|
|
|
 Re: بنك الإدخار السوداني ومنصور أحمد الشيخ: (Re: sadig mirghani)
|
بدأ ميلاد بنوك الادخار فى العالم فى الدول الاوربية فى اوائل القرن التاسع عشر بهدف مساعدة الذين يعانون من وطأة الحاجة ثم إنتشر فى اجزاء اخرى من العالم. افتتح بنك الادخار السودانى فى يوم الادخار العالمى الموافق 31 أكتوبر 1974م. أختيرت مدينة ودمدنى مقراً لرئاسته وأعتقد بتمويل فني إيطالي.
ملحوظة: أي معلومة بهذا البوست قابلة للتعديل والتنقيح
| |
 
|
|
|
|
|
|
|
|
Re: بنك الإدخار السوداني ومنصور أحمد الشيخ: (Re: أبوبكر عباس)
|
قلت لمحمد عوض عباس ابن عمي المقيم بقطر حالياً، إتّا يا حمّد صوفي برهاني وأهلنا ختمية، اللماك زمان في منصور أحمد الشيخ وعيّنك ببنك الإدخار منو؟
إبتسم وقال لي: منصور بعد ناس الانقاذ أحالوهو، لاقاني وسلّم عليّ وقال لي إتّا شغال معانا بالبنك موش؟ متذكرك إتّا الوحيد الما حضرت معاينتو من الشغالين معانا بالبنك، وواصل محمد عوض من غير يكمل كيف إتعين قائلا:
لأي تعيين بالبنك حكاية، مرّة منصور الصباح وهو داخل على البنك لقى ليهو محمد احمد لابس ليهو عراقي وسروال وسديري وشايل ليهو سوطـ، قال لمنصور: ممكن يا أستاذ تديني خشمين معاك؟ منصور قال ليهو خشمين ومهاهن كباية شاي بالمكتب فوق.
بعد الشاي، محمد أحمد قال لمنصور: كان عندي كارو بحصان ساتر بيهو حالي، الحصان مات والحوجة خلتني أبيع الكارو
منصور: داير نساعدك بشنو؟
- بكارو وقروشكم برجعها ليكم
- منصور نادا ناس التمويل وقبل ما محمد أحمد يكمل القهوة؛ القرض المُيسر جدا إتصدق وعين ليهو بتو طالبة الثانوي بدوام جزئي على أن تلتزم بإكمال دراستها.
| |
|
|
|
|
|
|
|
|
 Re: بنك الإدخار السوداني ومنصور أحمد الشيخ: (Re: عثمان الأمام)
|
حمدلا بالسلامة
بكري
وضيوفه
قبل كم سنة . الوالد عليه الرحمة وديناهو الخرطوم للعلاج . زمن كان عندي عربية كورلا 96 . يا حليلا
المهم الوالد من ضمن الامراض كان عندو مشكلة في العيون . وديناهو للهادي احمد الشيخ . في ام درمان
العيادة بيوت ام درمان الزمان ديك . البناء اثري . حتي الادبخانة تحسسك انك خاشي بيت سودان . باب خشب يكاد يكشف داخله
اخدت لي لفة في البيت بي برة . فيهو حديقة داخلية
العيادة جوة صالون كبير
دقعنا الرسوم وخشينا
رجل لطيف وهادي ولكنه لم يبتسم ولم يتجهم بروفيشنال
اخد معانا قريب ساعة ونص . كشف واسئلة وجاب مجسم بتاع عين وشرح لابوي بلغة مبسطة وصبورة وابوي استزاد منو بالاسئلة
بعد دة كلو
قال لينا تمشو المركز العربي الحديث للعيون ومحل تاني نسيتو . لأنو محتاج عملية وانا ما بعملها
ونادا الشغال معاهو
رجع ليهم قروشهم
رفضنا
واصر
انا ما عملت حاجة اتونست معاكم بس
نسيت
العيادة عبارة عن معرض حائط للصور والذكريات علي طول الحوائط
رحمهم الله
| |
|
|
|
|
|
|
|
|
|
Re: بنك الإدخار السوداني ومنصور أحمد الشيخ: (Re: معاوية الزبير)
|
حسب علي الرزوقي من الموظفين المؤسسين وفي إتصال تلفوني
: التمويل كان من بنك السودان ب250 ألف جنيه سوداني والدعم الفني كان من إيطاليا وقدمت إيطاليا منح دراسية كثيرة لموظفي بنك الإدخار.
أحدث هذا البنك أثر كبير في حياة أُسر كثيرة ويرجع الموظفين نجاح تجربة الإدخار بالجزيرة لعظمة الإقتصادي الإشتراكي القدير منصور أحمد الشيخ
| |
|
|
|
|
|
|
|
|
|
Re: بنك الإدخار السوداني ومنصور أحمد الشيخ: (Re: أبوبكر عباس)
|
تصدق يا مستنير لمن قريت خبر عن واحد بقى نبي اتوغوشت وقلت بكة عملها من ورانا المعفن اصلا حتة غيابو دي ما واقعة لي ..جري على الخبر لقيتو واحدا تاني وكنت ماشي عليه ابايعو بس اولاد الهرمة ديل قبضوه ..
كدي خلينا من موضوع البنك الما جايب حقو دا اها في امكانية نبوءة ولا لا ..
صدق ود البشرى لمن قال المستنير دا لو غاب كتير حا يفقد بريقو ولياقتو حا تكون واطاة واهو باين من بوستك المخستق دا😂
| |
|
|
|
|
|
|
|
|
|
Re: بنك الإدخار السوداني ومنصور أحمد الشيخ: (Re: علي دفع الله)
|
Quote: هي يا العشا بلبن أنت مش حردت المنبر ومشيت؟؟؟
|
المداخله دي ناقصة ولا انا ما شايف ... دينق بقيت تهرش ... غايتو يا مستنير بتكون تميتا في دقنوسك ساي واحتسبتا ...
بعدين يا علي دفع الله يكلموك عن أعظم اشتراكي سوداني وإنجازاته الاشتراكية علي الارض تكلموا عن نبي بري المخستك ... غايتو شيوعية آخر الزمان.
| |
|
|
|
|
|
|
|
|
|
Re: بنك الإدخار السوداني ومنصور أحمد الشيخ: (Re: Salah Zubeir)
|
تجربة عربات التاكسي السيهان بيرد (saehan bird) الأنيقة الحمراء بمدني سبقت تجربة التاكسي التعاوني بالخرطوم
سوف احاول إيجاد صيغة التمويل التي تمت لاصحاب التاكسي.
لي يوم الليلة دي بتذكر حصالة الادخار بتاعتي التي تتبع للبنك.
والله، يا بكّة، إتّا فعلا عجوز
| |
|
|
|
|
|
|
|
|
|
Re: بنك الإدخار السوداني ومنصور أحمد الشيخ: (Re: Salah Zubeir)
|
يعني عشان المستنير قال لي انو السيد منصور احمد الشيخ دا اعظم اشتراكي في الدنيا دي كلها على طول اقوم اصفق واقتنع بي كلامو ..لا لا يا سيد صلاح زبير ..التجربة بتاعة بنك الادخار تجربة رأسمالية من الدرجة الاولى ولا تمت للاشتراكية لا من بعيد او قريب والآن نتاءيجها باينة وشوف صفوف المعسرين من هرب ومنهم من هو داخل السجن بتموين لو بقيت ادم سميث ما تقدر تطلع منو فاءيض قيمة تسد بيها اقساطك ..
فيا سيد صلاح المستنير هو حر في تصنيفو ... وانا حر في جرجرتي ليه للخستقة العاوزها ..
مع ودي وتقديري ليك
| |
|
|
|
|
|
|
|
|
|
Re: بنك الإدخار السوداني ومنصور أحمد الشيخ: (Re: Ali Abdalla)
|
سعيد بعودك دكتور أبوبكر
كنت من المتابعين لمناكفاتك من خارج المنبر, بصراحة زعلت لما غادرت المنبر مع جيتي, لأنك من الناس الذين أود محاورتهم جديا
الناس ده بتحب تناكفك, لكن واضح حتي الما بيطيقوك, ما بيحملوا بلاك!
علي دفع الله سلامات
| Quote: لا لا يا سيد صلاح زبير ..التجربة بتاعة بنك الادخار تجربة رأسمالية من الدرجة الاولى ولا تمت للاشتراكية لا من بعيد او قريب .. |
يا ريتك لو تكرمت بتوضيح البديل الإشتراكي في البنوك, وكيف أنها أفضل من تجربة بنوك الإدخار!
| |
|
|
|
|
|
|
|
|
|
Re: بنك الإدخار السوداني ومنصور أحمد الشيخ: (Re: Nasser Amin)
|
بنك الادخار يا علي دفع الله، الذي تتحدث عليه يختلف عن بنك الادخار من ٧٤ - ٨٤
التجربة حدثت بمايو وبعد مايو في بداياتها
هي ليست تجربة اشتراكية خالصة، لكنها محاولة لتنمية الفقراء
سؤال يا علي،
هل منصور كان شيوعي؟
هناك شيء يحيرني في تعاون منصور مع نميري
كيف تجاوز منصور مقتل الشفيع وتعاون مع النميري؟
أرجو أن لا تبخل علينا
| |
|
|
|
|
|
|
|
|
|
Re: بنك الإدخار السوداني ومنصور أحمد الشيخ: (Re: Nasser Amin)
|
فكرة البنوك اساسا فكرة راسمالية لأن الهدف الاساسي منها هو
تضخيم رأس المال وتعظيم الربح ومافي حاجة اسمها تمويل اشتراكي
الاقتصاد الاشتراكي تديره فقط الدول الاشتراكية وأي نظام سياسي غيره
يخضع السياسات التمويلية لنظامه السياسي ويديرها بالياته الاقتصادية
اغلب تدخلات النظم السياسية السودانية ومنسوبيها كانت وبالا علي الاقتصاد
وكرست لمفهوم للراسمالية واحتكار راس المال ، ووقعت في ذلك حتي النظم
ذات التوجهات الماركسية والطائفية الدينية .. أما نظام الانقاذ فقد مثل أكثر الانظمة
التي أضرت بالعمل المصرفي وذلك بافراغه له من اغراضه التنموية وأهدافه السوقية
ورغم أن النزعة الاسلامية للانقاذ سنت افكار عديدة لتمويل للفقراء مثل:
( التمويل الاصغر ، تمويل صغار المنتجين، تمويل الطلاب ، تمويل الحرفيين ، تمويل الخريجين ، الخ )
إلا أن كل هذه المسميات كانت ومازالت حبرا علي ورق ، ولم تتجه بالمصارف إلا للمزيد
من الربح التمويلي الطفيلي الناتج من مشاركة الأغنياء ارباحهم التصخمية بمختلف صيغ التمويل
| |
|
|
|
|
|
|
|
|
|
Re: بنك الإدخار السوداني ومنصور أحمد الشيخ: (Re: عمر التاج)
|
| Quote: ورغم أن النزعة الاسلامية للانقاذ سنت افكار عديدة لتمويل للفقراء مثل: ( التمويل الاصغر ، تمويل صغار المنتجين، تمويل الطلاب ، تمويل الحرفيين ، تمويل الخريجين ، الخ ) إلا أن كل هذه المسميات كانت ومازالت حبرا علي ورق ، ولم تتجه بالمصارف إلا للمزيد من الربح التمويلي الطفيلي الناتج من مشاركة الأغنياء ارباحهم التصخمية بمختلف صيغ التمويل |
والله يا عمر اتفق في ما ذهبت إليه خاصة" في نسبة أرباح التمويل التي لا تمت للإسلام ولطبيعة الفقراء بي صلة .... من ناحية أخري الفقراء السودانيين أو من يحتاجون للتمويل تنقصهم ثقافة المديون الحصيف الذي يعرف أن عليه دين يجب سداده ... عدم الجدية في إدارة المشاريع الممولة ثقافة طاغية بيناتنا كسودانيين ... تكريس الوقت للاجتماعيات بدلا" من إدارة الأعمال هي السبب الأساسي في فشل المشاريع الممولة .... فيا صديقي المرض مرض حكومة وقبلهم مرض شعب يجب أن تتغير طريقته في الحياة.
تحياتي
| |
|
|
|
|
|
|
|
|
|
Re: بنك الإدخار السوداني ومنصور أحمد الشيخ: (Re: Salah Zubeir)
|
عمر سلامات
| Quote: ومافي حاجة اسمها تمويل اشتراكي الاقتصاد الاشتراكي تديره فقط الدول الاشتراكية |
طيب في أي شئ تختلف سياسة الإقراض في البنوك الإشتراكية التي تديرها وتملكها الدولة عن بنوك الإدخار
لو كانوا الإتنين شغالين بالفائدة, اللهم إلا إذا كان الفرق في رأسمالية الدولة ورأسمالية القطاع الحاص!
| |
|
|
|
|
|
|
|
|
|
Re: بنك الإدخار السوداني ومنصور أحمد الشيخ: (Re: بلال الطاهر)
|
نبذة عن المربي منصور أحمد الشيخ رحمه الله
نبذة تعريفية عن حياة المرحوم / المربي الكبير منصور أحمد الشيخ مؤسـس ومدير عام بنك الإدخار السوداني – ود مدني في الفترة من أكتوبر 1974م – 1991م .
* تلقى الدراسة الثانوية والجامعية بمصر ، تخرج في عام 1950م في شعبة العلوم السياسية بكلية التجارة – جامعة القاهرة .
* بدأ حياته العملية بمراسلة جريدة الإتحاد .
* إلتحق بمحطة الإذاعة المصرية في وظيفة مساعد فني ، وضم إلى ركن السودان حيث تعاون مع الأستاذ / توفيق أحمد البكري في الإشراف أثناء عمله بالقاهرة .
* كان يتردد على الخرطوم للقيام ببعض المهام الخاصة بالإذاعة .
* انتدب لتأسيس مكاتب وأستديو الإذاعة بالخرطوم أسوة بمكاتب إذاعتي بريطانيا والشرق الأدنى في القاهرة .
* كان منهاجه في الإذاعة السودانية في القاهرة – هو المساعدة على نشر الحقائق عن السودان والتركيز على الجوانب الثقافية وإنهاض الفن ، وتعتبر مجموعة الأحاديث والتعليقات في ركن السودان عربي وإنجليزي – وفرنسي – سجلاً فخماً للتطور السياسي والإجتماعي والثقافي والفني في السودان .
* وهب المرحوم / منصور لباقة وحصافة ومداورة وإستعداد طبيعي للعمل العام ، وفضلاً عن دراسته الجامعية فهو أصلح ما يكون للسلك الدبلوماسي ، وأصلح ما يكون لأي عمل يقتضي أعمال الذهن ، وحل المعضلات ، وتذليل الصعاب والمشاكل .
* كان يشرف على الركن منذ أنشاه الأستاذ / توفيق أحمد البكري بالإنتداب – يعاونه موظف منتدب وبعده إستلم مهام الإشراف على مكتب الخرطوم .
* عمل مديراً عاماً لبنك الخرطوم .
* كانت له عدة مشاريع زراعية – ثم عمل مديراً عاماً لمشروع ودتكتوك الزراعي – سنار .
* ثم عمل مديراً عاماً لبنك الإدخار السوداني في الفترة من 1974- 1991م ، إتسمت فترته بالتفاني والإخلاص ، وعمل على تأهيل العاملين ونشر الوعي المصرفي – ودعم الأسر المنتجة والأسر الصغيرة والأعمال التي ترتبط بالحرفين والعمال والزراع والطبقات الأخرى في المجتمع السوداني – لا زالت بصماته في السودان وخاصة في منطقة الجزيرة الخضراء .
نسأل الله له الرحمة والمغفرة .
إعداد : أزهري السماني كوكو
م/ المدير العام لمصرف الإدخار سابقاً
ود مدني السوق الكبير – موبايل 0912447095 - 092204426
منقول
| |
|
|
|
|
|
|
|
|
|
Re: بنك الإدخار السوداني ومنصور أحمد الشيخ: (Re: بلال الطاهر)
|
نبذة عن المربي منصور أحمد الشيخ رحمه الله
نبذة تعريفية عن حياة المرحوم / المربي الكبير منصور أحمد الشيخ مؤسـس ومدير عام بنك الإدخار السوداني – ود مدني في الفترة من أكتوبر 1974م – 1991م .
* تلقى الدراسة الثانوية والجامعية بمصر ، تخرج في عام 1950م في شعبة العلوم السياسية بكلية التجارة – جامعة القاهرة .
* بدأ حياته العملية بمراسلة جريدة الإتحاد .
* إلتحق بمحطة الإذاعة المصرية في وظيفة مساعد فني ، وضم إلى ركن السودان حيث تعاون مع الأستاذ / توفيق أحمد البكري في الإشراف أثناء عمله بالقاهرة .
* كان يتردد على الخرطوم للقيام ببعض المهام الخاصة بالإذاعة .
* انتدب لتأسيس مكاتب وأستديو الإذاعة بالخرطوم أسوة بمكاتب إذاعتي بريطانيا والشرق الأدنى في القاهرة .
* كان منهاجه في الإذاعة السودانية في القاهرة – هو المساعدة على نشر الحقائق عن السودان والتركيز على الجوانب الثقافية وإنهاض الفن ، وتعتبر مجموعة الأحاديث والتعليقات في ركن السودان عربي وإنجليزي – وفرنسي – سجلاً فخماً للتطور السياسي والإجتماعي والثقافي والفني في السودان .
* وهب المرحوم / منصور لباقة وحصافة ومداورة وإستعداد طبيعي للعمل العام ، وفضلاً عن دراسته الجامعية فهو أصلح ما يكون للسلك الدبلوماسي ، وأصلح ما يكون لأي عمل يقتضي أعمال الذهن ، وحل المعضلات ، وتذليل الصعاب والمشاكل .
* كان يشرف على الركن منذ أنشاه الأستاذ / توفيق أحمد البكري بالإنتداب – يعاونه موظف منتدب وبعده إستلم مهام الإشراف على مكتب الخرطوم .
* عمل مديراً عاماً لبنك الخرطوم .
* كانت له عدة مشاريع زراعية – ثم عمل مديراً عاماً لمشروع ودتكتوك الزراعي – سنار .
* ثم عمل مديراً عاماً لبنك الإدخار السوداني في الفترة من 1974- 1991م ، إتسمت فترته بالتفاني والإخلاص ، وعمل على تأهيل العاملين ونشر الوعي المصرفي – ودعم الأسر المنتجة والأسر الصغيرة والأعمال التي ترتبط بالحرفين والعمال والزراع والطبقات الأخرى في المجتمع السوداني – لا زالت بصماته في السودان وخاصة في منطقة الجزيرة الخضراء .
نسأل الله له الرحمة والمغفرة .
إعداد : أزهري السماني كوكو
م/ المدير العام لمصرف الإدخار سابقاً
ود مدني السوق الكبير – موبايل 0912447095 - 092204426
منقول
| |
|
|
|
|
|
|
| |
أبوبكر عباس
مهيرة
Deng
علي دفع الله
محمد على طه الملك
عبدالحفيظ ابوسن
معاوية الزبير
Salah Zubeir
Aamer Hussin
حيدر حسن ميرغني
محمد أبوجودة
Ali Abdalla
بلال الطاهر
Yousif A Abusinina
Nasser Amin
عمر التاج
Abuobeida Ali Abdullah
فيس بوك
تويتر
انستقرام
يوتيوب
بنتيريست