|
دعواتكم لزميلنا المفكر د.الباقر العفيف بالشفاء العاجل
|
|
 Re: العامل ياهو الضحية (Re: عبدالحفيظ ابوسن)
|
سعر 2145 ج
وقالوا مناسبة نسبة لإرتفاع الاسعار
ولأنهم لفو السوق وكدة
أكيد في لجنة طلعت ليها ميزانية ولفوا السوق وعرفو
ونشكرهم علي انهم يهتمون لأمر العامل .. وانهم حريصين علي شعيرة الاضحية البتجي كل سنة .. حريصين انو العامل علاقتو مع ربو تكون تمام لذا وفروا ليهو الخروف
وسبحان الله كانوا في الزمن بالظبط قبل الضحية
عاملين حسابهم جدا جدا
| |
 
|
|
|
|
|
|
|
|
Re: العامل ياهو الضحية (Re: عبدالحفيظ ابوسن)
|
طيب وكت انتو حريصين قدر دة
هل دار بذهنكم انو المبلغ دة مقارنا مع ماهية العمال مناسب ليهم ؟
يعني يضحو؟
وكت حسابين كدة راجعتو اجور العمال وهل هي مناسبة لمعاشهم
وهل بتفتكروا خصم 220 ج تقريبا شهريا سيؤثر في ميزانية العامل
يعني بتحمل دة
انتو بتقولو 2145 ج للخروف
وحددتو الوزن كمان
اذا افترضنا دقة الارقام دي
هل دة مبلغ الشراء ولا البيع للعامل
| |
|
|
|
|
|
|
|
|
|
Re: العامل ياهو الضحية (Re: عبدالحفيظ ابوسن)
|
المؤمن صديق
خلوني اعتبر انو كل الحاجات دى بتحصل بشكل نزيه وشفاف وواضح
يعني
البشتروا الخرفان ناس متخصصين وبشتروا بأسعار مناسبة . وبحاسبو المؤسسات بذات الاسعار وبياخدو عمولة مناسبة
والمؤسسة بتبيع للعمال بما يرضي الله ورسوله واحل الله البيع وحرم الربا
دة كلو تمام
لكن عندي ليكم اقتراح مبني علي واقع الحال
| |
|
|
|
|
|
|
|
|
|
Re: العامل ياهو الضحية (Re: عبدالحفيظ ابوسن)
|
البحصل سنويا
وفي كوستي دي وحسب مشاهدتي
انو العامل بشيل الخروف من المؤسسة وبفكو في السوق وبخسر
بخسر مبلغ كبير ما شوية
وبشتري خروف اقل وارخس او ما اشتري اصلا فهو احوج للمال
العيد ماكلو خروف
ولا كل مشاكلو خروف
اقتراحي
وقت اصلو انتو هدفكم الضحية
بدل تخسروا لجنة طالعة نازلة
وترحيل
وقروش لسماسرة
وقومة وقعدة
وفي النهاية معظم العمال او نصهم بحول الخروف لقروش
ما تدوهم قروش من الاول اقلاها ما يخسرو
هذا هو الحل الانسب
والهدف هو مصلحة العامل !!
| |
|
|
|
|
|
|
|
|
|
Re: العامل ياهو الضحية (Re: عبدالحفيظ ابوسن)
|
هل تعلم النقابة انو خروف العامل بنزل الاسعار
وسكر العمال في رمضان بنزل الاسعار
اسعار الخرفان والسكر
ممكن العامل يقدم لي خروفين ولا شوالين سكر
ماعارف ليه اللفة الطويلة دي
الهدف هو راحة العامل
طيب اقعدوا معاهم واسألوهم دايرين خروف ولا قروش الخروف
اذا كان اصلا الهدف راحة العامل
لاحظو اني ما خشيت في انها واجبة ولا مواجبة
وهل الرسول (ص) قال هذا عن امتي ولا فقراء امتي
ولا جبت كلام محمود محمد طه الذي يقول فيه انها لاتجب لا علي الفقراء ولا الاغنياء
الحساب معاكم هنا حساب مال
مصلحة ودنيا
مصلحة العمال وانتم ممثلين لمصالحهم مع السلطة
| |
|
|
|
|
|
|
| |
عبدالحفيظ ابوسن
فيس بوك
تويتر
انستقرام
يوتيوب
بنتيريست