بعيداً عن السياسة .. وبعيداً عن ما يجري الآن في الساحة السودانية من حوار وطني ومحاصصات وترضيات سياسية وإستزوارات .. وكده
تراجي مصطفى إمرأة سودانية من شرق السودان .. جاءت إلى الخرطوم لإغراض معينة .. وما عندها بيت في الخرطوم .. نزلوها في الفندق .. عايشة في الفندق لأكثر من سنة ..
أنا عندي سؤال محيرني ..
يعني معقول ناس الخرطوم ديل .. مافي زول إستضافها في بيتو؟ ..
يعني وين الكرم والشهامة السودانية النسمعها كل يوم في الأغاني والشعر السوداني؟
05-21-2017, 03:40 PM
محمد حيدر المشرف محمد حيدر المشرف
تاريخ التسجيل: 06-20-2007
مجموع المشاركات: 20543
هههههههههه يا top vip دا شنو السؤال السطحي دا !!! شنو يعني يستضيفوها في بيوتهم . زولة شخصية قومية وعروس في نفس الوكت ..كتير عليها فندق خمس نجوم .. عالم حاقدة .. #تراجي اقدلي وسكتي الخشامة_
05-21-2017, 03:51 PM
أحمد الشايقي أحمد الشايقي
تاريخ التسجيل: 08-08-2004
مجموع المشاركات: 14611
لو ان في الامر التصاق بالجماهير يا احمد يا الشايقي يا عزيزي ... كنت سأقترح ايضا فنادق في الخرطوم ..
شفت في واحد في زقاق من الزقاقات المؤدية لمستشقى الخرطوم بنزلو فيهو اهلنا من الجلابة المهمشين وقسم كبير من المهمشين من غير الجلابة ..
امتع مافي ذلك الفندق كما كنت أرى ان لك مطلق الحرية في النوم على السرير المؤجر داخل غرفة عااامرة بالسرائر .. أو انت تحمله هو واللحاف للحوش "مرقمبو قرنبو يا عملات النكته" ..
التصاق بالمهمشين ؟! نعم يا عزيزي .. سيكون ذلك الفندق اكثر التصاقا بالمهمشين من شقة فاخرة في الرياض او الطائف !!
05-21-2017, 05:33 PM
Ali Abdalla Hassan Ali Abdalla Hassan
تاريخ التسجيل: 01-08-2013
مجموع المشاركات: 1983
إنتو كلكم من ناس الخرطوم .. وعندكم بيوت في الخرطوم .. ليه مخلين أختكم تراضي مصطفى تتمرمط في الفندق لأكثر من سنة؟ هل لديكم أي أقوال تدافعون بها أنفسكم نيابة عن كل ناس الخرطوم؟
05-21-2017, 08:03 PM
محمد حيدر المشرف محمد حيدر المشرف
تاريخ التسجيل: 06-20-2007
مجموع المشاركات: 20543
نحن ابناء الخرطوم لا نملك شيئا في الخرطوم لا في الثروة ولا في السلطة ولا الاراضي .. نحنا زي ما تقول كده المركز المهمش .. ومن سوء حظنا طلعنا جوه المركز المهمش في المعارضة .. زي ما تقول كده ميته وخراب ديار تقريبا ..
05-21-2017, 08:35 PM
باسط المكي باسط المكي
تاريخ التسجيل: 01-14-2009
مجموع المشاركات: 5553
امتع مافي ذلك الفندق كما كنت أرى ان لك مطلق الحرية في النوم على السرير المؤجر داخل غرفة عااامرة بالسرائر .. أو انت تحمله هو واللحاف للحوش "مرقمبو قرنبو يا عملات النكته" ..
ديل لوكندات يا ودالمشرف هههههههه اللوكندة ايجار سرير كما تفضلت وبعد ده ترحل بيه الى اى حتة تعجبك داخل اللوكندة ممكن سريرك ده تمشى بيه الزقاق والا تمشى بيه الحوش اذا ما عاجبك النوم فى الغرفة مع اخرين
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Ali Abdalla Hassan
محمد حيدر المشرف
علي دفع الله
أحمد الشايقي
بلال الطاهر
باسط المكي
Omer Abdalla Omer
خالد حاكم
فيس بوك
تويتر
انستقرام
يوتيوب
بنتيريست