|
دعواتكم لزميلنا المفكر د.الباقر العفيف بالشفاء العاجل
|
|
 Re: ما معني حنكوش (Re: عبدالحفيظ ابوسن)
|
ف كيف شباب منصرف عن واقع السودان ويدعو للتغيير
ويتحمل الاعتقال والملاحقة وبل الموت
كيف هربت تلك الكلمة من غرف النكات والحلنمتيش لتدخل مصطلح السياسة بذات الهدف
السخرية والهزء
| |
 
|
|
|
|
|
|
|
|
Re: ما معني حنكوش (Re: معاوية الزبير)
|
اعتقد أنها نوع من التنميط القبلي للغير ناتج عن عقلية رعويـة عنفيـة غير ذات ارتباط بالواقع ولم تستفـد من كل مراحل التعليم النظامي والتعرض للخبرات المدنيـة
بهذا الفهم ف الـ (مارينـز) المتحدرين من نواحي بروكلين وأصقاع سان دياغو والمولودين على حضانات الاكسجين في مستشفيات تكساس وديترويت هم أيضاً (حناكيـش) رغـم أن التجارب
أثبتت بلاءهـم احسن البلاء في حرب تحرير الكويت في الصحراء العربية وفي غيرهـا تاريخياً ومجرد ذكر اسم المارينز يثير المشاعر المشبوبـة لدى المعنيين بتلك المشاعــر ....
أحمد الشايقي
| |
|
|
|
|
|
|
|
|
Re: ما معني حنكوش (Re: أحمد الشايقي)
|
سلام صاحب البوست والضيوف الكرام
الحناكيش هم أولاد وبنات الأسر الراقية الغنية الميسورة الذين تم تربيتهم في دلع وغنج بعيداً عن المعاناة وبعيداً عن الواقع الذي يعيشه المواطن السوداني العادي ..
ولذلك قالوا عن دعاة إعتصام 19 ديسمبر إنهم مجرد حناكيش وحنكوشات لأنهم يقولون:
( بس نقعد في البيت .. ما نطلع الشارع .. والنظام ده حيسقط )
والذي يؤمن بإنه يمكن إسقاط النظام بمجرد الجلوس في البيت هو حنكوش .. لأنه لا يفقه شيئاً عن الواقع السياسي في السودان ولا يفقه شيئاً عن كيفية إسقاط الأنظمة ..
| |
|
|
|
|
|
|
|
|
|
Re: ما معني حنكوش (Re: معاوية الزبير)
|
ي معاوية على عبد الله الحسن دا ما بعرف حنكشتو لكين بعرف جريهو ..اول مرة اشوف كوز جراى وشايل سختين شوف عين ما كلام ..على عبد الله ما مفروض يكون معانا هنا مفروض يمثل نظامو فى الماراثون العالمى القادم ..امانة ماجرااااى
تحياتى اب سن
اب سن ياخ لقيت زول اسمو هاشم ما متذكر هاشم منو ..بس عندو اخوه بتاع كورة اسمو ( البنى )قال لى قول ماشاء الله مفدما وبعد ما قلتها قال اب سن دا كان اذكى واشطر زول فى كوستى ..ماشاء الله ..تحياتى
| |
|
|
|
|
|
|
|
|
|
Re: ما معني حنكوش (Re: معاوية الزبير)
|
سلام يا ابو سن
وعليه بتفسير لأنهم ابتكروا حكاية الجلوس في البيت كصورة من صور النضال
طيب ما هم نفسهم الهبوا في سبتمبر 2013 ومات منهم مائتين ولم يجدوا حتى السند ولا حتى الدعوات الصالحات .
الصاح لمن لا يريد مساندتهم
الأجدى ألا يلقبهم ولا يطلق عليهم أي أسم فهم يعلموا ما يريدون وقادرون على تحقيقه . ولا يحتاجون سند من أحد لكن من يخالف ركبهم سيفوته القطار
أمس أراقب في الفيس بوك واحد من الشباب فتح بوست بشعار العصيان وكتب جملة واحدة المعانا يوم 19 يكتب تم .. وبس .
وقسما بالله انهالت المواقفات واللايكات على هذا البوست تحس كأنه اعصار تسونامي خلال اربعة ساعات أو أكثر حصل 3000 ولا زال الزحف مستمر
| |
|
|
|
|
|
|
|
|
|
Re: ما معني حنكوش (Re: درديري كباشي)
|
حبابك
ونحن في بدايات الوعي فهمنا الفرق بين الموقف الفكري ووضعك الاجتماعي والمادي والوظيفي
ليس المهم وضعك الاجتماعي
بل
موقفك الفكري من الواقع
ممكن تلقا واحد فقير ومعدم يدعم في سلطة تساهم كل يوم في فقره
وتجد واحد غنيان ومستفيد من السلطة التي تساهم بفضل سياسته في اغتناه كل يوم . ولكنه يقف منها موقفا مناهضا وضد مصالحه انتصارا لانسانيته وقيمه الراقية
| |
|
|
|
|
|
|
|
|
|
Re: ما معني حنكوش (Re: عبدالحفيظ ابوسن)
|
مرحبا معاوية العبيد
تسلم
دة هاشم حسيب
شقيق منعم البني
لاعب شهير وحريف
كتر خيرو وخيرك كلامو دة فرط محبة بس والله
اكابس مع غيري لنجعل هذا الواقع اكثر إنسانية ويستحق الحياة
وليفخر ابني الحنكوش المعلق في بروفايلي لاحقا بأن ابيه كما قال امل دنقل
ليت أسماء تعرف أن أباها صعد
لم يمت
هل يموت الذي كان يحيا
كأن الحياة أبد
وكأن الشراب نفد
و كأن البنات الجميلات يمشين فوق الزبد
عاش منتصباً، بينما
ينحني القلب يبحث عما فقد.
ليت "أسماء"
تعرف أن أباها الذي
حفظ الحب والأصدقاء تصاويره
وهو يضحك
وهو يفكر
وهو يفتش عما يقيم الأود .
ليت "أسماء" تعرف أن البنات الجميلات
خبأنه بين أوراقهن
وعلمنه أن يسير
ولا يلتقي بأحد .
| |
|
|
|
|
|
|
|
|
|
Re: ما معني حنكوش (Re: معاوية الزبير)
|
إذا كان الناس بتشوف الفئة دي هم أولاد الميسورين و زي ما بيقولوا ( الراحات )
فغالبيتهم اليوم هم الإتنعموا بالقروش السرقوها أبهاتهم
اللقو فجأة بيوتهم طابقين و تلاتة طوابق و القروش بي كل عملات الدنيا مبذولة ليهم
ديل الما بيسألوا أهلهم ديل جابو القروش دي من وين
ديل حناكيش قشرة و راحاتهم دي مصطنعة
العاوزين يغيرو النظام ده ما الحناكيش ديل
هم أولاد الغبش البيشوف أبوه و أمو بيطلعو من الفجر و يرجعوا بعد المغرب
و يادووووب البيلقوه بيغطي
| |
|
|
|
|
|
|
|
|
|
Re: ما معني حنكوش (Re: kamal omer)
|
بلاشك يا معاوية الزبير
بلاشك
الضد يظهر ضده الضد
ولولا يد السلطة الباطشة لما ابتدع اولادنا الاعتصام
الاعتصام زي جرادايا في سروال زول
هو خطوة للامام
| |
|
|
|
|
|
|
|
|
|
Re: ما معني حنكوش (Re: عبدالحفيظ ابوسن)
|
طول بالك آدم مهاجر
وحبابك حرم
لن نأخذ ذات ادواتهم التحليلية التي نرفضها
تحية لأهلي في الريف والنجوع والكراكير
ذاتنا لامن جينا البندر اتخلعنا .. آي والله
خلعتنا الخرطوم وخلعونا ناس الخرطوم
ولكن
لم نشعر بالدونية
ولا الحسادة
بل كنا فخورين
هي فقط اختلاف ثقافات
مابين البندر والريف
للأسف ساهمت هذه السلطة في ترييف المدن
| |
|
|
|
|
|
|
|
|
|
Re: ما معني حنكوش (Re: عبدالحفيظ ابوسن)
|
إذا كان الناس بتشوف الفئة دي هم أولاد الميسورين و زي ما بيقولوا ( الراحات ) فغالبيتهم اليوم هم الإتنعموا بالقروش السرقوها أبهاتهم
اللقو فجأة بيوتهم طابقين و تلاتة طوابق و القروش بي كل عملات الدنيا مبذولة ليهم ديل الما بيسألوا أهلهم ديل جابو القروش دي من وين ديل حناكيش
قشرة و راحاتهم دي مصطنعة العاوزين يغيرو النظام ده ما الحناكيش ديل هم أولاد الغبش البيشوف أبوه و أمو بيطلعو من الفجر
و يرجعوا بعد المغرب و يادووووب البيلقوه بيغطي
بالظبط كدا. الحناكيش شباب بعيدين كل البعد عن هم البلد، لذلك يلصقون هذا الاسم بالشباب الذي يقود التغير.
| |
|
|
|
|
|
|
|
|
 Re: ما معني حنكوش (Re: Fatima Alhaj)
|
سلامات ابو سن
الحناكيش هم الرمبزة ...
بعدين تطور طبيعياً وعضوياً عبر عدة مسميات حتى استقر بمعني حنكوش على يد فرقة حلمنتيش الكيزان في التمانيات ومنها سار الاسم ..
لكن الحنكوش له معنى اخر باللهجة المصرية يخدش الحياء العام أوي :)
تحياتي
| |
|
|
|
|
|
|
|
|
|
Re: ما معني حنكوش (Re: HAIDER ALZAIN)
|
1984م كنت بجامعة الخرطوم
في السنة الأولي علوم رياضيات
مفردة حنكوش أقدم بكثير من فرقة حلمنتيش
......................................
توجد مساهمة لكوز هنا توضح اصل المفردة في القاموس السياسي
الحديث لمقاتلي خنادق البترول الواثبين و اصحابهم.
الناس بتشتغل بالريموت كنترول و الغمّاز و مكلفين بأن يقولو كلام محدد
في زمن محدد
ونحن نرصد ما يكتبون
شكرا يا اب سن
| |
|
|
|
|
|
|
|
|
|
Re: ما معني حنكوش (Re: طه جعفر)
|
تحياتي عاطف عمر
وحبابك
كتر خيرك
ولنجعل هذه النافذة تبقي ارجو شاكرا دون أمر ان نبعد عن شخصنة الحوار
في اللغة متسعا للنقد
| |
|
|
|
|
|
|
|
|
|
Re: ما معني حنكوش (Re: عبدالحفيظ ابوسن)
|
حبابكم
عاطف
عمر
كان رسول الله صلي الله عليه وسلم يكني و يضرب الامثال .. ولا يباشر احدا بنعته ونحن له مقتبسون
لطف القول لا يمنع من تبيان تناقض احدهم او فضح كذبه . دون ان نقول له انت كاذب
وكما يقول اهلنا
فلان سليم عين
وهي ألطف من اعور
| |
|
|
|
|
|
|
|
|
|
Re: ما معني حنكوش (Re: عبدالحفيظ ابوسن)
|
شيخ العرب ود ابسن
حبابك الف
مصطلح حنكوش لغة لا يستقيم وشباب الثورة
لان الحنكوش هو الخروف الضالع او الحمل الضالع
الذي لا يستطيع مجارة القطيع
ولكن ما شاء الله
كباشنا تنطح الما بتناطح
| |
|
|
|
|
|
|
|
|
|
Re: ما معني حنكوش (Re: جلالدونا)
|
عودة
دون رد راتب
كتر خيركم كلكم سأعود لكم فرادي
لكن كورجا كدة !
قبل التمانينات زاتها بدت حركة حلمنتيش
بما يسمي
هيئة حلمنتيش العليا
ومؤسسها دكتور محمد عبدالله الريح ( حساس محمد حساس ) وبدت شرايط الكاسيت تنتشر وخشت معاها رندوك الجامعة تلك الانجليزية المسودنة .. جكستها ومدبرس وكلمات رندوكية خالصة .. طرح و كسح وحنكوش وغيرها
كانت الخرطوم تلالي في شارع الجمهورية وكازينو النيل الازرق جوار البركس .. تقصدها الاسر لاقامة الحفلات كل خميس قبل الصالات وبها متنفس لطلاب البركس واكل وحسان
المفارقة كانت كبيرة .. بيننا ناس الاقاليم واهل البندر سمتا ولغة واهتمام وسلوك .. استغلها الشباب كمفارقة فكاهية دون احساس بالدونية ..
فعلا حنكوش كانت تعني مدلع ... منعم .. لايفقه عن صعوبة الحياة وقسوتها
ثم انفصلت الحنكشة من العاصمة لتصبح سلوكا .. متحنكش ليس بحنكوش
التوصيف السياسي الآن إزدراء بهم وتقليل لشأنهم
اياهم وليداتنا الفاجأونا وفاجأو تنميطنا
| |
|
|
|
|
|
|
|
|
|
Re: ما معني حنكوش (Re: عبدالحفيظ ابوسن)
|
الحنكشة اسلوب حياه فرضته ظروف طبقية و نظام تربية محدد ، ولا بأس من الحديث عنها على سبيل التندر ، لكن الاعتقاد السائد بأن الحكناكيش ما ناس حارة ده كلام فاضي يمكن ان نرده لمقدمة بن خلدون الذي تحدث عن الفرق بين اهل البادية والحضر و تحيز فيه للبدو بطريقة غير علمية بحسب مناهج العلوم الاجتماعية المعاصرة . بن خلدون يرى ان البدو اشد بأسا واقوى شكيمة من الحضر الخ الخ وهو سلوك تعويضي بحت لا علاقة له بالحقيقة ، لا اعتقد ان حناكيشنا تربوا تربية اكثر نعومة من ابناء الكثير من دول الرفاه في الغرب وكلنا قرأ الكثير عن بطولات تلك الشعوب في الحروب المختلفة التي خاضتها دولهم . هذا سلوك تعويضي يمارسه بعض من يحسون بانفسهم اقل حظا او شأنا تجاه رصفائهم مما يسمون بال Privileged Classes ،وينتج هذا السلوك الكثير من التنميطات مثل الخواجات خوافين ، الافارقة لديهم مقدرات جنسية عالية ، الحناكيش ما ناس حارة ، الخ الخ فقط ليشعر معتنق هذه التنميطات البالية بالرضا الزائف عن نفسه .
| |
|
|
|
|
|
|
|
|
|
Re: ما معني حنكوش (Re: Abdullah Idrees)
|
تنميط زيو وزي أي تنميط فاضي ولا علاقة له بالواقع ..
وتقدر تضمه لمجمل الحيل النفسية ..
طبعا كلمة زي دي فيها بخس للآخر وانتقاص من قدره ..
الكلام ده بيرجع الواحد لي مناقشات الاقليمي والعاصمي ..
الكانت زمان وعفى عليها الزمن ..
خلاص الناس وعت وعرفت إنه التنميط ده محض هراء ..
فلا الخناشير شجعان وناس حارة ..
ولا الحناكيش خوافين وناس باردة ..
وقت الحارة بس هو البيبين معادن الناس ..
ورب حنكوش خير من ألف خنشور ..
أو كما قال ..
| |
|
|
|
|
|
|
|
|
|
Re: ما معني حنكوش (Re: عبدالحفيظ ابوسن)
|
الأخ عبدالحفيظ تحياتي،
الفرق الوحيد بين ما تسمونهم ب (الحناكيش) الجيل الجديد وبين الجيل القديم (التفتيحة) حسب
المصلطلحات السودانية المبتكرة حديثا هي فقط في (إختلاف الثقافات) أو كما ذكر الأخ عبدالحفيظ.
هذا الجيل تربى في بيئة تختلف عن البيئة السودانية المتعارف عليها. يختلفون في كل شيء، في مستوى تعليمهم وتفكيرهم وتصرفاتهم
وحتى في طريقة كلامهم. هؤﻻء الجيل (الحناكيش) بشر مثلنا وليسوا قوم قادمون من كوكب آخر، إنهم أبناؤنا وفلذات أكبادنا التي تمشي على الأرض،
لديهم إحساس وشعور صادق مثل كل الناس.
لا يعرفون أساليب الغش والخداع والمحسوبية والحقد والكراهية المتبعة حاليا في السودان.
تجدهم دائما في المقدمة متكاتفون ويعملون مع بعض يحاولون التجاوب والمشاركة والتعبير بطريقتهم الخاصة في كل ما يلم بهذا الشعب من ظلم وقهر.
لا تظلمونهم بالكلمات الجارحة.. فلو جئنا للجد تعليمهم أفضل وأرقى درجات من تعليمنا زمان. يفكرون جيدا قبل أن يتخذوا أي قرار.
يعرفون أشياء علمية كثيرة وفي التكنولوجيا الحديثة ويجيدون إستخدامها على أفضل وجه.
يتعاملون مع الأشياء ببساطة ولا مكان للحقد في قلوبهم ولا يفرقون بين الناس ولا يعرفون حاجة إسمها القبلية فالناس عندهم سواسية.
هم ليسوا بعيدين عن البلد ولكن أنتم لم تعطوهم الفرصة لكي يعبروا عما بداخلهم من إحساس وعن حبهم وإنتمائهم لبلدهم.
من سوء حظهم أنهم ولدوا في مرحلة وظروف تختلف في كل شيء إبتداء من مستوى التفكير والتصرفات وغيره. وجدوا في هذه المرحلة
كل أفعال القبح تحيط بهم من كل الجوانب. وجدوا الناس تقتتل في بعضها البعض، فساد، دمار، سحل وقتل للأبرياء، والبؤس والفقر والشقاء
في كل مكان. وجدوا البلد منقسمة الى بلدين وكثرت الطوائف والمذاهب والجماعات والأحزاب وإختلط الحابل بالنابل وضاعوا هم في الوسط
صعب عليهم أن يفهموا شيء من الواقع المعاش لذلك أصبحوا في موضع تندر. رغم كل هذه الظروف مجتمعة لكنهم مواصلون في إبداعهم
وفي كل يوم نشاهد إنجازاتهم الجديدة.
إبحثوا في الإنترنيت لتشاهدوا بأنفسكم الوجه المشرق لشبابنا السوداني لتعرفوا شيء عن مستوى تفكيرهم وماذا يفعلون.
أرى في هؤﻻء (الحناكيش) مستقبل وضاء ومشرق أفضل منا بكثير لأنهم هم من يقودون السودان في المستقبل الى بر الأمان.
| |
|
|
|
|
|
|
| |
عبدالحفيظ ابوسن
Fatima Alhaj
عبداللطيف خليل محمد على
معاوية الزبير
أحمد الشايقي
Ali Abdalla Hassan
kamal omer
قسم الفضيل مضوي محمد
HAIDER ALZAIN
طه جعفر
د.محمد حسن
جلالدونا
Abdullah Idrees
جمال ود القوز
عزيز عيسى
فيس بوك
تويتر
انستقرام
يوتيوب
بنتيريست