|
|
|
 Re: سؤال الاسفيري المعارض (Re: عبدالحفيظ ابوسن)
|
السؤال ناتج من ملاحظة
والملاحظة لا تكون دقيقة كونها تقدير ذاتي
يتبع الذات تقلباتها واهواءها ومزاجها
يعني بتكره كتابة زول من تخش ماتشوفو إلا هو .. مزاجك يعكر ويعكر تقيمك للامور بين قوسين احيانا
| |
 
|
|
|
|
|
|
|
|
Re: سؤال الاسفيري المعارض (Re: عبدالحفيظ ابوسن)
|
من إلتحاقي بالمنبر نصف 2013 لاحظت من هم كتاب السلطة ومن هم من اميل لهم
كتاب المعارضة ومن هم اميل لهم
وشهدت معارك اسفيرية ضارية وشرسة
وشهدت مناكفات ومداعبات
اقول كل المعارك الضارية اغلبها بين معارضين مختلفي وجهات النظر
كتابات كتاب الحكومة تلقي المداعبة والمشاغلة والهظار والطرافة
ف شنو
القصة دى محيراني
هل في اسباب ليها ؟
مقصودة ؟
ولا عفوا ساي
هل تعكس شي محدد؟
| |
|
|
|
|
|
|
|
|
|
Re: سؤال الاسفيري المعارض (Re: عبدالحفيظ ابوسن)
|
سؤال مستفز جدا يا حفيظ ..
انا مصنف نفسي كمعارض اسفيري ..
وفي اعتقادي أن في ذلك كسب وطني ..
ولكنه قليل جدا وقريب جدا من مرحلة انو يدخل حيز "سكاتي ولا الكلام النيء" ..
لماذا؟!!
لانو حتى هذا الكسب القليل جدا كان يحتاج لالتزام وانضباط عالي جدا في المجتمع الاسفيري .. وكان يحتاج للكثير من الوعي بطبيعة هذا الحيز واهدافو القصوى ودمجو مع التيار المعارض الكبير .. وهو الامر الذي لم امارسه شخصيا ...
على المستوى العام فالفداحة أكبر ..
لم يتم استيعاب ودمج هذا المجال في التيار المعارض في الواقع السوداني الحي .. بل كان العكس صحيح بذوبان الواقعي الحي في الاسفيري ...
واقعان ساهما في ذلك ..
واقع الهجرة والاغتراب ..
وواقع الاحباطات وضعف الهمة وطول الأمد ووجود متنفس موازي لذلك في متناول الموبايل او اللابتوب!!
مودتي التي تعلم
| |
|
|
|
|
|
|
|
|
Re: سؤال الاسفيري المعارض (Re: محمد حيدر المشرف)
|
ايوة يا مشرف مستفز جدا .. ولكنه ذلك الاستفزاز المحفز
ببقا السؤال
هل ملاحظتي صحيحة ولا محض توهم
اذا صحيحة يبقا السؤال مشروع
وإذا توهم بينا حوار
بلا شك حميد كان مستبصرا طويل الرؤية عميق الوطنية والانسانية
وتوقفت عند قوله سكاتي ولا الكلام الني
وهو قول لا يشبهه . كان مقاتلا شرسا شجاعا
الحدين ليس السكات او الكلام الني . يوجد طريق ثالث
فالسكوت حياد لا يشبه حميد ولن يقول كلاما نيا
اظنه مالكوم اكس من قال
في الدرك الاسفل من الجحيم اولئك الذين يلتزمون الحياد عند المنعطفات الخطيرة للوطن
قبل الخروج
ولا يشبهك الصمت
| |
|
|
|
|
|
|
|
|
|
Re: سؤال الاسفيري المعارض (Re: عبدالحفيظ ابوسن)
|
Quote: اقول كل المعارك الضارية اغلبها بين معارضين مختلفي وجهات النظر
كتابات كتاب الحكومة تلقي المداعبة والمشاغلة والهظار والطرافة |
أنا عندي رأي متطرف جدا:
ما اسميتها انت يا عبد الحفيظ معارك ضارية هي في الحقيقة (من وجهة نظري)
ليست بين معارضين مختلفين في وجهات النظر
بل بين معارضين حقيقيين من جهة، ومن الجهة الأخرى 1/ مدعي معارضة مندسين أو 2/ جهلة
أما المداعبات التي تلقاها كتابات ناس الحكومة فهي تكون من طرف ناس 1 و 2 أعلاه
أو ناس ما عندهم شغلة بالحاصل أصلا أو لا يؤمنون بدور المعارضة الاسفيرية
لكن من نِعم الله على السودان أن تأثير معارضة سودانيز أونلاين على الواقع يكاد (لا يذكر)
أعني على مستوى صنع ثورة على النظام
أما (ما يكاد يذكر) فهو التوثيق لجرائم النظام
ومنه ما هو حقيقي وآخر مجرد اشتباه قابل للاختبار
عندما يحين وقت الحساب في المحاكم
| |
|
|
|
|
|
|
|
|
|
Re: سؤال الاسفيري المعارض (Re: فرح الطاهر ابو روضة)
|
يا معاوية الزبير لو جبت ليك اسماء بشخصن الموضوع
في معارضين عديل مع بعض
وصدقت الثورة تقوم من ارض الواقع
ويحمد للاسافير كشفها الفساد
مداخلتك دي حسيت بيك راجعتها كم مرة وعدلت حتي كتبتها
مجرد احساس وارد جدا يكون كاذب
| |
|
|
|
|
|
|
|
|
|
Re: سؤال الاسفيري المعارض (Re: فرح الطاهر ابو روضة)
|
لأنو المعارضة ليست حزبا واحدا ياتمر بأمر لجنته التنفيذية و يتقيد بالمنفستو, ولأن المعارضة ليست قالبا معياريا ينتج اشكال متطابقة ولن المعارضة هي فكرة و مبدأ كل يؤمن بها ولكن تختلف الوسائل و المناخجوليست دينا بكتاب مقدس ونصوص
عشان كدا ادي ان يختلف معارضي الحكومة في ما بينهم فالإختلاف سنة الحياة و امر انساني طبيعي
أما القسوة و الضرب تحت الحزام فدا أمر يرجع لطبيعة الصراع و جذوره وربما الخبث الحكومي الى حدا ما في زرع الفتنة بين الكيانات المعارضة
الظرف الذي تراه لا يعدو بوستات ودا الباوقة وذلك لطبيعتها التهريجية طبيعة ود الباوقة الودودة, لكن مثلا بوستات علاء الدين التعاطي معها يختلف
| |
|
|
|
|
|
|
|
|
|
Re: سؤال الاسفيري المعارض (Re: فرح الطاهر ابو روضة)
|
| Quote: كتابات كتاب الحكومة تلقي المداعبة والمشاغلة والهظار والطرافة |
سلامات عبد الحفيظ وزواره الأكارم ..
إذا ما كنت متوهم افتكر دا بوست منبثق ..
انبثاقتو من جزئية غميسة قد لا يصل ليها إلا قارئ بذهن حاضر..
بوستات أهل الحكومة على وزن ...... ما يجيني طلحة طاير ههه ..
أو بالأحرى بدون تعمييم بوستات ود الباوقة ..
أنا شخصيا أحيانا بدخلا لطرافتها ..
لإنها بتديني إحساس الزول البخت الكورة قدامك وعايز يلحق يقيف في القون..
البقية مشهدي ليها لا يختلف عن معيار ود الزبير المرقّم ..
بس أحيانا معارضيين حقيقيين بلعبوا دور معارضة المعارضة ..
ودا في الحقيقة موقف مش بزعل بل بهزم روح المقاومة .
| |
|
|
|
|
|
|
|
|
|
Re: سؤال الاسفيري المعارض (Re: عبدالحفيظ ابوسن)
|
كتب عبد الحفيظ ابسن:
Quote:
ف شنو
القصة دى محيراني
هل في اسباب ليها ؟
مقصودة ؟
ولا عفوا ساي
هل تعكس شي محدد؟
|
عبد الحفيظ..حبابك يا صديقي
كنت منتظر دخول صديقي يحي قباني..لكن شكلو قنع من خيرا فيها..
داير النصيحة ولا الجنبها يا عبد الحفيظ؟
هي مقصودة ، وعندها اسبابها ، فناس شغالة بفقه التقية خوفا من النظام (البيفتكرو في وعيهم الباطن انو حقهم بطريقة او باخرى) وفي ناس شغالة بحكاية (جلدنا ما بنجر فيهو الشوك)..!!!
يعني اديك مثال واضح..محمد النور كبر يعارض نظام الجبهة الإسلامية بوضوح..معارضة عقلانية وليست عاطفية..ولكن اول من يطب عليك الناس البتعلن انها هي معارضة (ياخي حتى الأخطاء الإملائية بيعانوا ليها..) تملاك فقر لمن تحتار..تعمل فيها علماني انت غلطان..تعمل فيها معارض انت غلطان..تعمل فيها انصاري انت غلطان..تعمل فيها يساري انت غلطان..الخ..يعني لو قالوا دايرين الشمس ونزلتها ليهم ح يقولوا ليك دي ما ها الشمس..امشي جيب غيرها..!!
طاقية القدر مقاسك جاهزة:عنصري جهوي مسكون بوعي قبلي..!!
التجربة دي خلتني اسأل سؤال واحد: هل المعارضة ، خصوصا اليسارية ، وبالأخص الحزب الشيوعي ، مهمومة بقضايا الناس كلها في السودان ، ولا مهمومة فقط بقضايا النخبة المدينية في السودان؟..
انت في ذات نفسك يا عبد الحفيظ كنت قاب قوسين او ادنى من الإتهام بالعمالة والخيانة..وذلك في التعامل معاك لمن جبت اخبار احداث معسكر الورل في النيل الأبيض..يعني عشان ما جريت في هوى القطيع..قربت تلبس طاقية الخيانة..حصل ولا ما حصل؟..
قلت لصديقنا السنوسي بدر ، قبل قليل في بوست مجاور ، السبعة سنين الأخيرة علمتنا ان الصراع ليست له جبهة واحدة فقط أي جبهة نظام الجبهة الإسلامية الحاكم في الخرطوم ، وانما ليهو جبهات اخرى ، واشدها غدرا ما يسمى بجبهة المعارضة السودانية..!!
انا اعرف ان لا ارضية تجمعني بالنظام سواءا ارضية فكرية او اخلاقية ، ولكني اعرف الأرضية التي تجمعني به وهي المصلحة ، متى ماراعي ما انادي به من مصلحة فانا معه مرحليا وتكتيكيا والنظام يعرف هذه القاعدة..وانا اعرفها..وكل طرف في حدو..!
فما الذي يجمعني بالمعارضة فكريا واخلاقيا وتكتكتيا؟..ياخي حداشر مليون نسمة مافي زول عارفهم هم منو وقاعدين وين ومزاجهم شنو وقضاياهم اليومية شنو؟..والأنكي يجيك واحد حنكوش ويقول ليك نطالب بالتحول الديموقراطي واقيفوا معانا عشان اطلاق سراح المعتلقين الفي الخرتوم..؟..يعني سياسة شيلني واشيلك ساكت مافي..!!
اما الأسفير..فسوف اشرح قليلا في ردي على صديقنا ول ابا معاوية الزبير..
ودمت..
كبر
| |
|
|
|
|
|
|
|
|
|
Re: سؤال الاسفيري المعارض (Re: Kabar)
|
ول ابا معاوية الزبير..حبابك يا صديقي
كل سنة وانت طيب..
جدا يا معاوية نتفق معاك في معاييرك..
ولكن السؤال : ماهو المعيار الذي يجعل هذا معارض حقيقي وهذا معارض كشا مشا ساكت؟..
وعشان نكون اكثر وضوحا: القاعدة عندي طالما انت مواطن ولا تملك صناعة القرار في أي دولة كانت ، فانت بداهة معارض للحكومة الموجودة في تلك البلد..ببساطة لأن الحكومة في أي بلد كانت هي ظالمة وتملك كل ادوات العنف التي يمكن ان تقهرك بيها (سواءا ادوات معنوية مثل ايدولوجيا الدولة التي تفرض عليك او الوسائل من قوانين واجهزة قمع..ياخي حتى نظام الضرائب هو اداة قمع ناهيك من الأدوات التقليدية الأخرى مثل غياب الحريات العامة والحقوق الأساسية)..!
يبقى يا صديقي..وكت كلنا في الهوا سوا..اشمعنا ده اصيل وده مقطوع طاري ساكت..بمعنى ادق ده معارض حقيقي وده معارض نص نص او جاهل كمان؟..
الأسافير يا معاوية ، يا صديقي ، ليها شأنها وخطرها العظيم..العالم في العشرين سنة الماضية اتغير تماما: المعرفة بقت في الأسافير..النقاش والتفاعل الحر في الأسافير..نحن الآن يا صاحب قريشاتك في البنك بتاوق ليها بفضل الخدمات اونلاين..روشتة الدواء بتستلمها اونلاين..تأمين العربية او البيت اونلاين..تتونس مع طبيبك ونسة استشارة اونلاين..مراسلات العمل اونلاين..ياخي لو اشتهيت ليك بتزا حلال ساكت بتطلبها اونلاين وبتصلك في بيتك..!
لمن مشيت زرت السودان ، قبل سنتين في 2015 ، في نص شوارع الدلنج..احد الأصدقاء ، بعد ما طايبني قال لي: مالك داخل شمال في دكتور عشاري..!!
ياخي انا ذاتي نسيت دخلتي شمال في دكتور عشاري..وصاحبنا ذكرنا بخيطنا في سودانيز اونلاين..!!
ناس من قرى في غرب لقاوة..بتذكرني بالحاجات الكتبتها في سودانيز اونلاين..وفيديوهات المزيكا بتاعة مالي والنيجر..وبيطالبوا بالترجمة عشان يعيشوا الجو..ده غير الناس البتجيك من وسط السودان لأنك كتبت حاجة في سودانيز اونلاين ومست فيهم حتى لو طيف ذكرى ساكت..!
الحكومة تقفل سودانيز اونلاين..العالم دي تفتح الفيس بوك..يتقفل الفيس بوك يفتحوا الواتساب..يتقفل الواتساب يفتحوا تطبيقات جديدة ومواكبة..يعني الناس متواصلة..ورصيد جاهز منتظر الخطاب المجيه والمتماسك..!!
في اخر خمسة سنين يا معاوية..أي انتهاك حقوق انسان حصل في أي شبر في السودان ، الأسافير هي اول من ينبه ليهو..وكذا الفساد كما اشار صديقنا عبد الحفيظ..!!
الخلاصة يا صديقي ، الأسافير اداة فعالة للغاية ومحتاجة من يستغلها ويوظفها للمصلحة التي يرغب في تحقيقها..!!
البعض قاطعنا ، في هذا المنبر، بفهم ايدولوجي مجوبك ، وبلغ الحد لتحريض بعض اخر بانو ديل غرابة مجانين ويجب ممارسة العزلة ضدهم..ولكن هيهات..هيهات..!
ولا فخرا يا صديقي..المعارضة دي هسع ممكن نلمها..لغاية نجيب ليها فناني الحواري والشباب الحايم في الشوارع و محتاج قدوة..بالعلم والحساب واحد زايد اتنين يساوي تلاتة..لمن نلحق نسقط نظام الجبهة الإسلامية العامل فيها ضبان ضكر..لكن لي منو ولي شنو؟..يعني عشان نجي تاني نبقى حتة مغفل نافع زي السنين الفاتتة؟..
واحسبها يا صديقي..مما ناس زي ناس كبر صهينوا من نقة المعارضة..اهو براك شايف البركة الياها..!!
مافي زول يا معاوية في المشهد السوداني الحايم قدامنا اليوم بيقدر يخط معيار ديل معارضين حقيقين وديل مزيفيين..!..البعيد شنو من تراهم مزيفين وجهلة يكونوا قاريين الواقع اكتر من غيرهم..!
ودمت
كبر
| |
|
|
|
|
|
|
|
|
|
Re: سؤال الاسفيري المعارض (Re: Kabar)
|
سلامات يا حفيظ
تعرف آفة الأسافيــر مفتشيها
كل واحد يعمل فيها الزعيم ويحسب للناس أنفاسهم
وينصب نفسه وصيا علي العمل المعارض
وأن موقفه هو المعيار الأوحد
وأن رأي يخالف هذا الموقف (معارض مرخرخ)
الأسافير بها من الأوهام ما تنوء عن حملة الجبال
والمصيبة أن هذا الزعيم يدخل نفسه في هذه الدائرة الضيقه (المنبر)
ويتوهم أنه يحرك الأحداث علي أرض الواقع
ويختزل الشارع والجماهير في شخصه وأن الفعل يخرج من دنقوسه هو بس
| |
|
|
|
|
|
|
|
|
|
Re: سؤال الاسفيري المعارض (Re: محمد البشرى الخضر)
|
بما إنو -يا كبر- في أرض الواقع هناك غواصات وسط عضوية الأحزاب..
أقول هناك حيث العضوية تأكل وتشرب وتجتمع سرا وعلانية مع بعض
الوجه قصاد الوجه والنفَس يختلط بالنفَس.. يوجد غواصات
يكون من البديهي جدا وجود غواصات في هذه الأسافير
التي لا تعرف فيها عن معظم عضويتها سوى بضعة أسطر:
الشعر قرقد والعيون عسلية وتاريخ الميلاد 1/يناير و.. أعزب
بين هؤلاء يختبئ الغواصون مثلما تختبئ الدودة في جوف التفاحة
أما الجَهَلة فهم مَن لا يقرأون ما خلف السطور وما أمامها أيضا
فطالما معارضة الأسافير هي كتابة فمعيار القياس يكون القراءة
المعارض الحقيقي خَطُّهُ واضح و دغري يرى الفيل ويصوِّب بين عينيه
يعرف عَدوَّهُ كما يعرِف شهوتَه حين تُثار من قَرَمٍ
المُعارِض الحقيقي مَعرِفة لا تحتاج إلى تعريف أو علامة
لا يحتاج إلى ألف لام تعريف أو إلى إضافة
فليؤشر لنا عبد الحفيظ إلى طرفي شكلة إسفيرية بين معارِضَيْن
وسنفرز الغث من الثمين (بضم النون، أو كما هَذى المستنير قبل يومين)
| |
|
|
|
|
|
|
| |
عبدالحفيظ ابوسن
محمد حيدر المشرف
معاوية الزبير
فرح الطاهر ابو روضة
محمد البشرى الخضر
محمد على طه الملك
حمد عبد الغفار عمر
Kabar
عبدالعظيم عثمان
فيس بوك
تويتر
انستقرام
يوتيوب
بنتيريست