|
دعواتكم لزميلنا المفكر د.الباقر العفيف بالشفاء العاجل
|
|
 Re: فجور السوريين في السودان - بقلم: السر جميل (Re: السر جميل)
|
هل كل السوريين الموجودين في السودان مارسوا ما تقول يا السر جميل؟
هل تمانين في المية منهم؟ ستين في المية؟
ياخ العالم كله غاضب من قرار ترامب بمنع دخول اللاجئين السوريين مطلقا
و نحن الذين برطعنا في بلادهم دراسة و سياحة و تجارة و شهور عسل و استشفاء
ما قادرين نستحملهم و نأخذ الكل بجريرة البعض او حتى بدون أن نتأكد من مصدر
الكلام المنشور على الفيسبوك و غيره.
ياخ في ناس يقول ليك لو شفنا واحد سوري ماشي مع بت سودانية حنسوي و حنفعل..الخ
منو الاداهم الحق ده؟ هل هم اوصياء على البنات السودانيات؟ ماذا لو أن سودانية تزوجت
سوريا هل تمتنع عن المشي معاهو في الشارع ارضاء لغرور بعض الاغبياء؟
ياخ الكيزان طلعوا زيتهم عديل و ما شفناهم اتهددوهم و اتوعدوهم لكن لما تجي على
شوية سوريين مقطوعين يعملوا فيها اسود..تبا لهم. على قولة انصار السنة.
| |
  
|
|
|
|
|
|
|
|
Re: فجور السوريين في السودان - بقلم: السر جميل (Re: سيف النصر محي الدين)
|
و الله انه لامر مؤسف ان ينجر حتى مثقفينا وراء خزعبلات الفيس بوك والواتس اب
تقنين وجود اي اجنبي واجب تمليه القوانين والاعراف الدولية سوريا كان ام روسي
وكل من يحيد عن هذه القوانين تاخذ معه العدالة مجراها وبالطرق المشروعة
ردود الفعل الهتافية والجماعية لخزعبلات لا اصل لها هو الحايودي السودان في 60 داهية
| |
|
|
|
|
|
|
|
|
|
Re: فجور السوريين في السودان - بقلم: السر جميل (Re: عمر سعيد علي)
|
السلووووووك
والتربيــــة إن كانا سليمين فلن يتعدي عليك اي انسان
لا من سوريا
ولا من بوركينا فاسو
ولو تلاحظوا لم أأتي { بالدين }
فالدين ليس رادعا للتصرفات
بقدر ما هو السلوك
تجد احدهم لديه { فلقة صلاة } أكبر من يوم القيامة ويتحرش بالنساء
وآخر لحيته تجر بالواطاة ويغتصب الأطفال
وتجد قس راسه اصلع وصليبه يتدلى يمينا وشمالا ويمارس الدعارة في الكنيسة
علينا كآباء ان نراجع سلوكنا في التربية
وان نسد ما بها من ثغرات
| |
|
|
|
|
|
|
|
|
|
Re: فجور السوريين في السودان - بقلم: السر جميل (Re: الصادق عز الدين)
|
لا لمعاقبة الكل بجريرة البعض. ولكن حتي هنا في السودان
نحتقر الشاب الذي يقيم علاقة مع فتاة ويقوم بالتشهير بها وسط اصحابه
من يملك هذه الفتاة السودانية ومن يملك قرارها؟ لا احد،،،، لم يغضب الناس
علي اقامة السوري علاقة مع تلك الفتاة،، لكن الغضب تملكهم حين رأوا حجم احتقاره
وامتهانه لهذا الانسان الذي بادله انبل الشاعر،، نظر اليها بدونية تعيش عميقا في عقله الباطني
نظرة الشوام عامة للانسان الاسود، وكلنا يستحضرنا ما تعرضت له الخادمات الاثيوبيات والسيريلنكيات
في لبنان،، بل وما تعرض له بعض من بني جلدتنا هناك في لبنان،، الذي حدث هو نتاج قلة وعي وجهل بطبيعة المجتمع
الذي تعيش فيه،، نصيحتي للعقلاء من ابناء الاخوة السوريون،، وعوا ابنائكم وتحدثوا معهم،، فهذا الشعب الذي اتيتموه
زائرين،، تعرض ما تعرض من قمع وقهر من جانب حكومته،، لا تهدروا تلك الحفنة المتبقية من كرامته
| |
|
|
|
|
|
|
|
|
|
Re: فجور السوريين في السودان - بقلم: السر جميل (Re: Saifaldin Fadlala)
|
السلام عليكم صاحب البوست وضيوفه الكرام
بعيدا عن مجئ السوريين للسودان بسبب اوضاع بلادهم المحتربة ولكن في ظل السلام والامن فاذا خيروا السوريين بالعيش في السودان فأن يرفضون لاسباب تتعلق بفهم العرب واصحاب البشرة البيضاء .. العرب بصورة عامة لهم نظرة دونية للسودان ومعظمهم لا يتكلمون عن السوداني الا بسخرية واستصغار ولكن المصيبة نحن نتلصق بهم بالعكس اقرب الشعوب الينا ثقافة وعرقا هو الاثيوبيين والارتريين والصومال ويحترموننا ويحبوننا ولكن نحن نراهم كما يرانا العرب لماذا ؟؟؟
فيما يختص بامر السوريين غلطة الحكومة منحتهم الجنسية ويفترض ان يكونوا في معسكرات لجوء وتحت اشراف الامم المتحدة ويمكن لهم السفر بوثيقة من الامم المتحدة نفسها وهذا الامر لا يستطيع احد تحميله للسوريين في حملهم للجواز السوداني بل للحكومة السوداني وللمسؤلين الذين تاجروا بسمعة الجنسية السودانية مقابل حفنة من الدولارات والا كيف يستخرج جواز بهذه الصورة إذا كان المواطن اتعذب في الحصول على الرقم الوطني والجواز
عكســــة :- المصيبة فينا نحن السودانيين هنالك فساد اداري وعدم امانة لمتطلبات الوظيفة في البلد ويجب محاسبة المسؤوليين في ذلك
مودتي
رحـــال
| |
|
|
|
|
|
|
|
|
|
Re: فجور السوريين في السودان - بقلم: السر جميل (Re: adil amin)
|
نحن السودانيين من اكثر الناس تحليلا لشعوب الارض ، وفي احيان كثيرة نسيء في مجالسنا الخاصة لبعض الجنسيات ، اذا كان السوريين قاموا بهذا العمل كما يذعم الكثيرين على الاقل اشجع منا لانهم انتقدونا في العلن ونحن ننتقد الآخرين خلف الحيطان وبعنصرية .
| |
|
|
|
|
|
|
|
|
|
Re: فجور السوريين في السودان - بقلم: السر جميل (Re: Khalid Elsayed)
|
سذاجة بنات ادمنو المسلسلات التركية والسورية
بلد مافيها قانون يلزم الاجنبي باحترام العرف والعادات
نظرة العرب الدونية للسودان والسودانيين
مصلحة النظام السوري وبعض مخابرات لزرع الفتنة عبر فبركة بعض الاخبار وتضخيمها ( انظر الصورة التحت وقد وردت على انها تاديب لاحد السوريين في الخرطوم بينما الصورة من احد السجون المصرية )
http://www.up-00.com/
| |
|
|
|
|
|
|
|
|
|
Re: فجور السوريين في السودان - بقلم: السر جميل (Re: Khalid Elsayed)
|
اقرب الشعوب الينا ثقافة وعرقا هو الاثيوبيين والارتريين والصومال ويحترموننا ويحبوننا ولكن نحن نراهم كما يرانا العرب لماذا ؟؟؟
الأخ الأستاذ / أشرف الرحال
لافض فوك( جئت بالمفيد) هل سألنا أنفسنا السؤال دا ونحن بالفعل أقرب الشعوب لنا فى العادات والتقاليد والأعراف ووووومن هنا لحدى مدينة واو هم أهلنا وأحبتنا فى إريتريا ثم من بعدهم إخواننا فى أثيوبيا وتشاد والصومال وركز على إريتريا وتشاد وطبيعة التداخل بيننا وبينهم أكبر القبائل فى شرق السودان قبيلة البنى عامر توجد نفس القبيلة فى إريتريا وكثيرون من أهلنا وإخواننا فى شمال السودان إستنكروجود البنى عامر فى السودان وأصبحنا بين عشية وضحاها أجانب ويجب طردنا من شرق السودان بالمناسبة أخى أشرف أنا بنى عامراوى وما (بزعل وبتحمق ) لوجانى واحد متعصب ووصفنى بالأريترى ولى الشرف فى كونى أريترى وسودانى فى نفس الوقت ومعليش يمكن أكون خرجت عن موضوع النقاش شوية لكن كلامك الفوق دا صاح 100% بالنسبة للإخوة الأعزاء فى تشاد نفس الحكاية والتداخل التشادى السودانى وأخواننا فى قبيلة الزغاوة العريقة أكبر القبائل فى غرب البلاد أشرف أخوى مصيبتنا فى السودان أننا شاربين مقلب (فاكينها فى أنفسنا ) شوية وطالعين فى العالى على الفاضى ونسخر أو بعضنا يسخر من بعضنا حتى داخل السودان سيبك من الأريتريين والأثيوبيين البحبونا أمراضنا الإجتماعية للأسف كثيرة وبلاوينا أكتر ونشتم فى أنفسنا ليل ونهار ونلعن أبو سنسفيل الحكومة صباح مساء الحكومة سوت الحكومة قالت الحكومة باعت ياخى أنا ماعندى كبير غرض بالحكومة فالحكومة بإمكانها تفعل أى حاجة لكنها لا تستطيع ولن تسطيع شراء أخلاق لبعض السودانيين والسودانيات الفاسدين والمفسدين حتى فى الحكومة نفسها = الشعب السودانى كانت سمعته ولا زالت بخير لكن فى السنوات الأخيرة أصابتنا أمراض ماكنا نعرفها بل وفدت إلينا وصرنا معلمين بل علمنا غيرنا ولو إنت قاعد هنا فى منطقة الخليج أكيد سمعت أو شفت بلاوى ومنطقة الخليج دى بالذات تعرفنا جيداً بحسن سلوكنا وإحترامنا لأنفسنا ولغيرنا لدرجة أثارت غيرة وحسد بعض الجنسيات العربية ياأخوة ياأخوات لست فى مقام الناصح ولا أحب التعميم أقول فقط أيها السادة حاسبوا أنفسكم قبل أن تحاسبوا غيركم - (ودحنكم وسلامتكم ) بمعنى سلمتم
| |
|
|
|
|
|
|
|
|
|
Re: فجور السوريين في السودان - بقلم: السر جميل (Re: حسن محمد عمر)
|
سلامات
الاخ الفاضل
السر جميل
شكرا لهذا المقال الملئ بالحقائق لقد اسمعت إذ ناديت حياً ولكن لاحياة لمن تنادى.
اعتقد المقال او البوست ده لو كان عنوانه فجور الجنوب سودانيين او التشاديين او الكنغوليين او النيجريين او الاثيوبيين واريتريين في السودان كان رد الفعل اختلف تماما من الردود ال في البوست.
غايتو كان الله في عون السودان
وشكرآ باشمهندس بكري لرفع البوست
| |
|
|
|
|
|
|
|
|
|
Re: فجور السوريين في السودان - بقلم: السر جميل (Re: محمد نور عودو)
|
Quote: هل كل السوريين الموجودين في السودان مارسوا ما تقول يا السر جميل؟
هل تمانين في المية منهم؟ ستين في المية؟
ياخ العالم كله غاضب من قرار ترامب بمنع دخول اللاجئين السوريين مطلقا
و نحن الذين برطعنا في بلادهم دراسة و سياحة و تجارة و شهور عسل و استشفاء
ما قادرين نستحملهم و نأخذ الكل بجريرة البعض او حتى بدون أن نتأكد من مصدر
الكلام المنشور على الفيسبوك و غيره.
ياخ في ناس يقول ليك لو شفنا واحد سوري ماشي مع بت سودانية حنسوي و حنفعل..الخ
منو الاداهم الحق ده؟ هل هم اوصياء على البنات السودانيات؟ ماذا لو أن سودانية تزوجت
سوريا هل تمتنع عن المشي معاهو في الشارع ارضاء لغرور بعض الاغبياء؟ |
كلام جميل وموضوعي يا انداندي
بوست مكانه الطبيعي الخور .
تحياتي
| |
|
|
|
|
|
|
|
|
|
Re: فجور السوريين في السودان - بقلم: السر جميل (Re: Ammar Makki)
|
سواء كان هذا الكلام ظاهرة أو تفلتات للبعض هنا وهناك لا يجب أن نلوم السوريين بل يجب أن نلوم أنفسنا ممثلة في النظام الحاكم والذي منحهم جوازات سفر ولم يقم بوضعهم في معسكرات لإجثين شأن كل لاجئ حتى أولئك الذين يقصدون دولاً تكون فيها قوانين حقوق الإنسان نافذة وبمعاونة منظمات دولية بالضرورة
| |
|
|
|
|
|
|
|
|
|
Re: فجور السوريين في السودان - بقلم: السر جميل (Re: وضاح عبدالرحمن جابر)
|
Quote: غايتو يا السودانييين الله لا وقع زول تحت يدكم
عايشين فى دول العالم وبتطالبو بمعاملة كريمه - من حقكم
وفى نفس الوقت عاوزين تحرموا منها الناس الفى بلدكم ..
الفجور مرفوض .. لكن الفجور ده بجي من طرف واحد ؟ |
يعني هسع السودانيين العايشين في الغرب ديل اصلهم ما طلعوا مع خواجيات ؟؟؟
الفساد ممنوع هنا وهناك ويجب ان يحارب فساد السودانيات مع السوريين وفساد الخواجيات مع السودانيين .
تحياتي
| |
|
|
|
|
|
|
| |
السر جميل
سيف النصر محي الدين
معاوية الزبير
MOHAMMED ELSHEIKH
ابوحراز
Saifaldin Fadlala
أشرف الرحال
adil amin
بدر المعارف محمد المساعد
Khalid Elsayed
محمد نور عودو
Ammar Makki
وضاح عبدالرحمن جابر
فيس بوك
تويتر
انستقرام
يوتيوب
بنتيريست