|
دعواتكم لزميلنا المفكر د.الباقر العفيف بالشفاء العاجل
|
|
 Re: تفقد للصديقة الاسفيرية اخلاص المشرف (Re: أبوبكر عباس)
|
عقد اللولي
نص أدبي بقلم المستنير أبوبكر عباس:
اسمرا شارع الحب:
كعادتي عند زياراتي للمدن لأول مرة، أتفقد مكامن الجمال فيها...
سألت موظفة إستقبال الفندق الأنيقة: وين بتنصحيني أبدأ زيارتي للمدينة؟
قالت لي أنت كسوداني أنصحك تبدأ بشارع الحرية (شارع الحب)
النصيحة دي رفعت معنوياتي وقلت بسري معقول البت دي ما لاحظت كُبر سني!!
المهم رجعت الأوضة غيرت القميص ب T شيرت لونو أخضر بأصفر وفيهو زيق بنفسجي وطلبت تاكسي...
دخلت مقهى مقابل لكنيسة جميلة جدا وتبدو كتحفة معمارية قديمة. لقيت ست البن حولها تلطاشر كرسي بلاستيك زُرق، جالسات فيهن تمانية بنات لونن قمحي على ذهبي ناصع، وجالسين معاهن تلاتة أولاد سودانيين واعيين وواحد نايم على كرعين واحدة من القمحيات. كل شاب عن اليمين واليسار جنبو ذهبية والكرسي التلطاشر الفاضي كان قصاد ست البُنّة.
سلمت وبعد الإبتسامات الإستقبلتني من التسع الناصعات جلست في الكرسي الخالي وطلبت بارد وقهوة وسألت السوداني العلى يساري، كيف ألقى Sim كارد إيجار؟
في اللحظة دي السوداني النائم صحى وقال: أنا تاني الأسدّة دي ما بفارقها...
اليساري قال لي: قلت شنو؟ قلت ليهو داير سيم كارد أيجار؟
الأسدّة ردت لي: وبعد السيم كارد ما داير حاجة؟
قلت ليها: لو ما بتجيب ليها نوم نهار؛ بجي
التمانية بمن فيهن ست البُن ضحكن وقالن بصوت واحد: ووواو
في نص كلامنا داك، دخلت نمرة عشرة، وفعلا نمرة عشرة، لابسة جزمة برتقالية وبنطلون أصفر أضيق خمسين مرّة من بنطلون لبنى داك الكانوا دايرين يجلدوها بسببو!! وبلوزة خضراء بالأحمر وكولا صفرا ، الألوان بالرغم من كجيني ليها في فريق الكامرون، لكن إختلاف الشماعة أحدث فرق في "شبكية الزول البشاهد"!!وبتدخن في سجائر محلي رخيص، قالت: إزيكم يا حلوين؟ كيف دُنيا معاكم؟ الهندي دا، جابو منو؟
السوداني النائم رفع راسو وقال: دا ما هندي، دا سوداني جابو الدرب وكايس (السم)، وبسرعة رجع لمرقدو..
طلعت نفس من السجارة ورجعت لوراء شوية وما زالت واضعة يدها الشمال في شعر السوداني اليميني وكوركت: زيكو، تعال أدي الزول داprepaid sim card ولاحظت للآكسنت المختلف بتاعها وبدون مقدمات قلت ليها: درستي وين؟
قالت:I studied elementary school in South Africa
قاطعنا زيكو قائلاً: السيم كارد اليوم بخمسين نقفة وأقل شيء شهر وممنوع تكلم في السياسة وأوعك ترد علي رقم ما بتعرفو
قلت ليهو: ممكن اتكلم في الحُب؟
ضحك ساخرا وقال: إتّا قايل هنا دا سودان، الحب هنا عملي
الكاميرونية قالت لي: داير تحب؟
| |
 
|
|
|
|
|
|
|
|
Re: تفقد للصديقة الاسفيرية اخلاص المشرف (Re: فردوس جامع)
|
شكرا يا فردوس على المرور والتحية للصديقة اخلاص
-----------
هامش:
يا أخي، الواحد يقر بالهزيمة من القراد الإلكتروني وينسحب من المنبر
عندي مقال ح انزلو بسودانايل يتحدث عن صعوبة الاستنارة في ميدان عقرب؟!
ان شاء الله جادات والصائم يردموكم كضب ساذج لامن عيونكم يحمّرن
ش ش ش
شيلوا شيلتكم أنا شردتا
| |
|
|
|
|
|
|
|
|
|
Re: تفقد للصديقة الاسفيرية اخلاص المشرف (Re: أبوبكر عباس)
|
خالص التعازي للدكتورة إخلاص المشرف في وفاة خالها السيد حسن بابكر صالح سوارالذهب والذي حدثت وفاته الأسبوع الماضي ..
رحم الله الفقيد رحمة واسعة .. والهم آله وذويه الصبر وحسن العزاء
والتعازي موصولة لعموم أهلنا السوراب ..
جبر الله كسركم يا اخلاص. وتقبلوا تعازي السيد الوالد حيدر المشرف والوالدة وعمار والاخوات.
*علمت الآن بالوفاة ..
وأردت العزاء هنا .. لربما كان هذا الفقد الجلل سببا وراء الغياب.
| |
|
|
|
|
|
|
|
|
Re: تفقد للصديقة الاسفيرية اخلاص المشرف (Re: محمد حيدر المشرف)
|
خالص التعازي للدكتورة إخلاص المشرف في وفاة خالها السيد حسن بابكر صالح سوارالذهب
والذي حدثت وفاته الأسبوع الماضي ..
للفقيد الرحمة
و العزاء للدكتورة اخلاص و ل آل سوار الدهب
و آل المشرف ....
العزاء لك عزيزي محمد حيدر المشرف
و لله ما أعطَي و لله ما أخذ
| |
|
|
|
|
|
|
|
|
|
Re: تفقد للصديقة الاسفيرية اخلاص المشرف (Re: عبدالحفيظ ابوسن)
|
الاحباب والاصدقاء
الود والمحبة للجميع
عندما لجأ البعض لشخصنة الامور والهجوم الشرس فقد وضعوا خطآ فاصل بين الظلامية والاستنارة
مناقشة الفكر تتم بدحضة وتفنيدة اما الشخصنة ف تضع حد للنقاش لا يستطيع المرء المواصلة بعدها
وانما هي فكرة
الاحباء المتداخلون جميعآ لكم الشكر علي تفقدي و اشكركم علي مشاطرتي حزني في فقدي الجلل للخال
العطوف وبفقده انهد ركن من اركان طمأنينتي ولا نقول الا ما يرضي الله
اللهم ارحم خالي حسن بابكر سوارالدهب وادخله فسيح جناتك واغفر
انا لله وانا اليه راجعون
| |
|
|
|
|
|
|
|
|
|
Re: تفقد للصديقة الاسفيرية اخلاص المشرف (Re: اخلاص عبدالرحمن المشرف)
|
الاحباب والاصدقاء
الود والمحبة للجميع
عندما لجأ البعض لشخصنة الامور والهجوم الشرس فقد وضعوا خطآ فاصل بين الظلامية والاستنارة
مناقشة الفكر تتم بدحضة وتفنيدة اما الشخصنة ف تضع حد للنقاش لا يستطيع المرء المواصلة بعدها
وانما هي فكرة
ــــــــــــــــــ
خالص التعازي في فقدكم الكبير
اتمني ان تواصلي تقديم فكرتك دون اعتبار لهجوم الشخصنة
| |
|
|
|
|
|
|
| |
أبوبكر عباس
محمد حيدر المشرف
حيدر حسن ميرغني
عبدالحفيظ ابوسن
فردوس جامع
Hamid Elsawi
احمد حمودى
علاء سيداحمد
جمال ود القوز
محمد البشرى الخضر
كمال عباس
عبدالعزيز الفاضلابى
حمد إبراهيم محمد
عبداللطيف حسن علي
معاوية المدير
Munir
فيس بوك
تويتر
انستقرام
يوتيوب
بنتيريست