|
دعواتكم لزميلنا المفكر د.الباقر العفيف بالشفاء العاجل
|
|
 Re: منى عمسيب مساك دربين ضهيب (Re: صديق مهدى على)
|
هي حصلت كدة يا صديق
و يردم شنو يا الفالح انت
المحتاج الردم هو الجهل و الفقر و النهب لاموال الشعب
و المراحيض التي عفا عنها الزمن بالمدارس و المرافق العامة
طبعاً لا استغرب ابو كتابة الشريفة بنت النيلين
مني عمسيب ما تكون عاجباك و لا تكون عاجبة الحكومة.
لانو الحقيقة ما بقولها الا انسان متصالح مع نفسو
و أمين مع عقلو و شجاع في طرحو
بعدين موية حارة و سقايين
دي ما لغة ممكن نستخدما مع زملاء لنا في المنبر
فعلاً زي ما بقول المثل(( ألإختشوا ماتوا))
| |
  
|
|
|
|
|
|
|
|
Re: منى عمسيب مساك دربين ضهيب (Re: باسط المكي)
|
لكن ببنى وبينكم طابور خامس ههها
.....
تصدق بالله يا صديق...
النوع دامن الكتابات بقلل من قيمة صاحبة...
لما تدّخل الجد فى الهزل فى السخرية فى المواضيع الخطيرة فى أتهامات الناس لزوم الترفيه عن النفس ....
لما تعمل أىىىىىىىىىى حاجة أرضاءا للبعيدة من ذكر الله الآنقاذ..
أت مشيت ليهم..
و قلنا ليك دربك أخضر..
قشة ما تعتر ليك..
تانى لزوم الورجغة شنو ؟
| |
|
|
|
|
|
|
|
|
|
Re: منى عمسيب مساك دربين ضهيب (Re: nour tawir)
|
حباب نور ا ها انت والدكتور نمن سافرتوا من القاهرة فى منتصف التسعينات
لمقابلة الكيزان فى كينيا منو الدفع ليكم التذاكر وحق الفنادق ههها ا ها
لسع على عهدكم مع الإنقاذ هههها
ين
| |
|
|
|
|
|
|
|
|
|
Re: منى عمسيب مساك دربين ضهيب (Re: Hamid Elsawi)
|
حباب ودالصاوى أب جوكرا مخاوى اها بكرة شن ناوى تدق سدرك وتقول
انا ودالصاوى حرم البمس منى بت عمسيب اجيهو صغرا خاوى اصطادو
حتى لو كان بكتب بمداد الخلاوى هع انا ودالصاوى الله أكبر عليكم يا
صبيان القهاوى
| |
|
|
|
|
|
|
|
|
|
Re: منى عمسيب مساك دربين ضهيب (Re: صديق مهدى على)
|
حباب نور ا ها انت والدكتور نمن سافرتوا من القاهرة فى منتصف التسعينات لمقابلة الكيزان فى كينيا منو الدفع ليكم التذاكر وحق الفنادق ههها ا ها لسع على عهدكم
....
أولا يا صديق لو عايزتقول انى لى علاقة سابقة مع الكيزان....
تبقى بائس صحى صحى..
تانيا انا لما سافرت نيروبى سافرت بى تذاكر باسم محمد هارون كافى..
و مشينا ليه عشان هو قال عايز يصالح الحكومة ويدخل الخرطوم..
سافرنا عشان نمنعه...
و عشان نقنعه بأنه خطوته دى غلط و عليها خطورة..
راجعنا معاه برنامجه و اقتراحاته لحل قضية جبال النوبة..
البرنامج جيد...
و لكن قلنا ليه البرنامج ما حينفع مع الانقاذ..
و رجعنا القاهرة وسبناه..
بعد كدا عرفنا انه مشى الخرطوم..
و يا صديق المهدى أنا لو بتاعة علاقة مع الكيزان زيكم انتو فى حزب الامة..
اسالهم جروا وراى قدر شنو ؟
و أسأل عبدو منصور جماع واحد من مسئولين السفارة فى القاهرة..
لما جاب لى شيك على بياض..
و قال لى ختى المبلغ الدايراه و نعملك وزيرة..
طردته من بيتى فى مصر الجديدة..
و فى كينيا..
نزلت فى بيت محمد هارون كافى..
و أنا ماشة على العربية عشان أمشى المطار..
جانى واحد من السفارة وقال لى..
رئيس الجمهورية أتصل وقال ترجعى السودان..
و الدايراه كلو حيكون..
فيا صديق المهدى..
لما تتكلم..
أتكلم عل قدرك..
و أذا أنت عارف نفسك فاسد..
فدا ما معناه ان كل الناس فاسدين..
لآنه ذمتى اشرف منك ومن أى واحد فى حزب الآمة بتاعكم من الصادق المهدى لحدى اصغر جرو..
تذاكر شنو البتتكلم عنها يا وهم...
| |
|
|
|
|
|
|
|
|
|
Re: منى عمسيب مساك دربين ضهيب (Re: nour tawir)
|
ما فى داعى للشتايم يا نور ودى حقيقة وكل الناس فى القاهرة بتشهد عليها
لان تحركك انت ودكتور عمار كان سرى شديد وحتى فى الندوة التى اقامتها
الشعبية فى دار الاتحادي الديمقراطى وانا كنت موجود عمار طلب ان يقوم
ويوضح للناس اسباب سفرته إلى كينيا رفض طلبه من قبل ادارة الندوة
وهذا دليل عن عدم رضاء ناس الحركة عن عملتكم الشينة يا نور والله عيب
عليك هذه البيعة هههها
| |
|
|
|
|
|
|
|
|
|
Re: منى عمسيب مساك دربين ضهيب (Re: فرح الطاهر ابو روضة)
|
حباب الطاهر ابوروضة لعلمك انا انسان لى خصوصياتى ولا اعمل بتوصية
احد لاننى اكون ماجور فى يوم من الأيام حتى طيلة وجودى فى القاهرة
لم اعتمد على ولا تنظيم بل اكل من عمل يدى لذا كنت أمتلك قرارى والى
الان والحمد لله
تحياتى
يا غالى
فاليحيا الوطنى وكل وطنى
| |
|
|
|
|
|
|
|
|
|
Re: منى عمسيب مساك دربين ضهيب (Re: صديق مهدى على)
|
صديق مهدي ..
الاخوات/ nour tawir - مني عمسيب مواقفهما في المنبر واضحة ولا تحتاج لمزايدات وتنال منا كل مصداقية ..
بعكسكم تماما ليس لديكم سوي الكذب والتلفيق والرياء ..
صراحة لا اصدق هذا العبث الذي تمارسه ..
لعلمك لست ادافع عنهما لانهما يعرفان كيف يردان عليك ..
كلمة حق يجب ان تقال بحقهما ..
هل لديك مستندات - صور يدعمونك في هذا العبث ؟
او كما قال ابو الرور بأنه تم تكليفك بملف كنداكات المنبر ...
| |
|
|
|
|
|
|
|
|
|
Re: منى عمسيب مساك دربين ضهيب (Re: ملهم كردفان)
|
يا صديق صالح الحكومة بطريقتك و بايع عمر البشير بطريقتك لكن مافي داعي
تلجأ للاسلوب ده، لو منى عمسيب كتبت ليك كلام في رأيي انك ممكن ترد عليهو
في محلو و لعلمك منى لا مساكة دربين و للا شيتين بل دربها واااحد صريح و دوغري.
بالمناسبة طلام معاوية الصائم صحيح لو جيت امريكا مع اعادة التوطين حقو تمشي تعتذر لناس
الامم المتحدة و تقول ليهم شكر الله سعيكم و ما قصرتوا تب و انا الان خلاص مشكلتي
مع الحكومة انتهت.
| |
|
|
|
|
|
|
|
|
|
Re: منى عمسيب مساك دربين ضهيب (Re: سيف النصر محي الدين)
|
صديق المهدى....
ما فى داعى للشتايم يا نور ودى حقيقة وكل الناس فى القاهرة بتشهد عليها لان تحركك انت ودكتور عمار كان سرى شديد وحتى فى الندوة التى اقامتها الشعبية فى دار الاتحادي الديمقراطى وانا كنت موجود عمار طلب ان يقوم ويوضح للناس اسباب سفرته إلى كينيا رفض طلبه من قبل ادارة الندوة وهذا دليل عن عدم رضاء ناس الحركة عن عملتكم الشينة يا نور والله عيب عليك هذه البيعة هههها
.....
كوووول الورجغة دى ما تحرك فينى شعرة...
لآنى حافظة اسلوب الكيزان .....
و عندى خبرة وااااسعة فى المجال دا...
وأى واحد يدخل فى الحكومة دى...
ما بيستحى أنه يلّبس الناس أى تهم..
ودى سياسة كيزان..
و سياسة أنقاذ..
لانه الاسلوب دا المقصود بيه ضرب المعارضة..
يعنى وساخة كيزان ليس ألا...
دى واحدة..
تانيا..
أنا ما مسئولة من دكتور عمار...
و لا عبد الزمار...
مسئولة من نفسى..
و أذا كانت عندى أيييى علاقة مع الانقاذ..
كان مشيت السودان مع الوفد بتاع محمد هارون كافى..
و مارجعت القاهرة..
و معارضتى للنظام عشرة سنوات فى القاهرة دى بيعرفها الاعمى و الاصم..
ودى الحقيقة الانت عايز تطمسها...
فشنو ؟
شوف ليك طريقة تانية..
تالتا..
أت وجعك كلام بت عمسيب..
عشان قالت المتحولين ديل..
أصلا ما كانوا معارضة..
و اليمشى منهم للحكومة ما اسفا عليه..
عشان كدا جيت فتحت البوست الخيبان دا...
رابعا يا صديق مهدى..
أى عضو فى حزب الآمة.,.
ما يتجرأ وينتقد المعارضة..
لانو حزبكم هو سبب الآزمة السودانية الاحنا عايشنها دى..
الصادق المهدى أخد كم مليار من الانقاذ فى ال28 سنة دى يا محترم ؟
تعاون مع الانقاذ قدر شنو ؟
عبدالرحمن المهدى فى الحكومة على عينك يا تاجر..
حزب الامة حكم السودان تلاتة مرات..
و كل مرة بتفشلوا لغاية ما يجوا العسكر وياخدوا منكم الحكم..
و راسا تجروا تتعاونوا مع العسكر..
وبعدين أت اصلا ما كنت معارضة..
و هسى دى رجعت لى قواعدك سالما...
الجرسة فى شنو ؟
تقابض الناس فى المنبر اشكال ألوان...
و خليت كوووووول بلاوى حزب الامة وجاى تمسك فى منى عمسيب و نور تاور و أى واحد أو واحدة عندها موقف صريح وواضح من حكومتكم..
يا هو دا البيقولوا لاعليه عيب...
و بعدين يا صديق المهدى اصلو لازم تكره سلسفيل ابو اللى خلفونى..
و تحاول تتطاول علىّ وتلّبسنى التهم..
لانه اسلوبك دا هو عقلية حزب الآمة تجاه النوبة..
و لا أفكرك بحرب المراحيل و المليشيات الولعتوا بيها جبال النوبة..
بى نيران أكتر من 30 سنة ما قادرين نطفيها..
صحيح ألاختشوا ماتوا يا ولد المهدى....
| |
|
|
|
|
|
|
|
|
|
Re: منى عمسيب مساك دربين ضهيب (Re: nour tawir)
|
الشخص حر فيما يراه أو يعتقد أنه الأجدى له لكن أن تجمع الآخرين بصورة او بأخرى يا صديق دا ما جميل كما تفعل الاستاذة نور تاور ف دا ما حبابو خالص مع كامل الإحترام يا استاذة لكن كونك تشملي صديق بحزب الأمة وعلاقاتكم وأنا ونحن وإنتوا دا ما سليم ولحزب الامة إعتذار في ذمتك ثم يا أستاذة لو قالوا ليك أولاد تاور ديل كلهم كيزان الكلام دا ما بعجبني انا شخصياً خليك من نور الموقفها كل الناس عارفاه فـ كونك نشملي الآخرين في حبل واحد دا كلام ما سليم . ثم حقيقة ما موفق في البوست يا صديق وبت عمسيب ليها التحية ولكل المعارضين
| |
|
|
|
|
|
|
|
|
|
Re: منى عمسيب مساك دربين ضهيب (Re: إبراهيم محبوب الخيري)
|
حبابكم عشرة لكن تابعوا بوست منى عمسيب والوصف الذى وصفت به
الاخرين فى تحديد موقفهم الواضح من أجل سودان يسع الجميع أما نور
فقد تجاوزت حدها بالاساءة إلى الامام الصادق المهدى وحزبه الحزيق
حزب الأمة الذى تضم قاعدته عدد كبير من أهل السودان
تخريمة
انا ذكرت موقف نور من المعارضة فى منتصف التسعينات فعليها أن تنفى
او تثبت وبس بعيدا عن الإساءة
| |
|
|
|
|
|
|
|
|
|
Re: منى عمسيب مساك دربين ضهيب (Re: صديق مهدى على)
|
(-) انا حديث في المنبر كتابه ولكن قديم مطالعة منذ خمس عشر سنة واعلم مابه تماما
(-) الاخت الفُضلى منى تكتب بشعورها الوطني بعيدا عن تصنيفها فانا ليس لي ناقة او بعير في ما يكتب اي حزب
(-) وفعلا قضية الوطن من اولى اهتماماتها الشاغله كلمة حق اريد بها حق وشعور عند قراءة ما تكتبه
(-) صحيح قد يختبيء الكذب والصدق بين ما يكتبه البعض ولكنها ليس من هذا النوع
| |
|
|
|
|
|
|
|
|
|
Re: منى عمسيب مساك دربين ضهيب (Re: ياسر منصور عثمان)
|
الآخ الفاضل ابراهيم محبوب خيرى...
ذمتك ثم يا أستاذة لو قالوا ليك أولاد تاور ديل كلهم كيزان الكلام دا ما بعجبني انا شخصياً خليك من نور الموقفها كل الناس عارفاه فـ كونك نشملي الآخرين في حبل واحد دا كلام ما سليم .
....
أنا اقتنعت بوجهة نظرك..
و طّلعت حزب الامة من الحوار دا..
بس ما حا أعتذر لحزب الآمة..
لان الكلام المكتوب هنا دا هو الحصل لينا فعلا...
فهل أعتذر الامام ؟
لا طبعا....
| |
|
|
|
|
|
|
|
|
|
Re: منى عمسيب مساك دربين ضهيب (Re: nour tawir)
|
ثم ثانيا...
أشكر كل الاخوة الكرام القالوا كلمة حق فى منى او فى شخصى..
أنا مثلا صارعت نظام الانقاذ من يوم 30 يونيو 1989..
و أصعب فترة هى فترة المعارضة فى القاهرة..
تسعة سنوات شفنا فيها عذاب ما أنزل الله به من سلطان..
فلما يجى واحد بكل بساطة يحاول يشكك فى معارضتك..
ويحاول يدمر ليك التسعة سنوات دى...
فدى ما بتعدى ....
أو أنه الواحد يفتح ليه بوست طويل عريض..
عشان يتناول أخت فاضلة..
ما شفنا منها ألا كل صدق و أمانة فى تناول الانقاذ..
يبقى السبب شنو ؟
و السبب واضح طبعا..
أنه واحدة زى منى لازم ينّتفوا ريشها عشان تسكت..
و عشان تسحب البوست بتاع ممتلكات الانقاذيين...الخ
و صاحب الوبست ما عارف أنه اللى زى منى دى رقم..
غير قابل للكسر..
خلاصة الآمر..
المنبر غرقان كوادر انقاذية..
و سياسة الانقاذ انها تضايق المعارضة..
فيبدأوا بمين ؟
بى واحدة زى منى..
| |
|
|
|
|
|
|
|
|
|
Re: منى عمسيب مساك دربين ضهيب (Re: عبدالله ود البوش)
|
سلامات يا صديق ..
الأخت منى تنطلق في جل كتاباتها من شعور ودافع وطني غيور ..
ليس لها انتماء تنظيمي أو حزبي أو سياسي فيما يبدو من كتاباتها..
وهي ابعد ما يكون عن استهداف الناس في اشخاصهم ..
هي مواطنة سودانية يؤلمها ويورقها ويقض مضجعها ما يحدث لوطنها تحت بصرها وبصر رجاله ونسائه ..
منى مقيمة بهولندا منذ أكثر من عقد ونيف ..
وهي مثال للمرأة السودانية الكادحة الطموحة ..
أهلت نفسها منذ هجرتها لاوربا والآن تعمل وتكسب قوتها وفق شروط سوق العمل الأوربي ..
وهو سوق لو تعلمون لا يدخله إلا شخص مؤهل وحاذق ..
نعم مثل منى يحتاجه النظام الحاكم في السودان لأنها عنوان للمرأة السودانية الناجحة في المهاجر..
يسعى إليها حثيثا بكل الوسائل لكي يستغل موقعها في المجتمع الذي هاجرت إليه ..
ويدجن علاقاتها التي بنتها بجدها واجتهادها لمصالحه السياسية ..
غير أنها فيما نعلم صامدة لا تبيع وطنيتها لاي كان كيما كانت الإغراءات ..
أسأل الله أن يعينها على أصدقائها قبل اعدائها ..
وأن يوفقها ويثبتها على الحق الذي اختارت طريقة المحفوف بالتضحيات .
| |
|
|
|
|
|
|
|
|
|
 Re: منى عمسيب مساك دربين ضهيب (Re: ناصر حسين محمد)
|
Quote: الناس الجات ناطة جوز ولابسة عباية الاخلاق الحميدة وين كنتو انتو
وقت قالت بلهاء صديق ده مشمول بكلمة الرجال البلهاء وفي اعتقادي ده وصف
شنيع في حق راجل وصديق ما وصل مرحلة اساءة شخصية في البوست ده |
أُوُوووووووووووووودُلُب ...
| |
|
|
|
|
|
|
|
| |
صديق مهدى على
Hamid Elsawi
باسط المكي
nour tawir
علي دفع الله
Arif Nashed
فرح الطاهر ابو روضة
معاوية عبيد الصائم
ملهم كردفان
سيف النصر محي الدين
إبراهيم محبوب الخيري
حيدر حسن ميرغني
ياسر منصور عثمان
عبدالله ود البوش
محمد على طه الملك
الشامي الحبر عبدالوهاب
علاء سيداحمد
ناصر حسين محمد
معاوية المدير
سيف اليزل سعد عمر
فيس بوك
تويتر
انستقرام
يوتيوب
بنتيريست