|
دعواتكم لزميلنا المفكر د.الباقر العفيف بالشفاء العاجل
|
|
 Re: لماذا فقدنا التسامح (Re: عبدالحفيظ ابوسن)
|
مرة في مقابر ود ام جمبو والدنيا نصة نهار قايلة
بندفن
جو جنوبين شايلين جنازة وبدوا يحفرو قريب مننا
واحد مشي عليهم
انتو مسلمين
قالوا ليهو
لا
قال ليهم
دي مقابر مسلمين ما تدفنو هنا
جدا .. حاضر
انشغلنا مع الدفن وبقينا مارقين
نلقا الجنازة مختوتة في طرف المقابر في طريق الرجوع
اضطرينا شلناها وحفرنا ليها قبر و دفناها
الناس تحفر في الارض الصلبة والجو السخن وتشاكل في المعترض
كنت مبسوط منهم جدا
واضحك رغم الموت
| |
 
|
|
|
|
|
|
|
|
Re: لماذا فقدنا التسامح (Re: عبدالحفيظ ابوسن)
|
قروبات الواتس
لامن يضيفوني لي قروب
بخجل امرق منو
بشوفو عدم ذوق
اها تخش قروب تلقاك بتعرف الزول الاضافك بس
وامكن نفر نفرين علي خفيف
بتخش تشكر علي الاضافة انا بعمل كدة
الردود ولا عليك
امكن زولك بس يحاول يسوقك للناس وامكن يجليك
اها بعد داك
لغة المخاطبة جافة جدا وعنيفة
وسيف الاتهام يحلق فوق رأسك
بي الله الحكومة والسلطة كلها تختفي وتبقا انت الممثل الشرعي ليها
وتختفي الاحزاب وتبقا انت بس
يا تعوم معاهم ولا يغرقوك
تتلغي لغة العقل والمنطق
الحل
تخش وتعمل القروب صامت وتعمل نايم
| |
|
|
|
|
|
|
|
|
|
Re: لماذا فقدنا التسامح (Re: عبدالحفيظ ابوسن)
|
الفقدنااه كتييييييييييييييييييييييييييييييييييييييييييييير اخي عبد الحفيظ ونسال الله ان يعود ولو جزء يسير من ما فقدناه خاصة في مسالة الاخلاق والمثل والزمه والشهامة والمرؤة والصدق وحفظ الامانة وحفظ المعروف التوادد والتراحم الذي كان ديدننا زمان وغيره وغيره .... وكما قال شاعرنا الكبير ود الرضي هيهات يعود الكان ولى وما اظنو يعود الكان ولى ...
التحية لك ولكل اهل كوستي الاكارم ...
تحياتي : ياسر العيلفون
....
| |
|
|
|
|
|
|
|
|
|
Re: لماذا فقدنا التسامح (Re: ياسر السر)
|
وماشين بعيد ليه
ماياهون دة المنبر قدامنا
اطلاق الصفات دون ان يرف لك جفن
صفات تخرجك من الوطن
صفات تخرجك من الدين
صفات تخرجك من الرجولة
صفات تخرجك من الاخلاق
الترصد
تبحث عن الاتهام في ثنايا الدعابة والطرفة والذكريات
| |
|
|
|
|
|
|
|
|
|
Re: لماذا فقدنا التسامح (Re: عبدالحفيظ ابوسن)
|
كنا بنعفي الدية
الروح الراسها عديل
فقط من خلال الجودية والاعتذار والندم
تعفي حقك
وتكرم الوفد الجاك كمان
بحكي لي واحد . مشو في جودية لمقتول ايام العزاء
رفعو السكر والزيت والذي منو وشالوا قروش . قالوا يبدو حسن النوايا . يدو الفاتحة بدون فتح موضوع
قال لي
الشفع الصغار البوزعو الموية الواحد يلز فيك الصينية لو ما رجعت لي ورا وقبضت الكباية يكبها في هدومك
الشاي تتناولو منو لامن تاخد ليك قومة وترا لي ورا
| |
|
|
|
|
|
|
|
|
|
Re: لماذا فقدنا التسامح (Re: عبدالحفيظ ابوسن)
|
سلام ود ابو سن وضيوفك الاكارم
سبحان الله امبارح كنت بتكلم في نفس الموضوع
يا اخي نظرة واحدة لمستوى النقاش في وسائل التواصل الاجتماعي توضح حجم الكارثة التي وصلنا إليها
وهي كارثة بمعنى الكلمة
اختلف معاك .... إذاً انت الفعلت والتركت
الله يصلح الحال
| |
|
|
|
|
|
|
|
|
|
Re: لماذا فقدنا التسامح (Re: عبدالحفيظ ابوسن)
|
سلام ود اب سن و الاخوة الكرام
للاسف في حاجات جميلة و مميزة بنا كسودانيين انتهت او في طور التلاشي ... الحصل لينا شنو؟!!
في تغيير في السلوك العام للاسوأ ما عارف بسبب العولمة او بسبب تغيير ممنهج من هذا النظام
عندنا في منطقتنا في الشمالية في مركز بوليس ما بتزكر انو في بلاغ اتفتح او زول دخل الحراسة
لانو اي مشكلة بتنتهي قبل ان تصل البوليس و حتي لو وصلت البوليس براهو يقوم بالجودية
| |
|
|
|
|
|
|
| |
عبدالحفيظ ابوسن
ياسر السر
ياسر منصور عثمان
Hasheem Karouri
زهير عثمان حمد
Nasser Amin
فيس بوك
تويتر
انستقرام
يوتيوب
بنتيريست