|
دعواتكم لزميلنا المفكر د.الباقر العفيف بالشفاء العاجل
|
|
 Re: الفرق بين الجنوبيين والغرابة (Re: محمد الامين محمد)
|
ود الامين حبابك
للمرة الأولى فقط حا احسن الظن في اختصارك الكلمات والحروف في مداخلتك .. واقول ليك كويس أن حضرت لان ظني فيك أن راس السوط هبشك
والكلام زي مابقولوا حلو من خشم سيدو
وعشان تتضح الرؤية نطرح واحدة من الحقائق التي نريد معرفة أسبابها منك ومن غيرك ممن اصحاب المعارف.
١-الحركة الشعبية مثلت الجنوب خير تمثيل وجاءت بهم للتفاوض شبه مجتمعين.
بينما حركات دارفور والنوبة وكردفان نشات اقليمية متفرقة. رغم وحده هدفها.
وعندما جاءت للتفاوض .. كل واحد منهم جرليهو نفرين وعمل حركة عشان يتفاوض باسمها ..
| |
 
|
|
|
|
|
|
|
|
Re: الفرق بين الجنوبيين والغرابة (Re: Deng)
|
اخونا زمان دينق
كدي قبل ما اردلك هجمتك دي بما لا يحمد عقباه فسر لي كلامك ده
وضح لي بالضبط العنصرية وين في كلامي ده
العنوان وفيه ثلاثة كلمات طلع لي منهم الكلمة الشاذة
ومتن البوست تلاتة سطور اشرح لي مكان العنصرية وخلي الباقي علي
| |
|
|
|
|
|
|
|
|
|
Re: الفرق بين الجنوبيين والغرابة (Re: هشام المجمر)
|
Quote:
يا عمر كلمة غرابة تسعمل دائما للاقال من شأن ابناء غرب السودان بطريقة فيها كم كبير من الاستيريوتايبنق.....لذلك انصحك بتغيير هذا العنوان الا اذا كنت تقصده فتلك كارثة |
الأخ عمر التاج
حسن النية أو المقصد هنا لا يبرر ما فهمه الكثيرين فأني عن نفسك عن الشبهات وكن جرئ حد الإعتذار عن ما جاء في عنوان البوست وغيره بما يجعلك وكلماتك بعيداً عن التأويل فخير الخطاؤن التوابون وإنأي بنفسك عن وضعية الوقوف في الحيطة لا معروف حا تتلب لي جوه أو تقفز خارجاً (دي إجتهاد مني لترجمة عبارة standing on the fence) وطالما الموضوع جاب ليهو حيطه خليني أقول ليك “The fence that makes good neighbors needs a gate to make good friends”
| |
|
|
|
|
|
|
|
|
Re: الفرق بين الجنوبيين والغرابة (Re: الزبير بشير)
|
اهلين بالزبير ود بشير
Quote:
ألفرق بين الحركات المسلحه الدارفوريه ( اكثر من حركة مسلحه ) و الحركة الشعبيه بقياده جون قرنق .
بس العنوان زي الحصحاص في البليله .
|
كلام الاولاني بقي لي زي كلام الطير في دارفور ،
مافهمت منه اي حاجة ، وأخير منه حصحاصي الفي العنوان
ولكن ربما في كلمات رمزية لعدم وجود قيادة كارزمية عند اهلنا في الغرب مثل ما توفرت للجنوبيين
واذا صحت رمزيتك هذه فربما تعني انه لولا قرنق لما توحدت المعارضة الجنوبية في جسم الحركة الشعبية الام
وهي فرضية جيدة اذا قارنا حال الحركة الشعبية في عهد قرنق وحكومة الجنوب المتنازعة بين القبائل الان
| |
|
|
|
|
|
|
|
|
|
Re: الفرق بين الجنوبيين والغرابة (Re: عمر التاج)
|
حبابك اخونا هام ود المجمر ،
Quote:
يا عمر كلمة غرابة تسعمل دائما للاقلال من شأن ابناء غرب السودان
|
الحقيقة فرضيتك دي أول مرة اسمع بها
عشت مع درافوريين وكردافة ازمان عددا
وعادي كنت بخاطبهم ب ياناس الغرب ، ويا غرابة
وماحصل يوم واحد زعل مني أو قال لي نحن ما غرابة
يا اخ في الاغاني السودانية الناس بفتخروا بالغرابة وبتغوا لود الغرب
الكلمة لوحيدة الكنا بنختلف فيها كلمة جلابة ، وبرضو ما قاعدة تزعلني
المهم اذا صحت ان كلمة (غرابة) دي فيها اهانة ،
وبتخرج عن كونها وصف لاهل منطقة جغرافية ، فأنا حاأعتذر عن الكلمة
علي ان يظل موضوع البوست قائما ،وحاتكون فرصة طيبة عشان نعرف وين الاهانة في الكلمة
| |
|
|
|
|
|
|
|
|
|
Re: الفرق بين الجنوبيين والغرابة (Re: عبد اللطيف السيدح)
|
كتب العنصري عمر التاج:
"عزام فرح ماعنصري ولا حاجة
راجل ود رجال ، كتاب لان غلط
انشط من كتب في الاسافاير
تفتده سودانيز ونلاين بشدة"
وكتب أيض:
"أنا في حاجتين ما قاعد اقتنع بوجودن كعناصر مطلقة في المجتمع .. العنصرية والتحرش اللفظي فما تراه عنصريا يراه الاخرون مجرد وصف أو حب للانتماء وأقرب مثال ما كتبه الاخ عمر عبد الله في البوست عند قوله لاحد الاخوة أنت نوبي مفروض تكون أخر الناس عنصرية فاعتبر الاخ طلحه حديثه عن مكافحة العنصرية نفسه نوع من العنصرية ، التحرش اللفظي أو المعاكسة ينطبق عليها ماينطبق علي العنصرية فكلمة "ياعسل" مثلا قد تقولها لفتاة فتسعدها وتعتبره غزلا عفيفا ، و تقوله لأخري فتورطك في قضية تحرش العرس تاني مايحلك منها.. المهم : أيه رأيكم نسمع كلام الجمهور:"
_____________________________________________________
المصدر:
الى عبد الوهاب علي الحاج وعزام حسن فرح واخرينالى عبد الوهاب علي الحاج وعزام حسن فرح واخرين
المصدر : andlt;a href="http://sudaneseonline.com/cgi-bin/sdb/2bb.cgi؟seq=forwardandboard=490andmsg=1491416413andrn=" target=_selfandgt;الى عبد الوهاب علي الحاج وعزام حسن فرح واخرينالى عبد الوهاب علي الحاج وعزام حسن فرح واخرين
سلوكك والذي تكتبه بقلمك هو الذي يفضحك ويفضح عنصريتك البغيضة.
دفاعك على كتابات عزام حسن فرح العنصرية، لا يوجد له تفسير أخر غير أنك تحمل نفس الأفكار العنصرية التي يحملها ويكتبها عزام حسن فرح.
| |
|
|
|
|
|
|
|
|
|
Re: الفرق بين الجنوبيين والغرابة (Re: عبد اللطيف السيدح)
|
مرحبا بالسيدح
Quote:
لامقارنة أبين الجنوبيين وأهل دارفور
الجنوبيون قادهم زعماؤهم إلى حتفهم
اما دارفور فالخير فيها إلى يوم القيامة
|
اختلف معك تماما يا سيدح
فالجنوببين كانوا اكثر حكمة وارادة في ادارة ازمتهم مع الحكومة
واستطاعوا بتوحدهم حركة وشعبا من تحقيق مصيرهم وارادتهم
ولكن رغم توحدهم كقبائل وجماعات ومواطنين
إلا أنهم لم يفلحوا في بناء الدولة بعد انفصالهم
.
.
أما اهلنا في الغرب فقد اختلفوا مؤخرا اختلافا كبيرا
وجاءت حركاتهم متفرقة متنازعة ، وحتي وهم يخطون للسلم كانوا اكثر تفرقة وبعدا
الان في الميدان فقط اكثر من 85 حركة مسلحة تقاتل متفرقة من اجل هدف واحد
وفي اتفاقات دارفور السابقة في الدوحة كانت تأتي الوفود متفرقة
وتختلق الكيانات لساعاتها من أجل الظفر باسم وسهم في الاتفاقيات القطرية
تخيل جماعات بثقل اهلنا الغرابة وترابطهم وعزائمهم
لو كانت فيهم العقلية الجماعية السياسية لاتحدوا في حركة واحدة كما فعلوا مع المهدي
ولزلوا كيان الحكومة في يومين.
.
.
كلامي هنا أرجو ان يفهم من وجهة نظر سياسية بحتة
ولا ينفي وجود الخير في مناطق دارفور وكردفان والنوبة وأهلها للأبد
| |
|
|
|
|
|
|
|
|
|
Re: الفرق بين الجنوبيين والغرابة (Re: عليش الريدة)
|
تحياتي عليش
Quote:
مافي إهانة ،في عدم حساسية
|
الحساسية دي (مرض) يا علي، وعدمها ما اظن مشكلة
وان كنت تقصد الاحساس، فأين المشكلة؟ في الكلمة ام الاسلوب
الكلمة نفسها ان شايفها معبرة ومتخمة بالاحساس والمعاني ..
مثلها مثل كلمة البقارة ، الفلاتة ، الزغاوة ، الهدندوة وغيرها
كلها مصطلحات عالية الاحساس ومتعارف عليها في السودان
المصطلحات التاريخية ، الجغرافية زي اولاد البحر ، اولاد امدرمان،
الجنوبيين ، الشماليين ايضا تعتبر مسميات راسخة وما فيها مشكة
وقياسا عليه فكلمة (غرابة) دي مجرد منطقة جغرافية معلومة
و لو مافيها احساس ماكانت اتداولت بالطريقة الواسعة دي
لدرجة أنه في كتب تحمل الكلمة دي بمدلولاتها الاجتماعية في عناوينها
مثل كتاب (الغرابة في الميزان ) كتبه واحد اسمه مين كده ابكر
وعليه أرجو من أي واحد من الاخوة يتحدث عن العنوان مجددا
أن يذكر البديل الممكن لاستبدال الكلمة في العنوان ( الفرق بين الجنوبيين و ..) شنو؟
وقبل أن نبرح هذه المحطة دعونا نبحث عن تدوال الكلمة عند اهل الجلد والراس في البورد :
1/
Quote:
فالمرأة الشمالية بما ميزها الله من شبق جنسي وجدت إرواء ظمأها في جسد القروي من أبناء الغرابة المميزين في تلك الناحية
|
2/
Quote:
يا عموم الغرابة .. عرب وزرقة وكما قال كولن باول All look the same عندما طلب منه والي دار فور تحديد العرب من الزرقة في مجلس وزراء حكومة ش د. أعلموا غصباً عنكم أن الجلابة أفهم منكم ويجب الفرز بين الفهم والتعليم. فالتعليم شئ يتناوله الانسان في المدارس ولكن الفهم قسمة ونصيب. قسم الله للجلابة الفهم وحل المشاكل بالنقاش أليس لكم في اعتصام المناصير خير مثال؟
|
3/
Quote:
الغرابى سلام ..
ما قلت لينا عن أولاد البحر الذين جاءوا وتزوجوا قريباتنا الغرابيات وعملوا تجاره ضخمة وأستوطنوا معنا فى الغرب ..!!!
|
4/
Quote:
بلمحة سريعة تجد ان عصب القوات المسلحة السودانية يزينها اهلنا الغرابة و الجنوبين بنسبة لا تقل عن التسعون بالمائة . طبعا الجنود و ليس الضباط و الفنين.
|
العبارات المقتبسة اعلاه نكتناها من قلب المنبر،
وباقلام اعضاء من اهل منطقة الغرب ، عبد المنعم سليمان والصافي كباشي وبريمة وغيرهم
يمكنك عزيزي القارئ قوقلتها والنظر للعنوان من زاوية نظرهم للكلمة ،
من أجل الخروج بالبوست من نفق العنصرية للموضوع الاصلي
| |
|
|
|
|
|
|
| |
عمر التاج
محمد الامين محمد
Deng
الزبير بشير
هشام المجمر
almulaomar
عليش الريدة
عبد اللطيف السيدح
فيس بوك
تويتر
انستقرام
يوتيوب
بنتيريست