|
|
|
 Re: ترتيبات حفل الوداع !! (Re: معاوية المدير)
|
صمت شنو يا قريبك!!
صمت دي ترحل بيها انت وأنا و ناس جلالدونا و الغالي و بتاع, الناس العاديين
لكن المستنير !! يا للهول
عايزه يرحل كدا زيي وزيك !!
لا لا ما تبالغ انت كمان
| |
  
|
|
|
|
|
|
|
|
Re: ترتيبات حفل الوداع !! (Re: معاوية المدير)
|
سلامات و د البشري
المستنير يمشي وين؟ و بخلينا لي منو؟
المستنير الفيلسوف جرئ في طرحه للموضوعات التي يتفاداها الناس و يتعامل
بمنهج الشك عشان حتي يصل لليقين بس فهموهو غلط.
المستنير الروائي يمزج الواقع بالخيال و فوق ذلك زول لذيذ
و بوستاتو الاعلي مشاهدة و مداخلات.
الاكثر جدلا و اثارة في المنبر
نطالب بالعدول عن الرحيل و تحسين شروط العقد
"جزء من خطابي في حفل الوداع"
كدا انا قصرت في حاجة؟
| |
|
|
|
|
|
|
|
|
|
Re: ترتيبات حفل الوداع !! (Re: معاوية المدير)
|
انا غايتو متبرع امسك الكشف
رغم اني مقتنع انه ماحيجيب اكتر من 20 جنيه
المهم اظبطوا الميزانية علي كده ،
وأغمتوا للمستنير باقي العشرين في جيبو
بعد ما يحلف برب النجوم انو بعد مايجي تاني
يملص الاستنارة ويدخل.
| |
|
|
|
|
|
|
|
|
|
Re: ترتيبات حفل الوداع !! (Re: عمر التاج)
|
هلا بالشباب هلا والله
يا مستنير لا ياخ عندنا عندك لسة يومين ما تخمنا
ثم دا بوست تحضير للحفل انت ما تدخل فيه, المداخلة الأخيرة وفّرها للحفل لأنّها ح تكون تاريخية طبعا وعايزين نحفظها للأجيال الجاية
| |
|
|
|
|
|
|
|
|
|
Re: ترتيبات حفل الوداع !! (Re: محمد البشرى الخضر)
|
عاينت يا بشرى، لتاريخ تسجيلك، لقيت إنّو أمر في خطأ في قراءة تاريخ تسجيلي
كنت مفتكرها تلاتة شهر أربعة
لكنها يبدو أربعة شهر تلاتة
ما مشكلة نعتبر بكرة المتتم لسنين الاستنارة التلاتة
عندكم فرصة لحدي بكرة
| |
|
|
|
|
|
|
|
|
|
Re: ترتيبات حفل الوداع !! (Re: sadig mirghani)
|
| Quote: شافع رباطابي عمل غلط . ابوه شايل الخرطوش وجاري وراهو .. قال ليهو تعال اقيف .. ما تخاف ماداير أدقك ....الشافع قال ليه : اها داير تجر مني بنزين؟ |
اها يا ود البشري دي اخر نكتة واتسابيه وصلتني اليوم الصباح ولي هسع كتلتني بالضحك ... لو ما كنتا في طريقي لي خارج الديار كنا عملنا اسمول بارتي للمستنير وعزمناهو علي كل أنواع الباراكودا ... الجوا البحر والفي ام القيوين ... الريال يستاهل ... وي ويل مس هيم.
تحياتي
| |
|
|
|
|
|
|
|
|
|
Re: ترتيبات حفل الوداع !! (Re: Salah Zubeir)
|
يا حيدرنا انا ما استعجلت بل على العكس طلعنا متأخرين حسب المستنير !! بعدين بيني وبينك خفت من اللوم اسي في الرجلين بعد شوية ببقى في الوش!!
هلا يا هندسة ود الزبير, النكتة عملت شغلت عجيب رشيتها في قروبات الدفعة والأهل الحمد لله طلعوا ما سمعوا بيها
قلت لي ام القوين هههههه لا ياخ دي جاكة استنارية منو ساي يفقع بيها بعض المرارات وكدا
| |
|
|
|
|
|
|
|
|
|
Re: ترتيبات حفل الوداع !! (Re: طلحة عبدالله)
|
أفا يا تنظير!! كيف ما موضوع ؟
انت كان عايز تمش و قلنا نعمل ليك حفل فعلا يكون ما عندنا موضوع
لكن دا المستنير هيمسلف! عايزه يمش كدا من سكات دون حفل يليق ودون أن يعطينا كلماته و حكمته الأخيرة ويسمّي لنا خليفته!!
قوم لف إنت
| |
|
|
|
|
|
|
|
|
|
Re: ترتيبات حفل الوداع !! (Re: محمد البشرى الخضر)
|
يا طلحة ياخ المستنير فقد كبير وجب الاحتفاء والاحتفال به على الاقل زي ما قال ود البشرى
يسمي لينا خليفتو الحا يمسك الراية بعدو ..
طلحة انت اظنك في عيونك غشاوة معقولة ما شايف الاستنارة دي كلها
لو باب الترشيح مفتوح يا ود البشرى لخليفة المستنير كنت عايز ارشح علي دفع الله لكن
قالوا شنبو يشبه تراب المغنطيس فغيرت رايي 
لكن يتخيل لي عبدالله الاسد مناسب
| |
|
|
|
|
|
|
|
|
|
Re: ترتيبات حفل الوداع !! (Re: Haytham Ghaly)
|
لا يا هيثمنا علي دفع الله غير موضوع الشنب ما ينفع خليفة للمستنير
واحدة من اهم سمات الإستنارة رفع كثافة المناضلين بما فيهم الشيوعيين ! فا على ديسكواليفايد
انت زاتك ديسكواليفايد لأنك بتجامل أحيانا - وما تسألني جاملت منو ووين :)
أنا أرشح حافظ بشير و في المرتبة الثانية فردوس جامع
| |
|
|
|
|
|
|
|
|
|
Re: ترتيبات حفل الوداع !! (Re: ياسر منصور عثمان)
|
هيثموف يا غالي الكهرباء عندنا قاطعة
والشمع معدوم والجاز كذلك، من وين أجيب ليك
استنارة .. أنا كل العارفو استجارة مقننة بالإضافة
إلى انو سيد البوست ما عندو موضوع والمفروض يسمع
الكلام ويقوم يلف كدا واللا كدا .
......................
اتا يا ياسر منصور بتستعمل عدتي من دون اذن ليي ياخ ..
أوع تكون لسة زعلان مني عشان الهلال الكسيح الفاضحنا
وشارط عيون الأمة السودانية في أركان الدنيا الأربعة ؟
| |
|
|
|
|
|
|
|
|
|
Re: ترتيبات حفل الوداع !! (Re: ياسر منصور عثمان)
|
مااااا بتقدر عليه يا ود البشرى
موش لو فتحت بوست .. لو بكري علقها ليك فوق سطح المنبر
يعني هسة اتفولحت كدة وقبضته كربون عشان ما ينط !
ياخي المرة الفاتت قال دينا خالد حنستني عشان كدة قعدت .. بحّتّ البوست قلبة وعدلة ما لقيت تحنيستها دي
وبعد دة قدر مشى الموضوع في الناس عادي بالزبادي
فاااا شنو ما تعمل حريف هسة بجي بمسك ليك في واحد من المحنساتية ويقول ليه عشانك بس بديهم 17 يوم وتاني عييييك ما تفرز السبعتاشر يوم انتهت ولا لأ إلا تتذكرها ببوست المغادرة البعدو
أنا عندي ثقة عمياء إنه المستنير دة ود الموية أصلك ما بتقدر تقبضو .. حتى بالثابتة بتسحّب ليك برااااااحة براحة بدون ما زول يحس .. فللضمان كدة جهز البيبسي الحتبلع بيه البوست
| |
|
|
|
|
|
|
|
|
|
Re: ترتيبات حفل الوداع !! (Re: Haytham Ghaly)
|
ودالبشرى
صدق فيك قول الحمرية
حكى لى صديقى دكتور اسماعيل الفحيل باحث علم الاجناس
يام كان معنا في الدوحة خبير بمركز التراث الشعبى لدول الخليج
قال لى كنت بمعمل في رسالة الماجستير وكانت عن قبيلة الحمر
وفي سوق الابيض في ست شاى حمرية امراة كبيرة في السن
ملمة بعادات وتقاليد الحمر وكان اسماعيل كل يوم من الصباح
بمش للحاجة ويخت مسجلو ويقعد اتونس معها ويسالها من الصباح
للضهر لمن كرر المسالة دى وبشكل يومى قامت سالته الحمرية
انت ياولدى ماعندك شغلة قاليها والله ياحاجة ونستى معاك دى ياها شغلتى
ردت بقولها : اول مرة اشوف قلة الشغلة تبقى شغلة
| |
|
|
|
|
|
|
|
|
|
Re: ترتيبات حفل الوداع !! (Re: بدر الدين الأمير)
|
يااااا هيثمنا ما تحرجني ههه
كان الله قسم لينا ملاقاة وشوفة في الدنيا دي بدّيك ليها :)
يا بدرنا المنير معقول ياخي تحرجني كدا, الإحتفاء بالمستنير تشوفه عدم شغلة!!
لا لا اتلوّمت لو جد, خاصة إنّك تعرف قيمة الإحتفاء بالنجوم و المؤثرّين وما بتقصّر معاهم, كل ما واحد يزور الدوحة طوّالي تاني يوم بنستنّى التنهّدات و الحكاوي عن عز موزة المالكي و وجودة العصير و طيب الطعام وغلاء الستائر وأناقة سيراميك الصالة و إيجارها البالساعة و الفساتين و البدل و موديلات العربات ...إلخ إلخ !
لكن قالوا شنو و حاضروا عن شنو و النقاش و الفوائد وكدا يعوّضنا فيها الله
| |
|
|
|
|
|
|
|
|
|
Re: ترتيبات حفل الوداع !! (Re: أحمد محمد عمر)
|
يا ابوحميد مالك عايز تعمل لي فيها معاوية الزبير و الود قرّاي نوايا وكدا:)
ناس ود الزبير ديل جيل شكّاك خلقة مقتنعين انّو سوار الدهب ازاح نميري عشان يسرق الإنتفاضة و انّ÷ الصادق نزل الإنتخابات و فاز عشان يسلّمها الجبهة الإسلامية بعد كم سنة :)
فا شنو.. انتو الجيل الجديد دا مفروض تصفّوا النيّة و تقرا الحاجات في سياقاتها المنطقيّة
المستنير ما ممكن يمشي زيّو وزي أي عضو عادي دي فيها لوم شديد ثم لابد يرشّح لينا خليفة وإلّا ح يخلّينا في الضلام و كدا :)
صفّي النيّة انت بس و ادّينا اقتراحاتك للبرنامج أو ترشيحك للخليفة
| |
|
|
|
|
|
|
|
|
|
Re: ترتيبات حفل الوداع !! (Re: محمد البشرى الخضر)
|
شنبي السبب لي ازاي .
شكيتك علي ابواتي يا شكوكو خليت هيثم غالينا وابو حتوت ياخدو حتة الشنب كحد فاصل بيني وبين حمل لواء الاستنارة ههههه
حا احلقوا يا هيثم ..
اما انت يا بشرى الفيك اتعرفت تحرمتي من خلافة المستنير ههههه انتو خلفوني وشوفوني افقع ليك مرارة الجماعة كيف هههه
| |
|
|
|
|
|
|
|
|
|
Re: ترتيبات حفل الوداع !! (Re: Abuelgasim Mohamed)
|
يا ابو علوة انا حدّدت سبب عدم تأهيلك! اي نعم بتفقع مرارة المؤمنين لكن ما ذا عن الشق الأول : رفع كثافة المناضلين؟؟
كان بتقبل تشتغل مستنير بنص دوام أوكي, لكن دوام كامل صعب عليك تغطي المتطلبات :)
ابو القاسم دا ماجادي يا اخوانا
| |
|
|
|
|
|
|
|
|
 Re: ترتيبات حفل الوداع !! (Re: محمد على طه الملك)
|
مساء الخير
ابوبكر طبعا بذكرني بزميلنا في بورد "مجاور" اسمو هرقل...من 2008 كلو شهر شهرين يشبكنا ليك مع السلامة ودا اخر بوست لي والعفو والعافية
وطبعا الاعضاء والعضوات يعجبوك بتبالغ يا هرقل وعليك الله ما تمشي...والبورد من بعدك خلا وياها مجاملات السودانيين التي لا تنتهي
تاني يقعد وشهر شهريين يبدا المسلسل
المهم...الكلام دا ليهو عشرة سنة...الناس كلها مشت وخلت البورد...وهرقل لي يوم الليلة قاعد
| |
|
|
|
|
|
|
|
|
|
Re: ترتيبات حفل الوداع !! (Re: محمد على طه الملك)
|
نجرو كيف يا مولانا ! مشكلتنا المستنير زنقنا و زنق روحه كونه ما عايز يزيد عن تاريخ اكمال السنوات الثلاث
كدي حنسّوه - على طريقة هرقل :) - يدينا شهر زيادة نوتيس بيريود لحدّي ما يتم تعيين مستنير جديد و يعرف الشغل
| |
|
|
|
|
|
|
|
|
|
Re: ترتيبات حفل الوداع !! (Re: محمد البشرى الخضر)
|
بصراحة في مداخلة واقفة لي في طرف كيبوردي كل ما أهشها واقول مافي داعي للتدخل في شأن ما بخصني أبو روضة يزيد كثافتي زيادة
كنت داير اكتبها للمستنير كدة (البلعب مع الجريوات بخربشنو ويجرن منو)
______
الجريوات يعني الناس الما بفهموك .. لو ما مشى فيكم الحنك دة حاولو باصروهو لحدي ما يتمشى
| |
|
|
|
|
|
|
|
|
|
Re: ترتيبات حفل الوداع !! (Re: أحمد محمد عمر)
|
كدي حنسّوه
التحنيس ده ما بليق برسول إستنارة ياخ
قول نوقَع معاهو إتفاق عديييل كده :
مثلا نأمن على كل جرعة إستنارة يبذلها في البورد
نتصدى لكل محاولات التقليل من شأن رسالته المجيدة
شرح كل مايستعصى فهمه من هذه الجرعات للعنقالة والرمتالة
-
بكَور .. عليك الله ماتشتت
خليك صنديد متل هرقل
| |
|
|
|
|
|
|
|
|
|
Re: ترتيبات حفل الوداع !! (Re: Hatim Alhwary)
|
Quote: واحدة من اهم سمات الإستنارة رفع كثافة المناضلين بما فيهم الشيوعيين ! فا على ديسكواليفايد انت زاتك ديسكواليفايد لأنك بتجامل أحيانا - وما تسألني جاملت منو ووين :) أنا أرشح حافظ بشير
|
غايتو الواحد ما يأجز كلو كلو إلا يلقاكم بشتنتوهو
اول هام من ناحية الإستنارة، المستنير هو رسول الإستنارة في المنبر و أنا الرسلتو و حتى الآن لم يؤدي الرسالة و لم يبلغ الأمانة و لو خلى المنبر فذلك يعتبر ردة و زندقة و كم هي كبيرة على رسول.
تاني هام المدعو احمد محمد عمر ما مقصر تب في مباشرة مهام رفع الكثافة حتى البت في امر تنصيبه اماماً للمستنيرين و رسولاً للمنبريين.
| |
|
|
|
|
|
|
|
|
|
Re: ترتيبات حفل الوداع !! (Re: Hafiz Bashir)
|
ههههههههههه لا لا الشايفها انت دي خربشة جريوات ساي ما استنارة
مافي خليفة
حتى بعد ما هو يجي راجع - إذا زاد غيابه عن شهر كما أتوقع - غالباً ما حيقدر يقلد روحه :) موش قالوا شارلي شابلن شارك في مسابقة لتقليد شارلي شابلن قام جاء التالت !
الناس ما تتعب روحها ساي
شغال بدرس في حالة ناذر من بعيد لبعيد .. زمان يفتح بوست يقول السلام عليكم قبل ما يتمها زي الناس تكون المداخلات وصلت الصفحة التانية من الموضوع
هسة بفتح البوستات بجوهو الناس المشتاقين لي أيام زمان وخلاص .. وهو ذاتو بعد ما يفتح البوست بغلبو يواصل فيه تحس بيه زي الندم على فتحه ويومين تلقاهو مشى الصفحة التانية من المنبر .. لياقة منتهية مرة واحدة
| |
|
|
|
|
|
|
|
|
|
Re: ترتيبات حفل الوداع !!العشاء الأخير دا لسع (Re: معاوية المدير)
|
مداخلة من الجلاكسي 5
تصالحني بمداخلة من جلاكسي 5؟
دي حقارة منك يا أيها المدعو معاوية المدير, لن ارضى إلا بمداخلة من اي فون 10 فما فوق, و حتى أسأل حاجة كدا عباس الفحل (وجات الله إسمو راح لي هسه و عباس دي ذاتها اتذكرتها عشان خاطر المستنير).
_________________
يا معاوية المدير ياخي اقول ليك حاجة رصيد الود الذي اكنه لك يسمح لك بألف و نيف* من مثلك تلك المداخلة قبل أن تحتاج لطلب مصالحتي.
*الف و نيف دي لي زمن بفتش في طريقة أدخلها في جملة مفيدة فما تصدق شديد ياود المدير.. بكرة بلقاك مطرف و باخد حقي منك
| |
|
|
|
|
|
|
|
|
|
Re: ترتيبات حفل الوداع !!العشاء الأخير دا لسع (Re: عمر التاج)
|
يا ود البُشرى سلامات
بالرغم من إنه ما آي job بنعمل ليها قبول لكن مثلك لا يرد له طلب :)
أهم حاجة تجهز لي الختم هههه (زي بتاع التجاهل داك)
عشان بعد آي مداخلة ألصق ليهم....
رأيك شنو في " مستنيرة لا تكلمني " ههههههه
زي الكنت حاسة بالتكليف ده تصدق :)
بالأمارة الأيام الفاتت ديل أخدت لي تمارين محترمة في اللزوجة في بوست مجاور هههههههه
أها يا جماعة ال معترض يكلمنا عشان نحرد ليكم البورد ده :)
....................................
بوست لذيذ
و التحية لكل المرور من هنا
| |
|
|
|
|
|
|
|
|
|
Re: ترتيبات حفل الوداع !!العشاء الأخير دا لسع (Re: فردوس جامع)
|
أنا غايتو يا فردوس لمّا رفعت خطاب الوصية بتاعت المستنير بمواجهة الشمس (زي حركة الكِرْتِّلة ديك)
إتوارى لَي اسمك (لمَحان) مكتوب كخليفة له في رسالة التنوير
لكن استبعدت ما توارى لي، لأنو قال في الوصية إنو خليفته سيبلغ مبلغ الاستنارة بعد 10 سنوات
حاشاك ذلك
غايتو المخرج الوحيد بكون قاصد أنو شرْطَ السنين دا لا ينطبق على النساء
إنما على الذكور* فقط أمثال حافظ مين كدا ومين كدا التاج
اللهم قد بلغت فاشهد يا بكري أبوبكر
---
* مقابلة النساء بالذكور مقصودة
| |
|
|
|
|
|
|
|
|
|
Re: ترتيبات حفل الوداع !!العشاء الأخير دا لسع (Re: معاوية الزبير)
|
مرشح إيه ياعمك..
أنا المستنير دا من زمان بشتت ليهو في موية السكر،عشان ناوي أعمل معاهو مشروع استثماري في (أمسودان)...
في النهاية خلا خشمنا ملح ملح..
هس أنا دايرو يجي راجع لسبب تاني خالص..
لكن زي مابقول مدربنا زمان :ماتحضر كتير قدام المرمى،شوت طوالي..
*في بتاع راكشة كاتب :الخوة الصادقة نادرة هاع هاع هاع(الضحكة مني مامكتوبة)
| |
|
|
|
|
|
|
|
|
|
Re: ترتيبات حفل الوداع !!العشاء الأخير دا لسع (Re: حامد بدري)
|
بيني و بينك يا معاوية الزبير بيكون قاصد فايتنه بعشرة سنين...
أول إنطباع لي عن كتاباته إنه داير في مرحلة ال ego و معاها شوية id
أها بقى نحن في مرحلة ال superego
إتجاوزنا حتة الإيقو دي زمااااان...
أها بقى دي ممكن تعتبر مرحلة جديدة من الإستنارة .... إستنارة صحى صحي ما ونسة.
حرام الناس تكون دايرة في مرحلة الإيقو والإيد كتير ...يستاهلوا إستنارة حقيقية مترفعة من الأنا.
..........
هذا و صفو النية يا جماعة بمزح المزاااح الواحد ده هههه
و للأخ أبوبكر الود كامل إن بقى أو ذهب
| |
|
|
|
|
|
|
|
|
|
Re: ترتيبات حفل الوداع !!العشاء الأخير دا لسع (Re: فردوس جامع)
|
الفكرة إنه هو كان رجل المرحلة السابقة...
أها المرحلة دي محتاجة إمكانيات مختلفة شوية
بعد كده ممكن نستلم الراية و نعمل أختامنا و كده عشان الجمهور جاهز إلى حدٍ ما للمرحلة القادمة 
آي إعتراض حيقابل بالحردان كلمتكم أصلو أنا قبلت عشان خاطر ود البُشرى ههههه
| |
|
|
|
|
|
|
|
|
|
Re: ترتيبات حفل الوداع !! (Re: معاوية الزبير)
|
يا حافظ نحن في حفل ... إتذكر حفل ههه حيث تتم الصفقات بالود و الأخوة ههه
أها في ساحات الوغى ... ود البُشرى عارفني ما بقصر.
خلينا نفصل بين حيواتنا دي عليك الله...
ولا أنت كله عندك ليه واحد
| |
|
|
|
|
|
|
|
|
|
Re: ترتيبات حفل الوداع !! (Re: فردوس جامع)
|
العزيز معاوية الزبير
زي ما قلت أنا بمزح يعلم الله و الفكرة بتاعة الإستنارة دي اكبر مزحة في البورد
| Quote: الظاهر عليك يا فردوس عايزه توقفي مسيرتك الفكرية شوية |
و الله يا معاوية أنا ال علي خليها ساي بس مسؤوليات جسام و الحمدلله. نسأل الله دوام الصحة و العافية.
من كلامك يبدو إنه موضوع وقوفه من المنبر ما مزحة... مثلك أحزن لإفتقاد قفشاته و أتمنى ليه حياة أكثر سلاماً و نمواً على أرض الواقع.
| |
|
|
|
|
|
|
|
|
|
Re: ترتيبات حفل الوداع !! (Re: فردوس جامع)
|
يا فردوس العزيزة
أنا بتكلم بمعيار ود البشري*
ابو حتوت ما عندو فرد شغلة بالاستنارة و لكنه يحب الآكشن زي جوع بطنو و كذلك احمد محمد عمر
____________________
* ليونة آ أسد دي كلو كلو ما واقعة لي
| |
|
|
|
|
|
|
|
|
|
Re: ترتيبات حفل الوداع !! (Re: Hafiz Bashir)
|
ماممكن أوصل الكلام دا مازحا،لذلك سأقوله بطريقة جادة جدا:أنا لاأعدل بمداخلات الأستاذة آمنة مختار أحدا...وبالذات لما يكون مزاجا رايق..
ولو مامتأكد إنو مجرد الترشيح بقلل منها كان رشحتها.
| |
|
|
|
|
|
|
|
|
|
Re: ترتيبات حفل الوداع !! (Re: محمد البشرى الخضر)
|
Quote: شغال بدرس في حالة ناذر من بعيد لبعيد .. زمان يفتح بوست يقول السلام عليكم قبل ما يتمها زي الناس تكون المداخلات وصلت الصفحة التانية من الموضوع
هسة بفتح البوستات بجوهو الناس المشتاقين لي أيام زمان وخلاص .. وهو ذاتو بعد ما يفتح البوست بغلبو يواصل فيه تحس بيه زي الندم على فتحه ويومين تلقاهو مشى الصفحة التانية من المنبر .. لياقة منتهية مرة واحدة |
| |
|
|
|
|
|
|
| |
محمد البشرى الخضر
معاوية المدير
أيمن محمود
Nasser Amin
أبوبكر عباس
عمر التاج
حيدر حسن ميرغني
عبدالحفيظ ابوسن
Hani Arabi Mohamed
معاوية الزبير
Hatim Alhwary
Salah Zubeir
طلحة عبدالله
ياسر منصور عثمان
المسافر
بدر الدين الأمير
MOHAMMED ELSHEIKH
علي دفع الله
Abuelgasim Mohamed
محمد على طه الملك
Hafiz Bashir
فردوس جامع
عليش الريدة
حامد بدري
ناذر محمد الخليفة
فيس بوك
تويتر
انستقرام
يوتيوب
بنتيريست