|
Re: الخطوط الأماراتية تصفع دعاية السوء المصر� (Re: أبوبكر عباس)
|
سلامات يا عبد الله ...
و الله الصورة جميلة جداً ... لكن شايف ناس الواتساب قالوا فوتوشوب ...
و الله ما عارفين الصاح شنو ؟
انت جاتك كده و لا عندك الرابط ؟
بعدين دي دعاية لخط الخرطوم و فيها صور من السودان ... الصفعة في شنو ؟
عشان صورة الاهرامات ..؟
الامارات لازم تلعب صالح ورقها ...
الاهرامات عاملة دوشة إعلامية ... فبكده تكون احسن دعاية للخطوط ...
| |
|
|
|
|
|
|
Re: الخطوط الأماراتية تصفع دعاية السوء المصر� (Re: أبوبكر عباس)
|
-1-
تقول لِى شنو
وتقولى لِى منو ،
-2-
أنحنَا السَّاسْ
ونَحنا الرَّاسْ
ونحن الدّنيا جبناهَا
وبَنيناها..
بِويت ..فى بِويتْ
وأسْعل جدى ترهاقَا
وخلى الفَاقة .. والقَاقا
-3-
تقول لِى شنو
وتقول لِى منو ،
-4-
تَالا أبوى .. بعنخى لَزَمْ
وتَالا اللُمْ..أَبوىْ أوْلبَابْ
وأمى مهيرة بتْ عبودْ
وأخويا المهدى ..سيد السيفْ
والخلى النصارى تقيفْ
هناك ..فى القيفْ ،
-5-
تقول لِى شنو
وتقول لِى منو ،
-6-
ونحن الشينْ
ونحن الزينْ
ونحن العقبه والعتمور
ونحن القِبله .. والقرعانْ
ونحن الشانْ
ونحن النانْ
أتينا عشانْ
نسوى الدّنيا للإنسانْ
تقول لِى شنو
وتقول لِى منو ،
-8-
ونحن الصّافى
والوَافى ،
ونحن الشّافى
والكافِى ،
ونحن الزادْ
ونحن العِينه
والزِيّنه ،
ونحن – يمين – أهالينا
أهلى سرورْ
ووكَتين ينزل المستورْ
تَرَانَه النور
-9-
تقول لِى شنو
وتقول لِى منو ،
-10-
ونحن الجبنه واللبريقْ
ونحن قداحنا سَاوات ضيقْ
ونحن بيوتنا مفتوحاتْ
مَسَاىْ .. وَصباحْ
ونحن وشُوشنا
مطروحاتْ
مَسَاىْ وصباحْ
ونحن السَمحه
والقَمحه
ونحن الطله .. واللمحه ،
ونحن الصِيدْ
ونحن العيدْ ،
-11-
تقولى لِى شنو
وتقولى لِى منو ،
-12-
ونحن عُزَازْ
ونحن حَرَازْ
ونحن هَشَابْ
ونحن قُمُوحْ
ونحن تُمُورْ
ونحن عُيُوشْ
ونحن النيلْ
وَكضَاب – يا زويل – منْ قالْ
إنّك .. تانى لينا متيلْ ،
تقولى لِى شنو
وتقولى لِى منو ،
-13-
ونحن الحَجه والتوبه ،
ونحن الهِجره .. والأوبه ،
ونحن كُتَارْ
ونحن كُبَارْ ،
ونحن – يمين – جُمَال الشيلْ
ونحن – يمين –نَضِمنا قليلْ ،
-14-
تقول لِى شنو
وتقول لِى منو ،
-15-
ونحن مِحايه
نحن طِرايه
نحن فِدايه
نحن سِمايه
نحن حجاب
ونحن اللوحْ
ونحن شَرَافه فى الدنيا
ونحن كِتاب عِلمْ مفتوحْ
على كل البُلودات ..نُورْ ،
ونحن – يمين – مَداين نورْ ،
ووشنا نورْ ،
-16-
تقول لِى شنو
وتقول لِى منو ،
-17-
ونحن الحِنه والجرتقْ
ونحن الزفه والسيره ،
ونحن ..أبشرى والشبال ،
ونحن السَىْ
ونحن الوَىْ
ونحن الرقبه .. والتُمْ تُمْ
ونحن اللَمْ ..
يكون فى الدنيا ..متلنا ..لمْ
-18-
تقولى لِى شنو
وتقول لِى منو ،
-19-
ونحن العَاجْ
ونحن الصَاجْ
ونحن البوشْ
ونحن الحوشْ
ونحن الناسْ
وكتين الديارا ..يباس
وإن درت العديل والزين
تعال يا زول ،
وإن كست الكعب والشين
أرح .. يا زول
-20-
تقولى لى شنو
وتقول لى منو ،
-21-
ونحن السورْ
ونحن الحُورْ ،
ونحن بناتنا محروساتْ
ونحن وِلادنا ضُلالاتْ
ونحن أُماتنا ياهِنْ ..ديلْ ،
وجِيب ورينى زيىِّ منو ،
وتقول لِى شنو
وتقول لِى منو ،
-22-
ونحن فَزَعْ
ونحن وجَعْ
ونحن اليُمه ..واليَابَا
ونحن أريتو بالتَابَه ،
ونحن – يمين – إذا حَرّتْ ،
نخلى الواطه ..رُقَابه ،
-23-
تقولى لِى شنو
وتقولى لِى منو ،
-24-
ونحن زَغَاوه والعطرونْ
ونحن الدُونَا ..مافيشُ دونُ
ونحن وِلاد مَلك خِرتيتْ
وسَابَ الجرْ
وحجَر السِكه ،
والتاكا ،
وسيّدنا الفى الجبل ..دَاكَا
ونحن – يمين – نضِمنا كُتُرْ
وشيَتنا كُتُرْ
وأسعَل ناس كَرن والطُورْ ،
وأسعَل كَررى .. والعَتْمُورْ
وأسعل – يا جنَاَ – الخرتُومْ ،
وشوف كيفن زعلنا كُتُرْ ،
وشوف كيفن فرحنا كُتُرْ ،
أنحنا الـ للرجال خُوسَه ،
ونحن –يمين – جِنَات موسى ،
-25-
تقولى لِى شنو
وتقول لِى منو ،
-26-
ونحن الدوكه
والضُلاله ، والدونكه ،
ونحن الدانقه ،
والراكوبه ، والواطه ،
ونحن الفَكَه
والشِبكَه
ونحن الحجزه .. والعكَه ،
ونحن الجُودْ ،
ونحن أسودْ ،
ونحن النَانْ ،
حديثنا إذا أرِدتو رُطَانْ
وحين دايرين ..نسوى بَيَانْ ،
-27-
تقول لِى شنو
وتقول لِى منو ،
-28-
ونحن الخَلوهَ والدايره ،
ونحن تَكيه العايره ،
ونحن الضُّلْ ،
ونحن الكُلْ ،
ونحن سبيل غريب الليلْ ،
ونحن صباح مسافر الليلْ ،
ونحن فَنَاجرةَ الدّنيا ،
ونحن حَبَابْ
حديثنا حَبَابْ
تعال شَرِف .. وشوفنى منو ،
وتقولِى شنو ،
وتقولِى منو ،
-29-
أقيف لِسَعْ
وأقيف وأسمعْ ،
ونحن صديرى منضوم ويلْ
ونحن القَرمصيص ..بلحيلْ ،
ونحن التوبْ
ونحن الووبْ
وناس حبوبْ
وناس حَرّمْ
ونحن إذا رأينا كبيرْ
نقيف طولنا ..ونقولْ لُه ..حَبَابْ
ونديه البُكَان ..ترحابْ
ونحن. اليَانَا ديل .. يا زولْ
وتسعلنى .. وتقول لِى منو
وتقولِى شنو ،
-30-
أقيف لسعْ
وأقيف .. وأسمعْ
ونحن التَايَهْ
والاندايَهْ
والزِريعهْ
والعيزومهْ
واتفضلْ ،
ونحن الرايَه مرفُوعه
ونحن الكُلفَه مرفُوعه
ونحن حلفتَ ... مدفوعه
-31-
تقول لِى شنو
وتقول لِى منو ،
-32-
وأما عجيبْ
وأما غريبْ ،
وأقيف لسعْ
وأقيف .. وأسمعْ ،
-33-
أنا الكَعَب البسوى الويلْ
وأنا الزول السَمِحْ ..بلحيل ،
وداير ..منَِّهُمْ .. يَاتُو ..،
تقولى لِى شنو
وتقول لِى منو ،
| |
|
|
|
|
|
|
Re: الخطوط الأماراتية تصفع دعاية السوء المصر� (Re: Yasir Elsharif)
|
،شكرا اخ عبدالله عثمان وشكرا لكل الشرفاء والوطنيين الذين تهمهم سيادة الوطن وترابه وشكرا لكل يقف في وجه تطاول مصر الرسمية و وعنجهية بعض اطياف النخب المصرية والعقليات الخديوية ! يفعلون ذلك دون اساءة للشعوب او الحط من قدر الاخريين ! ولاعزاء للاخوان وتوابعهم من السلفية الذين تحركهم اجندة مختلفة تجاه مصر! تراهم يصمتون تمام ورئيسهم البشير يهدي اللالاف الدولارات و وعشرات السيارات لمنتخب مصر الكروي ! واللالاف الماشية والابقار لمصر ويمنحها اللالاف الافدنة من الاراضي الزراعية ويفرط في حلايب لصالحها ! ** من يتصدي للتعدي المصري بصدق هو من يقف ضد نظام الانقاذ الذي فرط في ترابنا لمصر واضعف السيادة والهيبة الوطنية ! ** ولاادري ماهو سر الغرام السلفي والاخواني باثارنا ومعابدنا واهرامتنا الوثنية ؟؟ مالكم والاثار والمعبد والتاريخ النوبي والكوشي القديم ؟ ر :
| |
|
|
|
|
|
|
Re: الخطوط الأماراتية تصفع دعاية السوء المصر� (Re: Dr. Ahmed Amin)
|
عنوان غير موفق !! و يعكس سطوة الإعلام المصري (الضارب هذه الأيام) بدلاً عن التركيز علي إهرامات السودان و التي هي مهمة تاريخياً لذاتها وليس صدي لما يحدث في مصر أو الإمارات أو آي مكان مصر ليست سدرة منتهي السياحة لنقبع في ظلها حباً أو مقتاً و يمكننا ترويح سياحتنا بأنفسنا بقليل من الثقة في النفس و الإبتعاد عن تفاهات الإلام العربي عمرماً (الأسؤأ قي العالم)
-------
أهراماتنا جمبلة جداً طبعاَ، و لو كان الحجم هو أهم شئ لكانت مصر أغني من قطر :)
| |
|
|
|
|
|
|
Re: الخطوط الأماراتية تصفع دعاية السوء المصر� (Re: عبدالله عثمان)
|
تحياتى
عجيبة ، وهل ننتظر الآخرين ليتحملوا عبء الترويج لثرواتنا وتاريخنا نيابة عنا ، هذا الدور أولى به نحن من الامارات وغيرها ، لكن ماذا نقول في الماسكين في أمور بلادنا من كل ، مسؤؤولين ونخب ثقافية عطالة عن الموهبة ، ينتظرون الحدث ليهبوا مثل فوران اللبن ثم يخمدوا ، اٍسألوا نفسكم من من السودانيين المنتشرين في بقاع هذا اوطن العريض من غربه الى شرقه وشماله وجنوبه من كبكابية والجنينة وزالنجى الى درديب وترب هدل والانقسنا الى الشريك وجزيرة مروارتى ، اسألوهم من يعرف الملكات والاسرة الخامسة والعشرين واهرامات الكرو وجبل البركل ، هل في المدارس مناهج تعرفنا بهذا الإرث التاريخى ، ام ان مناهجنا تتحدث عن عمرو بن العاص ومعركة القادسية ووامعتصماه والاسكندر المقدونى ونابليون بونابرت
عجبى
| |
|
|
|
|
|
|
Re: الخطوط الأماراتية تصفع دعاية السوء المصر� (Re: wadalzain)
|
النظام المنبت والرخيص المركزي الذى اسسه الصاغ صلاح سالم في المركز وعبر العصور لا يعرف قيمة السودان ولا الحضارة السودانية واكثر حاجة تخوف النظام الشاذ في الخرطوم انه العالم يتلفت للسودان عبر السياحة والاثار وياتيه الناس من كل فج عميق ويعرف العرب والعجم مخازي الانقاذ االحضارة السوداني امر يخص اي سوداني حر ما عندها علاقة بي نظام الانقاذ او الاخوان المسلمين او الشيوعيين اول مرحلة لنهوض السودان من جديد كل العالم يعرف حضارة كوش التي تغنت بها الحركة الشعبية وجون قرنق ايضا اذا كانت السياحة في مصر تجلب 20 مليون سائح سنويا لمصر ماذا لو جاء بس 5 مليون سائح خليجي او عالمي ولقى النظام البشع الفاسد والموشه ده قاعد في راس الناس واتفضح ... هذا ما يخيف الانقاذ عشان كده خلو زير السياحة انصار سنة.. ولكن زيارة الشيخة موزة وهياج المصريين قدم دعاية مجانية لكوش العظيمة .. والتي عرف عنها السودانيين الاصليين عبر العالم بي سلوكهم وهسة يا ناس الانقاذ انتهى الدرس رجعو الاقليم والديمقراطية والفدرالية والاحزاب الوطنية السودانية والانتخابات الحقيقية ونفذوا الاتفاقيات وامشو بالتي هي احسن خلو البلد تجهز للزوار من كل العالم بدل البلعطة الفاضية السودان كان موجود قبل يوم بس من 30 يونيو 1989 في شكل دولة ديمقراطية فدرالية من ستة اقاليم ..رجعونا لي الحتة دي بس والاقليم الشمالي فيه عباقرة قادرين يصنعو سياحة محترمة تجعل للاقليم مورد راقي وشكرا للراقية الشيخة موزة فعلا.. ومرحب بالامارت وباقي سلطنة عمان والكويت واليمن ..والعالم ايضا بعدين ان ما ملزم ابدا بي الفهم الضيق والمبتزل بتاع الشيوعيين اطلاقا لى على مستوى هذا البورد وعلى مستوى السودان هناك فعلا من يحتقر السودان والسودانيين وحضارتهم علنا في الفضائيات الرخيصة ومن زمن ابوق صوت العرب ايضا ووعي المركز في السودان لا يمثل السودان لذلك فضائيات السودان حنك بيش ساكت
| |
|
|
|
|
|
|
Re: الخطوط الأماراتية تصفع دعاية السوء المصر� (Re: adil amin)
|
يا حبيبنا يحيى قباني
دخلت إلى الشبكة أبحث عن شيء يتعلق بـ "نبتة حبيبتي" لأضعها في هذا البوست وأهديها إليك لمعرفتي بمدى معزتك لمبدعنا هاشم صديق فإذا بي أعثر على هذه المادة..
ــــــــــــ
لخرطوم - صحيفة الرأي العام السبت 4 أبريل 2015م
علي مسؤوليتي
بقلم : طارق شريف
( نبتة حبيبتي في المحكمة)
نقلت صحيفة ( المجهر السياسي ) الصادرة الخميس الماضي أن الشاعر الكبير هاشم صديق قد شرع في رفع دعوة قضائية لدي محاكم الملكية الفكرية ضد الهيئة العربية للمسرح التابعة لدائرة الثقافة بإمارة الشارقة بدولة الإمارات العربية المتحدة ، وذلك علي خلفية طباعتها ونشرها للمسرحية الشهيرة ( نبتة حبيبتي ) دون إذن أو إتفاق مع كاتبها هاشم صديق . وقال هاشم صديق أنه قرر تحريك إجراءات قانونية ضد هيئة المسرح بإمارة الشارقة والمسؤول عنها الدكتور يوسف عيدابي لعدم وفائهم بتصحيح ومراجعة المسرحية ، مشيراً الي أن النسخة المطبوعة تحتوي علي 70 خطأً طباعياً وإملائياً كما أن الناشر حوّل المسرحية من نص شعري الي نثري . ـــــــــــــــــــــــ
نرجع للهدية.. والتحية للمبدع السوداني الأصيل شرحبيل أحمد
| |
|
|
|
|
|
|
|