|
دعواتكم لزميلنا المفكر د.الباقر العفيف بالشفاء العاجل
|
|
 Re: سر الختم يحصد جميع الأصوات ويفوز برئاسة ا (Re: Maawya Hussein)
|
يا حمدوف خلاصة الخلاصة انو الانتخابات قامت اليوم
رغم المزاعم الأكدت أنو الاتحاد الدولي ( فيفا) مدد للاتحاد
لفترة ستة أشهر ورفض قيام الجمعية العمومية ..
أها اليوم قامت الانتخابات وفاز بيها الفريق عبد الرحمن
سر الختم بنسبة 100% بعد أن حصد جميع الأصوات البالغة
48 صوت .
أما معتصم منعوه من السفر لشنو فدي ما عندي عنها
خلفية ولا متأكد أصلا من صحة الخبر .
| |
 
|
|
|
|
|
|
|
|
Re: سر الختم يحصد جميع الأصوات ويفوز برئاسة ا (Re: طلحة عبدالله)
|
يا حمدوف والله أنا مر علي الخبر لكن ما مصدقو لغاية هسة
معتصم جعفر لو ما وقع لسة مصيرو يقع في الحفرة الحفرا
لشداد مع الفارق انو شداد عضمو قوي ولحمو مر عشان
كدا زاد قوة ومنعة .. اما معتصم جعفر فأتوقع لو وقع
إلا يتحرك تاني على كرسي مدولب .. دشدشة شديدة .
| |
|
|
|
|
|
|
|
|
|
Re: سر الختم يحصد جميع الأصوات ويفوز برئاسة ا (Re: طلحة عبدالله)
|
يا طلحه مزمل بيكتب حسب اتجاهات الوالي ..الوالي مع معتصم مزمل بطلع معتصم دا نبي .. الوالي مع سر الختم برضو مزمل بديهو درجه النبوه ..زول مسير ما مخير
معتصم ومجدي واسامه مورطين في قضايا فساد وتجاره ومصالح بي اموال الاتحاد ..عشان كدا الكنكشه دي حلهم الوحيد
| |
|
|
|
|
|
|
|
|
Re: سر الختم يحصد جميع الأصوات ويفوز برئاسة ا (Re: عمر سعيد علي)
|
والله فعلا الخبر طلع صحيح وهن دااااك ياهو سر الختم
متحكر في كرسي الاتحاد العام .. خخخخخخخخ
يا عمر سعيد مزمل مع نفسو بس صدقني
عايز أية حاجة يقولا هي اللى تمشي .. لو
زول عارضو بجوطا معاهو طوالي ولا بهمو
يخسر يربح يكسر يدو يكسر كراعو المهم ينتقم
لنفسو ويرضي عرورو .. دا انطباعي عنو .
ودا سبب مشاكل المريخ .
| |
|
|
|
|
|
|
|
|
 Re: سر الختم يحصد جميع الأصوات ويفوز برئاسة ا (Re: Maawya Hussein)
|
Quote: كفرووتر / الخرطوم /
فاز الفريق عبد الرحمن سر الختم بانتخابات اتحاد الكرة التي جرت اليوم بحصوله على 48 صوتا من 49 صوتا و فيما فاز همت بمقعد النائب الاول وحصوله على 47 من 49 صوتا من
خلال العملية الانتخابية التي جرت اليوم بقاعة عبد الحميد عابدين بالاتحاد المحلي بالخرطوم |
ياهو دا السودان!!!.
كرور يكسر كرور.
| |
|
|
|
|
|
|
|
|
|
Re: سر الختم يحصد جميع الأصوات ويفوز برئاسة ا (Re: طلحة عبدالله)
|
معقول يا تنظير ما متابع !!
مجموعة التطوير - قيادة الاتحاد الحالية - بعد تيقنها من الهزيمة الجاية عملوا حركة خبيثة مجدي راسل الفيفا طالبا تأجيل المهلة الممنوحة لإقامة الانتخابات من يوم 30 ابريل وذلك فجراء الانتخابات بطريقة ملائمة
ناس الفيفا ردوا عليه بالخطاب التالي/
طلع معتصم في مؤتمر صحفي قال الفيفا اغلت الانتخابات و أجلتها حتى 30 اكتوبر ومدّدت للاتحاد الحالي وذلك لعد اعتمادها النظام الاساسي الجديد الذي بناء عليه كونت لجنة الانتخابات و ارسل خطاب للجنة يشكرها و يحلها و يعلن بطلان كل الاجراءات الانتخابية التمت
رئيس لجنة الانتخابات طوالي قبل الخطاب و في اجتماعه مع اعضاء اللجنة عايز يرفع لاجتماع وطلع بقية اعضاء اللجنة قروا الخطاب و فهموه على النحو السليمورفضو قرار رئيسهم ثم عاد الرئيس وعملوا تصويت وفاز رأي الاغلبية 4 مقابل 3 اكمال العملية الانتخابية في موعدها المقرر نهار اليوم
من الصباح اعضاء الاتحاد قفلوا المكاتب و طلبوا من الشرطة ما تدخل زول وحصل هيجة وطوشة و كواريك رهيبة ناس لجنة الانتخابات قرروا نقلها لمكاتب الاتحاد المحلي باستاد الخرطوم وتأجيلها حتى الساعة الرابعة
اها مناصري وقواعد الفريق سرالختم 48 صوت جو واكملوا النصاب مع غياب المجموعة التانية و انصارها 26 فا شي طبيعي ان يفوز انصار الفريق بكل الاصوات, الغريبة همد خسر صوت :)
ولو كانت جرت انتخابات بطريقة طبيعية قا النتيجة ح تكون نفسها لصالح الفريق 48 مقابل 26
طبعا في الجوطة دي كلها المضحك موقف المريخ!! اهديك التسجيل دا تسمع وتضحك لعصام الحاج أمين عام لجنة تسيير المريخ المعينة
color=ff5500">
| |
|
|
|
|
|
|
|
|
|
Re: سر الختم يحصد جميع الأصوات ويفوز برئاسة ا (Re: محمد البشرى الخضر)
|
هههههههههههه
أبدا والله يا جرجير ما متابع الجوطة دي .. لكن والله فضائح بالجملة..
ياخ الناس دي ما بتخاف ولا بتختشي
عصام الحاج دا راجل صاحبي وكان زمان من رجالات
الوسط الرياضي الوقورين جدا لو باري صحافة المدرجات
دي بتوديهو الكشافات والله ..
غايتو أنا بنصحو من هنا لو بقرأ في البوست دا
انو يكون كما كان .. عشان ما يفقد حاجاتو السمحة .
هو عارفني .. نفس نصيحتي دي سبق وقلتها في عمود بالرأي
العام للباشمهندس عمر البكري أبو حراز لكنه لم
يستبن النصح إلا ضحي خروجه مأسوفا عليه من
الاتحاد العام .. وعصام دا من الناس الكانوا متابعين
للموضوع دا من البداية وحتي نهاية الرجل الشجاع .
| |
|
|
|
|
|
|
|
|
|
Re: سر الختم يحصد جميع الأصوات ويفوز برئاسة ا (Re: طلحة عبدالله)
|
أمسك يا جرجير هاك أها
Quote:
: أكد الدكتور معتصم جعفر سر الختم رئيس الإتحاد السوداني لكرة القدم إن إتحاد الكرة مؤسسة ديموقراطية عريقة تلتزم بأحكام نظامها الأساسي والنظام الأساسي للإتحاد الدولي لكرة القدم(فيفا) وموجهاته وقراراته وبالتالي فإنه قد قام بإلغاء إجراءات الجمعية العمومية التي كان مقررا لها الثلاثين من أبريل عليه فإن الإتحاد لا يعترف إطلاقا بالإجراءات التي تمت اليوم الأحد من قبل بعض أعضاء اللجنة الإنتخابية لمخالفتها للنظام الأساسي لإتحاد كرة القدم السوداني وقرارات الإتحاد الدولي للعبة فأي قرارات ناتجة عن هذه الإجراءات هي قرارات باطلة وغير معترف بها حيث أن أعضاء اللجنة الإنتخابية ليس لهم الحق في دعوة الجمعية إبتداء ولا تعديل زمانها ومكانها كما أن كل الإجراءات مخالفة لأحكام النظام الأساسي.
وسوف يستمر مجلس إدارة الإتحاد السوداني لكرة القدم في التصدي لمسئولياته وواجباته بكل مسئولية وتجرد وعلي الذين حاولوا خلق هذه الفوضي أن يتحملوا مسؤولية وتبعات ذلك وان الوضع الحالي لإتحاد كرة القدم السوداني مبني أساسا علي توجيهات وقرارات المؤسسة الدولية لكرة القدم.
كما أكد رئيس الإتحاد السوداني لكرة القدم بأنه سيضع المسئولين وأجهزة الدولة بمختلف مستوياتها في الصورة بكل شفافية ووضوح تام حتي لا يوضع السودان في موضع معقد تختلط فيه الساحة الرياضية بأحداث قد تضر بمسيرة كرة القدم السودانية مجددا ثقته في صحة الموقف القانوني للإتحاد وسلامة كافة الإجراءات التي قام بها.
|
| |
|
|
|
|
|
|
|
|
|
Re: سر الختم يحصد جميع الأصوات ويفوز برئاسة ا (Re: محمد البشرى الخضر)
|
طلحة سلام عليك وعلي ضيوفك
معتصم جعفر نسخة مكررة من عيسي حياتو عاوز يكنكش في قيادة الاتحاد العام عمرو كلو
هو واسامة ومجدي شمس الدين وثلاثتهم تدور حولهم شبهات الفساد .
معتصم جابوهو الكيزان حتي يزيحو شداد ذو الشخصية القوية من طريقهم
وهسع قلبو عليهو من غباء معتصم جعفر واسامة ومجدي الوقوف في وش
الكيزان لانو لو الفيفا جمد نشاط السودان الكيزان حيحاربو معتصم واسامة ومجدي
في تجارتهم والله تاني دكوة مايقدرو يتاجرو فيها فمن الاحسن لهم الاكلو كفاية يسلمو
الراية لغيرهم .
| |
|
|
|
|
|
|
|
|
|
Re: سر الختم يحصد جميع الأصوات ويفوز برئاسة ا (Re: طلحة عبدالله)
|
المستجير عليك دينك ما تتفولح لينا هنا ..
فكنا من أستاذ وتسالي .. دي بوستات جادة
غير قابلة للهزل البتسو فيهو دا .
تحياتي يا الحبيب أنت كنت غاتس وين ليك فترة ما بنت ؟
عارف زمان كتا مدمن كورة بافراط .. أها لما أطول منها
بشلت الدوم وباقات الطحنية القديمة في الشارع ساي ..
خرمة شديدة الله يكرمك .. خخخخخخخخخخ.
| |
|
|
|
|
|
|
|
|
|
Re: سر الختم يحصد جميع الأصوات ويفوز برئاسة ا (Re: طلحة عبدالله)
|
الكلام جد يا ود البشري
______
الجزيرة - السودان
عبدالرحمن سر الختم يفوز برئاسة اتحاد كرة القدم السوداني :
فاز الفريق عبدالرحمن سر الختم، برئاسة اتحاد عام كرة القدم السوداني، بحصوله على 48 صوتاً من 49 صوتاً، وأحرز عبدالقادر همت، النائب الأول، بحصوله على 47 صوتاً من 49 صوتاً من خلال العملية الانتخابية التي جرت بالخرطوم (قبل قليل ) .
وحققت مجموعة عبدالرحمن سر الختم فوزاً كاسحاً بمقاعد النواب الثلاثة، وفاز بها نصر الدين حميدتي 48 صوتاً، وأمين الجابري 48 صوتاً، وعز الدين الحاج 48 صوتاً، لتفوز مجموعة الفريق بكل مقاعد النواب .
| |
|
|
|
|
|
|
|
|
|
Re: سر الختم يحصد جميع الأصوات ويفوز برئاسة ا (Re: محمد البشرى الخضر)
|
| Quote: النواب التلاته الفايزين بي المقاعد مع سر الختم اول مره اسمع بيهم ..ديل يكونو تبع الجهاز :) |
معاوية حسين
تحياتي
الباشمهندس عزالدين الحاج حسن أبن خالتي الكبري أصلا كان لاعب وكابتن فريق
فريق الخرطوم الوطني ( الخرطوم 3) سايقا منذ أن كانت في الدرجة الثالثة وهو من
أبناء السكة حديد ، أغترب بالمملكة العربية السعودية منطقة الدمام سنين عددا ورجع وعمل مع النفيدي
وفؤاد نقة في الادارة بحكم معرفتهم ببعض ومن ثم الامين العام لنادي الخردوم الوطني
ورئيس كتلة الممتاز يعني علاقتو بالكورة ونادي الخرطوم الوطني من قبل الانقاذ ومن قبل
رعاية جهاز الامن لنادي الخرطوم الوطني . الباقين ما عارفهم
| |
|
|
|
|
|
|
|
|
|
Re: سر الختم يحصد جميع الأصوات ويفوز برئاسة ا (Re: أبوبكر عباس)
|
| Quote: النواب التلاته الفايزين بي المقاعد مع سر الختم اول مره اسمع بيهم ..ديل يكونو تبع الجهاز :) |
الطبيب أمين الجابري شخصية رياضية عطبراوية معروفة .... وكأن يرأس نادي الأمل عطبرة حيث الإنجازات الكبيرة بوصول الفريق لأدوار متقدمة في كأس الكونفدريالية
كما رأس الإتحاد المحلي لكرة القدم بعطبرة ...
نختلف معه فكرياً ... ولكنه رجل غيور على كرة القدم .... ويقدم عملاً إداريا متميزاً ...
| |
|
|
|
|
|
|
|
|
|
Re: سر الختم يحصد جميع الأصوات ويفوز برئاسة ا (Re: عبد العزيز محمد عمر)
|
المشكلة الأساسية بقت في السودان هو قبول التغيير
التغيير أصبح عملية قاسية جدا في السودان
أي زول ماسك منصب يكنكش فيه حتى لو كان غفير مستشفى
أتحاد لكورة نموذج مصغر وعلى ذلك فقس
شوف تشكيل الحكومة الجديدة حا يرجع ثلاثة أربع الوزراء القدام لمناصبهم وأصلا التأخير يكون بسبب نوع هذا الصراع
| |
|
|
|
|
|
|
|
|
|
Re: سر الختم يحصد جميع الأصوات ويفوز برئاسة ا (Re: درديري كباشي)
|
من ما غادر بروف شداد إتحاد الكرة أصبح كل من هب ودب ينظر في الكورة والقوانين
حتى وصل الأمر لي من كده سيد أحمد يترأس قطاعات ويفتي كمان!!
شداد رجل فاهم وقوي الحجة ومصادم لكن يتحمل وزر جزو مما يحصل الان بتبنيه
معتصم جعفر ومجدي شمس الدين وبقية الرجرجة في وقت سابق.
لا أعتقد ممكن ان يأتي أسواء وأضعف من الاتحاد السابق.
| |
|
|
|
|
|
|
|
|
|
Re: سر الختم يحصد جميع الأصوات ويفوز برئاسة ا (Re: درديري كباشي)
|
ناس المريخ ديل عجيبين خلاص
يعني هم شغالين يلهطوا في قروش الحكومة والمؤتمر الوطني
وجمال الوالي سنين الله دي كلها , قايشين خشمهم ومبسوطين
هسي عصام الحاج قرب يشق حلقومه ويتهم السلطة بالوقوف مع الهلال
وأن إتحاد سر الختم هو إتحاد السلطة المتحلف مع الهلال .. دا كلام ما بخش رأس شافع
إتاد معتصم حعفر دا أفشل إتحاد مر علي الكره السودانية وأفسد إتحاد , أي زوول غير معتصم ممكن يطور
الكرة السودانية , الجكومي ومعتصم أولاد خالات ( محسوبيه) ومعاهم عطا المنان ومجدي شمس الدين
ديل دمروا الكوره في السودان ...
إعلام المريخ ما يخم الناس ساي خسر معركة الإتحاد لان معركتهم خسرانة خسرانة بالوقوف خلف إتحاد الفساد والفشل
أقلبوا الصفحة وشوفوا ليكم قصة تانية
| |
|
|
|
|
|
|
|
|
|
Re: سر الختم يحصد جميع الأصوات ويفوز برئاسة ا (Re: عبد العزيز محمد عمر)
|
ادارات مكنكشة في الاتحاد العام لتحقيق مصالح خاصة: ناس من تذاكر الفرق القومية و ناس من المعسكرات و ناس نهب عديل !! لا خير ف هذا و لا في ذاك لكن زي ما قال الأخ معاوية التغيير أفضل من الذين ظلت تحوم حولهم شبهات فساد و لسع مكنكشين!!
لا شك أن دكتور شداد كان الأفضل لنزاهته و معرفته.
ستظل الكرة السودانية في هذا التدهور ما دام بديروها ناس زعيط و معيط
| |
|
|
|
|
|
|
|
|
|
Re: سر الختم يحصد جميع الأصوات ويفوز برئاسة ا (Re: عادل الباهي عبدالرازق)
|
سلام شباب وشياب ( كل واحد يخت نفسو مكان بناسبو) خخخخ
جرجير ما بالضرورة مباركة رئيس كاف للانتخابات تعني شرعيتها
لكن ممكن نعتبرا بشريات كويسة وتعزيز معنويات وكدا .
أبو الدرادر فعلا التغيير نار الله الموقدة بالنسبة للمكنكشين .. زي
لما تشبك فيك صنارة سمك .. خخخ
عثمان الإمام علي الطلاق ما قلتا إلا الحق .. المشكلة التانية بعد مشكلة
التغيير القال عليها درديري فوق هي محاربة القوي والدغري في السودان.
عبد العظيم عثمان كلامك صاح إتحاد معتصم جعفر غاص بالكورة
السودانية عميقا في مستنقع التخلف .. لكن ما أتوقع الاتحاد الجديد
إذا تم اعتمادو ح يعمل حاجة، الناس دي كلها جارية وراء مصالح
وأجندة خاصة لا علاقة لها بالمصلحة العامة .
الحاج حمد ليك التحية يا كلس .. القول ما قلت يا حبوب .
يا أبو علوة من الصعب مقاومة بريق الأضواء وشهوة السلطة
أمراض العصر والزهد يمضيان في خطين متوازيين جدا .. ههههه
يا وهبة كلام المصدر الجبتو دا ما بالضرورة يعني انو شداد ما صرح
عن الانتخابات .. لانو ببساطة البخلي كلام مصدرك صاح وكلام الكوتش
غلط شنو ؟
معاوية حسين وعادل الباهي والمستجير ليكم التحية .. مداخلاتكم
ما لقيت فيها فرقة للتعليق أو الرد عليها .. البوست بوستيكم .
| |
|
|
|
|
|
|
| |
طلحة عبدالله
حمد عبد الغفار عمر
Maawya Hussein
عمر سعيد علي
Mirghani Taitawi
محمد البشرى الخضر
عادل الباهي عبدالرازق
عبدالعظيم عثمان
الحاج حمد الحاج
علي دفع الله
MOHAMMED ELSHEIKH
عبد اللطيف السيدح
فيس بوك
تويتر
انستقرام
يوتيوب
بنتيريست