كتب الكاتب الفاتح جبرا المتوفرة بمعرض الدوحة
|
Re: مقال/ مصطفى السنوسيandquot; مصر وتطويق السود� (Re: حمد إبراهيم محمد)
|
حمد انا ما عارف العاجبك فى كلام مصطفى السنوسى ده شنو وبعدين هو منو ذاته ؟ وبالنسبة لاحتلال مصر لشمال السودان حكومتك مشت للمصريين فى عقر دارهم وطلبت منهم احتلال شمال السودان .. اول مرة مشى ليهم عبدالرحيم محمد حسين فى 2004 عندما كان وزير للداخلية وبعده على كرتى عندما كان وزير للخارجية وطالبتهم بانو يجوا يحتلوا شمال السودان وانو شمال السودان من الجيلى على طول الشريط النيلى حتى حلفا فاضي وبيسكونوا فيه فقط 500 الف نسمة بينما الشريط النيلى من اسوان حتى المصب بيسكنوا فيه 70 مليون نسمة وانو انتوا عندكم انفجار سكانى واذا ما زحفتوا جنوبا وحليتوا مشكلة انفجاركم السكانى حتمشوا وين وكلام كتير من هذا القبيل !!! حسع المشكلة وين ؟ لانو لو فهم زى ده من المصريين معناه عايزين يلبوا دعوتكم !
| |
|
|
|
|
|
|
Re: مقال/ مصطفى السنوسيandquot; مصر وتطويق السود� (Re: خالد حاكم)
|
كتب خالد حاكم :
حمد انا ما عارف العاجبك فى كلام مصطفى السنوسى ده شنو وبعدين هو منو ذاته ؟ وبالنسبة لاحتلال مصر لشمال السودان حكومتك مشت للمصريين فى عقر دارهم وطلبت منهم احتلال شمال السودان .. اول مرة مشى ليهم عبدالرحيم محمد حسين فى 2004 عندما كان وزير للداخلية وبعده على كرتى عندما كان وزير للخارجية وطالبتهم بانو يجوا يحتلوا شمال السودان وانو شمال السودان من الجيلى على طول الشريط النيلى حتى حلفا فاضي وبيسكونوا فيه فقط 500 الف نسمة بينما الشريط النيلى من اسوان حتى المصب بيسكنوا فيه 70 مليون نسمة وانو انتوا عندكم انفجار سكانى واذا ما زحفتوا جنوبا وحليتوا مشكلة انفجاركم السكانى حتمشوا وين وكلام كتير من هذا القبيل !!! حسع المشكلة وين ؟ لانو لو فهم زى ده من المصريين معناه عايزين يلبوا دعوتكم !
-------------------------------------------
السلام عليكم اخي خالد حاكم ... اولا: صحيح ان وزراء السودان الذين تحدثت عنهم تكلموا من منطلق الحريات الاربعة بين السودان ومصر، لكن هل هذه الحريات مجمع عليها السودانيون؟. ايضا هل الحريات الاربعة التي بدأ السودان بتطبيقها دون مصر، هل هي في صالحنا أم كارثة على السودان، باعتبار ان المصالح هي السمة التي تحكم العلاقات بين الدول..؟
حسنا دعونا نبدأ بمقارنة بين مصر والسودان في المجالات الحيوية.
تعداد السكان في مصر: حسب جهاز الاحصاء المركزي للتعبئة والاحصاء بمصر ان عدد سكان مصر في الداخل سيصل في مساء الاحد 05 يوليو 2016م الى (91) مليون نسمة. وابان الجهاز ان عدد السكان كان قد بلغ (90) مليون نسمة يوم الاحد 06 ديسمبر 2015م. أي ان زيادة المليون الاخيرة تمت في ستة اشهر. (وقسم على ذلك).
في 22/12/2015، وفي ورشة عمل لمجلس النواب المصري، قال اللواء ابوبكر الجندي رئيس الجهاز المركزي: ان المؤشرات التي يتم رصدها من خلال الاحصاءات الاجتماعية لمعدل النمو السكاني، تقول ان الزيادة الطبيعية في مصر (تشكل كارثة، وتعد انتحارا جماعيا) لان هناك زيادة سكانية بنسبة 2.55% ، لافتا الى ان نسبة النمو المتسارع اهم سمات المشكلة السكانية في مصر. وقال اللواء أبو بكر الجندى: إن الاقتصاد المصرى لا يستطيع مواجهة معدلات الزيادة السكانية التى ارتفعت بنسبة 2.55%، ولا يستطيع مجاراتها بأى حال من الأحوال.
وأوضح اللواء ابوبكر الجندي: أن معدل البطالة فى مصر وصل إلى 12.77% فى الربع الأخير من عام 2015. ثانيا: من الجانب السوداني، وبحسب التقديرات الاحصائية السودانية، يبلغ سكان السودان حاليا نحو أكثر من 33,4 مليون نسمة. وارتفت نسبة البطالة في السودان إلى 19 في المئة، من أصل قوة عمل تقدر بـ11 مليون شخص. حسب ما أوضح عادل كردي وكيل وزراة تنمية الموارد البشرية في السودان ل"سونا".
أخذا في الاعتبار، جور مصر على اراضي سودانية اصيلة ودعوات كثير من حملة الراي في مصر بضم السودان لمصر، نكرر السؤال هل الحريات الاربعة في صالح السودان ام العكس هو الصحيح، وهل علاقة مصر بالسودان طبيعية حتى ندعوها لحل كارثة انفجارها السكاني داخل اراضي السودان ؟! تحياتي
| |
|
|
|
|
|
|
Re: مقال/ مصطفى السنوسيandquot; مصر وتطويق السود� (Re: حمد إبراهيم محمد)
|
( نكرر السؤال هل الحريات الاربعة في صالح السودان ام العكس هو الصحيح، وهل علاقة مصر بالسودان طبيعية حتى ندعوها لحل كارثة انفجارها السكاني داخل اراضي السودان ؟! )
------------------------------------------------------------------------------------------------------------------------------------------------------------------------------- حمد سلامات انت بتكرر السؤال لمنو ؟ سؤالك ده كرره لناسك فى الحكومة نحن كنا ضد اتفاقية الحريات الاربعة وما زلنا وسنظل ضدها لانو اتفاقية الحريات الاربعة صممت لتقديم السودان لمصر فى طبق من ذهب ! وبعدين ينوبك ثواب ممكن بحكم علاقتك بالنظام تتحصل لينا على الاتفاقية عشان نعرف تفاصيلها لانو الحكومة ملكت الناس الخطوط العريضة فقط ونحن عايزين نعرف التفاصيل لانو الاتفاقية اخفيت وما ملكت للشعب لانو فى بنود وتفاصيل سرية ما عايزيين الشعب يعرف عنها حاجة ونحن بنقول مشروع سدود الشمال الذى يخدم مصر من ضمن البنود السرية !
| |
|
|
|
|
|
|
Re: مقال/ مصطفى السنوسيandquot; مصر وتطويق السود� (Re: خالد حاكم)
|
الآخ الفاضل حمد ابراهيم محمد....
مهما تآمرت مصر.. فهى سوف لن تستطيع أن تستولى على السودان.. و أنتهاكات مصر ضد السودان الان .. هى نتيجة هشاشة نظام الانقاذ و الفوضى الحاصلة فى سياساته الخارجية .... لذلك.. هذا المقال فى رأيى كلام فارغ.. السودان ليس زريبة هوامل.. فهو بلد له حدود جغرافية وعلم و سيادة و مواطنين.. و حالما تزول الانقاذ.... فسوف تعود الآمور الى نصابها...
| |
|
|
|
|
|
|
Re: مقال/ مصطفى السنوسيandquot; مصر وتطويق السود� (Re: الزبير بشير)
|
خلونا من التنظير والاستنتاجات.. حلايب وشلاتين وأبورماد... لمتين حيكونو تحت الاحتلال المصري ومساحة مثلث حلايب أكبر من دولة الكويت وهي غنية بمختلف انواع المعادن والبترول الادروبات اصبحو يتكلموا مصري ونسوا السودان تماماً بعد 22 سنة من الاحتلال والتمصير. وحكومة الانقاذ كأن الأمر لايعنيها.
| |
|
|
|
|
|
|
Re: مقال/ مصطفى السنوسيandquot; مصر وتطويق السود� (Re: أمير محمد أحمد أبيض)
|
كتب خالد حاكم : حمد سلامات انت بتكرر السؤال لمنو ؟ سؤالك ده كرره لناسك فى الحكومة نحن كنا ضد اتفاقية الحريات الاربعة وما زلنا وسنظل ضدها لانو اتفاقية الحريات الاربعة صممت لتقديم السودان لمصر فى طبق من ذهب ! وبعدين ينوبك ثواب ممكن بحكم علاقتك بالنظام تتحصل لينا على الاتفاقية عشان نعرف تفاصيلها لانو الحكومة ملكت الناس الخطوط العريضة فقط ونحن عايزين نعرف التفاصيل لانو الاتفاقية اخفيت وما ملكت للشعب لانو فى بنود وتفاصيل سرية ما عايزيين الشعب يعرف عنها حاجة ونحن بنقول مشروع سدود الشمال الذى يخدم مصر من ضمن البنود السرية !
----------------------------------------
السلام عليكم عزيزي خالد ..
1/ انا لست مع الحريات الاربعة ، ودللت في ردي عليك السابق باحصائيات ان هذه الاتفاقية ستكون نكبة على السودان قبل السودانيين. 2/ زعمك بان لي علاقات بالنظام لا محل له من الاعراب، والا لاصبح كل من يتفق مع اطروحات حزب ما هو عضو فيه ..! 3/ طالما عندك معلومة ان بند مشروع سدود الشمال ضمن البنود السرية ؛ فنحن منتظرنك تاتي لنا بباقي البنود وينالك ثواب الدارين.
اكيد احترامي
| |
|
|
|
|
|
|
Re: مقال/ مصطفى السنوسيandquot; مصر وتطويق السود� (Re: حمد إبراهيم محمد)
|
كتبت نور تاور: الآخ الفاضل حمد ابراهيم محمد.... مهما تآمرت مصر.. فهى سوف لن تستطيع أن تستولى على السودان.. وأنتهاكات مصر ضد السودان الان .. هى نتيجة هشاشة نظام الانقاذ والفوضى الحاصلة فى سياساته الخارجية .... لذلك.. هذا المقال فى رأيى كلام فارغ.. السودان ليس زريبة هوامل.. فهو بلد له حدود جغرافية وعلم و سيادة و مواطنين.. و حالما تزول الانقاذ.... فسوف تعود الآمور الى نصابها... ----------------------------------------------- السلام عليكم اختي العزيزة بت تاور ... كلما ياتي اسم تاور أتذكر الماجدة دكتورة عفاف تاور، ومواقفها البائنة من الحركة الشعبية وقادتها (عقار – عرمان – الحلو) مستغلي شباب أهلنا النوبة ومواردهم، لخدمة استثماراتهم السحتية في دول الجوار. لكن يا نور مالك نطيتي من مركب مجاهدي بيت تاور ..؟ هههههههه
حقيقة انا احترمك واحترم مواقفك من قضية اهلنا في جنوب كردفان جميعهم ولا اخص النوبة فقط. والمقال للتنبيه وتحذير الغافلين، ليقفوا صفا واحدا مرصوص كما المثل (انا وابن عمي على الغريب)، وبعد داك كل واحد منا لينتقد الاخر ليس حبا في الانتقاد لكن النقد الايجابي لصالح الوطن. ثم يا نور، مصر ليس وحدها التي تتامر وتواجه السودان، المؤامرة ثلاثية – موسيفيني – سلفا ومصر مع راعيها اسرائيل. ثم ان النظام في السودان له من المقدرة والذكاء الذي ابطل به كثير من مؤامرات الاعداء واذنابهم، بدليل ان دول الجوار واقاليم اخرى، جثث مواطنيها تسبح دمائها في الشوارع عافتها الطيور والكلاب ولا تجد من يكرمها، وسيبطل السودان مقصدهم اللئيم باذن الله.
اكيد احترامي
| |
|
|
|
|
|
|
Re: مقال/ مصطفى السنوسيandquot; مصر وتطويق السود� (Re: حمد إبراهيم محمد)
|
كتب الزبير بشير : الاخ حمد التاريخ بقول غير كده منذ عشرات الالاف من السنيين .
السودان النوبي السوداني الافريقي العربي
ده كلام شخارم بخارم
الاراده الالهيه لا تجري حسب هواء الحكام و السياسيين .
----------------------
السلام عليكم عزيزي الزبير
ونعم بالله... والحذر واجب يبتغى .
تحياتي
| |
|
|
|
|
|
|
Re: مقال/ مصطفى السنوسيandquot; مصر وتطويق السود� (Re: حمد إبراهيم محمد)
|
كتب أمير محمد احمد خلونا من التنظير والاستنتاجات.. حلايب وشلاتين وأبورماد... لمتين حيكونو تحت الاحتلال المصري ومساحة مثلث حلايب أكبر من دولة الكويت وهي غنية بمختلف انواع المعادن والبترول الادروبات اصبحو يتكلموا مصري ونسوا السودان تماماً بعد 22 سنة من الاحتلال والتمصير. وحكومة الانقاذ كأن الأمر لايعنيها. -------------------------------------
السلام عليكم اخي أمير ... استهداف الوطن ارضا ومقدرات كبير جدا، ومن قبل اكثر من جهة وللاسف من اقرب الاقربين، من الذين مد لهم السودان يد العون والدعم والمساعدة والمساندة في احلك ظروفهم. السودان يدرك لما يعده الاعداء حواليه، ويعلم ان ذلك يتطلب اعداد القوة اللازمة وفي نفس الوقت ان لا يشتت جهوده في اكثر من جبهة معادية، حتى يستكمل عدته، ثم يعمل ذكاؤه في تفعيل علاقاته الدبلوماسية والاقتصادية مع دول الجوار والدول الصديقة حتى لا يدخل في معركة خاسرة.
تحياتي
| |
|
|
|
|
|
|
|