|
دعواتكم لزميلنا المفكر د.الباقر العفيف بالشفاء العاجل
|
|
 Re: بالصور..انبهلت معجون طماطم وكاتشب من كريم� (Re: ود الباوقة)
|
يارب يأخ مصنع كريمة يقدر يغطي السوق المحلي على أسوأ الفروض ..
على الاقل ده شغل محلي مضمون مافيهو لغوصه المصاروه ..
المشكلة جماعتكم الشفقانين هسه حيردموا المصنع ده ضرائب وجبايات ..
لحدي ما يقفل عشان يقدروا يستوردوا من الخارج ..
عارف لو الحكومة قدرت وتجرأت وشالت السماسرة الفي السلطة لانصلح الحال ..
أي مسؤول عنده ماكلة في مكان ما يمرقوهو بره ..
يشوف ماكلته دون اي استغلال لسلطته وصلاحيات قرايبه ومحاسيبه ,,
لكن لسان حال الحكومة بيقول العين بصيرة والايد قصيرة ..
لانه السماسرة ديل كان الحكومة قلبت عليهم وحاولت تشيلهم وتوقف السبوبة ..
حيقلبوا على النظام بي حاله ويلحقوهو امات طه ..
انت قايل ساكتين عليهم ليه ؟ .. عشاند يل ناس قادرين وقاهرين ..
وعندهم لوبيات ودوائر محاسيب ومضرسين جوه الحكومة ..
وعلى أقدام اللوبيات المضرسة دي يقف النظام ..
اي لخلخة ليهم بتتلخلخ الشغلة كلها ..
غايتو لنا الله ..
وتنمنياتنا بانه البلد دي تشم العافية ..
وماتبقى شغلة ردود افعال وفورة اندروس ..
| |
 
|
|
|
|
|
|
|
|
Re: بالصور..انبهلت معجون طماطم وكاتشب من كريم� (Re: جمال ود القوز)
|
الحبيب ود الباوقة ..
ديل أهلنا الشايقية .. ديل نكهتهم أحلى من اي كتشاب على وجه ..
بعدين نحن ناس الشمالية بتقينا نستورد البطيخ من شندي ..
صدقني في أجازتي قبل كم شهر .. كنت هناك عند أهلنا الطيبين في أعماق دنقلا ..
لقيت العربات ( دينات ) من البطيخ وارد شندي في أسواقنا .. الناس منتظرين
علي اليمين بطيخ زي العسل .. أحسن من أي نوع الاسواق الخليجية ..
أكلنا البطيخ الشارع عديل فوق حجر ..
كما النعاج عندنا تنتظر عشان تأكل القشر وتنظف المكان ..
سواق الدينا يقولي .. أهلنا الدناقلة فلوسهم كثيره .. بطلنا أسواق الخرطوم
ولقينا الحكاية مربحة هنا .. كلها ساعتين من وأقل من شندي إلى دنقلا ..
ود الباوقة إستثمر في البطيخ ..
مودتي .. المشكلة سوف تكون في تزويد المصنع بالمواد الخام
| |
|
|
|
|
|
|
|
|
|
Re: بالصور..انبهلت معجون طماطم وكاتشب من كريم� (Re: جمال ود القوز)
|
اخي جمال
هذه ضربة البداية باذن الله
استثمار زراعي وصناعات تحويلية
مصانع للالبان ومشتقاتها
زراعة بيوت محمية للطماطم وما يفيض منها للصلصة
والكاتشب
وكذلك بالنسبة للمانجو والليمون
والبطاطس
يعني باختصار موعودون بطفرة زراعية وصناعية
ليس لها مثيل في كل دول العالم
وشكرا
| |
|
|
|
|
|
|
|
|
|
Re: بالصور..انبهلت معجون طماطم وكاتشب من كريم� (Re: ود الباوقة)
|
ياود الباوقة سلامات
ياخى صدق فى ديسيمبر الماضى وانا فى زيارة ابن خالى بعد بابكر شرق الحاج يوسف
اسمع ليك بتاع الكارو يكورك
الطماطم كيلو ونص بى عشرة
البامية كيلو بى عشرة
البطاطس والرجلة بى عشرة
السلطة كاملة بى عشرة
البطيخ والشمام والموز والبرتكان
بقالة متحركة
وطبعا كلو ORGANIC
ويصلك عند باب بيتك
ياخى حمدت الله انى سودانى
على اليمين الناس يقولوا بسم الله السودان جنة الله فى الرض
ياخى دى بلد خيراتها فى كل شبر وناسا طيبين وحلوين
قاعدين فى امريكا والاكل ماعندو لا طعم لا رائحة
فى السودان تاكل منتجات طبيعية خالية من المواد المسرطنة وخاصة اذا كنت من سكان الحلال المجاورة البحر
موعودين خير ان شاء الله والحمدلله على هذه النعم
كتر فى الأخبار الحلوة بارك الله فيك
| |
|
|
|
|
|
|
|
|
|
Re: بالصور..انبهلت معجون طماطم وكاتشب من كريم� (Re: إسماعيل ببو)
|
على الاقل ده شغل محلي مضمون مافيهو لغوصه المصاروه ..
سلامات يا جمال
حكاية شغل محلى مضمون ده غير صحيح وخاصة فى عهد ازمة الاخلاق والضمير
يا اخى على سبيل المثال الغالبية هنا فى هذا المنبر اجمعت بعدم جودة المياه الصحية فى السودان ( موية القارورات ) عدا انتاج مصانع اسامة داؤود وهذه المياه الملوثة التى تسمى بموية الصحة هى انتاج مصانع نفس الناس الممكن يدمروا اى انتاج محلى بالضرائب والرسوم مثلما ذكرت عشان يستوردوا من الخارج وحتى فى الاستيراد هنالك بضائع كثيرة فاسدة دخلت السودان فى عهد الانقاذ من دول غير مصر بواسطة هؤلاء الفاسدين والناس عارفة الحقائق دى وحكاية اهتمام ناس فرانكلى المفاجئ بالانسان السودانى وصحته وحياته موقف غير مبدئى لانو دخول البضاعة الفاسدة للسودان فى ظل الانقاذ ما بديت مع المنتحات المصرية وهو اهتمام حق اريد به باطل !
| |
|
|
|
|
|
|
|
|
|
Re: بالصور..انبهلت معجون طماطم وكاتشب من كريم� (Re: خالد حاكم)
|
ياخى صدق فى ديسيمبر الماضى وانا فى زيارة ابن خالى بعد بابكر شرق الحاج يوسف
حسن حماد
سلامات
لو ملاحظ انو شهر ديسمير ده من شهور الانتاج القليلة للخضروات وخاصة الطماطم والانتاج بيكون وفير فى الموسم وبائر كمان لعدم وجود اسواق تستوعب هذا الانتاج بسبب غياب دور الدولة المحفز للمزارع والبيخلق اسواق لهذا المنتج .. عشان كده المزارع بيبع انتاجه بالخسارة وخاصة الخضروات لانها منتجات معرضة للتلف وده سبب الرخصة اللاقتك .. وضرر المزارع ده ممكن ما يتوقف انو باع انتاجه بالخسارة .. ممكن يتسجن كمان بسبب شيكات مستحقة له لدى البنوك وده كلام انا عايشته عن قرب واتعاملت معه كمان بحكم وظيفتى فى السودان .. يعنى ما كلام معارضة ولا يحزنون ..
يا حسن كده حاول زور السودان شهر مايو مثل ما زرته فى ديسمبر وشوف سعر كيلو الطماطم بكم ؟
| |
|
|
|
|
|
|
|
|
|
Re: بالصور..انبهلت معجون طماطم وكاتشب من كريم� (Re: ود الباوقة)
|
📌دبابيس📌
📌 دبوس قحطاني
يقال ان احد الشباب كانت عنده عربيه امجاد يلقط منها رزقه ويعمل عليها بالليل والنهار في سبيل أن تغطي احتياجات اهله ويتمنى ان يوفر منها شوية قريشات عشان يعرس منهن ....
لما الحكايه صعبت عليهو باع الامجاد بي 40 مليون اشترى فيزا للسعوديه بي 20 مليون وجهز نفسه وخلى الباقي لي ناس البيت لحدي ما يستلم شغله وراتبه في السعوديه.... واتوكل على الله وسافر اشتغل عشرة سنين في السعوديه ثم لملم اطرافه ورجع السودان حول قروشه الحمدلله قدر يشتري أمجاد يقدر يلقط منها رزقو يساعد ناس البيت ويحاول يوفر له قريشات يقدر يعرس منهن ....
الشاب دا الى حد ما أفضل من حكومتنا لانه حكومتنا حطمت مصنع كان يعمل بكامل طاقته الانتاجيه وهاهي اليوم وبحضور رئيس الجمهوريه تحتفل بافتتاح نفس المصنع القديم وتتباهى باعادته للانتاج بواسطة رجل اعمال سعودي .....
ياترى محتاجين كم سنه وكم رجل اعمال سعودي حتى يعيدوا الحياة لمصنع البان بابنوسه ومصانع محالج مارنجان والحصاحيصا ومصانع النسيج ومشروع دلتا طوكر ومشروع القطن في الزيداب ....
وكم سنه وكم رجل اعمال لاعادة احياء السكه حديد والنقل النهري ومصلحة المرطبات والنقل الميكانيكي والخطوط البحريه وسودانير ...
بل كم سنه ومنو ال يقدر يعيد لنا الانسان السوداني الكريم المتسامح مع نفسه ومع غيره من غير قبليه وحروب بين ابناء الدم الواحد ....
شكرا لخريجي مدرسة عطبرة الحكوميه الثانويه الذين عملوا على بعثها من تحت الركام وشكرا لأهل عطبره الذين حافظوا عليها من ان تطولها يد البيع الخفي الذي فات الصغار والقدرو
وشكرا لرجل الاعمال السعودي القحطاني الذي تكبد مشاق السفر من ارض الحرمين لارض النيلين حتى يطعم أهلها من انتاج بلدهم صلصة وكتشبا خالصا سائغا للآكلين من مصنعهم القديم ....
وياريت يكمل جميله ويعمل لنا مصنع هوت دوغ .....
قال الشاعر :
كانت ايامنا الخوالي
حلوة طاعمة ومستطابا
يا زمان رجعنا ليها
كان فضل عندك عقابا
نحن منها ما ارتوينا
مالو قافل بدري بابا ؟
📌ابووضاح
منقووول
| |
|
|
|
|
|
|
| |
جمال ود القوز
علي عبدالوهاب عثمان
الزاكى المغيرة
باسط المكي
Hassan Farah
حسن حماد محمد
خالد حاكم
ANWAR SAYED IBRAHIM
Khalid Elsayed
لطفى العمده
السنجك عثمان
Mohammed Alhasan Mohammed
فيس بوك
تويتر
انستقرام
يوتيوب
بنتيريست