|
|
|
 Re: نحن لا نستحق الاسلام (Re: عبدالحفيظ ابوسن)
|
بدري جدا مجاعة 1984 كان في ازمة في الذرة . واحد عامل عزومة بمناسبة سفره للحج
عشاء
جاهو كم نفر يشتري منو في البيت رفض قال الا يمشي الحج ويجي
شاءت الاقدار ان احضر تمومة الكلام
بعد جا راجع سمعتو بيقول
انا قاعد في الحرم وبفكر
العيش يكون عمل كم
مافي موبايلات وقتها
| |
 
|
|
|
|
|
|
|
|
Re: نحن لا نستحق الاسلام (Re: عبدالحفيظ ابوسن)
|
Quote: الفكرة شنو يعني نرش بعض بي رمضان لامن موبايلنا عمل ليهو دقن ونسلك سلوك لايشبه رمضان
|
ينصر دينك و رمضان كريم
الدين الاسلامي خشت فيهو خذعبلات كتيرة و الله. مثلا تبجيل حافظ القرآن ..... و ليس من يعمل بالقرآن
اغتراف الذنوب عشان في مراقة بتقول من قال استغفر الله الذي لا إله إلا هو الحي القيوم وأتوب إلية .. من قالها سبع مرات غفر الله ماتقدم من ذنبه
و هكذا
| |
|
|
|
|
|
|
|
|
|
Re: نحن لا نستحق الاسلام (Re: ناصر جامع)
|
يا ناصر الدين عندنا نضمي وفصاحة بس
ما سلوك
موجهات الدين الاخلاقية ما شايلنها
اسمع الفتاوي كله مافي السلوك
مافي حسن معاملة الجار
ولا حسن معاملاتنا مع الناس
ولا في الطمع ولا التطفيف ولا الكراهية
افتح اي قناة نصها طلق وعرس
مافي حسن المعاشرة
رمضان في شربت واكلت
مافي المستحب من السلوك قصاد المجتمع
كلو في نفسنا
السلوك البخصنا بشكل شخصي ومباشر
ومع انو الدين المعاملة
والدين حسن الخلق
ودخلت امرأة النار في هرة
ودخل رجل الجنة في كلب
| |
|
|
|
|
|
|
|
|
|
Re: نحن لا نستحق الاسلام (Re: عبدالحفيظ ابوسن)
|
Quote: نعكس صورة عنه لا تمت له ب صلة
هذا الدين ذو القيم الانسانية العالية |
سلامات يا حفيظ
بعض تعاليم الاسلام تتقاطع مع وثيقة حقوق الانسان وكمثال حد الردة
ارجو ان تسمح لي بالسؤال عن ما هي القيم الانسانية العالية التي وصفت بها هذا الدين؟؟
هذا السؤال بداية لنقاش
طرحته عليك لاني اعلم انك ستتفهم الهدف من وراءه ولو كنت احد المكفراتية لما طرحته ابداً لاني اعرف الاجابة سلفاً
تحياتي
| |
|
|
|
|
|
|
|
|
|
Re: نحن لا نستحق الاسلام (Re: Haytham Ghaly)
|
تعرف هيثم
اي زول عندو فهم للدين
فهمو للدين من خلال تجاربو وقرايتو وحسو
انا الدين دة شايفو روح ما نصوص .
انما بعثت لاتمم مكارم الاخلاق والدين المعاملة
وخيركم خيركم لاهله
دة غير احاديث الرحمة وحسن المعاملة
اما عن الردة
لا اعتقد بالردة فمن شاء فليؤمن ومن شاء فليكفر
ويوم يجزي الصادقين بصدقهم
| |
|
|
|
|
|
|
|
|
|
Re: نحن لا نستحق الاسلام (Re: عبدالحفيظ ابوسن)
|
التحية للجميع ورمضان كريم
بغض النظر عن وجود (حد الردة من عدمو)... منو المؤهل أساسا عشان يقول هو (يطبق الاسلام) !!!!
غير سيرة الرسول الكريم والصحابة عليهم رضوان الله +(الخليفة الخامس).. ما شايف أصلا (اٍسلام)
** كيف تدعوا للاٍسلام ولم تعمل به في نفسك وأهلك ... هؤلاء منافقون ... محرفون للاسلام ....
** ليالي رمضان تنطلق فيها (حناجر القراء الحفظة) - وللأسف الكثير منهم - (لايفقه معاني مايقرأ)
وللأسف (الكثير منهم) مستأجرين بالنقود والحوافز - تماما (كالمغني في الحفلات) ...
** ولولا حرمه هذا الشهر - لرويت الكثير من القصص المبكية
لكم التحايا
| |
|
|
|
|
|
|
|
|
|
Re: نحن لا نستحق الاسلام (Re: عمار قسم الله)
|
اي والله يا عمار سمعنا قصص
عن ائمة بصلو التراويح بالملايين وبطالبوا بزيادة الاجر كمان
بقو زي نجوم الغناء
في سبيل بحثي عن تطبيقات المصحف او بعض كتب الدين . لقيتها بي قروش . ينزل ليك بالاعلانات او تدفع
ويقول ليك دايرين ننشر الدين
انشروا مجانا ان كان عندك سعة من المال
| |
|
|
|
|
|
|
|
|
|
Re: نحن لا نستحق الاسلام (Re: عبدالحفيظ ابوسن)
|
انتا يا هيثم حقوق الانسان دى قايلا دين جديد ولّ شنو
ياخى ده منتوج بشرى تنعدم مقارنته بى شرعة الله
قال يتقاطع قال
كدى قلّب حقوق الانسان دى كلها و كيب لى مادة
بتجبر الزول بى انو يدفع لى زوجته لارضاع ابنه و الى هو ابنها فى نفس الوقت
او اخرى تمنعه من اخذ مالها الذى رثته او تكسبه بعمل يدها
او واحدة تؤكد على احترام الخصوصية الكاملة للانسان فى بيته
و حتى الحاكم لا يستطيع الدخول اليه الا بإذنه
و كمان جايى ماسك فى حد الردة
و انت عارفو حد مبتدع و دخيل على الاسلام
مثله مثل حد الزنى
هسى عليك الله استغلال جسد المرأة بالصورة المقرفة دى
فى الاعلان للكسب التجارى و عرضه كسلعة فى بعض المرات
ده ما بيتعارص مع احلاقك خليها حقوق الانسان
__
كفاك ولّ ازيدك
قال يتقاطع قال
| |
|
|
|
|
|
|
|
|
|
Re: نحن لا نستحق الاسلام (Re: Haytham Ghaly)
|
يا هيثم يهديك الله ياخ
ده كلامى
Quote: و كمان جايى ماسك فى حد الردة
و انت عارفو حد مبتدع و دخيل على الاسلام مثله مثل حد الزنى |
و رايى فى جد الزنى واضح
عارفك من تجى سيرة الدين دى , تجى مركّب مكنة المستنير
فى كم سؤال فوق
راى دين حقوق الانسان فيها شنو ؟
| |
|
|
|
|
|
|
|
|
|
Re: نحن لا نستحق الاسلام (Re: جلالدونا)
|
Quote: و كمان جايى ماسك فى حد الردة
و انت عارفو حد مبتدع و دخيل على الاسلام
مثله مثل حد الزنى |
ابو الجل تحياتي
زي ما قلت يا ابو الجل وثيقة حقوق الانسان منتوج بشري قابل للخطأ والصواب
ويمكن تعديلها اذا اتفق الناس على وجود خطأ فيها.
انا بصراحة حا امسك في المقتبس الفوق دا
انت قلت حد الردة و حد الزنا مبتدعات ودخيلات على الاسلام
طيب يا فردة اركز
| Quote: الزَّانِيَةُ وَالزَّانِي فَاجْلِدُوا كُلَّ وَاحِدٍ مِنْهُمَا مِئَةَ جَلْدَةٍ وَلَا تَأْخُذْكُمْ بِهِمَا رَأْفَةٌ فِي دِينِ اللَّهِ إِنْ كُنْتُمْ تُؤْمِنُونَ بِاللَّهِ وَالْيَوْمِ الْآَخِرِ وَلْيَشْهَدْ عَذَابَهُمَا طَائِفَةٌ مِنَ الْمُؤْمِنِينَ (2) |
اعلاه الاية 2 من سورة النور تبين بوضوح لا لبس فيه حد الزنا وهو الجلد مئة جلدة .. فكيف يكون حد الزنا دخيلاً على الاسلام وجا داخل من وين؟؟؟
اما اذا كنت قاصد حد الرجم فدي برضو فيها مشكلة كبيرة لأنو الرسول (ص) نفذ حد الرجم .. امسك دا من صحيح البخاري ومسلم
فعَنْ أَبِي هُرَيْرَةَ رَضِيَ اللَّهُ عَنْهُ قَالَ : " أَتَى رَجُلٌ رَسُولَ اللَّهِ صَلَّى اللَّهُ عَلَيْهِ وَسَلَّمَ وَهُوَ فِي الْمَسْجِدِ فَنَادَاهُ فَقَالَ : يَا رَسُولَ اللَّهِ إِنِّي زَنَيْتُ ، فَأَعْرَضَ عَنْهُ حَتَّى رَدَّدَ عَلَيْهِ أَرْبَعَ مَرَّاتٍ ،
فَلَمَّا شَهِدَ عَلَى نَفْسِهِ أَرْبَعَ شَهَادَاتٍ دَعَاهُ النَّبِيُّ صَلَّى اللَّهُ عَلَيْهِ وَسَلَّمَ فَقَالَ : ( أَبِكَ جُنُونٌ ؟ ) قَالَ : لَا قَالَ : ( فَهَلْ أَحْصَنْتَ ) قَالَ : نَعَمْ فَقَالَ النَّبِيُّ صَلَّى اللَّهُ عَلَيْهِ وَسَلَّمَ : ( اذْهَبُوا بِهِ فَارْجُمُوهُ ) .
رواه البخاري ( 6430 ) ومسلم ( 1691 ) .
هل خالف الرسول عليه الصلاة والسلام تعاليم الاسلام وادخل عليها حدين دخيلين كما تفضلت يا اخي جلال؟؟؟؟
المايك معاك
| |
|
|
|
|
|
|
|
|
|
Re: نحن لا نستحق الاسلام (Re: Haytham Ghaly)
|
انت يا هيثم ماخد الدين كنظام حكم . قوانين وعقوبات
الدين موجه ليك انت بصفة فردية
دة رأي شخصي . فهمي الذي سأحاسب عليه الحساب الذي لا انكره
موجه لي بصفة فردية من خلال موجهات اخلاقية ترتقي بإنسانيتي قبل اعلان حقوق الانسان . وقبل ان يحدد العالم قيمه الحالية
امرني بحسن الخلق
حسن المعاشرة
حق الجيرة
معاملة الاطفال والكهول والنساء
التراحم والتكافل وغيرها
ومنعني من الزني وشرب الخمر
الزني محرم دة الامر المهم عندي .
وكما ذكرت لك الدين ليس نظاما للحكم . بل لترقية الفرد الذي يمكن ان يحكم
بعدينك
هل انت مع الفوضي الجنسية . العلاقات الجنسية خارج اطر الالتزام بين شخصين مقبولين اجتماعيا ولاطفالهم وضعية مقبولة
| |
|
|
|
|
|
|
|
|
|
Re: نحن لا نستحق الاسلام (Re: عبدالحفيظ ابوسن)
|
يا حفيظ سلامات
لسة يا اخي ما جينا لي موضوع ان الدين نظام حكم وللا ما نظام حكم واكيد جايينو
حالياً جلال ابعد حد الزنا والردة والرجم عن الدين وقال دي حدود دخيلة
جلال مطالب بالاثبات او الشرح عن كيف بحد الزنا المثبت وموصوف بايات القران
وصف دقيق جداً ان يكون دخيلاً .. وكيف بحد الرجم ان يكون دخيلاً وقد نفذه الرسول صلى الله عليه وسلم
وكيف بحد الردة ان يكون دخيلاً وهو موجود في الشريعة الاسلامية
واتفق معاك ان الدين هو عبارة عن علاقة العبد بربه وهي علاقة خاصة
لا يجب ان يحاسب عليها الا الله .. ولكن هل ترى في ممارسات اللذين يحكمون باسم الدين احترام لهذه العلاقة
تحياتي
| |
|
|
|
|
|
|
|
|
|
Re: نحن لا نستحق الاسلام (Re: عبدالحفيظ ابوسن)
|
اقول ليك يا هيثم
نحن بنسعي سعي جاد من اجل الاستقرار والتناغم الداخلي
ان نكون راضين لحد معقول عن ذواتنا
ان لانعيش تناقضا حادا يشوه حياتنا
الاسلام يوفر لي ذلك
الاسلام الذي يخصني
وليس الاسلام كنظام حكم سياسي
بل الاسلام الذي يشكل نسيج حياتي وفهمي
انا اعتبر الزني حرام سمه عيبا انت . لكن بزني . وسأندم وسأحاول الاقلاع . انجح وافشل ولكني كل مرة اتقدم خطوة نحو الاقلاع حتي انجح
هذا وان كنت في دولة لا تدين بالاسلام
اما محاكمة الاسلام سياسيا اقول لك بصدق الاسلام لا يصلح سياسيا منذ لدن بني امية وحتي الان
كل نماذج الحكم الاسلامي فاشلة وفاسدة وتسئ للاسلام
| |
|
|
|
|
|
|
|
|
|
Re: نحن لا نستحق الاسلام (Re: عبدالحفيظ ابوسن)
|
تعرف يا هيثم قريت زمان في السيرة انو واحد جا للرسول اشتكي شاف مرة وراجل في وضع جنسي
الرسول رد ليهم
ان سترت اخيك اما كان خيرا له
دة قبل نزول الآية
استوقفتني القصة
ما يجي زول يقول ضعيفة ومافي . انا متأكد قريتها في مكابساتي قبل النت
وقفتني جدا
مانزلت آية ولم يتم تحريمه
لكنه كان عيبا رغم وجود التبضيع
حتي توجيه النبي يستحق التوقف عنده
| |
|
|
|
|
|
|
|
|
|
Re: نحن لا نستحق الاسلام (Re: Haytham Ghaly)
|
يا هيثم بتكلم عن الرجم كحد للردة و الزنى
فى القول الجلبتو لينا ده بمسكك من حتّة صغيرة كده
| Quote: دَعَاهُ النَّبِيُّ صَلَّى اللَّهُ عَلَيْهِ وَسَلَّمَ فَقَالَ : ( أَبِكَ جُنُونٌ ؟ ) قَالَ : لَا |
سؤالى .. كيف يعرف المجنون ان به جنون حتى يجيب بلا او نعم ؟
| |
|
|
|
|
|
|
|
|
|
Re: نحن لا نستحق الاسلام (Re: جلالدونا)
|
| Quote: يا هيثم بتكلم عن الرجم كحد للردة و الزنى |
خلينا نمشيها خطوة خطوة يا ابو الجل يا حبيب
انت قلت حد الزنا وتقصد الزاني المحصن يحد بالرجم وحد الردة دخيلات
ما اظنك تقدر تنكر انو الاتنين اتنفذو في الاسلام
هل الرسول (ص) والصحابة خالفو تعاليم الدين؟؟؟
عشان نمشي لي قدام اول شي اثبت لي ان الحدين اعلاه دخيلات على الاسلام
ثم تحياتي
| |
|
|
|
|
|
|
|
|
|
Re: نحن لا نستحق الاسلام (Re: Haytham Ghaly)
|
يا هيثم الحد الثابت وقوعه لفّذ وقع على يهودى و يهودية
احتكم اليه اليهود فيه سعياّ للتخفيف فى الحكم
لان فى شرعتهم الرجم و لا وجود له فى قرءان المسلمين
و لكن الرسول حكم عليهم بما جاء فى توراتهم و امر بالرجم
| Quote: وَفِي بَعْضِ طُرُقِ الْحَدِيثِ أَنّهُمْ قَالُوا : اذْهَبُوا بِنَا إلَى هَذَا النّبِيّ فَإِنّهُ بُعِثَ بِالتّخْفِيف |
امّا عدا ذلك فهى روايات على من يقول بها ان يثبت صحة وقوعها اولاً
| |
|
|
|
|
|
|
|
|
|
Re: نحن لا نستحق الاسلام (Re: جلالدونا)
|
اذاً يا معلم انت بتنكر كل التاريخ الاسلامي المعروف للناس
بما انك غير مقتنع بصحيح بخاري ولا مسلم معناها انت انكرت او شككت في السنة
المنقولة عبر الاحاديث المخرجة من كثير من الرواة.
او اذا عندك اي مصدر تاني لموضوع السنة افيدنا بيهو عشان نقدر نثبت ليك انو
حسب التاريخ الحدين اتنفذو زمن الرسول (ص)
| |
|
|
|
|
|
|
|
|
|
Re: نحن لا نستحق الاسلام (Re: Haytham Ghaly)
|
شنو يا معلم حاوز ترمينى فى الكبيرة
صحيح البخارى معنى بالحديث و التاريخ الاسلامى عندو مصادر اخرى يا حبيب
البخارى ذات نفسو عندو كتابين
التاريخ الكبير و التاريخ الصغير
اما حكاية التشكيك فى السنة
اخوك مؤمن تماماّ بالسنة الفعلية
اما القولية دى فالشبهة تحوم فوقها
و هم ذاتن مقسمنّها لى صحيح و حسن و ضعيف و مقطوع
اها التقسيم ده فى حد ذاتو مثير للشبهة
| |
|
|
|
|
|
|
|
|
|
Re: نحن لا نستحق الاسلام (Re: جلالدونا)
|
Quote: كدى قلّب حقوق الانسان دى كلها و كيب لى مادة بتجبر الزول بى انو يدفع لى زوجته لارضاع ابنه و الى هو ابنها فى نفس الوقت
+++
او اخرى تمنعه من اخذ مالها الذى رثته او تكسبه بعمل يدها
+++
او واحدة تؤكد على احترام الخصوصية الكاملة للانسان فى بيته و حتى الحاكم لا يستطيع الدخول اليه الا بإذنه
|
| بكل سرور | النفقة (Alimony) معروفة في القوانين المدنية قبل إعلان حقوق الانسان، ومبدأ التعويض (Compensation) معروف عند المسيحيين والدروز، المطلقة تعوض.
كونك تذكر (اللبن) فدا مجرد تفصيل لما يعرف بالضرورة في السلوك البشري من تغذية وليست ميزة دينية، وحقوق الانسان كانت إعلان عام ولم تكن قائمة مسرودة فيها اللبن والشاي وباقي الأصناف على سبيل الجرد.
+++
هذا منصوص عليه في عدة قوانين وضعية تحت بند (Violations of Property and Inheritance Rights) وفي دول لا علاقة لها بالإسلام، مثل زيمبابوي وكينيا.
في بعض الدول الزوجة تنال الثلث أو نصف ثروة زوجها عند الطلاق، وهذا مجرد بند في الضمان الاجتماعي ولم يأتي من السماء، قارن ذلك بالنص (للذكر مثل حظ الأنثيين) واحسب ما تناله الزوجة في وجود عدد من الذكور.
بل قارنه بحقيقة أن المطلقة (لا تستحق) شيئاً من تركة زوجها إلا في حالة واحدة.
+++
الخصوصية في الدول (الكافرة) لها قوانين تجرم اختراقها، ليس فقط المسكن، بل حتى المعلومات الخاصة المتعلقة بالصحة والممتلكات والرصيد المالي في البنك، ويمتد ذلك لتكليف الأب بتخصيص غرف منفصلة لكل ابن. |
| |
|
|
|
|
|
|
|
|
|
Re: نحن لا نستحق الاسلام (Re: قصي محمد عبدالله)
|
نعم قصي
لانستحق هذا الدين العظيم . ندعيه ونقتل بعضنا بعضا وفي ظننا اننا نقتلهم من اجله
نتحدث به ولا يبلغ حلاقيمنا
كل واحد منا يري غيره علي ضلاله وبدلا من حواره بالحسنى او تبين صحة قوله من خطأها يكفره وقد يستحل دمه
ويظن انه يغضب حمية للدين
هذا الدين لو تمسكنا بقيمه لكنا قدوة ولكننا كغثاء السيل .. يذهب زبدنا جفاءا .
نتخلف في لفظ حد الموت
ونختلف في قصة مضت حد الموت
نفسد حياتنا وحياة غيرنا وبأسم الدين جهلا او تحايلا او غرضا
| |
|
|
|
|
|
|
|
|
|
Re: نحن لا نستحق الاسلام (Re: قصي محمد عبدالله)
|
بركة الجيت يا قصي
طلب صغير يا قصي لو تفضلت
ادينا اثباتات حد الرجم للزاني المحصن وهل نفذه الرسول صلى الله عليه وسلم وللا لأ
وايضاً حد الردة اثباتاته من الكتاب والسنة وهل نفذه الرسول ص وللا لأ
وما هو رأيك فيما ذهب اليه الاخ جلال في ان الحدين دخيلات على الاسلام
تحياتي
| |
|
|
|
|
|
|
|
|
|
Re: نحن لا نستحق الاسلام (Re: Haytham Ghaly)
|
حاتم ابراهيم حبابك
يا اخوى انا ختيت نقاط محددة اشرت انها لا توجد فى الدين الجديد بتاع حقوق الانسان ده
مسألة ارضاع الام لطفلها بمقابل
او
استقلالها بمالها سواء كان إرث او مكتسب من عمل لها و لا يحق للزوج اخذ قرش منه او التصرف فيه
او
الخصوصية التى منحها الاسلام للمسلم و لبيته
خلينى فى النقاط دى بس
مسألة للانثى نصف ما للذكر دى حالة من ضمن الحالات
فى حالة اخرى مثلا لها الثلث فى الارث
| |
|
|
|
|
|
|
|
|
|
Re: نحن لا نستحق الاسلام (Re: جلالدونا)
|
| Quote: خلينى فى النقاط دى بس |
يا ابو الجل ياخي دي بالوااااضح كدا زوغة منك بس
طلبت مواد من قوانين حقوق الانسان جزاء الله الاخ حاتم ابراهيم خير جابا ليك
قلت حدي الرجم للزاني المحصن وحد الردة دخيلات على الاسلام جبنا ليك الاحاديث
وبقية العدة جاهزة لكن انت قلت ما مقتنع لا بصحيح بخاري ولا مسلم زاتو
اها يا اخوي الراي شنو؟؟؟؟
طيب يا حبيب اديني اسم مرجع او كتاب او كاتب او اي شي يخص موضوع الحدود دا
انت تكون مقتنع بيهو وانا متأكد حا اطلع ليك من المرجع البتديني اسمو دا انو الحدود دي موجودة وثابتة
واتنفذت زمن الرسول ومن بعده برضو.
اها يا معلم ادينا رايك عشان نمشي لي قدام
ثم تحياتي واحتراماتي التي تعلم
| |
|
|
|
|
|
|
|
|
|
Re: نحن لا نستحق الاسلام (Re: Haytham Ghaly)
|
Quote: طلب صغير يا قصي لو تفضلت ادينا اثباتات حد الرجم للزاني المحصن وهل نفذه الرسول صلى الله عليه وسلم وللا لأ وايضاً حد الردة اثباتاته
من الكتاب والسنة وهل نفذه الرسول ص وللا لأ وما هو رأيك فيما ذهب اليه الاخ جلال في ان الحدين دخيلات على الاسلام
|
المناسبة ؟؟؟؟؟؟؟؟؟
| |
|
|
|
|
|
|
|
|
Re: نحن لا نستحق الاسلام (Re: قصي محمد عبدالله)
|
بسم الله نبدأ يا هيثم و ما التوفيق الا من عند الله
سُورَةٌ أَنزَلْنَاهَا وَفَرَضْنَاهَا وَأَنزَلْنَا فِيهَا آيَاتٍ بَيِّنَاتٍ لَّعَلَّكُمْ تَذَكَّرُونَ
دى الاية الاولى من سورة النور
تأمّل الكلمات دى
سورة انزلناها .. بمعنى هذه السورة انزلناها
و فرضناها ... اى انزلنا فيها احكاماً
و أنزلنا فيها آيات
و ركّز شديد على بينات
بمعنى مفروضات واضحات
الامر الواضح هو امر قاطع لا يحتمل اللولوة
لعلكم تذكّرون
و ارتباط الفرض و البيان بالتذكّر
يعنى بالواضح رب العزّة يقول هذا حكمى عليكم و لن يحلكم النسيان
خليك من الملاواه بتاعت الناسخ و المنسوخ
يعنى مافى اى طريقة تزوغ من الايات دى
ثم ارجع بيك لى اسم السورة
النور
و معناهو الحسى هو الذى يضيئ كل ما حولك
مثلا نور الشمس لا تحتاج لنور مصباح اخر لتلتمس موضع خطواتك
قس على ذلك النور المعنوى الذى ارتبط بأحكام السورة و آياتها البينات
و الله تعالى اعلم
| |
|
|
|
|
|
|
|
|
|
Re: نحن لا نستحق الاسلام (Re: قصي محمد عبدالله)
|
المناسبة؟؟؟؟؟؟
ههههه
شنو يااا شيخ قصي انت ما شايف جلال دا قال شنو فوووق
عايزين نتثبت من الامر هل حد الرجم للزاني المحصن دخيل على الاسلام؟؟؟
هل حد الردة دخيل على الاسلام كما تفضل اخونا جلال؟؟؟؟
وهل نفذ الرسول ص الحدين في حياته؟؟؟
ولك الشكر الجزيل
| |
|
|
|
|
|
|
|
|
|
Re: نحن لا نستحق الاسلام (Re: Haytham Ghaly)
|
يا ابو الجل
يا اخوي السنة مكملة للكتاب وملازمة له
عندك مثلاً الصلاة ما اتفصلت في القرآن لكن جات التفاصيل في السنة
من حيث الاوقات وعدد الركعات وكيفية ادائها (صلو كما رأيتموني اصلي)
انا بتكلم عن حدود تم تنفيذها في عهد الرسول وبأمره
وانت قلت الحدين البنتكلم عنهم ديل دخيلات على الاسلام
استدليت باليهودية وقلت حكم عليهم بشريعتهم
جبت ليك حديث فيهو قصة الرجل الشهد على نفسه اربعة مرات بتلزنا
وامر الرسول ص اصحابه برجمه
اها كدا يا صاحبي بقى يا اما انو الرسول ص خالف الكتاب حسب رايك بان الحدين دخيلات على الاسلام
او ان الرواة والتاريخ الاسلامي والسنة برمتها محض اكاذيب ويجب الا يعمل بها الناس
ويجب ان يعتمدو في تشريعهم على الكتاب فقط
او انك شطحت في حكمك على الحدين بانهن دخيلات على الاسلام
طبعاً دا كلو خطوة عشان نرجع للموضوع الاساسي
تحياتي
| |
|
|
|
|
|
|
|
|
|
Re: نحن لا نستحق الاسلام (Re: Haytham Ghaly)
|
وصلنا وووووين يا غالينا
ايوووووة عندى مداخلة قبل دى
اها تمشى تقراها
و تقرا سورة النور
و تشوف كلامى القلتو عن السورة الكريمة دى صاح وللا علت
عشان ردودى ليك مبنية عليها
غير كده ما عندك عندى و لا هللة على قول الزول داك
| |
|
|
|
|
|
|
|
|
|
Re: نحن لا نستحق الاسلام (Re: Haytham Ghaly)
|
السنة عندى سنتين يا هيثم
سنّة فعلية و هذه اتبعها هماماً و بدون اى شك
و سنّة قولية
و دى طالتها الشبهة بى معاييرهم التى وضعوها لتصنيفها
ضحيح , حسن, ضعيف, مرفوع و مقطوع
عشان كده بتجنبها طال ما انتابى الشك فيها
قريت سورة النور
| |
|
|
|
|
|
|
|
|
|
Re: نحن لا نستحق الاسلام (Re: جلالدونا)
|
ايوة قريت سورة النور
ما فيها حد رجم للزاني المحصن ولا فيها حد يفيد برجم
او قتل المرتد
لكن يا ابو الجل يا صديقي تاني حا ارجع واقولك انو الرسول ص
نفذ الحدين الاتنين
يعني رجم الزاني المحصن وامر بقتل المرتد حتى لو تعلق باستار الكعبة
وانت قلت الحدين دخيلات على الاسلام فكيف يستوي هذا الامر؟؟
موضوع نقاشنا انا وانت في النقطة الفوق دي☝🏽
وزي ما قلنا من قبل ان السنة مكملة لقران في بعض الاشياء
وضربنا مثل بالصلاة وتفاصيلها التي لم تذكر في القران وانما جاءت
في السنة (صلوا كما رأيتموني اصلي)
اها رايك شنو في موضوع انو الرسول نفذ الحدين؟؟؟
| |
|
|
|
|
|
|
|
|
|
Re: نحن لا نستحق الاسلام (Re: عبدالحفيظ ابوسن)
|
لو اتدبرنا في الايه دي بتنحل المشكله
كُنتُمْ خَيْرَ أُمَّةٍ أُخْرِجَتْ لِلنَّاسِ تَأْمُرُونَ بِالْمَعْرُوفِ وَتَنْهَوْنَ عَنِ الْمُنكَرِ وَتُؤْمِنُونَ بِاللَّهِ ۗ وَلَوْ آمَنَ أَهْلُ الْكِتَابِ لَكَانَ خَيْرًا لَّهُم ۚ مِّنْهُمُ الْمُؤْمِنُونَ وَأَكْثَرُهُمُ الْفَاسِقُونَ
[الجزء: ٤ | آل عمران ٣ | الآية: ١١٠]
| |
|
|
|
|
|
|
|
|
|
Re: نحن لا نستحق الاسلام (Re: جلالدونا)
|
بى اختصار يا هيثم
سورة النور تحدثت عن قضايا اجتماعية و اسرية
بصورة و منطق يستحيل معه خذ جزء محدد منها و وصفه بالمنسوخ
آية الزنى هى الاية رقم 2 من السورة الكريمة
الزَّانِيَةُ وَالزَّانِي فَاجْلِدُوا كُلَّ وَاحِدٍ مِّنْهُمَا مِائَةَ جَلْدَةٍ وَلا تَأْخُذْكُم بِهِمَا رَأْفَةٌ فِي دِينِ اللَّهِ
إِن كُنتُمْ تُؤْمِنُونَ بِاللَّهِ وَالْيَوْمِ الآخِرِ وَلْيَشْهَدْ عَذَابَهُمَا طَائِفَةٌ مِّنَ الْمُؤْمِنِينَ
كلام واضح و قوى و متبوع بى لا تأخكم بهما رأفة فى دين الله
ثم دى الآية الكذوبة التى اقيم بها حد الرجم على الزانى
الشيخ والشيخة إذا زنيا فارجموهما البتة نكالاً من الله والله عزيز حكيم»
سبحان الله ينسخ حكم ربانى بأمر مفروض و منزل بحكم اخر قيل فيه نسخت تلاوته و بقى حكمهو قالو دليلم كلام سيدنا عمر
الذى قال بحسب زعمهم لولا خوفى ان يقول زاد فى كتاب الله كان كتبتها فى المصحف
| |
|
|
|
|
|
|
|
|
|
Re: نحن لا نستحق الاسلام (Re: جلالدونا)
|
Quote: ثم دى الآية الكذوبة التى اقيم بها حد الرجم على الزانى
الشيخ والشيخة إذا زنيا فارجموهما البتة نكالاً من الله والله عزيز حكيم» |
طيب يا ابو الجل ياخي
الراي شنو في انو الرسول صلى الله عليه وسلم نفذ الحدين ديل؟؟؟
| |
|
|
|
|
|
|
| |
عبدالحفيظ ابوسن
عمار قسم الله
جلالدونا
حاتم إبراهيم
معاوية المدير
عبدالله عثمان
الطيب عباس
فيس بوك
تويتر
انستقرام
يوتيوب
بنتيريست