كثيرة. ياخي كانت ح ترفع ذكرنا ساكت وسط العالمين. لانو نحنا السودانيين رغم ارتباطنا بالعالم العربي الا ان تاثيرنا عليه ضعيف و نقع فى هامشه الثقافي. اها دعوة الاستاذ دي كانت ممكن قدحنا العظيم الذى نساهم به فى ضراء الثقافة العربية و الاسلامية و يقدمنا لقدام في صفوف كبار المساهمين. لكن ضيعنا الفرصة حتي الان. اتمني ان نعتني كلنا بتصحيح اخطاء الماضي و المحاولة للتعريف المستمر بفكر الاستاذ محمود محمد طه لمن حولنا. ما احوج العالم للفكرة الجمهورية وسط الحروب و كرة الشر و الكراهية التى تنشرها الوهابية المدعومة باموال البترول. |
تسلم يا زول
الأستاذ محمود شاهده الآلاف وهو ينفض التراب من أرجله ويخلع نعليه ويعتلي المشنقة بنفسه وبدون حاجة لمساعدة ولم تجحظ عيناه ولم يخرج منه الزبد كما يدعي الفاجر في الخصومة المدعو الشغيل. خليهو يمشي يسأل الناس الحضروا وقد سجلوا شهادتهم للتاريخ ومنهم الشناق نفسه، ومنهم من كتب شهادته مثل الصحفي الأستاذ هاشم كرار.
وقد سجل الراحل الدكتور عبد الله الطيب قصيدته التي سارت بها الركبان:
مصَابٌ وحَزن*
قصيدة للدكتور عبد الله الطيب - رحمه الله
قد شجاني مصابُه محمودُ مارقٌ قيل وهو عندي شهيدُ
وطنيٌ مجاهدٌ وأديبٌ منشئٌ في بيانه تجويدُ
وخطيبٌ مؤثِّرٌ ولديه سرعةُ الردِّ والذكاءُ الفريدُ
وجرئٌ وشخصه جذابٌ ولدى الجدِّ فالشجاعُ النجيدُ
ذاق سجن المستعمرين قديماً ومضت في الكفاح منه العقودُ
سيق للقتل وهو شيخٌ أخو سـتٍ وسبعين أو عليها يزيد
لم يُراعوا فيه القوانين ظلماً فهو قتلٌ عمدٌ وجرمٌ أكيدُ
قد سمعنا يوم الخميس من المذياع أن شنقه غداً مشهودُ
لم نصدق ما قد سمعناه قلنا سوف يأتي عفوٌ وهذا وعيدُ
وإذا بالقرار قيل لنا نفـذ جلَّ المهيمن المعبودُ
ما قضاه يكن وما لامرئ عنـه مفرٌ ووقته معدودُ
وإليه نعنو هو المالك الملـك ويقضي سبحانه ما يريدُ
كان حكم الاعدام تنفيذه سراً فهذا الاشهار شيئٌ جديدُ
ليت إذ أجمعوا الإثم أخفوه كما اغتال خمسة عبودُ
أيُّ شيئٍ جناه حتى يُرى الاعـدامُ فيه هو الجزاء الوحيدُ
لم يجرد سيفاً وأصدر منشوراً وهذا أسلوبه المعهود
وهو نهجٌ من النضال حضاريٌ بأمثاله السراة تسودُ
ولقد رام أن يجدد محمود فقد صار جرمه التجديدُ
والذي قاله فقد قيل من قبـلُ وفي الكتب مثله موجود
ولقد يعلمون أن قضايا الديـن فيها الخلاف وهو تليدُ
زعموا أنه تزندق وارتـدَّ وقالوا هو العدو اللدودُ
وكأنَّا في عصر محكمة التفـتيش هذا هو الضلال البعيدُ
قتلته الأفكار في بلد الجهـلِ الذي سيطرت عليه القيود
واثقاً كان في الخصومة بالفكـر لو الفكرُ وحده المنشودُ
سبق الناس في السياسة رأياً حين فيها تفكيرهم محدود
وقد احتج وحده حين لم يلفِ عن البرلمان صوتٌ يذودُ
ذاك أول انقلابٍ بلوناه وللشر مبدئٌ ومعيدُ
ما سهرنا نحمي مقاعد شورانا فأودى بالبرلمان الجنودُ
نحن قومٌ نعيش في العالم الثالث وهو المعذبُ المنكودُ
فتنتنا حضارة الغرب لا الرفـضُ نفعنا ولا التقليد
واحتوتنا عماية من صراعٍ دائمٍ للقوى به تبديدُ
صاح هل نحن مسلمون أرى الاسلام فينا كأنه مفقودُ
وكأن صار مظهرُ الدينِ لا المَخْـبَرُ فينا هو المقصودُ
فشت الآن برجوازية في الدين من قبلُ عُلقتها اليهودُ
وتفانٍ على الحُطام كأن الدين أركانُه الشِدادُ النقودُ
قد أباها المسيحُ عِند الفريسـين إذ قلبُهم بها جُلْمودُ
علناً علقوه يشنق للجمـهور ذاك المفكر الصنديدُ
أخرجوه لحتفه ويداه خلفه وَهْوَ مُوثَقٌ مشدودُ
جعلوه يرقى الدَّرَجَ الصاعدَ نحو الهلاك خطوٌ وئيدُ
كشفوا وجهه ليُعرفَ أن هـذا هو الشخصُ عينهُ محمودُ
قرئ الحكمُ ثم صاح به القاضِي ألا مثله أقتلوه أبيدوا
كبَّر الحاضرون للحدِّ مثل العيد إذ جمعُهم له محشودُ
فأراهم من ثغره بسمةَ الساخِر والحبلُ فوقه ممدودُ
وعلى وجهه صفاءٌ وإشراقٌ أمام الردى وديعٌ جليدُ
وإذا بالقضاء حُمَّ وهذا جسمه طاح في الهواء يميدُ
ثم جاء الطبيبُ يُعلن بعد الجَسِّ أن مات ما لحيٍّ خلودُ
ثم طارت طيارة تحمل الجثَّـة لم يُدْرَ أيَّ فجٍّ تريدُ
قيل لن يقبروه إذ فارق المِلَّـةَ هَولٌ يشيب منه الوليدُ
يالها من وصمةٍ على جبهة القطـر سَتبقى وعارُها لا يبيدُ
قتلوا الفِكرَ يومَ مقتلِه فالفكرُ فيه ميتُ البلادِ الفقيدُ
أحضروا صحبه لِكي يشهدوا الإعـدامَ فيه وتائبين يعودوا
ذبحوه أمام أعينهم ذبحاً وقالوا درساً لكم فاستفيدوا
أعْلنت قتلَه الإذاعةُ من بعـدُ أمتناه ذلك النمرودُ
أذعن الناسُ خاضعي أرؤس الذِلةِ كلٌ فؤادُه مفئودُ
أذعنوا خاضعين للجَوْرِ والقهـرِ وكلٌ لسانه معقودُ
أذعنوا خائفينَ لا ينكرون الْـبغي والبَغْيُ فاجرٌ عربيدُ
بَقيَ الخوفُ وحْدهُ وتوارت قيمٌ بالأمس قد رعتها الجدودُ
ذَهبَ الفضلُ والتسامحُ والعفْـوُ وجاء الإعدامُ والتشريدُ
فيمَ هذا الطغيان ما هذه الأحـقادُ ما هذه القلوبُ السودُ
ما الذي جدَّ ما الذي جَلَبَ القُسْـوةَ من أين العُتوُّ الشديدُ
قد أسأنا إلى الشريعةَ والإسـلامِ ما هكذا تُقامُ الحُدودُ
ما كذا سنةُ النبيِّ الوحـيُ الذي أنزل الحكيمُ الحميدُ
سنةُ المصطفى هي اللينُ هذي غَلْظَةٌ بل فظاظةٌ بل جمودُ
إن عندي حريةَ الرأيِّ أمرٌ يقتضيه الإيمانُ والتوحيدُ
لا أحبُّ التطرفَ المفرطَ الرِفـقُ سبيلُ الاسلام لا التشديدُ
إننا نحنُ مالكيونَ سُنيونَ حُـبُ النبي فينا وطيدُ
وسطورُ الآيات قالت عليـكم أنفساً لا يضركم من يحيدُ
وتلونا فيهن آية لا إكراه في الدين بئس عنها الصدودُ
جعلوه ضحية لم يكن منـه شروعٌ في الحرب أو تهديدُ
ربِّ إنا إليك نجأر بالشكوى أغِثْ يالطيفُ أنت الودودُ
حكمتنا وقلدت أمرنا صُعْلوك قومٍ فغرَّه التقليدُ
طبقاتٌ من الزعانف في الضوء توارى وفي الظلامِ ترودُ
دأبها المينُ والخيانةُ والغدرُ وليست غير الفسادِ تجيدُ
يصدر الأمر كي يوقعه جلـدٌ ثخينٌ عنها وحِسٌ بليدُ
ويدٌ كزَّةٌ ووجه بلا ماء حياءٍ وخبث نفسٍ عتيدُ
ليس يبغي إلا البقاء ولا يحفـلُ والشعبُ جائعٌ مكدودُ
ينقضُ اليومَ كُلَّ ما قاله أمـسِ وفيه غداً بنقضٍ يعودُ
فانزِعِ الملكَ منه ربِّ لك المـلكُ وذو العرشِ أنت أنت المجيدُ
وأذقه كأساً بها قد سقى قوماً ولا ينجُ الفاسقُ الرعديدُ
وهلاكاً له كما هُلِكَتْ عادٌ وبُعْداً كما أبيرت ثمودُ
وعسى الله أن يشاء لنا النصـرَ وللظالمِ العذابُ الشديدُ
ولأحزابه اللئامِ فكُبُّوا في مضيقٍ طريقهم مسدودُ
تتلقاهم جهنمُ يُصلون بها ساء وردها المورودُ
لا تخيِّب دعاءنا ربِّ وانصرنا وأنت المولى ونحن العبيدُ
وصلاةٌ على النبي وتسليـمٌ به تبلغُ المُنى ونزيدُ
وعلى الآل والصحابة سادتي وتغشَّاك رحمةٌ محمودُ
* فُرِغَ من نظمها يوم 2 مارس 1985 وأنشدتها الأستاذ محمد إبراهيم خليل مساء 26 مارس بالكويت قبيل سفره في بعض مهامه ثم زال النميري في يوم 6 أبريل والحمد لله
| |
|
|
|
|
|
|
|
|
|
Re: نجح الاستاذ محمود بلا سلطة و فشل الترابي ر (Re: Yasir Elsharif)
|
Quote: تسلم يا زول
الأستاذ محمود شاهده الآلاف وهو ينفض التراب من أرجله ويخلع نعليه ويعتلي المشنقة بنفسه وبدون حاجة لمساعدة ولم تجحظ عيناه ولم يخرج منه الزبد كما يدعي الفاجر في الخصومة المدعو الشغيل. خليهو يمشي يسأل الناس الحضروا وقد سجلوا شهادتهم للتاريخ ومنهم الشناق نفسه، ومنهم من كتب شهادته مثل الصحفي الأستاذ هاشم كرار.
وقد سجل الراحل الدكتور عبد الله الطيب قصيدته التي سارت بها الركبان: |
يا أخي انت فارغ .. خلي الكلام ده .. جاوبني كدي على أسئلتي دي :
قال أبو بكر :
Quote: يا شغيل،
الدنيا دار عمل، والآخرة دار حساب
هذه أبجديات الدين
كيف يعني زول مات، يلحقو بعد داك عمل من أهله في شكل رحمة في الآخرة؟
العدل بين العباد واحدة من الصفات المهمة لدى الله
هل يستقيم أن يرحم الله الميت الأهلو بدعوا ليهو، ويترك الما بدعوا ليهو بدون رحمة؟
هذا لا يستقيم يا رجل |
رايك شنو في كلام الملحد ده وهل توافقه ؟؟
أنت ضعيف شخصية ولن تستطع أن تنكر عليه لأن معتقدك رقيق وهش .
اتحداك قدام كل الناس والقراء
سؤال انت زايغ منه في كثير من البوستات لكنه سيظل لعنة وسألاحقك به أينما حللت :
لماذا لا تترحمون على محمود الذي شنق وارتجفت قدماه قبل الشنق فحمل من عضديه فشنق أمام مريديه وسال زبده بعد الشنق على ملابسه وجحظت عيناه وتدلى لسانه في منظر مخزي ...
لماذا لا تترحمون عليه ؟؟؟ وهل هو المسيح المحمدي
| |
|
|
|
|
|
|
|
|
|
Re: نجح الاستاذ محمود بلا سلطة و فشل الترابي ر (Re: أبوبكر عباس)
|
Quote: يا أحمد عمر،
يا أخي، ما تكومني مع النيجيري دا في قفة واحدة.
إتّا قايلني أنا زي الشيوعيين ديل، عدو عدوي صديقي؟!
إختلافنا المشترك مع للشغيل؛ إختلاف قزقزة ساكت، وما بخلينا نفوت نقد قصة إتفاق الشيوعيين المطاميس ديل مع الجمهوريين؟
البجمع الفكرة مع الشيوعيين
فقط العداء المشترك للكيزان |
يا أبو بكر عباس
يا زول الكيزان انتهوا.. والسلفيين في الطريق.. والشيعة برضو..
إردوغان اليوم في ضيافة بوتين.. الدلالات ظاهرة..
والسعودية واسرائيل "كاني ماني" ومعناها "سمن على عسل"..
ياسر
| |
|
|
|
|
|
|
|
|
|
Re: نجح الاستاذ محمود بلا سلطة و فشل الترابي ر (Re: Yasir Elsharif)
|
Quote: يا أبو بكر عباس
يا زول الكيزان انتهوا.. والسلفيين في الطريق.. والشيعة برضو..
إردوغان اليوم في ضيافة بوتين.. الدلالات ظاهرة..
والسعودية واسرائيل "كاني ماني" ومعناها "سمن على عسل".. |
والجمهوريين كيف هههههههههههههههههه
جاوب على الأسئلة الفوق دي
شكلك بقى وحش أمام جمهوريتك ( ليس جمهورك ما تفهم غلط) وفكرتك ..
أنا ما قلت ليك انت جبان
| |
|
|
|
|
|
|
|
|
|
Re: نجح الاستاذ محمود بلا سلطة و فشل الترابي ر (Re: الهادي الشغيل)
|
Quote: الهادي الشغيل اصلو ما تسيبهم الأبكرات المستنيرين ديل
وريهم العلم الصاح
|
هههه يا ابوحميد الشغيل ما تخاف عليهو بنجيهو ليك تب. الرجل دا فى ضيافة الاستاذ عشان كده بنكرموا. عندنا مثل سائد فى مناطقنا في النيل الابيض يقول ليك اكرم شبشة عشان الشيخ برير. اها الشغيل نكرمه تب عشان الاستاذ محمود.
| |
|
|
|
|
|
|
|
|
|
Re: نجح الاستاذ محمود بلا سلطة و فشل الترابي ر (Re: abubakr salih)
|
Quote: محمود الذي شنق وارتجفت قدماه قبل الشنق فحمل من عضديه فشنق أمام مريديه وسال زبده بعد الشنق على ملابسه وجحظت عيناه وتدلى لسانه في منظر مخزي ...
لماذا لا تترحمون عليه ؟؟؟ وهل هو المسيح المحمدي |
انا كل مرة مصر انبهك للفرق بين الجمهوريين و غيرهم من مدعي التدين. هسة انت يا الشغيل كم مرة فى حياتك بتقرأ قول الله تعالي: وَلَوْ كُنْتَ فَظّاً غَلِيظَ الْقَلْبِ لَانْفَضُّوا مِنْ حَوْلِكَ ؟ لكن ما بتشتغل بكلام الله لانك لم تتدرب علي ذلك. محمود كان لمن يجيوه زول داير يبقى جمهوري يقول ليهو خير كدا ابدا بنفسك اول، اصلحها قبل ان تتأهل لاصلاح الاخرين. محمود فارس، و يكاد يكون افرس من مشي علي ارض السودان فى كل تاريخه. و سوف يذكر التاريخ فراستو و شجاعته و صموده امام عصابة المجرمين التي قتلته. قتلو جسده لكن لم يقتلو روحه و قد سطر بجسده الشيخ و الضعيف اروع الملاحم فى التاريخ الانساني.
| |
|
|
|
|
|
|
|
|
|
Re: نجح الاستاذ محمود بلا سلطة و فشل الترابي ر (Re: abubakr salih)
|
| Quote: هههه يا ابوحميد الشغيل ما تخاف عليهو بنجيهو ليك تب. الرجل دا فى ضيافة الاستاذ عشان كده بنكرموا. عندنا مثل سائد فى مناطقنا في النيل الابيض يقول ليك اكرم شبشة عشان الشيخ برير. اها الشغيل نكرمه تب عشان الاستاذ محمود. |
دي المرة العشرمية أسألك عندك علم بفكر الجمهوريين وتقدر على المناظرة أم تعرض برة الداره وكلامك كلام عواطف ساكت ...
مالك عامل رايح ...
؟؟؟؟
تنظير وكلام منمق تشكر لي فيهو أصحاب الفكر الضال لن يجدي نفعاً
عندك علم وقرأت كتب القوم تعال ناظر والا فأنت تهرف بما لا تعرف
| |
|
|
|
|
|
|
|
|
|
Re: نجح الاستاذ محمود بلا سلطة و فشل الترابي ر (Re: الهادي الشغيل)
|
وفي الجانب الآخر فإن ناس قتل المرتد والمخالف في العقيدة نجد عندهم المال والسلاح والسلطة في السودان وفي السعودية وفي إيران وتركيا ودولة الخلافة الداعشية وفروعها
ولكن طريقهم مسدود والطريف ان العالم سيجعل دولا مثل السعودية ينفق المال من اجل تفكيك الوهابية وهذا يجري على قدم وساق، وغدا لناظره قريب.
| |
|
|
|
|
|
|
|
|
|
Re: نجح الاستاذ محمود بلا سلطة و فشل الترابي ر (Re: Yasir Elsharif)
|
Quote: وفي الجانب الآخر فإن ناس قتل المرتد والمخالف في العقيدة نجد عندهم المال والسلاح والسلطة في السودان وفي السعودية وفي إيران وتركيا ودولة الخلافة الداعشية وفروعها
ولكن طريقهم مسدود والطريف ان العالم سيجعل دولا مثل السعودية ينفق المال من اجل تفكيك الوهابية وهذا يجري على قدم وساق، وغدا لناظره قريب. |
الكلام ده أكبر منك وأحسن ليك تسكت
جاوب على الأسئلة التالية :
*سؤال انت زايغ منه في كثير من البوستات لكنه سيظل لعنة وسألاحقك به أينما حللت :
لماذا لا تترحمون على محمود الذي شنق وارتجفت قدماه قبل الشنق فحمل من عضديه فشنق أمام مريديه وسال زبده بعد الشنق على ملابسه وجحظت عيناه وتدلى لسانه في منظر مخزي شفى صدور قوم مؤمنين ..
لماذا لا تترحمون عليه ؟؟؟ وهل هو المسيح المحمدي ؟؟
| Quote: الترحم على الميت ما منو فائدة، لأنو الله ما عندو ملاحق ولا يقبل الوساطات، ولا يجزيك بعمل ما حقك.دي بديهيات.أنا شايف لمان زول يموت كونو الناس تختم ليهو القرآن أو تدعو له، دا كلام ساكت. |
ياسر الشريف :
لو انت ذو دين صحيح تغير على دينك أنكر القول أعلاه على أبو بكر عباس أو قل هو صواب صواب صواب .. واحدة من اثنتين
لن تجرؤ لأني أعرف أنك ضعيف في الدين والشخصية
| |
|
|
|
|
|
|
|
|
|
Re: نجح الاستاذ محمود بلا سلطة و فشل الترابي ر (Re: الهادي الشغيل)
|
يا بكور النيجيري،
إتّا عارف إعجابي بشيخ حسن وما قاعد أرضى فوقو.
لو لاحظت لشيخ حسن -طيب الله ثراه- في الحلقات التلفزيونية، تجده يركز على نقطة مهمة وهي:
التربية لا تشكل ضمانة لنجاح الدولة.
أنت الآن تقارن الجمهوريين بالكيزان؟
المفاضلة دي غير عادلة؟!
الجمهوريين ما تعرضوا لإختبار الدولة كما حدث مع الكيزان.
أعتقد انو حسن الترابي أعظم من الأستاذ محمود على المستوى العملي.
هذا الرجل خطط لإقامة دولة بشكل ممتاز، لكن فسيخ الدين خذلو!
لا أعتقد أنو الأستاذ كان سينجح فيما فشل فيه شيخ حسن
شيخ حسن رجل عظيم ما في ذلك شك.
| |
|
|
|
|
|
|
|
|
|
Re: نجح الاستاذ محمود بلا سلطة و فشل الترابي ر (Re: abubakr salih)
|
نحن يا أبابكر، أكبر منكم ودرسنا الجامعة أيام الديمقراطية، صحي الناس ديل كانوا بشيلوا السيخ كجزء من الدين (جهاد فس سبيل الله)
على المستوى الفردي الإنساني بنعرفهم
كانوا من أحسن الناس خلقا (كمجموع)
عاين لحرب الجنوب في بداية الإنقاذ
الناس ديل كانوا صادقين الصدق الواحد دا
ـــــــــــــــــــــــــ
دينق، لو سمحت عاين لمداخلتي بمنظار الكوز المتدين المتربي على طاعة الله وبذل الغالي والنفيس،
قبل تديني شلوت.
| |
|
|
|
|
|
|
|
|
|
Re: نجح الاستاذ محمود بلا سلطة و فشل الترابي ر (Re: abubakr salih)
|
Quote: المفاضلة دي غير عادلة؟!
الجمهوريين ما تعرضوا لإختبار الدولة كما حدث مع الكيزان.
|
صحيح الجمهوريين ما تعرضوا لاختبار الدولة حتي الان لكن دا حصل باختيارهم. باختيار الاستاذ محمود نفسه. ما كان هدفه الدولة و سلطتها بقدر ما كان هدفه تغيير المجتمع و تغيير الانسان للاحسن. بعكس حسن الذى كان يذكى فى الناس المطامع لانو حركته ارتبطت بالمال و النفوذ و الامتيازات. اول ما دخلوا مع النميري بعد المصالحة غرقوا فى الحصول على الامتيازات و الترقيات بالحق و بالباطل و سعوا سعي حثيث للسيطرة على جهاز الدولة بالاساليب الفاسدة. حركة حسن الترابي كانت مفسده للناس اكثر انها مشروع للاصلاح الديني. الناس ديل نهبوا بنك فيصل الاسلامي ايام نميري و خلال سنوات الديمقراطية، قروض قروض للاخوان انتهت الي ديون هالكة. و العكس كان حاصل عند الجمهوريين، حركتهم فيها تهذيب للفرد و الاهتمام بانك تكون رقيب علي نفسك قبل ما تنبري للرقابة علي الاخرين. و فيها الزهد لانو الاستاذ محمود نفسه كان مثال للزهد و التعفف و عاش حياة بسيطة جدا رغم انه كان في وسعه غير ذلك اذا رغب. كان يقول ساووا بين الناس فى الفقر الي ان يتساوي فى الغني و قدم المثال علي ذلك.
عشان كده اتباع الاستاذ حتي الان لم نسمع عنهم فساد او تكالب على الاموال. اما اتباع الترابي نشاؤا مزلوعين، ديلكم يقالعوا الفقراء فى قليلتهم، ضرائب على ست الشاي، سيد الكارو و اطفال الدرداقات. كوز واحد اسمه اليسع ظهر في الاخبار قبل فترة انه يمتلك ٥٠٠ دكان فى الخرطوم.
| |
|
|
|
|
|
|
|
|
|
Re: نجح الاستاذ محمود بلا سلطة و فشل الترابي ر (Re: abubakr salih)
|
هؤلاء هم من أفشل ودمر السودان يا أبوبكر صالح
Quote: هو انتهاج الانقاذيين بعد المفاصلة نهج العنصرية البغيضة في تعيين الموظفين المدنيين والعسكريين في مختلف المناصب خاصة العليا , وعنصريتهم البغيضة ايضا في اعتقال وتعذيب وقتل ضحاياهم , وعنصريتهم حتي في قبول الطلاب والطالبات في الجامعات خاصة جامعة الخرطوم.
فهم ركزوا علي الا يتم تعيين اي شخص من ولايات الغرب وجبال النوبة والنيل الازرق في اية مواقع عليا في القوات النظامية او في الخدمة المدنية . وتتركز عنصريتهم وتبلغ مداها حين يتعلق الامر بالاجهزة الامنية خاصة " الامن الشعبي " الذي هوقلب النظام وراسه بل هو النظام الفعلي الذي يعلو علي الجميع بما فيهم الرئيس كما جاء في الكتاب . فمنتسبي هذا الجهاز المخيف جلهم او غالبيتهم من منطقة المتمة ومن قبيلة واحدة هي قبيلة الجعليين ,يتخللهم قليل من القتلة من قبائل الشوايقة والدناقلة وشيئ من عرب الجزيرة قليل.
لا بد للمرء ان يقرا هذا الكتاب الوثيقة ليدرك مدي الانحطاط الذي وصل اليه هؤلاء وباسم الدين . لان المجال هنا لايسع ويتسع لسرد ما تشيب له الولدان من فظائع وفضائح . |
http://sudaneseonline.com/board/7/msg/%D8%A8%D9%8A%D8%AA-%D8%A7%D9%84%D8%B9%D9%86%D9%83%D8%A8%D9%88%D8%AA-%D9%88%D9%85%D8%AF%D9%8A-%D9%84%D8...9%8A-1470323985.html
| |
|
|
|
|
|
|
|
|
|
Re: نجح الاستاذ محمود بلا سلطة و فشل الترابي ر (Re: Siddig Elghali)
|
Quote: أعتقد انو حسن الترابي أعظم من الأستاذ محمود على المستوى العملي.
هذا الرجل خطط لإقامة دولة بشكل ممتاز، لكن فسيخ الدين خذلو! |
نرجع لنقاط اخونا البيطري بن عباس
ما هو المستوي العملي الذي يتفوق فيهو الترابي؟ ان تجمع الصعاليك و شذاذ الافاق و اللصوص و المجرمين فى حركة سياسية باسم الدين؟ مجرمين و خائضين فى دماء الناس و هو عارفهم و شاف جرائمهم بعينه لكنه سكت عليها لانها فى فترات كنت تخدمه مباشرة و في فترات اخري لانو كانوا معاهم فى نفس المركب مثل حادثه محاولة اغتيال حسني مبارك. خطط للاستيلاء على السلطة لكنه لم يخطط لبناء دولة ولا شئ. لانو خططه للاستيلاء علي السلطة هى فى ذاتها هزيمة لفكرة الدولة من الاساس. خطته خرقت الدستور و القانون تعدت على ارادة الشعب و خربت الخدمة المدنية -كانوا مجهزين قوائم الفصل العام من بدري و لمن استلم اجهزوا على الخدمة المدنية من اساسها- اضف لذلك استهداف النقابات و منظمات المجتمع المدني كلها و قبل ذلك الاحزاب و وسائل الاعلام. اذا ماذا تبقى فى الدولة؟ خطته فرتقت الدولة و انحطت بالسودان لجاهلية القبيلة لانو دمر المؤسسات الحديثة عن بكرة ابيها. افقد البلاد كل الكادر القيادي فيها عن طريق التشرد و الاعتقال و المطاردات و في احايين كثيرة بالاغتيالات. قدر التحديث الذي احدثه الاستعمار و العهد الوطني تم هدمه بمعاول الترابي و عصابته!
| |
|
|
|
|
|
|
|
|
|
Re: نجح الاستاذ محمود بلا سلطة و فشل الترابي ر (Re: abubakr salih)
|
Quote: عاين لحرب الجنوب في بداية الإنقاذ
الناس ديل كانوا صادقين الصدق الواحد دا |
صادقين فى شنو يا بكور؟ صادقين فى التعصب و الجهل لا شئ اكثر. واحدين منهم حاربوا فى الجنوب و اخرين انخرطوا فى اجهزة الامن سيئة السمعة و مارسوا مخازي التعذيب فى بيوت الاشباح. اها ديل هسة يقولوا عليهم شنو؟ المغفلين الحاربوا بأسم الجهاد فى جنوب السودان انتهوا الي لا شئ. الان لا يذكرهم أحد، ماتوا سمبلة ساكت و لم يسهموا في شئ سوي توسع الشقة بين ابناء الوطن الواحد. حسن زاته الكان برسلهم للجهاد دا لم يحترمهم و قبل ان تجف دمائهم وقع اتفاق مع الحركة الشعبية التى كان يرسلهم لمجاهدتها. وقع الاتفاق ليس لان الحركة تغيرت او تخلت عن برنامجها انما وقع للمكايدة مع المجموعة التي انتزعت منه السلطة. الله لا كسب حسن ياخي كان هو شوكة الحوت التي عارضت كل فرص السلام خلال الفترة الانتقالية و الديمقراطية الاخيرة. عارض اتفاقية كوكادام و عارض اتفاقية الميرغني قرنق، عندما شعر انو اتفاقية الميرغني فى طريقها للنفاذ قطع عليها الطريق بالانقلاب. كان مثل البسوس نسأل الله ان يجزيه بسوء عمله و يجعل له مرقدا ضيقا فى قعر جهنم.
| |
|
|
|
|
|
|
|
|
|
Re: نجح الاستاذ محمود بلا سلطة و فشل الترابي ر (Re: abubakr salih)
|
Quote: دي المرة العشرمية أسألك عندك علم بفكر الجمهوريين وتقدر على المناظرة أم تعرض برة الداره وكلامك كلام عواطف ساكت ...
مالك عامل رايح ...
|
يا اخونا الهادي الشغيل،
يا زول مافي مشكلة انا ممكن اتناقش معاك حول فكر الاستاذ محمود محمد طه. انا زاعم ان لدي اطلاع حسن على كتابات الاستاذ. قريت كتبه الرسالة الثانية من الاسلام و رسالة الصلاة و انا برلوم فى الجامعة سنة 1999. هذه الكتب و غيرها موفورة فى النت ممكن الرجوع لها. ممكن انقاشك طوالي لكن بشرط واحد ان نركز على الموضوعات الجوهرية فى فكر الاستاذ محمود محمد طه، ما تشغلني بالصغائر بتاعت شيل الفاتحة و الكلام دا. مافي امة نهضت او قعدت لانها ما بتشيل الفاتحة. الفكرة الاساسية فى دعوة الاستاذ محمود تنطلق من زعم ان الاسلام رسالتان احداهما مبنية على القرآن المكي و اخري على القرآن المدني. و هو يمسيها ايأت الفروع و ايات الاصول و من ثم ينطلق من هذه الفكرة لما يسميه تطوير الشريعة (تطويرها ليس بمعني نجرها لكن بمعني استنباطها من ما هو موجود في القران المكي). دي ممكن تكون نقطة بداية للحوار اذا رغبت.
الكلام الذى ذكرته لك سابقا في مداخلاتي معاك فوق ليس كلام عواطف بل دا الكلام الحقيقي المفقود انت ما مطالب بالتعصب و ان ترغي و تزبد بدعوي الغيرة علي الدين. هذه اشياء غير مفيدة و لن تغيير الحياة للاحسن - افتكر انو اصلاح حياة الناس للاحسن هو غرض الدين الاساسي عندما ارسل الله الانبياء. صلاح الحياه يتم بأن يتمثّل الانسان قيم الدين في حياته. دي نقطة جوهرية تفوت دائما على الوهابية لذا مهما اوعظوا و اطالوا اللحي و قصروا البناطلين تظل المكنة الداخلية ياها مكنة اعراب الجاهلية، لم تتهذب نفسوهم بعد.
٠----
حبيبنا الشريف ياسر،
لك تحياتي و المودة يا عزيزي و شكرا جزيل على اثراء البوست بالاضافات القيمة. خليك قريب، عسى ان يهدي الله بك و بنا اخونا الشغيل دا فيحسن اسلامه
| |
|
|
|
|
|
|
|
|
|
Re: نجح الاستاذ محمود بلا سلطة و فشل الترابي ر (Re: Yasir Elsharif)
|
ليس لي عداء مع الفكر الجمهوري ولكنني لن ارفع فكرة فوق السماء لم تمتحن بالتطبيق بعد. الكيزان الذين مثلوا اسوأ نموزج حكم لم يكونوا كذلك. فقد كانوا في غالبيتهم مفاتيح للخير مغاليق للشر. كانوا في فترة من الفترات اقرب الي الملائكة صيام وقيام وتلاوة وتراحم وتكافل يساعدون الفقراء والمسكين ويمسحون دموع الايتام ويقدمون العون للارامل ويفتحون فصول محو التحية. بعد كل هذا شاهدوا ماذا حدث لهم عندما فتنوا بالدنيا والسلطة والثروة!!!
حتى الجمهوريين وقبل ان يصلوا لمرحلة التطبيق شهد هذا المنبر عليهم بفجور في الخصومة بين بعضهم البعض حتى اطر الادمن من سحب مناشيرهم. الانسان هو لانسان بكل نقصه لو كان جمهوري او شيوعي او ملحد او كوز. الغرب الاصبح نموزج في الانسانية به دولة العدل والقانون وهي الحامي والحارس لاخلاقيات الناس. لو انهارت دولة العدل والقانون في الغرب لرأيتم فيهم نمازج اسوأ من داعش.
تحياتي
| |
|
|
|
|
|
|
|
|
|
Re: نجح الاستاذ محمود بلا سلطة و فشل الترابي ر (Re: abubakr salih)
|
| Quote: الكيزان الذين مثلوا اسوأ نموزج حكم لم يكونوا كذلك. فقد كانوا في غالبيتهم مفاتيح للخير مغاليق للشر. كانوا في فترة من الفترات اقرب الي الملائكة صيام وقيام وتلاوة وتراحم وتكافل يساعدون الفقراء والمسكين ويمسحون دموع الايتام ويقدمون العون للارامل ويفتحون فصول محو التحية. بعد كل هذا شاهدوا ماذا حدث لهم عندما فتنوا بالدنيا والسلطة والثروة!!! |
يا عبد العظيم الكيزان ما كانوا في اي يوم مغاليق للشر ولا حاجة. بل كانوا هم الشر نفسه. و الحكاية دي ما بدت اليوم ولا امس، بل منذ الستنيات الناس ديل ضربوا الطلاب في الــ exam hall في جامعة الخرطوم بسبب نشاط ثقافي يعرض رقصة سودانية. دي كانت المناظر و الناس ما انتبهت لحدي ما لقوا يوم الكيزان بجلدوا فى بناتهم فى الشوارع و اقسام الحراسات. منذ بداياتهم كان بستخدموا الاساليب الغوغائية و الارهاب ضد خصومهم و الناس برضو ما انتبهت الي ان هجموا عليهم و فرقوهم ايدى سبأ. اما عن صلاتهم و صيامهم أحكي ليك قصة انا جزء منها. في العام 1999 و نحن برالمة فى الجامعة قبضونا ناس الامن فى واحد من احدث الجامعة و نقلونا لمعتقل غرب القيادة العامة فاتح في شارع ميت علي خط السكة حديد. كانوا طوال الوقت بضربوا فينا بخراطش سوداء بتاعت توصيلات الموية ديك، بعد شوية سمعنا صوت آذان، اتضح انو عندهم مسجد صغير فى ذات المكان، غسلوا ايدهم من دماءنا و ذهبوا للصلاة، فتأمل ان استطعت. نفس الناس الذين تربوا علي ضرب الطلاب بالسيخ عندما وصلوا للسلطة كانت هذه هي النتيجة.
| |
|
|
|
|
|
|
|
|
|
Re: نجح الاستاذ محمود بلا سلطة و فشل الترابي ر (Re: abubakr salih)
|
تحياتي يا ابوبكر ومحبتى لنهجك الجميل في النقاش والوسطية في التفكير والاستنتاج - واعتقد دى ما بتجى الا لى زول محرر عقله من تبعية الايدلوجيات والأفكار المعلبه
اتفق معاك تمام انه ما في اى تميز لحسن الترابي ومساله اعجاب البعض (لا اقصد أبو بكر تحديدا) لا تخرج عن كونها اعجاب السوداني بى زول عنده تواجد إقليمي وصيت خارج حدود الوطن
والبعض يصفه بالذكاء وووو . كلها عبارات لا تعدو وان تكون انطباعات ساذجه ..
لو كان يمتلك هذا الذكاء وهذه القدرة المزعومه على التخطيط والتنفيذ وابتكار الأفكار والحلول .. لما وصل حزبه الى ما وصل اليه .. ولما وصل السودان الى ما وصل اليه
ولما وصل هو الى ما وصل اليه من غضب واحباط ومقت وكره لكل ما بشر به ...
الترابي نموذج وحاله واضحة للفشل الكامل ونموذج وحاله واضحة لبؤس الفكرة وبؤس التخطيط وبؤس الطويه
الاذكياء هم من قادوا بلادهم من المناطق المظلمه الى النور والرخاء والاستقرار والتنمية
واتفق معك في الاعجاب بالفكرة عموما وبالسلوك خصوصا .. للأستاذ رحمه الله عليه ..
من زاوية انه ده اجتهاد في الدين ورؤى وأفكار لانسان قارئ ومفكر وكاتب بارع غاص في أعماق بعيده محاولا اخراج تفاسير مختلفة لبعض أمور الدين
لكن من زاوية ان تحول هذه الاجتهادات لتنظيم واتباع لتسويقها على انها الطريق الصحيح اختلف معك ومعهم فهذا هو الفخ نفسه الذى تقع فيه كل الجماعات الدينية
في العالم الإسلامي ..
يجب ان تقرا وتدرس اجتهادات المجتهدين من واقع انها مؤلفات فكرية وثقافية تفتح الافاق للعقل من اجل التدبر والتعلم
لذا اذا افترضنا انهم وصلوا للسلطه فلا أتوقع لهم اى نجاح
مودتي
| |
|
|
|
|
|
|
|
|
|
Re: نجح الاستاذ محمود بلا سلطة و فشل الترابي ر (Re: abubakr salih)
|
بكري وضيوفه تحية
الفكر الجمهوري لم يأت بجديد بل كل ما فعله هو اعادة صياغة الفلسفة العقدية عند غلاة المتصوفة ومزجها بعلمانية القرن العشرين واعادة تسويقها كاسلام جديد ورسالة ثانية ، وليس اكثر من ذلك ، الصوفية رفضوا فكر الغلاة ورفضوا الفكر الجمهوري لان محور الفكرة هو ترقي البشر لبلوغ مرتبة الاله ليكون الله في خاتمة المطاف وهذه عقيدة ترفضها كل الاديان السماوية.
العلمانيون بالطبع لن يهتموا بالجانب العقدي في الفكرة وهذا ما يتضح من اجابات الاخ بكري استنادا على مرجعيته الماركسية والتي همها الحياة الدنيا فقط ، وهذه هي نقطة التقائهم مع الفكر الجمهوري ، اقصاء الشريعة والدين عن الحياة ، احلال قوانين البشر وادارة الكون وحصر الدين في المعتقد الشخصي !!!
ولكن سؤالي للاخ بكري هل نجحت الشيوعية في السودان وهي خارج السلطة كما (نجح ) محمود ام فشلت وهي في السلطة ( مايو ويوليو ) ؟؟
الذي اراه انها لم تحل الامتحان بعد ولسع ماسكة الورقة اكثر من سبعين سنة !!!!
الشيوعية تدعي الجماهيرية ولم تستطع كسب ثقة الجماهير باكثر من 11 مقعد كن اكثر من 300 ، بل ولم تستطع تحريك الشارع لثلث قرن من الزمن لازاحة خصومها من السلطة في وقت تمكن فيه اردوغان الذي يملك قلوب الشعب من مواجهة اعتى الجيوش والدبابات وازاحتها بمكالمة هاتفية لا تعدو العشرة ثوان !!!
لم تستطع الشيوعية ان تحافظ على السلطة التى سلبتها في يوليو لاكثر من 72 ساعة حيث تمكن ضابطان بدبابة واحدة من اعادة النميري .
لم تتمكن من انتخاب زعيم واحد من خارج نطاق الولاية الشمالية وهي تدعي مناصرة المسحوقين واممية التوجه لتظل تحت قيادة مثلث ( الجلابة) الشوايقة الدناقلة المحس.
لم يراس الحزب انثى واحدة طوال العهود بل ظل حزب ذكوري لاخمص قدميه !!!
فهل بعد هذا من نجاح مأمول ؟؟؟
لست متفائلا !!
تحياتي
| |
|
|
|
|
|
|
|
|
|
Re: نجح الاستاذ محمود بلا سلطة و فشل الترابي ر (Re: محمد الزبير محمود)
|
اتجازات الحزب الشيوعي السوداني ومساهماته لرفع مستوى المعيشة في السودان !!!
في حكاياتنا مايو
كلمات محجوب شريف لحن واداء محمد وردي
في حكاياتنا مايو
في شعاراتنا مايو
ورسم شاراتنا مايو
أنت يا مايو الخلاص
يا جدارا من رصاص
يا حبالا للقصاص
من عدو الشعب في كل مكان
من عدو الشعب في كل زمان
يا شموسا في دروب الليل أشعلت النهارا
نحن شلناك وساما وكتبناك شعارا
نحن صرنابك يا مايو كبارا
واتخذناك حبيبا وصديقا وديارا
لم تكن حلما ولكن كنت للشعب إنتظارا
وتماما أصبح الصبح على الشعب تماما
وتماما نحن لا نرضى إنكسارا
أنت يا مايو بطاقتنا التي ضاعت سنينا
أنت يا مايو ستبقى بين ايدينا وفينا
وسنحميك جهارا مايو ...
وسنحميك اقتدارا مايو ...
في حكاياتنا مايو
**********************
يا فارسنا وحارسنا
يا بيتنا ومدارسنا
كنا زمن نفتش ليك
وجيتنا الليلة كايسنا
يا حارسنا
حبابك ما غريب الدار
وماك لي حقنا الودار
كنا زمن نفتش ليك
وجيتنا الليلة كايسنا
يا حارسنا
جيتنا وفيك ملامحنا
بعد يا مايو ما يئسنا
بنرجع ليك توصينا
بنسمع ليك تحدثنا
بيك يا مايو
يا سيف الفدا المسلول
نشق أعدانا
عرض وطول
حلفنا نقيف ونتحزم
نشد الساعد المفتول
عشان نبدي اشتراكية
ونرفع راية هم خلوها
فوق السارية متكية
دقت ساعة كانت نجمة
في أعماقنا منسية
كنا زمن نفتش ليك
وجيتنا الليلة كايسنا
يا حارسنا
| |
|
|
|
|
|
|
|
|
|
Re: نجح الاستاذ محمود بلا سلطة و فشل الترابي ر (Re: abubakr salih)
|
Quote: تحياتي يا ابوبكر ومحبتى لنهجك الجميل في النقاش والوسطية في التفكير والاستنتاج - واعتقد دى ما بتجى الا لى زول محرر عقله من تبعية الايدلوجيات والأفكار المعلبه
اتفق معاك تمام انه ما في اى تميز لحسن الترابي ومساله اعجاب البعض (لا اقصد أبو بكر تحديدا) لا تخرج عن كونها اعجاب السوداني بى زول عنده تواجد إقليمي وصيت خارج حدود الوطن
والبعض يصفه بالذكاء وووو . كلها عبارات لا تعدو وان تكون انطباعات ساذجه ..
لو كان يمتلك هذا الذكاء وهذه القدرة المزعومه على التخطيط والتنفيذ وابتكار الأفكار والحلول .. لما وصل حزبه الى ما وصل اليه .. ولما وصل السودان الى ما وصل اليه
ولما وصل هو الى ما وصل اليه من غضب واحباط ومقت وكره لكل ما بشر به ...
الترابي نموذج وحاله واضحة للفشل الكامل ونموذج وحاله واضحة لبؤس الفكرة وبؤس التخطيط وبؤس الطويه
الاذكياء هم من قادوا بلادهم من المناطق المظلمه الى النور والرخاء والاستقرار والتنمية
واتفق معك في الاعجاب بالفكرة عموما وبالسلوك خصوصا .. للأستاذ رحمه الله عليه ..
من زاوية انه ده اجتهاد في الدين ورؤى وأفكار لانسان قارئ ومفكر وكاتب بارع غاص في أعماق بعيده محاولا اخراج تفاسير مختلفة لبعض أمور الدين
لكن من زاوية ان تحول هذه الاجتهادات لتنظيم واتباع لتسويقها على انها الطريق الصحيح اختلف معك ومعهم فهذا هو الفخ نفسه الذى تقع فيه كل الجماعات الدينية
في العالم الإسلامي ..
يجب ان تقرا وتدرس اجتهادات المجتهدين من واقع انها مؤلفات فكرية وثقافية تفتح الافاق للعقل من اجل التدبر والتعلم
لذا اذا افترضنا انهم وصلوا للسلطه فلا أتوقع لهم اى نجاح |
و الله يا وضاح مافيش اوضح من كده. ابصم بالعشرة علي كل ما قلت.
ذكرت نقاط كانت حايصة لي تروح تجي. الناس المساكيين ناس بكور ديل شايفين حسن راجل مفكر كبير. لكن لو سالتهم ما هي افكاره؟ بس قولوا لينا فكرة واحدة كده جديدة orignal حقت حسن الترابي لا تجد شئ. حتى شوية الفتاوي التى بدأ يطلقها معظمها ليست جديدة على الفكر الاسلامي و دائما ما يطلقها فى اواقت لخدمة غرض سياسي اكثر من انها موقف ديني. لم يأخذه أحد ماخذ الجد فيها لانه عرف بين الناس كرجل مرواغ و حبرتجي No one takes him seriously. لا احده يأخذ دينه عن الترابي. واحدين من اتباعه يسموه المجدد ياخي مجدد شنو دا عمل ليهو قانون و شرطة نظام عام يطارد البنات فى الشوارع دي طرحتها واقعت و ديك بنطلونها ضيق. اين التجديد في اشياء كهذى و المطاوعة بتاعين السعودية ديل بعملوا فيها منذ قرنين من الزمان. ولا التجديد فى الانقلاب؟ ما ياهو العساكر فى السودان بسوا فى الانقلابات من الخمسينات ما الجديد فى ذلك؟
سمعته يتحدث عن الفساد فى الحركة كانه تفأجاء به. لكن الحركة الاسلامية كانت فاسدة و مفسدة للناس من قبل ان تصل للسلطة. لانهم بدوأ فى استغلال جهاز الدولة و ممارسة التجاوزات منذ المصالحة الوطنية مع النميري و لمن وصلوا السلطة كل الحصل انهم واصلوا فيما تربوا عليه. واصلوا business as usual> ما عارفوا هو كان متخيل شنو.
شكرا علي اثراء البوست و لك التحيات الطيبة و المودة.
| |
|
|
|
|
|
|
|
|
|
Re: نجح الاستاذ محمود بلا سلطة و فشل الترابي ر (Re: abubakr salih)
|
سلام عليكم جميعا
هل اعطيت للجمهوريين سلطة ؟
السلطة فتنة كبيرة وارجو ان يكون حكمك عليهم بعد ان يستلموا زمام السلطة لا الان وهم خارجها
الــ في البر عوام
والمحك ما زمن الاستضعاف ...المحك لمن يتمكنوا زي الكيزان....عادي ممكن يفسدوا والا ما يكونوا بشر الا يكونوا ملايكه
| |
|
|
|
|
|
|
|
|
|
Re: نجح الاستاذ محمود بلا سلطة و فشل الترابي ر (Re: abubakr salih)
|
الاسلام السياسي في السودان: الاصل والصورة
عادل الامين
الشيخ حسن الترابي اهان السودان والشعب السوداني وهو حي ولا نريد ان يهين السودان والسودانيين وهو ميت كشاهد زور على العصر في فضائية الجزيرة “البايرة” التي لا توقظ فكرة ولا تهذب شعور وتجاوزتها الحركة الجماهيرية من المحيط الى الخليج بعد دعمها اعادة تدوير الاخوان المسلمين عبر ما يعرف بالربيع العربي…!! اوالفجر الكاذب القديم الذى عرفناه من دخول الترابي الحلبة السياسية في السودان بعد ثورة اكتوبر المزعومة سنة 1964ووثقه د.منصور خالد في كتبه التي تقدم افضل شهادة على العصر عن السودان او ما تبقى منه للعرب الاذكياء الذين يريدون ان يعرفو ما هو السودان ومن هم السودانيين ..
*****
التاصيل كلمة كان ينعق بها الترابي في حقبة الانقاذ ويرددها اهل ثورة الانقاذ المزيفة 1989.. منذ مجيئها المشئوم في السودان ومفردة يلوكها الإخوان المسلمين السودانيين دون النظر إلى ما ترتب من تجربتهم السودانية الممتدة من 1989 ..فماذا تعني هذه المفردة وما تأثير مشروع الإخوان المسلمين على المجتمع السوداني..التأصيل هي على وزن تفعيل أي ممارسة عمل او نشاط يعيد مجتمع ما إلى ماضي يعتقد صاحبه انه كان أفضل من الوضع الراهن..
فإذا أردنا نتحدث عن تأصيل حقيقي لدولة السودان هذا يعني إننا نغوص في أعماق التاريخ وراسيا دون تجاوز الجغرافيا التي تعبر عن السودان..هذا يعني إننا نعود إلى حضارة كوش الأخلاقية والتي عبر عنها خليوت بعانخي* في نداء وجهه عبر العصور..وليس دولة المدينة في الجارة السعودية في القرن السابع حيث الخراصين والافاكين والمنافقين والذين يتقدمون ويستاخرون ونزلت فيهم آيات بينات..وهذا ما يردده الاخو المسلم صاحب الانتباهة الطيب مصطفى في الفضائيات …دون تبصر او تمحيص..
نعود لمنشأ فكرة الأخوان المسلمين نفسها،الجارة الشمالية مصر..الفكر دائما ما يكون انعكاس للمجتمع الذي نشا فيه وفي حالة تصديره إلى الخارج أما يتم توطينه وتحويره ليناسب البيئة الجديدة أو يتحول إلى وباء مدمر كما هو الحال في السودان..حتى الإمام الشافعي عندما انتقل من العراق إلى مصر تغيير فقهه..رغم أن القران والحديث مصادر ثابتة وواحدة في البلدين..فما هي مظاهر البيئة المصرية التي تختلف عن مظاهر البيئة السودانية وتجعل عملية تأصيل الإخوان المسلمين ليس سوى عملية تشويه للمجتمع السوداني..مثلا ظاهرة الثار والقتل بدم بارد موجودة في أقصى جنوب مصر وكل مصر ومعدومة تماما في أقصى شمال السودان وكل السودان..وأكثر ما يتورع منه السودانيين هو القتل غير المبرر..ولكن تأصيل الأخوان المسلمين جعلهم أخوان مجرمين..وتسببوا في الموت الرخيص وغير المبرر للسودانيين في كل أنحاء السودان وفي الخرطوم وشهدنا الجرائم الغامضة والمركبة والمجهولة الدوافع والممارسات المشينة في بيوت الأشباح..وهذه تعتبر من أسوا أنواع التزييف للشخصية السودانية بل التشويه التي وفدت مع الأخوان المسلمين السودانيين ومشروعهم الحضاري المسمي بثورة الإنقاذ، لان العنف والقتل من صميم فكر الأخوان المسلمين ويكون مموها باسم الجهاد حتى ولو كان الصراع في جامعة أو معهد أو نقابة..
التأصيل الثاني هو ظاهرة الثراء الحرام والتكالب المريض على المال العالم الشيء الذي حدا بأحد الأخوان المسلمين د.التجاني عبد القادر يصدر فيه سفر ينوء للعصبة أولى القوة، معروف أن قيمة الزهد في عرض الدنيا الزائل متجذرة في السودان منذ أمد بعيد وكل الحكومات المتعاقبة بعد الاستقلال لم تسجل فيها أشكال من هذا النوع من الاعتداء على المال العام وبهذا الشكل الفاضح والفاحش والعلني..وخاصة أن السودان كان يدار بحكومات لا يتجاوز أعداد تنفيذييها ا الخمس وعشرين شخصا ناهيك عن هذا الإخطبوط الإنقاذي الذي جعل الوزراء أكثر من المزارعين..وجعل الفساد المريع المواطنين في حالة ضنكه وشكل كارثة زاحفة من الهامش الى المركز في شكل سخط جماهيري عارم..فمن اين جاءت هذه الصفة ذميمة واغتالت السودانيين في خصلة الأمانة التي اشتهروا بها وجعلتهم أمناء على خزائن المال في دول الخليج العربي ودول العالم الأخرى..وكلنا يعرف تورع السودانيين من أكل السحت والمثل السوداني “حق الناس كناس″..ولكن الأخوان المسلمين السودانيين اخترعوا مسكن عجيب لتغطية ثراءهم الحرام وخاصة ان جلهم وصل ارزل العمر لكي لا يعلم من بعد علم شيئا وتحت ضغوط الخوف من الموت النفسية ومواجهة الخالق بما كسبت أيديهم..وهو الحج غير المبرور كل عام..والحج بالنسبة لهم ليس خلاص من الماضي المشين وانعتاق نهائي من الدنيا وزخرفها كما يفعل أهلنا الكبار عبر العصور بل عملية “فرمتة ” كالتي تتم لجهاز الكمبيوتر..والعودة مرة أخرى لنفس المنصب ولنفس الممارسات..
وبذلك نجد أن مآلات التأصيل الاخواني والعبرة بالنتائج..شوه السودان أرضا وإنسانا..وادخل صفتين ذميمتين في المجتمع السوداني ما سمعنا يهما في إبائنا الأولين، وجعلهما من صميم السلوك السوداني المعاصر وهي ارتكاب جرائم القتل غير المبرر و تعاطي الثراء الحرام دون وازع او ورع..وهذا الأمر يفسد الدارين..ويجعل الإنسان السوداني يعيش تحت مركبات الذنب التي لا يصلح معها إدمان الحج إلى الأراضي المقدسة واخشي إذا ما انتهت حقبة الإنقاذ بالرافعة الخافضة أن نحتاج لدكتور فيل لإعادة تأهيل هؤلاء الناس ومن اتبعهم من الغاويين من أبناء الشعب السوداني
*****
يطلق مصطلح الإسلام السياسي على الأحزاب السياسية التي تمارس السياسة من خلفية دينية وأضحى شائع في تعريف حركة الأخوان المسلمين..ولكن الإسلام السياسي في السودان الأصلي كان موجود قبل الاستقلال كجزء من الحركة الوطنية -الأنصار والختمية والهندية والجمهوريين ثم بعد الاستقلال في يناير 1956 تشكلت أحزاب حقيقية من هذه المدارس الإسلامية السودانية بصورة رفيعة المستوى ..حزب الامة وحزب الشعب الديمقراطي والحزب الوطني الاتحادي والحزب الجمهوري …جاءت كلها في إطار ليبرالي اشتراكي يشبه قيم المجتمع السوداني ولم تخلق اي احتكاكات مع مكونات المجتمع السوداني الأخرى من مسيحيين وأصحاب أديان وضعية”الكجوريين” من أبناء جبال النوبة و جنوب السودان …الذين تعرضوا لإبادة مشينة عبر العصور عبر برنامج القوميين العرب والأخوان المسلمين …
السؤال ما هي قيم المجتمع السوداني ومن أين أتت ؟
السودان مجتمع تكافلي ليبرالي ديمقراطي اشتراكي بالفطرة-والمجتمع السوداني لا يشبه المجتمعات العربية ولا بشبه المجتمعات الإفريقية..لذلك عندما استعمر الانجليز السودان وضعوه تحت إشراف الخارجية البريطانية وليس وزارة المستعمرات سيئة الذكر وجاءوا بفلزات أكبادهم لتأسيس الدولة النموذج في العالم الثالث بمعايير ديمقراطية وست منستر مع شيء من الإدارة الأهلية…وتحفل مذكراتهم بالكثير من التقدير للسودان والسودانيين
السيد عبدالرحمن المهدي مؤسسة مجتمع مدني سودانية وكذلك “أوتاد الأرض في القبل الأربعة” الشيخ البرعي والشيخ حاج حمد الجعلي وعلي بيتاي وام ضوا بان وازرق طيبة..ووضع الطعام في الطرقات في رمضان.. عادة سودانية اقتبسها ناس الخارج وسموها موائد الرحمن..والرأسمالية الوطنية أمثال المرحوم خليل عثمان والضو حجوج وحاج الصافي وإبراهيم مالك وسعيد بوارث وعبد الكريم السيد وعبدالله الحسن كانوا اشتراكيين بالفطرة ومؤسسات مجتمع مدني بنو مدراس ومستشفيات من حر مالهم.. قبل ان يتشدق بها أهل اليسار السوداني..ولان الانجليز الأذكياء الذين يصنعون الطائرة الايرباص.. اخبر بالمجتمع السوداني وطبيعته فصلوا له النظام السياسي الذي يناسبه وهو ديمقراطية وست منستر الليبرالية وخرجوا من السودان عبر انتخابات 1954 و أسسوا أحزاب وطنية كبداية للمسار الديمقراطي النظيف وحزب الأمة الأصل كان حزب ليبرالي يقوده عامة الناس ويرعاه السيد عبدا لرحمن المهدي وكذلك حزب الشعب الديمقراطي آن ذاك…ودخلنا في جحر ضب خرب مع الأخوان المسلمين من 1964 ولم نخرج منه حتى الان مع-نفس الناس-
تشوه السودان عبر الايدولجيات الوافدة التي صنعت خصيصا للعرب في الحقبة الامبريالية/الصهيونية بدواعي بقاء دولة إسرائيل لتكرس للقمع والاستبداد وتكبيل الشعوب والهدار حقوقها عبر أكذوبة ثورة يوليو 1952 والناصرية..وكان لنا نصيب في استيراد بضاعة الآخرين وعجزوا عن توطينها في السودان وقاموا بفرضها عبر الانقلابات فأسقمت جسد السودان وتساقطت أطرافه كمريض الجذام. ولازالوا في فضائياتهم يتنطعوا ويمارسون الكذب العاهر و التدليك الروحي لشعب ابتلاه الله في نخبه…بعد الاستقلال…
والحديث ذو شجون عن السودان القطر القارة و حضارته المغيبة من سبعة ألف سنة وليس بقعة جغرافية تقع جنوب خط22 كما يتوهم الكثيرين من أهل الغفلة ،بل حضارة و قوة جاذبة ومضيافة ، ويحمل جينات و قيم هذا الحاكم الكوشي المسطورة في أهرامات البركل في شمال السودان… وهذا أول حاكم ((اشتراكي)) في التاريخ وتكاد مقولته أدناه ان تكون الإعلان العالمي لحقوق الإنسان في الأمم المتحدة
إنني لا أكذب
ولا اعتدي على ملكية غيري
ولا ارتكب الخطيئة
وقلبي ينفطر لمعاناة الفقراء
إنني لا اقتل شخصا دون جرم يستحق القتل
ولا أقبل رشوة لأداء عمل غير شرعي
ولا أدفع بخادم استجار ني إلى صاحبه
ولا أعاشر امرأة متزوجة
ولا انطق بحكم دون سند
ولا انصب الشراك للطيور المقدسة
أو اقتل حيوانا” مقدسا”
إنني لا اعتدي على ممتلكات المعبد -الدولة-
أقدم العطايا للمعبد
إنني أقدم الخبز للجياع
والماء للعطشى
والملبس للعري
افعل هذا في الحياة الدنيا
وأسير في طريق الخالق
مبتعدا عن كل ما يغضب المعبود
لكي ارسم الطريق للأحفاد الذين يأتون بعدي
في هذه الدنيا والى الذين يخلفونهم والى الأبد
خاليوت بن بعانخي – معبد البركل- الإقليم الشمالي -السودان
*****
الإسلام الحقيقي جاء الى السودان من اليمن العريق والعراق بلد الفكر والمفكرين…وتعبر عنه الطريقة الختمية -حزب الشعب الديمقراطي والأنصار -حزب الأمة والجمهوريين – الحزب الجمهوري ويكتمل المشهد الحضاري الفكري الثقافي السياسي في السودان بالحركة الشعبية-السودان الجديد..ما عداه عبارة أدوات رخيصة للامبريالية الصهيونية و منبتين المركز الذين يشعرون بمركبات النقص والدونية حيال جارتنا الشمالية الفاشلة مصر واستوردوا منها الناصرية والشيوعية والأخوان المسلمين …القوى الديمقراطية الحقيقية تأتي عبر صناديق الاقتراع وبإرادة شعبية حرة والحثالة السياسية تأتي عبر الانقلابات دائما وفي كل البلاد عبر الانقلابات والثورات المزيفة….
كاتب سوداني
| |
|
|
|
|
|
|
|
|
|
Re: نجح الاستاذ محمود بلا سلطة و فشل الترابي ر (Re: adil amin)
|
الهادى الشغيل
يا أخى والله انت قوى
براااااك قادر على الجماعة ديل
كشفتهم بس فى حتة عدم الترحم دى انتهيت منهم
والله انا ما كنت قايلهم كدا
كل مرة بتتكشف لينا عنهم فكرهم الغريب دا حاجة
وكل مرة يفقدوا تعاطف زيادة
هم لسة فكر الجماعة ديل عايش؟؟؟
عافى منك يالشغيل
.........
والذين جاءوا من بعدهم يقولون ربنا اغفر لنا ولإخواننا الذين سبقونا بالإيمان ولا تجعل في قلوبنا غلا للذين آمنوا ربنا إنك رءوف رحيم ( 10 )
رَبَّنَا اغْفِرْ لِي وَلِوَالِدَيَّ وَلِلْمُؤْمِنِينَ يَوْمَ يَقُومُ الْحِسَابُ
رَبِّ اغْفِرْ لِي وَلِوَالِدَيَّ وَلِمَنْ دَخَلَ بَيْتِيَ مُؤْمِنًا وَلِلْمُؤْمِنِينَ وَالْمُؤْمِنَاتِ وَلَا تَزِدِ الظَّالِمِينَ إِلَّا تَبَارًا
| |
|
|
|
|
|
|
|
|
|
Re: نجح الاستاذ محمود بلا سلطة و فشل الترابي ر (Re: محمد النيل)
|
عن أبي هريرة -رضي الله عنه- أن رسول الله -صلى الله عليه وسلم- قال: إذا مات ابن آدم انقطع عمله إلا من ثلاث: صدقة جارية، أو علم ينتفع به، أو ولد صالح يدعو له، رواه مسلم
------------------------------------------------------
هذا الحديث من أوضح الواضحات لا يحتاج إلى شرح يقول النبي -صلى الله عليه وسلم-: (إذا مات ابن آدم انقطع عمله إلا من ثلاث)، يعني ينقطع عمله الذي يجري عليه بعد الموت إلا من هذه الثلاث: (صدقة جارية) قد وقف لها هو، وقف مسجد يصلى فيه، أو عمارة تؤجر، ويتصدق بأجرتها، أو أرضٍ زراعية يتصدق بما يحصل منها، أو ما أشبه ذلك. فهذه صدقة جارية يجري عليه أجرها بعد وفاته، ما دامت تنتفع بها الناس، (أو علم ينتفع به)، إما كتب ألفها، وانتفع بها الناس، أو اشتراها، ووقفها وانتفع بها الناس من كتب الإسلامية النافعة، أو نشره بين الناس وانتفع به المسلمون وتعلموا منه، وتعلم بقية الناس من تلاميذه، فهذا علم ينفعه، فإن العلم الذي مع تلاميذه، ونشره بين الناس ينفعه الله به أيضاً كما ينفعهم أيضاً، وهكذا الولد الصالح الذي يدعو له تنفعه دعوة ولده الصالح، كما تنفع دعوة المسلمين أيضاً، وإذا دعا له إخوانه، أو تصدقوا عنه نفعه ذلك.
*****************
الظاهر عليك يا أبابكر كنت بتدك حصة التربية الاسلامية .
| |
|
|
|
|
|
|
|
|
|
Re: نجح الاستاذ محمود بلا سلطة و فشل الترابي ر (Re: الهادي الشغيل)
|
كتب أحمد محمد عمر
Quote: الهادي الشغيل اصلو ما تسيبهم الأبكرات المستنيرين ديل
وريهم العلم الصاح |
ثم كتب أيضاً فيما بعد
Quote: انت كان هجست في الواطة وشفت ليك شغلة تانية البوست براهو بحتل وأسفل ذاتو ما بلم فيها .. بمشي الصفحة التانية
لكن كل ما تتلب فيه تشتم الناس بترفع فوق |
شفت يا أحمد محمد عمر انت إنسان متناقض كيف .. تطلب مني ( مع إني مامحتاج لتوجيهاتك دي) أن أستفيض في النقاش معهم وأجادلهم ثم تكون كالتي نقضت غزلها وتقول لي أشوف شغلة ثانية البوست يحتل ...
اسمع مني .. توجيهاتك دي احتفظ بيها لنفسك وخليك في حالك ما انت البتوجهني أقول شنو ولا متين أتداخل ولا متين ما أتداخل ... مفهوم ولا أوضح ليك أكثر
| Quote: ل ما تتلب فيه تشتم الناس |
اتحداك أقرأ البوست من أوله لآخره .. يا حبيب دونك البوست .. طلع أنا شتمت وين دي فرصتك ... الواحد يلوك الكلام بدل ما يطلق العنان للكيبورد حقه
عالم غريبة .. لالالا بطالة زي ما بيقول حبيبنا مجيدو
| |
|
|
|
|
|
|
|
|
|
Re: نجح الاستاذ محمود بلا سلطة و فشل الترابي ر (Re: الهادي الشغيل)
|
كتب حمد النيل :
Quote: الهادى الشغيل
يا أخى والله انت قوى
براااااك قادر على الجماعة ديل
كشفتهم بس فى حتة عدم الترحم دى انتهيت منهم
والله انا ما كنت قايلهم كدا
كل مرة بتتكشف لينا عنهم فكرهم الغريب دا حاجة
وكل مرة يفقدوا تعاطف زيادة
هم لسة فكر الجماعة ديل عايش؟؟؟
عافى منك يالشغيل |
يا حبيبنا والله ليس هذا من علم نحمله فكلنا سواء لكن فكر الجمهوريين هش وضعيف ورخو يمكن لطالب في المتوسطة أن يجادلهم ويفحمهم فهم ينافحون عن أقوال ساقها محمودهم لا تستند على دليل من الكتاب والسنة فتلقفوها وأصبحت من المسلمات التي لا جدال فيها ...
صراحة كده الجماعة ديل كيسهم فاضي وما عندهم ما عند جدتي .. فكر انتهى بمجرد أن أعدم المرتد محمود بعد شنقه .
تحياتي حبيبنا ،،،،
| |
|
|
|
|
|
|
|
|
|
|
Re: نجح الاستاذ محمود بلا سلطة و فشل الترابي ر (Re: أبوبكر عباس)
|
Quote: الفكرة كلها يا كيشة، إعتراضنا على عدالة الحديث دا
الحديث بتاع "إذا مات إبن آدم..."
لمان بدينا نتغالط فيهو الزمن داك كنا حايميين بلباساتنا ونتونس بيهو في بريك البلي. |
ومن أنت يا أبو شخه حتى تناقش عدالة حديث أورده المصطفى صلى الله عليه وسلم .. إنسان لا يعرف يستنجي ويجي يتطاول على الرسول الكريم صلوات ربي وتسليماته عليه
قوم لف ثم لف
| |
|
|
|
|
|
|
|
|
|
Re: نجح الاستاذ محمود بلا سلطة و فشل الترابي ر (Re: الهادي الشغيل)
|
Quote: سؤال كالآتي:
هل الدولة الممكن تقوم على الفكرة الجمهورية ممكن تحقق نجاح أكتر من دولة الكيزان؟ |
طبعا اكثر ما ضر السودان منذ الاستقلال الناس (الربع دماغ.).تدني في الوعي ما قلة ادب شديدة
اولا محمود محمد طه مفكر سوداني اصيل وليس ناقل وباء مفضوح"الاخوان المسلمين" بتاعة الترابي وهي جاية من مصر والمصري ثروت الخرباوي في كتاب اسرار المعبد وضح ان حركة الاخوان المسلمين حركة ماسونية والهدف منها تشويه الدين وتفكيك الدول العربية وقد نجح الترابي وتلاميذه الساقطين تماما
نرجع للفكرة الجمهوريه واجهل الناس بيها الكيزان والشيوعيين عشان نجاوب الساؤال التحفة الفوق ده
الفكرة الجمهورية عندها ملف سياسي عن كل ما دار في السودان لها رؤية سياسية للسودان وكيف يحكم ولها حزب يسمى الحزب الجمهوري وتسعى اسماء لتسجيله في مسجل الاحزاب والمحكمة الدستورية التي يعرقلها القضاة البروز وحثالات السودان القديم حتى الان
مشروع الحكم في الفكرة الجمهورية هي دولة مدنية فدرالية اشتراكية ديموقراطية من خمس ولايات وطرح زمن نص السودانيين ما بعرفو الفدرالية ذاتا شنو والكتاب اسمه-اسس دستور السودان 1955 في موقع الفكرة الجمهورية
وانا جبتو هنا زمان لمن البورد كان فيها ناس 75% دماغ..مش ربع دماغ ذى الهسة ديل
كونك تكون سوداني تستعدى الفكرة الجمهورية انت ما سوداني اصيل واحد من الحالات المستعصية في المركز (منبطح مصريا) ومشوه وما عندك قبيلة ذاتو..اي واحد ما عاجبو محمود محمد طه او جون قرنق او السيد علي او السيد عبدالرحمن المهدي يوينا قبيلتو شنو في السودان وقد يكون اسوا (عتل بعد ذلك زنبم) واوعكم تفتكروا االامر شخصي...
عودة السودان الاصل تمر عبر جون قرنق ومحمود محمد طه والسيد عبدالرحمن المهدي-الانصار- والسيد علي الميرغني-الختمية...اي حاجة غير كده بروز ونجلت وكعوك موجود في المركز فقط وخلاص وصل نهايتو الان...
برنامج الحزب الجمهوري في السودان 1955
http://sudaneseonline.com/board/260/msg/............%D9%87%D9%83%D8%B0%D8%A7--%D8%AA%D8%AD%D8%AF%D8%AB-%D8%A7%D9%84%D8%A7%D8%B3%D8%AA%D8%A7%...9%86-1261989037.html
| |
|
|
|
|
|
|
|
|
|
Re: نجح الاستاذ محمود بلا سلطة و فشل الترابي ر (Re: الهادي الشغيل)
|
Quote: وضاح ده رجعو ليهو قروش البص حقتو خلوهو ينزل .. راكب غلط
Ignore and pay no attention
لن أعيرك اهتماما ... انت عاوز ليك واحد يعبرك .. لكن ردي ليك ده آخر رد ..
قوم لمها
كسرة :
( أبو خريه) طالما ترجمتها وجهها لصاحبك أبوبكر عباس .. للعلم والإحاطة
|
ههههههه
نعم نعم نعم ما تعيرني اهتمام يا الحبيب ..
| |
|
|
|
|
|
|
|
|
 Re: نجح الاستاذ محمود بلا سلطة و فشل الترابي ر (Re: وضاح عبدالرحمن جابر)
|
الهادي الشغيل
Quote: كسرة :
مافضل ليهو إلا يقول ويصرخ بأعلى صوته ... والله ما مات . والله مامات .. انما هي غشية كغشية موسى وسيعود ليقتل المنافقين .
يا ررررررراااااااجل |
ربنا سبحانه وتعالى قال "ولا تقولوا لمن يقتل في سبيل الله أموات، بل أحياء ولكن لا تشعرون".. نعم قتل وبذلك حاز الحياة الحقيقية، حياة الشهيد.. أنا عندي الأستاذ شهيد ولا يحتاج مني إلى ترحم بل أنا الذي أترحم على شخصي ببركته وببركة الصالحين. "السلام علينا وعلى عباد الله الصالحين". بنفس المنطق أنا لا أترحم على النبي عليه صلاة الله وسلامه، بأن أقول "الله يرحمه" بل أطلب الرحمة لنفسي ببركة النبي وهذا معنى قوله تعالى عن لسان حبيبه وصفيه : "خذ من أموالهم صدقة تطهرهم وتزكيها بها وصلِّ عليهم إن صلاتك سكن لهم".. وهذا أيضا معنى قوله تعالى: "وما كان الله ليعذبهم وأنت فيهم وما كان الله معذبهم وهم يستغفرون" ولذلك قال أحد الأصحاب: "كان لنا أمانان من العذاب ذهب أحدهما وبقي الآخر". وهذا علم يوجد ما هو أعلا منه وهو أن النبي حي وموجود.
في بداية السبعينات كنت أصلي الجمعة في مسجد السجانة القريب من داخليات كلية الطب، وإمامه الشيخ مصطفى ناجي من شيوخ الوهابية "الله يرحمه ويغفر له" كان يقول عن النبي بكل جراة: "بشر بن بشر، ميت ابن ميت". ولذلك ينكر الوهابية على الصوفية الكلام عن الحضرة النبوية مثل قول الشيخ المجذوب نفعنا الله ببركته:
أناديك من بُعد وإني جليس من بحبي مشغول بذكري مترجم
قال الشيخ العارف عبد الغني النابلسي:
إن غبت عن عياني فأنت في جناني
وإن حجبك فكري عني بكل ما أعاني
فالنور نصب عيني والذِّكر في لساني
وعشان إكرام أبو بكر صالح أهديه وزوار البوست رائعة الشيخ المكاشفي "مرحب الجيلي" ليس بسبيل المكاواة للوهابي الشغيل وإنما بسبيل إكرامه وإكرام البوست وزواره من محبي الصلاح والصالحين:
مرحب الجيلي قائد الخيل إلى الحضرة"
والتحية إلى أخي الكريم إبراهيم عبد النبي الذي قام بكتابة القصيدة ومعاني بعض الكلمات في صالون الجمهوريين..
مرحب الجيلي
مرحب الجيلي،
يا وليّ الله، القائدَ الخيل،
إلى الحضرَة..
*********
من يرُومْ نَيْلِ،
*يعنَى لي آلاء
سيّدِي الجيلِي..
********
فيضُهُ كالسيل،
ينقذَك من هُول،
ورْطــة، لآآآ الميلِ..
********
أجُرْ بِيهُ الذيلِ،
أفْتخِرْ بيهو،
وافرَ الكيلِ..
********
آخرَ الليْلِ،
أنظرُو ألاقِيه،
أوائلَ الخيْلِ..
********
دا الفخِيم أصْلُو،
منهُ لي المخْتار، النّبي، وصلُو،
ربّه رام خصْلُو،
فوق مريدُو النار،
حاشا لمْ تصْلُو..
********
ما انْكتبْ اسْمُو، فوق كفن،
نُقِلَت النّار من جسْمو،
قال له لمْ تأكل!
وافِر القِسم، عند موْلاه،
طاهِرَ الرّسمُ..
********
من نشأ ورِعا،
ما انتهك حرمة، ناهجَ الشرعا،
طيّب الفرْعا،
بابَ اللهِ دوَام، الأسْتاذ قارِعا..
********
رامِقَنْ طرفُو، باطنَ الملكوت،
دائرَنْ صرفُو،
دا اليقيم الليل، جُوفَهُ يسُرْفُو،
بي شراب الذّوقْ!
الأمـّـة بتْعرْفُو..
********
بالخوفِ والطّمع،
لِيمَ اللهِ دوام! صاغي لِي السّمَعُ،
بي أوامرِ الله،
فائقَ اللّمعُ، البرُوق يحَكَنْ،
وقدةَ الشمْع..
********
دا الذباب ما دارْ،
فوق العَلِي جسمُو،
بالحفْظ، والمقدارْ..
لي الضعيف *يحَجَى،
في الدنِيّة،
وفي الآخرة، تلك، يُسَرْ..
********
كمْ، وكمْ، هو يطُوف،
البلادْ، والبِيدْ،
ناظـــرَ المكفُوف..
باعُه طايل،
لي أب سعيّة، وصوف،
في البِحار، وبِرارْ،
واليصيح ملهوف..
********
المنشئها *مضْبِي،
راجي حضرتْكم،
يلقَى داهُو طُبِي،
اسْقوهو من خمْرنْ،
الجلود تحْوِي،
والكريم بيهُ يقول:
أنا ليكَ كَفِي..
********
دي الصّلاة الشّاملة،
علي النبي المعصُوم، وآله متكامله،
بيها مكاشفي يفوز،
وزرَه العمَلا، بيّضُو يا مولاي،
بالعفو، أملا!!
********
*يعنَى: يقصد أو يتوجه إلى.
*يحَجَى: يقي ويحمي ويمنع.
*مضْبِي: تعبان ومنهك غاية الإنهاك من شدة المرض. ومنها في عاميتنا، ضباه: أنهكه وأرهقه.. وفي الفصحى: ضبا: لحا وأتعب وأضنى، حتى غيّر اللون.
| |
|
|
|
|
|
|
|
|
|
Re: نجح الاستاذ محمود بلا سلطة و فشل الترابي ر (Re: Yasir Elsharif)
|
الجمهوري ياسر كتب :
| Quote: أنا عندي الأستاذ شهيد ولا يحتاج مني إلى ترحم بل أنا الذي أترحم على شخصي |
ههههههههه ليه خلاص هو في مقعد صدق عند مليك مقتدر ؟؟ يعني ما محتاج للرحمة ...
شايفين يا جماعة أتحديته لحدي ما بلابيطو وقعت .. ما قدر يترحم عليه ..
انت مالك خجلان ما تقول هو إله الأولين والأخرين زي ماقال هو قبل كده حسب زعمه في بداية ضلاله أنه هو المسيح المحمدي، ثم ادعى الرسالة، ثم ادعى الألوهية، حيث قال لأحد تلامذته مودعاً له: (لا إله إلاَّ أنا فاعبدوني). وقال أيضاً عن نفسه أنه (الرجل الكامل الذى يحاسب الناس يوم القيامة)
عشان كده جماعته شايفين هو إله والإله لا يترحم عليه بل الناس يترحمون على أنفسهم ببركة الإله محمود ..
وقع ليكم ليه الجمهوريين ما بترحموا على هالكهم محمود الإله الكاذب .. عليك الله هو لو إله ماقدر يحمي نفسه من مقصلة النميري ليه ... حتى أن بعض الحمقى من الجمهوريين بعد ما أعدم صاروا يرددون ( وما قتلوه وما صلبوه ولكن شبه لهم ) .
تاني أتحداك ولبكره ياياسر .. ترحم على محمودكم ....
ههههههههههه
برضو ياياسر أنا قدام الناس وبتحداك تنكر القول الشطط الذي كتبه أبوبكر عباس في نفس البوست حينما قال :
Quote: يا شغيل،
الدنيا دار عمل، والآخرة دار حساب
هذه أبجديات الدين
كيف يعني زول مات، يلحقو بعد داك عمل من أهله في شكل رحمة في الآخرة؟
العدل بين العباد واحدة من الصفات المهمة لدى الله
هل يستقيم أن يرحم الله الميت الأهلو بدعوا ليهو، ويترك الما بدعوا ليهو بدون رحمة؟
هذا لا يستقيم يا رجل |
هل تؤيده ؟؟
رايك شنو في الكلام ده وهل توافقه ؟؟
أنت ضعيف شخصية ولن تستطع أن تنكر عليه لأن معتقدك رقيق وهش .
اتحداك قدام كل الناس والقراء
| |
|
|
|
|
|
|
|
|
|
Re: نجح الاستاذ محمود بلا سلطة و فشل الترابي ر (Re: الهادي الشغيل)
|
الهادي الشغيل
أنت مصر أن تسألني عن رأيي فيما قاله أبو بكر عباس هل أؤيده، وما هو موقفي منه.
مع أني لا أتفق معه في رأيه الذي ذكره إلا أنني لست مطالبا بذكر ذلك.. المهم أنني أحترم حقه في إبداء ما يرى، وهو يقول ما هو أكثر من هذا. ديني الذي أدين به هو أنه حر في أن يكفر وليس من حق أحد، لا أنت يا شغيل ولا غيرك، في غمطه حقه طالما أنه يعبر عنه بأسلوب سلمي.
ياسر
| |
|
|
|
|
|
|
|
|
|
Re: نجح الاستاذ محمود بلا سلطة و فشل الترابي ر (Re: Munir)
|
ياأبوبكر عباس مرحباً.. مشكلتك إنك زوول مادى، ولم تستوعب أن الوجود معنى ومحسوس ..
ففى عالم المحسوس تنفق جنيه تنفق ريال سيؤدى أثره فى إسعاد إنسان .. ولربما يبقى أثره لجنا الجنى تكون إنت المُنفق متَّ والمستفيد مات لكين أولاده مستفيدين وأولاد أولاده وأولاد أولاد أولاده كمان (ماتنس حديث الصدقة الجارية).. أمهاتنا بيقولن الرجال فى قبورهم وشايلين حمولهم (يعنى أجدادنا الزرعوا النخيل عندنا فى الشمال ماتوا زمان لكين زراعتهم مازالت مصدر إعاشة بناتهم وأولادهم .. وشوف بقى إعاشة البنات!! ).. وحتى سقيا جرعة ماء أو شق تمرة عندها أثر سعيد على الغير تؤجرعليه .. وفى كل كبد رطبة أجر (شفت الدِقة دى كيف؟) .. أها ده عالم المحسوس ...
فى عالم المعانى عندك الحب والكراهية والحنان والحسد والحقدووو .. كلها موجات غير مرئية متبادلة بين الكائنات وتتحكم فى أفعال ربما تكون قاتلة، أو أنها تدخل السرور فى الآخرين فيظل تأثيرها فيهم حتى وإن مات المؤثر .. ولذلك كلمة طيبة كشجرة طيبة أصلها ثابت وفرعها فى السماء ..وكذلك تبسمك فى وجه أخيك صدقة حتى وإن كان (وجه باسم) فى الإسفير :) .. فالغرض الأساسى هو إسعاد الآخرين وهو ما يؤجرك عليه الله رغم أنه لا ينال منه شئ .. فهذا العطاء المعنوى لن يحده زمان أو مكان .... فمن تبسمت بوجهه سيسأل الله لك الخير كلما تذكر ذاك الـوجه الباسم وسيسأل الله لك الرحمة لو مت .. يعنى الدعاء الإنت شايفه عبث ده هو رد فعل لعمل عملته فى حياتك أتاك بعد مماتك .. وما ضرورى العمل ده يكون إنفاق قروش أو ماشابهه .. بل ربما كان بسمة عابرة زى دى :) .. أو كلمة طيبة ..
إذن القصة ليست سوقية تجارية مادية كما يتوهمها عقلك القاصر .. فكِّر فى الدنيا مادة ومعنى.. ودنيا المعانى أرحب وأوسع ...
وكلمة أخيرة.. تأمل إنك تمشى تنوم وتانى ما تصحى وتلقى باب الصحيان إتقفل ..
| |
|
|
|
|
|
|
|
|
|
Re: نجح الاستاذ محمود بلا سلطة و فشل الترابي ر (Re: Munir)
|
يا أبابكر يا أخانا
| Quote: نفهم من كدا يا فرانكي، إنك ضد حرية الإعتقاد وتحرض على قتل تارك الدين الإسلامي؟ |
دا سؤال شنو دا؟؟
القانون السوداني نفسه ينص على قتل تارك الدين الإسلامي. ولكن أصحابنا عندما اصطدموا بحقيقة قوتهم تركوا مريم يحيى تخرج بطائرة إيطالية.. هذا وحده مؤشر على أن دولتهم إلى زوال في السودان مهما ظهر أنها قوية.
أما في السعودية فإن قتل تارك الدين الإسلامي أمر معروف ولكنهم الآن لا يجرؤون على تنفيذ حكم واحد بدعوى الردة عن الإسلام. لا يجرؤون.
الأستاذ محمود قال سوف يأخذهم الطوفان وها هو يفعل. النميري كان مدفوعا من السعودية لتنفيذ الحكم وقد شاهدت اليوم حلقة من الجزيرة الوثائقية اعترفت فيها بدرية سليمان بأن نميري كان يتصل بمكة والقاهرة ليطمئن على قرار تأييد حكم محكمة المهلاوي والمكاشفي طه الكباشي. طبعا السعوديون كانوا يعرفون أن حكم النميري سيزول وكانوا يعملون على نصرة السلفيين والأخوان المسلمين. هذا أيضا ظهر في الفيلم الوثائقي في عناوين الصحف. طابخو السم يتناولونه الآن رغما عنهم.
| |
|
|
|
|
|
|
|
|
|
Re: نجح الاستاذ محمود بلا سلطة و فشل الترابي ر (Re: Frankly)
|
يا أبابكر بن عباس
كدي شوف هنا.. المكفراتية في السودان هم الطوفان الحقيقي.. شغالين تكفير في الأستاذ محمود والصوفية وفي النهاية صاروا يكفرون بعضهم بعضا فهم كالنار "تأكل نفسها إن لم تجد ما تأكله"..
قام العريفي برص كلمات وقرأها بطريقة الترتيل فكان نصيبه التكفير من الشيخ الفوزان
| |
|
|
|
|
|
|
|
|
|
Re: نجح الاستاذ محمود بلا سلطة و فشل الترابي ر (Re: Munir)
|
| Quote: أمهاتنا بيقولن الرجال فى قبورهم وشايلين حمولهم (يعنى أجدادنا الزرعوا النخيل عندنا فى الشمال ماتوا زمان لكين زراعتهم مازالت مصدر إعاشة بناتهم وأولادهم .. وشوف بقى إعاشة البنات!! ).. |
حبيبنا منير .. مودتي يا أصيل ..
هذه الصورة رسخت في عقلي تماماً لأنك أتيت بمثال مما نعايشه حتى اليوم
قراءة بعمق وتجسيد للمعنى القرآني بأبدع الصور وأكثر فمهاً ..
يا سلام يا منير لقد رجعت إلى آية وبدأت أقرأها وكأنها أول مرة ..
نعم .. كم من أجيال تربوا ودرسوا وتخرجوا من ريع هذا الغرس
وأطعم الجائعين .. وإنت عارف يا منير الجوع هو
الذي يجلب انحراف وسوء الخلق والتفلت الاخلاقي ..
رجعت أستحضر نخيل أجدادنا وغرس آباءنا ونحن في نفس الطريق سائرون
أعذرني الحبيب منير اقتطفت هذه الثمرة اليانعة من كل هذا البوست ..
مودتي لا حدود ..
| |
|
|
|
|
|
|
|
| |
abubakr salih
د.أحمد الحسين
أبوبكر عباس
Yasir Elsharif
وضاح عبدالرحمن جابر
Munir
adil amin
محمد النيل
علي دفع الله
Frankly
علي عبدالوهاب عثمان
فيس بوك
تويتر
انستقرام
يوتيوب
بنتيريست