بدور اضرب لها نيابة عن ناس سودانيز اقول لها والمدير وانا نهنيك علا خفت من المدام تهرشني قلت اقول لها ودالمدير وواحد صحبو اكان هرشوني اقول صحبو جلال رسل لي في شان الاتصالات غالية من هناك
05-17-2017, 05:35 AM
حيدر حسن ميرغني حيدر حسن ميرغني
تاريخ التسجيل: 04-19-2005
مجموع المشاركات: 24986
قالوا بقوها وزيرة صحة الخرتوم اها داير اخد لي زوغة كدة وامرقا في البندر اهنيها فيس تو فيس نيابة عن نفسي واصالة عن بكرى ! وقبيلته ! ورهطه ! ابارك الاختيار الذي صادف سماحة اصلو ما حصلت تاني خلي زول ينبذ وزارة الصحة
05-17-2017, 05:52 AM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
قالوا جحا اولى بي لحم تورو ونحن اولى ! الناس دي من امس الواتس الفيس اللعمي شايل المكسر صور وبكا ومخاخيت وكب جلسرين اها قلت البت بتنا وعيب يعني عيب الناس تسبقنا اها خسمتكم بي الرسول يتعارض ليكم لو واحد عندو رقمها يرسلو لي في الخاس داير انسق معاها عشان نعمل اليفط واشد لي بدلة وكرافتة حمرا ووردة حمرا وامشي اهنيها في مكانها ممثلا عن جموع جماهير الشعب السودانيزاونلايني وموفودا من قبيلة كوستي وبعدينك برضو دايرها تساعدني باقي في وظايف وزارات في النيل الابيض ونحمدو بقا عندنا واسطة هسعتي لاقيت واحد فارش ليمون في السوق . اشتريت منو ليمون قلت ليهو زيدني انا وميادة قاعدين في مكان واحد قال لي ميادة منو قلت اخدو قدر عقلو قلت ليهو وزيرة قال لي وزيرة وين اجي يا كدة هنا هنا وين غايتو شلت ليموني وقلت ليهو بي الله دي بلد يغني ليها العطبراوي لن احيد
05-17-2017, 06:49 AM
فرح الطاهر ابو روضة فرح الطاهر ابو روضة
تاريخ التسجيل: 10-22-2012
مجموع المشاركات: 11112
هي يا حيدر لكن الشافعة ما شافعة نصاح وحات شيخي من يوم شفتها في النيل الازرق صدفة قلت البت دي تنفع وزيرة ما شاء الله تبارك الله نضمي دقاق ما فرزتو علا بتكلم عننا نحن جموع الشعب السوداني سمعت تحت تحت قالوا واقفة مع الشعب اسم حزبها زاتو الا اخش قوقل ولا معاني اللغة حتان اعرف معناهو لكن قصر كلام هي مع المعارضة !
05-17-2017, 06:58 AM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
هسة يا قباني ما عيب عليك تجينا يدك فاضية ياخ ان شاء الله كان تجي شايل معاك غنية ان شاء الله انا شاطرة شطارة ومحبوبة في كل الحارة ولا بالعدم اعلي الجمال تغار منا اصلو بنحب السماح ما تقول لي سماحة جمل الطين بقول ليك اتا حاقد وعلي دفع الله وابوروضة حاقدين واخر نسيت اسمه
05-17-2017, 06:57 AM
علي دفع الله علي دفع الله
تاريخ التسجيل: 08-31-2012
مجموع المشاركات: 4740
طوالي شفقان يا ودالمدير اصبر شوية ياخ الصور دي في الختام ختامه مسك مسك الختام وحاتو هو لامن شفت الصورة لامن انخلعت والسفة وقعت من خشمي مع اني ما بسف براحة ياخ يوم بتكتل زول
05-17-2017, 07:09 AM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
الله لا جاب عقابكم نسيتوني وبدور اقول لها تكلم وزير برلين بتاع الصحة ما كلهم زملاء مع بعض يتوصي بي معاوية الزبير خيرا نعمنو مشي هناك ضربت لي معاوية قلت ليهو استعجلت ساي قال لو ما دفعت قروش المسشفي كان جيت راجع عوجة مافي انا متبرع امشي لي الست الوزيرة في مكتبها واشيل منها جواب التوصية وحق التذاكر والنثريات والتأشيرة يوم واحد واجي قالب اوصل جوابها لي زميلها الوزير واشيل جوابو اجيبو للست الوزيرة خدمة وكدة لا احتاج جزءا ولا شكورا بنحب نخدم بس
05-17-2017, 07:24 AM
ياسر السر ياسر السر
تاريخ التسجيل: 08-06-2010
مجموع المشاركات: 3204
غايتو يا ود اب سن ممكن تقول ( كل الجمال وهبوهو ليك وجعلو السحر في مهجتيك ) لكن ذكرتني الابيات القالا شاعرنا ود الرضي حينما اشتكاه الطلاب في الخلوة للشيخ ود بدر وقالو له ان محمد ود الرضي يكتب الشعر بي قفا اللوح فانشد ود الرضي الابيات ادنا والتي تحضرني في هذه اللحظات الجميلة التي تعيشها انت فهاك الابيات وانا ما بفسر وانت ما اقصر : شيخنا قال لينا إنتو حرفتو أراكم يا مباديل كلكم هِفتو شيخنا يا شيخنا إنت كان شُفتو تجدع الكراس والفكي تكفتو.. اها قصرت معاك يا ود اب سن .... ما اظن ... لكن فعلا هي كما ذكرت ... واحتمال المدام تشوف تعليقي ده وتحرمني من سودانيز اون لاين لكن ذي ما قالو ( سجن سجن غرامه غرامه ) ومحل رهيفة التنقد ...
تحياتي : ياسر العيلفون
......
05-17-2017, 07:09 AM
Mohamed E. Seliaman Mohamed E. Seliaman
تاريخ التسجيل: 08-15-2005
مجموع المشاركات: 17863
بوست غريب بل غير موفق بل منكر يمكن انتقادها بأكثر من طريقة دون الحاجة إلى تبني خطاب تمييزي ضدها باعتبارها امرأة! يمكن إنكار قبلوها منصب أكبر من إمكانياتها يمكن التشكيك بقدراتها وخبراتها ومناسبتها للمنصب يمكن إنكار مشاركتها في حكومة فاسدة ...إلخ . لكن التلميحات غير الكريمة ما حبابها ------------------- مجرد رأي
05-17-2017, 07:11 AM
Mohamed E. Seliaman Mohamed E. Seliaman
تاريخ التسجيل: 08-15-2005
مجموع المشاركات: 17863
يا محمد سليمان طلع لي تلميح واحد غير كريم وطلع لي تمييز واحد كونها امراة السماحة الشعراء غنو ليها انا شايفها سمحة وجميلة اجمل الشعر ما كان في الغزل ياخ شعر التراث دة كلو غزل القابل الرسول ص قابلو بالغزل ولم ينكر عليه القراء شهداء بيننا
05-17-2017, 07:19 AM
Mohamed E. Seliaman Mohamed E. Seliaman
تاريخ التسجيل: 08-15-2005
مجموع المشاركات: 17863
ا بعد .. على الرغم من أن المرأة السودانية مثلها مثل كافة النساء في العالم قد تتعرض لهذا النوع من التصرفات الذكورية المهوسة .. غير أن ثقافتنا الذكورية حجرتها وضربت عليه بخاتم المسكوت عنه منعا لها من المواجهة والتصدي بنفسها لحماية حقوقها .. بل العقلية الذكورية ذهبت أبعد حين منحت نفسها حق التصدي نيابة عن المرأة .. إقتلاع المرأة لحقها في الدفاع عن نفسها بجرأة واقدام وثبات ظاهرة تستحق الدعم والتأيي د.. بالإضافة لنصوص القانون التي توفر لها الحماية . من بوست سابق
05-17-2017, 07:21 AM
Mohamed E. Seliaman Mohamed E. Seliaman
تاريخ التسجيل: 08-15-2005
مجموع المشاركات: 17863
تحياتي محمد وحبابك بل النظر إلي كل ما يقال لها كأنه نظر لها كنوع هو الهوس تعرف محمد النظر للمرأة كأنثي لا ينقصها بل يجعلها تشعر بالفخر ودونك تجارة الكوزمتك وهوس المرأة بها . هل تسعي لتكون جميلة دون ان تفقد خصوصيتها كأنسان وايضا لماذا لما نقل ذلك حين نتاول الرجل بفكاهة القبح والريالة وغيرها لماذا لم نطبق عليه ذات الفهم كون اننا نظرنا له كجسد
05-17-2017, 07:25 AM
Mohamed E. Seliaman Mohamed E. Seliaman
تاريخ التسجيل: 08-15-2005
مجموع المشاركات: 17863
تشكر محمد وعذرك مقبول لم اتغزل فيها بريبة ولي افضل منها في نظري اراها كل يوم كأنني اراها اول مرة تزداد كل يوم جمالا في نظري جمالا داخليا وخارجيا امرأة اغنتني عن كل نساء العالم ولكنها لم تعصب عيني فأري الجمال الجمال نفسه الذي بعثته فيني
05-17-2017, 07:32 AM
Mohamed E. Seliaman Mohamed E. Seliaman
تاريخ التسجيل: 08-15-2005
مجموع المشاركات: 17863
والله يا عبدالعزيز ان جيت لل الحق بحب السماحة اي شي سمح بحبو وبحب السودان يبقا سمح زاتو قالوا زمان الملوك يختاروا رسلهم تقرأ سفراءهم من ذوي الوجوه الجميلة والاسماء الجميلة هسة ما شاء الله بتنا مكملاهن كلهن
اخي المحترم محمد E سليمان هو المؤهل منو في حكومتنا الرشيده دي ؟؟؟؟؟ المسالة ما مسالة تاهيل اخي الكريم المسالة تقسيم كعكه بين الاحزاب والمتحزبين والمتاسلمين والمتسيسين والمستقلين والمتحولين والمتحاورين .... الخ ... يعني هي بقت على الاستاذة مياده دي يعني خليها تخوض مع الخايضين ياخي وباركها بالله عليك .... وخلي ود اب سن ينداح لوووولز والاستاذه مياده ياخي مكملاه علم وفهم وجماال وربنا يوفقها ياخي ,,,, والبوست في مجملو تقريبا نوع من الدعابة ليس الا .. واسف اذا تبنيت الرد عليك بدون سابق تداخل ... والتحية لك ولود ابو سن ولمياده كمان ...
والله يا محمد يا اخوي سألت سؤال صعب خلاس هل هي مؤهلة ؟ هل هم مؤهلون ؟ اكان حكومة ولا معارضة !!؟؟ ما ظنك في سلطة لا يسمع وزيرها اسمه الا من خلال الرادي استهانة بالمنصب ولا المنصب تمومة جرتق ولا شنو وما ظنك بمن يكون في السلطة وبكرة من اشد معارضيها او في المعارضة وغدا من اشد مناصريها الامر كوميديا يا صديقي كوميديا سوداء دعنا نفرج من همنا بالسخرية من انفسنا ملهاة ملهاة تضحكنا نحن ضحاياها فلا نجد اشد عبثا من ان نكون مثلهم
05-17-2017, 08:30 AM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
تشكر ابوروضة شكرا علي دفع الله ذكرتني زاتو اكلم الست الوزيرة دواء الملاريا كوارتم واحد بي 180 وواحد ب 57 ج المصدر انا زاتي مشيت اشتري وكان عندي ملاريا وقعت ابو 57 بدون تفكير
05-17-2017, 09:04 AM
جلالدونا جلالدونا
تاريخ التسجيل: 04-26-2014
مجموع المشاركات: 9387
تعرف يا فيضو عندى الضغط و السكرى و الشنو داك ما بعرفو الديكى كمان اليومين ديل زادت على الحموضة و الاسهال الفكرى يمين الله لامن جانى خبر السمحة البقت وزيرة صحة قعدت انطط و اكورك مامون حميضة طار مامون حميضة طار ياخى ده فى حد ذاتو انجاز ليها مستشفى الخرطوم يا ميادة علاج الشعب الممكون يا ميادة بالمجان يا ميادة و الدوا كمان يا ميادة ضد رويال كير يا ميادة --- العزيز محمد سليمان مفهوم الجندرة معدوم فى هذا البوست القضية فى الاول و الاخير مشكلة الوظيفة و ليس جنس شاغلها ميادة اضعف من ان تواجه اللوبى الذى بنى امبراطورية الفساد على حساب صحة المواطن السودانى خلّى الشباب العيانين ديل يفرحو بالجمال و اهو علاج نفسى برضو و خليهم يغنّو سمحة سمجة وزيرة الصحة عسى و لعل ياخى عبد الحفيظ يلذ تيمان بعد كبر و تخريفة
غايتو يا عمار التشد حيلها ساي بعد ما امشي ممثل ليكم ودايركم تعملو لجنة مالية للتبرع للوفد البمثلكم وعشان الشفافية برسل ليكم رقم حسابي الخاص في رسالة خاصة وكدة وكان بقيت وزير بريحكم تب اريحكم راحة جد اقطع وشي منكم تاني الا يشيلوني ابقا معارض واجيكم وابقا وزير ولائي وافوتكم يشيلوني و هكذا دواليك!
05-17-2017, 10:54 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: تخيل لو كنت موظف في وزارة الصحة رئيسك في الشغل مامون قعونجات يقومو يغيرو ليك فجأةً بـ.. انسانة زي ميادة دي شعورك حا يكون شنووووووووو؟؟؟؟؟؟؟؟؟
أححححححححي شعور بالراحة طبعاً . اصلها بايظة بايظة لا في أدوية حاترقد هبطرش ولا في مستشفيات راح تتحسن والكوليرا في محلها، والحكومة راح تجي تكضب تقول رصدت 5 مليار دولآر لتطوير المستشفيات وجلب الدواء بالمجان للعيانين، أها تقوم وزيرتنا الله يغتيها من عيون الأشرار تعمل جولة علي عنابر المستشفيات ؤ يقولوا كدي المرضانين والعيانين يتقلقلوا في نص السراير ؤ يبحلقوا والعندو إسهال يقيف والعندو ملاريا تنعدم بين الطش والرش والعندو غدروف ضهر يبقى زي المسطرة والعندو سكري يبقى أمسخ من الرباطاب وكان رباطابي مساختو تفوّت الكُبار والقدرو، والعندو دغِت تمسكو أُم فِريحانة والعندو حيرقان يتمطق ؤ يبلع ريقو حتي يصير عليه برداً وسلاما، وتكون الحكومة قد وفرت 5 مليار دولار طبعاً ما لي جيب ناس اللهط للشعب الطيّب كما تقول البرلمانية طراجي . بدل ما يجيبو وآحد زي مامون قعويات، علي اليمين دا كان لاقاك بالغلت وإنت شديّد ؤلضيّض لو مصيت 7 حواشات ليمون ؤ بلعت طشتين حبوب برضك تشعر بنفسك بطنك قالبة الهُوّبة . ما تتعقدوا، ؤ خلو الحكومة تعمل تلفزيون في كل مستشفى ؤ تشغلو للعيانين كل يوم من الساعة 7 مساء لـ 8 مساء كبرنامج ثابت لوزيرة الصحة تطل من خلاله علي العيانين، إن شاء الله ما تنضم زاتو، بعدين تعالوا لو موني كان وآحد بالليل قحَّ أو قنت، أو فكّ نخامة، أو طرش، يا مطرطشين وِكت اصلو مافي صحة في البلد خلّو العيانين يكشفوا ...
05-17-2017, 10:54 AM
عمار عبدالله عبدالرحمن عمار عبدالله عبدالرحمن
تاريخ التسجيل: 02-26-2005
مجموع المشاركات: 9162
ما تنسى تحفظ الاغنية دي (بعد انتهاء موضة الدقون وغرر الصلاة ) انا ما بنوم بعد النجوم يا اعد النجوم يا سببي الهموم البنسلين يا تمرجي نادو الحكيم السترات (بت بطرس يا) كتبو الرقاد يا كتبو الرقاد يا تمرجي يوم التلات يا تمرجي البنسلين يا تمرجي نادو الحكيم يا تمرجي كابتن صلاح (طه يا ) يا شايل السلاح يا شايل السلاح يا تاح تاح تراح يا تمرجي سبب العناد يا جاب السهاد يا جيب العناد يا عريسنا (اخو البشير)يا تمرجي سيب الهزار يا دلي الستار يا سيب الهزار يا تمرجي دا بنجك حار يا تمرجي
وسلم لي (لتابيت بطرس , والفريق طه , وما تنسى مامون حميضة, والاهم علي البشير )
05-17-2017, 11:28 AM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
كلمهم يا ودالمدير الخضرا والما والوجه الحسن الخضرا بقت تسوا لينا اللواية الموية طلقت فينا اللسهال باقي لينا الوش الحسن في ضومتك هي ولا مامون اللسم براهو يرد الروح مش ولا مافي داعي لومك علي بتي الجاية لو ولد مياد انا كنت ممغوس من وزارة الصحة من لقيتها الشايلو ختيتو قبال انسي أكتبك معاي في لستة الوفد ولا ضهرك ما مطلوق وقفاك اعوج
05-17-2017, 11:37 AM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
يا عمار كلفت شاعر اخونا كدة يكتب لي قصيدة خليك مع الزمن . انت من زمن الحكيم هسة النضال بالكي بورد مش سلاح تاح تراح سلاح دة يمرقك في ام طرقا عراض انت وكي بوردك كلمت شاعر قال لي بكرة بعد الفطور ! نمشي نفطر سمك وعلبة سجاير ويظبط لي القصيدة الغنا هين
05-17-2017, 12:06 PM
صلاح حمد صلاح حمد
تاريخ التسجيل: 08-09-2009
مجموع المشاركات: 989
تحياتي للجميع الأخ عبدالحفيظ أبوسن وضيوفك الكرام قولوا مبروك للدكتورة ميادة سوارالدهب ومبروك لناس الخرطوم ومبروك لتلفزيون السودان وبرنامج صحة وعافية، وربنا يوفقها وزارة مهمة ومسئؤلية كبيرة
وارجو بأن تسجلني ضمن وفد المنافي للسلام والمباركة فيس تو فيس للدكتورة والحزب اللبرالي وكمان مبروك للمؤتمر الوطني الذي استطاع تجنيد واستقطاب كل من د. ميادة وأ. تراجي لصالحه .
05-17-2017, 11:34 AM
Hassan Makkawi Hassan Makkawi
تاريخ التسجيل: 02-27-2008
مجموع المشاركات: 6157
Quote: أكتبك معاي في لستة الوفد ولا ضهرك ما مطلوق وقفاك اعوج
إنت اكِنّك لهسّع ما كتبتني يا المبروك !، هسسسسع تخلي الفِي إيدك ؤ بسراعك تسجلني، ؤ جلابيتي مكوية سيف .
بالله في الشريط الجابو صلاح حمد المذيعة قالتلها، إنت كالنسمة، يأخي فرّت بسمة الأيدز تطفشو . أنا ما عارف الناس حردانين ليه في البوست دا !، المذيعة قالت كالنسمة طالما مافي دواء ؤ مستشفيات خلّو الناس اليطببو بالوجه الحسن ...
05-17-2017, 12:42 PM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
اللستة قفلت يا صلاح علا اجازف ليك عشان اجازف برضك جازف معاي واطلق يدك شوية انت قايل مقابلة المسعولين بالساهل الواحد ما يخش الوزارة زمنو بكمل مع الشعب . قدر ما تجيهو في اجتماع وينشحط ليك في لقاء تلفزيوني ساعتين غير انو بكون جا قبل تلاتة ولا لقاء جماهيري اها الموضوع دة مكلف ارخي يدك معانا رقم الحساب بطرفك
05-17-2017, 01:15 PM
صلاح حمد صلاح حمد
تاريخ التسجيل: 08-09-2009
مجموع المشاركات: 989
يا أخوي ود أبو سن كيفن اللستة قفلت وأنا أول الراغبين في الذهاب معك أظنك داير تمشي براك ناس تطالب بتسجيلهم وناس تقول ليهم اللستة قفلت
اخير ليك تسوقني معاك قبل ما أصدح بالشعارات:
امريكا روسيا قد دنا عزابها هي لله هي لله لا للسلطة والجاه
واقوم أمشي مع وفد المنافي الرسمي لمباركة الحكومة الجديدة رحلة مدفوعة الأجر وبي تزاكرها وفنادقها وإمتيازاتها ونثرياتها وبالمرة نسجل عضويتنا مع حزب الوزيرة الحزب الاتحادي الليبرالي
تقول لي الموضوع مكلف ، وارخي يدك معانا ورقم حساب وكده
05-17-2017, 01:18 PM
أحمد الشايقي أحمد الشايقي
تاريخ التسجيل: 08-08-2004
مجموع المشاركات: 14611
لا حايداني يا الشايقي انا اصلي التلفزيون طلقني العيال سحبو مني شفتها صدفة منورة الشاشة وانا احب خلق الله السمحين كلهم اذكان جماع قال حاسر الرأس عند كل جماع خلني انا لقاء معاها كلام غلاد غلاد ذكرني ايام صباي زمن انتي دوهرنج والفلسفة الالمانية والمنزلة بين المنزلتين كنا محشين حشي يا زول وكبرنا اكتشفنا انو الحياة ابسط من ذلك وكذلك اللغة الناس دي دايرة تاكل وتشرب وتتناسل ف شنو رخينا منها
05-17-2017, 03:13 PM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
هوي يا كمال عباس ما تبقي حقارتك فيني انا المسكين تقوم تزرزرني الوزير بسمع ترشيحو من الرادي الما بخليني اسمع من الواتس شنو الواتس مليان تب لامن مدفق اصلح معاي ياخ ارخي الابنص بتصلح معاك لو وقعت لي الوزارة ابسطك بسطة اخليك تضحك ضرس ضرس
05-17-2017, 03:23 PM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
عليك الله يا محمد سليمان وكمال عباس تعالوا صادين شوف ود المدير منعم وقباني بهلو اللعب كيف . فرحانين فرح جد هجيج زي الهجيج هو يا صلاح الوفد دة سري ما تكشف الاوراق اعمل نايم خلاس اسكت اضفناك
05-17-2017, 03:44 PM
عبدالعظيم عثمان عبدالعظيم عثمان
تاريخ التسجيل: 06-29-2006
مجموع المشاركات: 8399
ههههههه دا بوست 2017 بدون منازع ... كلام اب سن القالو هنا ما حا يقدر يقول منو كلمة واحدة ساعة يقيف قدامه ... ياهو المتبكم والمتبلم والخوف يجي مارق في نقالة .... العجب قريبي ود المدير الماسكو الغدروف الله يستر عليهو من الشلل الرعاش .... بوست 2017 لانو اول مرة اشوف د. محمد E سليمان خاشي غلت. بوست 2017 لانو الاستاذ كمال عباس تداخل بي ثلاثة كلمات فقط مما افرحني. بوست 2017 لانو قباني الشفت بتاع امدرمان منزل اغنية خطيرة جدا" تشوف فيها اب سن ساكن وين وسارح وين والمطلع ديشو شنو ... بوست 2017 لانو فيهو كمية مأهولة من البوح ... كدي راجعو بوح مولانا ود الشايقي وهيثم والسر ود العيلفون أما اخونا صلاح حمد فقد المنطق وصار يهدد ويتوعد ... هههه مبالغه ... تحياتي يا زول يا طيب والجمع الكريم.
Quote: انا متبرع امشي لي الست الوزيرة في مكتبها واشيل منها جواب التوصية وحق التذاكر والنثريات والتأشيرة يوم واحد واجي قالب اوصل جوابها لي زميلها الوزير واشيل جوابو اجيبو للست الوزيرة خدمة وكدة لا احتاج جزءا ولا شكورا
و ياريت كمان قبل ما تمشى ليها تغشى مولانا الملك و تشد عمتو و نضّارتو و شالو و عصايتو الابنوسية و المركوب الجلد نمر داكا يا سلاااااااام ياخى حاجة أبهة و حات نضر ود عووضة و عافية ود دفع الله كان ما جابتك وزير دولة !! شنبى ده يقوم فى صلعة ود المدير
05-18-2017, 06:09 AM
حيدر حسن ميرغني حيدر حسن ميرغني
تاريخ التسجيل: 04-19-2005
مجموع المشاركات: 24986
بوست 2017 لانو اول مرة اشوف د. محمد E سليمان خاشي غلت - سلامات ياصلاح لا أعتقد ود سليمان دخل غلط بالعكس مداخلتو ما (فتلت) البوست ، بل ساهمت في (تحليته) والروعة في إجادة ود ابو سن للسواقة الهادئة (من غير عيك وعاك) أبرع من يسوق بوست في المنبر مهما كثرت مطباته تقديري لك
05-18-2017, 06:26 AM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
يا ناس هوي ما تقومو علينا العلالة من قبيل نرشرش في الواطة محمد سليمان ظبطنا ليهو الكراسي الوهيطة ديك تقعد تخش لي نصك . وكمال زاتو قاعد جمبو يقرطعو في الكركدي وياكلو في البلح بالفول المدمس اصلو الناس ديل احتفالتهم كدة بسيطة المظهر لكن وحات شيخي اكان شفتو فاتورة الفول والبلح والشيريا تجيب كافيار من روسيا طازج
05-18-2017, 06:33 AM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
ياهو دربي عليها يا عبدالعظيم علا يا اخوي ما لقيتلك غير قصبة التقنت ولا قصبة الحقنة دي دايرالها حاجات حديثة البارح بعد ناس الفريق ما هجعو عوقب عاودني طاعوني المطول وجعو يا ابوي الشيخ مطاردة العريب النجعو ما بتقبالي زي القدموني ورجعو
05-18-2017, 06:37 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
يا حليلك ياغالى و صاحبك سرح طوالى و الخوف يا غالى تسلك دروباً فوق اختمالى استوزرنا ياااااااا رب __________ اشجينا بها يا قبّا ياااخ __________ و يا حليل ابو النسب
البقى حاقد
05-18-2017, 06:43 AM
Yousuf Taha Yousuf Taha
تاريخ التسجيل: 05-03-2013
مجموع المشاركات: 1034
البشاري خليك مع الزمن ياخ محمد سليمان دة انا سايقو اول زول مع الوفد . وحتي كمان مقعدة في المقعد الاول للهايس جمب السواق ما تخرب البوستي نحن خلاس ركبنا الزلط تقوم ترجعنا للدقداق بعدينك الوزارة تجب ما قبلها صداقات ما قبل الوزارة لا تصلح بعدها الناس ماشة قدام مع الخط الصاعد تقول لي صاعد وين بكلم ود المدير يعضيك
05-18-2017, 06:52 AM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
يا صلاح الزبير كلم بكري يرفعو فوق ويخلي الخط بالوردي العريض المايل ويعمل ليهو قلب شاقيهو سهم وتلاتة نقاط دم حمراء قانية تنقط ويختو بين وردتين بنفسجيات لازم بنفسجيات
05-18-2017, 07:01 AM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
شكرا يوسف شايف في مارقين بحاولو يصرفونا عن هدفنا الاساسي وخطتنا المحكمة للارتقاء والخروج من عنق الزجاجة قدر ما نقول مرقنا نلقاهم ماسكين في كرعينا بقول ليهم احذرو ثم احذرو ثم احذرو
05-18-2017, 07:29 AM
ابراهيم عبد الوهاب ابراهيم عبد الوهاب
تاريخ التسجيل: 08-20-2015
مجموع المشاركات: 609
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عبدالحفيظ ابوسن
حيدر حسن ميرغني
يحي قباني
معاوية المدير
kamal omer
فرح الطاهر ابو روضة
علي دفع الله
ياسر السر
Mohamed E. Seliaman
ANWAR SAYED IBRAHIM
Mustafa Mahmoud
جلالدونا
عمار عبدالله عبدالرحمن
صلاح حمد
Hassan Makkawi
أحمد الشايقي
عبد المنعم سيد احمد
كمال عباس
عبدالعظيم عثمان
ابراهيم عبد الوهاب
محجوب البيلي
الامين موسى البشاري
Salah Zubeir
Yousuf Taha
فيس بوك
تويتر
انستقرام
يوتيوب
بنتيريست