عملو بروموا وقالوا للناس اشتركوا في القناة والحلقات حيتم عرضها في رمضان جاء رمضان وما ظهرت الحلقات قالوا للناس حيبدأ بث المسلسل يوم الخميس وفات الخميس والجمعة والليلة السبت
المسلسل واضح انه انتاجه جبار ومكلف لكن توزيعه تعبان ومافي رؤية واضحة ولا موقع رسمي ليه برغم كل الاتصرف فيه
المسلسل جميل وجاذب والممثلين كلهم حلوين ونضيفين وما فيهم غبش لأول مرة في الدراما السودانية الإخراج ابداع عديل كدة التمثيل لحدي هسة كويس رغم إنه البطل الحلبي دة عندو شوية تكلف بس احتمال بعد مواصلة الحلقات يستعدل
06-12-2017, 01:12 PM
بدر الدين الأمير بدر الدين الأمير
تاريخ التسجيل: 09-28-2005
مجموع المشاركات: 23222
مهند ونور النسخة السودانية كل الكاست سمحين ولابسين هدوم العيد لاعراقى لاجلابية ولامركوب ولاتوب وبتكلمو براحا مافى اى كواريك المكياج تمامين بس الموسيقى التصويرة والاغانى كانو ياخدها من اغنيات هاشم ميرغنى وزيدان زى حان الزفاف ـ وفى الليلة ديك ـ وهسى خايف من فراقك لمن يحصل ببقى كيف ... بس مهندكم دا متكلف شوية وخايف من الكمرا بس اخت نور عجبتنى تمثيل وسامر ومكياج
تنهدات: الكلام للطيب صالح (الحضارة عندى انثى وكل ماهو حضارى فهو انثوى)
06-12-2017, 01:36 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
ود شيقوق عودا حميد منور المنبر ورمضان مبارك عليك المسلسل جميل للان حلقتين عرضوا منو ونتوقع كشف الستار عن مشكلة في مجتمعات المغتربين زى ماروج للمسلسل انو بهبش قضية من قضايا مجتمع المغتربين السودانين ياشيقوق رمضان ده مامضيوفين مقضنو مع الامير الصغير 🙍 وقفشاتو ومبرمج بينا الاتنين 😥😥ياالطيب مالك بتناوش في ود الامير😄😄😄 اها اعمل حسابك مايقوم ود الامير يديك كوع بعصايتو الشايلها دى في تنهيدة من تنهيداتو 😂😂😂😂😂 بدر وشيقوق ضحكتونى لمن دموعى جرت يجازى محنكم الاتنين ود الجزيرة ود الدندر 🙈🙈🙈
احمد محمد عمر كيف انك مع انو ودشيقوق حايشيل حالى بسؤال دا بس منكم نستفيد انا لى 22 سنة من السودان يعنى شنو (شلابة) ا وع تكون داير تقول لى برضك خاتى عينك عليها
ياربي لون البنات ده ياهو الطبيعي ولا لزوم التمثيل وده .... عندي تحفظ شديد على الإنفعالات المطلوبة في مصاحبة الموقف ...مالهم كلهم كده باهتين حتى البتكلم مع السعودي ده باهت وماتحس في إنفعال يتناسب مع الحدث ... وكمان البنية مع أمها بدون إنفعال وعييييييييييييك
Quote: امرق من هنا احرجتنا روح دندرك ونقى عونكوليبك
ههههههههههههها بالله عيان دا هو فاكر روحو مولود في القادسية ولا الوادي الاخضر وحياتك دندرنا دا متحضر اكتر من حضارة شوالات بصل اربجي المكفية منتظرين بيها غلاة الاسعار ياخ انتو لسه بتترحلوا بالبرينسات و البربارات جاي تفاصحني انا
ابعدي لي منو يا نجمة
06-12-2017, 06:57 PM
بدر الدين الأمير بدر الدين الأمير
تاريخ التسجيل: 09-28-2005
مجموع المشاركات: 23222
فرمالتكم بيت ناس جدي عبد الرحمن على طه و رحلوا منكم البندر خلوكم تتلفتوا سااي وتاكلوا في القاورما و البامية و الموليتة و تتلهموا عناقريبكم بعد تصلوا العشاء و تسمعوا اذاعة المتوفين الله يرحمهم هههههههههههها
06-12-2017, 07:11 PM
بدر الدين الأمير بدر الدين الأمير
تاريخ التسجيل: 09-28-2005
مجموع المشاركات: 23222
ود الأمير يسعد مساك شيقوق شلبو ولا شنو اختفي 😂😂😂😂الطيب ماتكون لقيت علبة الماكنتوش دى وخمشتها في رمضان وعملتة رايح بالله عليك الله رايك في الحلقات اختار من العلبة ود الامير اختار اخت العروس 😂😂😂😂
Quote: كدى ياراعى العنكوليب كلمنا عن جدك عبدالرحمن على طه كان برضو ببيع عكوليب في اربجى
والله الحق يقال يا بدر جدي عبد الرحمن كان ولد فدوى بس لكفاه
اما استاذي فيصل فذاك شأن آخر
لكيييييييييييييين يا ام امير ما ممكن تتحدثي عن حضارة و تاريخ اربجي في معزل عن كونها الجغرافيا التي هزم فيها اهلي العبدلاب سلاطين الفونج في القرن الخامس عشر
تقولي لي الخزرجي اب لسانا طويل دا هههههههههها
06-12-2017, 08:16 PM
بدر الدين الأمير بدر الدين الأمير
تاريخ التسجيل: 09-28-2005
مجموع المشاركات: 23222
كدى يالمسنوح بتعرف يعنى شنو كلمة شلابة ولا برضك مسطح زى الزول الجاب الكلمة دى تعليق على البت العجبتنى في المسلسل جهجهنى وما جا يجاوب لمن سالتو عن معنى كلمة شلابة
هههههههههههه الشلابة هي التي تشلب (تسلب) الشاب من حبيبته شكراً نجمة على موقع فيسبوك المسلسل ما كنت عارفه والله .. أنا متابع قناة اليوتيوب بس لكن بعد كدة بنجيب ليكم الأخبار طازجة
06-13-2017, 06:48 AM
بدر الدين الأمير بدر الدين الأمير
تاريخ التسجيل: 09-28-2005
مجموع المشاركات: 23222
تعال يالمفتى احمد محمد عمر ماش وين اها ياخوى والشلابة دى بتشلب مثنى وثلاث ورباع ولا واحد بس البعرفو الكيزان الواحد لوشاف زوجة رجل اخر وسمحة بساومو بدفع له خلو رجل اوالتضيق والحصار اوالتصفية هل دا نوع من فقه الشلب والشلب المودرن زى ناس مسسل عشم اللابسين هدوم العيد لو ادير ابقى شلاب ماهى المؤهلات المطلوبة افيدنا سعادة المفتى
بداية الشلب العلني كانت مع أغنية راجل المرة دة حلو حلا جكس مواليد الألفينات ونهاية التسعينات دة بقو جدااااد لنج .. سمحين سماحة .. ولا عشان نحن كبرنا ما عارف! بقوا مشروع شلب طبيعي ويا كافي البلا الشباب بقوا عصفور في اليد وعشرة في اليد التانية .. بتدخل القلب أشلبهم
يا احمد طبعا جيل ناس عمنا شيقوق دا جيل عرس الزين يعنى زي انا مكتول في حوش العمد الجيل البعدو فلان مكسر في فلانة او فلانة مكسرة في فلان الجيل بتاعنا نحن جيل الجكس والجكسوية ودا زاتو جيل شبه شباب هسى تجونا بجيل الشلب الله يستر عمك المخرف شيقوق مايلفح الكلام ويجى يكورك انا مشلوب في نمرة اتنين ههههههههه
تنهدات: حلم البدوى حي راقى في مدينة
06-13-2017, 10:36 AM
هشام المجمر هشام المجمر
تاريخ التسجيل: 12-04-2004
مجموع المشاركات: 9533
يا ابو النسب كيف انك في البدء هى تجربة شبابية وممكن تسميها بداية مافيها كلفتة واستعجال تستحق الاشادة والتشجيع ياخى بطنا طمت من الدرامة المفصلة على مقاس الخال الرئاسى من يوم مسك ادارة التلفزيون وحجب حتى الشاشة بت تكون مع امها في المطبخ او فى لصالة الاتنين محجبات ومامعاهن احد دا غير دراما الكواريك بتاعت ناس جمال حسن سعيد داجيل في تقديرى لومضى بهذه الطريقة لادايرين كرور ولاقدور الجمهور حايتحول لليتيوب لارقيب قبلى ولا بعدى .... وبعدين تعال يا ابوالنسب انت ماشايف البدوى شيقوق ينال من اربجى ونسابتك وانت ساكت على قول الخلايجة ماهقيتا منك
06-13-2017, 11:02 AM
بدر الدين الأمير بدر الدين الأمير
تاريخ التسجيل: 09-28-2005
مجموع المشاركات: 23222
الكلام للفنان محمد تروس (حاجة المؤتمر الوطنى ) على الفيس بك
كتب محمد تروس: ابناء المغتربين ينتفضوا علي الدراما السودانية ام عراريق و الرواكيب و شماسة و حرامية و تليب بيوت ، و ستات شاي ، و كاروهات ، وبتاعين الركشات ، و الحر ، و صريخ الممثلين المفتعل والاخراج الاشتر و وعووووك وورووررروك والحق يا حاج مُحٌمٌد الجني فلقوا اولاد حلة فووق) والنصوص و اللغة التالتة . انتجوا دراما (نضيفة) تعبر عن مشاكل و ملامح تخص ثقافتهم التي اتوجدوا فيها من غير اختيارهم في مدن البترول كما عبرت شخصية ام البنت في الحلقة الاولي ( نحن يابتي البرجعنا السودان شنو لاعندنا ارض لا بيت هناك)... حضرت حلقتين من مسلسل ( عشم) فيهم تشويق و منتاج جيد واخراج والممثلين اكثر تلقائية وتفككوا من حصار مايعانية الممثل السوداني من الرقابة و الحجابات الشينة و دقون المشروع الحضاري و الانتاج يتسم ببزخ بازخ و مكياج كاح و حفلات وغني (واغاني واغاني ) .. اعتقد ان المسلسل يعبر كذلك عن شريحة او طبقة داخل السودان تعيش نفس المستوي الاقتصادي و مواجهة بنفس مشاكل هذا الجيل .. من حقهم وانا كدرامي من الثورة الحارة تلاتاشر ناس العدو رحمة الله علية و عمك خليفة و سيد الكاروا ... ادعم واشجع هذا الجيل بالتوفيق ياشباب العشم.. و انا علي استعداد للتمثيل دور والد الولد الشاطر الفقير الذي يحب مكسر في ومضة او موزة ، و ترفض امه لان اسرتة تسكن في قشلاق البوليس وامه ست البنات بتبيع طواقي في سوق امدرمان ...
06-14-2017, 06:33 AM
هشام المجمر هشام المجمر
تاريخ التسجيل: 12-04-2004
مجموع المشاركات: 9533
الأولاد ديل طلعوا من الصندوق والقالب المرسوم للدراما السودانية من زمن تور الجر .. العراقي الوسخان الشربان حق جمال حسن سعيد
من وجهة نظري دي محاولة جيدة وتستحق الدعم ويجب تشجيعهم بلاي بطلوا الإسقاط النفسي السوداني المستعد فطريا لرفض أي حاجة غريبه دون التمعن في الجودة والأدوات ولغة العصر وقضايا العصر
عاملين تابوهات وحارسينها والممثلين بقوا زي الروبوتات في الأداء
ديل شباب إتمروا علي الكلام دا برافوا عليهم
06-14-2017, 10:07 AM
بدر الدين الأمير بدر الدين الأمير
تاريخ التسجيل: 09-28-2005
مجموع المشاركات: 23222
ياابو النسب المسنوح دا حقارتو بينا نحن بس وحدها دكان بكرى بليل بكون سهران مع آل على طه فى مسقط وهاك ياشكير في اربجى الحضارة واربجى العمارة بس كويس كونك وريتو العين الحمرا ههههههههه
جمال ود القوز احمد عمر محمد كل سنة وانتو طيبين شكرا لروابط المشاهده الحلقة طويلة المره دى لكن مامحبوكة زى الفاتو الله يستر مايطلع حنك بيش😠 كونوا بخير مشاهده ممتعه للجميع ود المجمر ادينا رايك في الحلقة دى كده👍ولا 👎 ود الامير اها عرفتها معنى شلابة في الحلقة دى 😂😂😂 شيقوق علبة الماكنتوش دى حلال عليك في عيد الفطر 😎 ابو الريش باب النقد مفتوح ومكفول ليك لاخر حلقة 👌 الممثل القدير تروس شكرا لتشيج المواهب الجديدة 👏ويتعلموا من اقتراحاتكم شكرا تانى ود الامير👋 لايراد مداخلة تروس كونوا بخير ومنورين البوست الساده المشاركين والساده المتابعين والمشاهدين وكل سنة وانتو طيبين وعساكم من عواده🌸🌸🌸
06-24-2017, 07:35 AM
بدر الدين الأمير بدر الدين الأمير
تاريخ التسجيل: 09-28-2005
مجموع المشاركات: 23222
في مشكلة في الاخراج تطويل في مشاهد ممكن اختصارها واختصار في مشاهد تحتاج إطالة أعجبني أداء وليد جداً .. أجاد الدور إجادة ما عادية رغم إلزام المخرج ليه بلحظات صمت فيها موسيقى تصويرية أحياناً بتخرب تلقائيته لازال عمار هو الحلقة الأضعف في إجادة التمثيل ظهرت أطراف تانية في المسلسل زي شلة بيت العزابة ودة بديني أمل إنه المسلسل حيناقش قضايا كبيرة ومعاصرة أكتر من نقاش القضية التقليدية بتاعة قريبي بحبني وانا بحب واحد تاني
في مشكلة برضو في الانتاج المفروض إنه المسلسل رمضاني وانتهى رمضان بحلقتين فقط في ارتباك واضح حول موعد البث مرات بقولوا اسبوعي وتتفاجأ إنه تم بعد اسبوعين يبدو لي إنهم بفتشوا لربح عبر الإعلان أو الرعاية ولسة ما اتوفقوا فيها
06-24-2017, 08:18 AM
عبدالعظيم عثمان عبدالعظيم عثمان
تاريخ التسجيل: 06-29-2006
مجموع المشاركات: 8405
تقطيع العمل وتباعد الحلقات أمر متبع في الدراما التركية بينزلوا حلقة وبيشوفوا ردة فعل الجمهور وبعد إسبوع تنزل حلقة ثانية
من وجهة نظري الشباب ديل بيقوموا بي عمل جبار خارج المألوف السوداني لقالب الدراما مفروض نصبر عليهم ولا نتعجل الحكم عليهم ... محتاجين دعم وتشجيع
حتكون في أخطاء في البداية وستكون مقبوله ف أول عمل درامي ....
الشباب ديل اذا حريفين يفتشوا جهات راعية من هسي يعني ما ينتظروا حتي النهاية يعني إدارة التسويق مفروض تشتغل أكثر عشان ما يقيفوا بسبب الدعم حيلقوا دعم كبير جدا اذا تحركوا صاح ...
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
بدر الدين الأمير
الطيب شيقوق
جمال ود القوز
Walid Safwat
معتصم سليمان
هشام المجمر
Abureesh
عبدالعظيم عثمان
فيس بوك
تويتر
انستقرام
يوتيوب
بنتيريست