|
دعواتكم لزميلنا المفكر د.الباقر العفيف بالشفاء العاجل
|
|
 Re: قولو الرووووب:العثور علي 439 مليون دولار كا (Re: عباس الدسيس)
|
Quote: علي القسم إبليس إكون فاتح خشمو من الدهشة ...!!!!!!
طيب بالمرة كدا كثفو الجهود إمكن تلاقو لينا الأموال البتكلم عنها
تقرير المراجع العام كل سنة دي هنا ولا هنا .
الناس دي يا ربي شايفة قمبورنا أطول من اللازم ولا ريالتنا سايلة ولا الحاصل شنو !!!
|
عثمان سلام
والله دي المحنه ذاتا
ولله في خلقه شئون
| |
 
|
|
|
|
|
|
|
|
Re: قولو الرووووب:العثور علي 439 مليون دولار كا (Re: عباس الدسيس)
|
Quote: شوية شوية شايفهم بقو يسمحوا لجمعيات واتحادات (اتحاد الكتاب) بمزاولة نشاطها بعد قالوا دي حقت شيوعيين
- خوفي يقولو لجماعة الرينبو (Rainbow) زاااتم إشتغلوا بأثر رجعي
|
حيدر سلام
الجماعه راسم ضرب
شغالين زي حصة الاعمال زمان تعمل الحصان بالطين وتخفجو
المشروع الحضاري رجع ستين سنة لي وراء
| |
|
|
|
|
|
|
|
|
|
Re: قولو الرووووب:العثور علي 439 مليون دولار كا (Re: عباس الدسيس)
|
يا ركس
صحف اليوم الصادرة والواردة عناوينها على الواتساب، بها خبر ضبط 81 عبربة مطلوبة للإنتربول ، وتحذيرات تحليق الطيران
ولا يوجد أي خبر عن العثور على هذا المبلغ الضخم .. ولا حتى في كل الصحف
نخشى أن يكون فوتوشوب ... وأنها شتلة من الجداد الإلكتروني لإلهاء الناس ..
جماعة امبعلو ديل ما عندهم قشة مرة . ولو لقوها أكيد ح تروح في الكازوزة
.. عليهم من الله مايستحقون
الشغيل
| |
|
|
|
|
|
|
|
|
|
Re: قولو الرووووب:العثور علي 439 مليون دولار كا (Re: خال فاطمة)
|
الف الف الف مبرووووووووك انهم وجدوا الـ 439 مليون دولار
هسي لو تموها 440 مليون دولار تفرق يعني ؟؟؟؟؟
الدقة في الرقم لزومها شنو يعني
سالت مغترب قبل ايام اجازتك كم ؟؟؟
قال لي 59 يوم !!!!
شووت ضفاري
نسال الله مثلما جمع لهم بالـ 439
ان يجمع لنا بموبايل ابن اختي
فقد ضاع الجالاكسي في احدى المناسبات
وذهبنا لفكي { أبكر } وحوطنا الموبايل
وانتظرنا 45 يوم بلياليها وكل يوم يوعدنا فكي ابكر بان الموبايل سيرجع لصاحبه
لدرجة انه زعل علينا حينما طالت المدة
وقلنا له انت فكي ماسوووورة
فاشتاط الرجل غضباً .. وقال انه يعرف السارق
وان السارق كثيرا ما اتى للبيت
لكنه حينما يجد اهل البيت يرجع بالموبايل مرة اخرى
وطلب فكي ابكر ان نعطي السارق فرصة لكي يضع الموبايل في البيت
وبالفعل تصادف ذلك مع سماية زوجة شقيقي
فاكتسبناها فرصة لنصطاد عصفورتين بحجر
منها ناكل الضلع
ومنها نترك فرصة لحبيبنا السارق كي يرجع الموبايل
وبالفعل ذهبنا الى هناك لبيت اخي
ورجعنا مساءا لنجد مروحة الديوان مسروووووقة !!!!
| |
|
|
|
|
|
|
|
|
Re: قولو الرووووب:العثور علي 439 مليون دولار كا (Re: حامد بدري)
|
الحكومة : انتو ما كلموكم ؟
الشعب : بي شنو ؟
الحكومة : القروش بتاعة البترول الرايحة ما لقيناها !
الشعب : لقيتوها وين ؟
الحكومة : اصلا القروش كانت في بيت الوزير مختوتة في صفيحة ، الصفيحة اصلا بتاعة جبنة ، لمن الجبنة كملت قام الوزير ختا فيها القروش قال عشان بتبعد الشكوك وختا الصفيحة في المخزن ونسا الموضوع ، بعد فترة قام رحل للفيلا الجديدة وخلو الحاجات القديمة والكراكيب الما عايزنها كلها في مخزنا .
أها بعد سنوات مرة الوزير اتذكرت انو عندها شنطة في المخزن فيها ورق مهم ، لفحت توبا ومشت فتحت المخزن اول ما عينا لاقت الصفيحة طوالي اتذكرت ...
وطوالي اتصلت على سعادة الوزير ، قالت ليهو تجي هسع دي البزاق ده ما يحسا .. ياولية في شنو ؟ قالت ليهو صفيحة الجبنة ، جبنة شنو يا مره ؟ ردت ليهو : الختيت فيها قروش البترول ، انت ناسيها ولا شنو ؟ سجم خشمك ، هسع بتقول للبشير شنو الايام دي عضتو تسعر !
عمك ما كضب خبر ، شال الصفيحة وقال بلحق البشير قبل ما يمشي مدني .. وصل للبشير قال ليهو يا ريس دي هدية مني ليك بمناسبة افتتاح مصنع الجبنة الجديد بتاعي .. جبنة فرز اول حيرت الفرنسيين ذاتهم ..
البشير قام زبط الفول وفتح صفيحة الجبنة لقاها كلها دولارات ! نص مليار دولار بالتقريب ...
ثم سمع الجيران صوت التكبير والتهليل من منزل الرئيس الورع التقي صانع المعجزات وصاحب الكرامات "الحَوَل الجبنة دولارات " .. يلحقنا وينجدنا
| |
|
|
|
|
|
|
|
|
|
Re: قولو الرووووب:العثور علي 439 مليون دولار كا (Re: Abdullah Idrees)
|
هههههههههههههههههههههههههههههههههههههههههههههه
ذكرتني قصة حسين ود الطرشا لمن راحن طلاطاشر قرشو ونصو في محلة خراهو
ههههههههههههههههههههههههههههههههههههههههههههههههههههههههههههههه
خلا ناس امو واخوانو واخواتو الليل كلو يقبضو في خريات الناس في الصقيعة
حكاية مبالغة لايسع المجال لذكرها كلها ولكن عنوانها يطابق الموضوع طق طرق
| |
|
|
|
|
|
|
|
|
|
Re: قولو الرووووب:العثور علي 439 مليون دولار كا (Re: Yasir Elsharif)
|
العثور على (439) مليون دولار كانت مفقودة من أموال البترول
طباعة
البريد الإلكتروني
تقييم المستخدم: / 6
سيئجيد
التفاصيل
نشر بتاريخ الخميس, 15 كانون1/ديسمبر 2016 15:56
البرلمان: هبة - عبد الرحمن
أظهرت (87) تقريراً للمراجع العام دفع بها أمس للبرلمان على غير العادة في جلسة مسائية متأخرة، تجاوزات خطيرة في أجهزة الدولة واعتداءات على المال العام في المركز والولايات بلغت (13.9) مليون جنيه، بينما بلغ حجم المال المجنب من جهات حكومية في الأجهزة القومية والولائية( 123.1) مليون جنيه ، و(541) الف دولار، في ذات الوقت رفضت إدارة تتبع للبنك المركزي (الرقابة المصرفية) تقديم مستنداتها للمراجعة. وفي غضون ذلك كشف المراجع العام عن تجاوزات في التعيينات وتعدد حالات الجمع بين وظيفتين، بالإضافة إلى منح مخصصات غير قانونية لدستوريين بثلاث ولايات (كسلا ، شمال دارفور ، جنوب درافور )، في ذات الاثناء التي افصحت فيه التقارير عن استمرار استخراج رواتب لمتوفين ومستقيلين ومعاشيين واسماء وهمية، في ذات الوقت الذي كشفت فيه التقارير عن فرض رسوم إدارية دون وجه حق ودون سند قانوني في قطاعات بالحج (مؤسسات،خاص، الخرطوم )، بينما لم تفصح إدارة الحج عن اوجه صرف (3.5) مليون ريال سعودي. وفي غضون ذلك تقلصت الأموال المفقودة من اموال البترول الى (439) مليون دولار بدلا من (623) مليون دولار تم الاتفاق مع شركات البترول على استردادها كمستحقات حكومية، بينما راجع المراجع العام (104) شركات حكومية غير مدرجة بإدارة الشركات في وزارة المالية ولا تحصل منها ايرادات. وبلغ اجمالي المتأخرات والفاقد الضريبي والشيكات المرتدة للجمارك والضرائب (5.6) مليار جنيه و (416) مليون دولار.وقال المراجع العام الطاهر عبد القيوم في خطابه امام البرلمان امس عن نتائج مراجعات حسابات العام المالي 2015 امس ان هناك بنود تحصيل مضمنة في بند رسم الوارد في الجمارك غير مضمنة في الميزانية العامة للجمارك بلغت (206) ملايين جنيه شملت رسوم غرامة موديل ورسوم مخالفات وملاحظة ، واشار الى قيام الجمارك بتخصيص 50% من عائد الجمارك لصندوق مال الخدمات دون وجه حق. وفي ذات السياق اشار الطاهر إلى ان اجمالي عائدات التصرف من مرافق القطاع العام بلغ (171.9) مليون جنيه، واوضح ان تلك العائدات لم تظهر في الحسابات الختامية للمالية ، وأكد الطاهر وجود اختلاف بين التقارير المالية والحسابات في إنفاق الحكومة خاصة في تكلفة الوديعة السعودية وفروقات سعر الصرف على القمح ، وكشف الطاهر أن الكثير من الحوافز والمكافآت الواردة في الانفاق الحكومي بها مغالاة نتيجة للإفراط في استغلال السلطة التقديرية من الجهات المصدقة ، واظهر تقرير المراجع العام عدم وجود ضوابط للصرف على الطوارئ.
وافصح المراجع العام عن وجود ثغرات في مشروع التحصيل الالكتروني من بينها سهولة تزوير عند اصدار الايصال الالكرتوني (15) بورق (اي 4) وامكانية تكرار استخراج الايصال.
وكشف الطاهر في تقريره بشأن ديوان الزكاة عن عدم وجود دراسة ومتابعة للمشروعات التي ينشئها الديوان وعما اذا كان لها عائد على الفقراء ، فضلاً عن قيام الديوان بشراء (50) عربة من فائض ميزانية 2014م بطريقة مخالفة للائحة الإجراءات المالية والمحاسبي ، واظهر التقرير وجود صرف على غارمين بدون مستندات مؤيدة للصرف. وكشف الطاهر عن وجود ازدواجية في البدلات في بعض الصناديق القومية كـ(بدل اللبس وبدل الزي) ، فضلاً عن وجود ترهل في الهياكل التنظيمية لتلك الصناديق، واشار الى استغلال موارد بعض الصناديق للصرف على بعض الوزارات خاصة مكتب الوزير.
وبلغت الحسابات المفتوحة لمشروعات النفير في شمال كردفان (10) حسابات لم تقدم للمراجعة، وكشف تقرير المراجع العام عن النفير ان بعض عقودات النفير تم بموجب عطاءات محدودة او مباشرة، بينما لاحظ التقرير ان الساحات بالأبيض والمحليات غير مسجلة في سجلات الاراضي مما يغري بالتعدي عليها، واظهر تقرير آخر أن مشروعات الدورة المدرسية في شمال كردفان لم تتم بأفضل الممارسات وقد صاحبتها سلبيات.
التالي >
جميع الحقوق محفوظة صحيفة الانتباهة
| |
|
|
|
|
|
|
| |
عباس الدسيس
عبدالله عثمان
Jamal Mustafa
عبدالحفيظ ابوسن
Othman Al-Hasan Babikir
محمد مجيدو
أسامة عبد الجليل
حيدر حسن ميرغني
زهير عثمان حمد
Hamid Elsawi
معاوية المدير
أحمد الشايقي
خال فاطمة
Arif Nashed
ابوحراز
أيمن الطيب
Yasir Elsharif
حامد بدري
Abdullah Idrees
عبدالله ود البوش
Bashasha
Mannan
فيس بوك
تويتر
انستقرام
يوتيوب
بنتيريست