|
|
|
 Re: أقرأ - السودان .. قصة زواج أسطورية بسبب اتص� (Re: زهير عثمان حمد)
|
واحد بعرفه كويس واشتغلت معاهو فترة لي هسة بتذكر ضحكو علي لمن حكى لي قصة زواجه
عندو قريبته عزمته لقعدة عاملينها بمناسبة التخرج .. مشى الحفلة وهو من شكرية البطانة وجيه وطويل وشعرو ناعم مسدل في جبهته
واحدة من الخريجات كسر فيها ضلعة ولااااا صدقت نادتو بي جمبة وقالت ليه ياخي انت عجبتني عدييييل كدة وشاحداك شحدة تعرسني حاسة بي إنك انت الحتسعدني
قال ليها انتي مادام ختيتي فيني ثقة زي دي أصلو ما بخذلك هسة اعتبريني خطبتك وفي أقل من اسبوع أهلي بجوكم
القصة دي حكاها لي وهو متزوج من 5 سنين وبي اولاده عشان كدة ما أخدت راحتي في الاستجواب 
لكن بتذكر إني أقوم واقعد واقول ليه يا ود الناس هسة انت اتأكدت من اخلاقها واسرتها كيف قبل ما توافق ؟ قال لي ولا اتأكدت من أي حاجة بس حسيت بي صدق واطمئنان في كلامها ورجالة ساي مني تميت الموضوع بدون تردد .. وبعد عرستها أصلها ما خذلتني طلعت زولة أصيلة
| |
 
|
|
|
|
|
|
|
|
Re: أقرأ - السودان .. قصة زواج أسطورية بسبب اتص� (Re: nour tawir)
|
ابو حراز
الله يخزي شيطان عقلك...
كتلتنا بالضحك ونحن في الهم والغم...
وبنفكر في ١٩....واضحك الله سنك..
..شكري صيني..دي ما سبقك عليها زول..
you make our day yoday
والله يديك الصحة والعافية
وزي ما قالت نور...الزول ده ما دام متزوج وعنده اولاد
وبدون ما يشاور زوجته واولاده...عاوز يظهر رجالته....
...فعلا شكري صيني ودنماركي ونرويجي وسويدي في نفس
الوقت..
| |
|
|
|
|
|
|
|
|
|
Re: أقرأ - السودان .. قصة زواج أسطورية بسبب اتص� (Re: Hassan Makkawi)
|
أنا ضد تعدد الزوجات
للترف و ارضاء فلان وعلان
أو لعقاب الزوجة الاولي كما هو شائع الان
دي مسخرة و احتقار للمرأة.
نعم لزوجة ثانية بالاتفاق اذا كانت لا تستطيع الانجاب مثلاً
أو اي سبب آخر بشرط أكرر بشرط ان توافق علية
محكمة عليا و يمنح تصديق رسمي لذلك.
لكن اي وحد يشوف ليه واحدة تعجبوا طوالي يفكر في الزواج
دي مسخرة. و عدم رجوله و عدم احترام ل مكانت الاسرة في المجتمع
و لنناضل مع النساء من أجل تقييد حق تعدد الزوجات
فالعلاقة الزوجية ليست سرير و خُمرة و صندلية و حنة
بل هي أكبر و أسمي وأنبل من ذلك.
| |
|
|
|
|
|
| |
زهير عثمان حمد
بله محمد الفاضل
محمد الهادى عبد الرحيم
doma
أبوبكر عباس
ابوحراز
nour tawir
Hani Arabi Mohamed
Fatima Alhaj
فدوى الشريف
Hassan Makkawi
Hamid Elsawi
Ahmed Yassin
Ali Abdalla Hassan
فيس بوك
تويتر
انستقرام
يوتيوب
بنتيريست