|
|
|
 Re: ضمور ظاهرة الاغتراب؛ المغتربين!!!! (Re: عبدالمنعم الطيب حسن)
|
سنة 91 وانا بعد طالب مشيت ليبيا؛
الدينار بدولار؛
عندي 50 دولار؛
ليبي وصلني بتاكسي من سنتر بنغازي لحدت جامعة قاريونس
عشرات الكليومترات،
طلب 1/4 دينار!!
يا زول بس!
العقل الجمعي السوداني باكرا لخص القصة:
..........................
ليبيا واليمن ضياع زمن؛
| |
 
|
|
|
|
|
|
|
|
Re: ضمور ظاهرة الاغتراب؛ المغتربين!!!! (Re: عبدالمنعم الطيب حسن)
|
العقل الجمعي السوداني الحصيف،
اكتشف القصة باكرا في اول مراحل ذبولها؛
امتداها تمددها وطولها؛
...........
تاجر غرب؛ ولا مغترب....
اخو المغترب ولا المغترب؛
.........
ويا الغربة ان شاء تعقري
تعدمي الشيك الخدري
تعدمي القرش الفقري
كان شلتي العيال من بدري
..........
قابلت طالب في مصر؛
مشى ليبيا ورجع
قال لينا: ان غايتو اي زول مغترب في ليبيا ما بحترمو!!!!
..........
واحد من حلتنا قالي: بالله بعد ما تغنا تب وتنبسط جيب لي معاك جلابية....
كل ما انزل اجازة اقول ليه انت جلابية مشروطة؛
بعد عشر سنوات قالي:
انتا دورك ميت!!
........
| |
|
|
|
|
|
|
|
|
|
Re: ضمور ظاهرة الاغتراب؛ المغتربين!!!! (Re: عبدالمنعم الطيب حسن)
|
في مكة قابلت سوداني ليهو سبع سنوات ما رجع
ليه يا زول؟
مشيت لي خالي طالب الدين عشان اشتري اقامة؛
خالي رفض واحرجني؛
المهم جازفت ووصلت هنا؛ وكل ما اتذكرو بديها سنة!!!
ولمتين؟
اشتري ابزيق(اشارة للبوكسي) ؛ ابزيق دا بكويهو؛
واشتت نهائي؛
في الايام ديك جاء واحد من السودان بفيزا جديدة
ليه يا زول؟
هكذا سال اهله وهم يعرفون انه مرطب؛
اجاب:
بعت البوكسي واشتريت اقامة؛ وداير لي بطاح.....
,,,,,,,,,,,,,,,,,,,,,,
مات الخال؛
ولافي بوكسي؛
ولا بطاح
ولا رجعة؛
| |
|
|
|
|
|
|
|
|
|
Re: ضمور ظاهرة الاغتراب؛ المغتربين!!!! (Re: عبدالعظيم عثمان)
|
ليبيا واليمن ضياع زمن؛
تحياتي يا عبد المنعم
اتضح لاحقا ان فكرة الاغتراب برمتها ضياع زمن وضياع عمر
دا لو اعتبرنا ان مفهوم الاغتراب هو العمل خارج السودان مؤقتا بهدف جمع مال والعودة
وهنا يلزم التفريق بين مفهوم الهجرة و الاغتراب
وضاع المفتربون مابين المفهومين في ظل انظمة عربية نفطية لا تعطي اي حقوق للهحرة والتجنس للعاملين الاجانب وبلد الموطن الفيها مكفيها واخر اهتماماتها هى حقوق المواطن القاعد في السودان خليك من المواطن البرة السودان
ببقى الحل شنو؟
للاسف الحل جوة السودان وليس برة السودان...المعركة الموجلة بالداخل والتي فاتت على السودانيين لكنها لاتزال في انتظارهم والتي حاولو التحايل عليها والبحث عن حلول في الخارج.
| |
|
|
|
|
|
|
|
|
|
Re: ضمور ظاهرة الاغتراب؛ المغتربين!!!! (Re: Hatim Alhwary)
|
هلا بالاخ
عبدالعظيم؛
شرفت البوست.......
Quote: يا منعم إنت شكلك بتكتب في البوست دا وبتستف في العفش
أو قاعد تدفع في رسوم الإقامه
غير كدا ما تقعد تلاوز بالناس ديل الفيهم مكفيهم |
لا هذا
ولا تلك
ولا الدنيا باكملها تساوي ملتقى النيل في الخرطوم،
يا عظمة؛
...........
لما كنت في مراحلي المدرسية الاولى حتى منتصف الثانوي كدة.....
كتا لما اشوف مغترب برجف عديل كدا!!!
وبشوفو كانه خرافي وذو قدرات خاصة؛
والا كيف اغترب ورطب شديد كدا؛
وانا برليم في سنة اولى جيت السعودية عمرة....
تصدق في تلاتة شهور عملت فلوس؛
واشتريت بناطين ع الموضة؛ وقمصان مشجرة
وجزم،
وريحة ماربرت مان
وخنفست شديد،
وسمنتا؛
وقربتا اتفلهم!!!
واشتريت ون مان شوو
وعراريق رهيفة؛ وجزمة كشف لي ابوي؛
وتياب لامي؛ وخاتم دهب جنيه؛
وهو ذات الخاتم الذي صرفته لي عشان اسافر للقراية ام دق
محمد ابراهيم نقد، قال القراية ما ام دق
الكتابة هي ام دق!!
في اشارة لسيادة المشافهة عند السودانيين؛ وتجنبهم التدوين والكتابة والتوثيق؛
ولكن ذلك موضوع اخر،
........
يا عظمة واحد من حلة جنبنا رفض مغترب جاء من ليبيا وتقدم لاخته؛
وسبب الرفض انه جاء بالقطر ؛
ليه؟
هو طالب!!!
........
صاحبي خبرة قال لي نزلت الحلة بالليل خطبت بكرة الصباح وعرست اقرب جمعة؛
حتى لا تكتشفني العروس واهلها كوني جائي اباطي والنجم!!!
.........
واحد بطرح في برنامجوالانتخابي لزوجة المستقبل:
والله انا تفتيحة واعجبك؛
عندي عجلة؛ وناوي الاغتراب؛
الزول دا بالذات اغترب!!!
اعلاه كان رد صديقي المغترب عندما حكيت له النكتة الفوق دي،
.......
| |
|
|
|
|
|
|
|
|
|
Re: ضمور ظاهرة الاغتراب؛ المغتربين!!!! (Re: عبدالمنعم الطيب حسن)
|
تحياتي
موضوع الزواج بالنسبة للمغتربين يعتبر ركن اخر من اركان الفشل التي لازمت تجربة الاغتراب
ليس فقط تاخر سن الزواج الى بعد الاربعبن لكثير من المغتربين ولكن ايضا اختيار الشريك المناسب والمتوافق
مسالة الاختيار الصحيح مهمة لنجاح مؤسسة الزواج
وهى متعثرة او صعبة للمغترب لظروف موصوعية تتعلق بالاغتراب والبعد عن البيئة الاجتماعية المناسبة
وبالتالي نسبة كبيرة من المغتربين وقعت في اختيارات غير مناسبة
| |
|
|
|
|
|
|
|
|
|
Re: ضمور ظاهرة الاغتراب؛ المغتربين!!!! (Re: Hatim Alhwary)
|
Quote: دا لو اعتبرنا ان مفهوم الاغتراب هو العمل خارج السودان مؤقتا بهدف جمع مال والعودة
وهنا يلزم التفريق بين مفهوم الهجرة و الاغتراب
|
هلا يا حاتم
كيف انك يا امير؛
نعم منذ بداية هذا البوست قبل نحو سنة؛
قلت في متن هذا البوست وفي عمقه ايضا؛
ان اغتراب 90% من السودانيين هو هجرة راسا عديل؛
المغترب هو من يسافر لفترة محدودة باجل وبانجازات على ارض الواقع ثم العودة؛
للوطن؛
استاذنا بشرى جاء مبتعثا من وزارة التربية وعمل استاذا لاربع سنوات فقط في السعودية ورجع لوظيفته ثم تدرج فيها حتي اصبح مديرا للتعليم
ونزل المعاش قبل سنوات وما زال فاعلا في محيطه وقريته له التحية؛
من جاء معه لم يرجع حتى كتابه هذه الكلمات منهم من مات ومن من يتغرب ما زال
.وما بدلوا تبديلا؛
انهم مهاجرون بلا امكانية مواطنة؛
وهنا المشكلة التانية؛
اعرف ماسي للمغتربين من تجاوز سن المعاش
وما زال اطفاله قصرا
وهواصلا تزوج متاخرا لاعتبارات كثيرة؛
ياخ الشفع ديل داير ابو شاب يتحمل شيطنتهم وطاقتهم ومرضهم والتزامتهم الكتيرة.....
ان المغتربين السودانيين في الخليج مهاجرين بلا اي افق لمطلوبات الهجرة؛
ومميزاتها لمن ارتضى الوطن البديل؛
فشنو الان راجعين؛
ومن لم يفعل سيواجه التلاتة ممرات؛؛
| Quote: للاسف الحل جوة السودان وليس برة السودان...المعركة الموجلة بالداخل والتي فاتت على السودانيين لكنها لاتزال في انتظارهم |
لمن نقارن يا حاتم كمغتربين بجيلنا القاعد جوة الوطن؛
تراها المسافة قريبة لجهة الانجازات
ولجهة النتائج ولجهة النجاحات؛
قريبة جدا!!!!
تقريبا في نفس الحتة؛
برضو في ناس في الداخل مخرجاتهم الحيوية اكتر من في الخارج بدرجات!!!
الخارج يبذل كل ما ملك للداخل؛
والداخل
امورو ماشا ويطمع في المزيد من المغترب
المجهجه اصلا؛
فلا ابلا وثقت وبلا بكفه الحصيد روائعا؛؛؛
الان جايين جايين لانه خلاص ما في طريقة!!!
فشنو مشكلتنا حلها في وطننا وليس خارجها ابدا؛؛
فبالله
افرشوا بساط الحب؛
واغتفروا الذنوب
وباركوا هذه السنين الضائعة!!!!
سترجع الاف الاسر من
لسعودية
على اهلنا في الداخل استقبالنا بهدوء وبتفهم
وبحب؛
................
| |
|
|
|
|
|
|
|
|
|
Re: ضمور ظاهرة الاغتراب؛ المغتربين!!!! (Re: عبدالمنعم الطيب حسن)
|
تحياتي يا منعم
طبعا لو جينا للحساب ولد...فالمغتربين هم ضحايا ظروف اقتصادية وسياسية لاتزال قائمة بالسودان
وهم ضحوا بسنوات عزيزة من عمرهم من اجل اسرهم بالوطن وكانوا شريان حياة لكثير من الاسر ولايزالوا
وهم سبب رئيس لاستمرار حياة مجتمعات رفعت الدولة يدها عن اي التزام نحوهم في الصحة والتعليم والحياة الكريمة
وهم بشكل غير مباشر تحملوا المسؤليات التي هربت منها الدولة
| |
|
|
|
|
|
|
|
|
|
Re: ضمور ظاهرة الاغتراب؛ المغتربين!!!! (Re: عبدالمنعم الطيب حسن)
|
المغتربين حقين أوروبا وأمريكا وأستراليا
وآسيا الفتية ديل حكايتن حكاية
فقد تقطعت بهم السبل
وانداحوا في مغتربهم البعيد
وديل كظاهرة أسطع من حقين الخليج
لجهة قلة عددهم
اضمحلال دورهم نتيجة طبيعية لبعد
مكانهم وصعوبة الوصول
زول من حلتنا عندو ولدو في دولة غربية
رسل لاخوهو ابوهم حلف بالتقطعو
مبررا ان كندا دي دربا بعيد ....
| |
|
|
|
|
|
|
|
|
|
Re: ضمور ظاهرة الاغتراب؛ المغتربين!!!! (Re: عبدالمنعم الطيب حسن)
|
اها زي ما قنا انو الطير بياكلنا؛
المغتربين حقين الغرب عموما؛ ديا اكتر ناس
ادوا لضمور ظاهرة الاغتراب والمغتربين؛
قول لي كيف؟
ياخي بشتغلوا في مهن؛ غير تخصصاتهم؛
صديقي عمر كان معانا هنا في الخليج يعمل استاذا لا يشق له طبشورة؛
مشى امريكا سائق باص
ثم عمل في لاندوري لاحقا؛
صديقي عاطف تخرج بتفوق؛
يعمل في مصنع؛ عاملا....
والمحصلة متواضعة جدا امكن اقل من الخلايجة!!!
...............
صحيح بعضهم ضربت معاه اللوتري وشتت؛
لكن يعاني؛
وبعضهم اللوتريون رجعوا؛
وبعضهم لم يفعل؛
على العموم؛
ثم ان الوطن الاول؛ لا بديل له الا الوطن الاول؛
................
فشنو؛
ضمُرت؛ ضمُرت
يا متغربين ازيكم ماكن طيبين كيفنكن؛؛؛
؛؛؛؛؛؛؛؛؛؛؛؛
وان جارت علينا مغتربات؛
نرجع لوطنا بجيرنا....
...............
| |
|
|
|
|
|
|
|
|
|
Re: ضمور ظاهرة الاغتراب؛ المغتربين!!!! (Re: عبدالمنعم الطيب حسن)
|
بعدين السنون ياخ؛
اتمطَّن؛
واستطالت حواجز؛
ونهض الف باب؛
في طريق العودة اذن؛
وهنا القعدة شبه مستحيلة؛ للسواد الاعظم؛؛؛
..............
صاحبي كان معانا عمرة...
اشترى اقامة؛
وصرح انه جاء نهائي.....
اها الجية النهائية دي؛
مربطة بمصروفات عالية لزوما؛
او الخروج النهائي؛؛؛
اكبر جالية سودانية خارج البلد موجودة في السعودية....
فشنو
.........
كتمت؛
.........
قبل نحو عشرين عاما قال صديق:
المغتربين ديل لو كلهم رجعوا بسقطوا الحكومة دي طوالي؛
| |
|
|
|
|
|
|
|
|
|
Re: ضمور ظاهرة الاغتراب؛ المغتربين!!!! (Re: عبداللطيف خليل محمد على)
|
Quote: اخي و الله كلامك دا .. كللللو صاح ..
الا لمن أبا ....
لكن ..
ما تكون واضح شدييييييييد كدا !!!
خسوساً اليومين دي ..
تحفظ شوية على بعض الحقائق ( البتهري )
|
الاخ لطيف؛
تقبل عاطر تحياتي...
قبل نحو عشر سنوات ايام التلفون بتاع الكبينة التي تبث المكالمات على الهواء مباشرة؛
سمعت سوداني يتكلم مع صديقه العريس في السودان؛
ويبدو انه اختار له عروسة؛ ووعده بالصور؛ وربما الفيديو...
والله يا لطيف انا استغربت ذاتو انوعمك دا لسع ما متجوز؛فهو رجل شديد التهذيب؛ وفي حالو؛ ومنعزل نوعا ما؛
بس الزواج دا قرار فردي؛ وفي اي مرحلة ما بطال كعب العدم؛؛
بعد سنتين تلاتة اشوفليك عمك معاه طفله صغير؛
وبعدها بكم سنة اخوهو؛؛؛
الرجل الان نزل معاش؛
واولاده في اولى مراحلهم
الدراسية؛
اعتذر ان ليس هنال من شيئ شخصي في القصة؛
ولكنها ظاهرة عامة ومتفشية بشدة؛
سي سي لحاتم الهواري؛
...................
عارف يا لطيف ظاهرة الاغتراب والمتغربين
ضمرت واضمحلت؛
ما من شوية؛
..........
الحقائق دي يا لطيف مبذولة لدى عامة الشعب؛
وهنا فقط نعيد انتاجها ونطرقها طرقا خفيفا؛
وبرضو متحفظين شوية؛
لان الواقع وانت سيد العارفين انكأ؛
......................
وظلام الحاصل عني؛
خلاصه بان نصحى كشعب؛
مشكلتنا حلها في السودان؛
وليس دول الاغتراب؛
| |
|
|
|
|
|
|
|
|
|
Re: ضمور ظاهرة الاغتراب؛ المغتربين!!!! (Re: عبدالمنعم الطيب حسن)
|
Quote: نعم منذ بداية هذا البوست قبل نحو سنة؛
قلت في متن هذا البوست وفي عمقه ايضا؛
ان اغتراب 90% من السودانيين هو هجرة راسا عديل؛ |
هوووي ياحاتم الهواري والمرور الكريم؛
ياجماعة البوست دا مبتدر ليهويومين تلاتة لا اكتر؛
تلقاهو اي زول يقرا البوست دا يقول الزول دا اتلحس ول شنو؟
هنالك بوست موجود بنفس الصفحة الاولى لي؛ يدور حول الاغتراب والعودة والامور الزي دا؛
فاختلط على المر واشنبك؛
وتلخبط البوستان؛
فعذرا؛
للخطأ غير المقصود؛
والذي لا اعتقد انه يفوت على نباهتكم؛
..........
ودي فرصة كمان منها ديس ومنها نرفع البوست؛
.................
وسلام مربع وخاص للمغتربين كلهم؛ اصدقائي الطيبين؛
الذين ضربوا فيافي الارض؛
لتحسين الحال؛ والرجوع؛
فطال المكوثا لظرف خارج ارادتهم في الغالب؛
نحن ضحايا؛ فشنو هوًّنوا على انفسكم ولا تحملوها فوق طاقتها؛
........
من هنا لحدت اخر سوداني قاعد في اقصى نهاية العالم؛
واقول لهم:
كلنا في الهم اغتراب؛
وفي الوطن احباب؛
وكلنا اخوان في الانسانية؛
وتسلموا جميعا وميعادنا النيل ابونا
وفي وش الفجرية....
| |
|
|
|
|
|
|
|
|
|
Re: ضمور ظاهرة الاغتراب؛ المغتربين!!!! (Re: عبدالمنعم الطيب حسن)
|
والله الكلام في الموضوع دا بحسسني بغبن من كم حاجة
اولا الاغتراب من اسباب انحسارو للسودانيين هجرة الاخر من كثير من الجنسيات واصبحنا لسنا بالخيار الاوحد ..من ناحية
وناحية اخرى اصبحنا نخرج بلا تاهيل في زمن التهيل وحتى البلاقيك معاهو او معاها دكتوراه ابسط قوانين الحياة مابتكون ملمة بيها ...
المغترب او المغتربة يعتبر مهما قل مكانو هو عماد لاسرته ..يعالج ويعلم ويبني البيت ويقوم بمنصرفات الحياة والزنقات لكل العايلة المرض والعمليات المفاجئة ..الشيلة للبعرس ....الخ
المغترب بين نيران وبراكين العشم للجميع رسلوا لينا وجيبوا لينا وفي النهاية يقولو المغترب انتهى ؟؟
كيف انتهى واقل مرتب لمغترب يعادل كم ؟؟المصيبة في الناس الاهل والاصحاب الجميع يعتبرونه خاتم سليمان رسل لينا وجيب لينا والغريب بكل جحود لايشكرون ولايحمدون جميعهم ودي حكايات تطول وتطول سردها
تقننت فكرة الاغتراب واصبحت تنافس بين العالم بالمؤهلات ولذلك تضمر الفكرة في البلاد التعبانة وانتو براكم بتفهموا المصيبة
شكرا لصاحب البوست ولكل اصحاب الوجعة ...اصحاب عم عبدالرحيم مع اختلاف الامكنة والازمنة والة الطحن ....
| |
|
|
|
|
|
|
|
|
Re: ضمور ظاهرة الاغتراب؛ المغتربين!!!! (Re: أحمد علاء الدين)
|
عوانس الغربة من الرجال !!
*أحمد علاء الدين
كما ارتبطت كلمة عانس بالمرأة التي فاتها قطار الزواج، فإن بعض المغتربين والذين تجاوزت غربتهم أكثر من 30عاماً "من أمثالنا" قد أصبحوا - سبحانه الله - وبقدرة قادر من عوانس الغربة، وحقيقة فإن 33 سنة في بلاد الغربة كافية جداً أن تؤدي بصاحبها إلي الترهل والكبر، قبل أن يزف إلى المنصورية .. أو أم الحمام التي أصبحت بعد التعديلات والتسويات مقبرة واسعة تستبشر بالقادمين إليها من جامع الملك خالد عبر الأكتاف.. الغربة .. ملل ومعاناة ، وروتين، وضغوط نفسية، تسبب الضيق والضجر ، وتطرق أبواب الحياة أحياناً هموم تحمل الهم والغم والسهر، وتشعر بالهوان والضيق والضياع وفقدان الهوية والشهية وأمراض شتى وبمسميات متعددة - ما انزل الله بها من سلطان - تسري في الأجسام السليمة وتبث سموم الآلام والأوجاع والنتيجة الحتمية هي الإحباط وكآبة المنظر .. فكم بالله من مغترب غير طريقة مشيته واستعان بالعصا والعكاز بسبب أمراض الغضروف والروماتيزم والرطوبة وهو في مقتبل العمر، وآخر أصبح يصلي علي الكرسي ولا يقوى على السجود و قد كان بالأمس يتهجد أناء الليل وأطراف النهار، وهذا مغترب فاته أجر أن يمارض أبويه في آخر أيامهما ولم يرهما حتى فارقا الحياة فعاش في حسرة وندم ، وآخر في ريعان شبابه يحمل في فتحات جيوبه ما لذ وطاب له من حبوب الضغط والسكري، و أذكر أنه بالأمس القريب ودعنا صديقنا، الذي صعد إلى باب الطائرة على مصعد خاص لذوي الحاجات الخاصة، وقد تجاوز اغترابه الثلاثين عاماً وهو ذاك الفتى الذي أتى يافعاً في ريعان شبابه وعاد الآن شيخاً محمولاً على الأكتاف يحتاج إلى من يساعده بعد أن قضى أكثر من عامين بدون عمل وهو يبحث عن لقمة عيش كريم بين الجمعيات وشقق الأصحاب والمعارف، وأهله بالداخل القصي يتضرعون جوعاً وتشتتا فأضاع وقته وشبابه وفاته عمره .. و هذا آخر اضطرته ظروفه المأساوية القاسية وحاجة نفسه الضعيفة والأمارة بالسوء إلى ارتكاب المخالفات المالية بأنواعها وأودع إلى سجن حائر .. صدقوني قد ضاعت أسر بأكملها .. وتشتت أفرادها وما خفي كان أعظم. حقيقة .. لقد أصبحت الغربة في هذا الزمن قضاء وقت بلا طعم ، وسجن بلا حكم، وقبل هذا وذاك فقد ولى قطار العمر وفات إلى غير رجعة مع غربة لا تعرف للشط طريقاً .. و لم يعد المردود المادي كما كان في السابق .. وإذا كان هذا حال الغربة بكل ما أفرزتها من سلبيات أضرت كثيراً بصحة المغترب وسمعته .. فلماذا لا نعيد البصر كرتين في كنز القناعة ونرفع هاجس الخوف من صعوبة العيش في الوطن ؟ و هل صحيح إن عدنا وعاد بنا الحال سنعاني أكثر مما نعانيه الآن ؟ شخصيا .. لا أعرف الاجابة .. ولا أحكم على غائب ..ولكن في تقديري لا بد من زيارة خاطفه للسودان حتى يكون قرار العودة قراراً صائباً و طوعياً ، فالقناعة كنز لا يفنى كما يقال، وما يزال "إنشاء الله" متسع من الوقت ونلحق بقطار العمر ونسترد معه بعض العلاقات الاجتماعية الطيبة التي ضاعت وسط أمواج الغربة بدلا من العيش على فتات الذكريات الجميلة خاصة أننا في كثير من المناسبات قد لا نجد أصدقاء الأمس، ونفتقد الشفرة التي كانت مفتاح التعامل مع الآخرين .. والله المستعان.
وقفة :-
يا غربة طالت وفاقت حدها
مل الفؤاد وليت يكســـر قيدها
سجن به ريعان عمر ضائع
أزهى سنين العمر فيه قضيتها
حسناء تبدو في جمال رائع
والكل يلهث أن يفوز بحبـــها
فتانة ملكت قلوبا وأقسمت
أن لا تمكن عاشــقا من خدها
سحر وحسن يستبيك لعشقها
تغريك ثم تفننت في كيــــــدها
كل الأماني تستحيل وتنتهي
إذ ما رأيتك طائرا في ســـربها
يكفيك إحساس الجميع بأنهم
كل غريب أجنبي بأرضـــــــها ..00
| |
|
|
|
|
|
|
|
|
|
Re: ضمور ظاهرة الاغتراب؛ المغتربين!!!! (Re: أحمد علاء الدين)
|
استاذي الصحفي الهمام
احمد علاء الدين؛
لقد ابدعت في الغوص في مراراتنا
وهزائمنا
ونحت عنا جميعا
بلسان الكل إذن
عبرت عنا وقد عبرت مياه كثيرة تحت الجسر
وفوق الجسر
ونحن محلك سر
سر فلا كبا بك فرس
سر منظوم في جوف الليل
أبنت الامر
إذن نحن اولاد النهار دا
نحن أبناء هذه اللحظة الراهنة
نحن أبناء الشمس
في اي مكان نعطي الضوء والدف
والخبز والأمنيات
........
شكرا اخي الكريم ليس بعد قولك قول
إذن يا النيل جاك زول....
عطشان
ومحب
ومتيقن؛
متيقن جدا
لا أسف ولا محزون
......
سلام وتحية لكل من لكل من تورط ووصل حتى هنا...
سلملم
| |
|
|
|
|
|
|
| |
عبدالمنعم الطيب حسن
أبوبكر عباس
عبدالعظيم عثمان
Hatim Alhwary
عبداللطيف خليل محمد على
نعمات حمود
جمال ود القوز
فيس بوك
تويتر
انستقرام
يوتيوب
بنتيريست