برافو للجيش الغامبي هكذا يكون الانحياز للوطن

Quote: لاحظت أن الرئيس السابق طوال الاجتماعات والظهور في التلفزيون وحتى عند المغادرة كان يحمل المصحف والسيف طوال تحركاته ربما كان يرمز لشيء ما .. ولله الحمد أن الموضوع تم بسلمية تامة .. دون إراقة دماء كمان على الرئيس الجديد أن يبطل تنظير ويشوف طريقة نهضة لشعبه لأن الفرصة مواتية له وكل عالم متعاطف معه وهي فرصة للنمو والتطوير ولكن إذا دخل في غياهب الانتقام والمساجلات ..تبقى مشكلة ... وعليه أن يتبع سياسة التسامح التي أصبحت معروفة في أفريقيا ... مانديلا .. و رواندا التي بدأت من تحت الصفر ونالت ثناء وإعجاب كل العالم وأصبحت من الدول المزدهرة .. وجاءت الطفرة الاقتصادية التي حلت أعتى مشكلة واجهتها العالم في وقتها .. تحت شعار العفو والمصالحة بدون شروط ولكن إذا لم يستثمر زخم التعاطف سوف يأتي اليوم الذي يفقد فيع المتعاطفين معه نتمنى لهذا الشعب الطيب ان يكون النموذج الثالث بعد جنوب افريقيا ورواندا مودتي أبوبكر .. حدث فيه عظة وعبرة للحكام .. وليت أردوغان يعي هذا وهو يخطط لحكم 15 سنة أخرى مقبلة ..

Quote: فعلا يا ابوبكر لابد من تسجيل إشادة بموقف الجيش من هذا الصراع السياسي كما وصفه قائد الجيش. المشكلة انحنا الجيش عندنا اصبح يقوده تجار حمير سابقين مع الاعتذار للتجار وللحمير...

Quote: قصة غامبيا دي فيها دروس كتيرة لازم نتعلمها اولان المعارضة قامت بي دورها تمام المعارضة كلها رشحت زول وااااحد للانتخابات الهدف بجيبو الديموقراطية اول حاجة وبعدين يشوفوا الباقي تانياً قفلوا أي باب للاستهبال والتزوير والخج بدل أوراق جابو حاجة كدا زي (البلي) لونين تختار لون مرشحك والفرز يكون ساهل الشغل من كترة ما كان نضيف عمك يحيي في البداية إعترف بالهزيمة طبعا الفطام صعب عشان كدا نط أها الشعب بعدو ما خلاهو والجيش زي ما قلت قام بي دوره الدور الأخير جا من دول غرب أفريقيا الي هي أصلاً دول ديموقراطية لكن دور الشعب والمعارضة كان هو الأساس

Quote: غايتو نظام البلية ما سبقهم عليه زول... ومفرض يطبقو النظام الفريد ده في السودان....عشان الجماعة اياهم ما يطبعوا بطاقات انتخابية ويردموها في صندوق مرشحهم....وعشان ما يقدروا يصنعوا بلي من نوع البلي الحيستخدموه في الانتخابات لازم البلي يكون مصنوع بمواصفات خاصة من سويسرا....عشان ما يقدروا يقلدوه.. جيش قامبيا طلع جيش وطني اخيرا... والله يديك الصحة والعافية

. احسن لينا الورق داك من البلى دا.

اها كيف اخبارك مع العهد الترمبي دا؟ خلاص الرجل استلم السلطة. غايتو فضيحة كبيرة لامريكا انو يحكمها رجل بهذا المستوى من الضحالة. انا متوقع انه ينجح فى الفترة الجاية دي فى خلق حركة اقتصادية جيدة. موش لانه هو رجل خطير. لكن لانو ورث اقتصاد جيد نسبيا من اوباما و فى الغالب سوف يقوم هو وصحبه من الجمهوريين بخفض الضرائب على الشركات و دا بخلق حركة استثمار جيدة، لكن سوف تزيد الديون على الحكومة الفدرالية و تراكم الاموال فى ايدي القلة الثرية بصورة فاحشة.

Quote: الفرق بين يحيى جامع وبين عمر البشير، أن الأول تحيط به دول ديمقراطية ورؤساء تم انتخابهم بدون خج من شاكلة النيجيري (محمد بخاري) والسنغالي (مكي أحمد صال) وهي أنظمة لها مصلحة في انتشار الديمقراطية، بينما صاحبنا ديكتاتور "الإنقاذ" – ولله الحمد - تحيطه ديكتاتوريات ومن كل الجهات.

Quote: سلامات بكّور و الضيوف شوف الفيديو المركب الساخر دا لافي في الواتساب من امس و اتمحّن على حالنا

Quote: يا ربي حيكون عندنا في السودان ، او بالأصح، قائد للجيش زي قائد الجيش القامبي في يوم من الايام ؟

Quote: لا فى الوقت الرهن و لا فى المستقبل يحصل تغير فى تركيبة ما يطلق علية الجيش السودانى…..هذا ليسى استخفاف بل دى الحقيقة المرة … الان اليوم لا يوجد جيش بى المعنى المتعارف علية فى كل العالم الجيش السودانى جيش جهوى جيش احزاب ..كل احزاب السودان لديها افراد داخل هذا الجيش..أكرر كل الاحزاب.. و المنبر يوجد بهة كثير من ضباط هذا الجيش