|
دعواتكم لزميلنا المفكر د.الباقر العفيف بالشفاء العاجل
|
|
 Re: السودان عضو في مجلس التعاون الخليجي (Re: علي عبدالوهاب عثمان)
|
حبيبنا وقريبنا علي عبد الوهاب
زي ما قلت انت دي من سابع المستحيلات...
واليمن والمغرب والاردن مقدمين طلبات منذ سنوات ولم تقبل طللباتهم
وطبعا انت عارف ناس دول مجلس التعاون الخليجي بيدخلوا الدول الست دي
بدون تاشيرات، بما فيها السعودية، واذا قبلوا السودان عضو فالسودانيين جميعا
حيدخلوا السعودية وما حيطلعوا تاني.يعني معقولة يكون عندي فرصة اسكن
مكة والمدينة واكون قاعد مكتف يدي....
انتو السعداء ياعلي العندكم اقامات دائمة في ارض الحرمين الشريفين....
دي احلام ساكت يا علي...
| |
 
|
|
|
|
|
|
|
|
Re: السودان عضو في مجلس التعاون الخليجي (Re: علي عبدالوهاب عثمان)
|
زماااااااان عندي صاحبي بيدرس في جامعه المنصوره .
و كنت بزوره من وقت للاخر و كنت بسافر بالبص من القاهره .
في الطريق الي المنصوره .
في بنات في المحطات و الاشارات بنادوا و اكوركوا ( الورور الورور الورور ) .
قلت عضو في مجلس التعاون الخليجي .
الورور الورور الورور .
| |
|
|
|
|
|
|
|
|
|
Re: السودان عضو في مجلس التعاون الخليجي (Re: عزالدين عباس الفحل)
|
انتو السعداء ياعلي العندكم اقامات دائمة في ارض الحرمين الشريفين.... دي احلام ساكت يا علي...
ا
==================================
قريبي السر مودتي يا جميل ..
أووووو لينا سنوات طويلة ولله الحمد ربينا أجيال
جزاهم الله خير
مش نحن بس كل الدول الجوار بيكونوا سودانيين يعني نحن 100 مليون
نكتة الخميس .. زمان أيام ميز المدرسين كان صفقة ورقيص ( ليت الشباب يعود يوماً )
| |
|
|
|
|
|
|
|
|
|
Re: السودان عضو في مجلس التعاون الخليجي (Re: الزبير بشير)
|
قلت عضو في مجلس التعاون الخليجي . الورور الورور الورور .
===============================
حبيبنا الزبير ..
يا زول غترة وعقال وحركات
غايتو المحاسب المصري في مكتبنا عايز ينفجر
وأنا مبسوط ..
عز يوم ولا بهدلة سنة
مودتي يا غالي ..
| |
|
|
|
|
|
|
|
|
|
Re: السودان عضو في مجلس التعاون الخليجي (Re: علي عبدالوهاب عثمان)
|
السلام عليكم
اخونا واستاذنا علي ... والاخوة الكرام ...
الاتحاد الاوروبي ضم دول شرق اوروبا الفقيرة تنمية وموارد، وعينو على التحولات المستقبلية. واستراتيجيات الدول.
يا اخوانا ... نحن ليه بنقلل من شاننا ونستبعد الامر وامكانات السودان ...
دول العالم بننظر للسودان باعتباره المستقبل وسلة غذا العالم ليس العالم العربي فقط
دول الخليج تملك الدولار وتبحث للاستثمار في السودان لاستدامة الرفاهيةو لتتحاشى ما بعد البترول
ولتضمن استمرا تدفق المواد الغذائية ، مع الاستثمار في استخراج الذهب والمعادن الاخرى
التي تذخر بها ارض السودان، هذا خلاف موقعه الاستراتيجي لامن الخليج. والبحر الاحمر .
فان صح الخبر فهو خير للجانبين.
قدرنا. موفور باذن الله.
تحياتي
| |
|
|
|
|
|
|
|
|
|
Re: السودان عضو في مجلس التعاون الخليجي (Re: علي عبدالوهاب عثمان)
|
والله يا حمد نحن ما بنقلل من شان السودان ونتمنى للسودان
كل التقدم والازدهار والسودان فعلا بيمتلك موارد طبيعية واراضي
خصبة للزراعة واكيد موارد نفطية مدفونة تحت تراب السودان وخاصة
في الصحراء المجاورة لليبيا ونتمنى ان يكون السودان عضو في مجلس
التعاون الخليجي، لكن بس المنطق بيقول حاجة تانية لان دول مجلس
التعاون الخليجي عندها حسابات سياسية واقتصادية اخرى بتقبل على اساسها
عضوية الدول وحتى فيما بين تلك الدول الست في اختلافات ومشاكل لا حصر
لها...لكن برضه اذا جينا للحقيقة فان دول الخليج ممكن تستفيد كثير اقتصاديا
...ولا مستحيل تحت الشمس كما يقولون ،ودائما بنتمنى للسودان كل الخير..
واكيد انت سمعت ان دولة قطر تفكر في جلب معظم استثماراتها داخل السودان
والسعودية نفسها ناقشت مع سودانيين تاسيس مدينة عالمية تشبه دبي في شمال
السودان....
بس في كلام ووصية اخيرة لازم نتطرق ليها وبجيك راجع.
| |
|
|
|
|
|
|
|
|
|
Re: السودان عضو في مجلس التعاون الخليجي (Re: السر عبدالله)
|
حبيبنا السر ..
الخليج مجتمعات محافظة عائلات وقبائل في دول فيها (بدون )
كما ذكرت حبيبنا السر بالجد التسهيلات الاستثمارية مهمة جداً
وهي التي سوف تجلب الرخاء للسودان .. ولكن نحتاج إلى وعي
وإدارات متقدمة جداً وحديثة .. يا ريت يوظفوا شبابنا الذين إكتسبوا الخبرة في المهاجر والاغتراب
شايف يا السر .. وزير الزراعة متحدث لبق وكاريزما ( الدخيري)
مودتي .. مداخلة دسمة
| |
|
|
|
|
|
|
|
|
|
Re: السودان عضو في مجلس التعاون الخليجي (Re: علي عبدالوهاب عثمان)
|
اخونا وقريبنا علي عبد الوهاب
انت عارف يا علي العقبة الوحيدة الواقفة امام تدفق الاستثمارات الاجنبية
والعربية والخليجية في السودان هي عقلية الموظفين السوانيين والمسؤولين
السودانيين والروتين الحكومي القاتل المدمر...اذا في اي مستثمر وعنده بلايين
الدولارات وعاوز يستثمرها في السودان حتلقى موظف واحد فقط حيخليه يغير
فكرته ويغير رايه لانه حيضع قدامه الف عقبة ويديه الف ا ورنيك والف ورقة
عشان يوقع عليها عشرين مسؤول..وكذلك اي دولة عندها فكرة تستثمر في السودان
حتلقى الحكومة السودانية كونت عشرة لجان تدرس المشاريع وتتخذ قرارات
ولفترة شهور وتضع الف عقبة...
وانت عارف يا علي الشيخ محمد بن راشد ال مكتوم نائب رئيس دولة الامارات العربية
المتحدة وحاكم امارة دبي لمن استلم مسؤولية الامارة عام ٢٠٠٦م اول حاجة بدا بكسر
الروتين الحكومي ووضع تسهيلات كثيرة جدا امام المستثمرين الاجانب كي يشجعهم
على الاستثمار في دبي...واستطاع في سنوات قليلة جدا ان يحول مدينة دبي الى مدينة
عالمية ومعظم بليونيرات العالم حولوا بلايينهم الى دبي وممثلين هوليوود اشتروا القصور
والابراج في دبي والشركات الامريكية عندها فروع في دبي لانهم ما بيلقوا واحد قاعد في مكتب
ويكرههم الاستثمار ويضيع وقتهم في الفارغة وامشي تعال بكره وامشي تعال بكره....زي ما بيحصل
في السودان....
| |
|
|
|
|
|
|
|
|
|
Re: السودان عضو في مجلس التعاون الخليجي (Re: Asim Ali)
|
الاتحاد الاوروبي ضم دول شرق اوروبا الفقيرة تنمية وموارد، وعينو على التحولات المستقبلية. واستراتيجيات الدول.
يا حمد دول شرق اوربا دى سوى كانت فقيرة او غنية هى دول بتقع فى قارة اوربا والاتحاد الاوربى هى دول الاتحاد التى تقع فى قارة اوربا
| |
|
|
|
|
|
|
|
|
|
Re: السودان عضو في مجلس التعاون الخليجي (Re: السر عبدالله)
|
حبيبنا السر ..
صدقت 100% هناك في اقصى الشمال في محلية البرقيق
قبل سنوات بدأ نشاط زراعي كبير قمح وشمار والفول ( شتوي)
بدأ التلاعب بالاراضي من طرف الموظفين ..
المعتمد كان ذكي شوية .. عينت واحدة ( مديرة الاراضي )
ما شاء الله .. صارمة جداً وحاسمة مرة ..
في حتة الرشاوي والتلاعب أحسن النساء
التجربة في محليتنا كانت ناجحة جداً
مودتي السر أمبس
| |
|
|
|
|
|
|
|
|
|
Re: السودان عضو في مجلس التعاون الخليجي (Re: طارق عبد الله)
|
كتب خالد حاكم :
يا حمد... دول شرق اوربا دى سوى كانت فقيرة او غنية هى دول بتقع فى قارة اوربا...
والاتحاد الاوربى هى دول الاتحاد التى تقع فى قارة اوربا .
----------------------------
السلام عليكم
اخونا خالد ...
التحالفات ليس وقفا على الدول التي تقع في قارة او منطقة واحدة، بمعنى ممكن تضمهم وحدة هدف او استراتيجية امنية دفاعية او سوق مشتركة او ثقافية.. وغيرها،
ومن ذلك حلف ال(ناتو) بين امريكا واوروبا، وحلف (وارسو) الذي حلت محله منظمة شنغهاي للامن والتعاون (SCO). وتضم حاليا (جمهورية الصين الشعبية،
كازاخستان، قيرغيزستان، روسيا، طاجيكستان، أوزبكستان)، ومقررها مدينة شنغهاي الصينية.
ثم ان السودان عضو في جامعة الدول العربية بالقاهرة ومنظمة التعاون الاسلامي بجدة، ومع ذلك اذا استصحبنا طلب الاردن والمغرب للانضمام لاتحاد دول الخليج العربية،
ومع تصريح الرئيس البشير بعد عودته امس الخميس من جولة زار فيها الكويت والبحرين: بان دول الخليج وافقت على شراكة إستراتيجية مع السودان، فيبقى عضوية اتحاد دول الخليج العربية
تحصيل حاصل، ولناخذ في الاعتبار ان السودان له ما يعطيه لاي جهة ينتسب اليها، وحاليا يخطب وده العديد من دول العالم.
اليس كذلك؟.
تحياتي
| |
|
|
|
|
|
|
|
|
|
Re: السودان عضو في مجلس التعاون الخليجي (Re: حمد إبراهيم محمد)
|
ومن ذلك حلف ال(ناتو) بين امريكا واوروبا
يا حمد
سلام
حلف الناتو على سبيل المثال حلف امنى عسكرى بحت ,ولا يمكن مقارنته بالاتحاد الاوربى ومجلس التعاون الخليجى الذى فيه حرية التنقل والتجنس والتملك والعمل دون اى قيود ودون اى شروط غير انك اوربى او خليجى الجنسية .
لو قلت لى دول مجلس التعاون الخليجى عندهم فكرة يعملوا حلف عسكرى امنى زى الناتو وعايزين يعطوا السودان عضوية فى هذا الحلف يبقى كلام معقول ومقبول .. لكن تقول لى انو السودان ممكن ياخد عضوية مجلس التعاون الخليجى ويبقى فى سرج واحد مع الدول الاعضاء فى الحصول على امتيازاته حكومة وشعبا ده كلام من سابع المستحيلات !
| |
|
|
|
|
|
|
|
|
|
Re: السودان عضو في مجلس التعاون الخليجي (Re: الامين موسى البشاري)
|
Quote: يا حمد سلام حلف الناتو على سبيل المثال حلف امنى عسكرى بحت ,ولا يمكن مقارنته بالاتحاد الاوربى ومجلس التعاون الخليجى الذى فيه
حرية التنقل والتجنس والتملك والعمل دون اى قيود ودون اى شروط غير انك اوربى او خليجى الجنسية . لو قلت لى دول مجلس التعاون الخليجى
عندهم فكرة يعملوا حلف عسكرى امنى زى الناتو وعايزين يعطوا السودان عضوية فى هذا الحلف يبقى كلام معقول ومقبول .. لكن تقول لى انو السودان
ممكن ياخد عضوية مجلس التعاون الخليجى ويبقى فى سرج واحد مع الدول الاعضاء فى الحصول على امتيازاته حكومة وشعبا ده كلام من سابع المستحيلات |
------------------------------
السلام عليكم
اخونا خالد حاكم..
لا تنسى ان الأمن هو اقصى درجات التعاون.
ثم أن:
* منظمة "شنغهاي للامن والتعاون" تعني بالدفاع المشترك عن المنطقة.
* مجلس التعاون لدول الخليج العربية، له اسنان هي (قوات درع الجزيرة),
* جامعة الدول العربية لها اتفاقية دفاع مشترك.
* السودان تعتبر منطقة الجزيرة العربية هي مجاله الحيوي، امنيا واقتصاديا.
لذا هناك مصالح ومصير مشترك، وكما قال الفيلسوف الالماني ايمانويل كنت: (الأمن هو أقصى درجات التعاون، والتضامن، والإعلان بالانتماء إلى عالم واحد).
تحياتي
| |
|
|
|
|
|
|
|
|
|
Re: السودان عضو في مجلس التعاون الخليجي (Re: علي عبدالوهاب عثمان)
|
الأخ علي عبدالوهاب,
لا تمتلك الأردن مقومات إقتصادية مثل مقومات السودان, الدول الخليجية فكرت في السودان من خلال حرب اليمن, في الغالب حنكونوا حراس لهذه الدول بقواتنا المسلحة, الشيئ الثاني الأرض السودانية خصبة للزراعة والإستثمار وأراضي شاسعة وبكرة يمكن أن يتم إستغلالها بطريقة سهلة وبسيطة. يجب على الحكومة السودانية أن تضع مصلحة الوطن والمواطن السوداني في المقدمة وفوق كل شيئ.
| |
|
|
|
|
|
|
|
|
|
Re: السودان عضو في مجلس التعاون الخليجي (Re: aosman)
|
لا تمتلك الأردن مقومات إقتصادية مثل مقومات السودان
=============================
ملاحظة جميلة ياعثمان .. نعم الموارد ضعيفة في الاردن
وأفتكر عندهم إستثمارات زراعية في السودان ( الجيش الاردني )
مودتي
| |
|
|
|
|
|
|
|
|
|
Re: السودان عضو في مجلس التعاون الخليجي (Re: علي عبدالوهاب عثمان)
|
تحياتي يا بو علوه
نا قريت الخبر في موقع النيلين مرتين المرة الاولي التوقيع علي اتفاقية الاسترتيجه المشتركه وما فهمتا زاتي
والمرة التانية ياهو كلامك دا زاتو ..
اتمني يكون الكلام صحيح شان نتكل في المدينة والملاريا نقول حليلا ...
دمت بخير اخونا علي عبد الوهاب الزول الراقي ..
| |
|
|
|
|
|
|
|
|
|
Re: السودان عضو في مجلس التعاون الخليجي (Re: الطيب عباس)
|
الاحباب الكرام .. مودتي التي تعرفونها ..
معليش يا شباب ..
عمكم علي أكثر من يوم الخميس لم أملس الكيبورد
بعدين جوالي النوع الكشاف (( ناس ضواحي الدنيا .. ترابله يا رسول الله ))
منذ تسجيلي في البورد أتاخر عن أي ردود ..
عدم الرد يساوي عندي زي ضيف جاك في البيت ونسة وكلام ولم تكرمه بكباية موية ..
قالوا الموضوع تعاون إستراتيجي .. أنا في شغل هنا عندي الف نسخة من (مذكرات التفاهم) لعقود التعاون الاستراتيجي
حكي ساكت أو كما يقول أهل الخليج ( حجي )
مودتي يا فرحة ما تمت ..
| |
|
|
|
|
|
|
|
|
|
Re: السودان عضو في مجلس التعاون الخليجي (Re: الطيب عباس)
|
حبيبنا الطيب أحلام ..
في الجمعية في واحد قال ( حتى في المنام حظنا مضروب )
قال كان حلمان .. ريالات مشتتة في الارض ..
جمع الخمسين ومائة ريال .. عندما أ قترب من فئة الخمسمائة نزلت طوبة
من الحيطة .. وصحى من النوم .. وضاع الحلم الجميل ..
مودتي أبو الطيب
| |
|
|
|
|
|
|
|
|
|
Re: السودان عضو في مجلس التعاون الخليجي (Re: علي عبدالوهاب عثمان)
|
التحية والتقدير وسلامى وتحياتى لكم
جميعا
ابناء وطنى السودان
التحية والتقدير للمملكة العربية السعودية والشكر لدولة الكويت وخالص الشكر والتقدير لبقية دول الخليج الامارات العربية ولدولة قطر وسلطنة عمان
لهم التقدير والاحترام
دولة السودان مازالت وستبقى هى الشامخة وهى الرائده
فى جميع المجالات
يتحسن الاقتصاد والحالة المعيشية والاجتماعية للمواطن
بالانتاج والصدق من المواطن والدولة
فى ادارة موارد الدولة
هنالك المزيد
هذا الشعب ينظر وينتظر
الصبح قريب
تحياتى
| |
|
|
|
|
|
|
|
|
|
Re: السودان عضو في مجلس التعاون الخليجي (Re: عباس محمد عبد العزيز)
|
التحية والتقدير للمملكة العربية السعودية والشكر لدولة الكويت وخالص الشكر والتقدير لبقية دول الخليج الامارات العربية ولدولة قطر وسلطنة عمان لهم التقدير والاحترام دولة السودان مازالت وستبقى هى الشامخة وهى الرائده فى جميع المجالات يتحسن الاقتصاد والحالة المعيشية والاجتماعية للمواطن بالانتاج والصدق من المواطن والدولة فى ادارة موارد الدولة هنالك المزيد هذا الشعب ينظر وينتظر الصبح قريب
==============================
حبيبنا عباس .. مودتي ..
الناس خلاص ملت الاغتراب والدنيا كتمت في الخليج
البديل هو التحسن الاقتصادي
وربنا يكتب ما فيه الخير
شكراً
| |
|
|
|
|
|
|
|
|
|
Re: السودان عضو في مجلس التعاون الخليجي (Re: مجدي عبدالرحيم فضل)
|
مجدي أمبس .. مودتي ..
شكراًً يا جميل .. فوق
في واحد من جماعتنا في الجمعية في جدة ..
من جيل الأول القديم .. قال (( عشان كده الدنيا كتمت هنا ..))
الترجمة با يخة لكن بالدنقلاوية حاجة روعة .. (( ديناد ميرنتوا )) الترجمة (( كأن الواحد وسط حوض الذرة ))
يقصد دخول السودان في التعاون الخليجي
لأن عندنا مثل بيقول (( الفقر يعادي زي النزلة ))
مودتي ‘‘‘
| |
|
|
|
|
|
|
|
|
|
Re: السودان عضو في مجلس التعاون الخليجي (Re: مجدي عبدالرحيم فضل)
|
الأخ علي
تحياتي
طبعا موضوع الإنضمام لمجلس التعاون شبه مستحيل إن لم يكن مستحيل. فالمنظومة القصد منها نظرة استراتيجية و سياسية بعييييدة المدى ..و الموضوع ليس اقتصادي فقط و لا أمني مؤقت. و لكن كل ذلك و لمدة بعيدة..خاصة أن الأنظمة الحاكمة متشابهة. و هذه أهم نقطة..و تحتها ألف خط و لا أستطيع أن أفسر أكثر من ذلك.
السودان رغم تعاونه للحد البعيد و إمكانية التعاون معه اقتصاديا و سياسيا إلى أن رحم الغيب مظلم و لا يعرف ما في نهاية النفق إلا سبحانه و تعالى. لذلك ضمه كعضو مجازفة كبيرة و الأمر بالنسبة لهم لا يحتمل المجازفة.
كان الأقرب أن تكون اليمن ضمن مجلس التعاون لقربها الثقافي و إرثها الاجتماعي الذي يشابه تلك الدول للحد البعيد فكيف بالسودان الذي يختلف في نواحي كثيرة ثقافيا و اجتماعيا و قيميا دعك من سياسيا..و الله أعلم
لك الود و الاحترام
| |
|
|
|
|
|
|
|
|
|
Re: السودان عضو في مجلس التعاون الخليجي (Re: محمد عبد الله الحسين)
|
حبيبنا محمد عبدالله .. تحليلك مقنع جداً ..
فقط كنا نريد من حكومتنا إستغلال الوضع الراهن في مصر وسوريا
جذب كميات من الاستثمارات .. كمان المفروض الناس تنظر للبترودولار فقط ولا غير ذلك
من سياسة وإجتماع ... إلخ .. لأن المواقف والسياسات تذهب حسب الوضع السياسي ولكن الدولار
لا يمكن إسترداده إلا بعطاء الارض بعد قرن وأكثر ..
على الحكومة إنتهاز هذه الفرصة .. وإلا لن تتكرر مرة أخرى ..
مودتي محمد
| |
|
|
|
|
|
|
|
|
|
Re: السودان عضو في مجلس التعاون الخليجي (Re: علي عبدالوهاب عثمان)
|
علي أبونيقنا .. سكرفي ..
طبعا انضمام السودان لدول مجلس التعاون دا مجرد كلام واتساب
ولن يتحقق ذلك في ارض الواقع لاسباب كثيرة ..
اما الشراكة الاسترايجية مع دول المجلس والتي يتم الشروع فيها هذه الايام
فيمكن استثمارها الاستثمار الصحيح ويبقى مردودها اكثر فائدة
لشعب السودان ولدول المجلس ...
نتمنى ان تنجح هذه الشراكة وترى النور قريبا ويعم الخير الجميع ...
ولقد صبر الشعب السوداني بما فيه الكفاية وحان له ان يرتاح .. اذا صفوا النية واطابت النفوس ...
ونسال الله .. ان تتحق الاماني ..
تحياتي ,,
عالم بطااالـــــــــــــــــــة ,,
| |
|
|
|
|
|
|
|
|
|
Re: السودان عضو في مجلس التعاون الخليجي (Re: محمد مجيدو)
|
نتمنى ان تنجح هذه الشراكة وترى النور قريبا ويعم الخير الجميع ...
ولقد صبر الشعب السوداني بما فيه الكفاية وحان له ان يرتاح ..
اذا صفوا النية واطابت النفوس ...
=================================
ميمد مجيدو .. إيلو ووو أشري ..
في منظرين يقولوا الواحد بعدما يصل الصفر تلقائياً يصعد ( إن شاء الله )
إذا حسبناها يا مجيدو .. من سنة 1979م الراتب بقى ما يكفي لحد اليوم .. الفيلم مستمر
زمان الواحد مدرس يجيب 35 جنيه كان يشتري الدنيا كلها ويفضل الباقي ..
صدقني الشعب صبر وربنا يجازيه خير ..
شكراً .. ووو ميمد أشري
| |
|
|
|
|
|
|
|
|
|
Re: السودان عضو في مجلس التعاون الخليجي (Re: كمال ادريس)
|
ووو كمال أمبس .. إرسيه ..
طولت الغيبة ..
كمال أمبس .. أنا مشكلتي جوالي أبوكشااف لسع ما دخلت العهد الجديد
مع أن إبنتي تقول لي (( يا بابا بالله ما تحرجنا )) حالياً بقت شهادة عربية
وفي أمدرمان كمان .. للتواصل معها لازم أعمل لي جوال لأني بقيت معزول عن العالم
شكراً كثير كمال أمبس ..
| |
|
|
|
|
|
|
| |
علي عبدالوهاب عثمان
حماد الطاهر عبدالله
الزبير بشير
عزالدين عباس الفحل
سامر دوشه
اسامه العريفي
حمد إبراهيم محمد
nour tawir
سامي عطا المنان
Asim Ali
يحي قباني
الامين موسى البشاري
الفاتح ميرغني
aosman
الطيب عباس
مجدي عبدالرحيم فضل
محمد عبد الله الحسين
محمد مجيدو
كمال ادريس
فيس بوك
تويتر
انستقرام
يوتيوب
بنتيريست