|
دعواتكم لزميلنا المفكر د.الباقر العفيف بالشفاء العاجل
|
|
 Re: أبو حجار طريق اللواري القديم (Re: أبوبكر عباس)
|
رحلوها مدني وسكنت اشلاق البوليس، لم تكن الاشلاق كما عليه الآن،
كانت بيوت محترمة جدا
زوجها بالرغم من إنّو عسكري، إلا أنه كعادة أولاد الشايقية وجيهين وحنينين وبقدروا المرأة.
قالت لمحدثها بقطية سوق بابي حجار وهي تستعيد ذكرياتها:
مدني دي في الستينات لم تكن تقل عن باريس في شيء
| |
 
|
|
|
|
|
|
|
|
Re: أبو حجار طريق اللواري القديم (Re: أبوبكر عباس)
|
واصلت:
وصلت مدني يوم خميس شهر اتنين سنة أربعة وستين، بعد احتفالات ناس الاشلاك بينا وكرمم،
الخميس أليعزر كنت مع خدر قاعدة في لوج سينما الخواجة بنحضر في فيلم:
امرأتان لصوفيا لورين
بعد الفيلم مشينا البيت كداري وكان ماسك يدي من باب السينما للبيت
سيد البوري البسمه في قصتها دي، سفتو قربت تقع من رخية شلوفتو وحيرتو
| |
|
|
|
|
|
|
|
|
|
Re: أبو حجار طريق اللواري القديم (Re: أبوبكر عباس)
|
شهر خمسة سنة أربعة وستين ابو خدر مات، تذكرت كلام أمها، قعدت تبكي بحرقة، خدر افتكرها متأثرة فعلا بموت ابوهو،
أكبر القصّة دي فيها
بعد أربعة شهور وعشرة يوم بالظبط، الشايقية كانت متحكرّة في الأوضة التانية واحتلت البرندة احتلال تام
قالت: فال الله ولا فالك يا أمي، يا سحارة
| |
|
|
|
|
|
|
|
|
|
Re: أبو حجار طريق اللواري القديم (Re: باسط المكي)
|
سلام يا باسطة،
ابو حجار عجيبة وعندهم عصيدة دخن بملاح كجيك، لو أكلتها، صعب صعب تفوتها
باقي لي نسوان السوق بترترن فيها عرق
الزولة البحكي عنها دي كانت بتعاملني تعامل خاص من دون الموظفين، ما عارفها بتريدني عشان حلاوتي؟ولّ عشان كنت بستمع ليها بمحبة؟
| |
|
|
|
|
|
|
|
|
|
Re: أبو حجار طريق اللواري القديم (Re: أبوبكر عباس)
|
قالت لسواق اللوري المتلش:
أم خدر دي لئيمة لؤم لؤم ما بتوصف ومن غير سبب، ما بتمر ساعة بدون تلصق ليك كلمة حامضة بالكسرة الشايقية ما تتبلع،
المعيشة معاها شبه مستحيلة وفِي نفس الوكت خدر لذيذ لذة تقول تبلعو بسفنجاتو.
المهم زي ما بقول تبارك:
قبل ثورة أكتوبر بيومين صبت آخر مطرة في خريف السنة ديك، الجو بعد العشا بقى جو فول، نسوان الاشلاك كلهن شدّن الحفر،
ربك ومكرمو المرفعين (النسيبة) شخرت شخير أهل الكهف
| |
|
|
|
|
|
|
|
|
|
Re: أبو حجار طريق اللواري القديم (Re: أبوبكر عباس)
|
خدر كان بحضر ليهو في كورة بين برشلونة وريال مدريد، لمان شمّ ريحة العتقة، قفل التلفزيون وجاء ببنطلونو الكاكي والفنلّة الداخلية والقاش مفتوح، لقى المرفين نائم، خطفتي من النار وعلي الغرفة.
وحات الله، قبلتو وهو شايلني في نص البرندة قبلة حسدتني عليها صوفيا لورين، وسمعت صداها في خشمي الكبير دا.
بتاع اللوري بلع السفة وقال ليها وخشمو مليان لعاب:
مرّة حضرت لقاء مع براد بت قالوا ليهو منو من الممثلات بتحب تقبيلها
قال ليهم: جوليا روبرتس، فمها كبير بتسمع للقبلة صدى
| |
|
|
|
|
|
|
|
|
|
Re: أبو حجار طريق اللواري القديم (Re: abas)
|
نزلت في حتة اخطر من تنقرو باريس يا معتز
تصدق مرّة حضرت لي قعدة في الشاطئ ضابحين فوقها سبعة خرفان،
أصلاً المطرة قطعت السكة حديد في ابي حجار
القطر كان فيهو موظفين كتار ماشين الدمازين
سقناهم الميس، واحد منهم قال بس بحر ابو حجار
شلنا الخرفان والمسجل
الكلام دا ليهو سبعة وعشرين سنة
متذكر لون قميص الزول الكان بدوبي لينا في الليلة ديك
واحد من الموظفين مرتو من أم درمان بتسوق عربية جات ساقتو
اعتذرت لي بصفتي الوحيد الصاحي، قالت لي: معليش، عارفاهو بتعولق بعد الشراب، تكلو وصلو لي العربية
| |
|
|
|
|
|
|
|
|
 Re: أبو حجار طريق اللواري القديم (Re: أبوبكر عباس)
|
سلام ليك يا مستنير و بى ضيوفك الكرام
طال ما حمت الختات ديك لا عِن تمبول .. تنبول ..
و ما تغشى الحتّة ديك و لا تجيب ذكِرا ,, يبقى استنارتك عايزالا رقعة
و بل كمان خربانة من اساسا
القصيناب يا عزيزى المفروض تكون عاصمة استنارتك فى البلدات ديك
يبقى علينا العوض و اتغشينا فيك كان ما عِترت ليك فى درب استنارتك
خلى كمان مولانا الملك يجى يغالت فى الحتة دى كمان
عشان اسوقوا و اوريهو شوف عين ما سمع اضنين
___
ثم قال
رحم الله الاستيكة
| |
|
|
|
|
|
|
|
|
 Re: أبو حجار طريق اللواري القديم (Re: جلالدونا)
|
يا ابو الشباب يا مستنير
التعليق دا مفروض أكان يكون في بوست الصاوي لكنه معطل اضافة الردود
شوف يا معلّم ما تخرب لينا الموت بالرفسي! اشرب زيتك و اتكرّع واحمد سيدك
ما تاكلنا حنك قال دييل قال, زي ما قلت ليك طريق ابوحجار دا ما بخارجك منّها, ايزين حجوة مجيّهة أقّل شي فيها قصص من المرسى ثم مقاهي دبي و كمان كان دخّلت لينا فيها دينا خالد تكون ما قصّرت
| |
|
|
|
|
|
|
|
|
Re: أبو حجار طريق اللواري القديم (Re: أحمد محمد عمر)
|
يا بكور ياخ ينصر دينك يا مواطن ....
تلك الأنحاء سكر فيها العبادي ورفيقه الحاج محمد أحمد سرور من خمرة جمال عريبيات فيها ...
حين قال قال مترنحا على ظهر الفيات :
انزل ياصديق وشوف يد القدرة....شوف حسن البداوه الما لمس بدره
وراد النهر اردونى ما بدرى.......الكاتل الصفار أم نضرة الخضره
******
مانفرن تقول سابق الكلام الفه......عطشان قلت ليهن وصحت البلفه
مافيش كاس قريب قالن لي دون كلفه........تشرب بكفوفنا لما تتكفى
قول قول آزول ....
وعج على ربوع هندة واتيامن الرماش ....
قومت نفسنا ياخ ....
محبتي ....
| |
|
|
|
|
|
|
|
|
|
Re: أبو حجار طريق اللواري القديم (Re: عبد الباقي الجيلي)
|
أصوات الود العجيبة ديك صحّت المرفعين من النوم،
غضبت غضب شديد
كيف يخلوها نائمة في البرندة ويدخلوا يسووا في قلة الأدب؟!
حسّت اتعاملوا معاها كطفلة، نوموها وقاموا دخلوا الأوضة.
شالت عصايتا ودقت ليهم باب الأوضة وقالت بمساخة ولؤم شديدة ولكنة معروفة:
خدر، خدر هوي
دا شنو البتسوي فوقو دا؟
سيب البتسوي فوقو دا إتّا بكرة وراك استعداد
| |
|
|
|
|
|
|
|
|
|
Re: أبو حجار طريق اللواري القديم (Re: أبوبكر عباس)
|
هلا ابوبكر
يااااخ ذكرت مكانا عزيزا علي ابوحجار
تلك الديار لنا فيها اهل واخوة واصدقاء واحبة وذكريات نعرفها اكثر مما نعرف انفسنا
فياصديقي المنطقة من النيل او كما يحلو لنا تسميتها نحن اهل كركوج الشريف بمنطقة الهوج اي غرب النيل
وللمعلومية شرق النيل وغربه هذه المدن والقري والحلول بينهما ود منقطع النظير يتداخل اهل الشرق والغرب في كل شي
بدءا من الافراح الاتراح الاعراس كل المناسبات حلوها ومرها حتي ان الجميع صاروا اهلا بحكم العشرة
وبها من المناظر الخلابة التي تذهب بالعقل ومعها نساء يمتن همة المسافرين فالتحية لكل اهالي المنطقة شرقا
بدءا من ودالعيس وجندلة والجزائر بشقيها مروا بالقبة والعمارة وام سنط ومحبوبتي كركوج الشريف وغربا
من ودالنيل والتفقية ودار عقيل وسيرو وابوحجار وابونعامة
والتحية ليك يا حبيب
| |
|
|
|
|
|
|
|
|
|
Re: أبو حجار طريق اللواري القديم (Re: حسن ادم محمد العالم)
|
أوعة يكون التكثيف الفات من أجل الوصول للحظة دق الباب المتعمد على زوجين اثناء قمة خصوصيتم، كان زايد عن حدو؟
غرضي اعطاء بطلتي مبرر لما فعلته بعد هذه اللحظة بحياتها
اللحظات دي كانت مفترق طرق لبداية حياة جديدة مختلفة
الشيطان أو الله أو الاحتمالات تترصدنا في مفترق الطرق
| |
|
|
|
|
|
|
|
|
|
Re: أبو حجار طريق اللواري القديم (Re: أبوبكر عباس)
|
قبل أسبوعين كنت مع صديق في رحلة بريّة لمدة ثلاثة اسابيع
حكينا لبعض قصص وحكاوي كتيرة
واحدة من حاكاويهو تمت لي حكاية زولة بتبيع أكل وشاي علي طريف ابوحجار الدمازين سنة تسعين.
سنة تسعين، أنا بكور دا، كنت جلابي برجوازي رعديد
سنة ٢٠١٧ أنا جلابي برجوازي مستنير
بشرح ليكم ليش خيالي الرعديد احتفظ بصورة ست الشاي دي لحدي هسع
| |
|
|
|
|
|
|
|
|
|
Re: أبو حجار طريق اللواري القديم (Re: Salah Zubeir)
|
زمان يا بقّة، قبل اشوف وأعيش في عواصم العالم المتحضر، كنت على قناعة إنّو أحسن مكان تعيش فيهو هو الضفة الغربية للنيل الأزرق من الدمازين لحدي جنوب الخرطوم.
أبو حجار بالتأكيد هي عروس هذه الضفة
الله يعرس ليك يا بقّة أخوي
| |
|
|
|
|
|
|
|
|
|
Re: أبو حجار طريق اللواري القديم (Re: أبوبكر عباس)
|
ها زول هه ....
عرس عديييييييل كده ...
البنطون فيهو ريس .....
هههههههههههه
بمناسبة العرس ....
ورد أن أول زيجة لوالدنا الشيخ عبدالباقي ود الشيخ حمدالنيل رضي الله عنهما ... كانت من إحدى حسان أبو حجار من آل أبي روف
أسرة الناظر المعروف .... والذي كانت بينه وبين أهلنا العركيين علاقة ود ومصاهرة ....
لكن والله مرتي العركية دي تقرا كلامك الفوق ..
علا تحرم علي المنبر تب
ههههههههههههههه
كمل حديسك السمح ده
علا ما تجيب سيرة العرس ده
| |
|
|
|
|
|
|
| |
أبوبكر عباس
عبدالله عثمان
باسط المكي
محمد جمعه الخير
abas
Osama Siddig
محمد على طه الملك
جلالدونا
محمد البشرى الخضر
عبد الباقي الجيلي
Salah Zubeir
فيس بوك
تويتر
انستقرام
يوتيوب
بنتيريست