|
|
|
 Re: نظام مرعوب (صورة) (Re: سيف اليزل سعد عمر)
|
أبو السيوف .. الشي شنو
أول مرة أسمع شرطة ملثمة
والغربية حتى قوات التدخل الخاصة البنشوفها في الأفلام
وشها مكشوف ما مغطى
تكون دي قوات ردع من نوع جديد !!!!!
البلد دي ماشة علي وين
مودتي
| |
 
|
|
|
|
|
|
|
|
Re: نظام مرعوب (صورة) (Re: عمر أبوعاقلة)
|
أي قوة فض شغب او نخبة أو مهمات خاصة أو مكافحة ارهاب معروف انها قناع الوجه جزء اساسي من اليونيفورم
ما عارف السبب بالضبط لكن اعتقد انه عرف عالمي والله اعلم
| |
|
|
|
|
|
|
|
|
Re: نظام مرعوب (صورة) (Re: محمد البشرى الخضر)
|
ياحبيب بطل مبرراتك الفطيره .... دا السودان ماتقول دا يونيفورم معروف الزول لمن يزعل بقول
ليك (طالعني برا او امرق لي برا) الزول البغطي وشو دا ماعندنا (موجوده عند الهمباته)
| |
|
|
|
|
|
|
|
|
|
Re: نظام مرعوب (صورة) (Re: الصادق آدم)
|
ويا حبيب انا ما ببرر أساسا دا رأيي كدا
إذ إنت فكرة ان النظام مرعوب بتريّحك .. ليكن عيش معاها بي راحتك و ان شا ء الله أمورك طيبة 
يا ابو عاقلة كدي قوقل SAWT و اختار صور , ديل بوليس برضك
| |
|
|
|
|
|
|
|
|
|
Re: نظام مرعوب (صورة) (Re: محمد البشرى الخضر)
|
ديل أمريكان يا عمّك وليهم تسلحنا
نقوم نقلدهم .. معقولة بس
بعدين السؤال: التغطي لزومو شنو ؟ دا الزيت
لأنه حسب فهمي المتواضع أنها قوات تتبع للأمن والشرطة وليس الجيش
يعني بتواجه مجرمين أو مدينيين وليس في ساحة معركة ومحتاجة للتخفي
والله أعلم
مودتي
| |
|
|
|
|
|
|
|
|
|
Re: نظام مرعوب (صورة) (Re: سيف اليزل سعد عمر)
|
| Quote: أي قوة فض شغب او نخبة أو مهمات خاصة أو مكافحة ارهاب معروف انها قناع الوجه جزء اساسي من اليونيفورم |
لا أبدا. ده موكب شعبى عادى عبارة عن تشيع جثمان لمواطنة سودانية...الموكب زاته مصدق ليهو..فى حالة زى دى استعدات الشرطة ما بتكون بتغطية الوجه..ممكن تجيب اي عدد من افراد الشرطة والسيارات والمواتر والحصين والعجلات للحماية وليس للتخويف والارهاب..القوات الخاصة هى التى تستخدم القناع لاحباط عمليات ارهابية مثلا..اذا الانقاذ قررت الدفع بمجرميها المقنعين من الان فهذا مؤشر خوف وليس من اجل حماية موكب..
ايضا مؤشر انه هناك قطاعات من الشرطة لا يثق النظام فيها..
| |
|
|
|
|
|
|
|
|
|
Re: نظام مرعوب (صورة) (Re: سيف اليزل سعد عمر)
|
Quote: ديل أمريكان يا عمّك وليهم تسلحنا
نقوم نقلدهم .. معقولة بس
بعدين السؤال: التغطي لزومو شنو ؟ دا الزيت
لأنه حسب فهمي المتواضع أنها قوات تتبع للأمن والشرطة وليس الجيش
يعني بتواجه مجرمين أو مدينيين وليس في ساحة معركة ومحتاجة للتخفي
والله أعلم
|
المسالة ما تقليد أمريكان لكن دي حاجة مهنية ومتعارف عليها و كل قوات التدخل في العالم غير الأمريكان يغطون وجوههم, حقيقة الموضوع شغلني و بحثت لقيت عدة اجابات و آراء مختلفة يتفق اغلبها على حماية العنصر الأمني من استهداف الارهابيين له اولعائلته فيما بعد خاصة وانه يعمل وسط مدنيين وهناك وسائل اعلام و تصوير
| Quote: لا أبدا. ده موكب شعبى عادى عبارة عن تشيع جثمان لمواطنة سودانية...الموكب زاته مصدق ليهو |
يا سيف خليه موكب شعبي لوكان تخريج روضة طالما تم استدعاء الوحدة دي لعمليات ح تجي لابسة زيها كامل غض النظر عن الغرض او طبيعة التهديد!
نجي للب الموضوع وهو فرضية رعب النظام كدي برواقة كدا قول لي ليه النظام يترعب والبرعبه شنو أساسا؟ المعارضة في اضعف حالاتها الحركات انت عارف الحاصل و الحركة الشعبية في رقبتها و في اليحلها و المعارضة المدنية بعد العصيان المدني السنة الفاتت لا يوجد اي تحرك رغم سوء الاحوال أكثر وأكثر و قادة المعارضة الصامدين كل يوم يترجل منهم أحد و آخرهم المناضلة الأصيلة الشيوعية الجد فاطمة رحمة الله عليها ترجلت وتركت وراءها بعض الشيوعيين القشرة و الذين يظنون النضال عبارة عن كذب و ابتزاز الناس في الاسافير
قل لي بربك ما - أو من - الذي يرعب النظام !!
| |
|
|
|
|
|
|
|
|
|
Re: نظام مرعوب (صورة) (Re: محمد البشرى الخضر)
|
Quote:
نجي للب الموضوع وهو فرضية رعب النظام كدي برواقة كدا قول لي ليه النظام يترعب والبرعبه شنو أساسا؟ |
يا ود البشري سلام
النظام يترعب لأنه عارف نفسه ظالم ومجرم وقاتل..اذا المعارضة فى أضعف وضع لها فا الشعب ليس بالشعب الضعيف..
والنظام اساس مرعوب من اي حشد شعبى..المعارضة المدنية هى نفس الحشود التى شاهدتها طردت رموز الانقاذ الذين إنسحبوا يجرجروا اذيال الخيبة...الشعب السودانى ده عنده برضه بناته و اولاده الذين يرفعون الراية ويحلمون بسودان خالي من الشرطة المقنعة الملثمة. سودان تمشي فيه المواطنة من همشكريب للجنينة دون ان تخاف من خطر او أعتداء..
الناس الشفتهم لم يشيعوا فاطمة فى الاسافير..
والناس الطردت رموز الانقاذ لم تطردهم فى الاسافير..
بل فى الارض فى الواطة دى..
ارجع واقول الشرطة الملثمة فى تشيع جثمان فاطمة هو دليل رعب وخوف النظام وأنه اصبح لا يثق فى قوات الشرطة المعروفة لدينا...
الشرطة الملثمة فى الصورة ليست شرطة بل أمنجية للحفاظ على الإنقاذ وليس ارواح الشعب...
| |
|
|
|
|
|
|
|
|
|
Re: نظام مرعوب (صورة) (Re: سيف اليزل سعد عمر)
|
ههههه بعد دا ماعندي حاجة اقولها طالما مصر على طيران العنزة يا ابو السيوف :)
| Quote: الشرطة الملثمة فى الصورة ليست شرطة بل أمنجية للحفاظ على الإنقاذ وليس ارواح الشعب... |
دي ثقة كبيرة خلاص البتقطع بيها يا سيف اليقراها يقول صادرة من قائد الوحدة عديل كدا!
| |
|
|
|
|
|
|
|
|
|
Re: نظام مرعوب (صورة) (Re: محمد البشرى الخضر)
|
اسمح لي انقل كلام الدكتورة اماني الامين (ريناس) في هذا الشان
بس شهاده للتاريخ عشان الجداد الالكتروني من امبارح مجروح ونشط للغايه 😂
طيب الهتاف ضد عبد الرحيم حسين وبكري حسن صالح والمعاهم في التشييع مابدا ساعة الصلاه على الجثمان ..
الحصل انه تلاته عربات لانكروزر حكوميه مظلله دخلت بشارع العزاء ووسط المعزيين بصوره قمه في الاستفزاز ..
حراسه مشدده وفاتحين القزاز بريبه يعاينو في الناس زي الجايين من الفضاء .. تعالي مبالغ فيهو ..
كانو ناس مفروزين مامن الشعب .. ماجايين ياجرو الناس جايين يمشو على رؤوسهم .. نفس منظر الواحده اللابسه توب حرير زاهي وكعب عالي وفاكه شعرها المعمول هسي في الكوفير وعامله فل ميك اب ودهب وماشه تعزي ناس في عزيز ليهم؟ مش منظر قمه في عدم الحساسيه؟ ده كان منظر الناس دي ..
كائنات فضائيه هنا تذكر كل من المشيعين غبنه الخاص تماما وهتفت الجموع ضدهم بدون مايعرفو الجوه العربيه منو 😊 #يافاطمه_دغريه_ضد_الحراميه
ثم انصرف الناس للصلاه على الجثمان في ميدان الربيع ..
كانت كل الجموع بتتاهب للصلاه خلف الجثمان لما ذات الاشخاص الفضائيين اطلو على الجموع ..
وطبعا كانو عايزين يترأسو الصفوف ويقفزو فوق رقاب الموجوعين .. (وصوره صورتين عشان الاخبار وصوت المذيع: وقد ام سيادته جموع المصلين .. الخ الخ)
حنق الناس وهتافهم كان عفوي جدا ..
ثم لاجساره -والكل كان في مقام الجسوره- تفوق ان يصرخ مدنيين عزل امام رؤوس النظام متمثلين في رئيس وزراؤه ووالي العاصمه و ترسانات النظام من قناصه وقوات نظاميه مصطفه بتاهب للانقضاض #ديل_الحراميه ..
وماهي حرمة العزاء والترسانات كانت مصطفه من بعيد وموجهه في وجه العزل -ساعة صلاه- ضاربه بحرمة الموت والجثمان والعزاء وهكذا (طلس) تلوكو السنة الكيزان من امبارح عرض الحائط ..
كلمه اخيره عشان قصة شيوعيين وكفار 😊
المشيعيين كانو كل اطياف الشعب .. الطبقه العامله اللي عملت لاجلها الراحله مزارعيين وعمال مع المثقفين والشعراء والفنانيين والكتاب .. بروفيسورات وطلبة الجامعات .. كبار سن وشباب واطفال .. ونساء فخورات بالفقيده .. والمغبونين الكادحين .. وكل الوان الطيف السياسي #ماعدا_الكيزان
| |
|
|
|
|
|
|
|
|
|
Re: نظام مرعوب (صورة) (Re: حيدر حسن ميرغني)
|
| Quote: المسالة ما تقليد أمريكان لكن دي حاجة مهنية ومتعارف عليها و كل قوات التدخل في العالم غير الأمريكان يغطون وجوههم |
نعم قوات التدخل يغطون وجوههم فى حالات التدخل لتحرير الرهائن او فض اشتباكات ونزاع وليس لارهاب مواطنين عزل فى ساحة عزاء .
الصورة معبرة جدا على الخوف الذى يسيطر على الكيزان .. ود البشرى بقيت تجليها واقفة .
| |
|
|
|
|
|
|
|
|
|
Re: نظام مرعوب (صورة) (Re: علاء سيداحمد)
|
| Quote: اغلبها على حماية العنصر الأمني من استهداف الارهابيين له اولعائلته فيما بعد |
هدفها الاساسي تغطيه وجوه العناصر حتى لا يتم التعرف عليهم.
مرات الارهابيين وعصابات المخدرات وحتى الاقارب ممكن يقررو ينتقمو
| |
|
|
|
|
|
|
|
|
|
Re: نظام مرعوب (صورة) (Re: علاء سيداحمد)
|
| Quote: نعم قوات التدخل يغطون وجوههم فى حالات التدخل لتحرير الرهائن او فض اشتباكات ونزاع وليس لارهاب مواطنين عزل فى ساحة عزاء |
مش ممكن يكون في ارهابيين او متطرفين زي الأطرش الكفّر المرحومة أو من آمن بكلامه يكون عايز يستغل التجمع و التشييع لعمل إرهابي! يبقى الشرطة تجي بكامل جاهزيتها و "يونيفورمها" لتغطية الحدث
| Quote: الصورة معبرة جدا على الخوف الذى يسيطر على الكيزان |
ههههه جانا علاء كمان !
خلاص يا معلّم الكيزان خايفين بايلين في لباسهم راجين قوله "وه" كدا و يطيروا
طالما الفكرة مريحة كدا خليك عايشها بكل تفاصيلها افيد للصحة
| |
|
|
|
|
|
|
|
|
|
Re: نظام مرعوب (صورة) (Re: محمد البشرى الخضر)
|
Quote:
ههههه بعد دا ماعندي حاجة اقولها طالما مصر على طيران العنزة يا ابو السيوف :) |
انا بالظبط دايرك تجئ تكتب مداخلتك دى يا ود البشري..بتاعة عنزة ولو طارت دى...
الشرطة جزء من الشعب وليست عدوة الشعب...تغطية الوجه بتم لعمليات اجرامية وإرهابية وعمليات خاصة وليست لحماية موكب تشيع جثمان...فى سبتمبر تم قتل المتظاهرين بعربات من غير لوحات..
وهنا كان ممكن يقتل مواطن من قبل هؤلاء الملثمين وما يعرف ياتو واحد فيهم كتلوا..
عشان كده قلنا ليك امنجية...قوات خاصة بتاعة امنجية خائفة من الشعب وليس من المجرمين..لانه المجرمين اصلا هم المعيننهم..
| |
|
|
|
|
|
|
|
|
|
Re: نظام مرعوب (صورة) (Re: اباذر عبد العال)
|
| Quote: طيب كان تقول كنت من اول مداخلة كتبتها ليك وريّحتك :) |
يا ود البشري نديك إستيتمنت تانية:
"هذه أول مرة يدفع فيها النظام الحاكم بقوات أمنية ملثمة فى مسيرة سلمية"
| |
|
|
|
|
|
|
|
|
|
Re: نظام مرعوب (صورة) (Re: سيف اليزل سعد عمر)
|
Quote: يا ود البشري نديك إستيتمنت تانية:
"هذه أول مرة يدفع فيها النظام الحاكم بقوات أمنية ملثمة فى مسيرة سلمية" |
طيب يا ابو السيوف هاك نفس الاستيتمنت بقراية من زاوية تانية :
للمرة الأولى تشارك وحدات التأمين ومكافحة الإرهاب الجديدة بعد تكوينها في حماية تشييع الراحلة
أو
للمرة الأولى تشارك وحدات الشرطة بزيها الجديد في تأمين تشييع الراحلة
اها رايك شنو؟
| |
|
|
|
|
|
|
|
|
|
Re: نظام مرعوب (صورة) (Re: محمد البشرى الخضر)
|
| Quote: وحدات الشرطة بزيها الجديد |
سلام يا ود البشري
فى كلمة ناقصة فى الإستيمنت حقتك دى. كلمة بين كلمتى الشرطة وزيها. إقتراح منى كده
شرطة (الانقاذ) بزيها الجديد
او شرطة (مكافحة الشغب) بزيها الجديد
أو الشرطة (الأمنجيه) بزيها الجديد
أو شرطة (الدعم السريع) بزيها الجديد
الشرطة منعت (الكدمول) فى دارفور ولبست (القناع) فى الخرطوم..مع انه الكدمول زى وزي اية عِمّة، طريقة لبسها تختلف من لبس عمة ود الجبل وترباس وغيرهم.
الشرطة فى المظاهرات السلمية لابد وان تكون واضحة ومعروفة ومكشوفة للمواطن وسياراتها مرقمة فوق وتحت وبالجنبات ووراء وقدام..فى نقاشات كثيرة جديدا حول استخدام القناع للمتظاهرين او الشرطة كلها بتدور بالطبع حول هل استخدام القناع فى المظاهرات قانونى ام غير قانوني.؟
اها تجئ شرطة (الدعم السريع) دى تكون مستخدمة سيارات غير مرقمة وتقتل المواطنين بدم بارد وفى هذا التشيع تلبس قناع وتعمل إستعراض فهذا ترصد مسبق للمواطن...
| |
|
|
|
|
|
|
|
|
|
Re: نظام مرعوب (صورة) (Re: سيف اليزل سعد عمر)
|
سلام سيف اليزل و الضيوف
4 سيارات كانت تحمل الشرطة اللابسين أقنعة سميكة و vests
وشايلين أسلحة أظنها كلاشات في البداية كانت الشرطة تقف أمام مجموعة
من المواطنين عند صالة الوصول ، ثم ظهرت مسرعة بعد سماع
صوت ضرب النحاس قريبا من بوابات الخروج من المطار حيث
تجمع الشيوعيون. و هم يحملون لافتات حمراء في هدوء.
أثناء خروج العربة التي تحمل جثمان الفقيدة عليها رحمة الله
كانت هذه القوات الملثمة تتحرك وسط السيارات و المشاة
الذين رددوا هتافات عدالة حرية .
مع الازدحام و بطء الحركة إنتشرت رائحة غاز نفاذة يختلف
قليلا عن رائحة البمبان و ليس له لون أو دخان. كان ذلك لحوالي
5 الى 7 دقائق . لوهلة فكرت بأن النظام ربما يخشى ان تستغل
جهة ما الحدث للقيام بإنقلاب خاصة و قد سمعت أشخاص بزي
مدني يتجادلون مع أصحاب السيارات و يدعون بأنهم مسئولون
عن تأمين مداخل المباني في المطار .
| |
|
|
|
|
|
|
|
|
|
Re: نظام مرعوب (صورة) (Re: سيف اليزل سعد عمر)
|
يا ابو السيوف ما مشكلة اي اسم تختاره ما حيفرق مع ادارة الشرطة و الاسم الحقيقي المسمية بيه هذه الوحدات طالما تسميتك حدها سودانيزاونلاين وربما الراكوبة في النهاية حايمة في اسافير الله دي :)
لكن | Quote: اها تجئ شرطة (الدعم السريع) دى تكون مستخدمة سيارات غير مرقمة وتقتل المواطنين بدم بارد وفى هذا التشيع تلبس قناع وتعمل إستعراض فهذا ترصد مسبق للمواطن... |
الكلام الب الاحمر دا (سيارات غير مرقمة و تقتل المواطنين) من وين جبته؟
اي نعم هي حي الله اسافير و اي شي لكن درجة معقولة من الدقة و المعلومات الصحيحة مطلوبة برضك
اللخ المجاني دا ما حبابه, ولاّ شنو 
| |
|
|
|
|
|
|
|
|
|
Re: نظام مرعوب (صورة) (Re: محمد البشرى الخضر)
|
قوات الشرطة الخاصة تستخدم فقط في مواجهة المسلحين
وليس لمواجهة مواطنين مسالمين عزل في تشييع سيدة مسنة
حضورهم مدججين بالرشاشات ولابسين السترات الواقية يعني حقا انا الحكومة مرعوبة
مرعوبة من الشعب
وحق لها ان تخاف
لأنها ضعيفة وتعرف ذلك
فقوة الحكومات بالتأييد الشعبي .. وليس بالسلاح
رحم الله فاطمة التي قادت الشعب وقوته حتى من داخل نعشها
حتى استطاع ان يسجل حدثا تاريخيا تناقلته وكالات الأنباء
متظاهرون يطردون رئيس الوزراء .. المفروض عليهم
وقريبا يأتي يوم يطرد فيه الشعب النظام
ولن تجديه اسلحته ولا قواته
ونراه قريبا
الباقر موسى
| |
|
|
|
|
|
|
|
|
|
Re: نظام مرعوب (صورة) (Re: Elbagir Osman)
|
| Quote: سيارات كانت تحمل الشرطة اللابسين أقنعة سميكة و vests وشايلين أسلحة أظنها كلاشات في البداية كانت الشرطة تقف أمام مجموعةمن المواطنين عند صالة الوصول ، ثم ظهرت مسرعة بعد سماع صوت ضرب النحاس قريبا من بوابات الخروج من المطار حيث تجمع الشيوعيون |
سلام يا نعمات..
النظام مرعوب...ده كان تشيع جنازة ما كانت محتاجة ليها لقناعات وكلاشينكوفات..الغريبة منطقة المطار دى كلها مكاتب لجهاز امن الانقاذ ورئاسة اجهزة أمن الانقاذ كلها على بعد امتار من المطار..
لكن حاولت تعمل استعراض لكنه فضح مدى خوف الانقاذ من الشعب. حتى هتافات يا فاطمة يا دغرية ديل الحرامية خلتهم يبلعوا ريقهم وتجفف شلاليفهم من الخوف...
شكرا على الطلة العزيزة نعمات
| |
|
|
|
|
|
|
|
|
|
Re: نظام مرعوب (صورة) (Re: سيف اليزل سعد عمر)
|
| Quote: الكلام الب الاحمر دا (سيارات غير مرقمة و تقتل المواطنين) من وين جبته؟ |
جبتوا من شهادات المواطنيين الذين قتلتهم الانقاد بدم بارد وسيارات بدون لوحات وأمنجية ملثمين كما تري فى الصورة اعلاه يا ود البشري..
راجع برضو برطمان الانقاذ...
| |
|
|
|
|
|
|
| |
سيف اليزل سعد عمر
محمد البشرى الخضر
عمر أبوعاقلة
حيدر حسن ميرغني
علاء سيداحمد
أيمن محمود
نعمات عماد
Elbagir Osman
فيس بوك
تويتر
انستقرام
يوتيوب
بنتيريست