قديما كان الكيزان يركنون الي يأس المواطن السوداني البسيط من الاحزاب
انا كمواطن بسيط ولا احب الاحزاب المعتقة لكن عدم حبي هذا لا يعني حبي للكيزان البته فهم الاسوأ بين جملة الاحزاب السئية
من الاخبار تابعت وزارة الاوقاف والارشاد وايجارها لمقرها بمبلغ 23000 دولار في الشهر ( خبارو) يعني بالجنيه السوداني القديم
يساوي قرابة ال 400 مليون ... يا جماعه انا غلطان في الحساب ؟ والمصيبة ان شيخ الاوقاف بحتج للبرلمان انه المبلغ دافعاهو الامارات
ومافي داعي البرلمان يتدخل والله مصيبة .. ووزارة تانية اسمها الموارد البشرية دي كمان عاملاها شتره مره واحدة وماجرة مبنى بمبلغ600 مليون
لو ما خانتني الرياضيات في ترجمة ال 600 الف دي يعني ايجار شهرين ممكن يبني ليك وزارة محترمه عند اي مقاول شريف لكن ببني ليك حمامين عند مقاول كوزش1 غايتو يا الكيزان ما خليتو لينا محل نمش عليهو الا الاحزاب الما بنحبها دي وبتكون اخير لينا وقدر ما نقول نشكركم نلقاكم ما بتتشكرو
هسه ردهم ح يكون شنو ... ؟ ياربي الناس المأجرين منهم المباني دي منو ؟ وهسه البتسوو فيهو ده علاقتو بدولة الاسلام شنو وسلفكم فيهو منو ؟ سواهو عمر بن الخطاب قبلكم ولا بقية الراشدين ما تقول لي زمان مافي مباني وقصور وعمارات لا في ومن ذهب كمان .. يا جماعة الكيزان اسرقو لغوثو اعملو اي شي لكن بعيد من الدين وتاصيل ما لا يمكن تاصيله
لانو
بجد
حرقتو روحنا
12-14-2016, 11:02 PM
Nasr Nasr
تاريخ التسجيل: 08-18-2003
مجموع المشاركات: 11513
كدي واصل في الحساب شوفها بتعمل ليها كم فصل في مدارس الطين ديك وكم حقنة لناس غسيل الكلي وبالضبط كدا الناس ديل بيعملوا في شنو عشان يصرفوا الصرف دا كلوا؟؟؟؟؟؟؟؟
غايتو يا أعوان الديكتاتورية لا دين لا أخلاق لا ضمير ممكن تخطفوا اللقمة من فم جائع عشان تدوها لكلبكم وتناموا مرتاحين وخاليين بال
12-15-2016, 06:07 AM
د احمد حمدان د احمد حمدان
تاريخ التسجيل: 12-02-2016
مجموع المشاركات: 121
uthor: Nasr كدي واصل في الحساب شوفها بتعمل ليها كم فصل في مدارس الطين ديك وكم حقنة لناس غسيل الكلي وبالضبط كدا الناس ديل بيعملوا في شنو عشان يصرفوا الصرف دا كلوا؟؟؟؟؟؟؟؟
غايتو يا أعوان الديكتاتورية لا دين لا أخلاق لا ضمير ممكن تخطفوا اللقمة من فم جائع عشان تدوها لكلبكم وتناموا مرتاحين وخاليين بال
...
انا ما شايفهم بعملو في حاجة غير السرقة وشراب الشاي
uthor: Nasr كدي واصل في الحساب شوفها بتعمل ليها كم فصل في مدارس الطين ديك وكم حقنة لناس غسيل الكلي وبالضبط كدا الناس ديل بيعملوا في شنو عشان يصرفوا الصرف دا كلوا؟؟؟؟؟؟؟؟
غايتو يا أعوان الديكتاتورية لا دين لا أخلاق لا ضمير ممكن تخطفوا اللقمة من فم جائع عشان تدوها لكلبكم وتناموا مرتاحين وخاليين بال
...
انا ما شايفهم بعملو في حاجة غير السرقة وشراب الشاي
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة