|
|
|
 Re: تفاصيل شكلة اسفيرية (Re: نعمات عماد)
|
وصلت عدة رسائل واتساب ل عبدو تدعوه للتنسيق و الرد على هذا الغواصة .
- يا عبدو أنا أرد و أقول ليهو :
أنت ما شايف بوستات الكيزان ؟ يوم واحد يعمينا ما قبقبت كوز ؟
********************************
--عبدو listen to me
leave it to me ...am gonna give that sucker the lesson of his life ...
يا عبدو ما تكون so polite with that jerk
********************************
--يا عبدو الزول ده يستاهل .......
| |
 
|
|
|
|
|
|
|
|
Re: تفاصيل شكلة اسفيرية (Re: نعمات عماد)
|
( ما عندي أي فكرة الوش الأزرق البكاي ده جا من وين !! )
.......................
كان أحمد الغياظ قد كتب في آخر مداخلة : -
- خبرك الملفوح الما قادر تثبتو دا أحسن ليك تسحبو ... و أعتذر للقراء
متداخل آخر أرسل رد سريع :-
-- ألحس كوعك كمان !
قرأ عبدو المداخلة و فار دمو زيادة و هم بالرد على أحمد و المصطفين معاهو بالعبارة الآتية :-
- تبا لكم
لكن في نفس اللحظة وقف أمامه مديره في العمل و معه زائر .
المدير أمر عبدو بانهاء أوراق الزائر بسرعة
ألتفت عبدو على المدير بنصف انتباهة و هو يكتب
فكتب لأحمد :-
-- حاضر سعادتك !
وفي نفس الوقت قال للمدير و الزائر :-
-- تبا لكم !
| |
|
|
|
|
|
|
|
|
|
Re: تفاصيل شكلة اسفيرية (Re: نعمات عماد)
|
كان عبدو متكوم فوق الكنبة و النور مطفي عندما جات زوجتو من عملها و سألت الأولاد عن أبوهم
فقالوا ليها نائم في الصالون .
-- عبدو مالك ؟ عيان ؟ في زول مات ؟
-- لا .. بس في مشاكل كدا !
-- وين في الشغل ؟
-- أيوا
--كمل في شنو ؟
-- بعدين بعدين
--تعال أتغدى
-- ما عايز
--أنت عملت شكلة اسفيرية تاني ؟
--آآآآي
--يا راجل حرام عليك .... اليوم كلو قاعد في الواتساب و المنابر تنابز و تشاكل ؟
ياخي شوف أولادك ديل شوية ذاكر معاهم ... أنا تعبت
--ياخ أسكتي أنا مصدع و عندي مشاكل في الشغل قلت ليك
--أكيد من اهمالك و انشغالك بالفارغة
صرخ عبدو : -
أسكتي ياخ الواحد في بيتو ما يعرف يرتاح ... تبا لك ياخ !
-- شوف الكريه دا ..خيرا تعمل شرا تلقى .. عنك ما أكلت .. تبا لك براك أن شاء الله !
فجأة صدرت صرخة عالية من غرفة الأطفال جرت الأم فوجدت أبنها الصغير يتدحرج على
الأرض و أخته الكبيرة نازلة فيهو شليت و هي تصرخ : تاني تقول لي تبا لكي ؟
| |
|
|
|
|
|
|
|
|
|
Re: تفاصيل شكلة اسفيرية (Re: Munir)
|
الحبيبة نعومي .. تحية بنكهة الشوق .. وللصديق المنير .
والله يا نعومي حقيقة الواحد بقي ما قادر يعمل شنو
كل العملته وقدرت علي ابعد من مشاكل الاخوة ديل
لانهم كلهم احباب . ما سلبية مني لكن كترة المشاكل
بطمم البطن .
ولك الشكر يا حبيبة والله يهدي النفوس .
| |
|
|
|
|
|
|
|
|
 Re: تفاصيل شكلة اسفيرية (Re: Munir)
|
بغض النظر عن أي حاجة
دي كتابة جميلة جدا يا نعمات .gif)
اكتمال هذه الحكاية (أدبيًا) يكون بمشاركة مبدع آخر يُدخِل شخصية القاصة في حبكة القصة
أرشّح صديقي م مدثر فهو بارع جدا في هذا النوع من الحكي
---
يا مدير، أي تشابه في الأسماء هو محض مصادفة
| |
|
|
|
|
|
|
|
|
|
Re: تفاصيل شكلة اسفيرية (Re: معاوية الزبير)
|
المنير يعلك طيبة يا فردة .
أظن كثير من الإسفيريين ينطبق عليهم هذا البوست ..\
ولكن اغلبيتهم من عنصركم ! لدرجة نسيتونا الحب ههههههههههههه .
لو سمحتوا سيبو العنف عشان نقدر نحبكم .
| |
|
|
|
|
|
|
|
|
|
Re: تفاصيل شكلة اسفيرية (Re: مني عمسيب)
|
سلامات
الناس ممكن تختلف في الاراء بس بقليل من الاحترام تحافظ علي الحد الادني من العلاقات
يعني الناس تلعب علي الكرة مش الاجسام...في شخصنة شديدة و نرجسية كمان
| |
|
|
|
|
|
|
|
|
|
Re: تفاصيل شكلة اسفيرية (Re: نعمات عماد)
|
الأنترنت خذلتني مرة بعد أخرى .. لذا سامحوني على الرد الموحد . سعيدة جدا بمداخلاتكم .
عزيزتي منى لعلك بخير و عافية
معليش بدك تتحملي منشان الأيام الحلوة المافيها مشاكل . بس البخوف ان اي واحد/ ة
يمكن بكل سهولة يتورط في مشكلة .. غايتو ربنا يهدي النفوس .
أخي المنير
مش بالله ؟ صورنا كلنا في مراية المنبر .
شكرا للوجوه الضاحكة و الباكية ، وجوه الحياة بحلوها و مرها .
أخي ود الزبير
ياخي أنا وين و أستاذ مصطفي مدثر وين ؟
على كل شكرا للثقة و للذائقة المتعاطفة اذا جاز التعبير .
دعوة لأستاذ مصطفي مدثر بأن يشرفنا هنا أو في بوست آخر .
| |
|
|
|
|
|
|
|
|
|
Re: تفاصيل شكلة اسفيرية (Re: نعمات عماد)
|
--عبدو تقول ليهو حاضر ؟
are you nuts ؟ you are killing me man !
...................
-- يا جماعة و الله دي غلطة غير مقصودة ... معقول أنا عبدو أقول حاضر لحمادة **** دا ؟
حأمسح مداخلتو حالا .
أول ما عبدو مسح المداخلة جا أحمد ناطي : -
-- تمسح يا كبير ... بعد شنو ؟ كبشرناها ليك ... ح تقعد ليك لي جنا الجنا .
--و أنت يا حمادة **** جنا جناك ح يعرف نفاقك و ***** لما يقرأ مداخلاتك يا بليد .
رغم تدخل الأجاويد أستمرت المعركة بأسلحتها الخفيفة و الفتاكة و المحرمة دوليا
طيلة ذلك المساء الحزين و نام عبدو مغبونا تنتابه كوابيس عن العمل و المنبر و زوجته .
| |
|
|
|
|
|
|
|
|
 Re: تفاصيل شكلة اسفيرية (Re: نعمات عماد)
|
نعناعة الحديقة
مشتاقيين والله
الاسفير برغم السؤ الفيه من مواهيم ومخلوعيين ومنافقبن
لكن الحمد لله تعلمنا منه الكثير وقدرنا نميز الزين من الشين
وكسبنا وعرفنا بناس جمييلين زيك
اهم شي الصمود والوقوف بثقة
لتدحر الاشرار والمنافقين
تحياتى يا جميلة
| |
|
|
|
|
|
|
|
|
|
Re: تفاصيل شكلة اسفيرية (Re: Munir)
|
يا بت عمسيب إنت ما عارفة إنو الحب فى المنبر ده حرام ؟؟.. دواس بس ..
إنتو بس خليكم بعيد ..
وشوشة 😎: لكين بينى وبينك إنتن كمان لمن تقوموا بيبقى فيها طرد من المنبر عديل .. 🙃🙃
| |
|
|
|
|
|
|
|
|
Re: تفاصيل شكلة اسفيرية (Re: نعمات عماد)
|
أول شئ في الصباح ذهب عبدو ليلقي نظرة على البوست فتفاجأ بتسويد المنبر !
أنقبض قلبه وهو يتساءل : منو .. منو .. منو ؟ أوعى يكون هو .. لم يرتاح عندما
رأى الصورة معلقة أعلى المنبر ... انا لله و انا اليه راجعون
انه ذلك الزميل الطيب الخلوق الذي تداخل معه بالأمس و نصحه بسحب البوست
و قال له : -
حزين أنا أشد الحزن يا صديقي لما يحدث بين الزملاء من مشاكل و شتائم و
عداوات لأسباب تافهة أحس ان قلبي لن يحتمل المزيد . ربما من الأفضل لي أن
أترك المنبر ... هاهو يترك الدنيا بحالها !!!
رن تلفون عبدو :-
-- صباح الخير . ياعبدو المنبر أسوااااد .. ناسكن ديل جنهن موت ..
-- الله يرحمو و يغمد روحو الجنة .. كان راجل طيبان .. اتداخل معاي أمس و كان
زعلان علي و نصحني و قال لي ..
أنفجر عبدو في بكاء مرير فأسرعت أليه الزوجة مذعورة :-
-- المات منو ؟ الضرب ليك منو ؟
من بين دموعه أشار لشاشة الكمبيوتر .
في هذه الأثناء أتصل صديقه الآخر فأخبره عبدو : -
-- زميلنا الله يرحمو توفى .. انا تاني أصلو ما حأدخل في مشكلة .
-- الله يرحمو و يغفر ليو .. لكن يا عبدو أنت ما ح تخلي المشاكل
! cause you are addicted man
| |
|
|
|
|
|
|
|
|
|
Re: تفاصيل شكلة اسفيرية (Re: Yousuf Taha)
|
وصف حي لما يدور في مجتمعنا هذه الايام ... شكرا استاذه نعمات على هذا النقل الحي ...
وحمدا لله على سلامة العودة للمنبر ...
تحياتي : ياسر العيلفون .....
| |
|
|
|
|
|
|
|
|
|
Re: تفاصيل شكلة اسفيرية (Re: نعمات عماد)
|
Quote: تطلع فى راسى صورة ربّاط اسفيرى
|
سلام يا جلالدونا
احيانا بيكون في كل لفة في رباط مدسي و أول ما يجي واحد مطلش و مبسوط و لا على بالو
فجأة ياخد ضربة على نافوخو . المسكين بعد ما يسعفوهو يا اما بقى شديد و لضيض أو يا كمان
أتعقد مرة واحدة و الأسوأ مرات من الزعل يتحول الى رباطي هو الراخر .. غايتو ربك يستر .
| |
|
|
|
|
|
|
|
|
|
Re: تفاصيل شكلة اسفيرية (Re: نعمات عماد)
|
Quote: الناس ممكن تختلف في الاراء بس بقليل من الاحترام تحافظ علي الحد الادني من العلاقات يعني الناس تلعب علي الكرة مش الاجسام...في شخصنة شديدة و نرجسية كمان
|
ألف مرحب بيك يا ناصر أمين
كلامك 100% صح .
المنبر دائما مفيد و غالبا ممتع و قليلا جدا مزعج . متأكدة أنك ح تقضي اوقات سعيدة في المنبر .
خالص الود و الاحترام .
| |
|
|
|
|
|
|
|
|
|
Re: تفاصيل شكلة اسفيرية (Re: نعمات عماد)
|
ما صدقت لقيت ليك فرصة للتبتيب .... عساك طيب ود المدير .
تصدق و أنا بكتب فكرت أغير من المدير لكلمة أخرى بس فتشت سماء أرض لكلمة رئيس ما لقيتها ، نسيتها ضمة .
الأ أخونا معاوية الزبير ما قصر ، جاوبك قبال تسعل :
Quote: يا مدير، أي تشابه في الأسماء هو محض مصادفة
|
| |
|
|
|
|
|
|
|
|
|
Re: تفاصيل شكلة اسفيرية (Re: Munir)
|
Quote: طفح كيل عبدو عند الملاحظة الثالثة الأبداها ليهو أحمد .. فهو دائم التواجد داخل بوستاتو
و يلاحقو بأسئلة من شاكلة : -
- المصدر يا أستاذ !
- الحكاية ما لافقة !
- راعي اللغة لو سمحت !
- صحح الأخطاء الاملائية |
ما له علاقه باي شخص كيف يا نعمات ...
دحين كلامك ده واااضح ... :)
| |
|
|
|
|
|
|
|
|
|
Re: تفاصيل شكلة اسفيرية (Re: نعمات عماد)
|
Quote: فوق الحلة دي انا ما بجي الشمار كتير انا ماااااااا بجي الكلاب كتار انا ما بجي سكوني النهار انا تاني ما بجي
|
حال الجنيات لي حدهم ، أصلا العقل زينة يا دكتور محمد .
أستنى لامن تشوف الدرعة ألت عبدو بعدما هداه الله .
************************
الصباح رباح لبقية الردود أعتذر عن التأخير بسبب سوء الشبكة .
و من هنا للصباح يسترنا الله من الفتنة الجابها باشمهندس قباني تسعى ( وجه ضاحك )
| |
|
|
|
|
|
|
|
|
|
Re: تفاصيل شكلة اسفيرية (Re: نعمات عماد)
|
الاخت نعمات .. سلام ليك ولضيوفك ..
فعلا تصوير دقيق لما يحدث في الاسافير ,,
وتنفعي تكوني مخرجة سينائية ..
وغالبا مايكون في واحد عامل ابو العرييف
ويا دنيا مافيكي قدي .. ومصاقر النت ليل نهار ..
والتاني زي ماقل جلجل عامل ربااطي .. وهو راسي فاضي
ومهمتو قتل الشخصيات بمصاحبة الكورال ....
عـــالم بطااالـــــــــــــــة
ننتظر بقية المسلسل .. وربك يستر
| |
|
|
|
|
|
|
|
|
|
Re: تفاصيل شكلة اسفيرية (Re: نعمات عماد)
|
المنتديات عبارة عن مجموعة من الافراد ذو انماط سلوكية مختلفة مثلها مثل اي مجتمع ( في العمل .. الاصدقاء .. مجتمع الحلة ) فيهم المنظراتي وفيهم السلبي وفيهم البسيط والودود وفيهم العنيد وفيهم البشاكل ضلو
| |
|
|
|
|
|
|
|
|
|
Re: تفاصيل شكلة اسفيرية (Re: نعمات عماد)
|
Quote: الاسفير برغم السؤ الفيه من مواهيم ومخلوعيين ومنافقبن لكن الحمد لله تعلمنا منه الكثير وقدرنا نميز الزين من الشين وكسبنا وعرفنا بناس جمييلين زيك اهم شي الصمود والوقوف بثقة لتدحر الاشرار والمنافقين
|
يا سلام على الحكمة و الروح الجميلة يا أجمل دكتورة . ما شاء الله رغم صغر سنك
فأنت بتتعاملي بحكمة مع التحديات التي تزيدك ثبات و ثقة بالنفس و نجاح .
طبعا يا وضاحة خمنت عمرك من تلفوناتك أيام محنة الطفل يعقوب متعه الله بالصحة و العافية .
دعواتي بالمزيد من محبة الله و عباده لك .
| |
|
|
|
|
|
|
|
|
|
Re: تفاصيل شكلة اسفيرية (Re: نعمات عماد)
|
Quote: عييييك يا اختى كتيرين جنس كترة لكن الحمد لله صورتى ما كانت فيهن
|
ود المدير تعال شوف زولك ده ,, أمال بكور ده كنت عازمو سينما؟
سلام يانعمات ,, بوست On full four corners
| |
|
|
|
|
|
|
|
|
|
Re: تفاصيل شكلة اسفيرية (Re: نعمات عماد)
|
عزيزتي النسمة بسمات
تسلمي و تسلم الطلة الحلوة و أعتذر أتاخرت في الردود للسبب المتكرر : النت .. الله يسامح ناس الاتصالات .
شاكرة أشادتك و دمتي بألف خير انتي و بقية العقد النضيد ، أميرة السيد و امتثال و ابتهال .. و ما تطولوا الغيبة يا بنات .
| |
|
|
|
|
|
|
|
|
|
Re: تفاصيل شكلة اسفيرية (Re: نعمات عماد)
|
ختم عبدو بوست النعي الذي أفرده لصديقه الراحل بعد ان شهد البوست مئات المشاركات و الآف المشاهدات .
في نفس اليوم تفرغ عبدو لفتح بوست وراء الآخر كأنه مربوط بمهلة زمنية قصيرة جدا .
البوستات بدأت بوضوع عن العفو و المعافاة ، و موضوع تاني عن اضافة عبارات لكل مداخلة .. هكذا :
أعلى المداخلة ( بسم الله الرحمن الرحيم )
وسط المداخلة ( اختلاف الرأي لا يفسد للود قضية )
نهاية المداخلة ( ان الله مع الصابرين )
قبل ان يستدرك عبدو تم تنيهه بأن الأعضاء من ديانات مختلفة او لادينيين .
ترك عبدو البوست و أفترع آخر عن استبيان لمعرفة افضل الطرق لطرح الموضوعات الخلافية
و لادراة النقاشات الهادفة بطريقة خلاقة توحد و لا تفرق .
ثم تسارعت أفكاره ففتح بوست آخر عن التسامح أختار له أسم (( الفرمتة النفسية )) .
بأفكار مشوشة بدأ البوست :
من االأهمية بمكان أن نتخلص من الحمولات السالبة المتراكمة عبر سنين من التواصل المشوب
بالشك و سوء الفهم مما أدى للا نجراف بعيدا عن الحس الانساني السليم و النتيجة لغة عنيفة و ترصد متبادل .
انهالت الردود على عبدو :
--الزول دا ودهو الضل
-- المنبر فيهو علماء فطاحلة في علم النفس و الاجتماع والفلسفة و السياسة .. شايف كيف ؟
قال فرمتة قال ؟
-- ياعمك بطل طلس ( talas )
-- و الله يا أخينا ليك أجر المحاولة
-- الباندويدث يا عالم هوووي .....
| |
|
|
|
|
|
|
|
|
|
Re: تفاصيل شكلة اسفيرية (Re: نعمات عماد)
|
فكرة حلوة وكتابة رائعة يا دكتورة أظهرت لك ملكات أخرى
وين كانت من زمان دفنتي نفسك في الأخبار ..
توظيف هذه الملكات في خدمة واقعنا الأسفيري تقدم خدمات جليلة في تصحيح الواقع بطريقة غير مباشرة دون أن تجرح أحد
وأعتقد أن هذا أسمى هدف ممكن يقدمه ادب القصص والروايات والسيناريوهات للمجتمع
| |
|
|
|
|
|
|
|
|
|
Re: تفاصيل شكلة اسفيرية (Re: نعمات عماد)
|
| Quote: وصف حي لما يدور في مجتمعنا هذه الايام ... شكرا استاذه نعمات على هذا النقل الحي ... وحمدا لله على سلامة العودة للمنبر ... تحياتي : ياسر العيلفون ..... |
مرحب بالفنان و الأخ ياسر السر
مشكور على المرور الأنيق و الكلمات الطيبة
على قولتك مجتمعنا مليان صور غنية نتمنى ان يتم التقاطها و بثها كأفلام سينمائية سودانية رائعة بأصالتها .
| |
|
|
|
|
|
|
|
|
|
Re: تفاصيل شكلة اسفيرية (Re: نعمات عماد)
|
سلام يا مواطن
الشكر ليك على المداخلة ، البوست نور .
*****************
الأخ منير سلامات و تحيات
Quote: شوفو الشلاقة العلى .. أنا جاوبت على ودالزبير بإعتباره كتب يامنير وهى يا مدير.. غايتو جاتو إجابة ملح ساى .. إن شاءالله فى ميزان حسناتى ..
|
شكلك رديت بنصف انتباهة .. زي عبدو .
أجمل شئ أنك رديت على ود الزبير و على الحبيبة بت عمسيب و كانت النت عندنا شبه مافي . في ميزان حسناتك برضو ان شاء الله .
ياخي اكتبوا أنت و منى عن الحب حتى لو المفقود .
| |
|
|
|
|
|
|
|
|
|
Re: تفاصيل شكلة اسفيرية (Re: نعمات عماد)
|
Quote: - المصدر يا أستاذ ! - الحكاية ما لافقة ! - راعي اللغة لو سمحت ! - صحح الأخطاء الاملائية ...
|
يحي قباني سلامات
الأسئلة أعلاه مهمة للغاية .
المشكلة في التاريخ ( المشترك ) ... و في الجروح الما ألتأمت و كما قالت أحدي الزميلات بالمنبر : --
يا عبدو أنا 5 سنين ما قادرة أنسى الاساءة العنصرية القلتها لي .. حسه دي العبرة خانقاني .
عبدو رد عليها : --
و خنقتني أنا كمان و الله العظيم آسف و ندمان لامن سفيت التراب .
نط متداخل شليق : --
يا سلاااام أهديكم أغنية غدار دموعك ما بتفيد ...
يا جماعة زول يجيبها عشان أخوكم داخل من التلفون و كدا ...
| |
|
|
|
|
|
|
|
|
|
Re: تفاصيل شكلة اسفيرية (Re: Munir)
|
يا منير ياخي
الله يخزي شيطان عقلك...
وكمان يجازيك بالخير...زرعت فينا البسمة وجلبت لينا الضحكة
من حيث ندري ولا ندري...وقصة ود الخرتوم عجبتنا
شديد...ودائما بنجد وسط بوستات الهم والغم والنكد بوستات تفرج
الهم والحزن وتعليقات اسفيرية عبقرية تعيد لنا الثقة في حوش الباشمهندس
بكري...وبوست نعوم بوست جميل وروعة كروعتها...ومن البوستات التي
اعادت لينا الثقة في الحوش الكبير بوست ود المدير عن زيارته التاريخية
لولاية اريزونا...وقبل سفرنا النهائي للوطن الحبيب والتمتع بمناظر الاتبراوي
حنفكر في زيارة جماعية لولاية اريزونا ونشوف كلام ود المدير على الطبيعة
ونحن ما دايرات عجل ولكن خروف صغير وتفرشوا لينا خيم (بس ما زي خيمة
المرحوم القذافي الفخمة)في حوش الباشمهندس وتحت شجرة القريب فروت
لانه بعد سفرنا النهائي احتمال مافي اي مجال للعودة للولايات المتحدة الامريكية
في ظل حكم الرجل الرشيد دونالد ترامب( اها يا منير قربت احول البوست لشكلة
اسفيرية...
وبالمناسبة يا منير عاوزة اهمس ليك خبر في اضانك...وما تقول لي المصدر عشان
انا ذاتي المصدر...شفت بعيوني البوليس في نيويورك بيوقف الاجانب المشبوهين
ويسالهم عن الاوراق الثبوتية التي تؤكد اقامتهم اقامة شرعية في البلاد والماعندوا
يكلبشوهو في الحديد ويسوقوه للمركز حتى يثبت انه مقيم اقامة شرعية...وعندنا
زميلة علقت وقالت حتى في السعودية الشرطة ما بتوقف الناس في الشوارع
بالشبهات...وما تسالني البوليس بيوقف ياتو نوع من الناس...
وهذا خبر قراته في صحيفة امريكية....الشرطة في احدى الولايات اوقفت ابن
محمد علي كلاي وسالته عن اوراقه وهويته وقال ليهم انا امريكي الجنسية
وما شايل اوراقي معاي ..وانا ابن الملاكم محمد علي كلاي..ولم يصدقوه وبهدلوهو
بهدلة السواد حتى تحققت الشرطة من صدق كلامه...
(منير انسى الكلام الحكيته ليك هنا....دي خطرفات ساكت....)
نعوم معليش يا قلب ..ما قصدي احول الموضوع لشكلة اسفيرية...لكن اعتبريها
شوية بهارات حارة...
ودمت بالف خير وصحة وعافية
| |
|
|
|
|
|
|
|
|
|
Re: تفاصيل شكلة اسفيرية (Re: Basamat Alsheikh)
|
سلامات يابسمات .. جعل الله أوقاتك كلها إنبساطات وإبتسامات🙂..
وأكيد الناس الإستضافوا ودالمدير مابيقصروا معاكم، ورحلة سعيدة إن شاءالله .. وأقترح بالقطار ــ واللـ المشوار بعيد ؟ ــ
مرت على حادثة تفتيش ولد كلاى فى الـ RT.. وقرأت تعليقات متضادة حول الحالة .. لكين ياهو المتوقع حينما تستثار العنصرية ويصبح القانون منحاز للسحنة واللون والملامح والشبه .. نفس فلسفة السودان الجديد عندنا .. نقول شنو عاد؟ هذا قدر الإنسانية .. وكما تغنى محمد النصرى فقال:
حالو حال ابليس اللعين من امر رب العالمين
ما سجد بي طاعة في الحين كل حُجَّتو نحن من طين ..
| |
|
|
|
|
|
|
|
|
|
Re: تفاصيل شكلة اسفيرية (Re: Munir)
|
منتديات الحوار بالانترنت فرصة ذهبية لا تقدر بثمن للتعبير عن الذات بكل حرية وشتم الناس بكل وقاحة والبصق على مبادئهم دون الشعوربتأنيب الضمير .
| |
|
|
|
|
|
|
|
|
|
Re: تفاصيل شكلة اسفيرية (Re: اساسي)
|
سلام أختى نعمات,,,
سلام يا أساسى,,Quote: منتديات الحوار بالانترنت فرصة ذهبية لا تقدر بثمن للتعبير عن الذات بكل حرية وشتم الناس بكل وقاحة والبصق على مبادئهم دون الشعوربتأنيب الضمير .
|
كلام غريب لكن فعلا قد تجد من ينطبق عليهم بالحرف و تبقى المحصلة أن سلوكياتهم فى الكتالة تفيمهم وتوصف حالتهم النفسية وتعبر عن شخصياتهم,,,
من ملاحظاتى,,
المنبر دا في ناس الدخلا فيهم ما بتمرق تانى,,,
وآآخرين بقى المنبر دا هو مركز الأشياء لديهم
يدورون في فلكه وبقى ليهم هو الواقع المعاش
حتى بدأوا في الإنفصال عن الواقع الطبيعى,,
حالة مرضية يعنى,,
تحياتى
| |
|
|
|
|
|
|
|
|
|
Re: تفاصيل شكلة اسفيرية (Re: نعمات عماد)
|
مساء الورد و الياسمين على الأخوة / ات
شاكرة تداخلكم و أراءكم . أستأذنكم في الرد على العزيزة بسمات . و السبب بدون لف و دوران هو : ترامب العجيب .
كنت قايلة اني فعلا لم و لن أهتم للشمار في حياتي ... و وين ؟ في أمريكا ! سبحان مغير الأحوال !!
سلامات يا عزيزتي بسمات
مشكورة كتير علر الأبديت و واصلي هنا عن ما يحدث في نيويورك و غيرها .
عندي شك ان ما يحدث في أمريكا سيؤثر على بقية العالم و خاصة من هم في ذيل قائمة الدول النامية .
تعرفي ترمب و البشير ممكن يبقو أعز أصحاب .. بيناتهم صفات مشتركة ..
أتمنى أن يتمكن الشعب الأمريكي من خلال مؤسساته من ايقاف ترامب عند حده
Quote: وبالمناسبة يا منير عاوزة اهمس ليك خبر في اضانك...وما تقول لي المصدر عشان
انا ذاتي المصدر...شفت بعيوني البوليس في نيويورك بيوقف الاجانب المشبوهين
ويسالهم عن الاوراق الثبوتية التي تؤكد اقامتهم اقامة شرعية في البلاد والماعندوا
يكلبشوهو في الحديد ويسوقوه للمركز حتى يثبت انه مقيم اقامة شرعية...وعندنا
زميلة علقت وقالت حتى في السعودية الشرطة ما بتوقف الناس في الشوارع
بالشبهات...وما تسالني البوليس بيوقف ياتو نوع من الناس...
وهذا خبر قراته في صحيفة امريكية....الشرطة في احدى الولايات اوقفت ابن
محمد علي كلاي وسالته عن اوراقه وهويته وقال ليهم انا امريكي الجنسية
وما شايل اوراقي معاي ..وانا ابن الملاكم محمد علي كلاي..ولم يصدقوه وبهدلوهو
بهدلة السواد حتى تحققت الشرطة من صدق كلامه
|
| |
|
|
|
|
|
|
|
|
 Re: تفاصيل شكلة اسفيرية (Re: نعمات عماد)
|
Quote: الحلقة الأولى من سلسة - أو مسلسل - دنيا الأسافير . :)
|
سلام أيمن الصادق
ألف شكر . الأسم ( دنيا الأسافير ) يوحي ببراعة الراحل أسامة أنور عكاشة ;)
طبعا دي كتابة هواة و من الرأس للكيبورد لكن ممكن تبقى مناسبة أذا شارك فيها الزملاء و الزميلات
بقفشات مثل منير و بقية المتداخلين الظرفاء و اقتراحات و تعليقات جادة مثل تعليق الأخ أساسي و يحى و جميع
المداخلات حقيقة .
***********************
لم يغضب عبدو كما كان يفعل سابقا من تعليقات الزملاء . رد بهدوء و طيبة على الجميع ثم قال :
-- ما عاوز أتقل عليكم ... عندي خمسة اقتراحات فقط لا أغير . أولهم : أتخيلوا أنو في صندوق كبير .. كل واحد يرمي
خلافاتو مع زملاهو في الصندوق و بعدين نشيلو و نرميهو في البحر .
أو : تتعاهد الناس على المكاشفة بتحضر و نفس بارد و تسأل نفسها ثم بعضها : هل الخلافات و القطيعة كان ممكن تجنبها ؟
هل أستفدنا من الخصام أم على العكس تضررنا ؟ هل يمكن أن نختلف و نحترم خيارات بعضنا و نقف كلنا ضد الظلم ؟
نواصل ..
أول رد كان عن ان الموضوع يحتاج لتفكير عميق و جدية و صدق و تفهم الآخر و قدرة على التزام جانب الحق و الأعتراف بالخطأ و الاعتذار عنه علنا .
| |
|
|
|
|
|
|
|
|
|
Re: تفاصيل شكلة اسفيرية (Re: نعمات عماد)
|
سلامات يا مجيدو و شكرا للمجاملة و المداخلة عصارة التجارب .
أكيد مر عليك كثير من الخلافات المريرة في المنبر بحكم و جودك لسنوات أكثر مني
أظن و الله أعلم أن كل شئ يعتمد على ذهنيتنا و طريقة تفكيرنا بمعنى اذا صدقنا ان في
واحد/ة يمكن ان يغتال شخصيتنا فسنتصرف على هذا الأساس ، بينما الواقع ان الحق
حق و الباطل باطل و نحن يانا ذاتنا كما كنا قبل محاولة الاغتيال . لذا خلي الشعار يكون :
العايز يقتل خلي يحاول .
| |
|
|
|
|
|
|
|
|
|
Re: تفاصيل شكلة اسفيرية (Re: نعمات عماد)
|
Quote:
المنتديات عبارة عن مجموعة من الافراد ذو انماط سلوكية مختلفة مثلها مثل اي مجتمع ( في العمل .. الاصدقاء .. مجتمع الحلة ) فيهم المنظراتي وفيهم السلبي وفيهم البسيط والودود وفيهم العنيد وفيهم البشاكل ضلو
|
سلامات خالد السيد
مشكور على المداخلة و آسفة تأخرت لانشغالي بظرف أسري .
أأمن على كلامك و أسأل : ليه المشاكل أكثر في المنابر أكتر من في الحي أو مكان العمل ؟
هل الكلام على الطبيعة بيظهر ألطف لما يكون مصحوب بابتسامة حقيقية و نظرة ودودة ؟
عكس الكلمات الجامدة الغير معبرة و السمايلى البارد مما يترك مساحة لسوء الفهم .
أتمنى ان يصل ما كتبته عن المشاكل الأسفيرية بدون سوء فهم لكل القراء و خاصة
الأعضاء أصحاب البصمة الذين أقبست عباراتهم الأشهر من الماركات و الرموز ،
هذه العبارات تغني عن صفحات و صفحات من الشرح المطول . أشكرهم لسعة بالهم
و روحهم الطيبة و أعتذر لهم ان ضايقهم ما كتبت .
دمنم بخير .
| |
|
|
|
|
|
|
|
|
|
Re: تفاصيل شكلة اسفيرية (Re: نعمات عماد)
|
Quote: سلام يانعمات ,, بوست On full four corners
|
سلام يا الفاضلابي
والله أنت اللي الحس الفكاهي عندك مؤسس على الجهات الأربع .
عجبتني عبارة الفل فور كورنرز ، هل عندها علاقة بالبزنس ؟
| |
|
|
|
|
|
|
|
|
|
Re: تفاصيل شكلة اسفيرية (Re: نعمات عماد)
|
Quote: توظيف هذه الملكات في خدمة واقعنا الأسفيري تقدم خدمات جليلة في تصحيح الواقع بطريقة غير مباشرة دون أن تجرح أحد وأعتقد أن هذا أسمى هدف ممكن يقدمه ادب القصص والروايات والسيناريوهات للمجتمع
|
سلام الأديب الكبير درديري كباشي
شكرا للتشجيع و التوجيه و أتمنى ان يكون ما عندي كاف لأداء الوظيفة الجليلة دون تجريح
فقط الخوف من واحد ينجرح في مكان تاني و يجي يقولي أنت السبب ههههه
| |
|
|
|
|
|
|
|
|
|
Re: تفاصيل شكلة اسفيرية (Re: نعمات عماد)
|
سلام يامنير
شكرا على اللوحة الرسمتها ببراعة شديدة للمشهد التراجكوميدي ... وصف ينتزع الضحكة من الحزين .
كويس أنو نجا منها كان ح يروح بدون ما يعرف السبب شنو هههه
ما تجي تكتب حلقة عن عبدو و بلاويه .
| |
|
|
|
|
|
|
|
|
|
Re: تفاصيل شكلة اسفيرية (Re: نعمات عماد)
|
Quote: منتديات الحوار بالانترنت فرصة ذهبية لا تقدر بثمن للتعبير عن الذات بكل حرية وشتم الناس بكل وقاحة والبصق على مبادئهم دون الشعوربتأنيب الضمير .
|
سلام يا أساسي
نورت المنبر
2002 ... أكيد أنت لاعب كبير و شاهد شاف كل حاجة .. و عندك الأجوبة .
عبارتك الفصيحة تصف 3 أنواع من الناس :
( منتديات الحوار بالانترنت فرصة ذهبية لا تقدر بثمن للتعبير عن الذات بكل حرية )
هولاء عداهم العيب أحترموا حرية التعبير .
( وشتم الناس بكل وقاحة والبصق على مبادئهم دون الشعوربتأنيب الضمير .)
مال المسيئون و مال حرية التعبير ؟ ان كان لا مفر من البصق ، فليبصقوا على الممارسات وليس المبادئ .
(منتديات الحوار بالانترنت فرصة ذهبية لا تقدر بثمن للتعبير عن الذات بكل حرية وشتم الناس بكل وقاحة والبصق على مبادئهم دون الشعوربتأنيب الضمير .)
هولاء هم المنافقون أس البلاء .
هل تعتقد بان هناك طريق للمضي قدما و ترك الماضي خلفنا ؟
| |
|
|
|
|
|
|
|
|
|
Re: تفاصيل شكلة اسفيرية (Re: نعمات عماد)
|
سلام و محبة لاعزائي و عزيزاتي بسودانيز
صادق التعازي لكل من فقد عزيزا/ة ولم اتمكن من تعزيتهم بسبب الغياب
اعتذر لمن تداخلوا هنا و لم ارد عليهم حينها لانشغالي بمرض ابني متعه
الله بالصحة و العافية و الحمدلله ان صحته تحسنت كثيرا .
نداء خاص :
كده برضو يا لوسي تمشي و تقولي عدوا كان بتقدرو !!
يختي تعالي نستغرب سوا.!!
| |
|
|
|
|
|
|
| |
نعمات عماد
Munir
مني عمسيب
معاوية الزبير
جلالدونا
Nasser Amin
معاوية المدير
د.محمد حسن
وضاحة
Yousuf Taha
ياسر السر
معاوية عبيد الصائم
يحي قباني
ايمن الصادق
محمد مجيدو
Khalid Elsayed
عبدالعزيز الفاضلابى
أيمن الطيب
ابراهيم عبد الوهاب
فيس بوك
تويتر
انستقرام
يوتيوب
بنتيريست