|
|
|
 Re: مائة مليار دولار سلاح؟! (Re: أبوبكر عباس)
|
لو لاقيتو في أي حتة، لازم أسوقو معاي البيت يتعدى معاي، قبل داك بغشى ملجة مدني اشيل لي تلاتة بطيخات روثمان.
بحرص واحدة تكون اسبير في حالة الونسة فتحت معاهو.
مثلا:
سنة ٨٨ أتغدى معاي في البيت، في نص البطيخ ود اختي الموصيهو سألني: إتّا يا خال البيت دا بكون كلّف كم؟
لاحظ البيت مبني بداية الخمسينات
أرد ليهو: والله يا شلبي، يمكن كلّف ليهو خمسة ألف
تهامي لمان يسمع الرقم دا عيونو يقربن يمرقن، بوقف أكل البطيخ وبحك راسو باليمين وبطلع الحب (البذور) قبل وكتن
يلتفت لي مندهش وزعلان ويقول: اصلو شنو؟
فيهو كم أوضة القشر دا؟
استهلك كم لوري طوب؟
كم لوري تراب؟
خمسة ألف؟!
قول عشرين لوري طوب؟
اطناشر رملة
خمسة ألف فوق أم كم؟
برجع لصحن البطيخ بلهطو بزعل شديد
أي رقم اكتر من مية بعمل ليهو كاروشة
| |
 
|
|
|
|
|
|
|
|
Re: مائة مليار دولار سلاح؟! (Re: مني عمسيب)
|
أها قبال ما تسخن كويس دخلنا عليك بتوفير المادة
والسلاح ذاتو ما حيجيب نتيجة، لكن أهو يبدو ان مصير المنطقة صراع الأقوياء "الضعاف" ومزيد من الإضعاف للجانبين. نفس قصة الحرب الإرانية العراقية بس على وساع يشمل كل المنطقة
،،،،،،،
واشنطن تبيع الرياض أسلحة بأكثر من 100 مليار$
تاريخ النشر:13.05.2017 | 05:03 GMT | أخبار العالم العربي
واشنطن تبيع الرياض أسلحة بأكثر من 100 مليار$
http://alkhaleejonline.net
صورة أرشيفية
A+ A A- انسخ الرابط11002
كشف مسؤول بالبيت الأبيض عن قرب استكمال سلسلة من صفقات الأسلحة للسعودية تزيد قيمتها عن 100 مليار دولار وذلك قبل أسبوع من زيارة يعتزم الرئيس الأمريكي دونالد ترامب القيام بها للرياض.
ونقلت رويترز عن المسؤول دون تحديد هويته، أن "هذه الحزمة قد تزيد في نهاية الأمر عن 300 مليار دولار خلال عشر سنوات لمساعدة السعودية على تعزيز قدراتها الدفاعية.. وهي تهدف إلى بناء قدرات من أجل التهديدات التي تواجهها".
وقال المسؤول "إننا في المراحل الأخيرة من سلسلة صفقات".
ويأتي الكشف عن هذه الأنباء قبيل زيارة ترامب إلى السعودية المقررة في الـ19 من مايو الجاري في أول محطة له ضمن أولى جولاته الدولية.
وأوضح المسؤول أن الحزمة تشمل أسلحة أمريكية وصيانة وسفنا والدفاع الجوي الصاروخي والأمن البحري.
وتابع المسؤول قائلا، "إنه أمر طيب للاقتصاد الأمريكي ولكنه أمر طيب أيضا فيما يتعلق ببناء قدرات تتناسب مع تحديات المنطقة، ستظل إسرائيل تحتفظ بتفوق".
وتعد الولايات المتحدة المورد الرئيسي لمعظم احتياجات السعودية من الطائرات المقاتلة من طراز "إف-15" إلى أنظمة قيادة وتحكم تساوي عشرات المليارات من الدولارات في السنوات الأخيرة.
إقرأ المزيد
محادثات سعودية - أمريكية بشأن مبيعات أسلحة بمليارات الدولاراتمحادثات سعودية - أمريكية بشأن مبيعات أسلحة بمليارات الدولارات
https://arabic.rt.com/middle_east/877020-%D9%85%D8%AD%D8%A7%D8%AF%D8%AB%D8%A7%D8%AA-%D8%B3%D8%B9%D9%88%D8%AF%D9%8A%D8%A9-%D8%A3%D9%85%D8%B1%...7%D8%B1%D8%A7%D8%AA/
وأضاف المسؤول إن ترامب سيحضر خلال وجوده في الرياض ثلاث مناسبات كبيرة وهي سلسلة اجتماعات مع المسؤولين السعوديين وجلسة منفصلة مع زعماء دول مجلس التعاون الخليجي الست وغداء مع زعماء عرب ومسلمين.
وبالإضافة إلى السعودية ستتضمن جولة ترامب أيضا زيارة إسرائيل والفاتيكان وبروكسل لحضور اجتماع قمة لحلف شمال الأطلسي وصقلية لحضور اجتماع قمة مجموعة السبع.
المصدر: وكالات
نتاليا عبدالله
| |
|
|
|
|
|
|
|
|
Re: مائة مليار دولار سلاح؟! (Re: Yasir Elsharif)
|
والله، يا منى وياسر،
لمان سمعت الخبر دا، أول حاجة قلتا مذيعة الجزيرة الحلوة دي تكون الليلة كترت الكحل؟!
الكحل بوسع إنسان العين بخلي زمان البنات في الحفلات مطششات،
والأصفر طششن بيها،
حولت القناة للعربية؛ نفس الرقم
جاتني كاروشة تهامي
قلت يا ناس، منو الممكن يكون درّج الخبر دا لتهامي ود أمي؟
لو سمعو بدون تنقيص أربعة أصفار؛ بطيخ سنار كلو ما ببرد ليهو حشاهو
تخيلت نفسي قلت ليهو: في نص بطيخ، تعرف يا تهامي، أمس محمد بن سلمان اشترى من مستر ترمب سلاح بمليون دولار
| |
|
|
|
|
|
|
|
|
|
Re: مائة مليار دولار سلاح؟! (Re: مني عمسيب)
|
مائة مليار دولار يا منى،
حداشر صفر قدام الواحد
100000000000.0
دي تحل مشكلة وادي النيل بسكانو المتين مليون من سد النهضة للدلتا
اثيوبيا عشان تبني السد دا باربعة مليار؛ شحدت طوب الارض يتبرع ليها
أين يتجه العالم مع هؤلاء المجانين؟؟
ممكن تكون تكلفة قتل اليمني تفوق عشرات المرات كل الدخل الذي جناهو طيلة حياته قبل القنبلة!
ممكن تكلفة قتل اليمني اب وزار دا، ساهمت في رفاهية عشرين أمريكي شغالين في مصانع السلاح دا!!!
| |
|
|
|
|
|
|
|
|
|
Re: مائة مليار دولار سلاح؟! (Re: Asim Ali)
|
يا ابكرونا صباح الخيرات ..
وفيما الدهشة يا ابكرونا !!!
أين يتجه العالم مع هؤلاء المجانين؟؟
العالم اتجه وانتهي يعني بعد الحاصل دا كلوووووو
دايرو يتجه لي وين تاني ؟؟؟؟
السعودية وشلتها بتشتري في البشر من القوات البدافع
ليها وعنها يعني حا يدافعوا بشنو موش لازم يشتروا سلاح
من ربهم الاعلي امريكا ؟؟
اللهم اليك المشكي .
| |
|
|
|
|
|
|
|
|
|
Re: مائة مليار دولار سلاح؟! (Re: Hassan Makkawi)
|
لوبي السلاح واحد من اللوبيات المؤثرة في اختيار الرئيس
و الرئيس بيسًوق ليهم السلاح بالضغط او الابتزاز لحروب عبثية
و ما علي الضحايا الا الشراء و الدفع ببترول رخيص
و الضحايا غالبا ما عندهم نقاط ضعف اما في نظام الحكم او حقوق الانسان الخ...
| |
|
|
|
|
|
|
|
|
|
Re: مائة مليار دولار سلاح؟! (Re: Nasser Amin)
|
خلاس دا السبب الرئيسي الخلا الرئيس الامريكي
المتهور يوافق علي الحضور لملوك الكرتون !!!!
ورؤساء خيال المآته !!! خلاس الناقصة وتمت !!
يعني الحروبات الفي راسنا لسه عندها حلقات طويلة !
اللهم نسألك ان تأخذهم أخذ عزيز مقتدر وتبعدهم عنا
بعد السماوات للارض وتصلح حالنا عاجلآ غير اجلآ .
سلام يا شباب .
| |
|
|
|
|
|
|
| |
أبوبكر عباس
مني عمسيب
Yasir Elsharif
حيدر حسن ميرغني
Asim Ali
Hassan Makkawi
Nasser Amin
فيس بوك
تويتر
انستقرام
يوتيوب
بنتيريست