|
|
|
 Re: حبيبنا علي بدري و محمد عثمان شكراً اسرائي� (Re: علي عبدالوهاب عثمان)
|
تحياتي للدفعة .. والزمن الجميل ..
الاحباب علي بدري ، محمد عثمان
عندما قرات إسم أرتقاشا .. ثم قرنتي دبت الدماء في الاوردة والشرايين لهذه الارض والاصالة
=====================
كل مصائبنا كان من عبدالناصر .. أنا كنت معجب جداً ومهووس بعبدالناصر ، وجيفارا ، وكاسترو ، وجوموا كنياتا
شايف ولدوا عامل مشاكل في كينيا بالله الحكاية بقت وراثة حتى عند ناس جوموا كنياتا ، ما عارف باتريس لوممبا
يمكن ما عندو زرية .. وكمان كاسترو آخر العمر جاب أخوه .. والغريبة حكم الوراثة كنا نطلق عليها الرجعية ..
خلينا من شغل السياسة ونرجع لذكرياتنا
بعدين الكتابة بالعامية السودانية صعبة جداً لناس ضواحي الدنيا ..
ورغم ذلك نواصل
نواصل ..
| |
 
|
|
|
|
|
|
|
|
Re: حبيبنا علي بدري و محمد عثمان شكراً اسرائي� (Re: علي عبدالوهاب عثمان)
|
الاحباب على بدري ومحمد عثمان ..
يا سلام يا دفعة ذكرتنا أيام مظاهرات ضواحي الدنيا .. طول اليوم كواريك ولا حد جايب خبر نهتف (خليج العقبة مياه
عربية .. ناصر .. ناصر حتى النصر ) ومذيع صوت العرب على ما أعتقد كان إسمه أحمد سعيد ( زهايمر ) كنا ننتظره
بفارق الصبر .. ده كله كان على حسب الوطن والتنمية ودولار .. غريبة نهتف ( لا أمريكا ولا دولار) لحدما آخر الزمن
وقعنا في يد الكفيل .. وكمان مع الكفيل .. كتمت ..
دعني أتذكر تلك المظاهرة
| |
|
|
|
|
|
|
|
|
|
Re: حبيبنا علي بدري و محمد عثمان شكراً اسرائي� (Re: علي عبدالوهاب عثمان)
|
بعد النكسة .. طلعنا مظاهرة من البرقيق الاميرية الوسطى ..
وإتجهنا صوب السوق ثم المستشفى وامام المستشفى وقفت المظاهرة
وظللنا نردد بالانجليزي كمان بصراحة كنا شطار في الانجليزي ..
نهتف ( down down USA ) عمنا أحمد الله يرحمه ..
بعد المظاهرة ..
سألني عمي أحمد الله يرحمه ( أنتم عندكم وجع في العين )
قلت له ليه قال شايفكم أمام المستشفى تهتفوا ( داو دوا وجع العين )
او كما قال هو ( داو داو وجا الإين ) حسب لسان ناس ضواحي الدنيا ..
مع التحية ،،
| |
|
|
|
|
|
|
|
|
|
Re: حبيبنا علي بدري و محمد عثمان شكراً اسرائي� (Re: علي عبدالوهاب عثمان)
|
سلام على أنينقا
أثناء نكسة الخامس من حزيران (هزيمة يونيو) خرجت مظاهرات من جامعة الخرطوم والمدارس الثانوية تهتف Down Down USA
وصدف أن كان اثنين من البوابين والطباخين من أهلنا كانوا يعملون في منزل عميد المسرح المصرى يوسف وهبي ولما شافوا المظاهرة قاجة دخلوا معهم يهتفو... داون دواون يوسف بيه...
ههههههها
| |
|
|
|
|
|
|
|
|
Re: حبيبنا علي بدري و محمد عثمان شكراً اسرائي� (Re: Mannan)
|
سفيرنا الحبيب منان .. مسكاقمي ..
الهميم النوبي لك التحية ..
زمان كان في وعي الواحد في المدرسة الوسطي وفي آخر الدنيا
كان بقرأ ويتحدث في السياسة وبعمق ..
كنا نتفاعل من الاحداث في العاصمة ..
وأكبر مظاهرة خرجت في منقطتنا كانت أيام أكتوبر
أذكر أن ياسين عمر الامام كان ناظر مدرسة كرمة النزل الاهلية الوسطى
أذكر كان شخص طويل القامة يمكن أطول واحد في المظاهرة .. وهو الذي كان يهتف
لا أعرف في ذلك الوقت هل كان من الاخوان أو إتجاه حزبي آخر ..
شكراً سفيرنا ..
| |
|
|
|
|
|
|
|
|
|
Re: حبيبنا علي بدري و محمد عثمان شكراً اسرائي� (Re: محمد على طه الملك)
|
حبيبنا الملك .. سيرناقمي .. أورينتود
إكون آنج نل .. ووو أمبس ..
الملك أمبس .. رغم ذلك كان معظم أهلنا وخاصة في الجزر النائية
ورغم ضجيج الانتخابات أيام علي محمود حسنين وعزالدين سيد وقبلهم ناس أحمد مختار
ما كان عندهم الوعي الكامل إتجاه الحكومة أو لم يكونوا يهتموا كثيراً لمن هم في ذلك القصر الذي يسمى ( الجمهوري)
من ناحية الامن ما في محتاجين للحكومة لأن أصلاً ما في مشاكل ولا جرائم فقط آباءكم العمد كان يحلوا أعتى مشكلة
والزراعة كانت عن طريق السواقي ولا حاجة لبترول وقطع غيار .. وقطع غيار الساقية من اقرب شجرة سنط ..
أول مرة سمعت إحتجاج وسب للحكومة وحتى إقحامها في الحياة عند أول أزمة سكر ( عام 1976 ) وأول مرة نسمع مصطلح
التموين .. لأن السكر أصبح مهم جداً لأن الشاي كمان ثلاث مرات في اليوم وفي بعض الاحيان أربع مرات ..
لأن الناس توجهوا إلى شرب بكثرة بعد إنحسار شرب الدكاي والنبيت وكمان موية التمر .. عند حدوث بعض الوعي الديني
والدعاة في المساجد ..
الملك أمبس .. يمكن تكون جربت (ههه) الواحد لو شرب قرعة دكاي أو نبيذ .. لا يشتهي السكر ولا الشاي ولا قهوة وأحياناً يسبب طراش كمان
الشاي في الغالب زمان كان الحريم أكثر إستخدماً .. أما الترابلة مرة في اليوم أو مرتين .. في إنتظار مغيب الشمس ..
الملك تذكر أيام عيد الاضحى ما في واحد كان يشرب لا قهوة لا شاي ولا سكر .. فقط مع حبيبنا التمر ومشتقاته من السوائل ..
صدقني أنا خالي أحمد كان يقول النميري إستلم الحكم من عبود .. هههه
شكراً الملك .. مع التحية .. إنتو ناس إيماني مقر الحكم كان عندكم الجو تاني .. رحم الله الآباء
| |
|
|
|
|
|
|
|
|
|
Re: حبيبنا علي بدري و محمد عثمان شكراً اسرائي� (Re: علي عبدالوهاب عثمان)
|
عارف يا أستاذ ملاحظتك عن انتشار شراب الشاي بعد قل شراب الدكاي صحيحة ..
أكتر حاجة عجبتي واستسغتها في صباي الباكر الدكاي ..
وأكثر حاجة كنت مستغرب ليها الفقرا لما يشربو الدكاي ويمدحو ..
الشغلا دي أصلو ما كانت واقعه لي إلا مؤخرا بعد قريت حديث إنتبذو ولا تسكروا ..
قلت تراهم فقرانا كانو تفتيحة .
| |
|
|
|
|
|
|
|
|
|
Re: حبيبنا علي بدري و محمد عثمان شكراً اسرائي� (Re: Basamat Alsheikh)
|
حبيبنا الاعلامي الرائع الفاتح تحياتي ..
لهذا الطرب الجميل ..
الذكريات وإجترار الماضي وإستحضاره في هذا الزمن العجيب
هو الحل الوحيد للهروب من الضغوط الاخرى ..
الفاتح الحبيب شوف مداخلة الملك كيف عن ذلك الزمان ..
مودتي الاعلامي الرائع ..
عازين نشوف حاجة من أعمالك في التلفزيون
وخاصة سودانية 24 تصويرهم جميل
حاجة من اليابان من كوريا من تلك البلاد المجهولة حتى الان بالنسبة لنا
مع التحية ،،
| |
|
|
|
|
|
|
|
|
|
Re: حبيبنا علي بدري و محمد عثمان شكراً اسرائي� (Re: علي عبدالوهاب عثمان)
|
الشغلا دي أصلو ما كانت واقعه لي إلا مؤخرا بعد قريت حديث إنتبذو ولا تسكروا ..
الملك امبس ..
يا أخي ده تبرير جميل جداً ( إنتبذو ولا تسكروا )
تعرف ده أحسن وصف للدكاي لأن اصل الدكاي شراب راقي لا يدخل الانسان معه في عالم اللاوعي
حاجة كده في المنتصف يعني حتى ممكن الفقراء يصلوا ويقرأوا وكل شيء
وبعدين بدون رائحة نفاذه بل تزول بعد فترة قصيرة ..
في الصيف كان زمان المقاس المضبوط للدكاي ( رابع يوم ) في الصيف الحار ( مسرى )
كان دخل اليوم السادس يفقد التمر طعمه ويحدث نوع الرائحة الغير مقبولة ..
بعدين صناعته سهلة جداً شوية تمر وموية ..
حالياً أصبحت الحاجات من حكاوي التراث ..
زمان في عيد الاضحية الواحد كان يشم رائحة الكرشة والموشوق ..
هيروو وو ملك أمبس
| |
|
|
|
|
|
|
|
|
|
Re: حبيبنا علي بدري و محمد عثمان شكراً اسرائي� (Re: علي عبدالوهاب عثمان)
|
شكرا على ذكرياتكم الجميلة والرائعة...ومتابعينكم ..
اما لغتكم النوبية فمهمومة وعندنا مترجمة على مستوى
عال..اميرة بت السيد،،،تترجم ترجمة فورية..
لكن داون داون يوسف بيه على وزن يو اس ايه روعة..
=============
التحية للاستاذة بسمات .. وباقي الاميرات كمان
كل سنة والجميع بخير ..
الاميرات .. ما زلت أقرأ ترجمة بن لادن
ده كان شغل جميل جداً جداً وغير مسبوق
كل التحية وكل سنة والجميع بخير ..
ما عارف في أمريكا في خروف ضحية ؟؟
| |
|
|
|
|
|
|
|
|
|
Re: حبيبنا علي بدري و محمد عثمان شكراً اسرائي� (Re: علي عبدالوهاب عثمان)
|
والله يا استاذنا علي
صديقتنا امتثال كانت حتكتب ليكم قصة رائعة واروع من قصة بن لادن ..وبدات في
ترجمة كتاب عن المملكة العربية السعودية،، لكن الحلو ما يكملش....
مافي خروف ضحية هنا...لكن في اسر سودانية كتيرة بتضبح ويعزمونا ومرات بيعملوا رحلة
في حديقة ويعملوا شيات...وكثيرين برضه ما بيحسوا بطعم العيد...والخروف ثمنه يتراوح بين
٢٠٠ دولار و٤٥٠ دولار....
العيد التمام في السودان ...والعيد الصحي صحي على ضفاف نهر اتبرا ....الاتبراوي...ومع الاهل
والاحباب...لكن العيد هنا مسيخ ....وخروفهم مسيخ وغالي،،،عاوزين خروف السودان الطعمه حالي
( من حلو)...
وكل سنة وانتو طيبين)
ودمتم بالف خير وصحة وعافية
| |
|
|
|
|
|
|
|
|
|
Re: حبيبنا علي بدري و محمد عثمان شكراً اسرائي� (Re: محمد على طه الملك)
|
حسب ما سمعت قالو كان يساري قبل ما يتكوزن ..
......................................................................
الاخ محمد على طه الملك لك التحية
الاستاذ يسن عمر الامام كان عضوا فى الاخوان المسلمين منذ الخمسينات درسنا فى الاحفاد الوسطى هو والشيخ صادق عبدالله عبدالماجد
| |
|
|
|
|
|
|
|
|
|
Re: حبيبنا علي بدري و محمد عثمان شكراً اسرائي� (Re: Hassan Farah)
|
في حديقة ويعملوا شيات...وكثيرين برضه ما بيحسوا بطعم العيد...والخروف ثمنه يتراوح بين
٢٠٠ دولار و٤٥٠ دولار....
============
الاميرة إمتثال .. مع التحية
نفس السعر في السودان 3 مليون ( تقريباً 200 دولار )
طيب لو كده تمام 100%
تحياتي للاميرات وفي انتظار الكتاب
مع التحية ،،
| |
|
|
|
|
|
|
|
|
|
Re: حبيبنا علي بدري و محمد عثمان شكراً اسرائي� (Re: علي عبدالوهاب عثمان)
|
الاستاذ يسن عمر الامام كان عضوا فى الاخوان المسلمين منذ الخمسينات درسنا فى الاحفاد الوسطى هو والشيخ صادق عبدالله عبدالماجد
=============
حبيبنا حسن شكراً على المعلومة ..
حسب ما أذكر في ذلك الزمان
كان معلمي المدارس الاهلية في درجات وظيفية مختلفة
لم يكن يسمح لهم بالتدريس في المدارس الاميرية ..
الرجل رحمه الله كان عندو كاريزما ..
مودتي حسن ..
| |
|
|
|
|
|
|
|
|
|
Re: حبيبنا علي بدري و محمد عثمان شكراً اسرائي� (Re: Basamat Alsheikh)
|
شكراً الابنة بسمات ..
تعرفي أن الواحد أحياناً داخل العائلة يخلبط في أسماء الاولاد والبنات
لأن مما اتـضح لي أنتم كمجموعة واحدة مثل الاخوات تماماً
لا فرق .. وهذا دليل على قوة التواصل ..
الابنة بسمات أن مشكلتي في مخاطبة الاسم المؤنث
إلا بالعربية الفصحى معليش ..
لكن بعربي دنقلا مشكلة ..
مع التحية للاميرات
| |
|
|
|
|
|
|
|
|
|
Re: حبيبنا علي بدري و محمد عثمان شكراً اسرائي� (Re: الفاتح ميرغني)
|
بوست جميل مثل كل بوستاتك ومداخلاتك ،
تكتب بمحبة عن زمن و اماكن و احداث فلا
نملك إلا ان نتعلق بهذا الجزء العزيز من بلادنا
و ببساطة أهله الطيبين .
شكرا لك و لضيوفك .
==================
الاستاذة نعمات .. تحياتي ..
شكراً على المداخلة الطيبة ..
ما جعلني أكتب عن حاضنة الشمال السبب الرئيسي :
رغم مرور سنوات العمر فخبرتي عن المناطق الاخرى في الوطن محدودة جداً
وجزى الله الاغتراب خيراً أن جمعنا بالاخوة من كل مناطق الوطن ..
وبحكم أنني دائماً أجالس البسطاء .. ومثال ذلك مقاهي جدة فهم ملح الأرض ..
ففي مقهى الهنداوية ( قهوة كسلا ) هناك أبناء الشرق ( بورتسودان ) ورغم أنني لم أتشرف بزيارة بورتسودن
وجدت أنهم من أجمل الناس في السودان .. أصحاب نكات وقفشات ومتسامحين جداً وهم خليط من كل السودان
ونشأتي وتعليمي ووظيفتي كمعلم كلها كانت في حاضنة الشمال ماعدا زيارات قصيرة للعاصمة ..
وحالياً عندما آتي إلى الخرطوم في إجازاتي السنوية .. ترافقني بنت أختي وهي المسئولة عن تأجير السيارة
والشراء وكل حاجة تخص التفاهم مع البائعين ..
عندها أدركت أن عاصمة تحتاج إلى خبرة واسعة للحياة فيها ( مديني Towner )
من أجل ذلك كتاباتي وذكرياتي في حاضنة الشمال ..
تحياتي الاستاذة نعمات ..
| |
|
|
|
|
|
|
|
|
|
Re: حبيبنا علي بدري و محمد عثمان شكراً اسرائي� (Re: نعمات عماد)
|
حبيبنا الفاتح .. مودتي ..
أسمع كلام عمك علي ده ..
إنت زول موهوب .. وتلفزيوناتنا تفتقد لمواضيع كثيرة
وأنت تتجول في آسيا حاضنة القفزات الاقتصادية
بالامكان أن تعكس بعض اللقاءات والوثائقيات عن طفرة هؤلاء
ما عايز اٌقول وثبة لأن هذه الكلمة فقدت مصداقيتها في الوطن
ما عارف أي مصطلح يستخدموه ناس الحكومة يتحول إلى سخرية وكوميدا
وهكذا كل المصطلحات الجادة وسوف تفرغ من معانيها .. ومن ثم لن نجد مصطلح
وبدون مصطلحات ما في تقدم ..
شكراً حبيبنا الفاتح .. جرب نوع من التواصل مع قناة سودانية 24
فقط من أجل الوطن ..
| |
|
|
|
|
|
|
| |
علي عبدالوهاب عثمان
Mannan
محمد على طه الملك
الفاتح ميرغني
Hassan Farah
نعمات عماد
فيس بوك
تويتر
انستقرام
يوتيوب
بنتيريست