|
|
|
 Re: ارجا سفيه ما ترجا عاطل (Re: عبدالحفيظ ابوسن)
|
شرح المثل زيادة خير
يقول ليك في الدعاء
اللهم أكفينا شر البيعة الكاسرة والولدة الخاسرة
اظنو دعاء سوداني
ف ارجا بتتقال يعني بكون فيهو خير . عاجلا ام آجلا
الزول العيبو السفاهة بترجي
عكس الزول البحب العطالة والتبطل
من لا يعمل لا يخطئ كما قيل قديما
من يعمل بقعد في الشاشة قدام الناس كلهم وبشوفوهو
وشوف الناس بخضعو للتقييم . أي زول شايل قلمو الاحمر ويصحح
اها التصحيح دة اي زول عندو اجوبة نموذجية حقتو براهو
ف شوف ذكاء الشعب السوداني في التقييم
| |
 
|
|
|
|
|
|
|
|
Re: ارجا سفيه ما ترجا عاطل (Re: عبدالحفيظ ابوسن)
|
السفاهة ليست صفة حميدة . بل قيمة سالبة
ولكنها ليس التقييم الاخير الذي لا رجعة فيه
السفاهة لاتحسب وحدها قصاد كل العيوب .
نقول عندها درجة سالبة وصفر وبعدها الدرجات الموجبة
مقاس من عشرين . مقسوم علي دين
لو السفاهة اقصي درجة السؤ ناقص عشرة ممكن خصلة واحدة جيدة تعادلها وتقفز عليها موجبا متخطية المقياس
السفاهة تخص صاحبها ولكن رجيانو يخص ناس غير
و
الداب نفسو قصر
| |
|
|
|
|
|
|
|
|
|
Re: ارجا سفيه ما ترجا عاطل (Re: عبدالحفيظ ابوسن)
|
انا لاحظت حاجة وقد تكون ما صحيحة
اننا ميالون لتبخيس انجازات الآخرين
ننشط فيها
وبنكون ظالمين جدا بنتعامل مع الاشخاص علي اعتبار ميزان واحد
ملاك او شيطان
وبننسي انو بشر
في ظني كلنا لنا بعض الصفات التي نجهد في تخبأتها . نجهد ان لا يعرف بها شخص .
اي زول عندو انحراف قد يكبر او يصغر
ف شنو
لامن نشيل قلمنا الاحمر ونصحح ما نصحح بطريقة ال mcq
الخطأ الواحد قصاد الصاح الواحد
| |
|
|
|
|
|
|
|
|
|
Re: ارجا سفيه ما ترجا عاطل (Re: عبدالحفيظ ابوسن)
|
حبيبنا أبوسن مودتي ..
عندنا هناك في الشمال ( ضواحي الدنيا ) وخاصة في الجزر النائية .. كان زمان الاباء
لديهم نظرة غريبة .. فكان الشاب الطيب الهاديء النوع الذي لا يشرب الدكاي ( مشروب محلي )
أو عرقي تمر .. كان لا يتعمد عليه ( طيب ومسكين لا فائد منه لا في المواجهات ولا في الفزع والنفير )
أما النوع الثاني هو زول النفير والفزع وحش التمر ويجمع العشرات من اصحابه فسيد البوغة ورفع جداول الساقية
كمان ينظم في الاعراس والضرب السوط والشكلة والعكاز ربما يقال له (شفت) بالعربي .. ولكن في حدود الرجالة بعيدا ً التهتك
فكان الكبار يعتبرونه حارس الحلة وحامي العرض والارض فهو الذي يتقدم في كل المواجهات .. على الأقل في مواجهة سفيه الحلة الاخرى
شكراًَ حبيبنا أبوسن .. ذكرتنا الدنيا زمان قبل أكثر من نصف قرن في تلك القرى والجزر والنائية .. المقياس كان مختلف جداً عن الوقت الحالي..
مودتي ولك التحية ...
| |
|
|
|
|
|
|
|
|
|
Re: ارجا سفيه ما ترجا عاطل (Re: عبدالحفيظ ابوسن)
|
حبابك علي
كيفك يا صاحب
شوف كما يقولون اكتشاف العمل نقل الانسان من مرتبة الحيوان للانسان
العمل يعطي قيمة للانسان ويخلق العقد الاجتماعي
اهلنا بقولو سفيه الاسرة ليهو موأول ولازم الاسرة يبقا فيها سفيه بكفيك شر سفاهة الاخرين . والعارف رضاك بزعلك .. بتعدي عليك لانو عارف عندك خطوط ومساحة
لكن سفيهك ماعندو حد بصل معاك اي مكان
لا سقف للخلاف عنده
| |
|
|
|
|
|
|
| |
عبدالحفيظ ابوسن
محمد البشرى الخضر
علي عبدالوهاب عثمان
فيس بوك
تويتر
انستقرام
يوتيوب
بنتيريست